#Adliya_xabari

📣 “Biz birgamiz” ijtimoiy loyihasi VII Respublika savdo yarmarkasining 2-kuni ham ko`tarinki ruhda bo`lib o`tdi.

🔰 Avval xabar berganimizdek, diyorimizning tarixiy maskanlaridan biri Xiva shahrining Ichan qal’a majmuasida 100 ga yaqin nogironligi boʻlgan shaxslar tomonidan qoʻl mehnati bilan tayyorlangan kashtachilik, duradgorlik, zardo‘zlik, tikuvchilik, qandolatchilik kabi xalq hunarmandchiligi yo‘nalishlarida asosan qo‘l mehnati bilan tayyorlangan mahsulotlar omma e'tiboriga taqdim etildi.

✅ Tadbirda kuy-navolar, qo`shiqchilar chiqishlari, karnay-surnay sadolari tadbir ishtirokchilari, chet el sayyohlari va mehmonlariga yanada koʻtarinki kayfiyat ulashdi. Loyiha tadbirlari yoshlarning to`y bazmlariga ulanib ketti. Ishtirokchilar ham o`zlari qo`l mehnati bilan yasalgan mahsulotlarini sotish bilan birgalikda madaniy hordiq chiqarishdi.

📊 “Biz birgamiz” ijtimoiy loyihasi doirasida tashkil etilgan savdo yarmarkasida 14 ta hududiy bo`linmalar tomonidan jami 402 mln so`mlik shartnomalar tuzilishiga erishildi.

Ⓜ️«Biz birgamiz!» ijtimoiy loyihasining asosiy maqsadi – nogironligi bo‘lgan shaxslarning hayotda o‘z o‘rnini topishiga ko‘maklashish, ularni jamiyatimizning ajralmas qismi sifatida ruhlantirish hamda kasbiy salohiyatini ro‘yobga chiqarishdan iboratdir.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot