#Adliya_aralashgach

Shartnoma majburiyatlari bajarilmadi, holatga adliya aralashdi “Mirob qurilish servis” masʼuliyati cheklangan jamiyati hamda “Sirdaryo tuman yoʻllardan foydalanish korxonasi” davlat muassasasi oʻrtasida tuzilgan shartnoma majburiyatlari bajarilmadi.

👉Batafsil

@adliyangiliklari

​Kontrafaktchilar yana “Anjan”muzqaymogʻiga “murojaat” qilishdi

Fargʻona viloyat adliya boshqarmasiga “SURPRISE ICE CREAM” MChJ rahbari X.Madrahimov oʻziga tegishli “Anjan” tovar belgisidan Fargʻona viloyatida joylashgan “F.I.C.” oilaviy korxonasi tomonidan huquq egasining ruxsatisiz foydalanilayotganligi yuzasidan murojaat kelib tushdi.

Murojaat asosliligi oʻrganilganda, “SURPRISE ICE CREAM” MChJ rahbari X.Madrahimov Adliya vazirligidan 2022-yilning may oyida “Anjan” jamlanma tovar belgisi uchun tovarlar va xizmatlar xalqaro tasnifining barcha sinfiga, jumladan 30-sinfiga muvofiq MGU 45104-sonli guvohnoma olgan hamda Oʻzbekiston Respublikasi hududida muhofazaga olingan.

Murojaat asosida “F. I. C.” oilaviy korxonasi oʻrganish oʻtkazilganda, korxona tomonidan “Anjan” tovar belgisiga adashtirib yuborish darajasida oʻxshash boʻlgan “Anjancha” tovar belgisidan foydalangan holda muzqaymoq ishlab chiqarayotganligi aniqlandi.

Oʻrganish yakuni boʻyicha “F.I.C.” oilaviy korxonasi rahbariga qonun hujjatlarining buzilishi, ularning sabablari va bunga olib keluvchi shart-sharoitlarni bartaraf etish toʻgʻrisida taqdimnoma kiritildi.

Shuningdek, huquq egasining tovar belgisi mavjud boʻlgan kontrafakt mahsulotlarni savdodan qaytarib olish, tovar belgisi tasvirlarini yoʻq qilish, tovar belgisini tovardan yoki uning idishi va oʻrovidan yoʻqotish, ushbu talablarni bajarishning iloji boʻlmagan taqdirda, tegishli tovarni yoʻq qilib tashlash choralarini koʻrish boʻyicha koʻrsatmalar berildi.

Ogoh boʻling! Tovar belgisidan yoki adashtirib yuborish darajasida u bilan oʻxshash boʻlgan belgidan tovarlarda, tovarlarning etiketkalarida, oʻrovlarida qonunga zid ravishda foydalanilganda ular kontrafakt hisoblanadi.

#Davlat_xizmatlari

Urgut tumani "Qoratepa" mahalla binosida o‘rnatilgan davlat xizmatlaridan foydalanish imkonini beruvchi interaktiv infokiosk o‘zini oqlayaptimi?

Shu maqsadda mahalla aholisi fikrlari bilan qiziqdik.

Batafsil 👉 videoda.

@adliyangiliklari

#Muhim

Oʻzbekiston Respublikasi Prezidentining 2021-yil 11-fevraldagi PF-6168-son Farmoni hamda Jamgʻarma Vasiylik kengashining 2024-yil 21-iyundagi 2-son qaroriga asosan “El-yurt umidi” jamgʻarmasi tomonidan ilgʻor xorijiy davlatlar nufuzli universitetlari va ilmiy markazlarida bakalavriat, magistratura va doktoranturada taʼlim olish uchun 500 oʻringa moʻljallangan 2024-yilgi 1-ochiq stipendiya tanlovini eʼlon qiladi.

Nomzodlarning hujjatlari 2024-yil 25-iyundan — 25-iyulga qadar respublikaning barcha hududlari vakillari uchun yagona tartib va teng imkoniyat asosida, onlayn rejimda elektron tarzda qabul qilinadi.

