البارت الثاني
#الُمٌهنَدِسِه📐 وَالُضُابّطِ👮🏻‍♂
#للكاتبه/طيبه الغراوي

نور: كمت رحت ع حساب الانستا مال مريم اكيد ضايفته دورت حسابه اي هذا لكيته عرفته من صورته دزيتله متابعه ودزيتله رساله

نور:هلو وليد اني نور صديقة مريم
وره نص ساعه

وليد: هلا نور اتشرفت بمعرفتج

نور: شلونك

وليد:زين الحمدلله وانتي

نور:تمام الحمدلله بس اريد احجي وياك بموضوع

وليد:اي تفضلي

نور:وليد انت خوش رجال ونعم منك وامبين عليك تره بس حبيت اكلك لان ماريدك تنخدع

وليد: احجي تره خوفتيني

نور:صراحه انت متستاهل مريم تره هي وحده جذابه وحتى مصادقه واحد بالكليه والكل تعرف بعلاقتهم

وليد:انتي شكاعد تخربطين احجي عدل مريم اعرفها من هي وعمرها 16 سنه مربيها ع ايد شهل حجي

نور:شبيك والله اذا متصدك اني اجيبلك دليل باجر وبكيفك

نور:شبيك والله اذا متصدك اني اجيبلك دليل باجر وبكيفك

وليد:لو ادري داجذبين بس ماشي علمود اكطع الشك باليقين جيبيلي دليل ومتأكد مريم متسوي هيجي

نور:ماشي انتظر باجر وشوف

هع والله يالله مربيها ع ايده بسيطه ولك اخذك احذك

مريم :بعد مرجعنا للبيت شفت سلمت ع بابا وماما وشفت شكلهم غريب
شكو شبيكم هيجي وجوهكم مخطوفه

ابو مريم(ثائر):ماكو شي بنتي بس لازم انروح الجمعه للبصره ابويه مريض ويريد يشوفكم

مريم:اووف والله قهرتني عليه صح اني مشايفتهم من عمري ٣سنوات لان اخر مره رحت اهناك جان اكو واحد دائما يزعجني وميقبل العب وياه اي واحد لازم هو يختارهم اللعب وياهم لذلك كرهت الروحه بسببه بس جدي خطيه
ماشي بابا انروح ادلل

ثائر:الله يرضه عليج بنتي

مريم:صعدت فوك بدلت ونمت شويه بعدين نزلت سويت عشى وتعشينا وحضرت ملابسي ونمت

صباح اليوم....

مريم:صباح الخير وبست بابا وماما

الاب والام:صباح النور بنيتي

الام(سناء):يله بنتي اتريكي وروحي للكليه ولتنسين باجر انروح للبصره نبقى اسبوع لذلك ابوج حياخذلج اجازه

مريم:تمام ماما يله اني اروح باي

الاب والام:الله وياج

مريم :طلعت للخط وركبت غريبه نور اليوم مجايه خل ادك عليها
الووو

نور:الوو هلا

مريم:لج وينج ليش مجايه اليوم

نور:هاا مو تعبانه ومريضه مكدرت اجي

مريم:ياا حبيبتي سلامتج ماشي راح اضل بوحدي اليوم شسوي

نور:اوك اوك اني هسه ارجع انام باي

مريم:باي عمري

نور:دخلت للكليه لازم العبها صح بس خل الكه سرمد وخطتي تنجح اي ذاك
سرمد سرمد(سرمد يصير زميلهم يموت ع مريم ويريدها )

سرمد:هاا نور محتاجه شي

نور:اي محتاجه اني لازم اطلع للمستشفى

سرمد:ليش خير سلامتج

نور:مريضه شويه عادي اطلب منك خدمه

سرمد : أؤمري

نور:هذني الاوراق مهمات ممكن تنطيهن المريم لان مراح اكدر اشوفها

سرمد:هاا مريم تمام ادللي

نور:تسلم مايدلل عليك ظالم
انطيت الاوراق لسرمد ورحت ختلت بمكان اراقبه
شفت مريم اجتي وسرمد انتبه عليها وراحلها اي هسه تمام

مريم:داامشي ادخل للكليه وجان سرمد يصيحني

سرمد:مريم مريم

#البارت الثالث
#الُمٌهنَدِسِه📐 وَالُضُابّطِ👮🏻‍♂
#للكاتبه/طيبه الغراويKT

هسه اجه الوقت حتى اعرفكم ع نفسي اسمي حيدر ابن الشيخ راضي من عشيرة آل....

عملي ضابط شرطه عمري 30سنه عندي اخوان 2 يوسف 27 وسيف 25 وخوات 4 فاطمه متزوجه ابن عمي وعدها جهال اثنين ونسرين متزوجه ابن خالي وعدها ولد وحوريه مخطوبة لبن عمي وجوريه عمرها 19 بعدهي ممزوجه...

انه عندي 5عمام ...

عمي ثائر وعمي علي وعمي سعد وعمي أسعد
جدي عايش الحمدلله بس من كبر سلم الشيخه لأبوي
طبعا عمي علي عنده بس 3ولد الجبير حيدر متزوج اختي فاطمه والوسطاني كرار خاطب حوريه والصغير احمد عايش بغداد دايدرس هندسه

اما عمي سعد عنده 3بنات و2ولد سمر سبأ ونبأ
سبأ خاطبها اخويه يوسف والولد عباس الجبير ومحمد

عمي اسعد عنده 2بنات و3ولد البنات اسماء احلام والولد سامر وحارث وليث متزوجين كلهم

اما عمي ثائر عايش بغداد مدرس تعين هناك وبعد ستقر وتزوج جانو من يجونه قبل جان يجب بت قلبي ااااخ مريم اول محبيتها جان عمري 13 سنه وهي بعدهي 3سنوات صح صغيره بس جانت محبوبه الكل يريدها من جنت اشوفها جنت احس ان هي ملكي الي وحدي وجنت اراقبها من تكبر حسبالي لان بت عمي هيجي قلبي عليها جنت اخاف عليها من الهوى طاير جنت امنعها تلعب وياه اي احد بس وياي وجانت تصير عصبيه وتعوفني ومتلعب احسن حتى تدخل ماريد احد يشوفها

راح دكولون اناني اي حتى لوو اناني المهم الي هاي ملك الي اني وحدي

راحت الايام ومرت سنين وانه بعد مشفتها جانو اهلها امها وعمي بس يجونه ومرات ابنهم محمد وياهم بس هي لا متجي نسيت الموضوع او كمت اتناسى خليت حبي بقلبي كلت خل تكمل كليه واخطبها واذا موافقت انهي عليها المهم متصير لغيري

ومره جنه كاعدين انه ولد عمي وعمامي وجدي وجان يوكع من طوله

نقلنا للمستشفى ضغط وسكر المهم من طلعنا جنه ملتمين يمنى طلب منه ان نخابر عمي ثائر ويجي هو وعائلته

اني كيفت خابرتي عمي واكدت عليه كلهم يجون حصرا وفعلا اليوم جمعه جنه ملتمين وذبحنه ذبيحه ع سلامة جدي وهوسه ....

ولحظات وطبكت سياره عمي ضليت اراقب كلهم نزلو بس هي لا كلت مأجتي بس راسن نزلت بت قلبي

صايره جنها فلعة كمر بعدها ع نفس بياضها بس وجها اصفر تقربت يمها جان راسن وكعت بحضني وياها وكع قلبي

كمت شلتها دخلتها جوا لان الباب مليان زلم
دخلتها بالديوانيه جبت سامر ابن عمي دكتور فحصها وخلالها مغذي طلع عدها سوء تغذيه اووف ليش هيجي

نقلناها ع غرفتي اي اريد عطرها يبقى بغرفتي
ونزلنا بس بالي يمها معرفت اشتغل

كلساع اسأل عليها الان كعدت

مريم:من غبت عن الوعي بعد مادري شصار بيه
بعدها كعدت لكيت نفسي بغرفه وبيدي مغذي
دخلت عليه امي وبيديها صينية اكل

سناء:يله بنتي كومي اكلي وكعدتي قلوبنا
شلون صرتي هسه

مريم:تمام ماما الحمدلله

سناء:يله ماما اكلي هسه ومااقبل اي اعذار شوفي وجهج ليش داتسوين بينا هيجي تعرفين ابوج لحد هسه دايخ عليج ومحمد كلساع يسأل عليج

