#Adliya_xabari

✅Navro‘z bayrami arafasida notariuslar va ularning ota-onalari e’tirof etildi

🔹Xorazm viloyati adliya boshqarmasida O'zbekiston Respublikasi Notarial palatasi Xorazm viloyati hududiy boshqarmasi bilan hamkorlikda 21-mart – Navro‘z umumxalq bayrami munosabati bilan notariuslar va ularning ota-onalari ishtirokida ma’naviy-ma’rifiy tadbir bo‘lib o‘tdi.

🔹Tadbirda notariat sohasida huquqiy madaniyatni yuksaltirishda, vazifa va topshiriqlarni samarali bajarishda faol qatnashayotgan, jumladan onlayn notarial harakatlarni rasmiylashtirishda yuqori natijalarga erishayotgan bir guruh notariuslar e’tirof etilib, ularga Xorazm viloyati adliya boshqarmasi boshlig‘ining faxriy yorliqlari tantanali ravishda topshirildi.

🔹Shuningdek, farzandlarini halollik, mas’uliyat va vatanparvarlik ruhida tarbiyalab, jamiyat ravnaqiga munosib hissa qo‘shayotgan fidoyi mutaxassislarni kamolga yetkazganlari uchun bir guruh notariuslarning ota-onalariga O'zbekiston Respublikasi Notarial palatasi raisining tashakkurnomalari topshirildi.

🔹Tadbirda ota-onalar farzandlariga ko‘rsatilayotgan e’tibor va hurmat uchun samimiy minnatdorlik bildirdilar.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_xabari

Jamoatchilik kengashi a'zolari bilan ochiq muloqot tashkil etildi

✅Bugun Adliya vazirligi huzuridagi Jamoatchilik kengashining navbatdagi yig‘ilishi bo‘lib o‘tdi. Unda adliya vazirining birinchi o‘rinbosari M. Istamov, kengash a’zolari ishtirok etdi.

🎚Yig‘ilish davomida jamoatchilik nazoratini kuchaytirish, adliya organlari faoliyatining ochiqligi va shaffofligini ta’minlash, shuningdek, fuqarolar bilan samarali muloqotni yo‘lga qo‘yish masalalari atroflicha muhokama qilindi.

🔘Shu bilan birga, sohada mavjud muammolar va ularni bartaraf etish bo‘yicha amaliy takliflar bildirildi. Jamoatchilik kengashi a’zolari tomonidan ilgari surilgan tashabbuslar kelgusidagi faoliyatni yanada takomillashtirishga xizmat qilishi ta’kidlandi.

🤔Tadbir ochiq muloqot shaklida tashkil etilib, ishtirokchilar o‘z fikr-mulohazalari, taklif va tavsiyalari bilan faol ishtirok etdilar. Bu esa davlat organlari va jamoatchilik o‘rtasidagi o‘zaro hamkorlikni mustahkamlashda muhim ahamiyat kasb etdi.

✔️Yig‘ilish yakunida bildirilgan taklif va fikrlar asosida tegishli chora-tadbirlar ishlab chiqilishi hamda kelgusidagi faoliyatda ularni inobatga olish bo‘yicha kelishib olindi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot