فمن تشيليها بالشيرة او الشمع او المكينة هج شكلها يصير🙂👆🏻

#ملوكه

ثاني يوم ..اشويه رح يصغر المكان مال الشعر😎👆🏻

#ملوكه

فبعد اسبوع او اسبوعين..شعرايه من تطلع تكون خشنه😑 ومكان صغير فمتكدر تطلع عل سطح الجلد..فتضطر تطلع صفح..بداخل الجلد..مثل بهالصورة👆🏻

وبالتالي اما يصير كخط اسود😿 تحت الجلد أو نقطة سودة او كحبوب حمر..مثل بهالصورة👆🏻

#ملوكه

★زين اشون نتجنب هالحالة؟🤔 اكو حلين،،

*بالليزر ..اكو ناس تسوي ليزر علمود شعرايه تخف وتصير انعم..
فمن تخف ..تطلع عل الجلد


*الترطيب والتقشير..يعني بعد ماحفيتي رجلج ورة 8ساعات رطبيها..وتضلين يوميا ترطبين جسم..
وبعد اسبوع قشري جسمج بليمون وملح ..واسبحي ..وهم ارجعي عل ترطيب

فبالترطيب المستمر وتقشير🙈 ..بشرة تصير ناعمه ومايطلع شعر جوة الجلد


طبعا اني انصح عل النقطة ثانيه 🥰..فحاولو حبايب دايما من اشعات لو ليزر لو اجهزة..هذيني حطوهن اخر خياراتكم
لانو اكو قبلهن حلول بسيطة فتكدرن تسووهن وتشوفون نتيجة😍❤️


#اعادة_توجية_للفائدة
#ملوكه

🖤✨#يسعد_أوقاتكم_بكل_الخير🖤💭

🤎✨#توقعات_الابراج_ ليوم_الأربعاء🤎✨

#الحمل💕✨
مهنياً: أجواء العمل الجيدة مناسبة لتحركاتك وأفكارك، بهدف التمكن من إنجاز الأعمال المطلوبة منك بجدارة ونجاح.
عاطفياً: الارتجال في التعامل مع الشريك قد يخلق نوعاً من الخوف، وهذا قد تكون له انعكاسات سلبية غير مبرّرة.
صحياً: ضاعف نشاطك الرياضي، ومارس السباحة كلما أتاح لك الوقت ذلك، فهي مفيدة.

#الثور💕✨
مهنياً: تعزز موقعك وتتحمس للتقدم والمثابرة، تزدهر الأعمال وترتفع معنوياتك، تابع سيرك بخطى ثابتة فالحظ الى جانبك.
عاطفياً: لا تدع الأنانية تتحكّم في تصرفاتك مهما بلغت الضغوط، ولا سيما أن الشريك جاهز لمساعدتك عند الضرورة.
صحياً: أعصابك المتوترة تقلقك وتسبّب لك الأرق، استشر طبيبك ليصف لك العلاج المناسب.

#الجوزاء💕✨
مهنياً: يحمل هذا اليوم وعوداً وسعادة ما وانتصاراً على بعض المصاعب، شرط أن تتحلى بالدبلوماسية والليونة والصبر.
عاطفياً: يوم هادئ عموماً ويكون مناسباً للبدء بعلاقة عاطفية رومانسية بعيداً عن الأجواء الصاخبة.
صحياً: السير في مخطط ترفيهي يبقي الأجواء الجميلة ويخفف من ضغوط العمل.

#السرطان💕✨
مهنياً: يساعدك هذا اليوم على أن تجد طريقة سريعة للتخلص من المشكلات التي قد تواجهها.
عاطفياً: لا تترك الغضب يسيطر عليك، انتبه من عنف أو من مواجهات قد تؤدّي إلى الأسوأ بينك وبين الشريك.
صحياً: مراقبة وضعك الصحي بين الحين والآخر من قبل طبيبك مهم، ولا سيما إذا واجهتك تحديات أرهقت أعصابك بعض الشيء.

#الاسد💕✨
مهنياً: لا تفرّط بطاقتك الإبداعية في مشاريع من دون وضع خطط ثابتة لها وتريث حتى تجد الوقت الملائم.
عاطفياً: تعيش لحظات جميلة جداً تستعيد خلالها ثقة الأحبّاء بك، وتتحرّر من العقد والتحفظات والتشنجات التي تلاحقك أينما حللت.
صحياً: حاول مقاومة الإغراءات التي تبعدك عن ممارسة الرياضة، ولا تجعلها تتغلب على ما يعود بالنفع على صحتك.

#العذراء💕✨
مهنياً: يسلّط هذا اليوم الضوء عليك أو يزيد من قدراتك، فتشعر بالفخر والاعتزاز، وتتفوق على الجميع.
عاطفياً: يحمل إليك اليوم الكثير من المفاجآت العاطفية، فلا تراهن على مغامرة تدرك أنها لن تلقى النجاح اللازم.
صحياً: تحاول التخلص من الوضع الذي أنت فيه بالقيام بمشاريع ترفيهية تريحك نفسياً.

#الميزان💕✨
مهنياً: تسوي هذا اليوم بعض الأمور العالقة على طريق اتصالاتك، وتبدو متحمساً أكثر من العادة، ويبتسم لك الحظ ويأتيك بالأخبار السارّة.
عاطفياً: تشارك في اتخاذ قراراتك المهمة مع الحبيب، فهو له كامل الحق بمناقشتك في بعض الأحيان.
صحياً: خفف تنقلاتك في السيارة واستعمال المصعد، واستعض عنها بالمشي أو بصعود الدرج.

#العقرب💕✨
مهنياً: يوم إيجابيّ لأنّه خال من الظروف الضاغطة، وبالتالي تسود يومك أجواء لطيفة ومشجّعة ومريحة على مختلف الصعد.
عاطفياً: لا تحاول التضييق على الشريك ولا سيما أنه يعاني ضغوطاً عاطفية قوية، بل حالو التقرب منه ومساعدته للتخلص منها.
صحياً: تسير الأمور على نحو جيّد جدّاً، تمارس رياضتك المفضل وتُذهل الكثيرين بحسن إدارتك الأمور الصحية وتنفيذها على نحو سهل ومقنع.

#القوس💕✨
مهنياً: يمكنك الاستفادة من خبرة الآخرين، وهذا سيكون مفيداً في كل المجالات اليوم، وخصوصاً على الصعيد المهني.
عاطفياً: دفاتر الماضي مليئة بالمغامرات، وهذا يقلق الشريك كثيراً، فتقع بعض الخلافات التي تبعدك عنه خلال الفترة المقبلة.
صحياً: ممارسة الرياضة باستمرار، توفر لك قدرة أكبر على التركيز وصفاء في الذهن.

#الجدي💕✨
مهنياً: تستطيع السيطرة على أمورك على نحو أفضل، وتتلاحق الأنشطة فتكاد لا تجد وقتاً لإنجاز كل ما يترتب عليك.
عاطفياً: تكثر نشاطاتك العاطفية خلال هذا اليوم وتجرّب أموراً جديدة على أمل أن تحقق من خلالها النجاح في العلاقة.
صحياً: لا تناور ولا تتهرّب من مسؤولياتك الرياضية، مهما حاولت فإن أفراد الأسرة لن يتركوك تحقق مبتغاك.

#الدلو 💕✨
مهنياً: أنصح لك عدم الانفعال وتمالك النفس إذا أردت النجاح في عملك، هنالك بعض الضغوط وهذا شيء أكيد.
عاطفياً: خُذ احتياطاتك من تفجّر وضع عائلي، ولا تحاول إثارة غيرة الشريك أو اللعب بأعصابه لأنه يمكن ألا يتحملك.
صحياً: إذا اتّبعت الإرشادات والتعليمات وتقيّدت بالمواعيد المحدّدة لتناول الوجبات فإن النتائج ستكون أكثر من رائعة.

#الحوت💕✨
مهنياً: تبحث عن مصادر ماليه جديدة تمول بها استثماراتك، فكن مستعداً للمرحلة المقبلة التي تتطلب منك الكثير من الصبر.
عاطفياً: يتحدّث هذا اليوم عن رومانسية وبعض الاهتمامات الشخصية المتنوعة.
صحياً: القلق الدائم ليلاً يرهق الأعصاب ويبقيك في حال من الترنح نهاراً وعدم التركيز في العمل.

....البارت التاسع...

اذا طلكتي تزوجيني
بقيت صافنه على كميل والكلمه متنحجي من حلكي وكمت امتمت
بالحجي وماعرف شكول وهدورة وهو يباوع بوجهي
ويدقق بملامحي
وكأنما يريد يوصل لشي
.....هاسكتي
...مو
....اي
.....اني
.....اي احجي ماعندي وكت داطلع
...صراحه
....اي الصراحه هاي الي اريدها منج كوليلي
....اني مااعرف شي عنك انت غامض وحتى شغلك
مااعرفه شنو صحيح ساعدتني وكفت ويايه وبقيت واكف ويايه
بس مااعرف انت شنو
واني جنت بس اريدك توصلني لبغداد حتى اخلص من هاي الحياة الي جنت عايشتها واعيش من جديد
واني مااريد ازوج بعد اريد اعيش لاابني
......يعني انتي جنتي تستغليني باقيه ويايه حتى اوصلج لبغداد هذا السبب
..... لا مو استغلك بس السببب انك انت الوحيد الي ساعدتني وكفت ويايه
.....ههههه داحس نفسي نرفضت بطريقه
مؤدبه
خاف عبالج احبج
....اعرف متحبني
.....باعي يابنت الناس اني هوايه انطيتج فرص
وهوايه حذرتج وهسه انطيتج فرصه متحلمين بيها
وابتسم بغرور
وكمل كلامه
وكال
اني داريد أمن عليكم هذا كل مافي الامر
وخلي بالج مدكدرين ترجعين لمحافظتج
....ليش
....لان وضعج راح يكون مو طبيعي راح ترجعين بعد هاي السنوات
وياج طفل وماعندج شغل
هاي شي والشي الثاني
لازم تكونين قريبه مُني
....يعني قصدك ابقى وياك بالبيت
....لا
.....لعد شسوي اني
...راح احاول الكيلج بيت قريب من هنا
ولو هاي الفكرة ممريحتني بس مو مشكله
هسه راح تبقين منا لكم يوم
واني مراح اجى للبيت هوايه حتى تاخذون راحتكم
لان احنا هنا وحدنا
...اني واثقه بيك واني كتله لمحمد انتو مثل اخوتي
... بالنسبه الي ماعندي خوات والمراة
الي اباوعها اباعها بنظرات رجال
رجال عنده احساس
خفت منه
وكلت لروحي يمه هذا شنو
...براحتك
...يله اني طالع
وراح سبح
وبدل وطلع
واني بقيت كاعده لان احس الكلام مات بحلكي وبعد
مااكدر احجي شي
ومثل ماكال كميل
كام فعلا ميجي للبيت بس على كد
يلبس ويبدل ويطلع
وبالليل يجي ينام ويجي متأخر
بس جنت دائما اباوع من الشباك وجان دائما اكو ثنين
حاطين كراسي وكاعدين كدام الباب
بس اليوم كعدت فكرت بكلام كميل
وكلت لروحي ليش ماازوجة حتى لو بس على الورق
هو مو كلي اني اريد احميج
على الاقل اظل كدام عينه
لحد ماتهدأ ‏ هاي الموجه
ويرجع كلشي طبيعي اعوف كميل
واخذ ابني واروح
بقيت افر السالفه براسي واجيبها منا واوديها منا
وكلت هو اني طايح حظي طايح
خلي اسوي هيج لحد ماتفرج
ولو هذا القرار راح يكون ذكي ويساعدني
لو راح يكون مثل باقي قراراتي الغبيه
وبعد الله اليستر
كعدت انتظر كميل يجي وطولت الكعدة
لحد ساعه بالوحدة بالليل
سمعت صوت الباب نفتحت
وصوت السيارة
وباوعت من الشباك جانو هذوله يحجون وياه
وبعدها اشرلهم بيده ودخل جوة
وفتح الباب
وشافني واكفه كدامه اول مادخل
خله مفتاح سيارته على الكوميدي
وكلي
....ها خير اكو شي شبيج هيج واكفه
.....لاسلامتك ماكوشي بس اريد احجي وياك
.....اني تعبان الصبح نحجي
....موانت كل وكتك ماموجود يله مومشكله
نداريت داروح وصاحني
..... تعاي
ومشى وراح كعد على الكرسي
وكلي
....اي احجي شكوو
بقيت واكفه والكلام الي جان بالي كله طار
كتله
...انت موكلتلي
.....اي اني كلت شنو حددي
....ازوجج
كلي بصوت ناصي كلش
...اي
... كتلي ازوجج من تطلكين من سعد
....اي اعرف شكلت اي وشنو الجديد
....اني اقبل
منصدم ولابين عليه شي ولااثر بي الكلام
بس كلي
....شنو الي استجد
....فكرت بكلامك وكلت انت حتى لو تزوجني على الورق
لان اني مااكدر ابقى هيجي بيتك
واني اخاف على يوسف على الاقل من احنا يمك
ممكن تحمينا احنا بعيدين عنك منو يلحكنه
كل هذا الكلام مافرق وياه
كلي
...على الورق
...اي
....ازوجج على الورق
...اي
.....ليش موانتي راح تصيرين مرتي
وجهي كام يذب الوان
وهو كاعد يباع بعيني واني كمت اتلعثم بعد ماعرفت شكله
....انت كلتلي
وكال
....شكلت كلت مااخذ حقوقي
....لابس انت كلت اريد احميكم
.....اي احميكم واني مستعد احميكم حتى لو متصيرين مرتي بس اكيد لمن تصيرين مرتي
راح املكج واكذب عليج لو اكلج غير هذا الكلام
اني مو حجر
وماحجيت وكلي
ها سكتي
.....شنو
.....اذن موافقه
مكدرت اكله لا مموافقه عبالك البزونه اكلت لساني
.....مواني بعدني
...بعدج على ذمه هذاك اني اخلصها معليج انتي
لدوخين راسج بشي من كميل موجود
وضرب بيده على رجله وكام
وكف وتقرب مني
وكلي
....تريدين شي بعد لو خلص
هزيت براسي وكتله
....لا
.....مناويه تنامين اليوم
.....لاهسه شويه وانام
ضحك بااستهزاء
وكلي
...تريدين احد يكعد وياج ويونسج
ولو اني تعبان بس اكعد شويه
....لااشكرك راح اروح انام تصبح على خير
وبدون ميجاوبني راح وصعد فوك
ومن جان ديصعد باوعت عليه
وماكدرت اعرف شلون راح تكون شكل حياتي وياه
معقوله يطلع مثل سعد
بس هو هوايه يساعدني ويتعامل ويايه زين
واهمشي يحب يوسف
وكلت
يله اخذت الي احبه وشفت شسوه بيه هالمرة خلي
اخذ ال