Maʼlumot uchun: Stipendiya tanlovi bilan bogʻliq qoʻshimcha maʼlumotlarni “El-yurt umidi” jamgʻarmasining rasmiy veb-saytidagi www.eyuf.uz olishingiz mumkin. Nomzodlar uchun barcha zarur maʼlumotlar Jamgʻarmaning Onlayn hujjat topshirish platformasida batafsil yoritib berilgan: http://admission.eyuf.uz.

Shu bilan birga, ochiq stipendiya tanlovi toʻgʻrisidagi rolikni quyidagi havola https://www.youtube.com/watch?v=wDdN2LyODxg orqali tomosha qilish mumkin.

@adliyangiliklari

#Adliya_xabari

Adliya vazirligi hamda Axborot va ommaviy kommunikatsiyalar agentligi bilan hamkorlikda “Kitoblar nashr etilishida hamda axborot-resurs markazlari faoliyatida mualliflik huquqiga rioya etilishi” mavzusida soha vakillari ishtirokida seminar tashkil etildi.

Ushbu seminarda asarlardan elektron shaklda foydalanuvchi axborot-resurs markazlarida mualliflik huquqiga rioya etilishi mavzusiga alohida to‘xtalib, ushbu faoliyatni amalga oshiruvchi subyektlarning qanday holatlarda asarlarning elektron shaklidan huquq egalari ruxsatisiz erkin foydalanishi mumkinligi to‘g‘risida qonunchilikda belgilangan normalar asosida batafsil ma’lumot berildi.

Shuningdek, seminar davomida ishtirokchilarga kitoblar nashr etishda mualliflar hamda boshqa huquq egalarining shaxsiy nomulkiy va mulkiy huquqlariga rioya etilishi, ularning asarlaridan foydalanish bo‘yicha tuziladigan mualliflik shartnomalarning turlari, muhim shartlari hamda mualliflarga to‘lanadigan mualliflik haqining eng kam stavkalari bo‘yicha huquqiy tushuntirishlar berildi.

@adliyangiliklari

#Adliya_xabari

Yoʻl qoʻyilgan qonunbuzilish uchun jazo muqarrarligi taʼminlandi

Vazirlar Mahkamasining 2018-yil 31-martdagi 256-son qarori bilan tasdiqlangan Yuridik va jismoniy shaxslarni gaz tarmoqlariga ulash boʻyicha davlat xizmatlari koʻrsatishning maʼmuriy reglamentiga asosan gaz tarmoqlariga ulanish uchun texnik shartlarni berish hududiy gaz taʼminoti tashkiloti tomonidan amalga oshiriladi.

Adliya vazirligi tomonidan davlat xizmatini koʻrsatuvchi vakolatli organlar vakillari bilan oʻtkazilgan davra suhbatida “Hududgaztaʼminot” AJ tomonidan reglamentga zid ravishda hududiy gaz taʼminoti tashkilotlari tomonidan ishlab chiqilgan texnik shartlarni Jamiyatning markaziy apparati bilan kelishish amaliyoti joriy etilganligi aniqlandi.

Shuningdek, Adliya vazirligi tomonidan oʻtkazilgan monitoringlarda hududiy gaz taʼminoti filiallari tomonidan davlat xizmatlari koʻrsatilishida yoʻl qoʻyilgan qonunbuzilish holatlarini oldini olish boʻyicha qonuniy talab qoʻyilgan taqdimnoma kiritilgan boʻlsa-da, mazkur qonunbuzilish holatlari bugungi kunga qadar davom etib kelmoqda.

Shunga koʻra, kelgusida yuqoridagi qonunbuzilish holatlarini oldini olish maqsadida “Hududgaztaʼminot” AJ boshqaruv raisi oʻrinbosari Maʼmuriy javobgarlik toʻgʻrisidagi kodeksining 215-5-moddasiga asosan maʼmuriy javobgarlikka tortildi.

@adliyangiliklari

#OAV_biz_haqimizda

Adliya vakillari uyma-uy yurib aholining muammolarini oʻrganishlari jarayonida 28 yillik muammo aniqlandi va unga huquqiy yechim topildi.

"Ruxsor news" informatsion dasturi

@adliyangiliklari

#Adliya_xabari

Yoʻl qoʻyilgan qonunbuzilish uchun jazo muqarrarligi taʼminlandi

Vazirlar Mahkamasining 2018-yil 31-martdagi 256-son qarori bilan tasdiqlangan Yuridik va jismoniy shaxslarni gaz tarmoqlariga ulash boʻyicha davlat xizmatlari koʻrsatishning maʼmuriy reglamentiga asosan gaz tarmoqlariga ulanish uchun texnik shartlarni berish hududiy gaz taʼminoti tashkiloti tomonidan amalga oshiriladi.

Adliya vazirligi tomonidan davlat xizmatini koʻrsatuvchi vakolatli organlar vakillari bilan oʻtkazilgan davra suhbatida “Hududgaztaʼminot” AJ tomonidan reglamentga zid ravishda hududiy gaz taʼminoti tashkilotlari tomonidan ishlab chiqilgan texnik shartlarni Jamiyatning markaziy apparati bilan kelishish amaliyoti joriy etilganligi aniqlandi.

Shuningdek, Adliya vazirligi tomonidan oʻtkazilgan monitoringlarda hududiy gaz taʼminoti filiallari tomonidan davlat xizmatlari koʻrsatilishida yoʻl qoʻyilgan qonunbuzilish holatlarini oldini olish boʻyicha qonuniy talab qoʻyilgan taqdimnoma kiritilgan boʻlsa-da, mazkur qonunbuzilish holatlari bugungi kunga qadar davom etib kelmoqda.

Shunga koʻra, kelgusida yuqoridagi qonunbuzilish holatlarini oldini olish maqsadida “Hududgaztaʼminot” AJ boshqaruv raisi oʻrinbosari Maʼmuriy javobgarlik toʻgʻrisidagi kodeksining 215-5-moddasiga asosan maʼmuriy javobgarlikka tortildi.

@adliyangiliklari

#Adliya_xabari

Andijon viloyat adliya boshqarmasi huzuridagi malaka komissiyasining 2024-yil 28-iyundagi 7-son yig‘ilish qaroriga asosan adliya boshqarmasi tomonidan
▫️Xonobod shahrida xususiy amaliyot bilan shug‘ullanuvchi notarius A.Zulunov (litsenziya AN-0036, 22.04.2020-yil)ga berilgan xususiy notarial faoliyat bilan shug‘ullanish huquqini beruvchi litsenziyaning amal qilishi 1 oy muddatga;
▫️Andijon shahrida xususiy amaliyot bilan shug‘ullanuvchi notarius M.Raximov (litsenziya AN-0003, 22.04.2020-yil)ga berilgan xususiy notarial faoliyat bilan shug‘ullanish huquqini beruvchi litsenziyaning amal qilishi 1 oy muddatga to‘xtatildi.

@adliyangiliklari

#Adliya_brifing

Bugun AOKAda Adliya vazirligi axborot xizmati rahbari Sevara Urinbayeva ishtirokida brifing bo'lib o'tdi.

Unda keng jamoatchilikka “Maʼmuriy islohotlar doirasida adliya organlari va muassasalarining masʼuliyatini yanada oshirish hamda ixcham boshqaruv tizimini shakllantirish toʻgʻrisida”gi Prezident Farmoni ijrosi yuzasidan axborot berildi.

👉Batafsil

@adliyangiliklari

#Adliya_xabari

Nurotada “Adliya kuni”

Tadbirda tuman aholisi uchun sayyor qabul, sayyor davlat xizmatlari, notarius va FHDY xizmatlari koʻrsatildi. Unda OAV vakillari va mustaqil jurnalistlar, blogerlar uchun Adliya vazirligi tomonidan press-tur tashkil etildi.

@adliyangiliklari