#Adliya_aralashgach
#Qashqadaryo_viloyati

ADLIYA ARALASHGACH O'QITUVCHILARNING PULLARI UNDIRIB BERILDI

Ko'kdala tuman adliya bo’limi tomonidan Ko'kdala tumani 75-maktab o'qituvchilari Z.I va M.Ilarning moddiy yordam pullarini to'lab berilishida amaliy yordam so‘rab qilgan murojaatlari o‘rganildi.

Murojaatni o‘rganish jarayonida haqiqatda xodimlarning 14 500 000 so‘m moddiy yordam pullari tuman maktabgacha va maktab ta'limi bo'limi tomonidan to‘lanmasdan kelinayotganligi ma’lum bo‘ldi.

Holat yuzasidan adliya bo'limi tomonidan tuman maktabgacha va maktab ta'limi bo'limiga "TAQDIMNOMA" kiritilib, fuqaro Z.I va M.Ilarga 14 500 000 so‘m moddiy yordam pullari to'lab berilishi ta’minlandi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Bilasizmi

📄 Quyidagi hollarda litsenziyani va ruxsat etish xususiyatiga ega hujjatni qayta rasmiylashtirish lozim:

🔹yuridik shaxs boʻlgan tadbirkorlik subyekti oʻzgartirilgan, uning nomi yoki joylashgan yeri (pochta manzili) faoliyat turlari boʻyicha oʻzgarganda:

🔸jismoniy shaxs boʻlgan tadbirkorlik subyektining familiyasi, ismi, otasining ismi yoki faoliyat koʻrsatadigan joyi oʻzgarganda;

🔹litsenziyaning amal qilishi litsenziyalanadigan faoliyat turining kichik turi uchun tugatilganda yoki bir nechta faoliyat turlari birlashtirilganda.

Asos: "Litsenziyalash, ruxsat berish va xabardor qilish tartib-taomillari toʻgʻrisida"gi Qonun.

Telegram | Instagram | Facebook | YouTube | Bot

#Adliya_aralashgach

Zomin tumani adliya bo‘limi tomonidan fuqaro S.Zning Zomin tumani, Qo‘rg‘on MFYda joylashgan savdo do‘koni davlat va jamoat ehtiyojlari uchun buzilganligi, biroq hokimlik tomonidan kompensatsiya to'lovlari to‘lab berilmaganidan norozi bo'lib yo‘llagan murojaati o‘rganib chiqildi.

Aniqlanishicha, fuqaro S.Zga tegishli bo‘lgan savdo do‘koni hokimning 15.10.2011-yildagi 686-sonli qaroriga asosan buzib tashlangan, biroq kompensatsiya to‘lovlari bugungi kunga qadar to‘lab berilmagan.

Vaholanki, Fuqarolik kodeksining 163-moddasida mulkdorning yoki boshqa egalik qiluvchining oʻz huquqini har qanday buzishlarni bartaraf etish haqidagi talablariga nisbatan da'vo muddati joriy qilinmaydi.

Yuqoridagilarga ko‘ra, Fuqarolik ishlari bo‘yicha Zarbdor tumanlararo sudiga fuqaro manfaatida 163.688.934 so‘m zararni undirishni so‘rab da’vo ariza kiritildi va sudning hal qiluv qaroriga asosan qanoatlantirildi.

Telegram | Instagram | Facebook | YouTube | Bot

#Adliya_xabari

❗️Farg'onadagi FHDY organlarida nikohni tantanali vaziyatda qayd etish (Keytering) xizmatlari joriy etildi.

✅Farg'ona viloyat adliya boshqarmasi fuqarolarga nikohni tantanali vaziyatda qayd etish jarayonlarida yanada qulay va zamonaviy sharoitlar yaratish maqsadida yangi xizmatlarni taklif qilinmoqda.

✅Maqsad, viloyatning barcha tuman (shahar) Fuqarolik holati dalolatnomalarini yozish (FHDY) boʻlimlarida nikohlanuvchi shaxslarning buyurtmasi asosida tadbirkorlik subyektlari tomonidan bir martalik qoʻshimcha xizmatlar (fotosessiya, keytering, bezak ishlari va boshqalar) koʻrsatilishiga koʻmaklashish rejalashtirilgan.

✅Mazkur xizmatlar amalga oshirilishi adliya organlari tomonidan amaldagi qonunchilik hujjatlariga muvofiq tanlab olingan hamkor tadbirkorlar orqali tashkil etiladi.

Telegram | Instagram | Facebook | YouTube | Bot

#Adliya_aralashgach #bir_murojaat_izidan

Adolat qaror topgan kun yoxud yana bir fuqaroning buzilgan mehnat huquqlari tiklandi

Qiziriq tuman tibbiyot birlashmasiga qarashli maktab o‘quv hamshirasi S. F ishdan noqonuniy bo‘shatilganligidan norozi bo‘lib Qiziriq tuman adliya bo‘limiga murojaat qiladi.

Fuqaro S. F ning murojaati tuman adliya bo‘limi tomonidan darhol ish yurituviga qabul qilinadi va o‘rganish ishlari boshlab yuboriladi.

O‘rganish davomida, barcha huquqiy hujjatlar tuman adliya bo‘limi tomonidan qonuniy va vakolat doirasida chuqur o‘rganiladi.

Natijada, S. F, haqiqatan, ishdan noqonuniy bo‘shatilganlik fakti asosli deb topiladi va shu kunning o‘zidayoq tumandagi tegishli tashkilotga taqdimnoma ta'sir chorasi qo‘llaniladi.

Taqdimnoma natijalariga ko‘ra, S. F hozirda o‘zining ish joyiga, ya'ni maktab o‘quv hamshirasi lavozimiga tiklandi va uning buzilgan huquqlari tiklandi.

Telegram | Instagram | Facebook | YouTube | Bot

#Adliya_aralashgach #bir_murojaat_izidan

Nega ko‘rsatilmagan xizmat uchun fuqarolar pul to‘lashi kerak? | 5 000 000 so‘mdan ortiq noreal qarzdorlik bekor qilindi

Boysun tumani "Ko‘chkak" mahallasida yashovchi fuqaro B. R va boshqalarning chiqindilarni tashish bo‘yicha xizmat ko‘rsatilmagan bo‘lsa-da noreal qarzdorlik hisoblanganligidan norozi bo‘lib "Onlayn-mahalla" platformasi orqali yo‘llagan murojaati Boysun tuman adliya bo‘limi ish yurituviga kelib tushgan.

Bo‘lim mas'ul xodimlari tomonidan holat batafsil o‘rganilganda, haqiqatan, fuqaro B. R va boshqalarning nomlariga Surxondaryo viloyat "Toza hudud" davlat muassasasi tomonidan abonent raqamlari shakllantirilib ularning nomiga noreal qarzdorliklar hisoblanganligi aniqlandi.

Boysun tuman adliya bo‘limi tomonidan fuqaro B. R va boshqalarning nomlariga ochilgan abonent raqamlar o‘chirilishi hamda hisoblangan jami 5 000 000 so‘mdan ortiq noreal qarzdorlik bekor qilinishini yuzasidan taqdimnoma ta'sir chorasi ishlab chiqilib tegishli tashkilotga yuborildi.

Natijada fuqaro B. R va boshqalarning nomlariga ochilgan abonent raqamlari o‘chirildi va hisoblangan jami 5 000 000 so‘mdan ortiq noreal qarzdorlik bekor qilinishiga erishildi.

Telegram | Instagram | Facebook | YouTube | Bot