مريم:ماشي ماما اسفه قلقتكم

سناء:بتي تعرفين من انتو وصغار معودتكم انو اني وياكم اصدقاء وكولشي تحجولي من صرتي بالاعداديه اتغيرتي صرتي ضمين عليه
احجيلي صدكي مااسويلج شي بس انصحج صاير وياج شي

مريم:من سمعت كلام ماما كمت اشهك صح ماما تبين عصبيه بس حنينه كولش

سناء:من شهكاتج اكو شي احجيلي

مريم:كمت احجي لماما ع وليد وكولشي صار

سناء:امممم مريم اني راح انصحج كاام بتي حب النت وهاي السوالف مو دائما ينجح ياعمري
ووليد لو يحبج جان مجذب عليج وجان اجاج من الباب مو هيجي قصه حب وكل هاي المده وهيجي يسوي
وانتي هم غلطانه من سويتي بنفسج هيجي شنو كاطعه الاكل شنو اموت بدونه انسي وعيشي حياتج
لتتصرفين بجهل ماشي ماما وهسه اني راح اروح وانتي اذا شفتي نفسج تحسنتي نزل سلمي عيب عماتج وعمامج خايفين عليج

مريم:كامت ماما طلعت وضليت افكر بحجيها كله صح
لو وليد يحبني جان فهم مني موهيجي سوه
كمت اكلت واني ودااكل انتبهت ع الغرفه الكاعده بيها
تخبل عباره عن 3الوان اسود وابيض وبيجي
الكنتور اسود وسلايت والسرير اسود وفرشه بيضه وتخم جلد اسود وعليه كوشات ابيض وبيجي البردات لونهن بيجي ضليت صافنه ع غرفه والعطر البيها مو غريب عبالك شامته من قبل عطر رجالي يخبل

كملت اكل ونزلت سلمت ع عماتي وعمامي وسلمت ع جدي كلهم تحمدولي بسلامه
بس غريبه واحد لفت نظري من ولد عمي جان عصبي وعبالك كاتله ابوه وسلمت عليه ورد بعصبيه ياا شبي

حيدر:كولش ارتاحيت من كلولي كعدت
كمت خلصت شغلي وصبينا الغده وتغدينه
بعدين انجمعنا بالديوانيه ماكو احد غريب بينا

بس مريم من اجتي خرب عقلي طار بودي اكوم اكسر راسها
لابسه دشداشه مخصره ع جسمها وهي تجنن دوختني ولون دشداشه فيروزي وعيونها عسلي وبيضه كطن وهذوله النغوله كاعدين ولد عمري
عقل مضل براسي اريد اكوم انزع الحزام وين اليوجع

شلون تنزل هيجي بسيطه
اووف وهي من سلم شكو تبوس عمامي
ياريتني بدالهم بسيطه انه الها
هاي مو مال اخليها لحد متكمل كليه وي

#البارت الرابع
#الُمٌهنَدِسِه📐 وَالُضُابّطِ👮🏻‍♂
#للكاتبه/طيبه الغراوي

مريم:اسغفرلله ياربي هسه هذا منين طلعلي انوب مااعرفهم ربي ساعدني قلبي مو ملكي

سناء:مريم(بعصبيه)شنو هذا تصرف السويتي هاا

مريم:يوم لعد عاجبج هيجي يسوي لا وانوب
من رفضت نهى عليه

سناء:المفروض تاخذين وقت وتفكرين وذبج
الساعه ارفضي محد يغصبج بس هسه
منكدر نسوي شي لان....

____________________

ثائر:اعذروني ياجماعه بس البنيه بعدهي صغيره

راضي(ابو حيدر) حب يلطف جو
يله يمعودين البت بتنا

ثائر:طبعا ياخوي ومن هسه اكلك كبع واخذها واذا
يريد ثائر يجيب سيد هسه ويعقد عليها

راضي:مو هيجي الحجي ياخوي الزواج مو غصب

ثائر:لا مو غصب بس اني ادرى بمصلحتها

راضي:بس ثائر

ثائر:خلص اني راح اخابر حيدر يجي نقره الفاتحه

وهم يحجون جانت اكو عيون تراقبهم بغصب
سمر:مستحيل حيدر حب تطفولتي يروح مني لا
وانوب معاجبها مستحيل تاخذه مني مستحيل

