#adliya_hudud

Namanganda keng qamrovli targ‘ibot tadbiri tashkil etildi

Davlatimiz rahbarining mahallalarda xavfsiz muhit yaratishga qaratilgan qarori ijrosi doirasida Mingbuloq tumani Madaniyat markazida xotin-qizlar va yoshlar uchun keng qamrovli tadbir o‘tkazildi.

Tadbir davomida aholi salomatligiga alohida e’tibor qaratilib, 62 nafar fuqaro tibbiy ko‘rikdan o‘tkazildi, shundan 6 nafariga bepul dori-darmonlar tarqatildi.

Shuningdek, xotin-qizlar bandligini ta’minlash maqsadida tashkil etilgan mehnat yarmarkasida mavjud bo‘sh ish o‘rinlari bo‘yicha ma’lumotlar berildi.

Tadbir doirasida 14 nafar xotin-qizlarga psixologik maslahatlar ko‘rsatildi, yoshlar ishtirokida vatanparvarlik ruhidagi amaliy tadbirlar tashkil etildi.

Ayni kuni ajrim yoqasiga kelib qolgan 5 ta oila bilan suhbatlar o‘tkazilib, ularning 3 tasida yarashuvga erishildi.

Davlat xizmatlari markazi tomonidan 10 ta sayyor davlat xizmati ko‘rsatildi, FHDY bo‘limi tomonidan esa 2 ta oilaga nikoh guvohnomasi topshirildi.

Mazkur tadbir aholi, ayniqsa xotin-qizlarning ijtimoiy faolligini oshirish, ularning bandligini ta’minlash hamda sog‘lom turmush tarzini qo‘llab-quvvatlashga xizmat qilmoqda.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bote

#Adliya_hudud

Naqdsiz hisob-kitoblar — iqtisodiy barqarorlik omili

Bugungi kunda mamlakatimizda iqtisodiy barqarorlikni ta’minlash, moliyaviy shaffoflikni oshirish hamda yashirin iqtisodiyot ulushini qisqartirish borasida keng ko‘lamli islohotlar amalga oshirilmoqda. Bu borada naqdsiz hisob-kitoblarni keng joriy etish muhim ahamiyat kasb etadi.

Xususan, O‘zbekiston Respublikasi Prezidentining “Naqdsiz hisob-kitoblarni ommalashtirish va yashirin iqtisodiyot ulushini qisqartirishga qaratilgan qo‘shimcha chora-tadbirlar to‘g‘risida”gi PF–246-son Farmoniga muvofiq, joriy yilning 1-aprelidan boshlab ko‘chmas mulk hamda transport vositalarini oldi-sotdi qilishda hisob-kitoblar faqat naqdsiz shaklda amalga oshirilishi belgilandi.

Mazkur tartibga ko‘ra, endilikda bitimlar notarius va banklar o‘rtasidagi elektron ma’lumotlar almashinuvi orqali rasmiylashtiriladi. Bu esa, o‘z navbatida, mablag‘larning qonuniy aylanishini ta’minlash, korrupsion holatlarning oldini olish hamda fuqarolar uchun qulay va xavfsiz tizim yaratishga xizmat qiladi.

Shu munosabat bilan Namangan viloyat adliya boshqarmasi boshlig‘i Dilmurod Ahmedov tomonidan hududlarda ushbu tizimning amaliy ijrosi o‘rganilmoqda. Xususan, Norin tumanida faoliyat yuritayotgan xususiy amaliyot bilan shug‘ullanuvchi notariuslar hamda “Asaka bank” filiali xodimlarining faoliyati bilan yaqindan tanishildi.

O‘rganishlar davomida avtomobil oldi-sotdi jarayonlari amalga oshirilayotgan “Norin avto savdo bozori” MChJ hududida yaratilgan shart-sharoitlar, elektron tizimlarning ishlashi hamda fuqarolarga ko‘rsatilayotgan xizmatlar sifati ko‘zdan kechirildi.

Mutasaddilar tomonidan mazkur yo‘nalishda amalga oshirilayotgan ishlarni yanada takomillashtirish, xizmat ko‘rsatish jarayonlarini soddalashtirish va aholiga qulaylik yaratish yuzasidan tegishli tavsiyalar berildi.

Ta’kidlash joizki, naqdsiz hisob-kitoblarning keng joriy etilishi nafaqat iqtisodiy barqarorlikni mustahkamlash, balki jamiyatda moliyaviy intizomni oshirishda ham muhim omil hisoblanadi.

