رد "معليج بيها تحجي الوحدها .. المهم انتي بل عراق صح .."
رديت "ايي ليش .."
رد "مجرد سؤال.."

وصلت للشركة واني احجي ويا اضطريت انهي الاتصال
ونزلت .. باشرت باعمالي ومشروعي الي اشتغل عليه

صار ست اشهر .. بعد اسبوعين يكون قيد التنفيذ
فرحت كلششش بانجازاتي وبعد التعب صار الي اسمي
وعندي نسبة بل شركة

وصرت معروفه كللللش ..
بعدها الاستاذ طلبني للمكتب وكعدنا نتناقش بمشروع جديد مشروع كبير .. وكال اسلمة الج او لخالج .. وهو يبقى مدير علينا .. اويييلييي يا فرحتي بهذا الخبر مستحيل اتردد لحضه وحده وارفض هل طلب

اتناقشنا بل تفاصيل بقى بس يفتح الموضوع
وي خالي وشركائهم ويدرسون الموضوع اكثر

خلص الدوام .. وبعدها مرت الايام وعادي اني بين
اطفالي وبين البيت والشغل

وبخصوص المشروع راح يكون ببغداد اني
هنا عاد رفضت استلمه وما قبلت كلت ابقى بمكاني افضل

صرت اكره بغداد وسيرتها .. من دخلتها ما ضلت مصيبه ما ركبت براسي .. ما الي خلك مشاكل اكثر من هيج حياتي صافيه وراكدة ما بيها اي معوقات .. بس احس من رفضت
هل مشروع تندمت لان من خلاله راح ينعرف اسمي بس
الله ما قاسمه الي

كعدت من الصبح كان يوم جمعه .. نضفت البيت لحتى من يكعدون اطفالي اتفرغ الهم .. سويت حملة على البيت كله لان مو دائما فارغه .. بس بل جمع واحيانا حتى بل جمعه اشتغل واكمل بعض الاشياء بل بيت فـ اليوم كنت فارغه جهزت بيتي وكملت شغلي .. كعدوا اسر ولجين
ردت اقضي وقتي وي اولادي

لعبتهم سولفت وياهم اكلتهم ما اخلي شي بنفسهم
ابد .. نوب طلبوا بيتزا كلتلهم البليل نروح وناكل برى

لان ابد ما اضبطها ولو اني اي اكله
ما اضبطها ما اعرف اطبخ اغلب اكلنا يا من بره يا نواشف او طلبات توصيل .. حتى ابو التوصيل عرف بيتي على كد ما اطلب

ومرات انطي لمرة عندها ايتام وبيت الشيخ يساعدوها ومرات يطلبون منها بس للمساعدة لان هما ما يحتاجون عندهم جناين وبنات هواي بس هاي المره روحها عزيزه وما تمد ايدها لـ احد ابد تسويلي كبه
او بورك وخبز ودولمه وكذا هيج اشياء يعني تتجمد

المره نضيفه ومتعوده عليها وعلى شغلها .. ما اغيرها ابد وهي محتاجه فـ تعودت عليها .. كلت الباجر اطلب منها تسويلي كبه

كعدت وي اسر ولجين نتفرج تلفزيون على
قنوات افلام الكارتون .. صارت ساعه ١٢ ونص

صليت والجهال كالوا جعنا .. احتاريت شسوي الهم
اخر شي طلعت نواشف كلت ادبرها اليوم مليت من اكل المطاعم حتى راح يتمرضون بسببي

سمعت الباب يندك رحت افتح الباب .. كانت كهرباء طافية وما شفت بل كاميرا منو اني بل عادة ما افتح الباب اله اشوف منو بل باب قصص وروايات عراقية كرار صلاح
فتحته وانصدمت بنور واكفه بل باب والابتسامة شاكه حلكها

اجت عليه شبكتني واني ابوس بيها وفرحانه بوجودها
دخل وسام بعدها اباوعله روحه مايعه من الحر

ابتسمت ورحت عليه سلمت ودخلتهم جوه
اسر استغربهم ودخل للغرفه بس لجين ام لسان تلكتهم عادي
نور "يمااااييي فدوووه تخبلللل تعالي حبيبة خاله .."
باستها وهاي فرحانه بيها

نوب اخذها وسام .. هي متعوده على وسام لان ما تركني
ابد دايما يجي للعراق فتره ويرجع لامريكا اما اهلي فـ من سافروا ولسه ما اجوا للعراق لان بعدهم ما ماخذين الاقامة

استغربت بجيت نور وسالتهم "شنو استلمتوا الجنسيه .."
ردت نور "ايي داده صرنا أمريكان بعد .."
ابتسمت "مبروك حبيبتي لعد اهلي ليش ما رجعوا .. "
نور ارتبكت ورد وسام
"ابوي يكول ماكو احد الي بل عراق لحتى ارجع .."
حجيت بغصه "واني شنو .."
رد "انتي يريدج يمنا هناك .. كافي يا شام لهنا وحدنا وياج
بعد لازم ننجمع تعبت من الروحه والرجعه اريد استقر

وبالي يمج ويم اطفالج .. ما عندج بعد اي حجه للبقاء هنا
كافي خلينا نسافر ونخلص .."

رديت بجمود "لا تجون عليه بعد .. تعبتكم وياي والعراق ما اطلع منه .. تعرف شنو ما اطلع منا .. واذا اطلع لازم ادفع اطفالي ضريبة لا تتوقع اهلهم يوافقون بسفرهم ويبتعدون عنهم ولا مهند .. وهو اصلا يدور حجج حتى يسحبهم مني
عوفني مرتاحه ما محتاجتكم ابد وشغلي كله هنا.."
رد "شنو هل حجي شام ترى ما اقبلها منج ابد واذا على الاطفال اني احجي وي جدهم واخلي يقنع مهند .."
رديت "هه بل اول قنع عمو .."
ردت نور "اووووه اول ما دخلنا عرك ونقاشات .. كافييي عاد غيروا السيرة .. وين هذا اسر الفصعون شو ماكو .."

اشرتلها بل غرفه
راحت وجابته شايلته وهو مستغربها وما متقبلها

من شاف وسام ضحك ونور تركته
راح لعند خاله وكعد بحضنه وسام يلعب بي ويسولف ويا

اني رحت طلبت اكل من برى سمج مسكوف خابرت على ابن خالي يجيبلياه للبيت ووصيته على طرشي ولبن وصمون وكعدت احضر زلاطه وهل اشياء

اجا ابن خالي وسام سلم عليه وراده يدخل بس ما قبل
وراح لبيتهم

التمينا على السفره وكعدنا ناكل ووسام مخلي اسر بحضنه
وياكل بي

ابتسمت ورجعت ببالي ذكريات الماضي :
تذكرت بيوم الي اخذ مهند اطفالي شكد تعذبت وبجيت
ونخيت .. لو رجلي الي مو راضيه اطيب

حسيت بعجز وتوقفت الحياة بعيوني
وسام بعد اسبوع يله رجع للعراق واني بهل اسبوع متت من البجي والنوح .. خابرت عمي وتوسلت اله بس ما رد عليه

ولا كلمه بس كال الله كريم هسه وسديته منه
ما قبضت شي منهم ولا من كلامهم
وسام من رجع حسيت اكو امل بداخلي تجدد صرت
اشوفه منفذي الوحيد للحياة من جديد

اخذني للمستشفى وصار يراجع بيه هواي
واني ايست وفقدت الامل من حالي بس هو كان يشجعني ويقويني

فديوم نايمه بعد ما بجيت وكلش ايست من رحمة ربي
تعبت من نفسي حيل بيومها شكد بجيت كلها حاولت تهديني وتسكتني بس ما سكتت لحد ما تعبت لوحدي ونمت

بوقتها تحلمت كانوا اجاني بل رؤيا شخص على
هيئة ابوي ويكولي لا تخافين بابا على كيفج لا تخافين
شفائج عند ابو الحسن ان شاء الله .. صدك اني قبل لا انام طلبت من الامير عليه رجلي تتحسن ..
من كعدت سولفت لوسام .. كالي اخذج للامير علي هناك تزورين وتتغير نفسيتج واكو دكتور معروف ببغداد اخذج
اله .. واذا ما صارت زينه اسفرج للخارج
وفعلا اخذني وعبالك من دخلت شفت منقذي
شكد بجيت وصرخت ودعيت والنسوان تباوع عليه
وبعدوا عني خلوني ازور ويدعن الي
بقيت هناك يوم ورجعت
لبغداد
اخذني للدكتور وبديت بل علاج هناك شهر وشفت اكو تحسن بحالتي .. اما امي وابووووي آه منهم شكد اذوني

ابد ما خابروني او سالوا عن حالي بس هذا كله
مو مهم المهم عندي اطفالي .. اريدهم طك كلبي على شوفتهم

وسام رجع الهم وصار يتعارك ومهند يكله ما اخلي
اطفالي يتربون عند شام وهي من الاول ما تريدهم وتريد تذبهم
متعارك ويا وكلها ملتمه .. يكول وسام طلبت من ميس تجيب التلفون حتى لو تنبش البيت من فوك لجوه .. وخالو هم كاللها ادور زين وفعلا بعد اسبوع او اكثر خابرت

ميس تكول ماكو دورت بكل مكان التلفون اختفى
سالتها على اغراضي وين وملابسي تكول مهند كلهم شمرهم وما موجودات يااا الله من كالت هيج كانو انضربت براسي من الصدمه يعني لهل درجة كارهني وكاره سيرتي وحتى
غراضي يذبهم لعد وين الحب الي يحجي بي شبسرعه
تبخر واختفى وين حبه الي

سديته من ميس واني مقهوره من كل شي كلت لوسام يشوفون المطعم يمكن وكع هناك ما اذكر زين .. اني ايست بس هذا
املي الوحيد .. وسام راح وسال ودور ماكو اي خبر عنه

اخير شي تعبت من نفسي وايست ووسام هنا تاخر وصار لازم يرجع هم خطيه انربط هنا

كنت كاعده المغرب ووسام متحير ما يعرف شيسوي ووين يروح اجا اتصال اباوعله عاكد حاجبه مستغرب فتح خط
عرفت من خلال مكالمته ان هذا مهيمن

وسام طلع بسرعة وحتى ما كال وين رايح .. بقيت بقلق
ما عرفت شسوي ووين انطي وجهي .. بقى هواي ما رجع
لحد ساعه ٩ ونص يله دخل اجا شوي وجه بضحك
سالته شكو وليش خابرك مهيمن .. ما حجه شي بس
مد ايده بجيبه وانطاني تلفوني
اباوع التلفون مكسر تكسير وما يشتغل بجيت بحركه كلب
من شفته ..وسام من شافني هيج اخذني لحضنه ويحاول يهدي بيه قصص وروايات عراقية كرار صلاح
.."كافي حبيبتي شام والله اصلحه واجيبلج الي وكعج
لو باخر الدنيا بسيطه واله اكسر خشم مهند .."
سالته .."وين كان الموبايل ليش هسه طلع .."
رد بعدم اهتمام .."يكولون لكينا جان ضايع بغرفتج.."
رديت برفعة حاجب .."وانت مقتنع بهل كلام .."
رد .."طبعا ما مقتنع بس اهم شي عندي هسه هو اصلحه .."

معقوله من دوروا ما لكوا واصلا صار شكد على الحادث
لابد فاتحين الغرفه ومرتبينها .. وعلى اساس مهند ذاب اغراضي شلون هسه طلع التلفون سوالفهم ما تدخل للمخ

بس شكيت بهنا الحية ولو متاكده مو بس شاكه
ما اعرف شنو غايتها من كل هذا

بوقتها وسام طلب الرمز وانطيته اله وشوفته المحادثات والرسايل وكل شي اني الحمد لله ما استغبيت ومسحت الرسايل بوقتها صورت كل الي حجا وياي وحفظته
بل مذكرات وقفلتها كلت كلشي يصير وحتى لو ما حافظتهم اعرف ارجعهم ..

هو اخذ المعلومات والرقم مال الولد لان مهند بعد ما
ضربه واخذني ما عرف منو هو ولاكدر يوصل اله
صارله فتره يدور عليه هو وولد عمي وما لكوا اله اثر
نوب من ضاع تلفوني بعد مهند شك بيه اكثر ما اعرف شلون يفكر المفروض يفكر بعقلانية اكثر بما انو هو يشتغل بل محاكم واكيد هواي مرت عليه هيج قضايا بس هو حظي
اعوج وياي والله عمه عيونه وتخبل عليه

صار وسام يبحث ويدور واكثر شي استعان بل شيخ
محمد لان وسام هنا ما عنده معارف ولا يندل ولا يعرف شيسوي فـ الشيخ ساعدنا هواي .. طلعوا الرقم وكدرنا نوصل لصاحبه للشخص والجميع حساباتهم

هكروا واخذوا كل المعلومات.. بوقتها انصدمت يوم
ما كال وسام هذي صديقتج متفقين هي ويا وضاحكين عليج
وهي الي منطيته الصور اني هنا عقلي وكف من المفاجاة والصدمة خصوصا بعد ما عرفت منو هي

علمود الفلوس ومتفقه ويا ان يكون هو وياها بل نص بل فلوس ومن سالت وسام
شسمها
جاوب "شجن .."
شام "شجن ..! معقوله .." اصطكيت احس اطرافي ثلجت ومصدومة اصلا ما ردت اصدك ابد ما ردت اصدك
اكثر وحده ما متوقعتها تطعني وهيج تسوي بيه
شكد بجيت وتعذبت يمها وهي ولا كانوا الحقيره

انصدمت صدمه ما انساها كنت اعتبرها اخت الي
واحبها واعطف عليها .. وكلشي تعرف عني كللللشي

حتى بل فلوس الي يدزهم الي وسام
حاجيه الها وعلى سبب خلافي اني ومهند وعلى شمس

وهي ذكيه عرفت شلون وشوكت تتصرف اختارت التوقيت الصحيح اختارت الوقت الي اني ومهند على خلاف

وتعرف ما راح اسولفله وهي الي تحذرني ان ما اكول
لاحد وكالت اساعدج وانطتني فلوس هم

وشككتني بشمس فـ بهل حاله شلون اشك بيها
مستحيل اشك مقدار ذرة خلت الشبهات كلها براس شمس حبكت السالفه عليه ولو اني غبيه وثوله اعترف ياهو الي يجي انطي سري على كولة مهند جان يكلي المفضوحة لان على كلشي اعيط واصيح وافضح ما جنت اسكت بس من اغتصبني الله سد حلكي امداني بذاك ليوم ما خزيته وشهرته كان بوقتها بس رضا وبيبي وجدو بل بيت يمكن لو لامه الدنبا عليه يمكن يطمطمون السالفه وما توصل لبابا
بس بوقتها غبيه كان كل همي ما انفضح بهيج وضع وي مهند .. من صدك جان وقتها صعب لان هل موضوع حساس...

بعدها عرفت هذا صديقها و هي اسولفله عني وعن
اهلي وتكول شبعانين وعندهم .. اني الي اعرفه عنها

هي ما محتاجه وابوها ضابط واخوها شرطي
بعد ليش هيج تسوي ما اعرف بس الي مثلها عيونها فارغه ما يمليها التراب والولد هذا مو بس عليه لاعب لا حتى بنات ثانيات يهدد بيهم يعني بين قوسين هاي شغلته عليها عايش شنو من نذاله ودناءة نفس عجيب هل بشر شكد بي خصال خبيثه...

بس شجن من صدك صدمتني بقيت افكر بيها وبتصرفاتها وياي ابد ما شكيت بيها ولا يوم ولا لحضه وحتى بعد ما صارت المشكلة واطلكت هي قطعت علاقتها بيها بشكل نهائي .. يكول وسام ثنينهم بايكين طن هوى من مهند عرف بل موضوع وثنينهم خايفين وهي تكله امسح الصور واله نتورط

بقيت مصدومه يومين كاملين واصفن وافكر واكو معقوله
هيج يطلع من شجن معقوله

وسام سواها عليهم عشائرية والولد اعترف وهو الي تورط وما اعرف بل تفاصيل ولا
اعرف اشصار بشجن ولا اعرف شسوو بيها اهلها

كان كل همي اطفالي يرجعون لحضني
بعد لا شفت عمو ولا عمتي ولا جدي ولا اي واحد من طرفهم ووسام الي يرفض وما يريدني اشوفهم لان صدكوا بمهند وطعنه بشرفي ووكفوا ضدي واني بنت لا حوله ولا قوه .. مهند ما اعرف شنو موقفه بعد ما عرف القصه الحقيقيه .. بس بعد فترة كدر وسام ياخذلي اطفالي
من خلال الشيخ الي متحاجي وياهم ووسام وخالو لحد ما قنعوا مهند ينطيهم الي واروح بحال سبيلي

.. جنت على نياتي مع الكل .. حتى الي يغلط بحقي جنت اسامحه ونطي فرصه ثانيه وثالثه .. اگول كلنه نغلط والازم نسامح .. بس مادريت يجي يوم والكل يصير ضدي .. ومحد يوگفلي .. لا اهل لا اصدقاء لا اقارب .. شنو الي تغير .. ليش محد راضي يسمعني واني الي جنت اسمعكم واساعدكم .. فهموني ! .. ياهلي اسمعوني .. بده انشغالهم عني وتركوني .. يا أصدقائي ساعدوني .. مو مشاكل هسه وما نگدر وتركوني ؟ .. يا اقاربي .. يا ناس ارحموني .. اني جنت غلطان من ساعدتكم وهسه محد راضي يسمعني ويساعدني .. ياريت مساعده ماديه او شي .. بس مساعده معنويه ونفسيه ماردت شي .. احتاجيت للأهتمام ومحد اهتم .. احتاجيت للكلمه الطيبه وما لگيت .. بعدها شفت الدنيه على حقيقتها .. انو لازم تسمع النفسك وتساعد نفسك وتهتم لنفسك .. لان نادر ما تلاگي احد يفهمك... واحد يتمنالك الخير كون انت صديق وسند لنفسك لا تنتضر من اي شخص كان انو يسندك ماكو لا اهل لا اصدقاء لا اقارب يمكن الغريب بعض الاحيان يوكفلك واهلك يصدموك

ياربي الصدمه الي صارتلي بحياتي ما كنت متوقعتها من صدك دمرتني .. مردتني .. قطعتني الى اشلاء.. صرت اضحك على عقليتي وعلى تفكيري الساذج كنت اتصور هما السند حتى وان تخلوا عني وسافروا اشوفهم هما سندي بس كل هذا طلع خرابيط يا عالم امي امي شلون هيج شلون كدرت ما تسال عن حالي شلون صدكت كلامهم عني مو هي الي ربتني مو هي الي خلفتني شلون كدرت وطاوعها قلبها ان ما تسال عني وما تحن الي حتى بعد ولادتي وبعد الأذى الي لحق بيه .. عجيب شكد قلبها قاسي ..

وسام رجعني للبصرة وسافر اني رجلي تحسنت بس بقت
اثارها موجوده يعني بعدها تخدر وبل كوه امشي عليها

ومتعبتني كلش ومرات توجعني بس بمرور الوقت
وبل علاجات صرت احسن والتفتت لاطفالي حبيتهم

اكثر من روحي كان شعور الامومة حلو
وما اعرف شلون اوصفه ابد ومرت الشيخ راح تموت عليهم اربعة وعشرين ساعه مكابلتهم وكاعده كانت تساعدني بيهم هواي شكد ما ردت ابعدها وما اريد شخص بحياتي بس هي فرضت نفسها عليه واني هم انقهرت عليها وهي محرومه من شعور الامومه من غير هي الها فضل عليه وهواي تداريني واداريهم شكد كعدت يمي وردت عليه الوحشه

شكد ساعدتني كانت حتى الطبخ هي تسوي
خوالي ونسوانهم يرحون ويرجعون علينا بس صاروا مو مثل بل اول يعني قبل كانت زيارتهم وسؤالهم عليه بشكل مكثف بس بعد ما تحسن وضعي واستقريت لا قللوا هم عندهم اعمال خوما يبقون يركضون وراي

نرجع للواقع :
شام .. هاي الفترة قضيتها مع نور ووسام شكد تونست وياهم وفرحت بوجودهم حواليه

بقوا ٣ اسابيع ورجعوا اني رجعت حياتي طبيعيه
وعادي الامور طيبه

كنت اشتغل ومدنكه على الاوراق الي كدامي
اجا اتصال ما اهتميت ولا باوعت على الرقم ابد

سويته صامت وكملت شغلي .. ومن طلعت من الشركة
يله فتحت جهازي .. كان رقم غريب ما اهتميت

لان بل يوم يجيني اكثر من عشر اتصالات علمود الشغل وهواي ناس فـ متعوده على الوضع ويوميه رقم غريب

لبست المناظر الشمسية .. لان اتحسس من الشمس من اسوق
طلعت للبيت وتلفوني يرن

شكد اضوج من واحد يلح .. كان بوقتها مزاجي برتقالي
وما عاجبني ارد على احد ودائما اسوي هيج لان اتعب من كثرة الاتصالات ...

وصلت للبيت اخذت اطفالي ونمت كبل
لا تغديت ولا غديتهم لان مرت الشيخ موكلتهم

هما يمي يلعبون بس بهدوء كل ما اسر يسوي صوت
اسمع لجين تكله اشششش ماما نايمه

كملت نومتي للساعة بـ ٦ يله كعدت
واسر ولجين نايمين يمي

كعدتهم وسويت اكل وكعدنا ناكل ونسولف
كنت معتبرتهم فاهمين واسولف الهم على يومي وعلى هواي اشياء شكد احبهم من يستمعون الي بهدوء واحس يسمعون ويفهمون بكل جوارحهم ويركزون وياي لحد ما اكمل تبدي اسئلة لجين ام لسانين

كمت وصار وقت الصلاة اجت لجين تصلي وياي
وتقلدني بس هي مادام تصلي تحجي وي اسر

لو تعيب عليه .. من نكمل تلزم السبحة وتسبح وياي
وحجيها مكسر وتردد "يا لحمان لو استفخر الله .." مرات امنعها انو تصلي لان تضحكني وتخرب الصلاة عليه
شكد تجفص وتحجي كلمات تخليني اخرب من الضحك
كملت وهي كعدت يمي منتضرتني ابدي اسبح
بقيت ساكته وصافنه
لجين "يله ماما اريد اروح العب مع اسر .."
رديت "روحي ماما خلصت .."

كامت مني واني كملت صفنتي ونوب كمت
اتصفح بل فون وارد على الطلبات او على الاسئلة الي بل دايركت

خلصت منه ونوب كعدت اتفرج وي اطفالي افلام كارتون
صرت ما اتابع مسلسلات كله افلام كارتون

صارت ساعه تسعة رجع تلفوني يدك
اخذته نفس الرقم مال الصبح
رديت "الو السلام عليكم تفضل .."
اجاني صوت رضا "وعليكم السلام شام شلونج .."

كان صوته قلق .. رديت باستغراب.." بخير شعجب مخابر عليه .."
رد "شام مياسين احتركت وهسه بل مستشفى .."
فتحت عيوني على وسعهم ولطمت على وجهي
"وهسه شلونها .." قصص وروايات عراقية كرار صلاح
رد "ما اعرف بس مو زينه شام خايف عليها تون من الوجع كطعت كلبي .. انطيني رقم وسام .."

انقهرت على مياسين ورسلت رقم وسام لرضا
وسام من قبل بعد قطع علاقته بيهم وما يرد عليهم وغير ارقامه كلهم وحتى رقمي اني غيرته بس اكيد ميس انطته اله

بقيت قلقانه عليها ومقهوره كلش
حتى ما سالت شلون احتركت .. بعد نصف ساعه خابرني وسام
صار يحذرني ما اروح لهناك ابد وما اوصل
اني سكتت بس ما اكدر اعوفها هيج خطيه
ثاني يوم خالو كال ان مياسين محتركه وميس كايلتلهم على
عبالهم ما اعرف
بقى بالي مشغول وكل شوي اتصل على رضا
وأسأل عن حالها

الي عرفته حركها مو قوي بس متأذيه كلش
خابرت ميس اسال شلون احتركت كالت طاك عليها الطباخ

كلبي مردني عليها .. ما تحملت اتركها
طلبت من خالو ياخذني لبغداد بس ما قبل لان وسام محذرة ما ياخذني

بقيت على نار عليها وقلقانه وسام رجع للعراق علمودها
وكال عيب هم اضم راسي تبقى بنت عمتي ويتيمة
وما يقبل اجي لهناك الفترة المرت كلها قلقانة واخابر واستفسر عن وضعها بس ماكو اجابة تشفي كلبي اريد اشوفها بعيني ما تحملت اكثر من هيج

لحيت على خالو ياخذني الهم لحد ما اقتنع
واخذني لهناك .. حضرت نفسي واطفالي ورحت لبغداد

كعدنا اني وخالو بل شقه هذي كل ما نجي هنا
تسكن بيها هي مو مالتنا لا مال الشيخ بس هو مو هواي يكعد بيها بس من يجي لهنا او من يسافر او بوقت العمل وهيج يعني

خابرت وسام كلتله اني ببغداد كام يحجي عليه وما قبل
وكال مياسين زينه ومتحسنه ما بيها شي واصلا حركها مو كلش قوي .

جريت نفس براحه "وسام ما اكدر تعرف شنو ما اكدر
اسمحلي هل مره اريد اشوفها صار سنين ما شايفتها ولا حاجيه وياها ولا تنسى هذي مياسين مو اي وحده الوحيده الي ساعدتنا وما اذتنا .."

سكت واجا عليه للشقه
هي صارلها ٣٠ يوم عدل من احتركت ووسام كان ملازمهم وما تركهم ابد وكان كل ما اطلب اجي لهنا ما يقبل

الي عرفته هي حاليا بل بيت وطالعه من المستشفى واحسن من قبل بهواي .. يماااي من اتخيل منظرها اخاااف وينعصر كلبي عليها

اجا وسام للشقة سلمت عليه وكال باجر اخذج الها
اني حسيت روحي ترددت وتندمت لان اجيت ما عندي استعداد التقي بيهم بعد الي صار ما عندي استعداد ولأ جرئه لحتى ادخل لبيتهم صار سنين ما شايفتهم ولا ملتقيه بيهم ابد حتى جدو وعمو حتى مهيمن من يجي لميس مرات يريد يشوفني ما اقبل اعوف اطفالي لحتى ياخذهم لـ ابوهم ويرجعهم الي

بس هسه مضطرة لخاطر مياسين .. خلصت اليل سهرانه وافكر شلون راح يكون لقائي بيهم يا ترى شلون راح اوجهم واباوع بخلقتهم لو مهند الي احس نفسي ما اطيق اشوفه ابد

ثاني يوم اختاريت الصبح اروح لان هيج وقت الكل بل دوام ومشغول ولو هي عطله بس الاهم عندي الكبار مموجودين

اول ما فتت للشارعهم صابتني رعشة وخوف من كل شي
تذكرت الي صار وتذكرت كل اذيتي واوجاعي كلها

تمنيت اتراجع عن قراري وارجع بس سكتت
ياريت لو راجعه ياريت .........

