#tanlov

🏆 Yilning “Eng yaxshi huquq o‘qituvchisi” aniqlandi.

Joriy yilning 2–3-may kunlari Adliya vazirligi hamda Maktabgacha va maktab ta’limi vazirligi tomonidan “Eng yaxshi huquq o‘qituvchisi” ko‘rik tanlovi o‘tkazildi.

Ilk marotaba oʻtkazilgan tanlovda respublika boʻyicha 10 mingga yaqin "Davlat va huquq asoslari" fani oʻqituvchilari qatnashdi.

Respublika bosqichida ishtirok etgan 42 nafar o‘qituvchidan 3 nafari koʻrik tanlov g'olibi, 6 nafari esa “Eng yaxshi notiq” va “Eng yaxshi taqdimot” nominatsiyalarini qo‘lga kiritdi.

Tanlov gʻoliblari quyidagicha diplom va pul mukofoti bilan taqdirlandi.

🥇1-oʻrin – Odilova Dilobar Xolmamatovna (Samarqand viloyati, Jomboy tumani 28-maktab oʻqituvchisi) — I darajali diplom va 30 mln soʻm pul mukofoti;
🥈2-oʻrin – Norova Mehriniso Sheraliyevna (Buxoro viloyati, Qorovulbozor tumani 1-maktab oʻqituvchisi) — II darajali diplom va 20 mln soʻm pul mukofoti;
🥉3-oʻrin – Baymuratov Azat Amangeldi uli (Qoraqalpog'iston Respublikasi, Shumanay tumani 16-maktab oʻqituvchisi) — III darajali diplom va 10 mln soʻm pul mukofoti.

Mazkur ko‘rik-tanlov Vazirlar Mahkamasining 2024-yil 24-avgustdagi 532-son qarori asosida tashkil etildi.

Telegram | Instagram | Facebook | YouTube | Bot

📣GULISTON SHAHAR DEHQON BOZORIDA TARG'IBOT

🔹Sirdaryo viloyat adliya boshqarmasi, prokuratura, ichki ishlar,soliq hamda Guliston shahar hokimligi mutasaddilari ishtirokida Guliston shahar dehqon bozorida tashkil etilgan tadbirda bozorlar faoliyatini qonuniy tashkil etish masalalari muhokama qilindi.

🔹Tadbir davomida bozorlar va savdo komplekslarini amaldagi qonunchilik talablari va zamonaviy yondashuvlar asosida tartibga keltirish, bozorlar va savdo komplekslaridan tushadigan bir martalik yig‘imlar, ko‘rsatilgan xizmatlar qiymatini belgilangan tartibda undirilishi holati o‘rganilib, bu borada aniq vazifalar belgilab olindi.

🔹Shuningdek, yashirin iqtisodiyotga barham berish maqsadida adliya xodimlari tomonidan tadbirkorlar o‘rtasida tushuntirish ishlari olib borilib, 10 nafar tadbirkor davlat ro‘yxatidan o‘tkazildi.

Telegram | Instagram | Facebook | YouTube | Bot

🏆 Adliya vazirligi tomonidan "Lokomotiv" futbol klubining rasmiy belgisi xizmat ko'rsatish belgisi sifatida ro'yxatdan o'tkazildi.

⚽️ Tovar belgisi va xizmat ko‘rsatish belgisi bu bir yuridik va jismoniy shaxslar tovarlari va xizmatlarini boshqa yuridik va jismoniy shaxslarning shu turdagi tovarlaridan farqlash uchun xizmat qiladigan, belgilangan tartibda ro‘yxatdan o‘tkazilgan belgilardir.

⚽️ Bungacha "Paxtakor" futbol klubining belgisi ro'yxatdan o'tkazilgan va huquqiy muhofazaga olingan edi.

⚽️ Lekin O'zbekistondagi boshqa hech bir futbol klubi o'z rasmiy belgisini tovar yoki xizmat ko'rsatish belgisi sifatida ro'yxatdan o'tkazmagan.

🌐Tovar belgisini ro'yxatdan o'tkazish uchun Adliya vazirligining im.adliya.uz sayti orqali ariza topshirishingiz mumkin.

Telegram | Instagram | Facebook | YouTube | Bot

#Hech_bir_shaxs_hujjatsiz_qolmaydi

Sahovatlik Zarifa hujjatli bo'ldi

Adliya organlari va muassasalarida bugungi kunda fuqarolarning huquq va erkinliklarini himoya qilish, ularning huquqiy savodxonligini oshirish hamda joylarda fuqarolarga bepul birlamchi huquqiy ko‘mak berish maqsadida Adliya vazirligi tomonidan “Hech bir fuqaro hujjatsiz qolmaydi” huquqiy aksiyasi o‘tkazib kelinmoqda.

Mazkur aksiya doirasida Yangi Namangan tuman, Sahovat MFYda istiqomat qiluvchi aholini muammolari o’rganildi. O’rganish davomida shaxsini tasdiqlovchi xujjati yo’q, yoki oila tarkibida muammosi bor fuqarolarga huquqiy yordam ko’rsatildi.

Jumladan, 25 yildan buyon tug’ilganlik guvohnomasini olmagan Xolmatova Zarifa Ilxomjon qiziga tug’ilganlik haqidagi guvohnoma topshirildi. Buning natijasida mazkur fuqarolarning 25 yillik muammosi ijobiy yechim topdi.

Telegram | Instagram | Facebook | YouTube | Bot