#Adliya_xabari

Tadbirkorlarga intellektual mulk huquqini himoya qilish boʻyicha uslubiy yordam koʻrsatilmoqda

Xabar berganimizdek, 15-fevraldan 15-mart kuniga qadar “Kontrafaktsiz oy” oyligi oʻtkazilmoqda. Uning doirasida respublika boʻylab savdo obyektlari, bozorlar, dorixonalar, kutubxonalar hamda ishlab chiqaruvchi korxonalarda intellektual mulk huquqiga rioya qilish yuzasidan targʻibot tadbirlari oʻtkazilib kelinmoqda.

Xususan, 3-mart kuni Sirdaryo viloyatida “Sardor Jamshid” MCHJ ishlab chiqarayotgan “Gʻisht tashish” uchun moʻljallangan texnika vositasi va “TUPLOFF”MCHJ ishlab chiqarayotgan “Isitish moslamasi”ni intellektual mulk obyektini bir turi boʻlgan foydali model yoki sanoat namunasi sifatida roʻyxatdan oʻtkazish uchun talabnoma topshirish tartibi, “Navroʻz total textile” MCHJga oʻz tovar belgisiga ega boʻlishning afzalliklari haqida huquqiy tushuntirishlar berildi.

Adliya organlari xodimlari 4-mart kuni “BYD Uzbekistan” MChJ rahbarlari bilan BYD tovar belgilarini himoya qilish, kontrafakt mahsulotlarni aniqlash boʻyicha hamkorlikda maʼlumot almashinuvi yoʻlga qoʻyildi.

5-mart kuni Urgut tumanidagi “Urgut savdo kompleksi” MChJ hududida faoliyat olib boruvchi tadbirkorlar bilan kontrafakt mahsulotlarini sotilishini oldini olishga qaratilgan targʻibot ishlari oʻtkazilib, yangilangan 20 dan ortiq kontrafakt mahsulotlar kataloglari tarqatildi.

Urgut iqtisodiy sanoat zonasida joylashgan “Urgut Mikro Metal”, “Innovation Med Total”, “Elite Soft Products”, “Promvest Product” hamda “USS Business Symbol” MChJlarda “Hey bebek”, “Smile”, “Sweet baby”, “Santenni” belgilarini tovar belgisi sifatida roʻyxatdan oʻtkazish va uni himoya qilish boʻyicha uslubiy yordam koʻrsatildi.

📌 Kanalga ulanish

#Kontrafaktsiz_oy

Adliya vazirligi Intellektual mulk departamenti tomonidan “Kontrafaktsiz oy” oyligi doirasida Qoraqalpogʻistonda tadbirkorlar, talaba yoshlar va professor-oʻqituvchilar ishtirokida tadbir oʻtkazildi.

Muloqot davomida aholi orasida intellektual mulk huquqiga amal qilish, kontrafakt mahsulotlarga murosasiz munosabatni shakllantirish, mualliflik sohasida, shu jumladan, plagiatga qarshi kurashish maqsadida ishlab chiqaruvchi, sotuvchi, jamoat va koʻngilochar joylarda huquqbuzarlikning oldini olish, ular bilan huquqiy kurashish haqida aytib oʻtildi.

📌 Kanalga ulanish

#Adliya_xabari

Adliya vaziri Respublika sud ekspertiza markazida amalga oshirilayotgan ishlar bilan tanishdi

Bugun, 7-mart kuni adliya vaziri Akbar Toshqulov X. Sulaymonova nomidagi Respublika sud ekspertiza markazi laboratoriya va boʻlimlarida yaratilgan shart-sharoitlar, mavjud moddiy-texnika bazasi va ularning imkoniyatlari hamda yangi joriy etilgan ekspertiza turlarini oʻtkazilishi holatini koʻzdan kechirdi.

Markazda hujjatlar bilan ishlash, raqamlashtirish jarayoni, shu jumladan, “E-ekspertiza” axborot tizimi bilan yaqindan tanishildi.

Shuningdek, 2024-yilda joriy etilgan “Dendrologiya” “Fototexnika” va “Videotexnika” ekspertizalarini oʻtkazilishi hamda markazning Surxondaryo viloyat boʻlimi yangi binosining qurilishi va Toshkent viloyati boʻlimining tashkil etilishi jarayonlari haqida maʼlumot berildi.

Kelgusida markaz va uning hududiy boʻlimlarida amalga oshiriladigan ishlar, xarid qilinishi lozim boʻlgan uskuna va jihozlar, joriy etilishi zarur boʻlgan tadqiqot turlari yuzasidan taklif va topshiriqlar berildi.

📌 Kanalga ulanish

#Adliya_xabari

Adliya vaziri oʻrinbosari Qarshi shahridagi mahallalarda aholi bilan ochiq muloqot oʻtkazdi

Adliya vazir oʻrinbosari Alisher Karimov Qashqadaryo viloyatiga amalga oshirgan xizmat safari davomida Qarshi shahrining “Aralovul” mahallasi “yettiligi” bilan uchrashib, “Kambagʻallikdan farovonlik sari” davlat dasturi doirasida olib borilayotgan ishlar bilan yaqindan tanishdi.

Mahallada 1886 ta xonadon boʻlib, aholi asosan ishlab chiqarish va xizmat koʻrsatish bilan shugʻullanadi. Vazir oʻrinbosari mahalladagi oʻzini oʻzi band qilgan fuqarolar xonadonlarida boʻlib, ularda yaratilgan issiqxonalar, maktabgacha taʼlim muassasalari faoliyati bilan tanishdi. Turli yoʻnalishlar boʻyicha huquqiy tushuntirishlar berildi.

Vazir oʻrinbosari Qarshi shahri “Gulshan” mahallasidagi faoliyat yuritadigan tadbirkor Aziz Xalikov bilan muloqot oʻtkazib, uning issiqxonasida yaratilgan shart-sharoitlar bilan tanishdi. Yana bir tadbirkor Sherzod Togʻayevning issiqxonasida qulupnay yetishtirish tajribasi oʻrganildi hamda mavjud huquqiy muammo va masalalar tinglandi.

Shuningdek, Alisher Karimov “Yashil makon” umummilliy loyihasi doirasida tashkil etilgan aksiyada Qarshi shahridagi Alisher Navoiy istirohat bogʻida daraxt ekdi.

📌 Kanalga ulanish