عالم البنات🙈🎀
764 subscribers
9.89K photos
528 videos
12 files
180 links
فاتنة كأنها من تراب القمر 😘
في عينيها حب وحنان وقوة

رقيقة كونها أم وزوجة وصديقه وحبيبه وطفله 😌

هنا عالم تسكنه الفاتنات
ســتجديــن ڪل مايــخص جــﻣالڪي سيدتي 💋💚
#كوني_بلقرب🍷😻



أي سؤال👇

@maloka97_bot
Download Telegram
This media is not supported in your browser
VIEW IN TELEGRAM
.....البارت السادس.....

كابوس عايشه بي
اني بكابوس ودوامه شلون راح اطلع منها مأدري
وشنو الي جان يصير داير مدايري واني محاسه
صدك اني مثل ميكول سعد غبيه
ورنت بأذني كلمات كميل من حذرني من سعد قبل الزواج
ومن كلي هو راح يرجع وراح يستغلج
وهم راح يتركجً شنو الي يعرفه كميل
زين كميل هم نفس سعد اني كمت اخاف على ابني
معقوله هذوله يقتلون الناس يجوز يقتلوني اني وابني
ومحد يعرف ترابنا ويروح دمّنا
فكري يابدريه شنو الي لازم سوي
كل هذا التفكير واني كاعدة اباوع على الباب ورا ماسدها محمد والدنيا ودتني وجابتني
والي صار خلاني مذهوله ومصدومه
مصورت اكو ناس يملكون هالوجه الطيب
وبداخلهم شيطان
مصورت محمد الي مافد يوم حجى ويايه كلمه محلوة لو كلمه تجرح هو نفسه يأذي الناس وعندة مصايب
حتى كميل مجنت اتوقع عنده شي بشع بحياته
التافيت وشفت سعد جان ديمشي وراح للمطبخ
وجاب بطل مال مي بس جان جامد وشمره بالكاع قوي
وصار الثلج مثل الكزاز المكسور والمطشر وفتحه واخذ وصله من المطبخ وخله الثلج بيها وخلاها
على وجه
واجى كعد على الكرسي
وجان دايخ وباله بغير مكان ومبين عليه جان
خايف من الكلام الي كاله
محمد لان هو حذرة اذا كميل عرف بسعد.
راجع راح يقتله
كلبي نكسر عليه
كلبي طيب موبيدي وبالذات وياة
رحت يمه وكعدت بالكاع كدامه
واخذت الثلج من يده وكمت اخلي على مكان الضربه
باوعلي ونزل راسه
كتله
....يوجع
...لا
.....احجيلي شنو الي صار اني مرتك اوكف وياك مهما جان
...مو وكته بعدين
....زين روح قبل مايجي كميل خاف يسويلك شي
.....انتي تشوفين كميل يكدر يأذيني
استغربت لان سئلني اول مرة يحجي ويايه هيج بدون مايكلي لتدخلين لو يعيط عليه لو ينتقدني
....بس كلماته خلتني اصفن
واذكر كلمات كميل وحركاته ونظراته الي تخوف مرات احس عيونه بيها تهديد حتى بدون مايحجي
كتله
.....يكدر لان عيونه بيها شي يخوف واحس بيها شر
ضحك
....زين يوسف موجود وانتي هم
....شنو يعني
....يعني اني دائما جنت احميكم واصرف عليكم واداريكم
هسه اجى الوكت الي انتو تحموني
...احنا نحميك اني وابنك الطفل
...اي
....يعني شنو الي تريدة سعد لتخلينه احنا بالوجة
وبالذات ابنك فدوة لدخله بينكم
.....اني محتاجج
....الي
....ااي
....بشنو
مجاوب
وكف وكال اني راح اصعد انام واذا ندكت الباب لتفتحيها ابدا لالكميل ولا لمحمد وتجين دكوليلي
مرديت عليه
وكتله
.....اروح على يوسف
صعدت بسرعه وشفته كاعد يلعب بالحمر مالاتي وموسخ الكاع كلها
....هاي شمسوي يوسف ليش هيج
اجى سعد وشاف الكاع راد يعيط عليه
كتله
.....دربالك تعيط عليه لان يتخربط
.....شنو يعني
....من يخاف من شي تجي مثل الحاله ويشنج
ويبقى يرجف وحجيتله على الي صار ويايه
وعلى الي كاله الدكتور
بقى ساكت وماعلق على الكلام بس كلي
.....اخذي وروحي داريد انام
شلت يوسف ونزلته جوة ورجعت نظفت الكاع
ولمن داطلع صاحني سعد كلي
....تعاي فركيلي يدي
رحت كعدت على الجربايه وخليت يده على رجلي وكمت افركها
كال
...يدي كامت تخدر ودورات بالليل مااكدر انام من وراها
وكام يفتح ويسد بيها
وشويه وتركته ونزلت جوة
بقى هو نايم وبقيت اني كاعدة على اعصابي وكامشه كلبي
وعقلي يكلي اخذي ابنج ونهزمي
وكلبي يكلي شلون تعوفين سعد وهو مريض وضعه هيج
واني بين حانه ومانه
وللمغرب نزل سعد وكال اريد اكل
...سويتله اكل وكعد ياكل
وكلي
....صعدي نومي يوسف من وكت وطلعتلج دشداشه مال نوم خليتها على الجربايه اريدج
تغسلين وتبدلين وتخلين مكياج
وتنزلين هنا يمي
استغربت لدرجه كتله
....ليش
بدون ميباوعلي وهو ياكل
....ليش انتي مو مرتي
....اي بس هاي اول مرة تطلب مني
....مزاجي راد هيج
لو بغير ظرف جان فرحت وطرت هم من الفرح بس هسه
ماحسيت براحة
كتله
....ميخالف
لمن كمل اكله شلت الماعين من كدامه وسويتله جاي
وشلت يوسف وصعدنه فوك ولمن دخلت للحمام مال الغرفه
اسبح يوسف جان كاعد يلعب بالغرفه وكملت وطلعت
بدلت ملابسي ولبست الدشداشه مال نوم الي كال عليها
جانت كلش فاضحه ومكشوفه ولونها اسود بس كلت هاي مومالتي
هاي اكيد ممطلعها من الكنتور لان مافد يوم مشتريه هيج
ولمن لبستها
جانت طويله بس مكشوفه من الظهر وبيها جاكه من النص وبيها مثل الشريط الي ينشد بالركبه واحد ينشد بالظهر
بقيت اباوع على روحي بالمرايا
ومااقتنعت بلي لابسته ردت انزعها
بس صراحه خفت لايسويلي شي
لازم اكون حذرة وياه بتصرفاتي
باوعت يوسف بدا ينعس نومته على الجربايه وغطيته
وظل مفتح عينه بس يلعب بالسيارة الصغيرة هو نايم
ويحجي وماادري شيلغي
وكعدت على الطابوريه وخليت مكياج ولو بعدني مااعرف هلكد اخلي مكياج
وخليت حمرة جان لونها وردي
بقيت كاعدة بصف يوسف لحد منام
سمعته يصيحني من الدرج رحت وكفت يم الدرج
كتله
....هاسعد
....لبسي حذاء عالي عندج مو
...بس اني بالبيت ليش البس
....لان اني عاجبني
...زين
رجعت للغرفه وفتحت الكومدي وطلعت حذاء عالي
ولبسته
ونزلت جو
ة جنت انزل واسمع صوت الطكطك
مال الكعب وصوته يدوي بالبيت لان البيت هادئ
جان كاعد يباوع تلفزيون بس كاتم الصوت مالته
من سمع الصوت اندار
كلي
....اي هسه صرتي ست بان طالعه حلوة
داسمع اني لو الصدمه اليوم اثرت عليه
سعد يكلي حلوة شنو الدنيا نكلبت لو اني نايمه
وداحلم
مد يده الي
واني كمشت يده وجرني وكعدني بصفه
وبدا يكلب بالتلفزيون بس ماحجى شي ولاكلي شي ولاحتى لمسني مجرد كاعدة يمه
وهي صارت ب11وشويه
الباب كامت تندك قوي ومو تندك انما دتنهجم
يمكن الجوارين سمعو الصوت
كتله
....هاي منووو خاف كميل
....عادي
...خلي اصعد ابدل
....لا مصعدين وراح اظلين هيجي اعتبري نفسج
بحفله بس شلون هيج اكعد كدامهم الله يخليك
داكوم وجرني كعدني اذا تحركتي اكسر رجلج لطلعين خبالي
بقيت كاعدة وهو كام فتح الباب واول مافتح الباب
وجان يدخل كميل وكمشه حيل ودفعه
على الحايط
كميل جان لابس.بنطرون نيلي وسترة طويله
وعيونه جانت ذب شر
اني كمت ارجف
ودخل محمد
وسد الباب
التاف محمد وشافني
وبقى جامد
....كلي
....بان
كمت اتحركت ورحت يم سعد
وكميل باوعني وفتح عينه بعصبيه
كمش سعد وجرة اقوى
وكله
.....اياقذر هاي الخطه مالتك تستخدمها شنو عبالك تغريني
انت شنو لخاطر الله شنو من بشر
وكام يضرب بي وسعد ميدافع عن نفسه مااعرف ليش بس يخلي يدة كدام وجه معقوله هيج جبان
ومحمد بقى يتفرج
وكلي .
....صعدي لبسي هدومج
سعد يكلي
...لصعدين
...كلب تعال
وكام يسحله يريد يطلعه من الباب
ركضت عليه كتله
لكميل
....كافي عد عوفه راح يموت بيدك
عافه واجى وكف بوجهي
....انتي منو وانتي شنو حتى تحجين
ولتدخلين احسلج ورحي غطي نفسج
.....عوفه الله يخليك
....معليج
كمشت سعد
وكتله لكميل
....شسوه بس كلي
....معليج انتي لتخلين غضبي يطولج
روحي كمشي ابنج وكعدي
وبقيت ابجي واتوسل بي
.....لج بابا انتي شنو لج ديستغلح انتي وابنج مسويكم درع
اله
محمد كمشني
وجرني وداني يم الدرج
....صعدي فوك وخلص لظلين تحجين
....ساعده محمد راح يموته
...يستاهل مومتعرفين شسوه
صعدي ستري على روحج
....مااصعد
...لج يابه صعدي
.....موراح يموت
....موتتهم هو دفع نفع يستاهل
....الله يخليك محمد
وركضت مرة ثانيه وكفت كدام كميل
مرفع عينه بس كلي
....روحي صعدي
...عوفه