دخلت للحديقة كانت متغيرة ومعدلينها .. غمضت عيوني
واني اتذكر ذكرياتي بيها .. الجهال راحوا يركضون لبيت جدهم واني ووسام دخلنا لبيت جدوا

كانت بنت عمي اخته لرضا موجوده رحبت بينا ودخلتنا
كعدت بل استقبال واجت قدمت الماي
سالتها "اريد اشوف مياسين نايمه لو كاعده .."
ردت "ما اعرف هسه اشوفها .."
اني كمت وياها .. ما متغير شي من البيت
الأثاث نفسه بس تعديلات وتغييرات بسيطة

تذكرت بيبي الله يرحمها تمنيت لو موجودة
اخذت حسرة وكملت طريقي

دخلت لغرفة مياسين و سارة وياي
باوعت مياسين كلها شاش وشكلها يخوف كزبر جسمي من منظرها

وجها ما متضرر بكد ما جسمها متضرر
واكثر شي ايدها ورجلها اليمنى .. كانت نايمه ومبين عليها التعب ..

اخذت حسره وبست راسها وكعدت كبالها
سارة عافتني وراحت "مياسين والله اشتاقيتلج ما كنت متوقعة التقي بيج بعد كل هذي السنوات وانتي بهل حاله .. سوده عليه كون يا حبيبت قلبي اوووف يا عمري شصاير بيج .."

صرت اباوع عليها واحجي والخنكه ببلعومي
ما كعدت بقت نايمه عفتها ما ردت تصحى وتتألم

طلعت من الغرفة ورجعت للاستقبال .. جدو كان كاعد يم وسام .. رحت سلمت عليه سلامي كان بارد ما بادلته نفس شعوري قبل ما رف كلبي عليه ولا على اي ركن او ذكرى بهذا البيت اتمنى بعد ما ادخله ابد .. جدو اخذني لحضنه وباسني ويسولف وياي ويتعذر على الي صار بس كلماته ما اثرت بيه ولا مقدار شعره شعوري جامد تجاههم

سمعت صوت لجين وهي تلغي .. دخلت عمتي ام مهند وهي لازمه باطفالي .. كمت عليها سلمت وهي فرحانه بشوفتي

كعدت يمهم شوي واشرت لوسام يرجعني للشقه .. كام وسام جدو وام مهند جلبوا بي ورادوا نبقى على الغدا بس اني ما قبلت

وسام كل هل مدة كاعد هنا ببيت جدو يعني بين قوسين العلاقات رجعت تقريبا

اني ما قبلت ابقى شكد جدو لح وأتوسل بيه بس ما قبلت
طلعت من بيت جدو

باوعت على بيت عمي ابتسمت بآلم ممزوج بكرة
لمحت وحده واكفه بل باب
باوعت زين كانت ميس ووراها هنا
سلمت على ميس بيدي بدون كلام
ما ردت اتقرب عليهم ولا اشوف هنا بس هي
واكفه وتباوعلي حسيت نضراتها مثل وحده ندمانه او تريد تحاجيني بس متردده

تجاهلتها وطلعت .. رجعت للشقة
وبعد يومين وارجع للبصرة مياسين من عرفت اني جايه وهي نايمه طلبتني ورادت اجي عليها تشوفني ما كدرت

امتنع اخذني خالو لبيتهم بعد صلاة المغرب
الحمد لله ما كان اكو احد موجود غير عمتي ام مهند

وجدوا ورضا بسسس هذول الي شفتهم اطفالي هم
عافوني وراحوا لبيت جدهم ابو مهند

دخلت على مياسين كانت نايمه بس مفتوحة
عيونها من شافتني بجت

رحت عليها بست راسها وامسح دموعها
لا اني حجيت ولا هي حجت شي

بس دموع مياسين تجري .. دخل رضا ما قبل لان تبجي
وصار يهدي بيها

اني استأذنت بعد ما تحمدت الها بل سلامة وطلعت
من الغرفة

طلعت برى البيت بل باب صار بوجهي عمو ابو مهند
استحيت اعوفه وما اسلم عليه

سلمت باستعجال وطلعت ما انطيت مجال يحجي
او يسال او يسلم عليه زين

خالو منتظرني برى بعده
صعدت ويا وانتظر اسر ولجين يجون

جابهم الي رضا ووسام
وسلموا على خالو وانطلقنا

عبالك حمل وانزاح عني ارتاحيت من طلعت
وخلصت .. بس ذكرياتي ما تفارقني ابد رجع الي كل ماضيي الأليم

رجعت للبصرة التهيت بل شغل لان تاركته
والاستاذ يشتغل على المشروع وملتهيه

بعدها عرفت من ميس ان اهلي تقريبا رجعت علاقتهم وي
بيت جدو وصارت بيناتهم اتصالات وكلام وتواصل

ما اهتميت شيصير يصير شعليه اني
تذكرت اهلي وعلاقتي بيهم شلون خربت :

بعد ما رجعولي اطفالي ورجعت للبصرة محد بيهم كلف
نفسه واتصل ولا احد حتى عمو ابو مهند

الي عرفته من ميس ان هما بعدهم يشوفوني غلط
وما متقبليني بس ام مهند تلح على مهند يرجعني

كان جواب مهند الها
"ما ارجعها ما تستاهل .. هواي تعبتني واتحملتها ودللتها وتالي تريد تنزل الطفل .. واخر شي ختمتها تبوك فلوس وتروح تكعد يم رجال غريب وتتصل بي وتتصرف من راسها بعد هذي فعلتها محت وجودي يعني ما معترفه بيه

كانت تكدر تجي وتكول يابه صوري يهددوني بيها
ويردون فلوس .. مو تروح تتصرف من راسها
ما خافت ما حسبت الي المرة الهيج ما تحترم ولا تهاب
ما اريدها ولا اريد شوفتها وبعد سدوا الموضوع لحد يفتحه وياي ولا اطلبون ارجعها تبقى غلطانه وكلشي صار من ايدها .. ولو ما اخاف ربي كان حتى اطفالي اخذتهم منها واحرمها شوفتهم .."

بعد الي وصلته الي ميس انصدمت بل كلام وفقدت الامل
كان عندي امل ان مهند يرجعني ويسامحني

كنت كل ليلة تمر عليه اكول باجر يجي باجر يرجعلي
مهند ما يتركني هو وعدني وكل يوم كان يكولي للموت ما اتركج وينه عني شبسرعه تخلى عني

شكد عانيت بعد هذي الكلمات الي نزلت عليه مثل الصاعقة
بوقتها بقيت صافنه بوجه ميس وما حجيت ولا كلمه بس تاذيت من داخلي حيل .. ومن بعدها ميس ابتعدت عنها

ما اريد اعرف اخبارهم ولا اريد توصلي اي كلام
قطعت علاقتي بل كل حتى هجران منعت ميس
تنطيها رقمي وشمس لحت عليها وانطتها

اني اول ما خابرتني حظرتها ما اريد احد ابد
خالو كعد يقنعني ارجع للجامعة بس ما قبلت لان وين
اخلي اطفالي واصلا اني الحياة كلها وكفت بعيني ما عاد الي واهس بيها .. بس شكد لح عليه حتى الشيخ محمد وكال اول ما تتخرجين تشتغلين ويانا مكانج موجود.. وزوجته تبرعت ان هي اداري اطفالي بوقت الدوام وفعلا داومت وهي اتولت مسؤولية الاطفال كانت حتى وقت الامتحانات تخليهم عندها بليل كلش توديهم الي .. مراتٍ اضوج بس تعودت ومضطره هيج اسوي

اما اهلي فـ نفس كلام مهند بعدهم يشوفوني غلط
وبابا يشوفني اني الي تسببت بدمار علاقته وي اهله
بس اختي نور تتواصل وياي ووسام هم ما تركني كل ما تصيرله فرصه يجي عندي يبقى اسبوع اكثر ويرجع
اني هم لو متصلين عليه او طالبيني مستحيل احجي وياهم وانسى شسوو بيه .. حقدت على الدنيا كلها

صدمة .. بعد صدمة .. بعد صدمة ...
انصدمت بل كل بل اول بمهند وشكه وطعنه بيه
وبعدها باهلي الي يشوفوني غلط واتخلوا عني واني كنت
بامس الحاجة الهم .. وانصدمت بهنا وخباثتها حتى بعد ما انطعن بيه بقت تكرهني وتريد اذيتي وانصدمت بـ عمو الي كان يكولي انتي بنتي الخامسة .قصص وروايات عراقية كرار صلاح. و صدمتي باختي وصديقتي شجن الي تسببت بكل هذا الخراب هي الي طعنتني قبل الكل ودمرت حياتي وتركتني رماد بسببها انكشفت الاقنعة وعرفت طينت ناسي .. لا والله مو بس ناسي عرفت البشر شنو وعرفت محد يدوم ولا احد يبقى مثل ما هو .. هي هاي الحياة .. واخر شي الصدمة القويه هي اهلي عمامي وابو اطفالي كلهم تخلوا عني وتركوني محد كلف نفسه يسال عني ابد ولا احد وكفلي حتى وان كنت خطا بس انا مو نبي ولا ملاك اني بنت حواء وادم مو معصومة الانبياء غلطوا مع الرب وسامحهم واحاطهم بعطفه ورحمته اني بشر غلطت بحق نفسي مو بحق احد وهيج الكل وكف ضدي الكل حاربني .. منعوا حتى مياسين من ان تتواصل وياي

انا بعد كل هذي الصدمات .. صرت ما اهتم لاحد ولا
اتقرب لاي شخص لا بل جامعه ولا بل بيت

ابعدت الكل عني .. وبعدت حالي عنهم
صدمات خلتني اعرف الناس صح واشوف الدنيا صح

علمتني اكون انانية وما احب اله نفسي واطفالي
تركت اهلي بزعلهم وما حاولت ابرر الهم او اطلب عطف وحنان وعفوا تركت الامور مثل ما هي ومضيت بحياتي الي رسمتها انتشلت نفسي من ضعفي من خراب حياتي اتكأت على نفسي وكمت رممت دماري بنفسي ما طلبت من احد شي ولا انتكلت على احد كان ربي هو الي ميسر دربي ومنور طريقي هو الي استمع الي وسامحني كنت مؤمنه بانو الرب سامح وعفى عني لانو كان بكل مره يمهد طريقي ويقدمني للافضل ..

كان مصرفي على الفندق مال اهلي بس بعد ما اشتغلت
بشركة خالو ما صرت اخذهم لان مو بحاجتهم

من غير مصروف اولادي كان على ابوهم يدزه بيد
مهيمن وكان كل شهرين ياخذهم مني اسبوع ويرجعهم

ومن صرت اسافر اتركهم عندهم واسافر .. اول سفره الي كانت لعمان بوقتها سمعت ان صايره مشكلة بسببي ومخابرين وسام تعال شوف اختك صارت تلعب بكيفها وتسافر وتطلع .. بوقتها وسام عاركهم وخالي كذلك لان هو وياي وما مسافره لوحدي عاد سكتوا

سمعت بهـنا تزوجت ليث هو من قبل كان رايدها بس منتظرين تخلص دراستها ومن خلصت صارت تماطل
وتاجل لحد ما لوحدها اقتنعت ووافقت

يتبع............

قصه جريئة لفتاة تتعرض للتحرش و.............


#الــبــارت 37

‏" كيف يُمكننا أن نُقنع عقولنا أنّ اللّيل خُلق للنّوم لا للتفكير ".

بعد ما دخلت لبيتهم تذكرت حالي وعادت الي كل الذكريات
بس ابد ما حسيت بحنين للماضي احس قلبي صار قاسي الزمن كان كفيل بقسوة قلبي كان كل يوم يمر عليه احقد عليهم بس ابد ما اتمنى الهم الشر بس بنفس الوقت ما اريدهم

عساهم بخير بس بعيد عني .. كنت منومة اطفالي والشتاء
حيبدي كنت ما نعسانه وافكر واتذكر الماضي .. رحت على
كنتوري فتحته كان عندي صندوق صغير مجمعه بي بعض
الذكريات القديمة وكان من ضمن الذكريات تلفوني الي تهددت بي بصوري .. من ذاك اليوم اخذته من وسام
وضميته ما فتحته بس فسخته وضميته بي كثير صور وذكريات قديمه حتى خطي القديم بي

اخذته خليته على الشحن وكاعده على مكتبي صافنه بي
ومنتظرته يشحن ما كان مجرد تلفون كان بالنسبة الي
حياتي القديمة بي ذكرياتي ويشهد على ظلمي اني
اشوف نفسي انظلمت بس هما يشوفوني ظالمه

بعد نصف ساعة او اكثر فتح .. فتحته وقلبي يعصرني دخلت على المعرض اتصفح بل صور القديمة
صوري صور لمهند وصور لعمو وعمتي كنت
حتى من نكعد العصر ونشرب جاي ونسولف
اخذ الهم صوره وكاني اعرف حيجي يوم
يتركوني ويتخلون عني .. صور بيبي
صور جدو صور اني ومهند شكددد ماخذه ولهنا

وصور اني وشجن ومجموعتنا القديمه اباوع بصور
شجن ما كنت متصورة يجي يوم وهيج اسوي بيه

شعور يموت قهر ..
من تتصفح بل صور القديمة .. من اشوف اهلك وناسك واصدقائك معك بالصورة تتذكر شوكت اخذتها تتذكر اليوم الي كنتوا سويه والفرحة ماليه قلبكم ومتونسين بوجود بعض
يوم كانت المحبة والمودة ماليه قلوبكم

طلعت من المعرض ودخلت للمحادثات قريت كل الكلام
بيني وبين شجن وبيني وبين المجموعات وحتى وي هنا
كنت مرات حتى واني بغرفتي وهي بغرفتها اراسلها واحجي وياها ما كنت متصورة يجي يوم وهيج تتغير النفوس هيج تتغير حياتنا وتنملي غل وحقد وكره تجاه بعض يوم نتمنى الشر لبعض ما نحب الخير لبعضنا

كنت اقرا واتبسم واتذكر شكد كانت نفوسنا طاهره ونقيه
ووحدة تحب الثانيه واسرارنا سويه وما هيج حالتنا منو كان يعتقد هيج يصير بعدين ما متوقعه هل شي ابد

بعدها انتقلت لمحادثاتي وي مهند وقت الدوام او من يطلع
اقرا واتذكر كلامه وغزله وحبه الي كان يغمرني بي ما كان
منقص عليه شي .. اني الي خسرته بغباء من غير قصد اعترف من شفت الرسائل وتذكرت حياتي ويا اكتشفت

كنت غلط وتصرفت غلط وتندمت على اغلاطي بس بعد
هذا هو كلشي مر وانتهى صفحتي انطوت مع هذول البشر

ماكو خط رجعه بعد فقط اطفالي هما الشي الوحيد الي
يربطني بيهم .. واله اني لولا وجودهم يمكن من اول ما اطلكت سافرت على امريكا واترك مو بس عائلتي القديمه
لا حتى عراقي الي ترعرعت بي

فززني صوت الاذان على تلفوني .. صليت على محمد
وكمت اصلي .. صليت وكملت

صرت اكول لنفسي واني احس الغصه ببلعومي واكفه
حياتي القديمة انتهت .. انتهت من قبل سنوات عده
واني بديت حياة جديدة مع ناس جدد ..وبمكان جديد ..
وهذي الصور والمحادثات صارت مجرد ذكريات

بس هل شي يخنك ويموت .. من تحن لاهلك وناسك
بس ما تكدر تشوفهم بس بل صور ...

قفلة الجهاز ورجعته لمكانة .. نمت بتعب بعد ما
استرجعت الذكريات كانت ليلة متعبة وصعبة بعد ما

اجتازيتهم وتجاوزتهم.. هل ليله خلتني واكفه عندهم

اختاريت ان اقطع سلسلة افكاري وذكريات الماضي
وانام وامحي هل ليلة من مخي ..
مشت الايام واني ملتهيه بحياتي وعملي
مياسين تحسنت وصارت احسن من قبل وراح تباشر

بل تجميل علمود آثار الحروق ووسام اقترح عليهم ياخذوها لإيران وفعلا سمعت ديجهزون بجوازهم ووضعهم ووضع اطفالهم .. اني بعد زيارتي الهم ما حبيت ارجع علاقتي بقيت نفس ما اني وبعد ما اطمنت على مياسين رجعت قطعت علاقتي بيهم ولاخبارهم .. بس مهيمن من يجي ياخذ

اسر ولجين ويا بس هم ما اشوفه ولا اسمحله يلمحني
كان الجو باااارد واني ملفلفه اطفالي وكاعدين كدام الصوبه

كنت اقص اضافرهم واسر موتني كل شوي يبعد ايده
يخاف لا اعوره
لجين "ماما .."
رديت عليها "ها ماما .."
لجين "سحيح لاح تسافلين.."
ابتسمت "ايي ماما وانتو راح ترحون لبيت بابا هناك يم بيبي .." قصص وروايات عراقية كرار صلاح
ضحكت هي واسر ".. تعالي هناك ويانا بيبي حبابه وتحبششش هواي تسال عليششش.."

سكتت عنها وكملت اسر .. كومتهم لحتى يفرشون
اسنانهم وينامون .. نومتهم ولجين كل شوي تسال راح تسافرين ونفس الاجابة موتتني ضحك

نامت واني كنت احظر بملابسي واخليهم بالجنطه
بعد يومين واسافر باجر يجي مهيمن ياخذهم لبيت جدهم

واني اسافر حظرت ملابسهم وملابسي وجهزت كل شي
ثاني يوم اخذتهم على بيت خالو وطلعت للشغل

كملت ورجعت لبيتي كان وحش بدوندهم كانو منورين
البيت .. عزلت البيت وكعدت على التلفزيون اباوع افلام كارتون ابتسمت على حالي وتذكرت اطفالي لو موجودين
كانو صرعوا الدنيا بل سوالف والضحك

كان يوم يمشي ببطء وملل كبير .. باجر اسافر للامارات
نمت من ساعه ٨ من اليل صليت ونمت حتى ما تعشيت

كعدت من ساعة اربعه الفجر جهزت نفسي
وتريكت وكعدت انتضر خالو يجي عليه

اجا وانطلقنا .. سافرت للامارات وباشرت بعملي هناك
وكل يوم اتصل بميس اطمن على اطفالي واحجي وياهم
واسده منها .. كانت هذي السفره طويله ومتعبه بالنسبه الي

بقيت ٣ اشهر هناك مره هم اضطريت ابقى ٥ اشهر
وطكت روحي على اطفالي لحد ما رجعت

كملت شغلي ورجعت للشقه خالو كان طالع وما رجع
اني تعبانه ما بيه اطلع اني بل عادة من اجي لهنا اخلصها شغل وونسه ما اخلي مكان يعتب عليه بس هل مره تعبانه

كعدت بل شقه وخابرت على ميس
"الو هلو ميس شلونج شلون اسر ولجين .."
ردت "هلو شام حبيبي الحمد لله بخير تعرفين اهلج بل عراق .."
احس صار بيه خفقان رديت وصوتي رجف "لا ما اعرف شوكت رجعوا .."
ردت .." صارلهم اسبوع هنا .."
رديت "همممم يله باي اروح .."
ميس "وووو شنو ضجتي شو حتى على اطفالج ما تسالين صارلج اسبوعين مقطوعه اخبارج صاير شي وياج .."
رديت "لا مو صاير شي بس هل ايام تعبانه كلش .."
ردت "بس لا مريضه ولج .."
رديت بقلة صبر "ما بيه اله كل خير يله اودعناكم ديري بالج على اسر ولجين حبيبي.."
ردت "بعيوني .."

سديته واحس قلبي يعصرني من هل خبر
صار شكد ما شايفتهم ولا مسولفه وياهم اووووه مرت
فترة طويله واني مقاطعة الكل .. اكذب اذا اكول ما مشتاقه الهم يبقون اهلي مهما كان

حسيت نفسي صرت خامله وتمرضت حتى شغل ما بيه
اشتغل .. كملت كل شغلي هنا وصار موعد الرجوع للعراق

رجعت لبغداد .. ونفس كل مره كبل للشقه مال استاذ محمد
نمت بيها وخالي كذلك نام من التعب

كعدني ثاني يوم ساعه عشره الصبح ..
عثمان "يله خالو كومي اخذج تشوفين اهلج .."
كمت غسلت وجهي بدون كلام

وهو كان يجهز الريوك.. خدر الجاي
وكعدت ويا اكل .. سكتت ما رديت عليه بس ما ببالي اروح

عثمان .."شام خالو ليش ما تحجين .."
تنهدت "خالو فدوه تعفيني ما اروح لهناك ولا اريد اشوف احد لا تكول اهلج .. اهلي اول الناس الي وكفوا ضدي وما ساندوني .. لا تطلب مني احن الهم او اسامح .. من ذاك اليوم ولحد الان محد بيهم كلف نفسه واتصل عليه او سال عني تركوني وتخلوا عني واني بامس الحاجة الهم .. اني غلطت واعترف غلطي كان كبير بس اني مو نبي ولا معصومه عن الخطا كلنا نغلط وكلنا نزل بس مو هيج يقاطعوني سنين ويتركوني مثل الجلب حتى من ولدت محد كلف نفسه واجا عليه تذكر حالي تتذكر شصار بيه تتذكر رجلي الي انشلت
تتذكر شكد عانيت ولوحدي .. الله عاقبني وغفرلي انتو منو حتى ما تغفرون وتنسون .. اني استحق الغفران .. لاني ما اذيت احد اذيت نفسي .. ابوي ذب كل اللوم براسي ويكول هي سبب خرابي وي اهلي واخوتي .. دامني هيج بنظرهم خليني بعيده خليني مرتاحة .. تعذرني خالي هل مره ما اسمع كلامك اني احبك واحترمك بس ابد لا تطلب مني هل شي .."

كلت كل الكلام الي بداخلي .. وكمت عن الاكل احس
تسممت من الصبح بذكرهم

خالو سكت حسيته انقهر عليه .. وصار يتوسل ارجع
اكل بس حتى اكل ما اشتهي من تذكرت الماضي

كنت احجي وصوتي يرجف واحس العبره خانكتني
برطمت ردت ابجي بس سيطرت على حالي

خالو اخذ نفس وتركني .. راح لبس وعدل نفسه
واخذ الهدايا الهم وراح .. انتظرت رجوع اطفالي بفارغ الصبر شتاقيت الهم .. ردت اطلع اشتريلهم اكل من برى بس السيارة اخذها خالي .. كعدت انضف بل شقه ولو هي نضيفه

بس ردت اقضي وقتي .. صارت ساعه ١٢ ونص وخالو
ماكو. انتظرت انتظرت ماكو ردت اخابر بس ترددت

صارت ساعه ٢ سمعت الباب يندك .. استغربت
لان خالو ما يدك الباب .. عنده نسخه من المفتاح ..

اخذت شال وخليته على راسي وطلعت صحت منو
اجاني صوت رجولي .."اني فتحي الباب .." ما عرفت الصوت المن بس استغربت منو هذا

فتحت الباب بتردد .. كان شاب يطلع عمره ٢٠سنه
اكثر اقل ما اعرف بس كانو شايفته مو غريبه ملامحه عليه

هو هم صفن عليه وبعدها انتبهت وسام واكف ورا
ابتسمت وعرفت هذا منو .. دخل جوه للبيت وصرنا نتبادل السلام دخلتهم للصاله
احمد "شام ما عرفتيني .."
ابتسمت "شلون ما اعرفك يا روح اختك .. بس والله استغربتك بل اول لو ما شايفه صورك كان ما عرفتك صاير صاك ولك وكبران فدوه لهل طول الحلو .."
رد بابتسامه "ما جنت اعرف عندي اخت لسانها عسل .."

رديت وتغيرت ملامحي .."طبعا ما تعرف اذا انتو محد بيكم كلف نفسه وشال تلفون واتصل او سال .. بس وسام يسال ويخابر عبالك مكطوعه من شجره .."

حسيته انحرج وسكت
وسام "عيني شامه على كيفج وي الولد اكلتي وشربتي
تعالي كعدي يمي اريد احجي وياج بموضوع .."

عرفت عليمن يريد يحجي
حاولت اتهرب وغيرت الموضوع "خليني اجيب ماي .."

رحت للثلاجه فارغه وما بيها اي شي
بس الماي .. خليت القوري على النار واخذت ماي ودخلت للصاله قصص وروايات عراقية كرار صلاح
وسام اخذ الماي من ايدي وكعدني بصفه .."شام انتي تعرفين كلش زين ليش اجيت لهنا وعليمن جاي .."
هزيت راسي بايجاب ...

رد "كلش زين .. شوفي عيني .. لهنا وبس خلينا نبدي صفحه جديده ونسامح ونعفي .. كافي بعد وواحد شايل على الثاني الحياة يراد الها تنازل .. تجاوزي كل الي صار وبادري انتي والله من تبادرين هما راح يندمون على الي صار ويعرفون قيمتج .."

رديت "ما ابادر ولا اريد احد يعرف قمتي ولا اريد شي من احد اني ما عتبت على احد ولا اريد شي منكم بس عوفوني بحالي .. هما ما يردوني ولا متقبليني .. حتى من كنت تلح اسافر لامريكا وتكول ابوي يريدج كان كذب واعرف كلش زين هذا كلامك انت مو كلام ابوي .. وسام كلبي ما يريدهم لا تجبرني ولا تلح ما اريد اجرح بل كلام خليني ساكته .."

اخذ نفس ورد "الح وما اسمع اي رفض منج .. كومي لبسي وامشي بوسي راسهم واعتذري منهم .."

رديت بعصبيه "ما اروح ولا اعتذر لاحد صح غلطت بس هما رجعولي الصاع صاعين وصدموني بحقيقتهم وتخلوا عني ما اسامح ولا كلبي يبرد منهم وما اعتذر لاحد مااااشي .. "

رد وسام بصياح وهذي اول مره يصيح بوجهي "كااااافييي شاااام هواااي تحملللت عناااادددج .. لججج اهللللج اهلج هذووول تناااازلييي وصيررري احسسسن منهم مووو تقرررين قررران مووو تصللييين .. ربج مو ربط رضا الله برضاء الوالديييين مو قاررررن العبادة ببر الوالدين ..
هذول اهلللج يااا شااام مو مهند ولا عمج حرام عللليج والله
.."

