#OAV_biz_haqimizda

Ekspertiza imkoniyatlari

X.Sulaymonova nomidagi Respublika sud ekspertiza markazining Sud-kompyuter texnikaviy ekspertizasi bo'limi faoliyati haqida video lavha.

@adliyangiliklari

#Adliya_xabari

“Intellektual mulk sohasida nazorat xaridini amalga oshirish tartibi to‘g‘risidagi nizomni tasdiqlash haqida”gi Vazirlar Mahkamasi Qarori qabul qilindi

Vazirlar Mahkamasining ushbu (441-son, 23.07.2024 y.) Qarori bilan adliya organlariga O‘zbekiston Respublikasida huquqiy muhofazaga olingan intellektual mulk obyektlariga oid huquqbuzarlikni aniqlash yuzasidan savdo nuqtalarida (bozorlar, savdo do‘konlari, ko‘chma savdo shahobchalari, dorixonalar va boshqalar) realizatsiya qilinadigan tovarlarni xarid qilish vakolati berildi.

Intellektual mulk sohasida nazorat xaridi jismoniy va yuridik shaxslarning tadbirkorlik faoliyatiga aralashmagan holda ikki nafar xolislar ishtirokida amalga oshiriladi va bu tadbirkorlik subʼektlari faoliyatida tekshiruv oʼtkazish hisoblanmaydi.

Nazorat xaridi bu borada yuzaga keladigan asoslarga koʼra rejali va rejadan tashqari tarzda oʼtkaziladi. Shuningdek, Nazorat xaridi kassa cheki yoki belgilangan shakldagi toʼlov amalga oshirilganligi haqidagi boshqa hujjat rasmiylashtirilganda amalga oshirilgan hisoblanadi.

Nazorat xaridida olingan tovarlar boʼyicha intellektual mulkka boʼlgan huquqlar buzilishi holatiga huquqiy baho berish maqsadida Tovarlarni oʼrganish amalga oshiriladi hamda qonunbuzilish holati aniqlansa, adliya organi tomonidan huquq egasiga bu toʼgʼrisida uch ish kuni ichida xabar qilinadi. Xabardor qilingan huquq egalaridan tegishli holat boʼyicha chora koʼrish haqida murojaat kelib tushsa, u qonunchilikda belgilangan tartibda koʼrib chiqiladi.

@adliyangiliklari

#Adliya_xabari

O‘zbekiston Respublikasi Prezidentining “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi Farmoni ijrosini ta’minlash maqsadida Hududlarda “Adliya kuni” doirasida sayyor qabul va "Huquqiy ko‘mak" tadbirlari davom etmoqda

@adliyangiliklari

#Adliya_xabari

Shoirning she’rlaridan ruxsatsiz foydalangan shaxs jarimaga tortildi

Аdliya vazirligi tomonidan vakolatli shaxsning murojaati asosida shoir Q.Q.ning “Otang Bоу”, “Ona qarang zo‘r bo‘lib ketdim”, “Onamga yoqmayapsan” nomli she’rlari xonanda Q. R. tomonidan huquq egasi ruxsatisiz hamda tegishli tartibda mualliflik haqini to‘lamasdan foydalanilganligi aniqlandi.

Holat yuzasidan huquqbuzarga nisbatan Maʼmuriy javobgarlik to‘g‘risidagi kodeksning 177(1)-moddasi bilan maʼmuriy huquqbuzarlik to‘g‘risidagi bayonnoma rasmiylashtirilib, tegishli sudga yuborildi.

Sud qaroriga ko‘ra, huquqbuzarga nisbatan jarima jazosi tayinlandi.

Mualliflik va turdosh huquq obyektlaridan huquq egasining ruxsatsiz, noqonuniy ravishda foydalanish javobgarlikka sabab bo‘lishi to‘g‘risida ogohlantiramiz.

Hurmatli fuqarolar, agarda sizning mualliflik yoki turdosh huquqlaringiz buzilayotgan bo‘lsa, huquqlaringizni himoya qilish uchun Adliya vazirligiga murojaat qiling.

@adliyangiliklari

#Adliya_xabari

Xorazm viloyati Adliya boshqarmasida intellektual mulk boʻyicha jismoniy va yuridik shaxslarning muammolarini o‘rganish yuzasidan sayyor qabul o‘tkazildi

Joriy yilning 25-iyul kuni Adliya vazirligi huzuridagi “Intellektual mulk markazi” davlat muassasasi raxbari B.Sagdullayev, Xorazm viloyati adliya boshqarmasi boshlig’ining birinchi o’rinbosari R.Sabirov hamda markazning tegishli mutaxassislari ishtirokida Urganch shahrida tadbirkorlik subyektlarining sohaga oid mavjud muammolarini joylarda o‘rganish va ularni bartaraf etish yuzasidan sayyor qabul o‘tkazildi.

Sayyor qabulda turli sohalarga oid tadbirkorlik subyektlari: ishlab chiqaruvchilar, xizmat ko‘rsatish korxonalari raxbarlari, yosh ishbilarmonlar, tijoratchilar shu bilan birga manfaatdor shaxslar ishtirok etib, mavjud bo‘lgan va hal etilmagan muammolari yuzasidan markaz raxbariga bevosita murojaat etish imkoniga ega bo‘ldilar.

Barcha ishtirokchilarning savollari, muammolari eshitildi, joyning o‘zida o‘rganilib chiqildi hamda kerakli ko‘rsatma va maslahatlar berildi.

Shu bilan birga, tadbir davomida yuqoridagi maslalarni hal qilish yuzasidan markaz xodimlari tomonidan tegishli amaliy ko‘mak ishlari amalga oshirildi.

@adliyangiliklari

#OAV_biz_haqimizda

Ekspertiza imkoniyatlari

X.Sulaymonova nomidagi Respublika sud ekspertiza markazining Materiallar, ashyolar va buyumlar kriminalistik ekspertizasi laboratoriyasi faoliyati haqida video lavha.

@adliyangiliklari