___________________

حيدر:كلش ضجت من تصرفها رحت كعدت كبال شط العرب مكاني الاحب اكعد بي بوحدي كاعد صافن
ع العدم وفجأه دك عمي
كلت خل ارد عيب منه

حيدر:الوو هلا عمي

ثائر: هلابيك ابني اكلك حيدر

حيدر:أؤمر عمي

ثائر:تعال يله مريم الك وافقت حجيت وياها اعذرها جانت متعرف تتصرف وتفكر بدراستها
بس من حجيت وياها وافقت
واذا تحب جيب سيد واعقد عليها

حيدر: كلش فرحت من كال هيج
عمي بس فاتحه وبعدين انحدد يوم مهر وعقد

ثائر:ديله لعد تعال هسه

حيدر:جاي جاي
سديته من عمي وكمت كلش فرحان لان حصير الي

_____________________

سناء:بتي لان ابوج انطه كلمه ميصير تنزلين راسه

مريم:يمه شبيج قلبي ماملكه بالي مشتت ماكدر اسوي لو افكر بشي

سناء:مريم متحملتج تره خجلتينه كدام العالم
وهسه تردين تكسرين كلمه ابوج وع منو
واحد باعج بالرخيص اصحي ع نفسج لا اصحصحج
اني انتي فاهمها
عافتها امها وطلعت

مريم:ياربي شسوي هسه الكل ضدي

ثائر:بتي مريم

مريم:كمت مسحت دموعي
ها بابا ادخل

ثائر:شوفي مريومه بابا اني لا جاي ارزلج ولا اعاتبج
بس اني انطيت كلمه وانتي بعد فكري
تردين تكسريني وتنزلين راسي كدام اخوتي
لو ترفعين راسي

مريم:لا بابا ماعاش الي ينزل راسك
سوي التريده بابا موافقه

ثائر:الله يحفظج بتي ويرضه عليج
واني متأكد ان حيدر راح يسعدج

طلع بابا

مريم:هع يحلم اصيرله مره

حيدر:رجعت للبيت امي تهلهل وخواتي واخواني يركصون

ام حيدر:وهي تبجي
واخيرا راح اشوفك عريس

حيدر:بست راسها
يمه الله يحفظج النا

ام حيدر:ابني ويحفظك الي

راضي:يله خل نقره الفاتحه

حيدر:قرينا الفاتحه واني كلش فرحان

محمد(اخو مريم)ضرب ع جتف حيدر
مبروك يانسيب

حيدر:الله يبارك بيك يوم الك

محمد:هو يباوع ع جوريه(اخت حيدر الصغيره)
عن قريب ان شاء الله

حيدر:عمي ممكن اطلب طلب

ثائر:تفضل ابني

حيدر:عمي اريد اكعد وياه مريم احجي وياها شويه

ثائر:روحلها كاعده بغرفه

حيدر:كمت كبل رحتلها اريد احضنها
واروي عطشي
اريد اكللها واخيرا صرتي الي
اريد احجيلها شلون حبيتها وتربعت ع عرش
قلبي

دكيت الباب

مريم:كاعده صافنه وجان يندك الباب
ادخل

حيدر:دخلت ع مريم جان اشوف دمعها
ليش هاي الدموع مفرحانه

مريم:ليش يهمك موصار الي ردته هسه
شكو جايني

حيدر:عصبت كلش
احجي عدل لا اكوم اكسر راسج

مريم:شتريد تسوي سوي
بس تحلم اصيرلك مره

حيدر:انجبي شهل حجي هااا

مريم:هذا العندي اني وافقت علمود بابا
ومااطيق ولا اطيق اشوف وجهك

حيدر:كمت تقربت عليها
ولزمتها من زنودها
ماشي يابت عمي اذا مااخليج كل يوم تصبحين بوجهي فلا يكون اسمي حيدر
لا عبالج لان احبج راح اسكت لا بعدج متعرفين
حيدر كرامتي وكبريائي فوك الكل
واذا ع هذا (وهو يأشر ع قلبه)ادوس عليه
وامشي انتي فاهمه

هاا صدك وحضري نفسج اليوم نعقد
كمت خليت وطلعت