ي مااحبه
واشوف شراح يسوي
هو المبلل يخاف من المطر
ورحت للغرفه
وخليت راسي على المخدة
وفكرت وين اخذتني الدنيا وين جابتني
وين راح توديني
وين بعدين راح تصفى بيه
وماخذتني النومه والصبح حسيت على صوت جان يوسف نازل من الجربايه ويريد يطلع برة
...يوسف وين تروح ماما
....يم عمو كميل
....طالع
.....لاصوته
كمت فتحت الباب وكتله
..... تعال شوف ماموجود طالع
نداريت وجان اشوف كميل واكف ومبدل
وخال يده بجيبه واليد الثانيه شايل بيها
كوب
كلي
.....اليوم مطالع اني بعدني
.....عبالي طالع
....لا ماطلعت موجود بعدني
.....تريد تتريك
.....مااريدج تمارسين ويايه دورج من هسه بعد وكت
....لا قصدي اسوي ريوك ونتريك
....لا دتنتظرني اتريك وياها
....منيه
......هذا فضول لو شنو
....براحتك
ودخلت للغرفه وسديت الباب وكلت شكد
ثكيل اوي واني شعليه بي
وماادري خفت من سالفه الزواج
شو هذا عبالك راح يتعبني كلش
وبعدها
طلع من البيت
واجى ورا شويه وجايب وياه فد مرة سمينه كلش
بكوة تمشي
كلي
......هاي ام ياسين راح تبقى هنا يمج بالبيت اساعدج
وكال للمرة هاي ام يوسف
كلتلي المرة
....مرحبا
.....مرحبا اهلا وسهلا بيج ام ياسين
كللها
كميل
....هذاك المطبخ
....اي زين
وكامت تتمشى والكاع ترجف من جواها خفت
ويوسف فاتح عينه ويباوع عليها
وجر هدومي وكلي
....ماما هاي تاكلني
.....لاابني متاكل ناس
كميل واكفه وعلى وجه ابتسامه
وعبالك ناصب علينا
رحت وكفت يمه وكتله بصوت ناصي
.....هاي شنو جبتها
...حتى تساعدج وتصير نفس وياج
....هاي تاخذ النفس كله وهاي وين تكدر تشتغل باع بكوة تمشي هاي لازم هي تكعد واني اشتغللها
.....هههههههه لا حبابه واهمشي اني اثق بيها
وانتي ليش تحجين بصوت ناصي هيجي
....خاف تسمعني بالله اذا كمشتني تسويني
وصلتين
.......ههههههههه ههههههه
لتخافين اني موكتلج من انتي يم كميل متخافين من شي
....بس اني مااريد احد يساعدني
اضوج احد يكمش الغراض مال بيتي
....بيتج
....يعني قصدي البيت الي عايشه بي احب يكون على يدي
.....حلو يكون عندج انتماء للمكان الي عايشه بي
اما ام ياسين مراح تبقى هوايه يمج بس كم يوم علما
اروح للاردن واجي
...ليش راح اسافر
....اي ضروري اسافر
....ليش
.....عندي متعلقات واني ماجنت ناوي ارجع هسه بهاي الفترة بس علمودج
قصدي علمودكم رجعت
....شوكت تسافر
...يعني فد يومين تلاثه بس اريد فيصل بجي حتى عينه عليكم اني اثق بي واطمن اكثر من هو موجود
وانتي شتريدين هو يسوي الج
... كميل انت شنو شغلك
....انتي موتعرفين
...اني سمعت انت تبيع اسلحه بس ماصدكت صراحه
....قبل اي هسه لاً
وعافني وراح
والله خبلني هذا مااكدر اجر من حلكه حجايه
وحده يحجي بالقطارات اريد افتهم شنو الي يشتغله
صدك هو شغله مشبوة لو هيج ديحجي
خاف يريد يخوفني
صاحتني ام ياسين
....ام يوسف
....هاعيني
....اسوي غدة
....لالتعبين نفسج اني اسوي
....اي بكيفج لعد خلي اكعد شويه
...اي كعدي ارتاحي
فدوة هي هسه اجتي
تريد ترتاح
بس طلعت حبابه وبقت سولف عنها وشلون عدها ولد اثنين وشمروها بالشارع وكميل قبل سبع سنوات
جابها وكعدها بيت اهله وبعدها من صار السقوط
اشتري بيت وجابها تكعد وياة وسويله اكل
كتلها
.....كميل خوش ولد
صفنت
وكالتلي
....جبروت
....يعني شنو
.....كميل جبروت قوي ومسيطر بس كلبه طيب
.....اي صحيح احسه جبل
بقينا نسولف واخذتنا السوالف
وفعلا بوجود ام ياسين ماهلكد كمت احس بالوكت
وفيصل اجى لبغداد و ورا بيوم جانت سفرت كميل
انطا تعليمات هوايه لفيصل وفيصل بس يهز
براسه وبالليل لمن كلهم نامووو
واني بقيت كاعدة بالمطبخ و روحي لايبه
ماادري شااريد
والنوم مااجايني وكميل جان ماكو
ولحد مصارت ب12سمعت صوت المفاتيح
بالباب وفتح الباب ودخل جوة ويمشي بلا صوت
واني بقيت بالمطبخ ماطلعت بس
هو اجى وكف كدامي
وكلي
....ليش اسهرين
....هيجي مااجايني نوم واجيت كعدت هنا
شوعجبني اكعد هنا
اكو كرسي بصفي جان سحبه وكعد وانتبهت انو هو جان فاتح قميصه وباقي بس دكمه من جوة مسدودة
خجلت ودرت وجهي
باوع عليه صفح
....اي بدريه قصدي بان اعرفج اضوجين من اسم بدريه
شتريدين
....مااريد شي
....يعني ماكوشي بالج
.....لا
....اكيد
.....اي اكيد
....اني من راح اروح للاردن راح اخلي سعد يطلكج
....اي زين
.....اذا بالج غيرشي كولي
....لا ماكو شي هيج احسن
.....عاجبني اكلج شي بس مترهم
...شنو
....مترهم هسه
....ها
.....وشي ثاني مااريدج تشيلن هيجي شعرج
ابد
....كميل
....ها
.....انت شنو شغلك
....ليش لحيتي بهذا الموضوع خايفه مني
....لا
....بس ليش احسج تخافين مني
..... بس اني مااخاف
.... عالعموم عود احجيلج كلشي بس موهسه مااريد اكلج شي قبل مااتأكد
من شي بالي
.....زين بكيفك
....مبينه اليوم مراح تخليني انام احجي
بس اختصري
....انت مو تحب وحدة
....الي باكتني
....اي
....ليش دتحجين بيها
...يعني انت تحبها وحتى محمد كال تحبها

....محمد كلج
...اي
....بعيدا عن الي سوته ويايه واذا احبها شيخصج
....خوبن ازوج الي تحبها ليش تربط نفسك بينه
اني ويوسف
.... بان هذا الموضوع سدي بعد ولتفتحي ابدا
واعتبري النقاش بي منتهي
وخلي بالج اكو فرق بين الحبيبه وبين الزوجه
اما يكونون مختلفين اما يكونون نفس الشخص
وخلي يكون بالج
اني موكلش عاطفي ومااعبر عن مشاعري بكثرة
وهسه روحي نام وكافي تفكرين
حاولي تخلقين لنفسج شي مختلف لتشبثين بدريه الي جانت خاضعه لسعد غيري من نفسج
حتى لااملج وراح ارد واكلج
لتشيلين شعرج هيج لان اضوج
وسحب كرسيه بعصبيه وكف وكلي
.....الصبح راح اطلع من وكت
...توصل بالسلامه
بقى ساكت واكف يباع وبعدها مشى
بقيت ساكته
وحسيته بي شي موطبيعي
هذا شبي هيج يسوي اني شكلتله
حتى هيج يضوج مني والله حيرني
يوم طيب ويوم شايف نفسه ويوم مكروة
هذا خاف من ازوجه يصير مثل سعد
واني هم فوكاها مااحبه
وخلص يومي
وثاني يوم لمن كعدت جان كميل ماموجود
مسافر
وبقى 10ايام هو مامتصل
بس فيصل قايم بكلشي ومامخلينا محتاجين شي
بس مااعرف ليش حسيت مكان كميل بالبيت فارغ
برغم انو اني مااشوفه كلش قليل
ويوسف جان هوايه يسئل عليه
،،،،،،،
وسمعت فيصل يصيحني
....ام يوسف
....هاعيني
....هذا كميل يريد يحجي وياج
انطاني التلفون
وكلت
...الوو
....الو شونج بان
....اني بخير اسئل عليك
....زين اني الحمدلله يوسف شلونه
....زين يوميه يسئلني عليك
.....دربالج عليه
...ان شاءالله
...محتاجه شيً
....لاالحمدلله كلشي موجود
.....ترة سعد طلكج
....شنو
....سعد طلكج
...اي يله الحمدلله على كل حال
....يله راح اروح
....شوكت ترجع
.....ماارجع هسه
....لعد
....ماادري بس يمكن اطول اكثر من شهرين
....ليش
...هيجي احسن
....واني شنو وضعي
....وضعج شبي يعني انتي كاعدة والي تريدي يوصلج وام ياسين يمج وابنج يمج
وفيصل مايتأخر عليج بحاجه ابقى بالبيت وبعدين الله كريم
....براحتك
....مع السلامه
...الله وياك
وكلبي وجعني من كلي طلكج بقيت واكفه بمكاني وكلت لروحي
قابل اني بعدني احبه ليش هيج صار
مثل الوجع بكلبي
وعبالك شي مشى بجسمي
رحت كعدت وجهي مبين عليه
سئلتني ام ياسين وكتلها
....سعد طلكني
.....اي خلصتي منه هسه لازم تكمشين عدة
....اي صحيح
واخذت السكوت ملجئي اهرب بي من الاشياء الي بداخلي وجنت مثل الي
عبالك اكو شي ديسحبني
ونوبه يذكرني بحبي ونوبه
يذكرني بكلشي سوا سعد ويايه
وبقيت تقريبا اسبوعين عبالك مثل المريضه
ومالي واهس بشي
بس شويه شويه كمت افتح وعادي اتصرف طبيعي
وكمت انتظر اتصال كميل بس هو مجان هوايه يخابر
لان جان يوميه يحجي ويافيصل ويسئل
علينا
ومرت هوايه ايام عليه ماجنت اريد احسبها
لان فارغه وباهته ومابيها لون ولاطعم باقيه بين اربع حياطين
محبوسه مثل الطير
وطول غياب كميل
ومر على غيابه تلاث اشهر ونص
واليوم من جنا دناكل اني وام ياسين ويوسف اجى
فيصل وكال
...ترة اليوم يجي كميل بالليل يوصل
ام ياسين كالت
...اي يوصل بالسلامه هسه اكوم احضرله شي على العشة
واني ماادري شصار بيه بس ماعلقت وماحجيت شي
وبقيت لليل كاعدة على نار مثل الي روحي مفرفحه
يمكن لان مكانه خالي
وصارت ساعه ب9وشويه وكلنا كاعدين ننتظر
وهو مابين وشويه ودخل فيصل وشايل جنطه بيده
ودخل ورا
كميل
ابتسمت من شفته وكمت وكفت
ويوسف راحله وحضنه
وجان حاضن يوسف ويباوع عليه
وعيونه بيها بريق
وكمش يوسف من يده واجو يمنا وكف وصار وجه بوجهي
....حمدلله على السلامه
..شكرا
ودار وجه
وكام يحجي وياام ياسين
ويايوسف واني ماهتملي انقهرت كلش
لان اني مامسويه شي ليش هيج يسوي
واني من شفته اجى كعد
اني كمت ورحت لغرفتي
حسيت الكل كامو يباوعون عليه بس مهتميت
رحت للغرفه وكعدت وبقيت كامشه البجيه وخانكتها
وسمعت الباب تندك
...ادخل
دخل كميل وسد الباب ورا
كلي
...شبيج
...انت شبيك ليش هيج عود تسوي كدامهم
...شسويت كدامهم بله مدكوليلي
...ماكو داعي
...بدريه سعد طلكج ورقه طلاكج يمي
وها ترةسعد ممتهتم
تعرفين ليش لان هو جايب وحدة غيرج
...وحدة غيري
....اي
....ها
....هاي النظرة الي جنت منتظرها منج
....ميهمني سعد
...اي مبين
....رجعني الله يخليك من وين ماجبتوني ترة كلبي مامتحمل تعبت
تعبت اراضي الكل واجامل الكل تعبت أمثل اريد ارجع لنفسي
...مواني لعبه عندج يوم اي ويوم لا
وكام وطلع من الغرفه وسد الباب بكل قوته حسيتها رادت تنخلع
بقيت بالغرفه وبعدماطلعت منها
لحد مااجتي ام ياسين وكالتلي
...بان تعاي تعشي يله دننتظرج
....لا مااشتهي
....بكيفج
وكمت اسمع صوتهم يحجون وصوت يوسف يكمز
وبعدها اجاني يوسف
كلي
...ماما نعسان
....تعال ماما نام
وصعد على الجربايه
واني كاعدة ماكدرت انام كمت طلعت من الغرفه وشفت ام ياسين ماكو وفيصل ماكو