رديت بهدوء .." حرام عليهم هما .."
فتح عيونه بكل وسعهم وصار عصبي .."وحق الله اذا ما اجيتي وياي و سويتي الي اريده بعد يا شام تخسريني اني هم .."

رديت .." روح الله وياك .."
احمد .."شنو السالفة شام كولي يا الله يله كومي حبيبتي
لا تعاندين احنا لمصلحتج نسوي هيج .. وسام على كيفك وياها مو هيج .. يله شام ننتظرج برى .."

وسام صار عصبي بس سكت حسيته تفاجا من كلتله
الله وياك .. كمت لخاطرهم ..

سبحت ولبست احلى لبس عندي ومكيجت .. وعطرت
شتلتهم ساعه ونص .. بس حظرت نفسي على اخر حبايه

اخذت جطتي و تلفوني وطلعنا سويه لبيت جدو
كان قلبي يعصرني وما مستعدة لهل لقاء ابد ما مهيئه وضعي

بس اضطريت بعد .. كنت اتوقع راح اخذ
اطفالي وارجع للبصره بس وسام جبرني وخلاني امام الامر الواقع

وصلنا لو احس كلبي انمرد مرد .. دخلنا للحديقه
و رضا تلكانه كان يرش بل حديقه بهل ضهريه ولو هي شتا

دخلنا للبيت وهو يسلم ويسال
اول ما فتت كانت مياسين تغسل الطارمه اجت عليه

مياسين .."ياااا هلااا والله عااااش من شافج بذاته بعد ما سالتي على اخيتج مع الاسف عليج .."

سلمت عليها ودخلت جوه
كانت اصواتهم واضحه ملتمين بل صاله مثل جمعات قبل

غمضت عيوني واني متردده ادخل واشوفهم
ندسني وسام .."يله شام دخلي .."

اول ما دخلت باوعت على الكل .." السلام عليكم .."
كانوا اهلي موجودين وبيت عمي ابو مهند وعمي ابو رضا وجدو وخالو وميس ايضا موجوده بس اطفالي ماكو دورت بعيوني ماكو بل صاله استغربت لان حتى عمتي هنا

اول وحده عمتي ام مهند كامت عليه وسلمت .. اوووف شكد حنينه هل مره ماكو مثلها ابد .. بعدها اخواتي اجوا سلموا عليه كانو كبرانين ومتغيرين حيل زين من ميزتهم

رحت لعمو ابو مهند بست راسه وكمت .. بابا كان كاعد بصفه وداير وجه مني وامي كاعده كباله وهم ما تباوع بوجهي حسيت اني ما مرحب بيه هنا ابد .. بس وسام جبرني

اخذت نفس وجريت ايد بابا بستها .. وبست راسه بس هو ولا كانو عمو ابو مهند صار يحجي عليه وما قبل لان هيج سوه ومتجاهلني اني العبره خنكتني بس ما بينت عفته ورحت لماما .. امي اول ما شافتني بجت وكامت اخذتني لحضنها

بعد ما شفت ابوي هيج عبالك احساسي تجمد وما عدت
مثل اول ما حسيت بشي تجاههم ولا اي شعور كانو ناس غرب عني بس الم بصدري قوي ومخنوكه وصفصفت من الي صار ما استوعبت ابوي الي كان يفتحلي اديه بكل وقت كان ما يحب يشوفني زعلانه ولا يحب احد يزعلني كنت المفضلة عند بابا او المفضله عند الجميع اما هسه اختلف كلشي تبدلت النفوس ما عادت راضية عن بعض ما عادت اكو محنه بقلوبهم معقوله بعد كل هل سنين والبعد والفراق من شافني ما حن الي معقوله شوفتي ما اثرت بي صح ما كنت اريد اشوفهم بس كنت متوقعه لقائهم الي مو هل شكل ما كنت متوقعه هيج ابد

ابتعدت عن ماما وجدو يكلي تعالي كعدي يمي
عفتها ورحت لجدو كعدت على القنفات

رجعوا يسولفون وما مهتمين الي ابد وسام يباوعلي
حسيته انقهر عليه .. وبل فعل موقفي بقهر ويفشل

موقفي كان ابد مو حلو .. سيطرت على حالي
ورجعت اتزنت سالت عمتي .." عمه وين اسر ولجين شو ماكو من طبيت ولسا ما شفتهم .."

الكل التفت الي من حجيت وبعدها كملوا كلامهم
وي خالو

ردت "اخذهم مهند للاسواق يشتريلهم .."
سكتت ولزمت تلفوني ردت التهي بي وما اباوع بوجه احد

كان وجودي ما مرحب بي ابد .. حسيت جيتي لهنا كانت غلط .. كان غلط مني تنازلت وسمعت لوسام .. بس كلت لنفسي اني حق العليه سويته حتى كدام ربي ما اتحاسب

شبكه ماكو صرت اطب برنامج واطلع من الثاني
واصلا كل بالي مو يم الفون

اجت نور كعدت يمي وتسال عن حالي وعن الامارات
نور "شام امنيتي ازور الامارات .."
رديت "احووووي واني امنيتي ازور امريكا .."
ردت "تعالي عندنا فتره والله لونسج احلى ونسه .."

رديت بضحك "لا عيني ما اريد اني ما مرحب بيه بيناتكم ابد خليني بمكاني افضل الي والكم .. ما احب افشل نفسي واحرجكم بوجودي الغلط بينكم .."

بابا كان قريب من عندنا واني صوتي عليته لحتى يسمعني
حسيته انتبه الي بس غلس

"السلام عليكم .."
رفعت راسي كان مهند واطفالي .. حسيته انصدم بوجودي وما كان عنده علم اني هنا بس بلعها اني رديت السلام وباوعت لاسر ولجين

اسر ولجين .." هيييي ماااماااا اجتتت مااامااا .."

اجو عليه يركضون .. ردت روحي بشوفتهم
فتحت اديه وابتسمت .. اخذتهم بحضني واشم بيهم

شام "يمااااييي افيييييش ولكم شتاقيت لكتاكيتي الحلوووين .." قصص وروايات عراقية كرار صلاح
اسر وخر من حضني وباوع عليه وبرطم شفايفه
ردت ابجي ويا
باوعتله بقهر "شبيك ماما حبيبي .."
بجه بصوت خليته على كلبي وامسد براسه .. اسر مستحيل ارجع من السفر وما يكابلني ويبجي .. يبقى يباوع على وجهي ويبجي اتمنى اعرف شنو بداخله شيحس وليش هيج ينظرلي

ولجين تباوع علينه حسيتها غارت لان عفتها وشبكت اخوها
ابتسمت بوجها نور اخذتها وتسولف وياها وتباوع عليه

اصلا البيت كله صافن عليه وعلى اسر حتى مهند بعده واكف بمكانه بل باب

اسر يحجي ويناشغ "ماما اني احبج بعد لا تعوفيني وترحين ماما .."

انقهرت عليه .." حبيب امك غير شغل .. شو باوعلي لا تبجي يا بطل .." احجي وامسح بدموعه

سكت وضحك "صايره حلوه .."
ضحكت "يمااا فدوه لحلكك .. خجلتني وانت هم صاير حلو حبيبي اشتاقيت الك .."

راد يبجي "هششش كافي حبيبي .."
ابو مهند .."اكعد مهند ليش واكف .."

بعد ما سكت اسر كلها رجعت تسولف واني التهيت باسر اسولف ويا وهو يسالني شجبتيلي ويريد اطلعه متعودين كل ما اجي من السفر اخذهم واطلعهم وافرفرهم ببغداد ..

لجين عافت خالتها واجت عليه "ماما اليدج اني هم .."
ابتسمت .." تعالي .."

خبلوني كل شوي واحد كاعد بحضني ويباوع بوجهي ويسولفون دوخوني حيل واني منتظره هل يوم يخلص واروح منا بفارغ الصبر .. انتبهت لمهند يشرب بل جاي ويباوع عليه ما اهتميت اله ابد ودرت وجهي عنه

اجت مياسين كعدت يم امي وعمتي ام مهند
كانوا النسوان مسويلهم لمه يم الباب ومنزويات ويسولفن
والزلم سويه .. مياسين لان خالو موجود ما كدرت تجي لعندي اشرتلي اروح يمها .. ترددت بس كمت وكعدت يمها بل كاع وتربعت

مياسين "ولج والله طاك كلبي عليج .."
ابتسمت وما رديت

رجعت حجت "شبيج شام شو احسج مو مثل قبل وياي شنو نسيتي اني منو .."
اخذت نفس "لا ما نسيت انتي مياسين الورده الطاهر النقيه انتي مياسين اخت شام .. بس الي تغير هسه هو ما عدت شام القديمه .. صرت شام جديده وهذا الشي يطلب ابعد عن الكل ما اريد ارجع الكم وارجع لعلاقاتي وياكم .. احبج وما انسى وكفاتج وياي ابد بس .."

سكتت وهي حسيتها انغثت مني وبعد ما حجت
ضجت من نفسي ما كان لازم احاجيها بهل شكل
بس تعودت اكون فضه مع الكل واتعامل بحديه وياهم

امي ساكته وتباوعلي بحسره بس كنت ابعد نضري عنها
كانت للصاله ضجه وكلها تحجي وتسولف دخت اني من ارجع من السفر اخلصها نعسانه وتعبانه اريد بس انام وارتاح بس اليوم طلعتلي سالفه صفح انتضر احد يكوم وسام خالو لحتى ارجع للشقه

كاعده وصافنه محد حجه وياي حتى عمتي ملتهيه تسولف وي ماما والبنات .. اني اي حديث ما شاركت بي

شفت خالو كام كيفت وكمت ويا عمو وبابا يطلبون منه يبقى على العشى بس هو ما قبل كال الهم تعبان وباجر ورا طريق

باوعلي "شام خالو تجين .."
اخذت جنطتي وتلفوني "ايي خالو يله .."

بابا خزرني ما اعرف ليش بس سكت وما علق
عمو وجدو يلحون عليه ابقى
عمو ابو مهند "ابقي اليوم بابا .." ابتسمت على كلمه بابا
ورديت "لا عمو تسلم والله تعبانه وبس اريد انام .."
رد عليه جدو "ايي ابقي هنا باتي شوفي اهلج اخياتج.."
رديت "شفتهم جدو واصلا عندي شغل وباجر من الصبح نرجع للبصره .."
ردت ماما "اخذي اجازه هل ايام وابقي يمنه قابل احنا شكد نبقى هنا .."
تضايقت من هل الحاح
ورديت "لا ما اخذ اجازه عندي شغل كومه وبس اخذ اجازه يتراكم عليه .."
رد خالو "شام ابقي اني احجي وي استاذ محمد .."
باوعت لخالو رافعه حاجبي "شكرا خالو بس اني اريد ارجع .."

احمد "شهل عنااااد يااااابه ولج علعلتيناااا والله .."
رد وسام " روح خالو شام تبقى والبليل اني اجيبها الك .."

تضايقت بس ما كدرت اجادل اكثر طلع خالو وهما ورا
انعصر كلبي ورجعت كعدت بمكاني شكد ضجت من وراهم بقيت هنا هسه على اساس مقلديلي ..

اجت نور يمي كعدت .. "ولج شبيها مياسين شو ما تدنى عليج .."

رديت "زعلت مني .."
اباوع على مياسين دايره وجها مني وما تباوع عليه

باوعت على ايدها بعدها بيها تشوه من الحرك
انمرد كلبي من شفتها كمت كعدت بصفها واعتذرت منها وهي بسرعه رجعت طبيعيه خجلت من نفسي لان هي مو مثلي وما حقدت عليه ..صارت ساعه ٥ العصر والجو كان شتا وبارد اليل بدا يطل علينا .. وهنا بدت العائلات تتجمع ببيت جدو لان سمعوا بوجودي

اجن بنات عمي كلهن والجناين ونسوان العم
التموا والسلام والاسئلة ما تخلص احس راسي صار هلكبره دخت عليمن اركز والمن اسمع .. صار وقت الصلاة والكل كام يحضر للصلاة وناس تحضر الاكل لان تجمعوا هنا

نص الاكل كان من برى ونص بل بيت .. اني كمت
صليت بغرفة مياسين واسر ولجين كاعدين كبالي ما فارقوني من اجيت ولسا .. كملت الصلاة وعدلت نفسي كدام المرايا وطلعت ردت ادخل للمطبخ بس ترددت

ابتسمت بسخرية صرت غريبه عن اهلي
واستحي ادخل واطلع بكيفي صرت احس نفسي خطار هنا وهو كذلك

كعدت بل صاله الزغيره والنسوان كاعدات ويسولفن يماااي ولا تعبن كرررركرررركررركرر

انسطرت سطر منهم نوب ما ينطن مجال ما يجرن نفس
قدموا السفره وكعدت صرت انقش ما اشتهي اكلهم ابد حتى نفسي ما تريده اريد بس اخلص واطلع منا صافنه بل اكل وافكر واكول لنفسي.." يا ترى شلون يشوفوني هسه يمكن صدك يضحكن بوجهي ويجاملني بس بداخلهم يكولون هذي شام بيوم كذا باكت فلوس واتهددت بصورها وانضربت وانهانت وزوجها تهمها بشرفها .. صارت عار على زوجها وابو اولادها .."

صفنت على كلمه عار واكول لنفسي "يا خوفج يا شام لا يكبرون اطفالج ويعيروهم بامهم ويكولون باكت .."

حصرتني العبره من هذي الفكرة تزقنبت وكمت غسلت وكعدت واسر ولجين يمي يسولفون وياي وبالي مو يمهم ابد

خلصن الاكل ويشيلن بل صحون اني ما شاركت بشي
ابد بقيت كاعده .. كامن النسوان بل صاله اني ما ردت اروح لان مهند موجود وبابا هم ما اريد احتك بيهم ولا باي شكل من الاشكال

بس اضطريت لان كلها راحت هناك وماما صاحتني
كعدت بل كاع وراسي يفترررر من الدوخه والنعاس صرت اتثاوب وتعبانه كلش .. باوعت لوسام ملتهي يسولف وي بابًا وعمو

اخذت تلفوني ودزيت مسج "وسام تعبانه ونعساااانه كلش يله اريد اروح والله بعد ما بيه حيل .."

وصل المسج هو فتحه ويحجي وي بابا
نوب باوعلي بعد ما قرا واشرلي بمعنى اصبري

سكتت عنه .. شوي ودخلت هنا .. هذي اكثر. انسانه
ما اريد اشوفها تنرفززززت كلش من شوفتها

اجت عليه وسلمت كان سلامي بااارد وبسرعه ابتعدت
عنها هي حست بيه ووخرت وكعدت

نوب دخل مهيمن ما اعرف وين كان من شافني ابتسم
"ياااا هلااا بشام والله شلونج خويه .."
رديت "هلاو بيك الحمد لله بالف خير انت شلونك اخبارك .."

رد "اخباري كلها تمام .. وانتي يا بذاته لا تسالين لا تخليني اشوفج شارده مني.. انتي حيل تغيرتي علينا ولج .."

رديت بضحك "ياخي الفلوس تغير النفوس واني بعد ما صار عندي فلوس تغيرت الوحدي بدون اي سببب مو صح .."

وسام "يله شام كومي .."قصص وروايات عراقية كرار صلاح
كمت لحيلي واخذت تلفوني والجنطه عبالك اجاني الفرج

امي "ولج دضل اليوم مو كلبي طاك عليج .."
ابتسمت بسخريه "هياني يمج ما شفت منج شي من الضهر ولسا واني هنا .. "

كلها سكتت وتباوعلي
التفتت لاطفالي "يله ماما .."
حجت عمتي "وين ماخذتهم يا امي حتى ما محضرين غراضهم .."

رديت بعدم اهتمام "خليهم بعدين ما طايرات .."
جدو خبص الدنيا ابقي ولا ترحين ويحلفني بروح بيبي

صعدت الحراره براسي من عندهم اشرت لوسام يحجي شي لان طلعت روحي منهم ومن الملحه الزايده

وسام طبك وياهم ابقي واخذي اجازه
اني ماكو عاندت وردت ارجع

اخر شي عاط بيه بابا "ابقققققيييي هناااا وكاااافييي .."

بعد ما زمخ بيه بابا سكتت وبعدها حجيت
"غراضي كلهم بل شقه .."
رد وسام "هسه اروح اجيبهم الج .."
رديت "اروح وياك لان ما تعرفهم .."

كلت اروح هناك وما ارجع بعد ..
كمت ولزمت اطفالي حجه بابا
"تعالي جدو لجين .."
عافتني وراحت بحضن بابا خلاها بحضنه ويبوس بيها

انتظرت تجي بس بابا كان قصده حتى ما اروح
فهم اني اريد اكذب عليهم وارجع للبصره

استسلمت واخذت اسر وياي ووسام اخذني
للشقة

يتبع.............

قصه جريئة لفتاة تتعرض للتحرش و.............


#البارت 38


اخذني وسام للشقة كلتله
"ارجع وسام للبيت باجر تعال عليه .."

تنهد"شلج بهل حجي خويه .. جيبي جنطتج وتعالي خالي يطلع من الفجر شلون تبقين لوحدج ما اخليج يله كدامي .."

تحسرت "ويللللييي يا وسام طلعت روحي من هل ملحه
ليش هيج تجبروني وانت توقعت توكف وياي تالي طبكت وياهم .. وسام انت اكثر واحد تعرف اني اجيت مجبورا فليش هيج تسوي .. شفت شلون تعامل وياي بابا شفته شسوا وشلون فشلني شفت مو كلتلك ما حاجه تشوفوني .."
من حجيت هيج برطمت شفافي والدموع ترست عيوني
احس العبره راح تطلع من عيوني...

رد "كافي شام كافي لخاطر الله
عوفي هل كلام وبعدين ابوي لو ما رايدج ما كان كال ابقي هنا ترى هو الي رادج تبقين مو غيره .. يله حبيبت كلبي جيبي ملابسج وتعالي شوفي امج خواتج هو احنا ما باقين هواي فلا تعوفينا وترجعين للبصره وحق ربج شوي شوي الكلوب تتصافى ما تبقى هيج .."

رديت "باجر اجي والله وسام كافي لا تلح قابل طايره ولجين ديروا بالكم عليها .."

اقتنع وسكت اني نزلت ودخلت للشقه
كان خالو نايمه خطيه تعبان اني بدلت ونمت كبل

واسر وياي ما خليته يرجع وي خاله
ثاني يوم كعدت من ساعه سبعه الصبح على صوت الباب

غسلت وفتحته كان وسام دخل للشقه وسد الباب
"صباح الخير .."
رديت "صباح النور .."
رد "يله خويه جيبي ابنج ونطلع .."
ضيقت عيوني "وين وشكو من الصباحيات جاي عليه .."
رد "ما تبقين هنا لوحدج اخاف عليج .."
باوعت صفح "ما اني عايشة لوحدي شنو الي تغير هسه .."

"شكددد تحجييين يللله لبسي اي شي وتعالي
خلينا نتريك بل بيت سويه ما دام العائلة كلها موجودة كلتلهم ينتظروج لحتى نتجمع .."

"هففففف هسه عليمن هل هوسه هاي خلوني براحتي والله طلعتوا روحي .."قصص وروايات عراقية كرار صلاح
رحت لبست وانطيته غراضي وشلت اسر
ما ردت اكعده انقهرت عليه اخذته من الدفوا لبرى البيت

لفيته وطلعته واني شايلته
صعدت بل صدر واباوع لوسام يخلي بل جنط
بل صندوق.. صفنت بملامح اسر .. شكد بريء ونقي شكد احب اباوعلهم وهما نايمين

حتى وهو نايم ينحب كزكزت عليه
صرت ابوس بي واحاول اكعده صعد وسام
"عوفي نايم خطيه .."
رديت "وين لجين نامت البارحه .."
رد "يم ابوي .. هاي الفصعونه ما ينخاف عليها .."
رديت "طبعا بعد بنت شام مو حي الله بنت .."

ابتسم "بس ما تجي بعناد شام .."
سكتت والنعاس بعيني كعدني من عز نومي علمود
الريوك وعلمود نتجمع والله يا الله شلون تفكير هسه هو عاد شلون تجمع .. كلها تستلطفني هناك

وصلنا للبيت دخل السيارة بل كراج ونزلنا
قبل لا ادخل للبيت صار بوجهي مهند وهو يطلع للدوام

ما حجه شي بس كال صباح الخير وراح
وسام رد عليه اني غلست
دخلت للبيت كانوا كاعدين ويحضرون بل ريوك
وووو نفس خبصتهم ما متغيرين ابد شكد كنت احب هل صبح خصوصا اذا شتا ونتجمع ونتريك اويييليي يا دفوا العائلة الي صرت افتقد اله .. افتقدت هيج اجواء هواي
"صباح الخير .."
الكل رد عليه

كعدت وخليت اسر بل كاع
حجه بابا "شيلي منا خلي بغرفتي بارده عليه .."
كان يحاجيني من ورا خشمه ..ما حجيت اخذته ودخلته لغرفتهم .. اباوع لـ لجين هم نايمه
على الجربايه خليت اخوها يمها وبست راسهم وابتسمت

شكد حلوين .. احس نفسي عندي شي خاص بيه
احسهم مالتي مو مال احد شكد احبهم واحب وجودهم بحياتي هما لونولي دنيتي وردوا عني الغربه الي كنت اشعر بيها

لولاهم ما كنت اعرف شنو صاير بيه حاليا
طلعت من الغرفه ووسام مخلي الجنط بل صاله وكاعد يم ابوي

كعدت واني ساكته كانت الصالة فارغه بس بابا وجدوا ووسام كاعدين .. حسيت نفسي بمدرسة ساكته

وهما هم سكتوا ويباوعون عليه حتى بابا الي البارحه كان ما يطيق يباوع بوجهي اليوم يباوعلي وحسيته يحاول يتقبلني او ما يجرحني .. اختنكت من الحجاب ونزعته وفتحت شعري

بعد ما قصيته صرت اعوفه مفتوح على طول ما احب
اربطه بابا من شاف طوله حسيته انصدم بس ما حجه

من لما كنت صغيره وهو يحذرني ما العب بشعري وما اكصه كان يحب يشوفه طويل وما يخلي امي تكص منه شبر واحد وبعدها مهند هم استلمني لا تكصي ولا تلعبين بي وهسه بعد ما ابتعدت عن الكل كصيته ونعلت ابووو الخلفه

كعدت شمرت القراصه على التخم واخذت تلفوني "وسام تعرف الرمز .."

رد الرمز الي وكعدت اتصفح
صار ٤ ايام ما فاتحه نت بجهازي

الانستا مو هواي ادخل اله بس من انشر او اتفرغ
اني على طول المده الي فاتت ما داخله اله ابد

من فتحته كانت اكو رسالة من حساب مجهول "مرحبا شام ممكن احجي وياج كلش ضروري والله محتاجه الج .."

استغربت منو ورديت "تفضل .."
وصلت الرساله بس ما كان موجود تركته وشفت اكو رسائل من استاذ محمد يسألني بيهم عن شغل وكذا هم رديت عليه

مياسين دخلت الصوبة وراحت جابت السفره تفرشها
اخذها وسام وفرشها .. التمينا على الاكل

بعدني ما كايله بسم الله
دخلت لجين واسر بعدها وهما يفركون بعيونهم ويمشون كانو سكرانين .. ابتسمت وكمت عليهم

غسلت الهم وكعدتهم ياكلون .. التهيت اوكل بيهم
بابا انتبه الي ما اكلت صاح على لجين هي راحت اله وكعد يوكل بيها .. اني ما حسيت بشي من سوا هيج عادي ما تاثرت لان البارحه صدمني حيل

كملنا الاكل وماما صاحت بنور تساعد مياسين لان بس هي اشتغلت ونور كاعده .. اني لسا احس روحي خطار هنا

ما شاركت ولا بحاجه .. كعدت بل صاله وامي يمي
وكل شوي تسال عن حاجه وعن حياتي بل بصره واني ارد بصورة عامة ما اريد اتعامل بشكل خاص وياها ثكلت وجهي عليها ما بيه حيلهم

جدو "شام ليش ما ترجعين هنا يمي احسن مما باقيه لوحدج وانتي بنيه شابه .."

كلت بكلبي هسه شالتهم الغيره عليه .." لا جدو تسلم مرتاحة هيج .." قصص وروايات عراقية كرار صلاح
كان الجو مشحون وبابا تنرفز من طريقة كلامي
اني هنا سكتت بعد وما ارد على كلشي سويت نفسي ملتهيه بل تلفون .. كعد احمد يفرك بعيونه وصبح عليهم
احمد "شاااام ام راس اليابس هنااا .. شعجب تنازلتي واجيتي .."

رديت بابتسامة .." مجبورين ياخويه مجبورين .."
ضحك "ما تنكدرين ام لسانين .."

رديت .."هو وين اكو افقر مني .. ترى والله مو احمد بنفسي بس اني فقيره انتو ماخذين نظره مو زينه عليه .."

ردت ماما وهي تفر بحلكها
"يمةةة منج يا فقيرررره .. هو صدك لو كالوا خوفك من الفقير .. انتي لسانج وعنادك لبارحه يشهد على فقاريتج .."

ما رديت عليها
وسام .." يابه ما دام كلنا موجودين اريد احجي وبوجود جدي بموضوع .."
رد بابا "كول يابه .."
رد وسام .." اني قررت ازوج .."
فرحت لوسام من كل قلبي
رد عليه جدي .." بيها الخير بس اشر وكول .."
ردت ماما .." اني اخطبلك وحده على ذوقي لو عندك وحده .."

رد وسام .." اكيد عندي وحده .."
ضحكنا عليه وبعدها حجه بابا
"منين هاي قريبه غريبه .."
رد .." سارة بنت عمي ابو رضا .."

محد عارض بل عكس كلها فرحت
كان رضا ما موجود من اجيت ولسا ماكو الضاهر بل دوام

بابا كال اليوم افاتح عمامك بل موضوع ونشوف رآيي البنيه
ردت نور .." بابا بدون ما تسالها هي تكيف .. وربي تجلب بديها وسنونها لا تخاف اني اضمنها الك .."

ضحكنا عليها .. معناها اكيد اكو شي بيناتهم
هل نور متأكده هيج ان ما راح ترفض ولو صدك تجلب بوسام وين تلكي احسن من هيج .. مياسين من سمعت بل خبر حسيتها ما متفاجئة لا عادي .. بس باركت لوسام

هنا تاكدت هو عنده علاقه بيها .. بس استغربت
وسام ما عنده هل سوالف .. واصلا هي مو بعمره
كل عمره ١٩ سنه .. بعدها ببداية عمرها والوحيدة هي الي تركت الدراسة من سادس حتى ما امتحنت هذا الي عرفته عنها

عفتهم يسولفون ويخططون قبل لا اطلع
بابا حجه "وين .."
رديت واني امشي .." اريد انام تعبانه .."

دخلت لغرفة بابا نمت بل كاع .. وييين يله كعدت
غسلت وجهي وخليت شال على راسي

كانت الصالة مليانه وكلها متجمعين
دخلت وسلمت وكعدت ..
حجت ماما "شنووو مكبسللله نمتي هل نومه .. نكعد نريد ماكو .. شنو يمه دخلتي غيبوبه .."

بعدني دايخة من النوم وما مستوعبه
"هاااا !.."

ضحكت نور .." وجعاااا بس لا بعدج نعسانه .. شوف وجهك شلون مورم من النوم .."

ما رديت صرت ادور بعيوني على اسر ولجين
صدت عيني عليهم كاعدين بحضن ابوهم وما منتبهين الي

باوعت الساعه كانت ٧ المغرب
عااااا من ١٢ ونص واني نايمه

اجا اسر عليه باس خدي وكعد بحضني وهو يسولف
دوخ راسي واني بعدني باثار النوم .. مدري ليش من اكعد الغروب هيج ادوخ وابقى فتره يله استوعب الوجود

اسر مادام كاعد بحضني يباوع بوجهي
ومخلي ايده على خدي ويحجي وياي واني بس ايي ماما وما ادري شيحجي..

خلوا الاكل واكلت وكمت ردت اصعد فوك واخذ الجهال
بس عمو ابو مهند صاح عليه
"تعالي بابا كعدي ويانا عليش حابسه روحج .."
كعدت يمهم وهما يسولفون فتحوا موضوع وسام وساره

كلها فرحت بهل شي ابوها كال اسالها ويصير خير
هي كانت موجودة بس من انحجه بل موضوع كامت

من كامت كلها ضحكت عليمن ما ادري
مهند .." يابه واني هم اريد ازوج .."

كلها انصدمت وسكتت حسيته كان يحاول يغيضني لا اكثر
بابا رد "ايي صحيح ليش لسا ما مزوج .."

بابا يريد يحسسهم ان ما عنده اي اشكال بهل وضع
يمكن عباله علمود ابويه ساكتين وما مزوجين مهند

عمو ما حجه سكت ومبين متفاجئ مهند رجع عاد السالفة
وعمو كال تريد وحده كول

رد مهند .." بلي يابه طالبه عندي بل جامعة .."
عمو كال يصير خير .. اني ما ابديت اي رد فعل بل عكس اسمعهم بعدم اهتمام .. احس حركته رخيصة للغاية

تغير مجرى الحديث بس الكل كان مصدوم من القنبله الي فجرها مهند .. باوعت لمهند يباوعلي ابتسم بوجهي بسخرية وبعد نظره عني ضحكت عليه يمكن يتصور غرت او انقهرت

جابوا الدومنه ويلعبون كل مجموعة سويه والنسوان يسولفن وصايره كض اخوك لا يطيح

احتارين وين اباوع المن انتبه المن اسمع .. يوووه دخت
هناك ماكو هيج ابد صار شكد ما شايفه هيج جمعه مال عائلة تعودت هناك بس اني وأطفالي حتى من اروح بيت الشيخ يفصلون النسوان عن الزلم مو مثلنا مختلطة

اجت مياسين وهي تنشف بايدها وتنطيني جهازي
"شام هذا واحد اسمه شيخ محمد من المغرب ولسا وهو يتصل .." قصص وروايات عراقية كرار صلاح
اخذته منها باوعت ١٦ مكالمة فائتة .. خفت لا يكون صاير شي بعدني ما متصلة رن بيدي رديت بسرعة
"الووو مرحبا استاذ محمد .."
رد عليه "اهلا وسهلا ست شام الحمد لله على السلامة.."
شوي اطمئن قلبي .." الله يسلمك استاذي.."
رد "شنو يابه شكد اتصلت عليج وماكو .."
رديت .." ها جنت جنت نايمه .."
كلت بكلبي هسه عباله اجذب
رد .." اممم صح النوم يابه .. شنو سمعت من خالج تاخذين اجازه .. الاهل موجودين .."
رديت "ايي استاذ بس اسبوع واحد مو اكثر .."
رد "اخذي راحتج شكد ما تردين انطيج اجازه بس ياريت تحاولين ترجعين باسرع وقت ممكن لان عندنا شغل مو مال تتاخرين.."
رديت "خير صاير شي .."
رد .." لا ما صاير شي .. شلونكم عسا زينين .."
رديت "الحمد لله بالف خير .."
رد "اسر ولجين وين .. اشتاقينالهم .."
رديت .."هذول موجودين .. باوعت لاسر ولجين .. " تعالوا ماما هذا عمو محمد يريدكم .."

كانوا عمامي وبابا ومهند يباوعون عليه
لا اصلا مو بس هذول الصاله كلها سكتت وتباوع عليه

اجت لجين .." هلاووو .."
فتحت المايك .." ضحك ورد .." هلوات فدوه لهل حلك ولج فصعونه مكانج خالي .."
ضحكت .." ايي عيني طبعا بعد لجين مو حي الله.."
رد الشيخ "والنعم يابه .. وين اسر شو ما اله صوت .."
رديت .." هذا يسمعك .."
اسر "ها .."
كلتله سلم على عمو .." هلو عمو .."
رد محمد "هلو بابا حبيبي .. "
حجت لجين .." عمووو عفوشي مات.."
ضحك محمد .." اجيبلج عشره مو واحد .."
محمد كان جايب لبيتهم بلبل ولجين من شافته كلتله اريده فـهو خطيه انطا الها ما حجه .. صارله فتره ببيتي ومن قررت اسافر انطيته الها من راحت لبيت جدها .. بس ميت بل طريق
سلمت عليه لان انحرجت بيهم كلهم يباوعون وساكتين

سديته من محمد وهما بعدهم يباوعون حسيت باحراج بس ما كدرت احجي برى نوب عبالهم عندي شي ويا

حجه بابا .." منو هذا .."
رديت .." استاذ محمد مدير الشركة الي اشتغل بيها .."
سكت بابا
حجه جدو .." شيريد خابر عليج .."
رديت .." علمود الاجازه وطلب مني كم شغله بخصوص العمل .."
عمو ابو مهند .." جا شو يسال على اطفالج منين يعرفهم .."
استغربت سؤال عمو مدري غشيمين مدري يغشمون نفسهم ورديت .." غير اني ساكنه ببيت اخو وهما صفه وي بيتي شنو ما تعرفون .." كان هل مشتمل مال بيت اخو محمد بس سافر ومحمد اجرلي المشتمل
سكت عمو عني بس حسيته ضاج ما اعرف ليش
اني اشرت لميس .. اجت يمي
"اكلج انتي ما مسولفه الهم عن هل موضوع .."
ردت "لا يعرفون انتي ساكنه ببيت اقاربي بس ما يعرفون هو نفسه صاحب الشركه الي تشتغلين بيها .."

رديت "زين شبي هيج استغرب وضاج .."
ردت ميس" يمكن لان شاف اكو ميانه بيناتكم ويسأل عن اطفالج .. ترى عمو ابو مهند بعده يحاول وي مهند لحتى يرجعج .."
سكتت بعد ما رديت عليها
فتحت انستغرام واصلتني رسالتين
"شام اني شمس اريد احجي وياج شبيج تشوفين الرسايل وما تردين .."
عكدت حواجبي واستغربت شعندها وياي اني بيوم الي شفت نص وجها من كنت بل كوفي صح فتحت الرسالة بس ما رديت راحت عن بالي نهائيًا
دزيت .." شتردين شمس .."
ماكو ما ردت .. يوووه لعبت نفسي من الوضع

بقيت كاعده والتلفون بحضني كل شوي افتحه
اشوفها دزت او لا لان اني غالقه اشعارات الانستقرام

انتبهت مهند كل باله يمي ويباوع عليه ضجت حيل شكو
يباوع اذا يريد يخطب وحيشوف حياته وي غيري بعد اني صرت محرمة عليه .. كمت من مكاني كبل صعدت فوك

كانت نور والبنات ماخذات الغرفه الفوك كعدت بيها
واني لازمه تلفوني فتحته وفعلا اكو رسالة من نفس الحساب

"شام ليش هيج تسوين وياي اني شسويت الج حتى هيج كارهتني وما تردين تحاجيني ومن اتصل تحظريني سحلت كرامتي الج وانتي ما تقبلين تتواصلين وياي اريد اعرف شنو الي بدر مني كليلي وريحيني .. لحتى ابتعد .. يعني بعد ما عرفتي ان شجن ورا الموضوع عاقبتينا كلنا وابتعدتي عنا ترى احنا صديقاتج وما اذيناج لا تنسين هل شي ابد يا شام احنا شنو ذنبنا هيج تسوين كليلي .. وتمنعين ميس تنطينا رقمج او نتواصل وياج عود ليش فهميني .."

رديت .." انتو ما الكم اي ذنب واني ما محمله المسؤولية على احد .. اني فقط اريد ابتعد عن الكل .. تعذروني ووصلي اعتذاري وسلامي لاسيل وهجران .. بس ما اريد ارجع علاقتي باي وحده خليني بعيده عنكم ..افضل انو الوضع يبقى على ما هو عليه .."

ردت .." واحنا نريد علاقتنا ترجع وننجمع مره ثانيه اعرف انتي حاليا ببغداد واعرف كل اخبارج من ميس وما نتركج يا شام ابد وهجران ترى اكثر وحده زعلانه ومحملة عليج تكول هي طلكها زوجها احنا شعلينه شو لا من ذول ولا من ذول .. .."

سكتت ما عرفت شارد
دزت مره ثانيه .." باجر اذا عندج وقت نلتقي بمول .......
راح أسال البنات بس هجران يمكن ما تقبل خلينا نسويها الها مفاجاة فدوه شام لا تعترضين وتعالي .. معقولة بسرعه نسيتي صحبتنا وعلاقتنا الحلوه .. "

سديته منها وكعدت افكر .. صح كلامهم هنه شعليهن بلي صار يمكن غلطت بحقهن بس كنت اريد اعيش مرتاحه

ثاني يوم طلبت السيارة من رضا لحتى اروح بيها
للمكان الي اتفقنا نلتقي بي .. اتفقت وي شمس انو بعد الدوام نلتقي كلنا بمول ...... على الغدى

تعطلت بل بيت شويه علمود اسر ولجين لبستهم ووكلتهم واخذت اذن من وسام لان بابا ما يحجي وياي

طلعت من البيت ساعه ٢الضهر .. وصلت للمكان
خابرت على شمس وصفتلي وين هما

دخلت للمطعم اتلفت وادور عليهم .. صدت عيني بعين اسيل من شافتني ابتسمت .. رحت باتجاهم
"السلام عليكم .."
اباوع هجران التفتت الي بسرعه من شافتني رادت تكوم
لزمت ايدها

"لا ترحين هجران خلينا نتفاهم .."
هجران.."ماكو شي بيناتنا لحتى نتفاهم لاجل انتي اختاريتي البعد هذا هو ابقي بعيده احنا هم ما نريدج .."

شمس واسيل يهدون بيها ويقنعونها تسكت

هجران بل كوه قنعناها تكعد كانت ضايجه مني ومحملة عليه لان مره خابرتني من عرفت هجران سديته بوجها لان كنت ستوني مصدومه بشجن ما اعرف ليش كرهت المجموعة كلها

اعتذرت منها وسولفتلها على موقفي يله شوي فكت
بس على طول الكعده احس وجها ثقيل عليه

بس اكيد ما راح تبقى هيج .. ولو اني ما مطوله هنا
شام .." هجران يعني تبقين هيج اني اجيت علمودج اكثر شي لا تسوين هيج نفس اهلي وتخليني اتندم لان التقيت بيكم واني ما مطوله هنا هواي ولا راح اكدر اتواصل وياكم بشكل دائم .."

ردت .." اعرف ما مطوله بس مو بيدي انتي جنتي حقيره ويانا وبعدتي روحج عنا .. وبعدين شبيهم اهلج ليش تندمتي لان التقيتي بيهم .."

كنا ناكل ونسولف .. سولفتلها عن حياتي شلون مرت
وشنو سويت وشلون عشت وعلى اهلي وبعدهم عني

شمس .." الله يعينج عليهم .. لو منج والله ولا اشوفهم وجهي بعد وحتى لا تخابرين عليهم ما دام بعدهم هيج وياج اذن لا تهتمين الهم .."

ابتسمت .." بربج ما تسكتين انتي .. تتذكرين من اقترحتي انزل الطفل شصار بيه سدي حلكج رجاءً .. انتي مدري شلونها نظرتج للحياة .."قصص وروايات عراقية كرار صلاح
البنات سالوا عن المشكلة وعن موضوع انو انزل طفلي سولفتلهم وهجران تلوم بيه وتكلي ما تعرفين تتصرفين خربتي حياتج بيدج .."

رديت "اووو هجران ما اريد احد يلوم الي بيه مكفيني .. يله بنات تاخرنا هواي هنا اني اروح مناك اسر ولجين خطيه .."

طلعنا سويه اسيل وهجران بسيارتهم واني وشمس بسيارة رضا
وصلت شمس للشقة مالتها سالتها .." شنو اخبارج ما تزوجتي بعدج عايشه لوحدج .."
ردت .." ايي والله بعدني خليني هيج احسن الي انعل ابو الزواج اريد اهاجر ما ابقى هنا بعد لو مدري شيصير العراق العيشه بي صعبه وشهاتي تستحق اكثر من هيج محد مقدرني هنا افكر اسافر واكمل دراسات عليا بالمانيا افضل .. الي واريد اتواصل وي اخوج علمود هل موضوع واستفسر منه .."
رديت .."والله افضل شي تسوي بحياتج تسافرين اني لولا وجود اطفالي كان تركت كلشي وسافرت .."

