#adliya_hudud

✅Adliya vazirligi mas'ullari Navoiy viloyatida

🔹Bunda davlat xizmatlari markazlari va fuqarolik holati dalolatnomalarini yozish bo‘limlarida fuqarolarga tezkor va sifatli xizmat ko‘rsatish hamda aholiga qulay shart-sharoitlar yaratilganligi ko'zdan kechirilib, sohani yanada rivojlanish bo'yicha amaliy tavsiyalar berilmoqda. Xodimlar bilan yakka suhbatlar tashkil etilib, ularning nainki xizmat vazifasiga vijdonan yondashuvlari, salohiyati balki, murojaatlari ham o'rganildi.

🔹Ma'lumot o'rnida, joriy yilning shu davriga qadar Navoiy viloyatida 457 mingdan ortiq davlat xizmatlari ko'rsatilgan. Shundan 210 mingga yaqini bevosita DXMlarga tashrif buyurgan holda, 247 mingdan ortig'i onlayn shaklda amalga oshirilgan.

🔹Shuningdek, FHDY yo'nalishida viloyat miqyosida 11 500 dan ortiq tug'ilish, 3 mingga yaqin nikoh, 2 mingdan ortiq o'lim holati qayd etilgan.

Telegram | Instagram | Facebook | YouTube | Bot

#adliya_xabari

✅Qarshi tumanida “mahalla yettiligi” faoliyati va PF-80-son Farmon ijrosi o‘rganildi

🔹Kunning ikkinchi yarmida vazir o'rinbosari Qarshi tumanidagi “Hilol” mahalla fuqarolar yig‘inida “mahalla yettiligi” faoliyati bilan yaqindan tanishdi. Tashrif davomida Davlat rahbari tomonidan imzolangan PF-80-sonli Farmon bilan adliya organlari zimmasiga yuklatilgan vazifalar ijrosi yuzasidan amalga oshirilayotgan ishlar o‘rganildi.

🔹Mazkur tadbir doirasida fuqarolarga huquqiy yordam ko‘rsatish, mahallada jinoyatchilikning oldini olish, profilaktik tadbirlar samaradorligini oshirish, aholi muammolarini joyida hal qilish borasidagi amaliy sa’y-harakatlar ko‘zdan kechirildi.

🔹Shuningdek, mahallada yashovchi fuqarolarning huquqiy xabardorligini oshirish, ularning murojaatlari bilan ishlash holatiga alohida e’tibor qaratildi.

Telegram | Instagram | Facebook | YouTube | Bot

#Adliya_xabari

✅O'zbekiston Respublikasi Adliya vaziri o‘rinbosari N.Muxammadiyev va Qoraqalpog‘iston Respublikasi adliya vaziri E.Tursunov tomonidan Ellikqal’a tumani, “Bostan“ MFYda hamda Amudaryo, Beruniy, To‘rtko‘l va Ellikqal’a tumanlarida faoliyat yurituvchi tadbirkorlik subyektlari bilan sayyor qabul o‘tkazildi.

🔹Sayyor qabul davomida ularning yer, kadastr, soliq, kredit, kommunal va boshqa sohalardagi muammolari tinglanib, 20 dan ortiq murojaatlar qabul qilindi. Shundan 12 ta murojaatga joyida huquqiy tushuntirish berish orqali hal qilingan bo'lsa,qolgan 8 tasi nazoratga olindi.

🔹O‘zbekiston Respublikasi adliya vaziri o‘rinbosari N. Muxammadiyev va Qoraqalpog‘iston Respublikasi adliya vaziri E. Tursunov Ellikqal’a tumanidagi loyiha qiymati 410 mln so‘m bo‘lgan, mineral suvlar ishlab chiqarishga ixtisoslashgan “Gold Neo Bo‘ston” MCHJ hamda loyiha qiymati 22 mlrd so‘m bo‘lgan asosiy faoliyat turi to‘qilgan va trikotaj mahsulotlar ishlab chiqaruvchi “Bo‘ston Denim” MCHJ faoliyati bilan yaqindan tanishdi.

🔹Shunigdek, adliya vaziri o‘rinbosari N.Muxammadiyev tomonidan tadbirkorlar bilan ochiq muloqot o‘tkazilib, ularning muammolari va takliflari tinglandi va Qoraqalpog‘iston Respublikasida faoliyat yurituvchi tadbirkorlarga yaratilib berilayotgan qulay investitsiya va ishbilarmonlik muhiti, biznes yuritish uchun yaratilgan shart-sharoitlar, mavjud soliq imtiyozlari hamda davlat xizmatlarini ko‘rsatishda yaratilgan qulayliklar haqida huquqiy tushuntirishlar berildi.

Telegram | Instagram | Facebook | YouTube | Bot