Guruhlar uchun hikoyalar va yana 8 ta funksiya

Telegram guruhlarida suhbat koʻp foydalanuvchili chatlar uchun 9 ta yangi funksiya bilan butunlay yangi darajaga chiqadi. Endi guruhlar hikoyalar joylashi va ularni profil sahifalariga postlar sifatida saqlashi mumkin. Guruhlar unikal fon rasmlari va statuslarni belgilashi, shuningdek, koʻrinishini guruh profil muqovasi rangi va logotipi yoki havola uslubi kabi eng batafsil tafsilotlargacha moslashtirishi mumkin. Barcha ushbu funksiyalardan allaqachon foydalanish mumkin va sevimli chatlariga ovoz berishi mumkin boʻlgan guruh aʼzolari tomonidan ochilishi mumkin. Bunday ovoz berilgan guruhlar endi aʼzolariga ovozni matnga aylantirish funksiyasi va premium maxsus emojilarni ham taklif qilishi mumkin.

Guruhlar uchun ovozlar

Guruhlar endi aʼzolar beradigan yoki yutuqli oʻyinlardan oladigan ovozlar evaziga darajalarga erishishi mumkin. Guruh hikoyalari va maxsus koʻrinishga qoʻshimcha ravishda, yuqoriroq darajalar aʼzolarga guruh ichida suhbatlashayotganda ovozni matnga aylantirish va maxsus emojilar kabi premium funksiyalardan foydalanish imkonini beradi.

Guruhlardan hikoyalar

Bu yangilanish guruhlarda suhbatlashishning yangi usulini taqdim etadi, endi adminlar hikoyalar joylashi mumkin. Aʼzolardan javoblar yangi suhbatlarga undagan holda guruhga yuboriladi.

Guruhingiz sifatida hikoya joylash uchun guruh profilidagi hikoya belgisini (+) bosing yoki hikoya muharriringiz “Hikoya sifatida joylash” bandini tanlang.

Emoji status, muqovalar, fon rasmlari va havola uslublari

Ovoz berilgan guruhlar faqat Telegramda mavjud boʻlgan unikal moslashtirish imkoniyatlarini dastaklaydi. Guruhingiz profil muqovasi rangi va logotipini oʻzgartirishingiz, emoji status belgilashingiz va guruhni ochadigan barchaga koʻrinadigan fon rasmini tanlashingiz mumkin.

Guruhlar emoji statuslari uchun guruh nomi yonida chiquvchi animatsiyali geympaddan tortib sirli baqlajongacha Telegram rassomlari tomonidan yaratilgan minglab emojilar orasidan tanlashi mumkin.

Guruhni moslashtirish uchun uning profilini oching va Tahrirlash > Koʻrinish bandini tanlang. Guruh darajasi qaysi koʻrinish sozlamalaridan foydalanishi mumkinligini belgilaydi.

Guruh emoji paketlari

Yuqoriroq darajali guruhlar chat ichidagi suhbat uchun ayrim Telegram Premium funksiyalarini ochishi mumkin.

Adminlar hatto Telegram Premium obunasi yoʻq boʻlsa ham guruhdagi barcha aʼzolarga guruhda foydalanish imkonini beradigan bitta maxsus emoji paketini tanlashi mumkin.

Telegram rassomlari tomonidan yaratilgan emoji toʻplamlari orasidan tanlashingiz yoki faqat guruhingiz uchun unikal paket yaratishingiz mumkin.

Ovozni matnga aylantirish va boshqalar

Ovoz berilgan guruhlar aʼzolari guruhdagi ovozli va video xabarlar uchun cheklanmagan ovozni matnga aylantirish funksiyasidan foydalanishi ham mumkin.

Bu hali boshlanishi — kelgusi yangilanishlarda guruh chatingizni kuchaytirish uchun yanada koʻproq funksiyalar taqdim etiladi.

Har bir darajada foydalanish mumkin boʻlgan barcha guruh imtiyozlari roʻyxati bu yerda berilgan.

Ovoz beruvchilar uchun ruxsatlar

Guruhga ovoz bergan foydalanuvchilardan xabarlar har bir berilgan ovoz bilan oʻzgaradigan maxsus ovoz beruvchi nishonini koʻrsatadi. Adminlar ovoz beruvchilar uchun Sekin rejim yoki boshqa cheklovlarni chetlab oʻtish kabi unikal imtiyozlar beruvchi maxsus ruxsatlarni tatbiq qilishi mumkin.

Telegram Premium istalgan guruh yoki kanalga tayinlash mumkin boʻlgan 4 ta ovozni oʻz ichiga oladi va har safar Premiumni hadya sifatida berganingizda yana 3 ta ovoz olasiz.

Biz ushbu yangilanishga yana 5 ta funksiyani kiritishni rejalashtirgan edik, lekin hozircha App Store xudolaridan ijozat olmadik. Hechqisi yoʻq, bu funksiyalarni tez orada mart oyidagi yangilanishimizda koʻrasiz.

2024-yil, 29-fevral
Telegram jamoasi