🏢 Namangan viloyati adliya boshqarmasi

Tarmoqlarimizda bizni kuzatib boring

Youtube | Facebook | Telegram | Instagram

#Adliya_xabari #adliya_hudud

🔴 Adliya bo‘limlari faoliyati joylarda o‘rganilmoqda

🔹Jizzax viloyat adliya boshqarmasi tomonidan hududlarda adliya bo‘limlari faoliyati reja asosida o‘rganilib, xodimlar bilan profilaktik suhbatlar o‘tkazilmoqda.

🔹O‘rganishlar davomida xodimlarning mehnat va ijro intizomi holati ko‘zdan kechirilib, aniqlangan kamchiliklarni bartaraf etish hamda belgilangan tartib-intizomga qat’iy amal qilish yuzasidan aniq ko‘rsatmalar berildi.

🔹Shuningdek, davlat xizmatchilarining odob-axloq qoidalari, kiyinish va muomala madaniyati, fuqarolar bilan ishlashda zarur bo‘lgan psixologik yondashuvlar alohida tahlil qilinmoqda.

🔹Mazkur o‘rganishlarning asosiy maqsadi — tizimda korrupsiyaga murosasizlik muhitini shakllantirish, xodimlarda mas’uliyat hissini oshirish hamda korrupsiyaviy omillarga qarshi immunitetni kuchaytirishdan iborat.

🔹Suhbatlar davomida xodimlar tomonidan bildirilgan takliflar tinglanib, har bir ijobiy tashabbus qo‘llab-quvvatlanmoqda.

🔹Shu bilan birga, xususiy amaliyot bilan shug‘ullanuvchi notariuslar bilan naqdsiz hisob-kitoblarni yuritish hamda ijro xatlari bilan bog‘liq masalalar yuzasidan muloqot o‘tkazilib, zarur tavsiyalar berildi.

📌 Bunday o‘rganishlar adliya organlari faoliyatini yanada takomillashtirish, xizmatlar sifatini oshirish hamda tizimda ochiqlik va shaffoflikni ta’minlashga xizmat qilmoqda.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Adliya_hudud

Respublika ishchi guruhi Navoiy viloyatida nizoli oilalar bilan ishlashda amalga oshirilayotgan chora-tadbirlarni o'rganmoqda.

Nizoli oilalar soni yuqori bo'lgan mahallalar adliya organlariga biriktirilgan bo'lib, ularga huquqiy, psixologik va ijtimoiy yordam ko'rsatib kelinmoqda.

Nurota tumanining  "G'ofur G'ulom" mahalla fuqarolar yig'inida adliya boshqarmasi boshlig'i mazkur yo'nalishda amalga oshirilayotgan ishlar to'g'risida ma'lumot berib o'tdi.

Tahlillar shuni ko'rsatmoqdaki, oilalardagi nizolar asosan uchinchi shaxs aralashuvi, tazyiq va zo'ravonlik holatlari, xiyonat hamda moddiy ta'minot bilan bog'liq sabablarga ko'ra yuzaga kelmoqda.

Taqdimotda ushbu masalalar haqida so'z yuritilib, ajrim yoqasidagi oilalarni yarashtirish, ularning huquqiy savodxonligini oshirish, ruhiy muvozanatni tiklash va iqtisodiy barqarorlikka erishishga ko'maklashishda adliya idoralari tomonidan zarur mutaxassislarni jalb etgan holdan olib borilayotgan ishlar tafsilotiga to'xtalib o'tildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_hudud

🔴 Uzun tumanida sayyor qabul va mehnat yarmarkasi tashkil etildi

🔹O‘zbekiston Respublikasi Prezidentining 2026-yil 5-yanvardagi PQ–1-son qarori ijrosini ta’minlash, aholi muammolarini o‘rganish hamda bandlikni ta’minlash maqsadida hududlarda manzilli ishlar davom ettirilmoqda.

🔹Surxondaryo viloyati adliya boshqarmasi boshlig‘i boshchiligidagi ishchi guruh tomonidan Uzun tumanining “Do‘stlik” mahallasida sayyor qabul hamda mehnat yarmarkasi tashkil etildi.

🔹Tadbir davomida fuqarolarning murojaatlari tinglanib, ularning huquqiy muammolari yuzasidan amaliy yordam va huquqiy tushuntirishlar berildi. Shuningdek, ish izlovchilarga mavjud bo‘sh ish o‘rinlari hamda bandlik imkoniyatlari haqida ma’lumotlar taqdim etildi.

🔹Ochiq muloqot jarayonida ijtimoiy muammolarni bartaraf etish, oilalarda sog‘lom muhitni mustahkamlash hamda fuqarolarning huquqiy ongi va madaniyatini yuksaltirish masalalariga alohida e’tibor qaratildi.

📌 Bunday tadbirlar aholining muammolarini joyida hal etish, fuqarolar bilan manzilli ishlash hamda ularning bandligini ta’minlashga xizmat qilmoqda.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot