.
وكحه النفس ما تفعل تلين
منبت حزن ومخالف سنين
الليل لو سد الروازين
شمسين حمرة يخضر الطين
.
.
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

.
يا الي بين حواجبك غفوة نهر
يا الي جرت سما بعينك
غلطتي تعلميت الغلط منك
حتى لو صوجك اكول الصوج صوجي
چني ألتذ بأذيتك
شنهو اطيب من أذيتك
شلون اوصفك وانت دفتر وانا كلمة
.
.
.
.
#شعراء_وذواقين_الشعر_الشعبي
#مظفر_النواب
#ابو_تراب

.
كبل احسب اصحاب هواي اذا عديت
واجيبن قرن وانثرهم على ايامه
ومن جفي استحي هسة انا اذا عديت
افشل من اعد ما اوصل ابهامه
قطعة من القماش تغير المضمون
وتميزلك فرق رجيلك على الهامه
اكو يشدها اعلى خصرة و وزرة صارت ليه
واكو شدها اعلى راسه وصارت عمامه
اذا لثكله اعلى گلبك گلبك اسود صار
واذا لثكله اعلى وجهك تنحسب شامه
فرق بين الكعد كدامه الله يصير
وفرق بين الكعد والكاس كدامه
.
.
.
.
#شعراء_وذواقين_الشعر_الشعبي
#علي_نجم
#ابو_تراب

.
شو كدرتي على فراكي شو كدرتي
وابد ما تعبتي نفسج ما سألتي
شرخص الي جان غالي احجيلي
بلكي اغمض ساعة انام بليلي
ياما كلتي ابقى وياك العمر
تريد ترحل ؟ ابقى اتاني وانتظر
وين اروح ومن حجي ال لاموني
شغيرج هسة ونسيتي عيوني
.
.
.
.
#شعراء_وذواقين_الشعر_الشعبي
#عاقل_الربيعي
#ابو_تراب

.
وكت العطش من عيني جنت اسكيكم
روحي اشتهتكم خايبين شبيكم
احس بنار طفوني
جمر ينزل من عيوني
انطيت روحي وگلبي جا شنطيكم ؟
روحي اشتهتكم خايبين شبيكم
انا المدلل جنت هسة شبية
افتر وادور ياهو بي حنية
وجوهكم ثكلت شوية شوية
ما چني ذاك الروحه ذابت بيكم
روحي اشتهتكم خايبين شبيكم
.
.
.
.
#شعراء_وذواقين_الشعر_الشعبي
#صباح_الهلالي
#ابو_تراب

.
لا تهيج جرح بية وقصتي تشيب الطفل
وانا ميت تدري بية ميت بصورة عدل
بيا ذنب تذبح حمامي وتركم البرج بقفل
وبيا ذنب تلكى حياتي وتكتب براس السجل
فوضوي يثير المشاكل شكله شكل الماله بالدنيا شكل
انا ابن ذاك الجنوب وبية كل حزن الغروب
من اصلي افصلك اصل
.
.
.
.
#شعراء_وذواقين_الشعر_الشعبي
#جبار_محيبس
#ابو_تراب

.
كطعنه ايام فركه شلون ... مرات
وسعادة بفرح مثل الحلم ... مرت
اخاف وما اسلم عليك ... مرات
وادير العين وانا النار بية
.
.
.
#شعراء_وذواقين_الشعر_الشعبي
#عبادي_العماري
#ابو_تراب

.
يا ليل دك باب الصبر هلبت يفز من نومه
مذبوح فرحي بغربتي روحي اصبحت مهمومه
ادري اني غيبتهم عمر
ادري انا ما ينفع عذر
مالوم گلبي لو يون لا لا ابد ما الومه
.
.
.
#شعراء_وذواقين_الشعر_الشعبي
#حسن_الحيدري
#ابو_تراب

