#Adliya_aralashgach

❗️Pedagoglarning ustama pullari to'lab berilishi ta'minlandi.

✅ Paxtaobod tuman MMTB tasarrufidagi maktablardagi inklyuziv sinflarda ishlovchi bir guruh maxsus pedagoglar qoʻshimcha ustama pullari to‘lab berilmaganligidan norozi bo‘lib tuman adliya bo'limiga murojaat qilgan.

✅ Murojaat o'rganilganda, 32 nafar xodimga Oʻzbekiston Respublikasi Vazirlar Mahkamasining 24.10.2025-yildagi 740-son qaroriga asosan inklyuziv sinflarda faoliyat yuritayotgan maxsus pedagoglarga va yordamchi xodimlarga mehnatning alohida sharoitlari uchun har oyda toʻlanadigan ustama haqi lavozim maoshining 50 foizi miqdorida ustama pullari to'lanmay kelayotganligi aniqlandi.

✅ Ushbu holat yuzasidan adliya bo'limi tomonidan tuman maktabgacha va maktab ta'limi bo'limiga bajarilishi majburiy boʻlgan taqdimnoma kiritilib, xodimlarga ish beruvchi tomonidan to'lanmay qolgan 21 669 528 so‘m (yigirma bir million olti yuz oltmish to'qqiz ming besh yuz yigirma sakkiz) so'm ustama pullari toʻlab berilishi taʼminlandi.

Telegram | Instagram | Facebook | YouTube | Bot

#Adliya_aralashgach

✅Adliya ko‘magida fuqaroning O‘zbekistonda doimiy yashaganlik fakti sud orqali tasdiqlandi

✅Yangiyer shahar adliya bo‘limiga fuqaro M.B.ning O‘zbekiston hududida uzoq muddat yashaganlik faktini belgilashda amaliy yordam so‘rab qilgan murojaati o‘rganib chiqildi.

✅O‘rganishlar davomida fuqaro M.B. Tojikiston Respublikasida tug‘ilgani, millati o‘zbek ekani hamda 1997-yilda O‘zbekiston Respublikasiga ko‘chib kelib, shu vaqtdan buyon Yangiyer shahrida doimiy yashab kelayotgani aniqlandi.

Qonunchilikka muvofiq, o‘zini O‘zbekiston Respublikasi fuqarosi deb tan olish to‘g‘risida murojaat qilgan shaxs ariza topshirgan kunga qadar mamlakat hududida kamida o‘n besh yil doimiy yashab kelgan va mazkur davr mobaynida boshqa davlat fuqaroligida bo‘lmagan bo‘lsa, u O‘zbekiston Respublikasi fuqarosi deb tan olinadi.

✅Fuqarolik masalalarini hal etishda ayrim hollarda yashaganlik faktini sud tartibida aniqlash talab etilishi sababli, to‘plangan hujjatlar asosida Yangiyer shahar adliya bo‘limi tomonidan fuqarolik ishlari bo‘yicha Guliston tumanlararo sudiga fuqaroning O‘zbekiston Respublikasida doimiy yashaganlik faktini belgilash yuzasidan da’vo arizasi kiritildi.

✅Sud tomonidan ish atroflicha ko‘rib chiqilib, fuqaro M.B.ning mamlakatimiz hududida doimiy yashaganlik fakti tasdiqlandi.

Telegram | Instagram | Facebook | YouTube | Bot

#Qonunchilikdagi_yangiliklar

✅ Xorijdagi boʻsh ish oʻrinlari xususiy bandlik agentliklari oʻrtasida taqsimlanadi

Adliya vazirligi Xorijdagi boʻsh ish oʻrinlarini xususiy bandlik agentliklari oʻrtasida taqsimlash tartibi toʻgʻrisidagi nizomni (ro‘yxat raqami 3772, 2026-yil 9-fevral) davlat ro‘yxatidan o‘tkazdi.

🔹 Ushbu Nizomga ko‘ra, Vazirlar Mahkamasi huzuridagi Migratsiya agentligi tomonidan jalb qilingan xorijdagi bo‘sh ish o‘rinlari haqida “xorijdaish.uz” elektron platformasida e’lon beriladi. Kvota taqsimotida ishtirok etish istagini bildirgan xususiy bandlik agentliklari elektron platformadagi shaxsiy kabinetlari orqali ariza yuboradi.

⏳ Arizalar Migratsiya agentligi tomonidan 7 ish kuni ichida ko‘rib chiqiladi.

Kvota taqsimotida ishtirok etishning asosiy shartlaridan biri – fuqarolarni xorijda ishga joylashtirish bo‘yicha faol litsenziyaga ega bo‘lish.

Bundan tashqari, ariza topshirgan xususiy bandlik agentliklarining xorijda ishlash istagini bildirgan shaxslarni kvotalar doirasida ishga joylashtirganlik holati ham o‘rganiladi.

Kvotalar yuqoridagi talablarga javob bergan va arizasi ijobiy qabul qilingan xususiy bandlik agentliklari o‘rtasida teng taqsimlanadi.

➡️ Tegishli kvotalarni qo‘lga kiritgan xususiy bandlik agentliklari xorijiy ish beruvchi bilan hamkorlik shartnomasini tuzadi hamda fuqarolarni ishga yuborish choralarini ko‘radi.

⏺ Xususiy bandlik agentliklari fuqarolar ish joylariga yetkazilganligi va ular bilan mehnat shartnomalari rasmiylashtirilganligi haqidagi hujjatlarni (ishga kirish toʻgʻrisidagi buyruq, mehnat shartnomasi yoki dalolatnoma) elektron platformaga yuklaydi.

Telegram | Instagram | Facebook | YouTube | Bot

✅Adliya vaziri o‘rinbosari N.Muxammadiyev Yakkabog‘ tumanida tadbirkorlar bilan sayyor qabul o‘tkazdi

🔸Qashqadaryo viloyatining Yakkabog‘ tumanida Adliya vaziri o‘rinbosari N.Muhammadiyev ishtirokida mahalliy tadbirkorlar bilan yuzma-yuz muloqot tashkil etildi. Tadbirda tegishli idoralar rahbar va mas’ul xodimlari ham qatnashdi.

🔹Muloqot davomida tadbirkorlarning kredit olish, soliq imtiyozlaridan foydalanish, yer ajratish, patent va litsenziya rasmiylashtirish, kadastr hamda davlat ro‘yxatidan o‘tkazish jarayonlarida uchrayotgan muammolari atroflicha muhokama qilindi.

🔸Sayyor qabul davomida jami 60 ga yaqin tadbirkorlik subyektlari, shuningdek, jismoniy va yuridik shaxslarning murojaatlari ko‘rib chiqildi.
▪️15 ta murojaat bo‘yicha huquqiy tushuntirishlar berildi;
▪️10 ta muammo joyida hal etildi;
▪️30 ga yaqin murojaat qo‘shimcha o‘rganish uchun ish yurituviga olindi.

❗️Shuningdek, sayyor qabul davomida 82 yoshli Nomozov Hakim boboning ham tug'ilganlik guvohnomasi rasmiylashtirilib, tantanali ravishda topshirildi.

🔹Uchrashuv ochiq va samimiy ruhda o‘tdi, ko‘tarilgan masalalar yuzasidan aniq chora-tadbirlar belgilandi.

Telegram | Instagram | Facebook | YouTube | Bot