#matbuot_anjumani

✅Bugun, Adliya vazirligi tomonidan Chilonzor tuman Davlat xizmatlari markazida “Biznesni 15 daqiqada boshlash” mavzusida matbuot anjumani o‘tkazildi.

🧑🏻‍💻Unda ommaviy axborot vositalari, blogerlar, tadbirkorlar hamda jamoatchilik vakillari ishtirok etdi.

🔺Davlat xizmatlari markazlari va FHDYO organlari faoliyatini muvofiqlashtirish boshqarmasi boshlig'i tomonidan tadbir ishtirokchilariga sohada amalga oshirilayotgan islohotlar, yangi xizmatlar, qulayliklar va xalqaro tajribani joriy etish yo‘nalishlari haqida batafsil ma’lumot ma'lumot berdi.

🔹Xususan, O‘zbekiston Respublikasi Prezidentining tadbirkorlar bilan V ochiq muloqotida belgilangan vazifalar ijrosini ta’minlash, biznesni boshlash jarayonida davlat xizmatlarini kompleks ko‘rsatish, litsenziyalash va ruxsat berish tartib-taomillarini qisqartirish maqsadida Prezidentimizning 2025-yil 14 noyabrdagi PF–214-son “Biznes yuritishni hamda litsenziyalash va ruxsat berish tartib-taomillarini soddalashtirishga doir navbatdagi chora-tadbirlar to‘g‘risida”gi Farmoni qabul qilindi.

🔹Mazkur Farmon tadbirkorlarning ma’muriy xarajatlarini 90 milliard so‘mgacha qisqartirish, shuningdek, davlat organlari bilan o‘zaro hamkorlik jarayonida 15 kungacha vaqtni tejash imkonini beradi.

🔹Farmonga muvofiq, 2026-yil 1-yanvardan boshlab “Biznesni 15 daqiqada boshlash” tamoyili asosida tadbirkorlarni davlat ro‘yxatidan o‘tkazishda bir vaqtning o‘zida bir qator xizmatlarni ko‘rsatish yo‘lga qo‘yiladi. Jumladan, elektron raqamli imzo berish, bank hisobvaraqlarini ochish va faollashtirish, ayrim faoliyat turlari bo‘yicha litsenziya va ruxsatnomalarga ariza topshirish, ko‘chmas mulk ijara shartnomasini rasmiylashtirish, qo‘shilgan qiymat solig‘i to‘lovchisi guvohnomasini olish, onlayn nazorat-kassa mashinalarini xarid qilish va ro‘yxatdan o‘tkazish, shuningdek, yuridik shaxs rahbarini “Yagona milliy mehnat tizimi”da hisobga qo‘yish imkoniyati yaratiladi.

🔹Shuningdek, 2026-yil 1-yanvardan boshlab yakka tartibdagi tadbirkorlarga firma nomiga ega bo‘lishga ruxsat beriladi. Tadbirkorlik subyektlarining birlamchi ma’lumotlari o‘zgargan taqdirda, ushbu o‘zgarishlar guvohnomalar, litsenziyalar va ruxsatnomalarga idoralararo elektron hamkorlik orqali avtomatik va bepul kiritiladi.

🔹Bundan tashqari, 2026-yil 1-martdan boshlab litsenziyalash va ruxsat berish tartib-taomillarini yanada soddalashtirishga qaratilgan qo‘shimcha chora-tadbirlar amalga oshiriladi.

🔹Farmon bilan joriy etilayotgan yangiliklar tadbirkorlar uchun qulay ishbilarmonlik muhitini yaratish, biznesni tez va oson boshlash hamda ma’muriy to‘siqlarni kamaytirishga xizmat qiladi.

🔵Shu bilan birga, ishtirokchilar tomonidan berilgan savollarga vazirlik mas'ullari tomonidan batafsil javob berildi hamda ularning takliflari tinglandi.

Telegram | Instagram | Facebook | YouTube | Bot

#matbuot_anjumani

✅Xotin-qizlar va bolalar huquqlarini himoya qilish bo‘yicha aniq natijalar va yangi tashabbuslar muhokama qilindi.

🔸Bugun, O‘zbekiston Milliy matbuot markazida O‘zbekiston Respublikasi Adliya vazirligi hamda hamkor tashkilotlar ishtirokida inson huquqlari, xususan, xotin-qizlar va bolalarning huquq hamda erkinliklarini himoya qilish masalalariga bag‘ishlangan matbuot anjumani bo‘lib o‘tdi.

🔹 So‘nggi yillarda mazkur yo‘nalishda 20 dan ortiq normativ-huquqiy hujjatlar qabul qilinib, zo‘ravonlik va tazyiqning oldini olish bo‘yicha huquqiy mexanizmlar kuchaytirildi.

📊 Amalga oshirilgan ishlar natijalari:
– 6,5 ming nafarga yaqin xotin-qizlarning huquqiy muammolari ijobiy hal etildi;
– 41 mingdan ortiq xotin-qizlarga bepul huquqiy yordam ko‘rsatildi;
– 5 mlrd so‘mdan ortiq nafaqa va ish haqi undirilishi ta’minlandi;
– 500 dan ortiq xotin-qizlarning bandligi ta’minlandi;
– 1 ming nafardan ortiq shaxslar bepul kasbga tayyorlash kurslariga jalb etildi.

📊Bolalar va yoshlar huquqlari bo‘yicha:
– 1 550 ta sayyor qabul o‘tkazilib, 3,3 mingga yaqin murojaat ko‘rib chiqildi;
– 2 mingdan ortiq bola va yoshlarning buzilgan huquqlari tiklandi;
– 279 nafar shaxsning ish haqi va ustamalari undirilishi ta’minlandi;
– 655 nafariga imtiyoz va subsidiyalar qo‘llanildi.

