#Adliya_xabari

🔔 Andijonda yana 86 nafar fuqarolarning o‘zboshimchalik bilan egallab olingan yer uchastkalariga hamda ularda qurilgan uy-joylariga bo'lgan huquqlari e'tirof etildi.

✅ Joriy yilning 30-iyun kuni Xalq deputatlari Andijon viloyat Kengashining navbatdagi o'ninchi sessiyasi bo‘lib o‘tdi.

✅ Mazkur sessiyada jami 86 nafar, Baliqchi tumanidan 55 nafar, Oltinko'l tumanidan 11 nafar, Asaka tumanidan 10 nafar, Buloqboshi tumanidan 8 nafar, Bo'ston va Izboskan tumanlaridan 1 nafardan fuqarolarning yakka tartibdagi uy-joylariga va ular joylashgan yer uchastkalariga nisbatan mulk huquqlari e'tirof etildi

✅ Qonun ijrosi natijasida fuqarolar va tadbirkorlarining mulklari qonuniylashtiriladi, fuqarolar o‘rtasidagi mulkiy nizolar, shu jumladan meros bilan bog‘liq nizolarga yechim topiladi, hududlarni rivojlantirish bilan bog‘liq hujjatlarni ishlab chiqishdagi muammolar kamayadi, bozorda qonuniy kapital aylanmasi paydo bo‘ladi, eng muhimi aholining kayfiyatiga ijobiy ta’sir ko‘rsatadi.

Telegram | Instagram | Facebook | YouTube | Bot

✅Bir guvohnoma – bir umrga umid

🔹1950-yili qishning qattiq sovuqlarida Rossiya Federatsiyasining Omsk viloyati, Bolsherechensk tumanida dunyoga kelgan Tamara Vasilyevna Volinkina butun umri davomida turli sinov va mushkulotlarga duch keldi. Ayni paytda u Sirdaryo viloyati Yangiyer shahridagi Navro‘zobod mahallasidagi yotoqxonada yakka-yolg‘iz holda yashab kelmoqda.

🔹Eng alamlisi shundaki, u umr bo‘yi shaxsini tasdiqlovchi hech qanday rasmiy hujjatga ega bo‘lmagan. Tug‘ilganlik haqidagi guvohnomasi yo‘qligi sababli pasport olish va o‘z fuqarolik huquqlaridan foydalanish imkoniyati ham unga nasib etmagan.

▶️Batafsil👈

Telegram | Instagram | Facebook | YouTube | Bot

✅Jizzaxda yana 69 nafar fuqaroning uy-joy va yerga egalik huquqi rasman e’tirof etildi.

🔹Xalq deputatlari Jizzax viloyati Kengashining 2025-yil 20-iyunda VII-11-139-3-0-K/25-sonli qarori qabul qilindi. Unda viloyatning bir qator tuman va shaharlarida istiqomat qiluvchi fuqarolarning mulk huquqlari qonuniy tartibda e’tirof etildi.

🔹Jumladan, viloyatimizdagi 69 nafar fuqaro o‘zboshimchalik bilan egallab olingan yer uchastkalari va ular ustida qurilgan uy-joylariga nisbatan mulk huquqlariga ega bo‘ldi. G‘allaorolda 27 nafar, Baxmalda 15 nafar, Sh.Rashidovda 9 nafar, Zominda 5 nafar, Zarbdor, Jizzax shahar va Arnasoyda 3 nafardan, Paxtakorda 2 nafar, Forishda 1 nafar fuqaroning o‘zboshimchalik bilan egallab olingan yer uchastkalari va ularda qurilgan uy-joylariga nisbatan mulk huquqlari e'tirof etildi.

🔹Ma’lumot uchun: Jizzax viloyatida bugungacha 97 dan ziyod mahallada 21 ming ortiq ko‘chmas mulk obyekti xatlov yo‘li bilan texnik inventarizatsiyadan o‘tkazilib, elektron xaritalari yaratildi. 19 ming ortiq obyekt UZKAD axborot tizimida elektron yig‘majild shakllantirish uchun migratsiya qilindi va 17 mingdan ziyodi faollashtirildi. 10 ming 673 dan ortiq obyekt haqidagi ma’lumotlar “E'TIROF” axborot tizimiga kiritilib, vakolatli tashkilotlar muhokamasiga yuborilgan.

🔹Ularning 835 dan ortig‘i e’londa, 9669 dan ziyodi muhokama jarayonida, 240 dan ortig‘i adliya organlarida, 188 tasi tahrirlashda turibdi hamda 93 tasining to‘lovi kutilmoqda.

Telegram | Instagram | Facebook | YouTube | Bot

TOP-30: Yoshlar bilan ishlashda namunali tashkilotlar aniqlandi

⚡️Yoshlar siyosatini samarali amalga oshirish, ularning faolligi va salohiyatini yuzaga chiqarish yo‘lida olib borilayotgan ishlar natijasida yurtimizdagi eng faol tashkilotlar e’tirof etildi.

150 dan ortiq vazirlik va idoralar orasidan yoshlar bilan ishlash borasida ilg‘or tajriba namoyon etgan TOP-30 tashkilot saralandi.

Ta'kidlash lozimki, Adliya vazirligi yoshlar yetakchisi Xamdamov Anasxon ham ushbu reytingda munosib o'rin egalladi.

Vazirlik jamoasi Anasxon Xamdamovni ushbu e’tirof bilan tabriklaydi. Kelgusidagi ishlarida muvaffaqiyat, g‘ayrat va shijoat doimiy hamroh bo‘lishini tilaydi.

Telegram | Instagram | Facebook | YouTube | Bot