مريم:كمنا ساعه ب4الفجر لان يادوب انلحك
كمت بدلت لعلاوي وهو ونايم يمه فديت صاير مدنفش اووف ضليت ابوس بأيده هو ونايم بعدين كملتله تبديل وعفت نايم كمت اني طبيت للحمام سبحت وطلعت لكيت ماما داتسوي ريوك وخالتي داتلبس ومحمد بس يركض منا ومنا ممصدك ههههه مخبل اخويه
دخلت لغرفتي نشفت شعري اني متعوده من اسبح كبل انشف شعري
ولبست بنطرون جينز وعليه بدي ربع ردان مخصر ع جسمي ولبست جبه سوده تصميم خليجي هم مخصره ع جسمي لو يمكن اني سمنت من حبلت بعلاوي ولفيت الشال خليجي وشلت علاوي واخذت جنطته وغراضه وطلعت اكلت لكمه وياه اهلي وطلعنا
طول الطريق اني حاطه ايدي ع قلبي واباوع ع علاوي خايفه ياخذه مني لان ضميت عليه خايفه منه كولش
وره 5ساعات وصلنا للبصره
وطبينه للسلف
وصلنا لبيت عمي اسعد
جانو كومه زلم خالتي جانت شايله علاوي
ومن داانزل لمحت حيدر واكف بينهم
لابس دشداشه وشماغ وجسمه رياضي خررب مشتاقه انام ع صدره واشتم عطره
انتبهت ع نفسي ولج مريم هذا الي اتهمج بشرفج وموثق بيج خليج قويه
نزلت من سياره جان تجي عيني بعيونه
لحضه جنت دااشوف بعيونه الحب ولهفه
بس اشو هذا كصني من فوك الي جوه بعيونه وصارن حمره حسيته عصبي

حيدر:خابر عمي ثائر وكال احنه وصلنا ودخلنا للسلف كمنا طلعنا نستقبلهم انه ولد عمي اسعد وعمي والحرس موجودين بالباب
وصلو بيت عمي ضليت ادور ع عصفورتي
الا نزلته قلبي رف الها مشتاقله بكد رحمة الله
جنت صافن عليهابس شو بعدين انتبهت ع ملابسها
صح لابسه جبه بس مخصره ع جسمها كوولش متت من الغيره هي ليش صايره هلكد حلووه بسيطه انه الها مهما يكون بعدها مرتي وانه عندي خطه اليوم ارجعها اسويها مرتي شرعا هم...¡¡¡

__________________________

#البارت21
#والاخيييييير
##الُمٌهنَدِسِه📐 وَالُضُابّطِ👮🏻‍♂
#الكاتبه/طيبه الغراويKT

حيدر:اقتربت من مريم وكلما امشي خطوه قلبي تزيد دكاته

مريم:جنت واكفه يم خاله دااشوف الجنطه اخاف نسيت شي بالسياره جان شفت حيدر دايتقرب من عدنا كلما يتقرب قلبي تزيد دكاته راح يطلع من مكانه
اجته يمي وعيونه تريد تاكلني وحممر من العصبيه

حيدر(بغضب):امشي فوتي جوا

مريم:عود سلام عليكم

حيدر:حسيت ع نفسي ان اني مسلمت
اي اذا هي طيرت عقلي
وعليكم سلام يله طبي جوا

مريم:جريت علاوي من خاله وكمت امشي بسرعه
دخلت بالطرمه لكيت ماما داتسلم ع عماتي سلمن عليه وبيهن الشمتانه وبيهن المقهوره
اقتربت مني عمتي

ام حيدر:هلا هلا بحبيبه
جايمه هيجي تعوفيني

مريم:هو بيدي عمه

ام حيدر:انه راح اسكت عن موضوع هسه بس لعبالج انه نسيت لا بس يمر العقد راح اكعد وياج واتفاهم
التفتت ع علاوي شايلته بيدي
يااا مريم هذا ياهو
اشوو يشبه حيدر

اريج:اي اي هذا ابن حيدر

ام حيدر(بصدمه):ابن حيدر وليش ماعدنا علم

سناء:عيني ام حيدر مو وقته هسه بعدين نحجي

مريم:متت من الخوف من خالتي نطت وكالت ع علاوي ان هو ابن حيدر امي ضلت ترزل بخالتي

اريج:يااا سناء اول وتالي لازم يعرف حرام عليكم ضمون عنه وهو امبين يريد يرجعها من نظرات عيونه

مريم:ضليت مصدومه حتى متناقشة وياه خاله ولا عاتبتها خووفي كله صار يم علاوي خفت حيدر ياخذه مني
كمت حضنته حيييل
ضلوو عماتي يسولفون ويرزلوني تالي كمت اخذت علاوي ورحت لغرفه ثانيه فارغه اريد ابدل وانام ساعه لان تعبانه نزعت الجبه وولبست دشداشه اهئ والله جانت عريضه عليه هسه من وره الحباله صارت ضيكه اوووف يااا وره ربع ساعه بس ربع ساعه من طبتي لبيت عمي اسعد مااحس غير الباب انركعت ودخل حيدر وشر يطاير من عيونه

حيدر:من دخلت مريم
دخلنا كولنا لديوان بيت عمي اسعد وضلينه نحجي بأمور المهر والنيشان وشوكت العرس
واني بالكوه كاعد يمهم اريد اشوفها مره ثانيه اريد اكحل عيوني بيها مضل شي وصير بحضني مره ثانيه..

اترخصت منهم عود دااجيب شغله رحت للمطبخ يم امي دااشوفها واسأله جان تصدمني من كلتلي

ام حيدر:ليش هيجي سويت حيدر هاا بس فهمني ليش

حيدر:يمه جا انه سويت

ام حيدر:ليش اطلك مريم وانت تدري بيها حامل

حيدر(بصدمه):حامل
انتي شدكولين يمه

ام حيدر:ايي سناء مرت عمك سولفتلي من طلكت مريم وره اسبوع طلعت هي حامل
ولك تتبره من بزرك وهذاك ابنك الطفل الي جانت شايلته

حيدر(بصدمه):اي صح انتبهت هي اخذت طفل من خالتها بس انه حسبالي ابن خالتها

ام حيدر:لا ابنك حتى يشبهك

حيدر:يعني شنووو مريم ضمت عليه خبر حملها

ام حيدر:ايي وحتى طلاكم باطل لان تعتبر حامل

حيدر:صح فرحت من كالتلي امي ان زواجنا باطل وهم صرت اب بس انتقم من مريم سنه كامله ضامه عليه ان اني صرت اب ضامه ابني لا وفوكاها بكل عين صلافه جايه ماشي هينه يمريم هينه

يمه هي هسه وين

ام حيدر:يمه شتريد تسوي
يمه هدي شويه اليوم عقد بت عمك

حيدر:لتخافين يمه مااسوي شي
بس كليلي وينها اريد اشوف ابني

ام حيدر:كاعده بالغرفه

حيدر :عفت امي ورحت للغرفه وانه راح اطك من العصبيه اريد بس الزمها اكطعها تكطع
فتحت الباب حييييل وجان جمره قلبي
ضليت صافن عليها لابسه دشداشه كصيفه حيل
بحيث الصدر بارز والجسم فدشي بلكوه اتمالكت نفسي وتقربت منها

حيدر:تقربت من مريم ولزمت ايدها وقرت وجهي الها وكتلها
شوفي ولج لا بالج من ضميتي ابني عليه راح اسامحج ع سوايتج لاااا ماحزرتي
لذلك ياحلوه مادام جنتي حامل وطلكتج يعتبر طلاكنا باطل وانه هسه هم راح اسأل السيد
لذلك مثل البنات الحبابات من يخلص العقد تبدلين وتاخذين ابني وتروحين وياي بهدوووء انتي فاهمه واماعيد كلامي بعد عفت مريم وطلعت

مريم:ضليت مصدومه هذا شدايحجي شنو طلاك باطل شنو ابني شنو ارجع مستحيل لو يكون اخر يوم بحياتي مستحيل ارجعله

حيدر:رحت لديوان وكفت كدام عمي والسيد وكلت

شيخنا اريد استفسر منك بشغله

الشيخ:تفضل ابني

حيدر:اذا المره حامل واطلكت يعتبر الطلاك باطل

الشيخ:اي نعم فلا يجوز الطلاك

حيدر:التفتت ع عمي ثائر
سمعت عمي يعني مريم بعدها مرتي وارجعها اليوم وكافي ان انتو ضميتوا عليه خبر ابني