❗️Shuningdek, bolalarga nisbatan zo‘ravonlik xavfi yuzaga kelganda avtomatik xabar beruvchi raqamli yechimlarni joriy etish,
bolalarga nisbatan jinsiy zo‘ravonlik sodir etgan shaxslar bo‘yicha ochiq reyestr yuritish tashabbuslari ilgari surildi.

🔸Bundan tashqari, xususiy maktabgacha ta’lim tashkilotlari faoliyatini tartibga solishni kuchaytirish, xodimlarni majburiy psixologik baholashdan o‘tkazish hamda zo‘ravonlik holatlariga nisbatan muassasalarga moliyaviy javobgarlik choralarini joriy etish bo‘yicha takliflar bildirildi.

🔹 Mazkur tashabbuslar xotin-qizlar va bolalar huquqlarini himoya qilish tizimini yanada mustahkamlashga xizmat qiladi.

Telegram | Instagram | Facebook | YouTube | Bot

#matbuot_anjumani

✅“Oʻzbekiston – 2030” strategiyasi: qonun ustuvorligi va raqamli davlat boshqaruvi muhokamada

🔹Bugun “Taraqqiyot strategiyasi” markazida takomillashtirilayotgan “Oʻzbekiston – 2030” strategiyasi loyihasining “Qonun ustuvorligini ta’minlash, xalq xizmatidagi davlat boshqaruvini tashkil etish” yo‘nalishi bo‘yicha matbuot anjumani, shuningdek jamoatchilik eshituvi bo‘lib o‘tdi.

🔸Tadbirda Adliya vazirligi, Prezident huzuridagi Boshqaruv samaradorligi agentligi, Raqamli texnologiyalar vazirligi hamda OAV va jamoatchilik vakillari ishtirok etdi.

🔹 Ta’kidlanganidek, Prezident Shavkat Mirziyoyevning Oliy Majlis va O‘zbekiston xalqiga yo‘llagan Murojaatnomasida “Oʻzbekiston – 2030” strategiyasini bugungi real sharoit, yangi ustuvor vazifalar va aholi ehtiyojlaridan kelib chiqib qayta ko‘rib chiqish zarurligi alohida qayd etilgan.

🔹 Matbuot anjumanida strategiya loyihasida davlat boshqaruvi va davlat xizmatlari sohasini to‘liq raqamlashtirish orqali samaradorlikni oshirish, byurokratik to‘siqlarni bartaraf etish va aholiga qulaylik yaratishga qaratilgan muhim vazifalar belgilanganligi ma’lum qilindi.

📌 Xususan:
▪️davlat xizmatlarini proaktiv va kompozit shaklda ko‘rsatish sonini kamida 400 taga yetkazish;
▪️100 dan ortiq davlat xizmatlari muddatlarini 50 foizga qisqartirish;
▪️500 ga yaqin xizmatlar tartib-taomillarini soddalashtirish;
▪️110 dan ortiq hujjat va ma’lumotlarni talab qilishni to‘liq bekor qilish;
▪️mahalliy hokimiyatlarda “byurokratiya – nol” tamoyilini to‘liq joriy etish rejalashtirilgan.

🔸Matbuot anjumani yakunida mas’ullar jurnalistlarning savollariga batafsil javob berib, takomillashtirilayotgan “Oʻzbekiston – 2030” strategiyasi xalqchil, ochiq va aniq natijalarga yo‘naltirilgan hujjat bo‘lishini ta’kidladilar.

📌Telegram | Instagram | Facebook | YouTube | Bot

#matbuot_anjumani
#hisobot

✅2025-yil yakunlari sarhisobi muhokama qilindi

Bugun O‘zbekiston Milliy matbuot markazida Adliya vazirligi tomonidan 2025-yil yakunlariga bag‘ishlangan matbuot anjumani bo‘lib o‘tdi. Unda tizimda amalga oshirilgan islohotlar, erishilgan natijalar hamda istiqboldagi ustuvor vazifalar yuzasidan batafsil ma’lumot berildi.

Matbuot anjumanida ta’kidlanganidek, hisobot davrida fuqarolarning huquq va qonuniy manfaatlarini himoya qilish, davlat xizmatlarini yanada qulaylashtirish va huquqiy madaniyatni oshirish borasida keng ko‘lamli ishlar amalga oshirildi. Xususan, 258 ta normativ-huquqiy hujjat ishlab chiqilib, 30 turdagi ortiqcha hujjat talab qilish amaliyoti bekor qilindi.

Shuningdek, “Biznesni 15 daqiqada boshlash” tamoyili joriy etilib, tadbirkorlik subyektlariga bir vaqtning o‘zida 7 ta xizmat ko‘rsatish yo‘lga qo‘yildi. “Proaktiv qonunchilik” asosida yangi hujjatlar haqida avtomatik xabardor qilish tizimi ishga tushirildi hamda 1600 ta majburiy talab bekor qilindi.

Aholining huquqiy savodxonligini oshirish maqsadida 1 milliondan ortiq targ‘ibot tadbirlari tashkil etilib, “Huquqiy mahalla” loyihasi doirasida 1,8 millionga yaqin xonadon o‘rganildi. Natijada aniqlangan muammolarning 97 foizi ijobiy hal etildi, minglab fuqarolarning huquqlari tiklandi.

Bundan tashqari, 2025-yilda 61 milliondan ortiq davlat xizmatlari ko‘rsatilib, xizmatlar muddati keskin qisqartirildi. Notariat va ta’lim tizimida raqamlashtirish ishlari kengaytirilib, yangi innovatsion platformalar joriy etildi.

Matbuot anjumani davomida ommaviy axborot vositalari bilan ochiq muloqot tashkil etilib, ularning savollariga batafsil javoblar berildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bote