مشيت على كيفي داروح للمطبخ
وسمعته يكلي
...وين رايحه
نداريت عليه
وكتله
...اريد مي
باوعته جان بيده الكلاص
....دتشرب
...

اي عندج مانع
...لا شعليه
..يله من رخصتك ومشيت بصفه وجان يكمش
يدي قوي
...ليش تحبي
...منو
....لهذاك الحقير
....مااحبه
...كذابه
...شبيك كميل انت موتعبان واجاي من السفر روح نام
....تعاي
وجرني قوي
ومشاني ورا وداني لغرفه الكعدة وكلي
كعدي
وكعدت وهو. كعد كدامي
.... صدك هسه إنتي بحكم خطيبتي مو
....لا
....لازم تراجعتي متريدين
....انت شتريد مني كلي شبيك راجع هيج متحمل عليه
....مجاوبتيني على الي كلته
......راح اروح
كلي
.....باجر اجيب شيخ يعقدنا
....ماادري
....شنو الي متدرين بي
....الله كريم هسه نام ومن تكعد الصبح نحجي
بقى يباوعلي بعصبيه
وكلي
....من راح تصيرين بحضني بيمن راح تفكرين
بي لوبيه
بقيت ساكته وطلعت الكلمه من حلكي ماادري شلون
....بيك انت
بقى صافن عليه
وكلي
....قبل سنه واكثر شفت سعد هانج كدامي
وحسيت نفسي مثل الخرز الي اطشر
مع العلم
طموحي بالمراة ميتمثل بيج
بس مااعرف ليش دارغب بيج
حاير وانتي حيرتي مصورت يومي راح تغيره انسانه بسيطه مثلج

((أتوه في النظرات
واعيش بين المسات والهمسات
حائرة ‏غائبه خائفه
من ملك مغرور وحب مبتور
وشوق مهجور
وقصر ‏مظلم غارق بين البحور
مشاعري ‏متضاربة
‏كأمواج البحر متخاصمه
،،،،،،،،،،،
يوم اود اللقاء
ويوم ابغض اللقاء
يوم لي ويوم له
طلبت منه الصبر
ورأيت
ابواب الصبر لديه
ضيقه
،،،،،،،
ورأيت جبروت الرجوله فيه عميق
آراه كالجبل لاتعصف به الرياح
متلبد العواطف
في حين
وحين الآخر آراه
برداء الحب يغطيني
ياخذني من نفسي يحميني
وبين جناحيه ‏ ‏ يدفيني
يسرقني من قلبه لااعماق روحه
ويعود بعدها صامت متجمد ‏ مثل الجليد
فماذا بك ياسيدي
حائرا من حال لحال)))
‏
يتبع.....
#الكاتبه #روجمان

،،،،،،،،،البارت العاشر،،،،،،

انا حاير بدريه حاير بكلبج وبعقلج الي مو هنا
اني مااعرف اذا صحيح زواجي منج ولا لا
بس ماكدر اعوفج
واعوف يوسف واتخلى عنكم
........مامجبور
....منو يكول
...اني اكلك
.... شوفي راح اكلج شي
الي مريت بي علمني مااخاف بس عندي خوف من اتجاهج
...اني
....اي
وبعدها
بقى صافن بوجهي وجنت مامرتاحه لنظراته
وكمت وكفت
وكتله
.....راح اروح انام
....كعدي
....بس تعبانه
....كتلج كعدي
....اني موزعطوطه كدامك حتى هيج تحجي ويايه
..... تعرفين انتي راح اسويلي دوخت راس كعدي احسلج
....واذا ماكعدت
غمزلي ونزل راسه وكلي
....بكيفج لعد
كعدت وبقيت منزله راسي
كلي
......باجر حضري نفسج
...لشنو
....باجر اجيب شيخ يعقدنا
....باجر
...اي لو غيرتي رأيج عادي احجي
ماكدرت اكله غير
....لا ماغيرت بعدني على كلامي
...اي لعد حضري نفسج
...يعني شنو
....ماادري العروسه شسوي
....زين احنا
.....اي احنا
.... شفتهمت مني ماكملت حجايتي بعد
...اعرف شتريدين وراح ارد واكلج خلص انتي راح اصيرين مرتي
يعني مالج حق ترفضين قربي منج
ومااريد هذا الوجة المكلوب اريد منا وجاي من ادخل للبيت اشوف ابتسامه على وجهج واريدج دائما
حلوة
.....ها حلوة والله هذا شكلي شسوي
....شكلج وعيونج وحلكج وصوتج وشعرج الي متقبلين تفتحي كل هذني يعجبني
بلعت ريكي وكلبي كام يدك بسرعه
كتله
....اي ميخالف
.....مااريدج دكوليلي ميخالف لكلشي
بس اريدج تفهميني
....بس اني مداكدر افتهمك لان انت متحجي عن نفسك ولا داعرف شغلك ولا حجيت على الي تحبها
ولاحتى دتوضحلي الي دسوي هسه
هوايه شغلات مااعرفها عنك
.....مو وقتها بعدين كلشي تعرفين
ومااحب المرة الي تلح هوايه
اتعلمي على طبعي من موضوع تسئليني بي ومااجاوبج
معناته مراح احجي لو دكلبين الدنيا الا من اني اريد
ولتحاولين ابدا
...متفرق عن سعد بموضوع
وقبل مداكمل وجة نكلب وكلي
...شنو شكلتي
....لا ماكلت شيي
.....لجيبن طاريه ولضوجيني واني سمعتي
مااشبه ولااشبه اي رجال اني اشبه نفسي
حط الكلاص على الطبله قوي وكام مشى من يمي
بسرعه وصعد فوك
واني شلت الكلاص ورحت وديته للمطبخ وغسلته
وصفنت على تصرفاتي وياكميل
وكلت معقوله اني داجرحه بدون قصدي لو هو عصبي اكثر من الازم
زين ليش داحس شي بداخلي مديتقبله
وميريده وشي يريده
(((ليش نرفض شخص قدمنا هوايه اشياء وساعدنا
علمود شخص ظلمنا ‏
وطغى بحبنا وكسر كلشي اله رونق بحياتنا
ولمن يدخل الي يريد يسعدنا نبعد‏ه
لحد مايمل منه وتكون حياتنا وياه قصه بجزء ثاني
ولكن البطل مختلف
يمكن باجر باب جديدة من الحياة راح تنفتحلي
ويمكن راح تكون باب الجنه لو راح تكون جهنم
وخلف كل حكايه هوايه لحظات من الألم
بس مداعرف شلون راح يكون مستقلبي
)))
رحت لغرفتي وبقيت اذكر هوايه اشياء مرت عليه
واجتى على بالي ام خضر وتمنيت اشوفها على الاقل اشم بيها ‏ريحة الحياة الي عفتها
وريحة امي وريحه ابويه
اذكر بيها صورت بدريه الي احتركت ومابقى منها بس ورقه سودة
مابيها معالم ‏
بقيت لحد ماحسيت بالنعس
وردت انام حتى لاافكر باجر شنو الي راح يصير بي
نمت
بس حسيت من وكت بس ماطلعت من الغرفه وبقيت
لحد مااجتي ام ياسين ودكت عليه الباب وكلتلي
كميل يريدج
كمت لبست الروب فوك دشداشتي وشلت شعري
وطلعت
وجانت ام ياسين بعدها واكفه
كتلها
...وينه هو
...بالمطبخ
رحتله
وشفته كاعد على الكرسي وداير وجة على الشباك
رحت وكفت كدامه
مدار وجه عليه بقى يباوع ليكدام
كتله
....صباح الخير كميل
.....حضري نفسج بعد شويه يجي الشيخ
....احنا مراح نزوج بالمحكمه
....نزوج بس موهسه يعني فد اسبوع
....واهلك
....شبيهم
....مراح يعرفون
...ليش اني طفل اركض ورا اهلي كلما ردت اسوي شي
كتله بعصبيه
....براحتك
ورجعت لغرفتي وسديت الباب حيل
وكلت ليش مداكدر اكله لا مااريد ازوجك
شنو هذا الرجال
هسه مكافي الي عشته ويا سعد
نفتحت الباب ودخلت ام ياسين
وكلتلي
....مبروك بان
مبين كايللها كميل
....الله يبارك بيج
.....لعد مراح تحضرين روحج
.....لشنو
......يمه غير هاي الليله انتي عروسه
...مااعرف
...شنو متعرفين ماعندج فد نفنوف حلو تلبسي
....ماادري مامشتريه ملابس من زمان
....دمشي نطلع نشتري كم حاجه ملابس نوم شي
...والله انتي عندج قلب ام ياسين ولااطلع ولاابد
....اني اروح اجيبلج
....لتعبين نفسج اني ماالبس ومالي واهس بشي
....ماخذه واحد مثل كميل ومالج واهس وج غيرج يتمنن يلفهن بحضنه وينام وج يتمنن يصبحن بوجه
سكتت
وهي عافتني وطلعت
واني بقيت بالغرفه لحد مااسمعت يوسف يبجي رحت عليه
شفته مجروح وكميل مكعدة على الميز وديعقم بالجرح
اله ويحطله لاصق مال جروح
كتله شكو
...مجاوبني
وعافني وكام
طلع يوسف واكع بالحديقه ورجله مجروحه
نزلت يوسف من الميز وهم رد طلع برة
ونداريت اباع كميل
جان يروح ويجي بالمطبخ ديسوي جاي
صار عندي احساس غريب
احساس مثل من نحب احد او ننعجب بي
ونشوفه من بعيد ويصير عدنه رغب

ه نروح نكمشه
بقيت شويه وبعدها رحت كعدت بالصاله ورا تقريبا ساعه جتي ام ياسين
وبيدها علاليك اجتي تلهث وخدودها حمرة
وشمرت العلاليك بالكاع
وكالت ....
.....يمه صدك كبرت ومالي حيل سواكه وتفرفروهاي عود اني ماطولت ومارحت لمكان بعيد
.....وين رحتي
...اشتريتلج ملابس
....موكتلج مااريد
.... بكيفج انتي وحتى كميل كال
....شكال
....كلي شوفيها اذا تحتاج شي تشتري
فتحت وحدة من العلاليك وطلعت نفنوف
كصير ولونه بيجي وبي ورد ناعم وردي
وبي ردن
وطلعت حذاء عالي
كتلها
...هاي شنو وشمعرفج بقياسي
....كميل كلي
....كميل
....اي
ونطتني علاكه كالتلي
....هاي لليل عود وضحكت
بقيت كاعدة
لحد مااجى فيصل وكال
....ام يوسف كميل يكول تحضري
كمت وكامت ورايه ام ياسين وبقت تلح
ودكلي الاتلبسين هاي
الملابس واني جنت رافضه لحد مالحت عليه
وكتلها ميخالف
وصار عندي رغبه انو اشوف نظرات اعجاب بعين كميل
لبست النفنوف وجان كلش حلو ولونه كلش هادئ
صدك والله ام ياسين عدها ذوق
ولبست الحذاء
وفتحت شعري الي دائما يشتكي منه مرفوع
ورتبته وجانت جايبه حمرة وكحله خليت شويه كحله وحمرة جان لونها فاتح كلش
بس حلوة
وخليت عطر
وبقيت اباع على نفسي ومعجبه بنفسي واجى يوسف
وبقى يباوع عليه ومستغرب
وكلي
....ماما حلوة
.....هههههه حبيبي انت حلو
وجتي ام ياسين
وشافتني وبقت صافنه عليه
وكالت
...ماشاءالله شكد حلوة طالعه
....تسلمين هذا ذوقج الحلو
....لاحبيبتي الحشوة حلوة
....ههههههه قصدج اني الحشوة
...اي
....هههههه
....يله تعاي آجى الشيخ
....وهيجي اطلع
....شمدريني تعاي احجي ويا كميل هيانه واكف يم الدرج
طلعت وصوت حذائي يطكطك وهو جان ملتاف
صحته
....كميل
ندار
وبقى صافن
وسوا
...احم احم ها
.....اني خلصت
....اي داشوف
....البس شي فوك هدومي
....لا لان راح توكفين بعيد ميشوفج الشيخُ
...اي زين
وراح وبقيت واكفه يم الدرج اني وام ياسين

وشويه وصاحني ورحت وكفت باب الصاله والشيخ جان كاعد وظهرة عليه وكميل كاعد وكام يحجي ويايه الشيخ واني احجي
وكلبي ينفض عبالك اول مرة هاي
حسيت روحي بنيه صغيرة
ولمن خلص الشيخ ام ياسين كامت تهلهل
وبوستني وكالتلي مبروك
والشيخ كام راح وكميل طلع برا
وام ياسين راحت للمطبخ
واني بعد ماتحملت ابقى ركضت لغرفتي ردت عبالك اضم نفسي
من كميل
رحت للغرفه وسديت الباب
وكعدت
وشويه وندكت الباب ونفتحت ودخل كميل
وابتسم واجى كعد على الجربايه بصفي
وعيونه تتفحصني
كلي
.....صرتي مرتي
.....اي
....انتي هسه مالتي كلج على بعضج
....اي
....ههههه راح اظلين ادكولين اي اي وخجلانه وخدودج صايرة
نار
وخله يده على خدي
وسوا
....هاي شنو خدودج حارة هههههه
....يمكن الدنيا حارة
.....صدك
....اي
....هههههه
مستحيه مني
....خايفه
...مني خايفه ليش
.....ماادري كلبي ديدك
خله يده على كلبي
كلي
...كلبج راح يطلع من مكانه
باوعته زين وهاي المرة ‏الأولى الي اصير بي قريبه منه هالكد
واشوف عيونه ولون شعره وجه ‏
واشتم عطرة
...بان
...ها
....شونج
.....هههه زينه
....موبله صرتي زينه وضحك
طالعه حلوة وكمش شعري ومشى يدة
على شعري
احب شعرج واريده هيج دائما
...ميخالف
.....هذا اليوم مالتنا وهاي الكاعدة كدامي الي وبااصبعه كام يمشي يدة على شفتي. وعلى خدي وجان يبتسم
وتقرب مني وباسني من خدي
وكلي
بالليل اشوفج وغمزلي

((سوف نسهر هذا الليلة
على ضوء
القمر وسوف نوقد
شموع الخطر
سوف يتغزل بي
وانا بقلبه سوف استقر
اكاد اشعر بدقات
قلبه مجتمعه مَع
دقات قلبي التي
جمعتها طوال العمر
‏
يتبع....
#الكاتبه #روجمان

امراة من زجاج
.....البارت الحادي عشرررر.....

....بالليل اشوفج وغمزلي
ودار وجه عني وطلع

كلمة بالليل اشوفج خلت الخوف يشتعل بين ضلوعي
جمد الدم بين أوصالي
انتظرت شويه وراها كمت طلعت
بقيت باب غرفتي وعبالي اشوفه بس ماشفته
وسمعت ام ياسين تحجي يمكن جانت تحجي ويا
يوسف رحت ولمن ندارت ام ياسين وشافتني
ضحكت وضحكتها بيها معنى
باوعت يوسف
وبعدها كلت لأم ياسين
....لعد وين كميل
...رجلج طلع
....وين راح
....واني شمدريني قابل جان يمي بالغرفه قبل شويه وطلع من الغرفه عصافيرة طايرة
خجلت من كلامها وضحكت
.....عصافيرة طايرة هههه
....اي بالله الضحكه منا لهنا كميل قليل واحد يشوفه يضحك على كولت فيصل من يضحك كميل هاي تعتبر
لحظات تاريخيه
....هههههه
......وانتي هم عصافيرج طايرة
....هههههه استلمينا اليوم
....لاعيني بالعافيه عليكم الله يهنيكم
.....اروح اغير ملابسي
.....لاابقي هسه يجي خلي يشوفج هيج
...واظل ابقى افتر هيج اضوج
... اي افتري شنو يعني هو هسه اني راح اسوي اكل ومن يجي فيصل يوديني وانتي كعدي ماعندج شي
..... وين تروحين
....اليوم اروح لبيت كميل الثاني ابات بي وباجر اجي
....ليش دبقي ويايه اني اضوج
.....لااليوم لازم اروح ههههه
بقيت ساكته لان هاي ام ياسين خبلتني تلعبلي بحواجبها
وتغمزلي
واني اسوي نفسي مويمي السالفه
وبقيت مبدله وكاعدة بالصاله اباع تلفزيون وكميل اتاخر كلش واظلمت الدنيا وهو ماكو
وضجت ومليت مثل لعابة الصبر مبدله وكاعدة انتظره
كمت نومت يوسف من وكت ودخلت سبحت
وطلعت
دخلت لغرفتي ولبست دشداشه كصيره جايبتها ‏
ام ياسين لونها ابيض
وكعدت على المرايه امشط شعري
وسمعت صوت الباب نفتحت ونسدت
واشتغل عندي المنبه ☺️☺️☺️
بقيت جامدة لابيه اكوم وانام ولابيه اطلع
وعبالي كميل يجي ويدخل للغرفه بس مااجى
وطول والفضول صار قاتل وكمت اكول ليش مااجى
ليش ماحجه ويايه
وبقيت اروح واجي بالغرفه لحد مافتحت الباب وطلعت وشفته
ماكو جوة رحت للمطبخ كلت خلي اشرب مي وارجع
ورحت على الثلاجه اخذت بطل مي واجيت خليته على الكاونتر وداخل اكلاص وحسيت بدفء واحد كمشني
نداريت
وشفت كميل شعره مبلل ولابس بجامه طويله لونها اسود
وفوك جان لابس قميص بس جان مفتوح
...كميل
...اي
.....عبالي نمت
....واعوفج
....كلت يجوز تعبان
....تعبان
....اي
رفع حواجبه وابتسم وكلي
....لا
وكلي
شربتي مي
...لابعدني
....يله شربي
نداريت وبكوه شربت المي حسيته واكف ومدينزل
وكمش الكلاص وحطه على الكاونتر بس
بعيد
وشالني وكعدني على الكاونتر
واني اضحك
....هاي شنو
....زين خفيفة تنشالين
.....اي اني ضعيفه
....يعني
..ها
....اي
....يعني جسمي ميعجبك
....يعجبني
خجلت من نظراته ويده الي حاطها على خصري
وعيونه الي دور على شي بيه
كلت بكلبي
ياالله شكد حلو وشكد حلوة ابتسامته ونظراته
تخبل ياالله شنو هذا الانسان
معقوله هذا نفسه الي جنت اكرة واضوج من وجودة وانهزم منه من اشوفه كاعد بمكان
....بيش تقكرين
...مدافكر
....لعد بالج مو ويايه
....كلي وياك
....هلاوالله
..هههههه
.....كميل
...عيونه
كام كلبي يدك من السعادة واحساس الانجذاب وانفاسي كامت تخلي صدري ينزل ويصعد
....تسلم عيونك
...اي شتريدين دكولين
.....لا مااريد اكول شي
.....لاصدك شتريدين
...مااذكر
....هههههه وظل يضحك
.كل هاي اني كاعدة على الكاونتر وهو واكف كدامي
.....بدريه
...بان
....ترة اني احب اسمج ومااضوج منه
....محلو
....لا حلوووو
.....محلو وقديم
....داكلج حلو
وكرصني من يدي
....يله تعاي
....شلون انزل
....اني انزلج
وشالني مرة ثانيه
ونزلني
وكمش يدي وكلي
....تعاي ويايه
....وين
....اشرلي بعيونه
وتقرب عليه وشاورتي
......نصعد للغرفه
......هاااا😗😗😗😗😗
.....نصعد فوك لان هنا يوسف نايم
...موخاف يكعد
همس بأذاني
....نسمع صوته
حسيت مشى شي بجسمي مَن كال هيج بصوت
ناصي
....براحتك.
شبك اصابع يدي باصابيع يده
وصعد واني ورا
وكل شويه يندار عليه
وصلنا للغرفه وفتح الباب ودخل واني هم دخلت وسدالباب
جانت الغرفه ظلمه
مافتح ضوه شالني وخلاني على الجربايه
وفتح الضوه الي يمه على الكومدي جان ضوه مالته كلش خافت
نزع قميصه وكعد على الجربايه ونتجه ومد يده
وكلي
...تعاي
رحت تقربت منه وكمش راسي وحطه على جتفه وكمش يدي وحطها على صدره
جنت بس ابتسم من الي ديسوي كميل
جان اكو احساس بكلبي مداعرف اوصفه بين سعادة
وبين اعجاب او انبهار
كلي
......اني اليوم كلش مرتاح
.....فرحان
....اي وانتي فرحانه
....اي
....وخله يده الثانيه على خدي
وكلي
....مراح يمر يوم بدون ماخلي كلبج يدك الي وهذا وعد راح اخلي كلبج يدك بااسم كميل
ترك يدي والتاف عليه وتقرب مني وباسني ورجع
يباوع عليه ونزل راسه
كتله
...اني اريد اكلك شي
....موهسه
...لاهسه
....شنو
...... انت منطيتني الورقه مال طلاكي من سعد 😟😟😟😟😟
وسكتت
كتله قصدي وووووو
هو جمد وجان يدفع يدي وكلي
...خرب بيج وبسع

د هذاك الحقير
.....اسفه وموقصدي
....لاانتي تقصدين سويتي كل هذا حتى دتبينن انو اني طفل دكدرين تلعبين بي
....لاوالله بس
....بس شنو بالج يمه مدكدرين انتي موصوجج
صوجي اني لان هوايه انجرفت وياج
ونزل من الجربايه بعصبيه
كتله
...كميل
.....اش اش ولا كلمة
ونزل جوة وعافني بقيت مااعرف شسوي انزل احجي وياه لوشنو اني ماجنت اقصد
كلت خلي انزل احجي وياه
نزلت
وجان كاعد وبيده طوبه سودة صغيره وجه
ميتفسر ويخوف
اجيت وكفت ورا وخليت يدي على جتفه
.....كميل
بقى ساكن ومايتحرك بس يتنفس قوي
وبعدها
كال
....شكد ‏ساعدت وشكد حاولت أوصلج بس انتي انتي
متتغيرين انتي سعد دواج يفيدج
اني تعبت ازيلج كلشي بحياتج واسوي حلو خلص
وطلع ورقه وشمرها على الكاع
وكلي هاج
ماكدرت اسكت
كتله
.....كافي عد
شسوي سوي اي احبه لسعد بس مراح اعيش وياه وهو خلص طلع من حياتي
وكف
وجان منزل راسه رفع عينه وباوعلي
خفت ورجعت ليورة
وكمش هاي الطوبه الي بيده وشمرها قوي على الشباك وماسمعت بس صوت الكسر
كلي
.....انتي مثل الزجاج صرتي خلص
وراح ابقيج هنا خدامه مدامج تحبين هذاك الكلب
ودربالج اسمع صوتج لو اشوفج
يله روحي
صوته برغم هدوئه بس جان بي تهديد ونبرت تخويف اكثر من واحد يعيط ويضرب
جان هدوئه مخيف
......كتلج روحي من كدامي
رحت ركض للغرفه ودموعي على خدي
وبقيت الليل كله ابجي
وماعرف شنو الي داسوي اني بنفسي
اني جان لازم انجر من لساني واحجي
هيج هسه شلون راح احلها هاي المسأله
بقيت اروح منا واجي منا وافتح الشباك واسد الشباك
وافتح الباب على كيفي كل شويه واشوف الضوه من صاله مفتوح
وارد اسد الباب
بقيت على هاي الحاله ماادري شكد
لحد ماتعبت من الروحه والجية
وتعبت بكد ماحجيت ويانفسي
ورحت تمددت على الجربايه وماخذتني النومه
تمنيت وياطلوع الشمس كلشي يتغير
وكميل ‏يبرد
بس كعدت الصبح وجان البيت مابي صوت
وفتحت باب غرفتي وطلعت وجان هستوة كميل دينزل من الدرج ومبدل
ترددت احجي وياه
بقيت اباعه كلت بلكي يحجي ويايه بس هو حتى مندار عليه
وتمشى وطلع من البيت وسد الباب
ومارجع للبيت وحتى مابات بالبيت
ولمن سئلت فيصل وين كميل
كال مااعرف وين كميل ورجع ثاني يوم الصبح اني جنت بالمطبخ داسوي ريوك
مااجى وماحجى ويايه ابدا صعد فوك وشويه ونزل غاسل ومبدل ملابسه وهم طلع
وبقى على هذا الحال اسبوعين
واني اخاف احجي وحتى ام ياسين مارجعها وجان ياخذ ملابسه وياة يغسلها برة
وحتى يوسف كام ميحجي وياه
وردت بس فرصه احجي وياه
لان كلبي كام يريدة
ردت كلمه منه
وبقيت اليوم انتظره وعيني على الباب
من شفته اجى وكفت يم الدرج وهو مشى من يمي واول ماخله رجله على اول درجه
كتله
....كميل
مجاوبني وصعد
وصعدت ورا ودخل للغرفه ودخلت ورا
ومااهتم لوجودي فتح الكنتور وطلع منه قميص وبنطرون
واخذ المنشفه مالته
وديروح للحمام
كتله
....كميل داريد احجي وياك
....ماعندي وقت
.....ليش هيج دسوي
....شتريدين خلصيني
تقربت منه وكفت كدامه وخليت يدي على الدكمه مال قميصه ورفعت راسي اباوع بوجه
وهو جان يباوع ليكدام
كتله
....كميل اني اسفه بس ليش دتعاقبني مثل الطفل
....خلصتي
....شبيك ليش هيج كمت تسوي
....خلصتي لولا
....كميل ترة موقصدي وانت تعرف
نزل يدي من قميصه وراح للحمام
نزلت جوه
وانتظرته لحد ماينزل
ولمن نزل
كتله
...كميل كافي ماجرمت اني حتى هيج تعاملني
ليش الكل هيج يعاملني لان اسكت واتحمل
....مشكلتج هاي
.....اني مليت راح اروح منا
....عادي وبيوم الي اطلعين منا اعتبر نفسي اصلا ماشفتج
ولالتقيت بيج من الأساس
....اي زين بس
بقى يباوع عليه
وكلي
....اكبر غلطه سويتها دخلتج لحياتي واعتقد راح تنحل هاي الغلطه من اطلعين من حياتي
روحي الله وياج ودربالج على يوسف
مجاوبته وكامت دموعي تتسابق على خدي وحتى دموعي ماخلتلي كرامه
وعزة نفس حتى دموعي تخلت عني
..... فيصل موجود برة اذا تريدي يوصلج لمكان
وفتح الباب وباوع عليه وبعدها طلع
كعدت على الدرج وخليت راسي بين يدي وكمت ابجي
وحسيت هالروح الي بيه ماتت من زمان
والدنيا سوتني مثل الطوبه وتلعب بيه
لشوكت ادوس على نفسي واتحمل واصبر
وامثل واكابر
بس اني اغلط اشو كلهم يغلطون ويجون يحاسبوني
على كلمه احجيها
ياربي مخلص هذا الوجع مكافي اني شكم دوب ابقى اتحمل
كمت مسحت دمعي
ودخلت للغرفه ولبست وخليت شال على راسي وصحت يوسف جان ديلعب برة بدلتله
ولميت ملابسنا وطلعت ولمن فتحت الباب وصلت لباب الشارع
باوعت سيارت كميل موجودة
وهو ماجان موجود
كمشت يد يوسف بكل قوتي
وطلعت برة وكفت باب الشارع
وبقيت اباع وخايفه وعندي وحشه بداخلي ومااعرف وين اروح
يوسف كام يصيح
عمو كميل عمو كميل
جريته ومشيت وشويه والتافيت وجان كميل واكف يباوع
علينا وفيصل واكف بصفه
درت وجهي وكمت امشي
واباع على الناس الي دتمشي
وعلى السيارات
وعيوني دور اي مكان او اي شي يوصلني لمكان
وسمعت صوت هورن
التافيت
جان فيصل فتح الباب وصاحني
.

...ام يوسف
....هافيصل
...ام يوسف تعاي اوصلج وين متريدين
...لااشكرك اني اروح
...وين تروحين
...وين مجان
....مااعرف شااكلج والله
....كلي الله وياج
...الله وياج بس يابنتي عندج فلوس
...اي الحمدلله
....زين خلي اوصلج رجاءا
...لامااريد
....مو تصيرلي مشكله
...اني داروح لبيت ابويه الله يرحمه
....بس يابنتي هسه صعب تروحين وماتلكين سيارة توديج ابقى هاي الليله يم ام ياسين واني الصبح اوديج
....لا راح اروح
....سمعي كلامي
فكرت اني ماعندي فلوس وماعندي احد اروحله وماعندي غير حل
...ميخالف
...يله صعدي
كعدت يوسف ليكدام
وصعدت ليوره وبقيت ساكته والصفنه ماخذتني لحد مكلي
وصلنا
...اي
نزلت وفتحت الباب الكدام ونزلت يوسف جان بيت
حلو كتله
...هذا البيت مالمن
....مال كميل
...ليش جبتني هنا لعد
...ميجي هنا كميل ابد وام ياسين كاعدة بي ابقي بس هاي الليله وباجر اجيج
...ان شاءالله
...دخلي ارتاحي
...اي
فتح الباب وصلني لحد الباب الجوة ودك الباب وشويه ونفتحت وجانت ام ياسين
دخلت وبوستها
...هلو حبيبتي
...هلا ام ياسين شلونج
...اني زينه انتي شلونج
.....يعني
....وجهج ميبشر بخير شكو
...ماكوشي
...خاف عرفتي
...بشنو
...مااعرف شو سمعت فيصل يكول كميل راح يزوج
.....شنو
....اي بالله لعد متعرفين
....لا
....عبالي تدرين
....لاماادري
راسي بسرعه كام يوجعني وعيوني عبالك غوشت
وبقيت مااحجي
كتلها
....واني
كالت
....من سمعت كومه دكيت ولطمت وكلت لعد هاي البنيه الي صارلها كم يوم عروسه
كمشت راسي والدنيا كامت تفتر بيه
وكلت عفيه هاي الدنيا اجيبني من كفخه لكفخه
وكمت اتمددت على التخم
كالتلي ام ياسين
...شبيج يمه
....دخت اريد اتمدد
..دخلي جوة بالغرفه نامي شويه
...اي والله ياريت
كامت ويايه ودخلتني للغرفه وفتحت الضوه
وكتلها
...فدوة عينج على يوسف
وحتى بدون مابدل ملابسي نمت
وماعرفت من التعب نمت من القهر المهم نمت
وماكعدت لليل
وهدورة بالليل نامت ام ياسين ونام ويوسف واني بقيت كاعدة
وثاني يوم من الصبح تحضرت اني وابني
واجى فيصل
ودك هورن وطلعتله
اني ويوسف
وداحجي وياة كلي
....كميل كلي واني راح اوصلج
سكتت وبعد ماحجيت شي
وبقيت الطريق كله استرجع ذكريات وماضي
بس جان كميل مستولي على عقلي برغم
مابقيت فترة طويله وياه
وصلت لمنطقتنا وذكرت البيوت بيت بيت والمحلات
وحتى الشجر
اذكرت كلشي جنت حافظته من كثر الروحه والجيه
بديت ادلي فيصل على بيت ام خضر
لحد ماطبكت السيارة باب ام خضر
بعدة البيت نفس البيت والباب نفس الون وكلشي دايري مدايري نفسه وكأنما الزمن متوقف بكلشي
وجانو جهال باب البيت ديلعبون
كتله لفيصل
...هذا البيت
كلي
....نزلي بنتي شوفي اكو احد ماكو احد الي قاصدتها موجودة
كتله
.....هم صحيح
...كتله ليوسف ابقى هنا يم عمو فيصل لتنزل
فتحت بابي ونزلت
وجانت باب بيت ام خضر مدريعه مثل زمان
جنت اكلها خاله بابكم شوكت تسدوها
اليوم كله مفتوحه
دكلي الدنيا أمان واحنا هنا بالمنطقه اهل
تغيرت الدنيا وراح الأمان وباب ام خضر مفتوحه
دخلت جو ومشيت بالممر الطويل والضيق وعبرت طوابيك جانت مصفطه
وصلت يم باب المطبخ السودة ودكيت الباب
وسمعت منو
....اني
ونفتحت الباب وشفت ناهز
كتلها ناهز
كالتلي
....منو
....اني بدريه
....يابدريه
.....يانسيتي منو بدريه
...يايايمه بدريه
وحضنتني وبوستني وكالتلي
....شكد متغيرة ولاعرفتج
.....اي والله متغيرة الدنيا غيرتني
...اوف من الدنيا شونج شخبارج
...والله الحمدلله. خاله ام خضر وينها
....موجودة جوة دخلي
...ابني بالسيارة خلي اجيبه
...ها ديله
طلعت على فيصل
وكتله
....اي لكيتها ونزلت الجنطه
وفتحت باب يوسف ونزلته
وشكرت من فيصل
ونتظرته يدير سيارته ويروح
ولحد ماراح دخلت جوه
ودانزع يوسف حذائه وكام يبجي ميقبل
كتله هاي شجاك شبيك
وناهز تضحك
دكلي
...ابن بغداد بعد عوفي حبيبه
كتلها
....صايرة تحجين مثل خاله ام خضر
....اي ههههه
حطيت الجنطه بالكاع مال مطبخ ودخلت جوة
باوعت خاله ام خضر
هاي الجانت سمينه والوجة متفح واحمر
هسه صايرة جلد على عظم وذبلانه وصايرة هلكدهت
حتى متبين
رحت عليها
وبوستها
...شونج خاله
...منو
اشرتلي ناهز
وكالت متباوع زين عيوني دمعت
.....خاله اني بدريه
....بدريه منو
... بنونه
...شونج يمه وكمشتني ويوستني مرة
ثانيه وحضنتني وصدك شميت بيها ريحة الماضي وريحة الدنيا البسيطه الي جان كل همي بيها شلون ادرب عيشت باجر
شميت بيها روحي الي ذبلت
...شونج شون رجلج
....خاله مابقى رجال
.....يمه اسم الله مات
...لاخاله طلع موخوش زلمه وطلكت منه
....سودة بوجهي وبعدين
....ازوجت مرة ثانيه
....اي الحمدلله المن
.....كميل
ناهز فتحت عينها وكالتلي
...كميل موغيره
...اي كميل
.....يمه الله واكبر وهذا شلون زوجتي
....زوجته
كالتلي ام خضر
...وهذا الولد ابن منو
...ابن سعد
.....سودة بوجهي وهسه كميل زين وياج
....اوف ياخاله ام خضر شحجي ولاشحجي

الي يتغامزون ويتلامزون من اني امشي وجانو يكولون بدريه الي جانت تخبز وتبيع خضرة اخذها ابن بغداد ومانعرف شصار وشمرها
ورجعت وعدها جاهل جان كلامهم مثل الخناجر بكلبي بس ماجنت اكدر ارد وشكد ارد وتحد اثنين فجنت اسكت مثل ماظليت دائما اسكت وجنت
اشتغل وانام واكعد واداري يوسف بس كلشي بلاطعم
كل بالي يم كميل مصورت اذا بتعدت عنه راح انشغل هلكد بي
ردت بس اشوفه او اسمع اخباره بخير
بس ماسويت شي
ولاهو اجى وشافني ولاسئل على يوسف
عبالك جنا مسؤولية وراد يخلص منها

واليوم العصر ندكت الباب كمت فتحتها
شفت فيصل
واكف
....السلام وعليكم
...وعليكم السلام
.....شونج ام يوسف
...بخير شونج
...والله الحمدلله
...اكوشي
...والله مال اكو اكو
...شنو الموضوع
...كميل يوصلج خبر ويكول لازم ترجعين لبغداد
....ليش
...لان سعد رجع
....هو كلي سعد رجلي كامت تصطك وحدة بالثانيه
كتله
...شمدريكم
...شايفي
....بس اني مااكدر ارجع
...ام يوسف هذا خطر عليكم وهذا كاعد يتحلف ويتوعد وين مايكعد وهسه كميل بس يريد يلكفه بس ماكو
يظهر شويه وبعدين ينهزم وهذا جبان خاف يأذي يوسف
انتجيت على الباب وكلت هاي شلون كتبه
شوكت اخلص
...اني اكول تجين ويايه وتبقين فترة لحد ماتتحسن الاوضاع وعود
رجعي
بقيت صافنه وخفت لان سعد يندل بيت ابويه ويندل بيت ام خضر وخاف يجي يهجم علينا بالليل
كتله
..دقيقه
أخذت كم حاجه من ملابسنا وسديت الغراض وقفلت الباب
وصعدت وياه وكفني باب بيت ام خضر وانطيتهم مفتاح البيت وكتلهم كم يوم وارجع كتلهم كميل مريض
ورحت ولمن وصلنا لبغداد بدت تظلم الدنيا
وكتله لفيصل
...وديني يم ام ياسين
...ام ياسين يم كميل بالبيت
...اني مااريد اروح لبيت كميل
....ام يوسف كميل اغلب الوقت موبالبيت وعود كوليله
سكتت وماعلقت على شي بعد ويوسف نام بالطريق وخليت راسه على رجلي
وصلنا للبيت وفيصل نزل فتح الباب واخذ يوسف ودخله جوة واني دخلت ورا
وجنت ادور بعيوني بلكي الكي كميل بس مالكيته
ومالمحت طيفه
بس شفت ام ياسين
وسلمت عليها واخذت ابني نومته وسبحت ودخلت للغرفه
واني نايمه سمعت صوت
فتحت عيني جان كميل واكف باب الغرفه
كمت كعدت بسرعه وكلبي يدك
وعيوني عليه وهو هم عيونه عليه
ماحجيت ولاهو كال شي
ودار وجه وطلع من الغرفه
كمت ورا وصحته
...كميل
ندار واجى وكف كدامي
....ها
....شونك
....زين زين
....ليش هيجي وجهك تعبان
...مابيه شي
....كميل
ماكدرت اكله شي
وسكتت
....اني راح ازوج انتي هنا ضيفه منا لكم يوم
وتروحين
....واني
....انتي ماكدرتي تخلين شي يذكرني بيج
....انت نسيتني اني مانسيتك وتعبت للحد الي يخليني وماعندي القدرة انساك
....اسف وكتج خلص كتلج انتي مثل الزجاجه الي انكسرت
ماكدرت المها
....ليش جبتني دتريد تهيني
....لا جبتج حتى لحد يأذيكم لان في يوم من الايام وعدت انو اني احميكم
....اي
....
((لقد كسر اخر شظايا روحي
وكشف الغطاء عن جروحي
وأيقنت فعلا بأني
أمراة من زجاج ))
يتبع...
#الكاتبه #روجمان