#Adliya_xabari

Andijonda yana 138 nafar fuqarolarning o‘zboshimchalik bilan egallab olingan yer uchastkalariga hamda ularda qurilgan uy-joylariga bo'lgan huquqlari e'tirof etildi.

✅ Joriy yilning 14-avgust kuni Xalq deputatlari Andijon viloyat Kengashining o'n ikkinchi sessiyasi bo‘lib o‘tdi.

✅ Mazkur sessiyada jami 138 nafar, Asaka va Baliqchi tumanlaridan 32 nafardan, Ulugʻnor tumanidan 22 nafar, Izboskan tumanidan 19 nafar, Shahrixon tumanidan 10 nafar, Marhamat tumanidan 8 nafar, Buloqboshi tumanidan 7 nafar, Bo'ston tumanidan 4 nafar, Qo'rg'ontepa tumanidan 3 nafar, Andijon shahridan 1 nafar fuqarolarning yakka tartibdagi uy-joylariga va ular joylashgan yer uchastkalariga nisbatan mulk huquqlari e'tirof etildi

✅ Qonun ijrosi natijasida fuqarolar va tadbirkorlarining mulklari qonuniylashtiriladi, fuqarolar o‘rtasidagi mulkiy nizolar, shu jumladan meros bilan bog‘liq nizolarga yechim topiladi, hududlarni rivojlantirish bilan bog‘liq hujjatlarni ishlab chiqishdagi muammolar kamayadi, bozorda qonuniy kapital aylanmasi paydo bo‘ladi, eng muhimi aholining kayfiyatiga ijobiy ta’sir ko‘rsatadi.

✅Ma’lumot uchun: Bugungi kunga qadar viloyatda jami 420 nafar fuqaroning huquqlari e'tirof etilishi ta'minlandi va bu boradagi ishlar davom ettirilmoqda.

✅Qonun ijrosi Andijon viloyat adliya boshqarmasi tomonidan doimiy nazoratga olingan bo‘lib, kelgusida ham viloyatning barcha hududlarida huquqlarni e’tirof etish ishlari davom etadi.

Telegram | Instagram | Facebook | YouTube | Bot

✅Yuridik xizmat sohasi boʻyicha faoliyat yurituvchi hududiy adliya organlari mas’ul xodimlari bilan bilan muloqot shaklidagi tadbir tashkil etildi.

🔸Adliya vazirligi tashabbusi bilan Yuridik xizmat koʻrsatish markazlari faoliyatini takomillashtirish boʻyicha onlayn muloqot tashkil etildi.

🔹Mazkur muloqotda hududiy adliya boshqarmalarining Markazlar faoliyatiga mas’ul oʻrinbosarlari hamda sohani muvofiqlashtirish boʻyicha bosh maslahatchilar ishtirok edi.

🔸Muloqot davomida Yuridik xizmat ko‘rsatish markazlarining “Chortoq tajribasi” asosida ishga tushirilgan funksiyalarini ommalashtirish, shuningdek test rejimida Namangan viloyatidagi Markazlar uchun ishga tushirilgan eksterritorial taqsimot funksiyasini barcha hududlarga bosqichma-bosqich ishga tushirish yuzasidan tegishli koʻrsatmalar berildi.

🔹Shuningdek, hududiy adliya boshqarmalarining mas’ul xodimlari tomonidan “E-huquqshunos” elektron tizimidagi muammolar hamda xizmat koʻrsatilayotgan tashkilotlardagi kamchiliklar mavjudligi bildirildi, Vazirlik xodimlari ushbu holatlar oʻz fikrlarini bildirishdi va tegishli koʻrsatmalar berishdi.

🔸Bu kabi muloqotlar sohada uchrayotgan kamchiliklar hamda muammolarni operativ ravishda bartaraf etish hamda tizimli ravishda ishlarni tashkil etish uchun xizmat qiladi.

Telegram | Instagram | Facebook | YouTube | Bot

#Adliya_xabari

Adliya vaziri Akbar Tashkulov Oliy Majlis Qonunchilik palatasida o‘tkazilgan hukumat soatida “Norma ijodkorligi faoliyatini takomillashtirish hamda qonunchilik hujjatlarini sifatli tayyorlash borasida amalga oshirilayotgan ishlar to‘g‘risida” axborot berdi

✅Yangi O‘zbekistonning qonunchilik bazasi yuqori sur’atlarda yangilanmoqda. Hozirgi kunda normativ-huquqiy hujjatlar fondi 26 mingdan ortiq hujjatni o‘z ichiga oladi, shundan 17 mingtasi yoki 65 foizi oxirgi 7 yilda qabul qilingan. Bu esa norma ijodkorligi jarayonlari shiddat bilan rivojlanayotganini, huquqiy tizim zamon talablariga tezkor va moslashuvchan tarzda yangilanib borayotganini yaqqol ifodalaydi.

