✅Adliya vazirligi delegatsiyasi Ozarbayjonda

🔹O‘zbekiston Respublikasi Adliya vazirligi ishchi guruhi joriy yilning 24–28-noyabr kunlari Ozarbayjon Respublikasining Boku shahriga xizmat safarida bo'ladi.

🔹Safar maqsadi – aholiga va tadbirkorlarga davlat xizmatlarini ko‘rsatish jarayonini takomillashtirish, ilg‘or xorij tajribalarini o‘rganish.

❗️Delegatsiya a’zolari xizmat safari davomida:
🔹 “ASAN Xidmət” markazlari faoliyati, elektron navbat tizimi va raqamli xizmatlar bilan tanishmoqda;
🔹 davlat xizmatlari dizayni, monitoring, ma’lumotlar tahlili, sun’iy intellekt bo‘limlari bilan uchrashuvlarda ishtirok etmoqda;
🔹 tadbirkorlik subyektlarini ro‘yxatdan o‘tkazish jarayonining elektronlashuvi bo‘yicha tajriba almashmoqda;
🔹 “INNOLAND”, “ABAD”, “Bilim Bakı”, ASAN mobil avtobus kabi innovatsion loyihalar bilan yaqindan tanishmoqda.

Mazkur xizmat safari davlat xizmatlarini ko‘rsatishda qulaylik, shaffoflik va samaradorlikni oshirish, shuningdek O‘zbekiston va Ozarbayjon o‘rtasidagi amaliy hamkorlikni yanada mustahkamlashga xizmat qiladi.

Telegram | Instagram | Facebook | YouTube | Bot

⚠️ Havoni ifloslantirayotgan ishlab chiqarishlarga qarshi qat’iy choralar ko‘riladi

➡️Bugun O‘zbekiston Respublikasi Prezidenti Administratsiyasi rahbari Saida Mirziyoyeva Administratsiya hamda aloqador idoralar rahbariyati ishtirokida Toshkent shahridagi ekologik vaziyatni yaxshilash bo‘yicha kechiktirib bo‘lmaydigan chora-tadbirlar yuzasidan yig‘ilish o‘tkazdi.

➡️Mavjud vaziyatga ta’sir ko‘rsatayotgan asosiy omillar, odamlar salomatligi va ekologiyaga salbiy ta’sirni kamaytirish yo‘llari atroflicha ko‘rib chiqildi.

➡️Yig‘ilishda o‘rnatilgan me’yorlar buzilgan hollarda havoni ifloslantirayotgan ishlab chiqarishlarga qarshi qat’iy choralar ko‘rish zarurligi alohida ta’kidlandi.

Odamlar salomatligi haqida gap ketganda, murosaga o‘rin yo‘q va bu tamoyil davlat uchun ham, biznes uchun ham birdek amal qilishi kerak,- dedi Administratsiya rahbari S.Mirziyoyeva.

➡️Saida Shavkatovna shu kunlarda tezkor tartibda ishlab chiqilgan ekspert xulosalariga asoslanib, yaqin, o‘rta va uzoq muddatli istiqbolga mo‘ljallangan, tezkor choralardan tortib, kelgusida bunday holatlar takrorlanishining oldini olishga qaratilgan tizimli yechimlargacha qamrab olgan kompleks takliflarni ilgari surdi.

➡️Xususan, ekologik nazoratni kuchaytirish, ifloslantiruvchi obyektlar faoliyatini cheklash, qurilishga qo‘yiladigan talablarni qat’iylashtirish, shaharni keng ko‘lamda ko‘kalamzorlashtirish va havo sifatini nazorat qilishning zamonaviy tizimini yaratish bo‘yicha chora-tadbirlar belgilandi.

https://t.me/Rasmiy_axborot_official

✅Xalqaro standartlar bo‘yicha professional o‘qitish kursi muvaffaqiyatli yakunlandi

🔹Adliya vazirligi huzuridagi Yuridik kadrlarni qayta tayyorlash va malakasini oshirish institutida xalqaro standartlar bo‘yicha o‘tkazilgan professional o‘qitish kursi o‘z nihoyasiga yetdi.

🔹Yakuniy tadbirda O‘zbekiston Respublikasi adliya vaziri o‘rinbosari Sh. Rabiyev ishtirok etib, White & Case LLP (AQSh) xalqaro yuridik firmasining yetuk eksperti Carolyn Lamm bilan birgalikda tinglovchilarga sertifikatlarni tantanali ravishda topshirdi.

🔹Mashg‘ulotlar White & Case, Foley Hoag, Squire Patton Boggs, Curtis, Mayer Brown, CMS va Baker Botts kabi xalqaro miqyosda tan olingan yuridik firmalar ekspertlari ishtirokida o‘tkazildi.

🔹Tinglovchilar o‘quv jarayonida global standartlar asosida tahliliy fikrlash, xalqaro talablarga mos yondashuvlar va amalda qo‘llaniladigan mexanizmlarni chuqur o‘zlashtirdilar.

🎉Barcha bitiruvchilarni ushbu muhim yutuq bilan chin dildan tabriklaymiz! Olingan bilim va ko‘nikmalar ularning kasbiy faoliyatida mustahkam asos bo‘lib xizmat qiladi.

Telegram | Instagram | Facebook | YouTube | Bot