✅Adliya vazirligi tashabbusi bilan Yashnobod tumanida mehnat yarmarkasi o‘tkazildi

🔹Adliya vazirligi tomonidan aholining bandligini ta’minlash va ularni barqaror daromad manbaiga ega qilish maqsadida Yashnobod tumanida “Bo‘sh ish o‘rinlari mehnat yarmarkasi” tashkil etildi.

🔹Tadbir 18-mart kuni Respublika kasbiy ko‘nikmalar markazida o‘tkazilib, unda 25 ta yirik korxona va tashkilotlar 650 dan ortiq bo‘sh ish o‘rinlari bilan ishtirok etdi. Shuningdek, 9 ta tijorat banklari ham jalb qilindi.

Yarmarkada 150 nafardan ortiq fuqarolar qatnashib, natijada:
• 8 nafar fuqaro ishga joylashtirildi
• 25 nafari ishga yo‘naltirildi
• 12 nafariga ishga joylashish uchun yo‘llanma berildi
• 13 nafari ishga kirish uchun anketa to‘ldirdi

🔹Bundan tashqari, 18 nafar fuqaro kasb-hunar o‘rganish uchun o‘quv markazlariga yo‘naltirildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bote

Raqamli sud ekspertiza va tadqiqot markazi
faoliyati yo‘lga qo‘yildi

🗓 Joriy yilning 18-mart kuni X. Sulaymonova nomidagi Respublika sud ekspertiza markazida Raqamli sud ekspertiza va tadqiqot markazining ochilish marosimi bo‘lib o‘tdi.

📌 Ma’lumot uchun, Markaz O‘zbekiston Respublikasi Prezidentining 2025-yil 8-sentabrdagi “Sud-ekspertlik faoliyatini yanada takomillashtirish va sohaga zamonaviy texnologiyalarni keng joriy etish chora-tadbirlari to‘g‘risida”gi PQ–270-son qarori ijrosini ta’minlash maqsadida Toshkent davlat yuridik universiteti, Hindiston milliy kriminalistika fanlari universiteti va “Axxonet System Technologies” kompaniyalarning hammuassisligida tashkil etildi.

👨‍💼Tadbirda “Raqamli sud ekspertiza va tadqiqot markazi”ning asosiy faoliyat yo‘nalishlari, maqsad va vazifalari, ko‘rsatiladigan xizmatlar hamda olib boriladigan tadqiqotlar yuzasidan tushuntirishlar berildi. Shuningdek, tadbir ishtirokchilari mamlakatimizda sud-ekspertiza sohasini yanada rivojlantirish, sohani raqamlashtirish, sud-ekspertiza sohasiga sun’iy intellektni joriy etish, bu borada Hindiston tajribasi keng qo‘llash masalalari muhokama etildi.

✅Markaz faoliyati mamlakatimizda yuridik ta’limni yanada rivojlantirish, talabalarning amaliy bilim olishini ta’minlash, zamonaviy texnologiyalarni o‘quv jarayonlariga joriy etish, sud-ekspertiza sohasini raqamlashtirish, unga sun’iy intellekt texnologiyalarini keng jalb etishga ko‘maklashish hamda raqamli sud ekspertizalariga oid tadqiqotlarni o‘tkazishga xizmat qilishi bilan ahamiyatlidir.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bote