So‘nggi yillarda qonun ijodkorligidagi faollik ko‘rsatkichlari ushbu jarayonning yaqqol tasdig‘idir. Masalan, 2016-yilga qadar har yili 15-20 ta qonun qabul qilingan bo‘lsa, 2024-yilda bu raqam 125 taga yetdi — bu 5 baravar o‘sish degani.

O‘z o‘rnida, vazirlik va idoralarda ham norma ijodkorligi borasidagi ko‘nikma va mas’uliyat darajasi hamon yetarli emas. Bu, ayniqsa, Adliya vazirligiga huquqiy ekspertiza uchun taqdim etilayotgan qonun loyihalarining sifat darajasi pastligi orqali yaqqol namoyon bo‘lmoqda.

Misol uchun, Adliya vazirligi tomonidan oxirgi bir yarim yilda 355 ta qonun loyihasi huquqiy ekspertizadan o‘tkazilgan bo‘lsa, ushbu loyihalarning 68 tasi (yoki 19 foizi)ni qabul qilish maqsadga muvofiq emasligi to‘g‘risida xulosa berilgan.

✅Vazirlik va idoralar tomonidan loyihalar dastlabki bosqichda sinchkovlik bilan tekshirilib, korrupsiya omillarini bartaraf etish choralari ko‘rilayotganligi natijasida Adliya vazirligiga kiritilayotgan loyihalarda korrupsiya omillar kamaymoqda.

Xususan, Adliya vazirligi tomonidan korrupsiyaviy omillar aniqlangan loyihalar soni 2024-yilda 2023-yilga nisbatan 5 foizga, korrupsiyaviy omillar soni esa 37 foizga kamaygan.

Joriy yildan boshlab har bir qonunchilik hujjati loyihasi ishlab chiqilishidan oldin, uning konsepsiyasi o‘rganiladi, ya’ni dastlab mavjud muammo tahlil qilinib, ushbu hujjatni qabul qilish zarurati bormi yoki yo‘qmi, degan savolga aniq javob beriladi. Bunda, taklif etilayotgan huquqiy norma haqiqatan ham mavjud muammoni hal qila oladimi yoki unga nisbatan arzonroq va samaraliroq boshqa variantlar mavjudmi – shular o‘rganiladi. Bu bosqichdan o‘tmagan qonunchilik takliflari loyiha sifatida umuman ishlab chiqilmaydi.

Shu tarzda samara bermaydigan yoki ortiqcha cheklov, asossiz majburiyat va iqtisodiy yuklama keltirib chiqaradigan tashabbuslarning boshidanoq oldini olish imkoni paydo bo‘ldi. Ushbu tizimning joriy etilishi natijasida joriy yilning o‘zida o‘rtacha 2,5 trln so‘m qiymatdagi samarasiz va ortiqcha xarajat keltiradigan talablar chiqarib tashlandi.

✅Tartibga solish ta’sirini baholash instituti – fuqarolarimiz manfaatini himoya qiladigan, tadbirkorlik muhitini yaxshilaydigan va davlat boshqaruvini samarali hamda shaffof qiladigan muhim huquqiy filtr sifatida xizmat qiladi.

Raqamlarga qaraydigan bo‘lsak, loyihalarni ta’sirini baholash ko‘rsatkichi 2021-yilda 25 foizni tashkil etgan bo‘lsa, 2025-yilga kelib 100 foizga yetkazildi.

Shu maqsadda qonunlarning ko‘zlangan maqsadlariga xizmat qilayotganini, yetarli resurslar bilan ta’minlanganini va ijrosi qanday natija berganini aniq ko‘rsatkichlar asosida baholaydigan tizim yaratishga kirishildi. Qonunni KPIni hisoblash yo‘lga qo‘yildi. Avvalo, maxsus uslubiyot ishlab chiqildi va aholi hayotiga bevosita ta’sir ko‘rsatuvchi qonunlar tajriba-sinov tariqasida baholandi. Bu jarayonda qonunning nazariy asoslaridan tortib, hududlardagi amaliyotgacha o‘rganildi, aholi o‘rtasida so‘rovlar o‘tkazildi. KPI baholangan qonunlarning natijadorligi ular amalda to‘liq ishlamyotganligini ko‘rsatmoqda. Xususan, “Ish beruvchining fuqarolik javobgarligini majburiy sug‘urta qilish to‘g‘risida”gi Qonun 8 foizga, “Chiqindilar to‘g‘risida”gi Qonun 40 foizga, “Tomorqa xo‘jaligi to‘g‘risida”gi Qonun 34 foizga, “Nogironligi bo‘lgan shaxslarning huquqlari to‘g‘risida”gi Qonun 38 foizga ish ishlayapti xolos.

Telegram | Instagram | Facebook | YouTube | Bot