.
كلهم جربتهم ما يفيدون
ولا يسوون دمعاتج يا العيون
جنه صغار متربين فد بيت
كلت ارتاح بيهم من يكبرون
كبروا ريتهم ما كبروا اليوم
كون صغار باقين ويلعبون
وامنه تأشرلنه بساحة البيت
من نلتم وناكل فرد ماعون
ابو جفوف السخيه مكفي العيال
وعلى بساط الشرف والعز يكعدون
فوانيس المحبة منورة الدار
عليها بليل يقرون و يكتبون
شجاكم تغيرتوا شصار ما صار
كون صغار باقين وتلعبون
.
.
.
#شعراء_وذواقين_الشعر_الشعبي
#منقول
#ابو_تراب

• .
اكبر خطأ سويته بحياتي
خليتج جزء من ذكرياتي
قصة حبي غلطة شاطر وياج
انا المفروض احسبج من خواتي
اعلى كد الخوية شكرا اني ممنون
حالج حال سين بمعجباتي
انتي المعجبة الطخيتلج راس
الدخلتي لبيتي مو بس لحياتي
وانا المفروض اسولف رسمي وياج
واضل محمي بغروري ومفرداتي
احيانا غرورك والله يحميك
تواضعتلها بس خسرتني ذاتي
دنت نفسي لان ما شايف عيون
كلما ترمش تقرب وفاتي
الفرق بينج وبيني ... احلامج فلوس
وجانت شوفتج كل امنياتي
عيشتيني صدمة عمري والله
احمد الله مو منج بناتي
.
.
.
.
#شعراء_وذاوقين_الشعر_الشعبي
#علي_ناظم
#ابو_تراب

.
حرز من جان ابونا ... وجه بالبيت
طلع نعشه و جهنم ... وجها بالبيت
اجي مفرفح لشوفه ... واجهب البيت
واصد والكاه صورة ويصد لية
.
.
.
.
#شعراء_وذواقين_الشعر_الشعبي
#منهد_الشاوي
#ابو_تراب

.
شبعد بالروح غير مناطرك سكته
مثل ماي النهر يجري العمر سكته
جان الفرح ويانه
مر بينه وتعدانه
مثل ما فاركتنه انت

.
.
#شعراء_وذواقين_الشعر_الشعبي
#منقول
#ابو_تراب

.
سهل وي غيري حيل وبس علية تصعب
ومدري شبيه احبك وانت ما تنحب
دولبني العشك حد ما صرت دولاب
تعال العب بروحي شلون ما تلعب
بس ارسي اعلى بر وفضها طالت حيل
توصل للصدك وتريدلك مهرب
اي شتريد توصل هذا حب .... خبال
لا يقنع عبد لا يرضى بيه الرب
صدكني بمزاجي طولتها وياك
بيت بلا سياج من السهل تنطب
اليوم وياك احلها العطش طر الروح
وبيرك راح اكشفه ومنه راح اشرب
وباجر سهلة باجر الها الف حلال
خل تخرب شكو شيصير اذا تخرب
.
.
.
.
#شعراء_وذواقين_الشعر_الشعبي
#منقول
#ابو_تراب

.
عمرج ليش يكضي وياي وتضلين مختنكه
انتي سنينج موردات وانا سنيني محتركه
دوريلج حضن دافي
وشفه اترف من شفافي
ومن وداعي لا تبچين والله ارحملج الفركه
عوفيني بلايا وداع لا تدنكين ابد راسج
واختاري گلب غيري گلب يستاهل احساسج
ردي حجاية الكرهوج
لا تخجلين اذا سألوج
عرسي وشيلي راسج فوك المن ضاله مدنكه
غركتيني بالضحكات غركتج قهر ودموع
اريد بعرسج اشعلج بخور ومي ورد وشموع
زفتج انا اسويها
وايدج بأيده اخليها
روحي لحضنه لاتفكرين حضنج مشتهي الشبكه
.
.
.
.
#شعراء_وذواقين_الشعر_الشعبي
#منقول
#ابو_تراب

