#Adliya_xabari

Respublika ishchi guruhi, shu jumladan Adliya vazirligi mas’ullari tomonidan Xorazm viloyatining chekka va chegara oldi hududlarida o'rganishlar olib borildi.

✅Respublika ishchi guruh tarkibida Adliya vazirligi mas'ullari, dastlab, Xiva shahri hokimligida aholi murojaatlari bilan ishlash, mahallalarda xalq bilan muloqotni tashkil etish orqali ularning muammolarini aniqlash va hal etish, hududlar infratuzilmasini yaxshilash va boshqa ijtimoiy-iqtisodiy masalalar bo'yicha amalga oshirilayotgan ishlar bilan tanishdi.

✅Shuningdek mazkur shaharning “Lolazor”, "Mevaston" va "Sangar" mahallalari aholisi uchun sayyor qabul tashkil etildi.

Sayyor qabulda fuqarolardan suyultirilgan gaz ballonlarini yetkazib berish, fuqarolik pasportini olish, tadbirkorlik uchun yer maydonini ajratish va shu kabi turli masalalar bo‘yicha murojaatlar qabul qilinib, mas’ul tashkilotlarga ushbu murojaatlarni ijobiy hal etish choralarini ko'rish yuzasidan ko‘rsatmalar berildi.

Telegram | Instagram | Facebook | YouTube | Bot

#Xalqaro_hamkorlik

Yevropa Ittifoqining Markaziy Osiyo bo‘yicha maxsus vakili E.Stiprays bilan ikki tomonlama uchrashuv bo‘lib o‘tdi.

✅Joriy yilning 13-may kuni Adliya vaziri Akbar Tashkulov Yevropa Ittifoqining Markaziy Osiyo bo‘yicha maxsus vakili Eduard Stipraysni qabul qildi.

✅Uchrashuvda Adliya vaziri A. Tashkulov so‘nggi yillarda mamlakatimizda adliya va huquq, shuningdek inson huquqlari va ularning qonuniy manfaatlarini himoya qilish sohasida amalga oshirilayotgan keng ko‘lamli islohotlar hamda ushbu islohotlarda Yevropa Ittifoqining o‘rni haqida gapirib o‘tdi.

✅Eduard Stiprays janoblari, o‘z navbatida, adliya va huquq sohalarida amalga oshirilgan islohotlarni yuqori baholab, ularni yanada mustahkamlashga qaratilgan yangi loyihalarni amalga oshirishga tayyor ekanligini bildirdi.

✅Uchrashuv davomida tomonlar «O‘zbekiston – Yevropa Ittifoqi» hamkorlik kengashi hamda adliya, ichki ishlar, inson huquqlari va tegishli masalalar bo‘yicha kichik qo‘mitasi doirasida doimiy ravishda qonun ustuvorligi va sud-huquq sohasini takomillashtirish, inson huquqlarini himoya qilish, fuqarolik jamiyatini mustahkamlash sohalarida o‘zaro hamkorlik faol yo‘lga qo‘yilgani alohida ta’kidlandi. Shuningdek, hamkorlikda amalga oshirilayotgan loyihalar borasida erishilayotgan natijalarga yuqori baho berildi.

✅Uchrashuv yakunida tomonlar fuqarolik jamiyatini rivojlantirish va inson huquqlari borasida o‘zaro hamkorlikni chuqurlashtirish, hamkorlikda adliya va huquq sohasidagi tadbirlarni o‘tkazishga kelishib oldilar.

✅Shu bilan birga, A.Tashkulov Yevropa Ittifoqini qonun ustuvorligiga asoslangan erkin va ochiq xalqaro hamkorlikni ta’minlash va mustahkamlashda O‘zbekistonning ishonchli va uzoq muddatli strategik sherigi ekanligini ta’kidladi.

Telegram | Instagram | Facebook | YouTube | Bot

#Adliya_xabari

Avval xabar berganimizdek, hududlarda davlat hisobidan yuridik yordam ko‘rsatish tizimi o‘rganilmoqda.

✅Adliya vazirligi ishchi guruhi tomonidan hududlarda davlat hisobidan yuridik yordam koʻrsatish tizimini samarali yoʻlga qoʻyish boʻyicha amaliy choralar koʻrilmoqda.

Jumladan, Ishchi guruh tomonidan Toshkent shahri, Sirdaryo va Toshkent viloyatlarida “Yuridik yordam” axborot tizimining yoʻlga qoʻyilganlik holati, bu borada adliya boʻlimlarining huquqni muhofaza qiluvchi organlar va boshqa tegishli tashkilotlar bilan hamkorlikdagi faoliyati tahlil qilinib, surishtiruv va tergov organlari xodimlari, sudyalar va advokatlar, shuningdek tuman adliya boʻlimlari masʼullari ishtirokida davlat hisobidan yuridik yordam ko‘rsatish tartibi boʻyicha amaliy seminarlar tashkil etildi.

✅Bundan tashqari, ishchi guruh tomonidan mazkur hududlarda notarial arxivlarda arxiv ishini tashkil etilganligi holati hamda tuman (shahar)lardagi ayrim notariuslar faoliyati yuzasidan monitoring oʻtkazilib, mas’ullarga tegishli koʻrsatmalar berildi.

Telegram | Instagram | Facebook | YouTube | Bot