ثائر:سامحني ابني بس مريم جانت حالتها تعبانه واحنه معرفنا بحملها الا من جابت لان جانت بالشمال بيت خالتها ومن ردنا انكلك هي هددتنا وحلفت تهرب اذا كلنالك

حيدر:ماشي انه الها
المهم عمي انه اليوم اخذ مريم لان انه ماطلكتها محكمه ووطلاك شرعا باطل لذلك هي مرتي هسه

ثائر:اعذرني حيدر اذا مربم مقبلت تروح وياك
مااخليك تاخذها ماشي ماشي
طلعت من الديوان رحت للغرفه فتحت الباب لكيتها داتبجي اقتربت عليها وكتلها

شوفي مريم كدامج خيارين ياماا من يجي ابوج يسألج ترجعين وياي توافقين لوو هسه افركش
زواج اخووج واكول انه رايد نور وانهي كولشي اختاري وهاااا تره تحلفين براس ابنج ان ترجعين وياي وماكو ام تحلف بأبنها جذب
هزيتها يلله جاووبي

مريم:من طل

ع حيدر ضليت ابجي ع حضي واباوع ع علاوي ابني وسندي وره 10دقايق تقريبا رجع حيدر مره ثانيه وصدمني بكلامه ضليت افكر بكلامه سعادتي لو سعادة اخوويه وحبه

فززني صوته وكتله (ا ا ا ي موافقه)

حيدر:حلفي

مريم:وداعت علي

حيدر(مسميته علي مثل مردت اني ):ماشي عفتها وطلعت
رحت لديوان وكلت لشيخ يبدي العقد
وصحنا نور وره شويه عقدوا وباركنالهم
وصوت الهلاهل
ومدوو الغداء
تغدينا وكملنا وكاعدين زلم تشرب جاي فتحت الموضوع

حيدر:عمي انه اترخص هسه
وراح اخذ مريم وعلي وياي

ثائر:خل اشوفها تقبل تجي لو لا

كمنا انه وعمي ورحنا للغرفه لكيناها كاعد تلعب ويته علي

ثائر:بتي مريم اليوم حجه وياي حيدر وندمان يريد يرجعج تقبلين ترجعين وياه لو لا والله شاهد بتي انتي جبيرتي وعزيزتي اذا مموافقه تبقين معززه مكرمه بيتي

مريم:ضليت صافنه ع حجي بابا وتذكرت حجي حيدر وحلفني بابني
كمت دنكت راسي وكلت لبابا

اي بابا موافقه

ثائر:متأكده محد جابرج

مريم:اي متأكده

ثائر:اقتربت من مريم وبست راسها الله يسعدج بتي وتذكري ان وراج ضهر وسند بهاي الدنيا

مريم:حضنت بابا وكمت ابجي
الله يخليك اليه وميحرمني منك
راح بابا والتفت عليه حيدر

يله ست الحسن البسي خل انروح
اقتربت من علي كمت شلته
متفاجأه حسيته يعرفني صار يصيح بابا

مريم:انتبهت علي كال لحيدر بابا
اي صح من كبر علي كمت اشوفه ابوه حتى يعرف ان عنده ابوو وسند اله
اخذ حيدر علي وانه لبست جبتي ولميت الغراض ورحت وره حيدر سألت عليه كالو ينتظرج بره
طلعت لكيتها كاعد بالسياره وحاط علاوي بحضنه
ابتسمت ع منظر واحد يشبه الثاني
صعدت بالسياره واخذني حيدر رجعنا للبيت
اووف شكد مشتاقه لهذا البيت
وهم مشتاقه لغرفتي

ثائر:بتي مريم اليوم حجه وياي حيدر وندمان يريد يرجعج تقبلين ترجعين وياه لو لا والله شاهد بتي انتي جبيرتي وعزيزتي اذا مموافقه تبقين معززه مكرمه بيتي

سعاد:مريم اووي انتي مو طلكتي شكوو رجعتي هسه

حيدر:انبجي واكلي خرا احسلج ومريم مرتي وهذا ابني لذلك انجبي احسن

سعاد:هع اي شوفها وياه منووو مصخمه وبلته براسك

حيدر:سمعت سعاد هيجي كالت انطيت علي المريم وكتلها
روحي لغرفتج انتي
وكمت جريت سعاد من شعرها وشبعتها كتلل وبوكسيات الان تعبت عفتها وتفلت عليها ومشيت

مريم:من كام يضرب سعاد خفت منه كولش
كمت اخذت علاوي ورحت لغرفتي دخلت بيها تفاجأة مثل ماهي ابد ممتغيره
مادري ليش فرحتتت

تسريع احداث....

