✨✨شويه ملاحظات لمكياج نظيف✨✨

حبيبي قبل لاتصرفين دم كلبج على فونديشنات غاليه
اعتني ببشرتج شويه👩🏼
نظفيها كل يوم بغسول مناسب الج
وتونر مناسب الج
ولازم عندج مزيل مكياج حتى يخلصج من المكياج الضد الماء👌🏻

شغله لخ تقشير البشره حته لو مره وحده اسبوعيا وبمكونات منزليه مثل قهوه خشنه واي زيت عندج
صدكيني راح تفرق هوايه على بشرتج🤗

واكيد مننسه المرطب المناسب لبشرتج لان جفاف البشره يسرع بالتجاعيد ويسبب فليكي سكن او البشره المتقشره
لذالك نتجنب هلحاله بالتقشير الاسبوعي والترطيب👍🏼

اوك اخذتي كل المنتجات المناسبه الج من السكن كير

هسه المكياج💋💋💋

حاولي قبل الفونديشين تحطين واقي او مرطب او برايمر خفيف
لان كثره الفونديشن تاذي البشره وياريت لو يكون فونديشنج اليومي خفيف واكيد مناسب لبشرتج👌🏻

و تجنبي تحطين طبقه وره طبقه مباشره
اخذي بريك
حطيتي برايمر انتظري شويه يستقر بعدها حطي فونديشن والخ....🌹

واكو بنات يطبقون فيديوات الانستكرام السريعه
تره كلها مسرعه ومقصوصه حياتي 😩

هسه اكو خطوه هووووايه داشوفها الي هي...
اجتي البنيه حطت برايمر وبعده ممستقر وتحط عليه فونديشن او باودر وتظل تفرك تفرك😱😱هسه انت ضيعتي البرايمر وخربتي الفونديشن ودخلتي لبشرتج بصوره غلط
هيج حته حبوب تطلعلج😭

وحاولي تخلين المكياج الثقيل والرموش للمناسبات فقط👀

واكيد اهم شي بعد هلمنتجات كلها لازمج تنظيف صحيح لبشرتج يبدي بلمزيل وغسول وتونر الى مرطب او
كريم معالج وسيروم وهكذا

وفرش المكياج وايدج لازم تهتمين بنظافتهن والا تسببلج مشاكل وحبوب

صدكيني هذه الخطوات سهله بس كلش راح تفرق وياج

#اعادة توجيهه للفائدة

#ملوكه

#البارت12
#الُمٌهنَدِسِه📐 وَالُضُابّطِ👮🏻‍♂
#الكاتبه/طيبه الغراويKT

مريم:مر اسبوع ع التحاق حيدر وهو ميتصل بيه
بس يتصل بعمتي لو بحوري
لا وفوكاها اسمعه يسأل ع سعاد واني لا رجل كرسي
اووف هسه اني ليش حاركه قلبي
بسيطه الا ارجعها اله

حيدر:مر اسبوع واحنه بس انريد نعرف منو دايتحكم بالبيت والشغل الي هنا
ضلينا انراقب البيت لحد يوم السبت ساعه ب1:30 بالليل اجه واحد اول مره انشوفه دخل البيت وطلع الجهال بسكوت صعدهم سياره وراح

محمد:اكلك حيدر هذا اول مره انشوفه يطب للبيت

حيدر:اي صح وراه شي
اخذتله صوره

محمد:اي هسه راح ادز صورته لحسام يجيبلنا معلومات

حيدر:بس تدري متأكد ان هو هذا الشخص
الي يتحكم بكلشي لان طول الاسبوع محد من الحراس طلع الجهال اشمعنا هوو

محمد:اي والله يمكن خل ادز صوره لحسام
ويشوفها عنده سوابق عدنا

حيدر:بسرعه خلا ساعه اريد معلومات

بعد مرور ساعه...

محمد:حيدر طلع عندك حق
هذا عنده كومه سوابق عدنا ومتهم
بقضيه اغتصاب وخطف وسرقه
وكومه بعد قضايا بس مجان يطول شهر
ويطلع

حيدر:يعني هو لعد عده ضهر كلش قوي
ماشي لعد وين جان خلال اسبوع

محمد:موجوده بالمعلومات ان البارحه اجه من تركيا

حيدر:هاي هي عرفنا منو الي يتحكم بالشغل
خابر حسام وسجاد خل يجون وخل يجيب حسام وياه مخدرات
علمود انبلش بالخطوه الجايه ...

مريم:كمت سحبت التلفون وطلعت رقم حيدر اريد ادك عليه
مااعرف مشتاقتله كولش
كمت دكيت عليه
دك دك بس شكله لا خل الغي
داالغي الاتصال جان يفتح خط

حيدر:هاي المده كلها اتعمدت مااتصل ع مريم ولا اسأل عليها اريد اشوف تشتاقلي وتتصل عليه
بس مر اسبوع ولا كأنو زوجها طالع بشغل
جنت كاعد منتظر سجاد وحسام يجون جان يدك موبايل شلته شفت نبضي ❤
كمت راسن شلته

حيدر:الوو هلا مريم

مريم:الوو هلو حيدر شلونك

حيدر:زين اتذكرتي عندج رجل وصارله فتره مموجود
وسألتي عليه

مريم:انت متصلت

حيدر:هو الا اني اتصل

مريم:هاا

حيدر:اهووو راح ضل تهوهو
ليش اتصلتي لعد هسه صاير شي

مريم:لا مصاير شي بس حبيت اتصل عليك واسأل

حيدر:ليش؟؟

مريم:الا اكو سبب حتى اتصل بيك

حيدر:اي نعم ليش

مريم:هيجي اسأل

حيدر:حسيتي فراغ من رحت

مريم(برتباك):ا ا ا اي

حيدر:حسيتي ان من اني موجود انت بأمان

مريم:اي

حيدر:حسيتي ان انتي مشتاقتلي لذلك اتصلتي

مريم:اي هاا لا لا

حيدر:هههههه مريم مو كافي
اعترفي انتي بديتي تفتقديني وتشتاقيلي
يعني بديتي تحبيني خل نعيش حياتنا
كاافي

مريم:من تجي تحجي بهذا الموضوع

حيدر:اوووف براحتج مريم ضلي هيجي ضلي
لحد متخسريني وتتندمين باي
كمت سديته كلش ضجت من اسلوبها البارد وياي
شنو ذنبي اذا جان عندج حبيب وخانج اووف بس لو اعرفه
من ارجع استفسر منها
بس هي ليش شافت وليد ونور ونهارت
بس لا وليد جان حبيبها
ضليت حاير بسالفه لازم استفسر منها
جنت كاعد افكر واجه سجاد وحسام

حسام:حيدر هاي المخدرات الي ردتها بالكوه اخذتها
شسوي بيها

سجاد:يمعود بس لا قررت تاجر

حيدر:اي نعم اني قررت اتاجر بالمخدرات

سجاد:ههه تشاقه اكيد

حيدر:لا مااشاقه

سجاد:مفهمت شراح تسوي

حيدر:تعالو اشرحلكم الخطوه الثانيه .....

مريم:متت من القهر لان ضوجته
اي اعترف اني مفتقدته وحتى قلبي يدك بأسمه
اي اعترف كمت احبه خلاني احبه بس كبريائي يرفض انت اعترف مادري ليش اووف كمت اخاف
من وره الزفت وليد راح اعوفها ع الله ..

________________________

حيدر:شوفوا اني ومحمد راح نروح نقابله
اسمه ذيب موو

سجاد:لقبه الذيب واسمه احمد عب الرزاق

حيدر:حلوو يله محمد جاهز

محمد:اي جاهز ....

وليد:علمود تنجح الخطه مالتي لازم اروح لنور
عصبا عليها تساعدني
دكيت عليها

نور:جنت كاعده دااكلب بالفون جان يدك عليه وليد
يمه اكيد يريد يرجعني كمت شلته

نور:الوو حبيبي جنت متأكده ان انت راح تتصل بيه

وليد:انجبي وبلا حجي زايد انتي فاهمه
وتعالي لمرسى الجادريه اريد احجي وياج بموضوع

نور:ماشي ساعه واكون هناك

وليد:وره ساعه وصلت نور

نور:وليد قبل لتحجي شي اعرف اني غلطة بس هذا شي من حبي الك صدكني

وليد:ومن حبج اليه دكومين تخونين صديقتج لعد شكد انج انانيه

نور:وموبس اخون صديقتي اقتل اذا وجب الامر
اني حبيتك واريدك اليه ونعيش ونكون عائله

وليد(فكرت وكلت بقلبي هاي مراح تساعدني وانانيه لعد لازم هم اصير اناني وياها ):ماشي نور
تردين نعيش حياتنا عادي موافق

نور:صدك يعني راح ترجع تعقد عليها

وليد:هاا لا محاجه سألت وكالو ساعه عصبيه
باطل الطلاك

نور:يعني بعدني مرتك ممصدكه حبيبي انسى الماضي وصدكني راح اعيشك بسعاده

وليد:اي ماشي انسى بس اريد حياتنا خاليه من الحقد لذلك خابرت اليوم زوج مريم وكلت اخذج وتزوريها علمود صالحيها وترجعين علاقتج لان مااريد حقد وجهالي يجون بهيجي وضع

نور:شنو اصالحها مستحيل

وليد:لعد مااكدر ارجعج كتلج اني مااريد حياة
بيها حقد وجذب

نور:ماشي امري لله بس اول مره واخر مره نروح

وليد:ادللي (اي واخيرا وكعت هم انتقم من نورلان فرقتنا وهم ارجع حبيبتي)

________________________

حيدر:رحت وكفت كبال البيت اني ومحمد دكيت الباب طلعلي الحارس

حيدر:سلام عليكم

الحارس:وعليكم سلام تفضل

حيدر:الذيب موجود

الحارس:هاا عرفت جاي بشغل مو

حيدر:اي نعم

الحارس ثواني

محمد(داشاور حيدر):اكلك اضاهر هذا هنا اذا مو شغل يصيحوله احمد

حيدر:اي عرفت لذلك كلت ذيب

محمد:خرب عرضك اني معرفتها

حيدر:اسكت هسه راح ننفضح
شويه واجه الحارس

الحارس:تفضلو الذيب ينتظركم جوه

حيدر:دملنا جوه البيت مو كلش جبير طابقين دخلنا مطبخ وبعدين استقبال واكو غرفه جوه وانتبهت فوك 3 غرف ضلينا كاعدين الان اجه الذيب

ذيب:اني اول مره اشوفكم

حيدر:اي صحيح بس عدنا بضاعه وانريد نشتغل بهذا المجال وكلولنا ان بس شخص اسمه ذيب يكدر يساعدنا

ذيب:حدد نوع المجال

حيدر:باوعت لمحمد
وبعدين كتله مخدرات

ذيب:حلوو عدكم عينه منها

حيدر:اي طبعا محمد طلع العينه

محمد:طلعت العينه اخذها الذيب وشافها

ذيب:امم شكد عدكم

حيدر:شكد انت تكدر تاخذ

ذيب:هذا النوع محتاج منه لان عدنا بضاعه اريد اسلمها بعد يومين دكدرون دبرولي 10 كيلوات