رجع كميل خطوة ليورة وراح جر جرجف جان مشرور على الدرج وخلاه عليه انتبهت انو اني
كل هذا واني ممنتبه على لبسي لان الي صار
مثل الدوامه ناس تحجي على ناس وناس جر بناس
وكميل يغلط وسعد يجاوبه ومحمد يحجي على سعد ويجر كميل
وكميل يدفع محمد ويكله معليك
عوفني اقتله
يعني مااعرف شلون جان لازم اصرف ويامنو احجي
المن اراضي عليمن ادافع
لان اني بينهم مثل الاطرش بالزفه
بس لمن كميل خله الجرجف عليه
باوعت على ملابسي وخجلت من نفسي وصعدت ركض وبسرعه
لبست جاكيت طويل ونزلت
وجان كميل يكله
....رجع الي اخذته
.....يكله ماعندي شي وماعندك شي يمي
....اياحقير
باوع على محمد كله
.... جيبه ويانه
وسعد كام وكف بكوة ورجع صار قريب مني
وكال
....هنا اكو قانون وشرطه هنا مومثل بغداد
.....القانون مايمشي عليه لاهنا ولابااي مكان
كتله لكميل
....كافي عد شوف شسويت بي
...انتي لتفتحين حلكج ياثوله ولج هذا ديستغلح
لان راجع ماعندة ولادرهم رجع حتى يزايد عليج
شلون هسه خلاج كدامنا لابسه
هيج بس انتي ماعندج عقل
باوعت على سعد
كتله
...هذا الكلام صدك
....لا موصدك ديحرضج عليه وديعلمج لان عندة غير غايات
كله كميل
....وين جوازها وجواز يوسف
....ماادري
باوع عليه وكلي
...وين جوازاتكم
...مويمي هو اخذها وبعد ماشفتها
صاح على محمد وكله
...روح جيب يوسف
وكلي
...صعدي لبسي وجيبي ملابسكم بسرعه
.....ليش
....روحي كتلج
سعد كام يصيح ويكول
...انت باي حق تاخذها
....صم حلكك احسلك اني راح اعرف شوكت اموتك من ارجع الي اخذته بس يوسف وبان مايبقون يمك
ياقذر زايد على مرتك ماعندك غيرة هيج فد مرة صرت
.....انت معليك مرتي اشتكي عليك بس تطلع منا اخابر الشرطه
...اذا زلمه سويها وشوف
كتله
.....اني ماااريد اجي وياك ابقى هنا
صاح بيه
....صعدي لبسي هدومج وجيبي الطفل واني راح ارجعج من وين ماجابح روحي عيشي حياةطبيعيه
بقيت ساكته ومترددة
اروح ويا لو ابقى
هسه اني وصلت لمرحله مااثق بيهم كلهم
وخايفه منهم كلهم
لااكدر ابقى يم سعد الي عرضني وسواني مثل الي يبيعن نفسهن ولااكدر
اروح ويا كميل الي يكول سعد عنه تاجر الدم
بس وجودي ويا سعد خطير كلش
وكميل كلي ارجعج
اخذ ابني وارجع اكعد بيت ابويه
صعدت بسرعه وصعد محمد
ورايه
وكلي
.....وين يوسف
....هنا
شفته دخل ولمن طلعن جان شايل يوسف ركضت عليه
وغطيت يوسف خفت لاياخذ برد
وهو جان نايم دفيان
ورجعت للغرفه طلعت جنطه جبيرة ولميت بيها كم حاجه الي وكم حاجه ضروريه
ليوسف
وبدلت ملابسي
ونزلت
سعد باوع عليه وكلي
....راح تروحين وياهم
مجاوبته
.....بدريه راح تروحين وياهم راح تعوفيني علمود هذا وأشر على كمي
ل
كتله
....اني راح ارجع من وين مااخذتني راح اروح لبيت ابويه الله يرحمه هناك مكاني
وجرني محمد من يدي
وطلعني برة وصعدني بالسيارة
وهو صعد بمكان السايق واجى كميل
صعد ليكدام
وكله
....يله اطلع
سمعت محمد يكله
.....خفت لاتقتله
....موهسه وماردت افتح العين عليه واسويلي هنا مشكله
....خلي يولي لتهتمله الفلوس راحت فدوة تتعوض
....وابويه شلون
....الله كريم كميل
وبعدها سكتو لحد ماوصلنا البيت
جان بابه عاليه وبيضه.
دخلنا جوة
ونزل كميل ومحمد اجى فتحلي الباب
وكلي
....اذا تريدين انزله اني
قصدة على يوسف لان نايم
بقيت مترددة انزل
وحايرة وخايفه
لان مااعرف شنو المخبي بعد وشنو الي راح يفاجئوني بي
بس شو بيه شعور مخليني اطمن ويا محمد وكميل اكثر
من وجودي وياسعد
لان الي سوا اليوم
وخلاني ابدل واكعد هيج واصير فرجه هذا شي
كلش جبير ومعناته هو مايهمه يبيع لحمي
نزلت ودخلنا جوا
وكميل دخل قبلنا جان البيت يدل على واحد عندةفلوس
هوايه ذكرت
من اول مرة رحت لبغداد وشفت بيت كميل نبهرت بي
وكلت بالعافيه على اصحابه
بس جان بي روح
وهسه لمن دخلت برغم انو بيتهم بغداد ميجي شي يم هذا البيت بس هذا البيت
عبالك ميت
من اول ماشفته ماحبيته والاضويه الصفر الي من الثريات خنكتني وكربت كلبي
باوعت محمد اجاوزني ومشى كدامي
وكله ل كميل
....اني راح اصعدهم فوك للغرفه
.....لاخليهم ينامون جوةاليوم وباجر عود الله كريم
بقيت واكفه على على اعصابي واني اسمع كلامهم
وخايفه من المضموم والي ممكن يصير
بس كلت ياغافل الك الله
الله هو الي يحميني اني وابني
منهم
شفت محمد راح دخل لغرفه بعيدا عني
وكميل نزع جاكيته وشمره على الكرسي بس وكعت بالكاع
وراح كعد على ميز صغير بي كراسي ثنين كبار
بقى كاعد
وساكت وعبالك فوك راسه طنون من هم
رجع محمد وكلي
تعاي
مشيت بصفه وداني قريب من كميل
وكعد على تخم جانبي واني هم كعدت
شفت كميل كام وراح على ثلاجه صغيرة
عبالي كومدي لان شكلها خشب
بس طلعت ثلاجه واخذ بطل صغير منها ورجع كعد
وأشر لمحمد
مااعرف شيريد منه بس محمد افتهمه
لان
كله
.....كميل انت مو تركت هالسم لان دياذيك
....مجاوبه بس مد يدة اله
كام محمد راح جاب كلاص ولمن اجى جان كميل بعدة ماد
يدة
بس محمد محطه
بيده حطه كدامه وضربه بقوة على هذا الميز الصغير
باوع عليه كميل ورجع خله عينه على الميز وعلى الكلاص وسحبه سحب
وفتح البطل ودار بي شرب
كميل طلع يشرب مثل سعد
وباوع البطل جان بي هوايه حطته على الكاع
محمد باوع عليه وكأنما خجل من الي عرفته عنهم
سمعت كميل يكول
....تعرفين هذا الكلب شسوة
...منو
....رجلج القذر
....قصدك ابن عمك
...للاسف
...شسوى
....باك ابويه باك فلوسه وهسه ابويه مريض
واتفق ويا الي جنت خاطبها وباكوني الي وشوه سمعتي
وخله ابويه يتبره مني
وامي تقاطعني شفتي شسوه برأيج يستاهل اقتله لو
لا
ماكدرت اجاوبه
اخذ الكلاص وشرب منه
.....اني مامهتم للفلوس عندي هوايه فلوس بس كلبي صار اسود
والتاف على محمد
وكله
.....جيبها محمد جيبها الي
....كميل ترة بان خايفه من عدنا داحسها بدون متحجي
...مشكلتها
وكف وكام يسوي مثل الي يمسح حاجه بيده وهو كام يجر يده على الميز لحد ماوصل على الكلاص الي ماشرب
منه بس شويه وجان يدفعه وكعه
.....راح اتركه هسه لسعد لان اذا يموت يرتاح
اني مرح اخلي يموت
......كميل كافي خلي يولي لتهتم اله
هو صار مثل الحشرة ماعندة فلوس
وماعندة اي شي
...تريدني اسكت من كل عقلك تحجي وانسى كل الي سوا
....احنا غلطه كميل والغلط مردود
رفع اصبعه وكام يأشر بوجه محمد
.....اني ماغلطت سمعت زين
واشر بااصبعه عليه
وكله
.....اخذها رجعها لمحافظتها زين خلي نخلص اني الف سالفه وسالفه براسي احير بمنو ولا بمنو
وكام يمشي بعصبيه وطلع
محمد كلي
...كومي بان نامي والصبح نحجي عود زين
هزيت راسي ومشيت وياة وصلني لباب الغرفه
...تصبحين على خير
...تصبح على خير
دخلت للغرفه وعبالك عايشه بحلم بكتاب
بقصه مااعرف بشنو عايشه
شنو خطيبته شنو هذا العالم القذر
بس مومهم شنو بينهم اني راح ارجع
لبيت ابويه وخلص
مااريد بعد سعد اريد بس ابني
واريد اروح قبل مايصير شي يضرنا اني وابني
اريد اطمن عليه
وعلى نفسي شلي بدوخت هالراس
وهاي الليله راحت واني ماغمضتلي عين وكل شويه
واذكر الي سوا سعد واكمش كلبي
ويصير عندي شعور بالقرف وقررت
ماارجع لسعد بعد لو تصير روحي بي
ولاابقى هنا ابدا ارجع لبيت ابويه
والي يصير يصير
بقيت افتر بالغرفه رايحه جايه
وخفت انام
وطلع الصبح واني كاعدة
وكمت اسمع اصوات بالبيت اظاهر كعدو
بقيت بمكاني وحس يوسف وراد يروح للحمام والغرفه مجان بيها حمام كومته وفتحت الباب على كيفي
وكمشت يد يوسف وكمت ادور على الحمام شفت
رجال جبير
باوعلي بااستغراب وباوع على يوسف
كلي
....انتي منو
...اني بان
....بان منو
سمعت صوت محمد يكوله
....فيصل عوفها
....اي مثل متريد
وراح هذا الرجال
باوعت جان محمد
واكف يم باب الصاله الي البارحه جنا كاعدين بيها
كلتله واني بمكاني وبصوت عالي
....وين الحمام
كلي
...هذيج الباب الي كدامج
....شكرا
تمشيت بسرعه اني ويوسف ودخلت للحمام وغسلتله وجه
واني هم غسلت وجهي
كلت بلكي شويه اصحصح لان بديت انعس كلش
لمن طلعت من الحمام صار بوجهي كميل
باوع على يوسف ودنك وضحك بوجه
ومد يده
ويوسف راح وكادة من يده واخذه وياه
واني رحت للغرفه بس كلبي يطكطك على يوسف
كلت خاف يسويله شي
مشطت شعري
وطلعتلي من الجنطه تنورة وقميص ابيض لبسته
وطلعت اباوع ماشفت احد ولاسمعت صوت
بقيت ادور مالكيتهم
البيت جان جبير
كمت اصيح يوسف بصوت عالي
وشويه واجاني ركض
...ماما
اشرلي تعاي ورد ركض تبعته بسرعه
طلعو كاعدين بالمطبخ
ودياكلون
محمد من شافني كلي
....تعاي تريكي
كعدت بدون مااحجي
وجان يكلي كميل
...سمعتج دصيحين على يوسف
عبالج اخذته
...لابس ظل بالي عليه
....لتخافين احنا نبيع اسلحه منقتل احد مو مثل ميكول رجلج تجار دم
وضحك باستهزاء وعالعموم لتقلقين
.....كميل شنو هذا الكلام
....اي شنو هاي الحقيقة
كتله لمحمد
.....رجاءا اني اريد ارجع للعراق اخذ ابني واروح
شوكت اساقر
....جوازج يم سعد شلون
كله كميل
....طلعلهم جوازات جديدة
....بس موسهله هاي السالفه
...ماكو شي صعب محمد
....هسه اشوف شلون
...اني راح اطلع عندي شغل
وباوعلي وكلي
....اذا تريدين ترجعين لهذاك رجعي بس حسابج مثل احسابه او تنتظرين منا لااسبوع
يطلع جوازج وترجعين للعراق
ودفع الكرسي وكام وكف واخذ مفتاح سيارته
واوراق جانت على حافه الميز محطوطه
هم اخذهن وراح
بقى محمد كاعد وساكت
كتله
....محمد
...هاعيني
...تسلم عينك بس اني اريد افتهم شنو الي ديصير
...هوايه اشياء صارت يابان
...سولفلي
....راح اسولفلج الي لازم تعرفي
..... تذكرين من جنى بيتكم وصارت مشكله بينج وبين
سعد
بهذاك اليوم كميل كلش ضاج من سعد
وبنفس اليوم اجى سعد هنا لبيت كميل وبقى كم يوم
وراح على اساس عندة شغل وراح يروح لبغداد
...بس هو كلي لمصر
....اكيد مراح يكلج بس كال لكميل اروح لبغداد
وراح لبغداد
بس قبل ميروح سعد بفترة كميل تعرف على وحدة
وجانت عن طريق سعد
وكال انو هي بت عائله اعرفهم ويصيرون اصدقائي وفعلا التقينا برجال وامراة
وشكلهم محترمين
ومبين عليهم مستوى والبنيه شي مختلف حلوة
ومتكلمه وراقيه كميل نعجب بيها
وبعد كم شهر خطبها
بس ربطتهم الخطوبه
وبقت فترة تحاول تتهرب منه كلما يكللها شوكت نزوج
بس الحجي بيننا هو يكول عجبتني بس
وهو من النوع الي ميعترف بمشاعرة بس هو حبها
من نظراته الها من كلامه عنها
المهم ابوها طلب من كميل فلوس كله محتاج
منا لكم يوم ارجعها اخذو الفلوس وبعدها
فص ملح وذاب بنفس الوقت الي سعد سافر بي
كميل كوم الدنيا ماكعدها
سئلنا
وكشفنا انوهاي لعبه من سعد
سواها لان كميل كام يسحب الشغل من يد سعدً
لان سعد انسان مستهتر وكام يشتغل شغل مشبوه
فسوة هيجي حتى يضرب عصفورين بحجر هم يستفاد من الفلوس
وهم يأذي كميل لان عرف بي هو حبها
كميل استجمع نفسه من بعد هاي الضربه
بس الضربه الثانيه جانت اقوى
سعد رجع لبغداد وراح لاابو كميل الى هو عمه
وكله ابنك يتاجر بالسلاح ويتاجر بناس وعنده عصابه
وكام يشوه صورت كميل. كدام ابو
ابو كميل كله لكميل ارجع لبغداد لان سعد كايله
اذا طلبت من كميل يرجع لبغداد ميرجع وهذا اثبات على صحت كلامي
كميل جانت عندة مشكله بغداد ومجان يكدر يجي
لمن طلب منه ابو يرجع ومارجع
كميل ابو كله لاانت ابني ولااريد اشوفك
واتبره منك
والضربه الثالثه سعد نصب على ابو كميل انتي تعرفين ابو كميل
تاجر مال ابهارات ومواد غذائيه
سعد كله لعمه نفتح محل جبير كلش واني اشتريلك بضاعه من واحد صديقي تاجر وكام الرجال انطاه
الي ورا والي كدامه
واخذ سعد الفلوس ونهزم بيها
وعلى اثرها ابو كميل ضربته جلطه
فلتستغربين من كميل لان حقه
اصلا استغرب شلون ماقتله
لحد الان
....كل هذا واني مثل الاطرش بالزفه
واني عايشه وياهيج انسان ليش ماكلتولي
ليش عفتوني على عمه عيني
...لان ماقبلتي رفضتي سمعين اصورتي احنا
دنحرضج على سعد
....بس جان لازم دكولولي
....جان لازم بس هذ. الي صار
...زين وين راحت الي يحبها كميل
....مانعرف
....البارحه جان ديكلك جيبها
....اي
...البارحه جان ديشرب استغربت
...اي وللعلم الشرب خطر عليه لان هو دائما
الاوكسجين الي بجسمه يقل فيختنك
فلازم ميشرب نهائيا
....لعد ليش يشرب
...من القهر غير
....محمد
....نعم
....انتو شنو شغلكم
ابتسم
....بعدين اكلج ههههه
...ليش بعدين
...احسن
....زين
كمت وكمت اشيل الاماعين
...عوفيهن هسه فيصل يشيلهن
...حياتكم مريبه وتخوف
.....ههههه لتخافين احنا مستحيل نأذيج
...لعد ليش كلتلي احسابج بعدين
.....جنت عصبي
....هاااا
..اي بان تعاي نطلع برا الجو حلوو
....ميخالف
طلعت بالحديقه وجان يوسف يلعب ويركض
...محمد راح تسويلي الجوازات
....اكيد
....شوكت اني
اريد اسافر
...منا لااسبوع ان شاءالله
....هوايه
....تريدين تخلصين منه
...صراحه اريد اخلص من هاي الحياة الي عايشتها
دار وجه عني وكام يباوع ليكدام وكلي
....بديتي تصحين لنفسج
....يمكن اي
...مويمكن اكيد يله من رخصتج راح اطلع لتخافين
سعد ميكدر يوصلج وبالليل راح اوديج للشقه مالتي راح تبقين هناك لحد مسافرين
....اي مومشكله
ودار وجه وراح
بقيت شويه كاعدة اباوع على يوسف
وبعدين دخلت للغرفه اني ويوسف وبقيت لحد مارجع محمد
وصاح على يوسف وعليه وكال تعاي اكلي
يوسف كعد يم كميل وكام يصبله وانطاه خاشوكه
وكله
.....يله اكل انت كبرت صرت رجال ميصير امك توكلك
باوعت على نظراته ليوسف
وكلت لويش احسة هوايه يحب يوسف مثل الي
عبالك ابنه
غريب هذا الشي. ولو كل الي عايشته غريب
مابقت على هاي
...بدريه
جان هذا صوت كميل
.....انتي راح تبقين هنا احسن الج
...محمد كلي اوديج للشقه مالتي
....لا هنا احسن
....بس اني مامرتاحه ومااريد اقلق راحتكم
واضوجكم
ترك الخاشوكه من يده
...اني كلت هنا خلص بعد لتحجين
كلت لنفسي كافي كل واحد يجي ويحجي عليه واني
اسكت
....احجي ويايه عدل
.....شنو
...احجي ويايه عدل
....ها من شوكت
....من هسه
.....ههههههه ههههه
ضحكته تخوف وصوتها خلة جسمي يرجف
....شنو رأيج ارجعج لسعد وطلعي لسانج عليه
لان اني مالي قابليه اخذ وانطي وماعندي وكت الج
....اي رجعني قابل تهددني
....اي موتي نفسج على الرجعه لان انتي اصلا
وحدة بلاكرامه يضربج ويهينج وانتي تبقين يمه
.....انت مالك دخل بحياتي
.....والله صدك دتحجين اني شنو الي دخل بيج ليش داشيل همح وجايبج لبيتي
لويش انتي منو
حتى اهتم اي فعلا كلامج صحيح لهذا السبب راح ارجعج يم هذا القذر
محمد كال
.....كميل شبيك انت ياهو الي تشوفه اطلع عصبيتك عليه
....رجعها بلا اي كلمه خليها باب بيتها وروح
....ماارجعها وكافي عد كميل ترة انت دمرتنا
...اي زين
جر الكرسي مالته ودفعه ليورة وجان يوكع الكرسي
كال
...يله كومي راح ارجعج
كمت ارجف وخفت ارجع لسعد بس
شلون اتراجع هسه واكله مااريد ارجع
كمشت يوسف ويدي جانت ترجف
دخلت للغرفه وجانت الملابس
بالجنطه بعدها جريت الجنطه
وطلعت واني خطواتي ثكيله عبالك ديودوني للمذبح
وشفته طلع ومحمد ورا
ومن طلعت من باب البيت وشافني
صاح بصوت عالي
....صعدي
صعدت ليكدام ويوسف بحضني
وكام يمشي بسرعه
والطريق صار عبالك ثواني
وكفت السيارة وللحظه كلبي وكف وياها وبعدها دك
...رجعتج مو ماحسيتي بلأمان بيتي
خلي هو يحسسج بلأمان نزلي
.....اني حسيت بأمان وياك
جنت اقصد بيته
رديت كتله اني حسيت بأمان واني بيتك
عالعموم ماكو داعي تعب نفسك
بالكلام وتشيل همي
خليت يدي على اليده مال باب وفتحتها واول مانزلت رجلي وحطيتها على الكاع سمعته يكلي
.....بان
يتبع....
#الكاتبه #روجمان
This media is not supported in your browser
VIEW IN TELEGRAM
....البارت السابع.....

خليت يدي على اليده مال باب وفتحتها واول مانزلت رجلي وحطيتها على الكاع سمعته يكلي
.....بان
سكنت بحركتي
ودرت وجهي عليه
.....لتنزلين سدي الباب
.....بس اني
...سدي الباب
...لا راح انزل
كمش يدي
....كافي كتلج
صراحه كيفت لان جنت حايرة وين راح اروح لان جان من سابع المستحيلات
ارجع لسعد بعد الي عرفته وبعد الى سوا ويايه
بس سويت نفسي ضايجه ورجعت رجلي بداخل السيارة
وسديت الباب
وكميل اخذ يوسف من حضني ورجعه ليورة
وقفل الباب
وساق
ورجعنا للبيت
ولمن وكف السيارة بقيت اني كاعدة وهو نزل واجى
دك الجامه مالتي وفتح باب يوسف ونزله
وكله
....ادخل جوة يم عمو محمد
نزلت اني وهو دفع الباب مال سيارة
....بان اني ضجت من كلامج
وهاي النظرات الي بعيونج الي تحسسني وكأنما اني بايكج منه اذا تريدي كولي اريده وروحي محد رح يوكف بوجهج
هاي حياتج
بس اني خفت عليكم ولان اعرف انتي ماعندج احد
وسعد واحد حقير وكلشي مستعد يسوي
ميهمه والدليل معاملته وياج ولمن عافج فوك السنه
هذا كل مافي الامر
وانتي بكيفج واني بالنسبه الي دانطيج
فرصه ترجعين تعيشين
وهو ديحجي
وكام يكح قوي وجة صار احمر
...اجيبلك مي
....لا لا مابيه شي
وسكت شويه ورد حجة
....افتهمتيني
...افتهمت بس انت وعدتني ترجعني لبغداد
.....ارجعج
....وسعد خاف يسوي شي
.....ميكدر يطخج بكد الشعرايه انتي ويوسف
انتي بحمايتي افتهمتي
...اي
وخر من كدامي وفسحلي مجال
مشيت وهو نزل الجنطه مالتنا ومن دخل خلاها بالكاع
شفت محمد واكف واجاني وهو يضحك
....ها زين ماوداج خفت لايوديج وهذا سعد يسوي بيكم شي
....لا ماوداني وكفت كدام الباب بس مانزلت
ورجعت هنا لحد منسافر
......عرفت كميل ميسوي هيج شي جنت متاكد
اجى كميل وكلي
...تعاي تغدي
.....لا مااريد اتغده اريد انام
...براحتج
ابتسمت بوجه محمد وصحت يوسف
ودخلت للغرفه
ونمت اني ويوسف
وكعدني يوسف وجانت الغرفه كلش ظلمه
بكوة كدرت انزل من الجربايه واروح للضوه
افتحه لان الدنيا جانت صايرة ظلمه
فتحت الضوه
ورجعت على الجربايه وجنت بعدني نعسانه
بس كعدت لان يوسف كام يكمز
وفتح الباب وطلع
سمعت صوت تلفزيون
لبست هدومي وعدلت شعري وطلعت
ماشفت احد بالصاله رحت للمطبخ
شفت هذا الرجال فيصل
كاعد يسوي اكل
من شافني التاف عليه وكلي
....مساء الخبر
....مساء الخير
انت عراقي مو
...اي نعم
....ها الحمدلله مو انت حجيت ويايه من قبل
بس ماجنت مركزة وياك
....ماكو مشكله
....تريد اساعدك بشي
....لا اشكرج
....ليش مواني اضوج مااشتغل متعلمه
اسوي اكل وانظف
....اخذي راحه
....ههههه لامااكدر كظيت عمري كله اشتغل مترهم
جنت جوعانه
وكتله
....خلي نسوي عشه
.....براحتج
فتحت الثلاجه واخذت اشياء منها
وسويت شوربه
وسويت لحم وطماطه هاي علمود يوسف لان يحبها
وكمت احجي ويا فيصل وبدا يسولفلي عن نفسه
وعن حياته وعائلته
ورجع كميل ومحمد ودخلو للصاله وبقو لوكت متأخر واني سلمت على فيصل ورحت وديت يوسف للغرفه
وبعدها طلعت داروح للحمام وشفت
محمد صعد فوك
دخلت للحمام وبعدها رحت للمطبخ اجيب كلاص مي
ودخلت شفت كميل كاعد
من شافني باوعني وكلي
....كاعدة
...اي
...تعاي كعدي اريد احجي وياج
كعدت وكتله
..... شنو الي رايد تحجي بي
وكمش الريمونت وعلة التلفزيون
وجانت اغنيه جذاب وذكرتني بأيام مضت
مرات نسمع حاجه نحس بيها عطر الماضي
وتاخذنا وياها لدنيا
ثانيه
جنت مركزه وياها ومامنتبه على الي ديصير
وبايه
جان المقطع يكول
(((جم زله منك بينت وماجيت اعاتب مره
ومن عشرتك ولك كلي شفت غير الألم
والحسرة
اني ادري يهواك الكلب وبعدك
يعذب حالي وادري اليحب
ليله صعب هايم يظل
للتالي وتريد ارد النوب الك لاماارد ترة
كلشي نكضى و لو صرت بس انت الدوة
مأرد وأنسى المضى
جذاب ياعيني جذاب

🎶🎶🎶🎶🎵🎵🎵🎵🎶🎶🎶🎶

بالروح الك ميت واحسبها الي حنيه ومكابيري
يعذب الكلب ليش اني بين بيه
وتحملت ضيم وقهر والوكت مر وتعدى يل ماشفت
منك مطر جس الدليل وندا
🎶🎶🎶🎶🎶🎶🎶🎶🎶
ولمن خلصت كلت
الله على هاي الا غنيه وين ودتني
وكانما جانت تحجي عني وكأنما الي كتب كلماتها
جان قاصدني
انتبهت على وجود كميل الي جان يباوع عليه
وبيدة الكلاص
.....بيش ذكرتج هاي الاغنيه
...جتي على الجرح هاي الاغنيه
....ليش
....حجت عني
...اي
....انت ليش تشرب
...ليش اضوجين من واحد يشرب
.....اي هوايه لان الرجال من يشرب يفقد احترامه
....هههههه اني الشرب ميسكرني لتخافين ماافقد عقلي
....يمكن
...لااكيد مو يمكن و جان هذاك الغبي يشرب سعد
...اي يشرب وجنت اضوج بس مااكدر احجي
....عالعموم راح تخلصين منه بعد تلث ايام راح ترجعين لبغداد وهناك راح يجيج سايق ويوديج وين ماتريدين
ماعرف ليش صرت جريئه ودخلت نفسي وكتله
...ليش ماترجع تشوف ابوك
سكت وشال الكلاص وشرب منه ونزله
....مو ديكلج بلاغنيه الوكت مر وتعدى
اني مونفسي كميل ابويه ميريدني اكبر ولااتغير
واني
الدنيا هوايه غيرتني
كلي
...تصبحين على خير
جان قصدة روحي
لان جان بعده كاعد
....تصبح على خير
بس مامشيت وبقيت واكفه
....زين اني مو لازم اطلك من سعد
رفع حواجبه
....تريدين تطلكين
...موهذا الي لازم يصير
...هذا الي تريدي انتي
....ماادري
....اذا تريدين تطلكين اني اخلي غصبن ماعنه يطلكج
....ان شاءالله
...كوليلي
.....شنو
...على الي تريدي واني مستعد اسوي الج
...اني اريد اروح منا لان هذا الوضع تعبني
.....راح تروحين لتخافين
جان يحجي ويايه بهدوء رهيب وصوته ناصي
وحركاته كلش قليله ونظراته متصير عليه اكثر من
لحظات وبعدها يلتاف
هاي المرة الاولى الي الاحظ الفرق الجبير بين سعد
وكميل
ومشيت ورحت للغرفه وجنت فرحانه ومفرحانه
ونمت وكعدت الصبح من وكت وجنت نشيطه غير هاي الأيام الراحت
يمكن وجودي بيت سعد وقربي مني خلاني
ضعيفه وخله دائما تفكيري مشوش
يله
مومشكله اذا رجعت وكمت ابيع خضرة واخبز
يله شفت الحياة الي جنت احلم بيها وشبعت ضيم وقهر
فتحت الكنتور وطلعت نفنوف طويل وردانه هم طويله لونه بيجي لبسته وشلت شعري مثل مامتعودة
فتحت باب الغرفه على كيفي وسمعت صوت محمد وكميل
جان صوتهم عالي و كميل يحجي بعصبيه ومحمد يهدي بي
محمد جان ديكول لكميل
...انت كلي شتريد
....تعرف شريد
...وتالي ياكميل سوي الي تريده وارتاح احسن مكاعد تحرك بدمك وكاعد تشرب حتى تنسى وتاليتك مدتكدر تنسى وفوكاها دتأذي نفسك
.....كلي وين الكاها
....انت متريدها الها ليش تغالط نفسك
....اني مااغالط نفسي بس اني قررت
...شقررت
...اني راح ارجع لبغداد
...ليش
...اني داختنك هنا كلشي ديضوجني
....وسعد
....انت تعرف شلون تصرف وياة
...وبدريه
سكت
وبعدين كله
......نشوف شون
دخلت للغرفه وسديت الباب وكفت عليها
(((عزة بعينج بدريه راح يكتلون سعد وبعدين يكتلوج انتي وابنج صخام بوجهي هذوله صدك طلعو مثل ماكال
سعد اصخام الصخمج يالغبره راح تروحين
هيجي يمه يمه
وكعدت على الجربايه وكلبك يدك بسرعه والخوف أمتلكني
وباوعت على يوسف نايم
شلون هسه شسوي مااكدر اطلع ولااكدر اكول سمعتهم
شسوي ياربي ساعدني
ياربي بس انت عندي ساعدني
احسن حل اقشمر كميل لحد مااخلي يرجعني لبغداد
وحتى يتأكد اني اكره سعد راح اكله اني اريد اطلك منه
واشوفه شيسوي
كمت ورحت وكفت كدام المرايه وجان وجهي لونه مخطوف وصاير عبالك ليمونه
كمت اكرص بخدودي حتى يمشي الدم بيها
ورديت وكفت يم الباب وخليت اذاني على الباب
مجان اكو صوت
طلعت واني امشي على كيفي ورحت للمطبخ مجان اكو احد رجعت للممر وكفت اباوع سمعت صوت بالصاله
رحت وجانت الباب مفتوحه ومحمد وكميل
كاعدين وكميل كدامه اوراق ديكلب بيها
دكيت الباب
شال عينه من الاوراق
ومحمد ضحكلي
كتلهم
...صباح الخير
كميل بقى يباوع وميجاوب ومحمد
كلي
....صباح الورد
شونج اليوم
....على الله
كتلهم تريكتوًووً لو اسويلكم
استغربوووو عبالك
محمد كال
...اني ماتريكت وجوعان والله ياريت تسوينا لكمه من جوة يدج لان اكلج طعمه بحلكي دائما
...اي بعيني
وباوعت كميل
وكتله
....وانت كميل تتريك ويانه
....ماشي
رحت للمطبخ واستغربت على نفسي
وداحس هلأيام صايرة مثل السحليه اتلون كل شويه
بلون
وادوس على نفسي هوايه بس لازم اشغل عقلي
هذوله الي مثلهم ميفيد وياهم وحدة تتعامل بطيبه حتى كعدتي وياهم غلط وحرام شنو كاعدة ويا رياجيل غربه عني بس شسوي ياربي تعرف بيه مضطرة
كمت اسوي ريوك وخليت الجاي على النار وحميت الصمون ورحت للغرفه كعدت
يوسف وغسلتله وبدلتله
وكتله
.....روح على عمو كميل كله ماما دكول تعال أكل روح على عمو كميل مو محمد
...اي
راح بسرعه ورجعلي

....هاكتله
....اي
...عفيه عليك حبيبي الي يسمع كلام امه
يله تعال اكعد عاقل
صار صوت رجلينات وعبالي هما
طلع فيصل
...كلي
....ام يوسف صباح الخير
....صباح الخير يله تعال تريك
...ليش مواني اسوي
....هاليوم اني سويت تعال اكعد
...مااكدر اكعد
....ليش
....مجاوبني كلت يمكن يخاف من كميل
وبهاي الاثناء دخل محمد ورا كميل
كميل جر الكرسي الي على راس الميز وكعد
وكله لفيصل
....وين جنت شو تاخرت اليوم
...اسف بس والله اخذتني نومه هسه يله كدرت اكعد
وشويه مريض
اني كتله لفيصل
.....روح ارتاح ليش لعد اجيت بس هسه اكل ويانه وروح نام ارتاح كل عدنة يدينات نكدر نخدم نفسنا
محمد وكميل فاتحين عينهم ويباوعون عليه
فيصل باوع على كميل
وكميل اشرله اكعد
محمد غمزلي وضحك
صبيتلهم جاي وخليت الاكل كدامهم ورحت كعدت بصف يوسف واحجي وياه
حاولت أصنع ردت ابين انو اني مضايجه على سعد
ولاخايفه منهم وانو اني اثق بيهم
واتصرف وياهم طبيعي
وبنفس الوقت مااظل ساكته ومااحجي
هسه اجى الوكت الي ترجع بي بدريه
....ماما
....ها كلبي
انتبهت على كميل جان دياكل بس من كلت ليوسف كلبي رفع عينه وظل يباوع عليه
وأكل فيصل وكمل
وكام وكف وسئل كميل اذا يحتاجه
كله مااريد منك شي روح ارتاح وسلم وطلع
وجان اكو سكوت
بس ان
ي كسرت هذا السكوت وكتله لكميل
..... كميل
باوع بااتجاهي
....نعم
...اني اريد اطلك من سعد حتى من ارجع بعد ماكو شي يربطني بي
محمد كلي
....صدك تحجين
....اي
....معقوله تعوفين سعد مداصدك
...اي اعوفه ليش مااعوفه سعد دمرني
وانتو تعرفون الحياة الي جنت عايشتها
....شكد نصحناج بس جنتي تعاندين دائما
ومسمعين كلام وعبالج دنحرضج على سعد
.....لان ماجنت اعرف شي
....لتلومها هو زوجها ولازم ادافع عنه
مدام تحبه وعايشه وياة وعدها طفل منه لازم تحترمه
على الاقل كدام الناس
حتى لو هو واحد حقير وميسوه فلسين
..... صحيح كلامك
.....بس يابان برغم هذا يبقى عدنا عقل ونشوف افعال الشخص الي نحبه شلون تكون صحيحه يقدر حبنا يحترم يراعي مشاعرنا
...صح
محمد كال
...ميستاهلج
بقيت ساكته ومااجاوب
بعدين جتي على بالي ناهز
كتله
....محمد انت ليش طلكت ناهز هيجي بسرعه
.... مومثل مااني جنت متوقعها
...شلون جنت متوقعها انت موحبيتها وزوجتها
...اي صح بس لمن صرنه بيت واحد اختلفت وكأنما موناهز الي عرفتها
....خاف هم اكتشفت هي مو من مستواك
ضحك كميل بدون صوت
ومحمد باع عليه نظرة جانبيه
....لا بس اني ماردت أذيها فتركتها
...ويعني من تركتها متأذت
...اكيد تأذت بس احسن النا اثنينا هيج
....يعني مجان اكو سبب
...لااكو
...وليش مزوجت بعد
....ماادري بس احس وقتي مو ملكي
...لعد ملك منو كميل
وباوعت عليه بتحدي وعلى شفتي ابتسامه اصورت راح يضوج بس من باوعته
شفته يضحك ومحمد سكت
يمكن اني زيدتها هوايه هدورة طلعت لساني فد مرة عليهم خلي اسكت احسلي
كلي محمد
....لا مو ملك كميل بس ملك الشغل او يمكن مالكيت وحدة تعجبني وتدخل راسي
......ان شاءالله تلكي
...ان شاءالله
وحجى ويا كميل وكله يله اني راح اطلع لان عندي شغل
....اي زين روح
طلع محمد واني بعدني كاعده ويوسف
كام يحوص يريد يكوم
كميل
كله ....روح للحديقه ا ذا تريد
روح العب
كام يوسف وفتح الباب مال المطبخ وطلع للحديقه
....كميل
...ها
.... خاف ضاج محمد من حجيت هيج وياه
......هههههه ولو حجيج جان ثكيل بس لا محمد
ميزعل
...يا عزة بعيني صدك هيجي جان كلامي ثكيل وماحسيت
....ههههه يله مصار شي بس عجبتيني
عبرتي عن رأيج بصراحه
....اي بس محمد حباب مااريده يزعل مني
اني جنت اقصد هو طلك ناهز وناهز حبابه
وخوش بنيه
....اي حبابه بس تشبه الشرطي
...ههههههههه هههههه شنو
...تشبه الشرطي
....يعني قصدك لان محلوة طلكها
...يمكن
....ليش الشكل هيج مهم يم الرجال
...مودائما
....لعد
...يعني مثلا اني احب الي ازوجها تكون حلوة احب من افتح عيني واباع بوجهها احس النظرة بجمالها
تنور يومي بس ايضا
لو احب وحدة وهي ماتملك جمال
مومهم لان اني راح اشوفها بعين نفسي
لهذا السبب دائما من نحب نتغاضى عن عيوب الي نحبه مهما جانت جبيرة
الانسان يطلب الكمال بااي شي بحياته بس ماكو شي
كامل كلشي بحياتنا نملكه يكون ناقص وبي عيب بس
تبقى القناعه
للاسف اني مااملك القناعه الكافيه
ويمكن هذا السبب بلي وصلته
وهاي عادة سيئه بيه لاازم اتخلص
منها
صفنت بكلامه ودوختني حجاياته صدك الي ماعنده
قناعه صعب
مثلي اني مجانت عاجبتني حياتي
وماراضيه واكوم واكعد واكول ياربي
ريحني من هاي الحياة
وتالي هيج صفى بيه الدهر بيد رجال ماعنده ذمه
وناس مامعروف اولهم من تاليهم
وبعد ويعد يابدريه وين راح توديج الدنيا
كون اغمض عين وافتح والكي نفسي كاعدة بيتنا
وكل هذا كابوس
خنكني لحد مافزيت منه
ويخلص كلشي بي ويا فتحت عيني
كلي
....صفنتي
....الي حجيته بي شي مني
....اي انتي دخلتي لعالم جبير
...اريد اسئلك سؤال وجاوبني
...شنو السؤال
...ليش ازوجني سعد انت اكيد تعرف ليش ازوجني
...وشنو الي خلاج متأكدة من هذا الشي
....لان كلشي جان يدل على انك تعرف بي
وتعرف بلي يريد يسوي ولان حذرتني منه
بس اني جانت الفرحه مغطيه عيوني
....سعد دائما يحس اتجاهي بالنقص
ويحس اني احن منه وافضل منه
وطبعا هاي الحقيقه لان اني عكس سعد
اني ماجنت اركض ورا النسوان
واخلص فلوسي عليهن
ولا جنت ادخل بشغله واطلع منها خسران
بالشغل عندي مبدأ لو قاتل لو مقتول
محد يكدر يغلبني
او يقشمرني بس سعد لعبني والمصيبه اني الي فسحتله المجال وانطيته الفرصه
وهذا الشي كلش أذاني
اما ليش ازوجج مامتأكد من السبب
بس اكو سبب واحد هذا الي اني اعرفه
والي هو باعتقاد سعد بأني
جنت اريد اخطبج
بلعت ريكي
...لعد شنو
...اني بس كلت كدام سعد الي مثل بدريه تصير مرة سباعيه والحلو بيها قويه
هذا بس جان كلامي ورا كلامي بيوم سعد شافج
وبدأ يتقربلج
....يعني هو ميحبني
نزل راسه وكمش كلاص المي وبدأ يحركه
منا ومنا
...مااعرف
....اكيد انتي تعرفين يحبج لولا
....مااعرف بس اعرف بنفسي
........،،،،،،،،،،،،،،،
... دربالج على يوسف اني راح اطلع وماراح نجي على الغده
...الله وياك
مجاوبني وطلع بلا مايندار عليه
ضجت من الكلام الي صار بيني وبين كميل
وكمت اشتغل مثل المخ
بله
وكل شويه اتخيل صورت سعد خفت يسويله شي
ورحت على التلفون ودكيت على رقم البيت
بقى يدك يدك وطول يله جاوب سعد
غمضت عيني من سمعت صوته
وأنفاسه صارت بكلبي
...الوووو. الوووووو. الوووو
....الوووو سعد
....بدريه
...اي شلونك
....وينج انتي ها
....انت ليش بعدك هناك ترة راح يقتلوك روح
...وج انتي متستحين لو تستحين متعوفين رجلج وتروحين ويا هم
...اني حذرتك بس لخاطر العشره الي بيننا
...تعاي رجعي اني اريدج
....مااكدر
....اني احبج بان
....مااكدر روح سافر قبل ميكمشوك
انهزم مدام تكدر
....تعاي رجعي
....مع السلامه
....لج بدريه احجي الوووووو
سديت التلفون وداخلي بمكانه
وبس حسيت شي دافي كمش يدي ونسحب التلفون من يدي قوي
فزيت وكمت اتنفس بسرعه
وشلت عيني بخوف وخجل وشفت كميل
وعيونه بيها شرار وتخوف ماكدرت اباوع بسرعه نزلت راسي
وبقيت ارجف مثل الطير المبلل
...انتي شنو
...اني ماكلتله بس كتله روح
....خايفه عليه اقتله بعد كل الي سوا وياج
اني ماريد اشوفج ابدا
وماتبقين دقيقه وحدة هنا
صاح بصوت رج البيت رج
...فيصل ....فيصل
...تعال
....اجيت اجيت أمرني
وصلها لبيت سعد وظل بالباب لحد ماتدخل للبيت
...اني مو
..لاانتي ولاابد شغلتين اكرها بحياتي االي يكذب عليه
ويحاول يستغبيني ويصير
والشيء الثاني ماكو داعي تعرفي

رحت بسرعه وخليت ملابسي بالجنطه
وماكدرت بعد ارفع عيني وجريت يوسف
حيل حتى وكع بالكاع وكام يبجي وطلعت بسرعه
بدون ماانطق بكلمه
ابدا
وصعدت بالسيارة ليوره وفيصل ساق
بسرعه
وصل كدام البيت نزلت وبقيت واكفه وكامشه
يوسف قوي وفيصل بقى ميتحرك
دينتظر ادخل للبيت
مشيت وصلت للباب ودكيت الجرس
...منو
بتردد وبخوف كلت
...اني بان
نفتحت الباب بسرعه
وضحك سعد والسيارة مشت
....هههههه هلا هلا هلا هلا
....ادخل
....اي دخلي عيوني بدريه
خطيت وعبالك خطيت بصوب النار
ولمن صرت جوة سد الباب
بقيت جامدة بمكاني
....شونج لازم رجعج ليش ميريدج
اجيتي برجلج يابدريه
يتبع...
#الكاتبه #روجمان
This media is not supported in your browser
VIEW IN TELEGRAM
......البارت الثامن.....

وضحك سعد والسيارة مشت
....هههههه هلا هلا هلا هلا
....ادخل
....اي دخلي عيوني بدريه
خطيت وعبالك خطيت بصوب النار
ولمن صرت جوة سد الباب
بقيت جامدة بمكاني
....شونج لازم رجعج ليش ميريدج
اجيتي برجلج يابدريه
قفل الباب بالمفتاح جسمي جان يختض
وعيوني كامت دمع وكأنما
محبوسه بقفص ويا حيوان مفترس
صحت يوسف وتمشيت على كيفي وبدون مااطلع صوت
وصلت يم الدرج
صاحني
...وين
....اصعد فوك
....ليش
....تعبانه
....ليش
بلعت ريكي
...ماكوشي بس راسي يوجعني
....ليش
جنت احجي و شفتي ترجف
....هيجي ماكو شي
صاح يوسف وكله
....تعال
راح يمه وكف كدامه خايف
من ابوووو
....تعال اكعد هنا
كعد يوسف وبقى يباوع عليه وعيونه تستنجد بيه
ماتحملت بعد رحت بسرعه عليه
وشلته
....شدسوين
....لتخوفه
...ابني انتي شنو
...معليك بي اذا عندك شي ويايه فخلي هو بعيد
اجى عليه وجرة قوي من يدي وكعدة مرة ثانيه
وكام يوسف يبجي
....دربالك تأذي
....شسوين
......كلشي ولاابني
....وانتي بيش كيلو صايرة مرة براسي مو
وهسه كوليلي ليش رجعتي شأخذ منج كميل
....شنو شأخذ منج
...لتسوين نفسج متفتهمين
...انت شنو تحجي
.....ليش شمرج مل منج هيج بسرعه
.....انت حيوان
....اني حيوان
....اي انت
....اني اعلمج
واجى بسرعه عليه وجرني من شعري بحيث ما
جنت اسمع بس صوت عبالك خيوط تتكطع
وعياط يوسف والبجي مالته
كتله
....... تستاهل الي راح يسوي بيك كميل
.....مستحين سكتي والله اليوم اظل اضرب بيج
لحد ماتنتهين سمعتي لحد مااخليج اذبين حليب امج
يالخبازة ام الخضرة هو انتي لوبيج خير متبيعين خضرة
وكام يضربني على راسي بيدة وعلى وجهي
وكل ضربه واحس شي براسي يرتج
كتله
.....اني ابيع خضرة احسن مااصير حراميه اشتغل بشرف
.....وانتي وين عندج شرف
هو كلي ماعندج شرف ومااعرف منين جتني القوة
ورفعت يديناتي اثنينهن وضربته على بطنه ودفعته حيل
وهو رجع ليورة ونضرب بالطبله وعثر وكع
وكمت اركض واخذت يوسف الي بدا يرجف
وصعدت فوك
وقفلت باب الغرفه لان ماجنت اكدر اطلع برة البيت لان قفل الباب بالمفتاح وشاله اول مادخلت باوعت على يوسف يرجف شفت بطل مي غسلت وجه
وكمت اكله
...ماكو شي حبيبي هسه نروح يم عمو كميل ماكو شي
حبيبي لتخاف
وكام سعد يدك بالباب قوي ويصيح
....فتحي الباب اليوم اشرب من دمج فتحي الباب لو اكسرها على راسج
فتحت الشباك كلت بلكي انهزم بس شلون مااكدر
ويرد يصيح
....وج فتحي الباب
......روح ترة هسه افتح الشباك واكوم اعيط واخلي الجوارين يخابرون الشرطه عليك روح منا الولد راح يموت من
الخوف
....فتحي الباب مااسويلج شي بس احجي وياج
...لا
....بسيطه شوفي شسوي راح العب بيج لعب
راح وصار البيت مابي صوت كومت يوسف لان جان كاعد يم الكنتور
وحطيته على الجربايه وغطيته وكل شويه واروح اصنط
ومااسمع صوت وارجع
و كعدت بالكاع كدام الباب
وبقيت اباع على الباب
كلت
موكلي احبج تعاي اني اريدج
اني شلون غبيه وماسمعت كلام كميل
وبقيت انتظر خاف يصير شي
وراح سعد وبعد مااجاني ابدا
وماكدرت اغفة بقيت كاعدة اباوع على جوه الباب
لحد ماطلع الصبح وهو ماكو
وسمعت صوت الباب نفتحت ونسدت
كلت يمكن طلع
ركضت على الشباك شفته واكف وباع منا ومنا وبعدين مشى
فتحت الباب بسرعه ونزلت جوة على التلفون شلته جان ميشتغل
فتحت الباب جانت مقفوله كمت.دورت مفتاح ماكو
مالكيت
بقيت ادور منا ومنا
ومالكيت شي وما اكدر انهزم لان قافل كل الابواب
اخذت الجنطه مالتي جانت مشمورة بالكاع ورحت للمطبخ وفتحت الثلاجه اخذت منها اكل ومي ليوسف خاف يكعد ورجعت صعدتهن فوك
ورجعت ادور بلكي الكي مكان انهزم منه
وسمعت صوت ركضت فوك بسرعه
وسديت الباب
وبعدها
سمعته ديصعد على الدرج
ودك الباب وكلي
.....تعاي اكلي انتي ويوسف
مجاوبته
رد كلي تعاي وهم مجاوبته
كعدت يوسف وبدلتله ملابسه وانطيته أكل وكمل
وكعد على الجربايه يخاف يتحرك
وبقيت واكفه بالشباك اباوع بلكي احد يجي يساعدني
بقيت استنجد بكل واحد مار بالشارع بس بدون
ماطلب المساعدة
وتعبت من الوكفه ورحت ريحت جسمي شويه وماعرف شلون ماخذتني النومه وكعدت على صوت قوي
ماكدرت اميز الاصوات وافتهم شكو رحت على الشباك جانت سيارة كلت
.(((اي ياالله )))
كمت ادكدك بالباب واصيح فدوة
ساعدوني صارت صنطه وماكو صوت بعد
وسمعت صوت السيارة اشتغلت و راحت
مالحكت اشوف منو
ورد سعد صعد ويدك قوي ويضرب برجله بالباب
وكام يضربها وحسيتها راح توكع
كلي
....فتحي الباب لان والله اذا مافتحتيها هسه
اكسرها وافتحها واشبعج كتل سمعتي
فتحي الباب مااضربج
كمت فتحت الباب ورجعت ركض على الجربايه وحضنت يوسف
دخل وجه مسود وشعرة مخربط ولحيته طويله ومخربطه
وعيوني مليانه أذيه
كلي
....تعاي هنا
.....عوفني يم ابني مااريد شي اني راح ابقي هنا بالغرفه مااطلع منها
....كتلج تعاي
،....لا عوفني
تقرب مني وجرني من شعري وسحلني
من الجربايه للكاع سحل واني ادفر
وأعيط
وداني للغرفه الثانيه
وكلي
....نزعي ملابسج
....لو تموت
...لو اموت مو
...اي
كام يجرجر بيه كرهته بهاي اللحظه وشكو حب بكلبي اله
راح
وشفتها صعبه يلمسني
كمت ادفع بي واصيح واعيط عليه واكوله مااريدك
طلكني وهو ولايمه جان بي ريحة شرب
قويه وشكله قززني وخلاني اقرف
وكام يتقرب عليه وصار جسمه على جسمي
فعلا مثل الحيوان
مثل الي يغتصب المراة ويضربها حتى يكدر ياخذ منها الي يريدة غصبن ماعنها
من جنت اني قبل اريد قربه جان يبعدني عنه ويعاملني احقر معامله وهسه واني كارة
قربه مني يحاول ياخذ الي يريدة مني وبدون رضاي
بس هو كلما جان ديتقرب جانت معدتي تكوم توجعني
واحس نفسي اريد اتقئ وخر بعيد عني
وكال
....بعدين اكمل الي بديته عدنا جوله ثانيه بالليل
وتركني واخذ المفتاح مال غرفه وطلع
رجلي جانت توجعني كلش لان من جرني من الجربايه
نضربت فكمت اسحلها سحل
ورحت للغرفه يم ابني وردت اسد الباب شفت
ماخذ المفتاح مال هاي الغرفه هم
فتحت الكنتور طلعتلي دشداشه وغيرت لبسي
شفت وجهي جان كله ازرك ومورم
ويدي صايرة خطوط حمرة
بقيت ابجي واحتقرت نفسي وضعفي وحبي اله
ترجيت رب العالمين يساعدني
ويطلعني من هاي المصيبه الي خليت نفسي بيها
بقيت لليل بالغرفه وهو مااجاني بعد بس جان صوته يحجي
كل شويه مااعرف ويامنو وصوت التلفزيون
وماردت الليل يجي
حتى لايجيني
بس شويه وكام الجرس يندك وهو مايفتح لان ظل يندك
وهو ميفتح طلعت وكفت على الدرج اشوف شنو
شفت سعد واكف وميقبل يفتح الباب ومطفي التلفزيون
حتى يمكن لا يطلع صوت
عرفت احد برة وهو خايف يفتح ركضت
وشفت سيارت محمد
فتحت الشباك وردت اصيح بس خفت منه
كلت لازم افتحله الباب
بس شلون
رديت وكفت على الدرج شفت سعد دخل للمطبخ
نزلت ركض وجنت عبالك طلقه ورحت على الباب وفتحتها واجى سعد ورايه يريد يكمشني بس بعد ملحك لان
محمد دخل
كلي
.....بدريه
....الحكني فدوة اخذني
...دخلي جوة لااسحلج سحل
كله محمد
....ليش مواني اسحلك جان استحيت مستقوي عليها
لان ضعيفه
....ليش اجيت انتو مومتريدوها شكو اجاي
...اسكت لااضربك مرة ثانيه
....متكدر
....انت اصلا صرت مكفخه شوف الله شمسوي بيك
كالبك قرد
...ترة اضربك
...انت جبان ولو رجال مسوي هيج بيها
كلي محمد
....وين يوسف
....فوك
....صعدي جيبي اني واكف هنا
.....صعدت واني اتلفت واكول اشكرك يارب
اشكرك
....شلت ابني بس ردت اطلع حتى هدمايه مااخذت
وباوعت على سعد
ورحت بسرعه وكفت بصف محمد
كلي سعد
...اعرف بيج راح ترجعين ولا جان ماخليتج طلعين
محمد كله
....انت خليتها تطلع لان انت متكدر توكف بوجهي وتعرف اذا فتحت حلكك ادفنك بالمكان الي انت واكف بي
سكت ومجاوب
وكمشني محمد وطلعني وساعدني
حتى اصعد بالسيارة
وراح كعد وساق
السيارة انتبهت على رجلي مجنت لابسه شي بيها
....بان
....ها محمد
......ليش هيج تتصرفين شوفي صار بيج
بقيت بس ابجي وامسح دموعي بيدي
ومااجاوب
.....يعني لو مو كميل كايلي اجي اجيبج جان شنو جان حالج
ها
...كميل كلك
...اي
...معبالي يعرف
....اني مااكدر اسوي شي اذا كميل مايعرف بي
ولان انتي غلطانه
بس هو عرف بسعد راح يأذيج
ومامطمن على يوسف
....اني اسفه
.....موالي دكولين للي دائما واكف وياج ويساعدج
....قصدك كميل
....اي كميل
.....انت هم دائما ساعدني يامحمد انتو اخوتي اني ماعندي غيركم
صدك هسه يله عرفت انو رب العالمين يكطع من صفحه وينطي من صفحه انتو اهلي
سكت وماحجى شي
لحد ماوصلنا للبيت وكفني قريب كلش من الباب مال مدخل
واجى فتح بابي واخذ يوسف مني
ونزله وكله
......يله عمو يوسف افتح الباب وادخل
مد يده الي
وكمشت يده ونزلت
......اشكرك
بقى كامشني لحد مادخلني
جوة لمن صرت بالممر جانت اكو مرايا جبير ة
اجتي عيني عليها وشفت انعكاسي
ودرت وجهي وباوعت نفسي بوضوح
جنت لابسه دشداشه طويله لونها ازرك
وشعري مفتوح ومكفوش وجوة عيني ازرك
وشفتي مورمه
وعيوني من البجي منفخه
ومثل النقاط الصغار ماليه وجهي لان اني
من ابجي هوايه وجهي يصير بي نقاط صغار جوزيه ونوبات زركه
نظرتي لنفسي وكانما وحدة مااعرفها
ولاعبالك اني
محمد بقى يباوع عليه واني اباع على روحي
وكلي
...يله تعاي هنا كميل
دخلت للمكان الي دائما يكعد بي وهي الصاله
ويوسف جوة يمه
لمن شافني
وكف كميل
.....شبيها
وتقرب عليه
....رفعي وجهج
من شاف وجهي غمض عينه وكام يهز براسه بعصبيه
وصاح
... ولك سعد سعد سعد
كله لمحمد
...اني شمنتظر كلي
.....راح نروح ونعوفه
.....من كل عقلك اعوفه باع شمسوي بيها
باعني وكال
....تستاهلين متسمعين كلام تعاي كعدي هنا
وجر كرسي وكعدت عليه
....اوديج للمستشفى
....مابيه شي
.....اكو شي ديأذيج
...لا
.....دتباعين بهاي عينج لولا
....اي اباع
...استغفرالله هاي هيجي طالعه بلا ماتلبسين شي برجلج
....اي
كله
لمحمد

....شوف يوسف خوما بي شي ودي خلي ياكل وجة اصفر
وخلي فيصل يسوي عصير
محمد صاح يوسف
....تعال حبيبي
ويايه
وراح محمد ويوسف للمطبخ
وسعد بقى واكف يباوع عليه
وبعدين راح جاب كرسي وحطه كدامي
وكعد واني مدنكه راسي اخجل اباع بوجه
مالي عين بعد الي صار
....متأكدة مابيج شي
....اي
كميل اني اعتذر ماقصدت شي موزين اني اتعامل بطيبة
....مشكلتج مو طيبتج غبائج بحبه اني متاكد راح ترجعين تريدي وتحنين اله
....مستحيل ابدا ماارجعله لو روحي تصير بيده
....اصلا روحج بيده
...خلصني منه الله يخليك
....اوف اوف اخر فرصه الج بعدها ابدا مااساعدج لو اشوفه يموتج كدامي
....اني اخاف على يوسف
...اني معتبر يوسف مثل ابني ودائما راح احمي وراح احميكم بس لتخلين غضبي يطولج
حاولي تجنبين الشي الي يضوجني
ولتلعبين من ورايا ولتحاولين تصيرين ذكيه ويايه
لان نادر ماارحم شخص
واخاف فديوم تغلطين ويايه وبعدها
مأارحمج
....بس انت تعرف اني مااكدر ابقى هنا لان ميصير وحرام
.....اعرف بس اني اريدج قريبه واريدكم كدام عيني
لحد مانرجع لبغداد
....بس ميصير
....المضطر مابيده حل ثاني وانتي مضطره
روحي ارتاحي ونامي ويوسف معليج بي اني عود اجيبه من ينعس
....داخجل من الي سويته
....لتهتمين من رجعتج هنا معناته سامحتج
وياريت لو مخالج تروحين
...تصبح على خير
نزل راسه بحركه غريبه وبأبتسامه هادئه تشبه صوته
رحت لنفس الغرفه
وكلت اوف ياهاي الغرفه
اظاهر راح تكونين هم شاهدة على حزني ودمعي
رحت نمت وتغطيت
ومن بعد هذا اليوم كمت احاول اطلع مو بس سعد من راسي
حاولت اطلع كلشي مر عليه بس صعب
صعب ننسى وجع هو مازال بينه
شاانسى اهلي
الحياة الي ردتها وطلعت كابوس
انسى كسرت كلبي انسى أهانتي جنت فقيرة حال
ومافد يوم احد ذلني
وهسه كعدت بقصر واحس بالذل
مر عشر ايام على وجودي بيت كميل
اكذب لو اكول مااحس براحة
واليوم اجى كميل وكلي باجر راح نسافر
محمد راح يبقى لان عندة شغل واني ويوسف وكميل
راح نرجع لبغداد وننزل بيته الي بغداد
وجنت منتظرة يجي اليوم الثاني ويجي وقت وصولي لبغداد وأشتم الهوى الي بي مخنوكه
محمد اخذني اني ويوسف واخذنا ملابس
ورجعنا للبيت وحضرت الجنطه مالتنا
ولمن جنت اسئل على شي يكلي كميل انتي معليج
اني احل كلشي
شكد حلو لمن اكله شي يكول اني اشوفله حل
احلى شعور تعيشه المراة هو الامان
المراة لمن تزوج تحب تحس بلأمان ويا زوجها
وتحس انو لو الدنيا كلها وكفت ضدهم
هو راح يحميها ومافديوم شعرت بهذا الاحساس
ويا سعد بس حسيت بلأمان ويا كميل
ومطمنه انو محد يكدر يسويلي شي
مر هذا اليوم الي جان كله انتظار وقلق
وخايفه لايصير شي
وماارجع للعراق برغم جنت اسمع الناس تنهزم من العراق وتسافر ويعيشون حياة جديدة
بغير مكان
بس اني ردت ارجع للعراق حتى اعيش غير حياة
واجى يوم سفرنا وجان موعد. الطيارة
ساعه ب10الصبح
طلعت من الغرفه ورا ماخلصت تبديل ملابسي
وكميل جان دينزل من الدرج جان
لابس قميص لونه زيتوني وبنطرون اسود ومصعد ردانه ليفوك
ومشط الكذله مالته ومصفطها و مابيها غلطة
والحذاء مالته يلمع
شكد حلو الرجال الانيق بعكس هذا سعد الي مبهذل كل الاوقات
شافني
ونزل من الدرج وكام يحجي ويا محمد
واجى عليه
كلي
....كملتي
...اي
....شعرج
...شبي
محمد كال
....ليش هيج تشيلي دائما والله محلو ماادري شلون اطلعين تخوفين هههه
.....صدك
...اي بالله
...خلي اشوفه واجي
رحت على المرايه جان وجهي يطلع طويل لان اني اسحبه كله ليورة واسوي طوبه واخلي بي
ماشات
عد كلت خلي افتحته
وفتحته ورتبته
وخليت ماشه صفح
وطلعت وباوعت عليهم
....ها هسه زين
محمد كال
...اي زين وكلش حلو
....ههههه
صاح كميل
...يله دنطلع لنتأخر
سلمت على محمد وطلعت برة
وصعدت بالسيارة ليورة وكميل كعد ليكدام كال اني اسوق وفيصل
كعد بصفه حتى يرجع السيارة للبيت
بقينا كلنا ساكتين ويمكن كل واحد عنده شي باله
وصلنا للمطار ونزلنا ودخلنا جوة
وبقينا ‏ب ننتظر لحد ماصار موعدنا صعود
الطيارة
وركبت الطيارة واني كلبي ياصاعد يانازل متت من الخوف بس ردت انزل
ولحد مانزلت اني جامدة
وكميل كل شويه مباوع عليه ويكلي هسه راح نوصل
وصلنا واول مانزلنا ومشينه شويه
شفت تلث شباب طوال وضخام اجوي تقربو علينه
وصافحو كميل
وكالوله
...حمدلله على السلامه استاذ
...الله يسلمكم
واشرلهم على الجنط وجابوهن ومن طلعنا من المطار
جانت واكفه سيارة عاليه
كلي
...يله صعدي
صعدنا ليورة وكميل هم صعد بصفنه وصلنا للبيت
وكال
...هذا بيتي ابقي هسه هنا وباجر اوديج وين ماتريدين
دخلت جوة
وجانت اكو مرة دتشتغل بالبيت
صاحني كميل
وكلي
...ابقي هنا اني اروح وشويه وارجع ولتخافين ماعليج شي
...ميخالف
وطلع وسد الباب
وكعدت شويه وارتاحيت وبعدها
بقيت افتر بالبيت وكميل صارت الدنيا ليل ‏وهو ماكو
وانتي تعبت ورحت نمت
كعدت الصبح وهو هم ماكو
ظليت
قلقه لحد مارجع الظهر
وكال تعبان اريد انام
وصعد فوك وماكدرت اكله شوكت توديني
لبيت ابويه
بقيت انتظر لحد ماكعد
وجان ديشرب جاي ورحت وكفت كدامه وكتله
....كميل انت م
و عود اليوم دتوديني
....اي اعرف بس عندي شغل
واني خايف اوديكم و اخاف احد يسويلكم شي لان الي يريدون يأذون سعد هوايه
....لعد شلون
.....بان تريدين تطلكين من سعد
...اي
....اذا طلكتي من سعد تزوجيني لان انتي مدكدرين اظلين يمي واني مااكدر اعوفكم لان داحس اني مسؤول عن اي شي يصيرلكم
...شنو
....اذا طلكتي تزوجيني

(((لم يكن لقائنا صدفه فقد جمعنا القدر
وسارت السفن بدون مستقر ‏
وتبعثرت لحظات كثيرا من العمر
وتساقط المطر على شجرتنا الذي ‏ ‏
يسكنها طير مسافر ‏
دائما بدون عذر
لقائنا كان مدبرا من قبل القدر
ياقدري كيف سوف تكون ‏ ‏ ‏
مفاجأتي يوم غدا
وهل سوف تكون ايامك كلها محمله
بالغيوم او سوف تشرق شمسك
على ضفاف روحي لكي بها أستقر)))



يتبع.....
#الكاتبه #روجمان
This media is not supported in your browser
VIEW IN TELEGRAM
حبايب رح اشرحلكم بالتفصيل عل فدموضوع. وان شاء الله بقية مواضيع باجر☺️❤️

#ملوكه
من اكثر المشاكل اللي تواجه البنات😣💔 هو نمو الشعر تحت الجلد او مثل مايسمي البعض ب (جلد الوزة)

فممكن تسبب حبوب حمرة او بشكل نقط سود

فليش ينمو الشعر تحت الجلد وشنو اسبابه؟ واشون نقلل منهن؟!؛ فتابعو وياي بالصور. حته نتخلص 👊👇🏻😼من هالشي

#اعادة_توجية_للفائدة
#ملوكه
اول شي شعرايه.. لمن تنمو وتطلع عل الجلد هج تكون شكلها🌚

#ملوكه