Vengriya adliya vaziri o‘rinbosari, qonunchilik ishlari bo‘yicha davlat kotibi Zoltan Totning O’zbekistonga xizmat safari davomida olgan taassurotlari

Uchrashuv davomida biz juda ko‘p foydali tajribalarni o‘rganish imkoniga ega bo‘ldik va bu bilimlar kelgusida faoliyatimizda albatta qo‘l keladi.

Hozirgi kunda Vengriyada tomonlar masofadan turib ham shartnomani notarial hujjat sifatida rasmiylashtirish imkoni hali mavjud emas.

Shu bois, biz aynan shunday tizim muvaffaqiyatli ishlayotgan davlatni izlab, uning tajribasini o‘rganishni maqsad qildik. Ushbu tizim qanday ishlashi, unda biz uchun foydali bo‘lishi mumkin bo‘lgan jihatlarni sinchkovlik bilan o‘rganmoqdamiz.

Agar bu tajribani Vengriya huquq tizimiga moslashtirish imkoniyati bo‘lsa, biz uni albatta amaliyotga joriy etishni maqsad qilganmiz.

Telegram | Instagram | Facebook | YouTube | Bot

#barcha_baxtli_bo’lishga_haqli

IVAN BOBONING “KO‘KSIGA SHAMOL TEGADIGAN BO‘LDI” 

🔍 Gap shundaki, ayni paytda Qiziltepa tumanida istiqomat qilayotgan Yabarov Ivan Egorovich aslida Rossiya Federatsiyasida tug‘ilgan.

✅Bolalgida ma’lum sabablarga ko‘ra O‘zbekistonga kelib qolgan otaxon hozirda 66 yoshda.

✅Ammo shu kunga qadar qo‘lida biror bir hujjati bo‘lmagan. “Bu haqda kimgadir murojaat qilish esimga ham kelmagan” - deydi biz bilan suhbatda.

✅So’zi davomida Qiziltepa xalqi unga boshpana berganini, odamlarning uylarida yumushlariga qarashib rizqini terib yurganini ta’kidlaydi.

✅Adliya bo‘limi tomonidan xonadonbay olib borilgan o‘rganishlar davomida I.Egorovichning masalasi ish yurituviga qabul qilindi. Jarayon unga tugʼilish toʼgʼrisidagi guvohnomasini olishdan boshlandi.

👍Tuman FHDY boʼlimi tomonidan “Fuqarolik, oila hamda jinoyat ishlari boʼyicha huquqiy yordam va huquqiy munosabatlar toʼgʼrisida”gi (2002-yil 7-oktyabr) Kishinev Konventsiyasiga asosan Rossiya Federatsiyasiga soʼrov xatlari yuborilib fuqaroning tugʼilganlik haqidagi guvohnomasini olishga erishildi.

🌟 Ayni paytda qonunchilikda belgilangan tartibda imtiyozlardan foydalanish, yoshga doir nafaqa tayinlash va boshqa huquqlarni ta’minlash maqsadida huquqiy ko‘mak ko‘rsatilmoqda.

📱|Telegram 📱|Facebook 📱|Instagram

Vengriya adliya vaziri o‘rinbosari, qonunchilik ishlari bo‘yicha davlat kotibi Zoltan Totning O’zbekistonga xizmat safari davomida olgan taassurotlari

Bu yerda biz juda qimmatli tajribaga guvoh bo‘ldik. Bizda ham ko‘plab xizmatlar mavjud va turli ishlar amalga oshiriladi. Biroq fuqarolar hamda tadbirkorlar barcha xizmatlarni bir joyning o‘zida va markazlashgan tarzda hal qila oladigan tizim bizda hali mavjud emas.

Shu sababli bu yerda ko‘rgan tajribamiz biz uchun juda muhim va o‘rganishga arziydi. Haqiqatan ham juda samarali va ilg‘or amaliyotga guvoh bo‘ldik.

Bu yerda ko‘rgan ayrim jarayonlar men uchun mutlaqo yangilik bo‘ldi . Bunday tizimni ilgari ko‘rmaganman.

Hayotim davomida men deyarli barcha turdagi huquqiy jarayonlardan qatnashganman: bir tomondan oddiy fuqaro sifatida, ikkinchi tomondan esa notarius sifatida. Ammo bu yerda ko‘rganim meni chinakamiga hayratga soldi.

Menda eng katta taassurot qoldirgan narsa bu xizmatlar fuqarolar uchun naqadar qulay va mijozga yo‘naltirilgan tarzda tashkil etilganidir. Bu tajriba bilan almashganinglar uchun sizlarga yana bir bor samimiy rahmat aytaman.

Telegram | Instagram | Facebook | YouTube | Bot

#Adliya_xabari

Hurmatli yurtdoshlar!

📣 Joriy yilning 18-mart kuni soat 11:00 da Adliya vazirligi tashabbusi bilan Toshkent shahar Yashnobod tumanida joylashgan Respublika kasbiy ko‘nikmalar markazida aholini ish bilan ta’minlash maqsadida keng ko‘lamli “Mehnat yarmarkasi” tashkil etiladi.