حيدر:ماشي وين اجيبلكياها

ذيب:تعالي بعد يومين لهنا وجيبها وياك البضاعه ساعه ب2 بالليل ماشي

حيدر:ماشي اريد رقمك حتى اتصل بيك

ذيب:اشرت للخارس ينطي الرقم

حيدر:اخذت الرقم وطلعنا

محمد:لك هذا شنوو

حيدر:هاي عصابه جبيره

محمد:المهم عرفنا بعد يومين تسليم البضاعه

حيدر:لا مو بعد يومين انطه موعد بعد يومين حتى يتاكد من هوياتنا

محمد:منين عرفت

حيدر:من دخلنا للبيت وكعدنا وراح الحارس يصيحه خليت جهاز تجسس جوه القنفه ومن طلعنا سمعته شكال للحارس

محمد:وهسه شلون راح يعرف احنه ضباط
ويخرب كولشي

حيدر:ليش وشايفني غبي
قبل ماابدي باي شي خليت
هويات وهميه ومعلومات عنا وهميه

محمد:هسه عرفت الامر ليش اختارك طلعت داهيه
تدري مأجه ع بالي هيجي

حيدر:هذوله عصابه جبيره وقويه لازم تعاملنا يكون بحذر وياها اقل غلطه يضيع كولشي...

#البارت 13
#الُمٌهنَدِسِه📐 وَالُضُابّطِ👮🏻‍♂
#الكاتبه/طيبه الغراوي KT

مريم : مر اسبوعين وهم ماكو حيدر اشتاقتله كلش
اخر مره الضوجته بيها مكدرت اخابره من الخجل
بله هسه شسوي..
كاعدين بالهول عمتي وحوريه واجتي جوريه هي وجهالها وسعاد كاعده وتلعب وياهم ولا جنها متزوجه طفله والله بله حيدر شلون اخذها
استغفرلله بله حاطه عقلي وياه عقل طفله

ام حيدر:مادري ليش قلبي كارصني ع حيدر

مريم(يخوف):ليش عمه لتفاولين عليه

ام حيدر:قلبي ممرتاح وادك عليه اليوم
ميجاوب

مريم:ضل بالي يم حيدر
عساس اني عايزه خوف اجتي عمتي كملتها
كمت رحت لغرفتي
جريت التلفون وبدون تفكير دكيت عليه
ادك ادك ميجاوب
ماكو صار 10 مره ادك ماكو ميرد
داادك جان يطلع مغلق ياربي بالي يمه
وره نص ساعه جان اسمع عياط جوه
ماكو مابيه حيل انزل مادري ليش اجه ع بالي
حيدر مات خلص راح

كمت اريد اوكف ماكو اوكف شويه واكع جسمي يرجف
قويت نفسي وبلكوه ضليت امشي وايدي ع حايط
انتجي عليه
دانزل الدرج وجان اشوف عمتي كاعد تلطم
والبنات يمها يبجون
لحظه ضليت مصدومه بعدين عطت بكل قوتي

مريم:شكوووووو ليش تبجون
مصاير شي لحيدر مووو جاوبوووني

حوريه:هدي خيتي هدي مصاير بي شي
بس متصوب

مريم:اريد اشوفه اخذوني اله

حوريه:يوسف ميقبل ياخذ احد
دااحجي وياه حوريه جان يطب يوسف

مريم:يوسف كلي حيدر شلونه هاا كلي

يوسف:ولج والله مابي شي بس متصوب
وهسه بالعمليات راح اروح اشوفه

مريم:اخذني وياك اريد اشوفه

يوسف:مااكدر تخبلتي ماعدنا حرمه تطلع

مريم:ضليت ساكته لان اعرف
يوسف من نوع العصبي اكثر من حيدر
سمعته دايخابر بالتلفون وان حيدر بالمستشفى(...)

كمت انتظرت يوسف يطلع هو وزلم وره شويه صعدت فوك
لبست جبه ولفيت الشال ونزلت

جوريه:مريم وين طالعه

مريم:عفت جوريه تصيح ورايه
مااكدر اوكف واكول لاحد لازم اشوف حيدر
اموت اذا يصيرله شي اموت والله
ضلو يصيحون ورايه
وعمتي بس تبجي مهتميت لاي شخص
بالي بس يم حيدر
اني ودااطلع شفت نوار ابن عمي صغير اخذته وياي
واجرنا تكسي ورحنا..

حيدر:ضلينا يومين
بعدين كمت دكيت عليه

الووو

ذيب:هلا منو وياي

حيدر:انه حيدر الي اجيتلك علمود البضاعه

ذيب:هاا اي اي شوف اليوم ساعه ب2 بالليل تعال
وجيب البضاعه علمود انسلمها
وتاخذ نصيبك

حيدر:زين اجي للبيت

ذيب:لا طبعا تعال للميناء هناك انسلم البضاعه عن طريق البحر

حيدر:ماشي ثيمالا
سديته من ذيب
محمد حسام سجاد اكعدو

محمد:ها ها يمعود فدوه هستونه غفينه

سجاد:شكو حيدر شبيك عصبي

حيدر:ولكم هسه عرفت
لان ماكو رقابه وشرطه سواحل
دايهربون المخدرات والاطفال عن طريق الميناء

محمد:خرب عرضهم
شلون بيهم هذوله

حيدر:حسام جهزلي اجياس
10 كيلوات نشأ وكيلوين مخدرات حقيقيه
وحطلياهن بجنط بس ال2 كيلوين لا حطها بجنطه صغيره

حسام:تم هسه اروح اجهز

حيدر:محمد جهز نفسك
دروح اليوم بالليل
وانت سجاد تخابر الامر يحضر الفرقه وخل ينشر الجيش والشرطه بالميناء وينتظرون اشارتي

سجاد:علم هسه اخابر الامر

حيدر:والله وكعتوا

محمد:حيدر بس ضلت شغله وحده معرفناها

حيدر:شنو هي

محمد:المخدرات يهربوها عن طريق الميناء والاطفال يايوزعوها يا يستخدمون اعضائهم
شلون يطلعوهم

حيدر:بعدين تعرف خل نلزمهم واكلك شلون...
حضرنا كولشي ورحنا اني ومحمد للميناء
صح لكيناهم
يلعبون النفس عبالك اسبوع مسابحين وسود
وجلحان كمت سلمت ع ذيب

ذيب:جبت البضاعه

حيدر:اي جبتها

ذيب:اريد عينه اول مره نتعامل وياكم
وخاصه من طلعت معلوماتك عاديه

حيدر:فتحت الجنطه الصغيره
ها العينه

ذيب:كفو منك يالفهد
منا وجاي انت من رجالي

حيدر:وشوكت يجي الي راح يشتري البضاعه
دااحجي وجان تطبك سياره سوده عاليه
ونزل منها واحد رجال جبير بالعمر مادري وين شايفه
ضل يحجي وياه الذيب
اشو وره شويه الرجال خزرني وشاور الذيب
بعدين..

ذيب:ولك جريت السلاح
طلعت ضابط مو تلعبها عليه ليش شايفني

حيدر:جرينه اني ومحمد السلاح
هسه عرفت وين شايف هذا الرجال
مره قبضة ع عصابه وهذا الوصخ طلعهم
محجيت شي بس ضريت طلقه بالهوا وشرطه حاصرت المكان

ذيب راد يضرب جان راسن بحركه سريعه
وخرت مسدس مالته ولويت ايده وحطيت المسدس
براسه

حيدر:كول لرجالك خل يذبون السلاح احسلك
لا راسك يتفجر

ذيب:اشر لرجاله
ذبو السلاح

الامر(براهيم):عفيه عليك حيدر
كدرت تقبض عليهم

حيدر:داياخذون الذيب وجلابه
جان راسن يجر مسدس الضابط وصوبني

حيدر:اااااخ لك عاااار
اجت طلقه بجتفي
وسعفوني بس نزفت اهواي واغمى عليه

__________________________

مريم:وصلت للمستشفى لكيتها مكلوبه شرطه وناس واخوان حيدر وعمامي كلهم موجودين شافني سيف واجه عليه

سيف:ولج شسوين هنا انتي

مريم:كمت ابجي
سيف فدوه اروحلك اريد اشوفه راح اموت

سيف:اووف والله اذا شافج يوسف
لتخافين طلعو من العمليات زينه صحته
بس بعده مكاعد وتعبان لان نزف اهواي دم

مريم:ميخالف بس اشوفه

واروح والله

سيف :داتعالي بسرعه قبل ليجي يوسف
همزين راح دايجيب الادويه

مريم:اخذني سيف واخر الزلم حتى افوت
واستأذن من دكتور ودخلني لان مرته
دخلت يم حيدر
اووف تعبان وجه صاير اصفر
كمت رحت كعدت يمه
وضليت اشهك...

مريم:حيدر كووم لتحرك قلبي عليك
مالي غيرك بهاي الدنيا انت صرت ابويه
وزوجي وحبيبي
كوم يابعد عمري
هاا موردت تسمعني اكلك احبك اي احبك حيدر بس كوم لتحرك قلبي عليك
اموت اذا صارلك شي.
دااحجي وياه وابجي جان فتح عيونه

مريم:حيدر داتسمعني ياروحي انت حبيبي
شلون صرت شنو اليوجعك اصيح دكتور هسه اجي
دااروح جان يلزم ايدي
ويريد يحجي

حيدر:عيدي شكلتي

مريم:اروح اصيحلك دكتور

حيدر:لا قبلها

مريم:متت من الخجل لان عرفت قصده
مكلت شي

حيدر:لتعصبيني واني مريض كولي شكلتي

مريم:ااا حبيبي

حيدر:ابتسم
جابج هناا وينهم اهلي

مريم:اجيت بوحدي محد رضا يجيبني

حيدر:داتحجي وياها ارزلها
مابيه حيل دايخ كلش
صيحي دكتور وطلعي ارجعي للبيت
بعدين غمضت عيني محسيت بشي....

مكياج ناعم للعيون الناعسة
حبيت اللوك..هادئ😇

#ملوكه

ميك_أب للعيون الدائرية.🤓
حبايب اللي عيونها تشبه هالبنوته

من تخلين ميك أب.. سوي سحبة بنهاية العين بقلم او كحل ...هالحركه تطي جمالية أكثر 🥰

#ملوكه

طريقه رسم الكحل الفرنسي🙃
طبعا هذا اللوك مرغوب أكثر فقط بالمناسبات

#ملوكه

تشقير الحواجب✨

هاي الطريقة تفيد للبنوتات اللي مايحفن
فتشقرين بس الحواجب الزايدة🌚

#ملوكه

🍄هــــــــــ💐ــــل تعلـــــــ💐ـــــم🍄


هل تـعلم ان ...الزيت والماء يمكن أن يختلطا..اذا وضعت قطعة من الصابون معهما.


🍄هــــــــــ💐ــــل تعلـــــــ💐ـــــم🍄


هل تـعلم ان ...البصل الحلو، كان الفاكهة المفضلة عند قدماء الرومان


🍄هــــــــــ💐ــــل تعلـــــــ💐ـــــم🍄


هل تـعلم ان ... مجموع ماتضعه أنثى الذباب من بيض طوال حياتها أكثر من 500 بيضة.

🍄هــــــــــ💐ــــل تعلـــــــ💐ـــــم🍄


هل تـعلم ان ... ألف سمكة من سمك الفانوس تزن كيلوجراماً واحداً.


🍄هــــــــــ💐ــــل تعلـــــــ💐ـــــم🍄


هل تـعلم ان ... مقدرة الحصان والهر والأرنب على السمع..أكبر من مقدرة الانسان، وهي تستطيع تحريك آذانها لالتقاط أضعف الأصوات.



❄️
☀️☀️
☔️☔️☔️
🌨🌨🌨🌨


#ملوكه