#Xalqaro_hamkorlik

✅Bugun, 2-oktabr kuni Adliya vazirligida “Mamlakat platformasi”ning Qonun ustuvorligi va davlat boshqaruvi yo‘nalishi bo‘yicha Ishchi guruhining yig‘ilishi o‘tkazildi.

Ma’lumot uchun: O‘zbekiston bo‘yicha “Mamlakat platformasi” donorlar va rivojlanish bo‘yicha hamkorlar faoliyatini muvofiqlashtirish hamda ularning qo‘shma loyihalarini amalga oshirishda ishtirok etuvchi vazirliklar va idoralar bilan o‘zaro hamkorligini taʼminlashga qaratilgan mexanizm hisoblanadi.

✅Tadbirda Germaniyaning xalqaro hamkorlik bo‘yicha jamiyati (GIZ), Yevropa Ittifoqi, Birlashgan Millatlar Tashkiloti Taraqqiyot dasturi, Iqtisodiy Hamkorlik va Taraqqiyot Tashkiloti (OECD), BMT narkotiklar va jinoyatchilikka qarshi kurashish boshqarmasi (UNODC), UNICEF, shuningdek, Shvetsariya, Buyuk Britaniya, Fransiya va Latviya elchixonalarining vakillari ishtirok etishdi.

🔹Yig‘ilishda strategik rejalashtirish islohotlari, davlat fuqarolik xizmatini rivojlantirish, samarali tartibga solish tizimi va uning yangi yo‘nalishlari, adolatga erishish hamda odil sudlovni modernizatsiya qilish masalalari muhokama qilindi.

✅Xorijiy hamkorlar va donorlarga Jahon odil sudlov loyihasi tashkiloti bilan hamkorlikda O‘zbekistonda huquq ustuvorligini yaxshilash hamda Iqtisodiy hamkorlik va taraqqiyot tashkiloti bilan davlat boshqaruvi, adliya va sud sohasini isloh qilish bo‘yicha loyihalar, shuningdek, tartibga solish ta’sirini baholash sohasida amalga oshirilgan ishlar taqdimot qilindi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Sanat_va_ijod_himoyasi_oyligi

✅ Avval xabar berganimizdek, Adliya vazirligi tashabbusi bilan ilk bor “Oktabr oyi — San’at va ijod himoyasi oyligi” deb e’lon qilingan edi. Bugun, 2-oktabr kuni mazkur oylik doirasida intellektual mulk sohasidagi mutaxassislar, ijodkorlar, OAV vakillari hamda jamoatchilik faollari ishtirokida davra suhbati tashkil etildi.

✅Tadbir “San’at va ijod himoyasi” oyligiga rasmiy start berish maqsadida tashkil etilgan bo‘lib, unda oylikning asosiy maqsad va vazifalari, belgilangan tadbirlar rejasi, mavjud muammolar va ularni bartaraf etish yo‘llari haqida ishtirokchilarga atroflicha ma’lumotlar berildi.

✅Ushbu tashabbus mualliflik huquqiga nisbatan hurmat hissini yuksaltirish, ijod ahli faoliyatini har tomonlama qo‘llab-quvvatlash va sohaga oid huquqiy madaniyatni keng jamoatchilik orasida targ‘ib qilishga qaratilgan.

Vazirlik tomonidan oylik davomida oliy va o‘rta ta’lim muassasalarida seminar-treninglar va mahorat darslari, shuningdek, yozuvchilar, bastakorlar, dizaynerlar va boshqa ijodiy kasb egalari bilan maxsus uchrashuvlar, ijtimoiy tarmoqlar orqali mualliflik huquqini targ‘ib qiluvchi qisqa videoroliklar va savol-javob shaklidagi axborot materiallari keng jamoatchilikka tarqatib borilishi rejalashtirilgan.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#XalqaroHamkorlik

✈️ Ayni damda, Adliya vazirligi ishchi guruhi vakillari Riga shahrida amaliy o‘quv tashrifida ishtirok etmoqda.

🔍Tashrif Yevropa Ittifoqining Twinning Project UZ 21 NDICI JH 01 22 loyihasi doirasida tashkil etilib, normativ-huquqiy bazani tizimlashtirish va soddalashtirish bo‘yicha ilg‘or tajribalarni o‘rganishga qaratilgan.

Tashrif davomida:

🔵Latviya Adliya vazirligi va Seym faoliyati bilan tanishish;

🔵qonun loyihalarini ishlab chiqish bo‘yicha yagona TAP portali;

🔵normativ-huquqiy hujjatlarning raqamlashtirilgan tizimi — Likumi.lv;

🔵qonunchilikka oid raqamli qo‘llanmalar va metodologiyalar;

🔵ex-ante va ex-post tartibga soluvchi ta’sirni baholash tajribasi;

🔵rasmiy tarjimalar sifatini ta’minlash mexanizmlari bilan yaqindan tanishish rejalashtirilgan.

✈️Tashrif natijalari qonunchilik jarayonlarini raqamlashtirish, hujjatlarni tizimlashtirish va soddalashtirish, rasmiy tarjimalar sifatini kafolatlash hamda standart xarajat modeli asosida tartibga solish ta’sirini baholashni kuchaytirishga xizmat qiladi.