مرت شهرين ع رجوعي لحيدر
وشكد حااول يتقربلي بس اني اصده ومااخلي
جنت العب بأعصابه
بس جان ينام يمي بالغرفه يحضن علي وينام
وخووو علي مصدك عمتي 24ساعه شايلته وتحجي وياه مدللته دلال مصاير ...

حيدر:جنت كاعد بالمضيف افكر بمريم وشسوت بيه من رجعت لحد هسه جان يدخل حميد الولد الي يشتغل عندي

حميد:شيخنا اجولك ضيف

حيدر:دخلهم
كمت عدلت كعدتي
وجان يدخلللللل
ولييد بس كاعد ع كرسي متحرك واخوو جايبه وشكله ضعفان حيييييل وتعبان
نعم شتريد جايني

وليد:اجيت اعتذر منك وافهمك شغله

حيدر:تحجه
حميد الضيافه

وليد:مشكور شيخ ماكو داعي

حيدر:انتو بيت الشيخ وهذا واجبنا حتى لو اعداءنا
اي تحجه شنو هي شغله

وليد:كمت احجي لحيدر ع تزوير الاوراق الشركه وان مريم بريئه ومجانت تسوي هيجي وهذا الشي الي خلاني احبها ان محافظه ع نفسها
اعذرني شيخ بس الانانيه والحقد عماني وسويت هيجي

حيدر :لوووو تدرون شكد فرحت من سمعت كلام وليد هسه كطعت الشك باليقين
وكولش ارتاحيت بحيث مخليته يطلعون الا يتغدون لان عيب بيت الشيخ وماانظيفهم
وراها راحوو هو واخوو وانه رحت كبل ع مريم
لكيتها بالغرفه
دخلت عليه وجان راسن اقترب وابوووسها
حييييل بحيث طلعت اشتياقي ولهفتي وفرحتي كلها بيها حسيت كرامتي رجعت
وحب طفولللتي هم رجعلي

مريم:دخل عليه حيدر وجان راسن يبووسني
حيييل انصدمت بالبدايه بس بعدين استوعبت
اووف شكد مشتاقه لهاي شفايف
ولحضنه وكولشي بي

حيدر:ابتعدت عن مريم وكتلها
كافي خل نرجع مثل قبل ونربي علاوي ونجيبله اخوو هم

مريم:(صدك فكرت كافي وخل انساه واعيش لان هو يحبني وانه احب ):هزيت راسي اي
هذا مصدك هجم عليه وطلع اشتياقه كوولها بيه واخذني لعالم ثاني بي بس اني وهوو ....

عشنا اني وحيدر الحمدلله مرتاحين
وحجالي ع وليد صراحه سامحته وكافي انو الله اخذلي حقي اماا بالنسبه لسعاد فطلكها حيدر لان بيوم جنه طالعين لكربلاء وعطلت سياره ورجعنا واول مطبينا للبيت لكيناها مدخله واحد وحاضنه وحيدر طلكها وكل لاهلها بعد مادري شصار وياها
واني من بعد شهرين صرت حامل بتووم
ولد وبنيه وحيدر طااير من الفرحه الحمدلله والشكر صبرت وتعلمت اهوواي دروس من الحياة...

__________________________

العبره من القصه

1(بنات لتخلون ثقتكم بوحده من صديقاتج واعرفي بيمن تثقين وتأمنين تره الغيره تعمي وتخلي الانسان يسوي شغلات يتندم عليها)

2(لدخلين بينج وبين حبيبج طرف ثالث حتى لو تصير مشاكل بيناتكم حلوها بينكم لان جوز تخرب العلاقه وميفيد غير الندم)

3(الله سبحانه وتعالى يمهل ولا يهمل وكما تدين تدان يعني خلو تصرفاتكم واقوالكم وزنوها وديربالكم تسرع بحياتكم فكروو اكثر شي بعقلكم موو بقلبكم..

4(الحب شي حلووو عيشووا بكل حالاته ولا دمروو بسوالف مالها نهايه وانت الولد حافظ ع حبيبتك وديربالك عليها وحسسها ان هي ملكه متربعه بكلبك