❕Iste’mol qilayotgan qayta ishlangan go‘sht mahsulotlaringiz hayotingiz uchun xavfli bo‘lishi mumkin!

✅Kontrafakt mahsulotlar jamiyatga faqatgina moddiy zarar yetkazib qolmaydi. Chunki, odatda kontrafakt mahsulotlar inson hayoti va salomatligi bilan bog‘liq sohalar bo‘lmish oziq-ovqat, farmatsevtika, parfyumeriya va boshqa shu kabi yo‘nalishlarda ko‘proq uchraydi.

✅Hech qanday texnik talablarga rioya qilinmagan holda ko‘zdan panada tayyorlangan mahsulot esa inson hayoti uchun xavf tug‘dirishi aniq. Biroq, bu kabi jiddiy oqibatlar fikr-u hayoli boylik orttirish bo‘lgan kimsalarni sira tashvishga solmaydi.

✅Xususan, adliya organlari tomonidan “Sheris Rent Group” MChJ ko‘pchilikka tanish bo‘lgan “TIM” jamlama tovar belgisiga bo‘lgan huquqlari “A.B.” MChJ tomonidan buzilayotganligi to‘g‘risidagi murojaati ko‘rib chiqildi.

✅O‘tkazilgan tekshiruv natijasida “A.B.” MChJ tomonidan “TIM” jamlama tovar belgisiga tasviriy jihatdan adashtirib yuborish darajasida o‘xshash belgilardan foydalanilganligi hamda saqlovda 3 o‘ram (600 metr) mahsulot qadog‘i uchun etiketkalar mavjud ekanligi aniqlandi.

✅Holat bo‘yicha vazirlik tomonidan “A.B.” MChJga nisbatan tegishli ta’sir chorasi qo‘llanildi hamda kontrafakt mahsulotlar ishlab chiqarish uchun tayyorlangan 3 o‘ram (600 metr) etiketkalarni yo‘q qilish majburiyati yuklandi.

⚠️Hurmatli tadbirkorlar! Oʻz brendingizni roʻyxatdan oʻtkazishingizni hamda brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki info@adliya.uz elektron pochta manzili orqali murojaat qilishingizni soʻraymiz!

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_va_yoshlar

❗️Yoshlar bandligini taʼminlashda amaliy qadamlar

✅Quva tumani adliya bo‘limi tomonidan otaliqqa olingan yoshlarning bandligini taʼminlash, ularning muammolarini hal etish maqsadida tizimli ishlar amalga oshirilmoqda.

✅Xususan, tumandagi "Turk" mahallasida istiqomat qiluvchi yoshlardan biriga daromad manbaini yaratish maqsadida homiylik hisobiga motokultivator topshirildi. Bu orqali yoshning tomorqadagi faoliyatini yo‘lga qo‘yishi, oilasi iqtisodiy holatini yaxshilashi va kelgusida tadbirkorlik yo‘nalishida faoliyat yuritishi uchun sharoit yaratildi.

Batafsil videorolikda 👆

Telegram | Instagram | Facebook | YouTube | Bot

#Adliyachi

"Adliyachi" loyihasining yangi sonida sizni navbatdagi ilhom baxsh etuvchi hikoya kutmoqda!

✅“Adliyachi” — bu nafaqat huquqshunoslar, balki ko‘p qirrali, faol va hayotga zavq bilan qaraydigan insonlar haqida hikoya qiluvchi loyiha. Bu safar ham biz sizni rasmiy kabinetlar ortidagi insoniy hayot bilan tanishtiramiz.

✅Yangi sonimiz qahramoni — Farg'ona viloyati adliya boshqarmasi boshlig'i o'rinbosari Marasulov Saidbek Maxamatmurod o'g'li o‘zining kasbiy tajribasi, hayotiy yo‘li, shaxsiy qiziqishlari va ish faoliyatidan tashqaridagi yutuqlari haqida so’zlab berdi.

Yangi sonni tomosha qiling!

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot