عرفت بس سرطان بالبنكرياس وع اي لحظه ينفجر ويموت

راضي:ادري راح اموت وارتاح من دنيا الضلت تظلم اهواي ناس
ابني حيدر انت من بعدي راح تصير شيخ العشيره
واني كدام الكل اسلمك المشيخه
وصيتي اريد من تطلع الاربعين تزفون مريم لحيدر ويعيش حياته
لان راح ارتاح بقبري هيجي

حيدر:بست ايد ابويه
يابه الله يطولنا بعمرك احنه من بعدك انضيع

راضي:لا ابني ادري ع اي ساعه اموت لذلك من اموت اريد ارتاح
خوي ثائر انت نفذ وصيتي مااريد تبجون عليه
واريد وره الاربعين تزفون مريم لحيدر
ماريد اي قصور

مريم:صافنه ع حجي عمي وميته من البجي خاف اني عايزه هسه كملت عليه

ثائر:ابشر ياخوي التريده يجرالك بس انت شد حيلك وكوم

راضي:هسه ارتاحيت من حجيت وياكم
يله طلعو اريد احجي وياه ابني حيدر
طلعنا كلنا وضل حيدر يم عمي

وره تقريبا نص ساعه ونسمع عياط حيدر......

____

#البارت السابع
#الُمٌهنَدِسِه📐 وَالُضُابّطِ👮🏻‍♂
#الكاتبه/طيبه الغراوي

مريم:من سمعنا عياط حيدر عرفنا عمي توفى الله يرحمه
دخلنا للديوانيه شفت حيدر منهار كلش وعيونه حمر وبس يبجي اول مره اشوفه بهاي الحاله
بالكوه وخروا عمامي واخوانه واخذو عمي غسلو وجفنو ودفنو
استمرت الفاتحه 7 ايام واني مشايفه حيدر
يضل كاعد بالمضيف لان استلم المشيخه وماله نفس بدخول البيت وابوه مموجود
باليوم الثامن شويه بدت تخف الناس بالليل كاعدين
شفت حيدر طب سلم وصعد لغرفته
كمت صعدت وراه

مريم:صعدت وره حيدر دكيت الباب

حيدر:ادخل

مريم:حيدر شلون صرت

حيدر:ششوفين شلون حالي بدون ابويه

مريم:جان كاعد ع جربايه كمت كعدت يمه
مادري ليش كمت حضنته حسيته يريد واحد يحضنه ويبجي يريد واحد يطبطب عليه
كمت حضنته جان راسن يكوم يبجي ويشهك
متت عليه اول مره اشوفه هيجي

ياعيني هدي نفسك حيدر انت الضابط الكل تهابك
لازم تصير قوي هسه اخوانك محتاجيك امك محتاجتك
لتفكر بس بنفسك
جان راسن يكوم من حضني وصفن عليه جان يكول

حيدر:مريم تعبان كلش الراح مو شويه هذا ابويه
هذا سندي جنت اذا اريد استشير احد ماافكر كبل
اروح يمه جنت من اضوج اروحله جان يعني الي كلشي

مريم:حيدر انت مو اول لو اخر واحد يموت اله عزيز
لازم تصير قوي تذكر السلف انت مسؤول عليه مسؤول ع امك وخواتك واخوانك اتذكر كل
عائلتك محتاجتك لازم توكف ع رجلك

حيدر:ان شاء الله
هسه اريد انام راسي راح يطك
اطلب منج طلب

مريم:عيوني اطلب

حيدر:اريد انام بحضنج

مريم:ماشي
تمدد حيدر ونام بحضني ضليت العب بشعره
ياريت احبه
وره شويه غفه خطيه من تعب
اول مره انتبه عليه وع شكله بشرته حنطيه وحواجبه مرسومه رسم ورموشه لا طوال ولا قصار
وملامحه مال واحد قاسي وعصبي ضليت صافنه عليه
الان امه دخلت وفززتني

ام حيدر:ها يمه نام حيدر
يمه سوده عليه مات من تعب انوب انكسر من مات ابوه
جان يعتبره صديقه

مريم:خاله لتخافين عليه حيدر قوي وراح يكدر يتعده الي صار

ام حيدر:اكلج يمه اريد احجي وياج بشغله مهمه

مريم:صار خاله كمت ع كيفي وخليت مخده جوه راس حيدر وطلعت وياه خاله
هاا خاله شنيه الشغله

ام حيدر:بنتي اريدج تبقين للاربعين يعني لحد متعقدون
تعرفين وصية ابو حيدر وهم حيدر

هاي الفتره محتاجج

مريم:ضليت صافنه بعدين تذكرت الوصيه خرب اني شلون نسيتها شلون اكدر اتزوج حيدر واعيش وياه
واني مااحبه
الله كريم خاله يصير خير
راحت خاله هناء(اسم ام حيدر هناء)
وخلتني حايره
شلون راح اعيش وياه بس هسه مو مال اجل لو ارفض
اووف خل اعوفها ع الله
كمت عدلت شالي ونزلت عدت الايام عادي
شغل وطبخ لان الناس اجتي كوومه
وطبعا شغله ضوجتني بالفاتحه هاي الحيه سمر
لازكه بحيدر عبالك مرته عذا
يعني ابسط شي مره اجه حيدر للمطبخ راد مي
هي نطت