.
التهيت بجيتك وعفت المفاتيح
وكلتلهم شلون اكسر قيوده
وحسبالي بعدني وياك زعلان
الماي يسولف وياك بركوده
السجين الحفر حفرة وما تكفي
مو بطران بس يضمن وجوده
كتلي احبك ما كلت عنك ولا يوم
جان يمن علية حتى بردودة
امي بكثر ما شافتني تعبان
كالت منو العايفني اعلى موده
وكلتلها اليربي انسان لو راح
شلون يعيش ؟
كالت عيشة سوده
.
.
.
#شعراء_وذواقين_الشعر_الشعبي
#حيدر_حطاب
#ابو_تراب

.
الحمد لله اكتفيت بقله الموجود
وهم نعمة القناعة مسكته ضنوني
خل تفرغ الدنيا عيوني متروسات
ولا تنترس دنيا وفارغة عيوني
عشت عمري وكضيته وقانع ومرتاح
شريد اكثر كضيته وي اليحبوني
وناس الواصلتهم ثمر بيهم خير
وهم بلسانهم للناس وصلوني
وناس المني وصلوا والنسوني بساع
عندي المهم وصلوا خلي ينسوني
ال على متوني صعد لحد يلومه بيوم
مابي صوج انا الناذر متوني
.
.
.
.
#شعراء_وذواقين_الشعر_الشعبي
#عامر_العيثاوي
#ابو_تراب

.
شتكل للناس اذا سألوك عني
وشنو عذرك اذا عرفوا بعتني
تكلهم عافني ؟ لو اني عفته ؟
خسر هو تكلهم لو خسرته
ما غلطان اني وياك مرتاح
وحسبت الله اعلى تعبي يعوض الراح
مع كل الاسف خيبت ضني
على السويته تندم واني اذكرك
وتضل تبچي علية طول عمرك
ترى الميريدني ما اريدة اني
وانسى وما افكر بالنساني
قصة حبنه خلصت هذا حدها
كلمة اني كلتها وما اردها
توبه وما اكول لروحي حني
.
.
.
#شعراء_وذواقين_الشعر_الشعبي
#منقول
#ابو_تراب

.
.
روح ما امنعك حبيبي وداعتك
اي مكان يعجبك وبي راحتك
الله موجود وبدونك ما اموت
وياهو كلك راح اضل بعازتك
بس اريدك تذكر ايام الدلال
البيها عيشتك عمر فوك الخيال
وانا للشمات ابد ما راح اكول
انت بشرهم واخذها بشارتك
.
.
.
#شعراء_وذواقين_الشعر_الشعبي
#منقول
#ابو_تراب

.
متت وياي من أول تريد اتعيش من تالي
كتلتك جا صرت مثلي وتريد اتصير جتالي
أحسّ ظلك يرافكني ويكبر من تجي الظلمة
يصير اخيول وحشية وتطاردني
أروح الوين رحت بكل مكان وسيفك اكبالي
أروح الوين إلا اشلع جذر كلبي بشرايينه
واجمع نار واحرك كلشي من بالي
أحسّك ظل يرافكني يضحكني ويبّجيني
يسّكتني ويحّجيني أروح الوين
شكثر من بحر ذبّيت بي روحي
ولكيتك عالجرف تابوت تبرالي
.
.
.
.

#شعراء_وذاوقين_الشعر_الشعبي
#الكاطع
#ابو_تراب

.
اليطفى كبال وجهي انطي عذر ينشاف
ما خليت نسمة بخاطر الشمعة
انا الضايكني يعرف طينتي من الهور
بية ملوحته وما بدلت طبعة
واتلكى اليجيني منين ما يشتاك
اليمر عابر علية من روحي ما طلعة
لعدوي وصاحبي تغبش ضحكتي وياي
اليجي سيف اعلى نحري استحي ومارجعة
.
.
.
#شعراء_وذاوقين_الشعر_الشعبي
#علي_رشم
#ابو_تراب