#Adliya_hudud

Hududiy adliya organlari: kun davomida

🖥 Andijon viloyati: Oltinko‘l tumani “Madaniy mehnat” mahallasida “Huquqiy mahalla” loyihasi asosida “Adliya kuni” tadbiri tashkil etilib, uyma-uy yurgan holda fuqarolar muammolari o‘rganildi.

🖥 Buxoro viloyati: Buxoro shahrida oilaviy ajrimlarni oldini olish, oilalar mustahkamligini ta’minlash va farzandlar tarbiyasiga bag‘ishlangan amaliy tadbir bo‘lib o‘tdi.

🖥 Fargʻona viloyati: Farg‘ona tumani “Xosilot” mahallasida ijtimoiy himoyaga muhtoj xotin-qizlar uchun sayyor qabul o‘tkazildi.

🖥 Jizzax viloyati: Doʻstlik tuman adliya boʻlimi tomonidan “Bepul huquqiy maslahat bilan har bir uyga” aksyasi doirasida “Qaxramon” mahallasida huquqiy targʻibot tadbiri tashkil etildi.

🖥 Xorazm viloyati: “Hech bir shaxs hujjatsiz qolmaydi” huquqiy aksiyasi doirasida fuqarolar va ularning oila a’zolariga tegishli bo‘lgan fuqarolik holati dalolatnoma yozuvlaridagi 4178 ta xatoliklar to‘g‘rilandi.

🖥 Namangan viloyati: Yangiqoʻrgʻon tumanida fuqaro O.Aga 25 yildan soʻng “Hech bir shaxs hujjatsiz qolmaydi” huquqiy aksiyasi doirasida tugʻilganlik to'g'risida guvohnoma rasmiylashtirilib berildi.

🖥 Navoiy viloyati: Navoiy viloyat OITSga qarshi kurashish markazida korrupsiyaga qarshi kurashish yuzasidan huquqiy targ‘ibot tadbiri tashkil etildi.

🖥 Qashqadaryo viloyati: Qarshi shahar FHDY boʻliminining amaliy yordami bilan fuqaro M. X 15 yoshida tugʻilganlik toʻgʻrisidagi guvohnomaga ega boʻldi.

🖥 Samarqand viloyati: Oqdaryo tumanida joylashgan “Galaravot” mahallasida “Bepul huquqiy maslahat bilan har bir uyga” huquqiy aksiyasi doirasida sayyor tartibda davlat xizmatlari koʻrsatildi.

🖥 Sirdaryo viloyati: Yangiyer shahar dehqon bozorida fuqarolar va tadbirkorlik subyektlariga sayyor davlat xizmatlari koʻrsatildi.

🖥 Toshkent shahri: Yunusobod tumani adliya bo‘limining aralashuvi bilan fuqaroga nafaqa pullari va 23 million so'mdan ortiq kompensatsiya toʻlab beriladigan boʻldi.


Telegram | Instagram | Facebook | YouTube | Bot

✅Yana bir mashhur shoir xonanda Botir Qodirov ustidan Adliyaga shikoyat qildi..

Аdliya vazirligi tomonidan xalqimiz orasida "Abdussamiy" taxallusi bilan bilan tanilgan shoir Shoxrux Abduvoxidovga tegishli “Qizg‘anaman”, “So‘nggi nafasgacha”, “Sog‘indim yomon” hamda “Dildora” nomli she’rlari xonanda Botir Qodirov tomonidan huquq egasi ruxsatisiz hamda tegishli tartibda mualliflik haqini to‘lamasdan foydalanilganligi aniqlandi.

Holat yuzasidan huquqbuzarga nisbatan Maʼmuriy javobgarlik to‘g‘risidagi kodeksning 177 prim 1-moddasi bilan maʼmuriy huquqbuzarlik to‘g‘risidagi bayonnoma rasmiylashtirilib, tegishli sudga yuborildi.

Toshkent shahar jinoyat ishlari bo‘yicha Chilonzor tuman sudining qaroriga ko‘ra, huquqbuzarga nisbatan O‘zbekiston Respublikasi MJtKning 177 prim 1-moddasining ikkinchi qismi bilan bazaviy hisoblash miqdorining 8 (sakkiz) baravari miqdorida – 3 000 000 (uch million) so‘m jarima jazosi tayinlandi.

✔️Qayd etish kerak, avvalroq shoir "Shamsiddin Sadoiy"ning Adliya vazirligiga qilgan murojaati asosida "Davlating borida”, “Omonat” va “Tingla do‘stim” nomli she’rlari xonanda Botir Qodirov tomonidan huquq egasi ruxsatisiz hamda tegishli tartibda mualliflik haqini to‘lamasdan foydalanilganligi aniqlanib Toshkent shahar jinoyat ishlari bo‘yicha Chilonzor tuman sudining qaroriga ko‘ra, huquqbuzarga nisbatan O‘zbekiston Respublikasi MJtKning 177 prim 1-moddasining birinchi qismi bilan bazaviy hisoblash miqdorining 5 (besh) baravari miqdorida – 1.875.000 (bir million sakkiz yuz yetmish besh ming) so‘m jarima jazosi tayinlangan edi.

⚠️ Hurmatli ijod vakillari! Mualliflik huquqingiz buzilganda Adliya vazirligining "1008" ishonch telefoni orqali xabar berishingiz yoki info@adliya.uz elektron pochta manzili orqali murojaat qilishingizni so'raymiz!

Telegram | Instagram | Facebook | YouTube | Bot

#Adliya_xabari

✅ Joriy yilning 6-may kuni Adliya vaziri Akbar Tashkulov Toshkent davlat yuridik universitetiga tashrif buyurib, ta’lim sifati, o‘quv va innovatsion sohada amalga oshirilgan ishlar va kelgusidagi rejalar hamda huquqiy tashabbuslar bilan tanishdi.

Vazir dastlab, TDYUda tashkil etilgan Situatsion markazning faoliyati bilan yaqindan tanishib, markaz tomonidan amalga oshirilgan ishlar bo‘yicha hisobotni tingladi.

✅Shuningdek, ta’lim sifatini yanada oshirish, maxsus yuridik fanlarni o‘qitish metodologiyasini takomillashtirish maqsadida Jinoyat-protsessual huquqi fani va jinoiy-huquqiy fanlarni o‘qitish bo‘yicha ishlab chiqilgan takliflar ko'rib chiqildi.

✅Bundan tashqari, Vazir xalqaro akkreditatsiyadan o‘tishda TDYUning transformatsiya jarayonlari holati va kelgusidagi vazifalari taqdimoti bilan tanishdi.

✅Tashrif yakunida talabalarning “start-up” loyihalari bo‘yicha taqdimot bilan tanishib, tegishli ko‘rsatma va topshiriqlar berdi.

Telegram | Instagram | Facebook | YouTube | Bot