Mazkur yarmarkada turli soha va yo‘nalishlar bo‘yicha faoliyat yurituvchi korxona va tashkilotlar ishtirok etib, bo‘sh ish o‘rinlari, kasbga o‘qitish imkoniyatlari hamda bandlikka oid maslahatlar taqdim etadi. Tadbir davomida ish izlayotgan fuqarolar ish beruvchilar bilan bevosita muloqot qilish, o‘zlariga mos ish topish, shuningdek kasbiy ko‘nikmalarini oshirish bo‘yicha ma’lumotlar olish imkoniyatiga ega bo‘ladilar.

⌛️Barcha ish izlayotgan fuqarolarni, ayniqsa yoshlar, xotin-qizlar va kasb o‘rganishga qiziqqan yurtdoshlarimizni mazkur mehnat yarmarkasida faol ishtirok etishga chorlaymiz.

📌Manzil: Toshkent shahar, Yashnobod tumani, Parkent ko‘chasi 331-uy.

Telegram | Instagram | Facebook | YouTube | Bot

#biz_giyohvandlikka_qarshimiz

Yoshlar — jamiyatimizning eng katta boyligi. Ularning sog‘lom, ongli va maqsadli hayot kechirishi esa mamlakatimiz kelajagining mustahkam poydevoridir.

Giyohvandlik illati nafaqat inson salomatligiga, balki jamiyat barqarorligi va taraqqiyotiga ham jiddiy xavf tug‘diradi. Shu bois ushbu illatga qarshi kurashish, uning oldini olish hamda yoshlar o‘rtasida sog‘lom turmush tarzini targ‘ib etish muhim vazifalardan biridir.

Adliya organlari tomonidan ham yoshlarni turli zararli illatlardan asrash, ularning huquqiy ongi va madaniyatini yuksaltirishga qaratilgan targ‘ibot ishlari izchil amalga oshirilmoqda.

Barchani giyohvandlikka qarshi kurashishda befarq bo‘lmaslikka, sog‘lom turmush tarzini tanlashga hamda yoshlarimizni zararli illatlardan asrashga chorlaymiz.

Sog‘lom avlod — sog‘lom jamiyat va yorqin kelajak garovidir.

Telegram | Instagram | Facebook | YouTube | Bot

#Qonunchilikdagi_yangiliklar

Bojxona nazorati jarayonlari uchun yangi hujjat shakllari tasdiqlandi

📗Adliya vazirligi tomonidan “Bojxona ishi sohasida qoʻllaniladigan ayrim hujjatlar va hisobotlar shakllarini tasdiqlash toʻgʻrisida”gi qarorga o‘zgartirish va qo‘shimchalar kiritildi. Tegishli qaror (ro‘yxat raqami 2778-7, 2026-yil 13-mart) davlat ro‘yxatidan o‘tkazildi.

🔎 Ushbu o‘zgarishlar bojxona nazorati jarayonlarini yanada aniq, shaffof va tizimli hujjatlashtirishga qaratilgan.

📎Yangi tartibga ko‘ra quyidagi bojxona hujjatlari shakllari joriy etildi:

🔻Jumladan:
✔️ tovar va transport vositalarini tekshirish natijalarini rasmiylashtirish uchun bojxona ko‘rigi dalolatnomasi
✔️ jismoniy shaxslarning qo‘l yuki va bagajlarini tekshirish bo‘yicha alohida bojxona ko‘rigi dalolatnomasi
✔️ deklarant tomonidan tovarlarni bojxona rasmiylashtiruvidan oldin ko‘zdan kechirish yoki o‘lchash uchun elektron murojaatnoma
✔️ yuklarni bojxona omboriga bojxona xodimi ishtirokida yoki ishtirokisiz tushirish bo‘yicha maxsus dalolatnomalar

💻 Mazkur hujjatlar bojxona organlarining axborot tizimi orqali elektron shaklda tayyorlanadi va rasmiylashtiriladi.

Shuningdek, endilikda avtomobil transportida yuklarni xalqaro yo‘nalishlarda tashish faoliyati uchun litsenziyaga ega bojxona tashuvchilarining Davlat bojxona qo‘mitasiga reyestrga kiritish uchun murojaat qilish talabi hamda ariza shakli bekor qilindi.

Bu yangiliklar bojxona jarayonlarini soddalashtirish va raqamlashtirishga xizmat qiladi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_aralashgach

Fuqaro 20 yil yashagan uyiga egalik huquqini oldi

Fuqaro M.U. “Shukrona” mahallasida 2006-yildan buyon yashab kelayotganligini bildirib, ushbu xonadonga egalik faktini sud orqali belgilashda huquqiy yordam ko‘rsatishni so‘rab Yangiyer shahar adliya bo‘limiga murojaat qilgan.

▶️Batafsil👈

▶️ Kanalga ulanish:👉https://t.me/huquqiytargibot

#OAV_biz_haqimizda

🔹"O'zbekiston Respublikasining ayrim qonun hujjatlariga o‘zgartirish va qo'shimchalar kiritish to'g'risida” 2026-yil 6-martdagi O'RQ-1120-son Qonuni bilan dori vositalarini retseptsiz sotganlik uchun javobgarlik oshirilgani xususida

🔸Adliya vazirligi Axborot xizmati bosh maslahatchisi Anasxon Xamdamov

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot