#Adliya_xabari

✅Adliya vaziri o’rinbosari Namangan shahar adliya bo‘limi faoliyati bilan tanishdi.

🔸Namangan shahar adliya boʻlimi, davlat xizmatlari markazlari hamda yuridik xizmat koʻrsatish markaziga borib, jismoniy va yuridik shaxslarni davlat xizmatlaridan tez va sifatli foydalanishlari uchun yaratilayotgan shart-sharoitlarni ko’zdan kechirdi.

🔹Adliya bo‘limi tomonidan aholiga huquqiy yordam ko‘rsatish, profilaktik tadbirlar o‘tkazish, xotin-qizlar va yoshlar bilan ishlash borasida qilinayotgan ishlar bilan tanishdi.

🔸Shuningdek, Namangan shahridagi davlat xizmatlari markazida fuqarolarga yaratilgan shart-sharoitlar, ko’rsatiladigan davlat xizmatlarini qulay va osonligi, o’z-o’ziga xizmat ko’rsatish burchaklari faoliyati ko‘zdan kechirdi.

Telegram | Instagram | Facebook | YouTube | Bot

✅Vazir oʻrinbosari kunning ikkinchi yarmida Namangan shaharidagi “Baynalmilal” mahallasida boʻldi.

🔸Adliya vaziri oʻrinbosari Namangan shaharidagi “Baynalmilal” mahalla fuqarolar yigʻinining “Mahalla yettiligi” bilan muloqot olib bordi. Mahalla faollari tomonidan ijtimoiy himoya, bandlik, huquqiy maslahatlar, oilaviy nizolarni bartaraf etish, yoshlar orasida jinoyatchilik va huquqbuzarliklarning oldini olish borasida olib borilayotgan ishlar haqida batafsil maʼlumot berildi.

🔹Ayniqsa, aholining huquqiy savodxonligini oshirishda “Adliya kuni” kabi loyihalarning muhim ahamiyat kasb etayotgani taʼkidlandi.

🔸Shuningdek, adliya vazirligi tomonidan mahallalardagi hokim yordamchisining platformasiga qonunchilikdagi yangiliklar, Qonun, qaror, farmonlarning qisqacha mazmunini ifodalovchi targʻibot materiallari yuzasidan targʻibot tadbirlarini amalga oshirilishi yuzasidan fikr-mulohaza olib bordi.

Telegram | Instagram | Facebook | YouTube | Bot

✅Adliya vazirligi aholiga ko‘rsatiladigan xizmatlar sohasida ISO xalqaro sertifikatlarini qo'lga kiritdi.

✅Adliya vazirligiga O‘zbekistonning davlat organlari ichida birinchi bo‘lib ESG standartlari - ekologik boshqaruv va ijtimoiy masʼuliyatga oid xalqaro sertifikatlar topshirildi.

❗️Bu sertifikatlar nimasi bilan ahamiyatli?
▪️ISO 14001 sertifikati atrof-muhitga salbiy taʼsirlarni kamaytirish va muhofaza qilish boʻyicha samarali boshqaruvni yoʻlga qoʻyish imkonini beradi.
Standart chiqindilarning kamayishiga, energiya va suvdan samarali foydalanishga yordam beradi.

▪️ISO 26000 — tashkilotlarga oʻz faoliyatlarini ijtimoiy masʼuliyat bilan olib borishga yo‘naltirilgan. Bu standart inson huquqlarini hurmat qilish va ularni kamsitmaslik, shaffoflik, odob-axloq qoidalari, qonunlarga rioya qilish va xizmatlar sifati kabi asosiy tamoyillarni belgilaydi.

▪️ISO 45001 sertifikati xodimlarning sog'lom va xavfsiz muhitda ishlashi uchun mehnat muhofazasini doimiy yaxshilashga qaratilgan standartdir.
Ushbu standart tashkilotga xodimlarning kasalliklari va baxtsiz hodisalar xavfini kamaytirishga yordam beradi.

🔸Ushbu xalqaro sertifikatlar Chilonzor tumani Davlat xizmatlari markazi misolida berilgan bo‘lsa-da, bevosita sertifikat talablarini bajarish asnosida respublikamizning eng olis, chekka hududlarigacha davlat xizmatlari ko‘rsatishning yagona standartini joriy etish imkoniyatini taqdim etadi.

🔹Sertifikat talablari aynan amaliy, natijador chora-tadbirlarni amalga oshirishni nazarda tutadi. Bu esa pirovard maqsadimiz bo‘lgan mamlakatimizda fuqaroga yo‘naltirilgan davlat xizmatlari tizimini yo‘lga qo‘yishda muhim ahamiyat kasb etadi.

🔸Qolaversa, ushbu sertifikat mamlakatimizning xalqaro maydondagi imiji va reytinglariga ham taʼsir o‘tkazadi, aholi va hamkor tashkilotlarning mazkur sohaga bo‘lgan ishonchini oshiradi.

❗️Ma'lumot o'rnida, Adliya vazirligi hozirgi kunda 6 ta ISO xalqaro sertifikatlariga ega bo'ldi.

Telegram | Instagram | Facebook | YouTube | Bot