سمر:تفضل ياغالي تفضل يابن عمي

مريم:كلت بقلبي اي بدت لواكه
انوب هو عادي عنده اووو هسه اني شعليه
اوووف وهي شكو داتباوع عليه هيجي
مااطيقها ابدي
وبعد كومه مواقف منها راد دشداشته دااجيبها اله
كامت نطت ركض صعدت جابتها واجتي
كلش تنرفزت
بس المطمني ان هو ممعبرها هم زين
اوووف هسه اني شعليه مهتمه اله شبيج مريم
مو كلتي بعد ماافتح قلبي اووف ياربي ساعدني

حيدر:مريم مريم

مريم: ها ها

حيدر:شبيج صافنه

مريم:لا ماكو شي تريد شي

حيدر:اي اريد استكان جاي وجيبيلي موبايلي فوك ع شحن

مريم:صار كمت رحت للمطبخ حميت جاي وصبيتله وديته اله بعدين صعدت فوك دااجيب تلفون
جان يجي مسج 💭

(حيدر...
انت اغلى شي بحياتي احبك اعشقك والله حبيتك من كل قلبي اتمنى تقبل بيه وراح اعيشك بسعاده
احسن من مريم ع شنو تاخذه وهي شالعه قلبك
احبك يا اكثر شي اتمنى يصير الي.. سمر)

مريم:سمر سمر لا داتشاقون اكيد مستحيل
كمت اخذت جهاز ونزلت لحيدر

حيدر:دااشرب الجاي ومنتظر مريم جيبلي تلفوني
طولت
وره شويه ونزلت وشراره تطاير من عيونها
جان راسن حطت جهاز بيدي وكلتلي اقره
كمت اقره المسج وعيوني ع مريم

اي واني شعليه.

مريم:شنو شعليك وليش هي كاتبه هيجي

حيدر:يااا داتحسسيني كايللها احبج
شبيج مريم تعرفين كلش زين قلبي منو يحب ومنو يريد

مريم:شووف والله اذا الكاك وكف تحجي وياها اكلبها الدنيا

حيدر:ابتسمت وانتي شكو تغارين

مريم:هاا لا عليش اغار

حيدر:بس عيونج يكولون العكس

مريم:داتتوهم

حيدر:ماشي ضلي كابري المهم
عكب باجر نعقد محكمه ونسوي بيناتنا عزيمه وهاي هي عفتها ورحت

مريم:هاا شنو عكبه بس اني مجاهزه شلون راح اعيش وياه ربي ساعدني
صار المغرب كمت وياه البنات احضر العشاء
وصبنه واجتمعنا كلنا

حيدر:عمي ثائر عكب باجر نعقد محكمه وخل تجي مريم يمنه ونسوي عزيمه بيناتنا ونعزم كرايبنا شنو رايك

ثائر:سوي الي عجبك ابني بعد مريم صارت مرتك

مريم:كل هذا ومصدومه شنوو شدايصير عبالي احجي وياه الغي كلشي لان مجنت اتخيل احد يلمسني غير وليد
ضليت ساكته

سمر:مستحيل مستحيل اخلي هذا الزواج يتم انت الي حيدر مو لغيري

مريم:كملنا اكل وغسلت وياه البنات الاماعين ورحنا نام ....

__________________________

نور:بالليله عرسي والمفروض احلى ليله بحياتي
خربتها وضل وليد بالمستشفى يومين الكلب
مدمي
من طلعنا رحنا لبيتهم وليد ضل سم اهله صعدت فوك وجان دك عليه ياسمين بت عمتي

نور:هلا ياسمين عاش من سمع صوتج

ياسمين:هلو عمري والله ملتهيه عذريني مأجيت
للعرس

نور:لا كلش زعلانه منج ليش مأجيتي

ياسمين:كمت ابجي شسوي نور احبه لسجاد وهو
ممعبرني متت والله كليلي شسوي

نور:اووف زين اكلج هو بحب وحده وياه بالكليه

ياسمين:هي هاي المشكله ومااعرف شصرف

نور:ههههه لج مثلي اني لعد شلون تزوجت وليد
شوفي حبيبه وليد جان يحب صديقتي مريم تعرفيها واني ووووو.....
سولفت لياسمين كلشي
هاا وهسه عرفتي شلون تتصرفين

ياسمين:والله طلعتي مو هينه نور
اي عرفت يله عمري اروح افكر شلون اضبطها

نور:ههه تمام حبي عود عزميني ع عرس
سديته من ياسمين جان راسن اسمع الباب انطبك
ووليد

وليد:اي وليد الجلب الصدكج وليد التخله عن حبه
ولج بس فهميني شلون انطاج قلبج تخونين صديقتج
شلون كمت جريت الحزام وضليت اضرب بيها دميتها
وكمت تفلت عليها وكتلها روحي ياجلبه وانتي طالك طالك طالك مستحيل تصيريلي مره وتروحين فدوه لضفر مريم انتي فاهمه راح اطلع هسه وارجع الكاج رايحه لبيت اهلج ورقه طلاكج توصلج

نور:اااخ مووتني من ضرب انوب طلكني بعدني عروس وطلكني اااه يا مريم اذا ماانتقم منج فلا اني
نور....