ردت .."بربج ما تسكتين انتي .. اشو السفر طالع من عينج والونسه فوووول وعندج شغل ونسبه بالشركة وانعرفتي وعندج ضهر ساندج بعد على شنو تهاجرين وانتي هنا صرتي معروفه .. ابقي بمكانج افضل .. واذا على السفر فـ انتي ما خليتي دوله تعتب عليج .."

ضحكت .."عزااا كلشي تعرفين عني .."
ردت وهي رافعه حواجبها .."اخبارج كلها توصلني .. اني شموووسه مو حي الله .."
رديت .."والنعم من شموسه المحروسه .. شنو عيني ما ناويه تتحجبين .."
ردت .."اووووه اختنككك اختنكككك حتى سيرة الحجاب تخنكني .. مدري شلون متحملات انتو يابه اني ادور حريه ما اريد اخنك روحي واتقيد.."
رديت عليها .."ترى الحشمة بيها حرية ما تعرفينها گ متبرجة ووين التقيد بل حجاب بل عكس الحجاب ستر وعفه واخماد للفتن ومافي دين يعز المراة مثل الاسلام ففرض الحجاب مو تقييد بل حفاظ عليها من الفتن ...."

بعدني ما مكمله كلامي .."هووووب هووووب هووووب لا تنفتحين عليه .. رجاءً اني ما كفرت بس هل شي ما يعجبني وخلصصص رجاءً لا تتحمسين زيادة وكافي تنصحين اني هجران كافي عليه .. يله باي .."

نزلت شمس هزيت ايدي البنيه مو صاحية مدري شلون تفكر اني رجعت للبيت دخلت السيارة للكراج ودخلت لبيت جدو

من شافني عمو ابو مهند استغرب .." وين جنتي بابا .."
رديت .." طلعت وي صديقاتي .."

عفته وطلعت من الصاله .. كلش ضجت هنا بس
يسالون عبالك تحقيق ومن اجيت لهنا ولسا هما ما رايحين البيتهم بس وقت النوم

صعدت للغرفه بدلت وكعدت اسولف وي خواتي الصغار
اريد اتعرف عليهم .. هنه يستحن مني عبالك غريبه عليهن

اخر شي عفتهن ونزلت جوه كعدت يم مياسين
وساعدتها بل طبخ

مرت الايام واني ببيت اهلي
الوضع نفس ما هو يوميه يتجمعون هنا واذا مو الكل فبيت عمو ابو مهند يجون هنا يخلصون اليل كله اني صرت ابتعد عنهم قدر المستطاع بس من يتجمعون يبقون يسالون وكل شوي يجي احد يكلي تعالي يردونج مرات اغلس مرات يلحون واضطر اكعد يمهم .. اعتقد كل قصدهم يقربونا اني ومهند او هيج شي .. لان تخبلوا من عرفوا يريد يخطب

اني ما اهتميت ابد كان همي اخلص هل اسبوع وارجع
بس الي عطلني هو وسام علمود الخطوبة بقيت هنا

مهند اخذ اسر ولجين اشترالهم ملابس للخطوبة واني اصلا من كنت بل امارات اخذت ملابس هواي مناك .. فضلت يكون لبسي محتشم ما اريد البس فستان ولبس فاضح

اختاريت بنطرون قماش وبدي ابيض
وفوكاهم سترة والرباط البناتي بل بدي كان لبسي راقي بس مو مثلهن كلهن اشترن فساتين ولعبن لعب وصالون وكذا عبالك هنه العرايس

اني شعري بس سشورته وسويت مكياج حلو ومرتب
وهذا هو .. اهم شي عندي النضافة ويكون منظري مرتب

تمت الخطوبه والنسوان تركص وتهلهل وكلبن الدنيا
بل دي جي .. اني بقيت كاعده وساكته يمكن لو قبل كان كنت اركص وياهن بس حتى صرت احس روحي على كد ما تغيرت هذا الشي مو من مستواي انو اركص واهوس صرت ثكيله مو مثل قبل كلشي ماخذته بخفه وضحك كلها منتبه الي صاروا يشوفوني فد شي لان لابسه الوضع وما بينا اي كلام

اكتشفت الناس تحب وتحترم الشخص الي يتكبر عليهم ويتجاهلهم شفت فرق بين البارحه واليوم فرق كبير

بخطوبة وسام اجت عمتي وبناتها كانت سوزان متشمته بي وتباوعلي بابتسامه خبيثه حاولت تتقرب مني بس كنت اصدها اعرف تريد تقهرني وتذب سمها عليه

هي تزوجت وصاير عندها طفل بس بعده حقدها بكلبها عليه
بعد ما تمت كل مراسم الخطبة وخلصن ركص

ووزعوا الاكل .. اني رحت للبيت اجهز بل جنطه وخليت عمتي تجيب ملابس اطفالي الي .. كملت كل شي وخليت شال على راسي ونزلت الجنط جوه الدرج خليتهم

بعد ما كفت العالم البنات بقن ببيت عمي ابو رضا والزلم والنسوان اجوا هنا ببيت جدو وخالو عثمان كان موجود

دخلت سلمت عليه وكعدت بصفه كانوا يسولفون وملتهين اني شاورت خالو واساله عن كم شغله وعن الوضع بل شركة طمني وكال ترجعين وياي مو

جاوبته .." اي خالو ارجع وياك .."
هز راسه واسترسل بل حديث مع بابا
دخل مهند واسر ولجين بيده اجوا عليه يركضون
كعدوا بحضني .. خالو كام يريد يروح للشقه حتى نطلع من الصبح

اني هم كمت .." اوكف خالو الف حجابي واجيك .. يله ماما لجين لبسي حذائج.."

سال وسام .." شنو خويه وين .."
رديت .."خلصت اجازتي بعد ارجع للبصرة.."
رد عمو .. " دبقي يا بابا .."
رديت .." لا عمو اصلا من يومين لازم اكون هناك بس علمود وسام بقيت .."

عفتهم ورحت لغرفة مياسين اعدل بشالي
والحسرة والدموع ماليه عيوني بسبب بابا وجفائه وياي

كملت وطلعت سلمت على نسوان عمي وامي واحمد
اخذ الجنط خلاهم بسيارة خالو عثمان وطلعت برى كانوا الزلم واكفين بل باب ويسولفون وي خالو ومنتظرين اطلع

بست عمو ابو مهند وجدو واخواني واخر واحد بابا
ترددت اتقرب اله بس ما طاوعني كلبي اتركه واروح بدون سلام .. هو باوعلي شلون متردده اتقدم اله فتحلي اديه رحت عليه شبكته بدون اي كلام .. وابتعدت كلبي وجعني حيل بس مابيدي حيله ...

ركبت بل سياره بعد ما سلمت على ولد عمي بصوره عامه وكان من بينهم مهند واكف هم .. اجوا اطفالي هم صعدوا ابوهم باسهم وخله بيدهم فلوس وطلعنا للشقه

ثاني يوم رجعت للبصرة .. بيت الشيخ رحبوا بيه وهم عزموني على العشا ببيتهم .. تعودت على هل حاله كل ما ارجع بعد غياب يعزموني.

رجع الوضع طبيعي وحياتي رجعت مثل ما هي
وما بيها اي شي جديد

المشروع الي ببغداد بلشوا بل تنفيذ
وخالو اشرف عليها .. هنا اني الشغل تركب براسي صار خالو ملتهي بالمشروع وما اجا بقى ببغداد ويروح ويرجع والشيخ صار هو الي يسافر واني ابقى هنا .. صرت ما احك راسي على كد ما اشتغل اكو هواي وياي وهاي بس الاستاذ حيل مأمن بيه ومنطيني كامل الصلاحيات صارت مسؤولية كبيرة عليه

اخر شي ما كدرت اكثر من هيج دزيت لجين واسر لبيت جدهم لان الاستاذ كلش طول بسفرته واني ملتهيه عنهم ومرت الشيخ مبتليه بيهم

اهلي سافروا صارلهم هواي وعلى اساس بل عطله الصيفية يرجعون ويكملون الزواج

مرت الايام والوضع على ما هو عليه ماكو اي تغيير غير بس انو الاستاذ رجع شوي خف الحمل عني

بوقتها ارتاحيت وتنفست شوي .. اجت العطله الصيفية
واهلي ديجهزون لحتى يرجعون للعراق علمود عرس وسام

اني علاقتي بيهم شوي تحسنت يعني عادي صار كم اتصال بيناتنا بس مو مثل قبل .. واسيل وشمس وهجران تحسنت علاقتي بيهم نوعًا ما .. يعني ماكو شي جديد بهل فترة ماكو اكشن .. مرت الايام واهلي رجعوا للعراق اني ما رحت لهناك بس كلها تلح وتتصل لحتى اجي وابات يمهم
واقضي وقتي هناك .. عمو ابو مهند وعمتي ابوي واخواني وجدو وماما ونور كلهم يخابرون ويلحون صرت ما ارد على اتصالاتهم كلها لان اعرف شنو يردون وما الي خلك اعيد هذاك الاسبوع الي قضيتها عندهم على اعصابي

اخر شي من اجا خالو للبصرة وامي وابوي ويا اجوا ايضا زيارة لبيت خوالي بقت يمي ويرحون ويرجعون على بيت خوالي ويلحون عليه اجي وياهم لبغداد بس رفضت واستاذ محمد هم ما قبل لان عندنا شغل وكال ما اكدر انطيج اجازه
حاليا .. اني فرحت من كل قلبي بهل رفض ابوي وامي رجعوا لبغداد وخالو وياهم

لمن قرب الموعد وراح يجي العيد اخلي اجا للبصرة وجبرني ارجع ويا لبغداد هو حاليا يبقى اسبوع ويرجع لشغله اني هنا انجبرت اروح ويا طلبت اجازه واصلا هناك راح اشتغل وي خالو افضل لان الضاهر مطوله هناك .. بس اريد احاول قدر المستطاع ارجع بسرعه ..

ابتسمت على وضعي بسخرية هسه صرت عزيزه عندهم
كانو ما يطيقون يسمعون اسمي .. ما اعرف من وين نزلت هل حنيه عليهم

حظرت الي احتاجهم .. اباوع عليهم واكول لنفسي .." شوكت تستقرين يا شام يومين ماخذتهم ورايحة يا ريت ما رجعت علاقتي بيهم كانت حياتي مرتبه هسه مضطرة اخربطها مثل ما يردون .."

اسر ولجين من سمعوا كيفوا ويردون بيت جدهم
يحبون يرحون هناك لان هواي اطفال وياهم ولعب ودلال وبيبيتهم ما مقصره عنهم بحاجة ف يحبون الروحه الهم

من اخذت اجازه من الاستاذ انحرجت كلش لان طوختها ويا والاجازه الي طلبتها ما كان وقتها اضافة انها راح تكون طويله اني نفسي ما اعرف مدتها

اخذني خالو ويا .. اني اقترحت عليه ابقى ويا بل شقه وما اروح لهناك لان مهند ابد ما يفارق بيت جدو يطب ويطلع يخبلني وما اخذ راحتي .. واصلا مو بس هو حتى ولد عمي البقيه هيج هناك لازم اتجودر واكعد لازم على طول مستعده ولابسه ومتسترين .. خالو كيف لان هم يحتاج تنضيف للشقه

هنا خالو اقترح اشتغل هل فترة ويا .. اخذت سيارة و
اجيت لبغداد وي خالو .. كعدنا بل شقه اول اسبوع ما رحت لهناك ابد بس كل يوم اطلع وي البنات وشمس دائما تجي عندي وتروح

امي خابرت اجي ليمهم علمود نجهز وياهم
ثاني يوم من الصبح لبست اسر ولجين ورحت لهناك

من فتت اتلاكيت مع سيارة مهند .. لا هو اهتم الي ولا اني كلمن مشى بطريقة.. دخلت للكراج ونزلت

كانت ساعة ٨ الصبح اول ما دخلت كلها كامت عليه تسلم
لان كانوا يتريكون خلصت اليوم كله يمهم

نوب البليل نور كالت اريد اطلع من اجيت لهنا ولسا ما طالعين .. اقترحت اطلعها هي واخواتي البقيه

عمو ابو مهند ضاج كلش واحتقن وجه شلون بنات ونطلع
بهل ليل عبالك راح ياكلونه .. فـ اني حاجيت احمد

"حمودي تعال ويانا .."
ما عارض كبل اجا .. اخذتهم للمولات وفريتهم
هناك واطفالي كانو يم عمتي ما قبلت اخذهم ما بيه اسحل بيهم ومن يدخلون هنا بعد يفقدون .. البنات اشتروا مكياج وملابس عبالك شبع شكد عندهم بس هم اخذوا واحمد بس يمشي ويانا ما اشترى شي .. اخذتهم اكلنا بيتزا واخذت للعائلة كلها واهم شي اطفالي .. ورجعت للبيت

نزلوا كلهم كانت ساعه ١٢ من وصلنا اني خابرت على
عمتي اطلع اسر ولجين لحتى اخذهم ونرجع للشقه

كان احمد كاعد وياي بل سيارة والبنات نزلوا يجيبون
اطفالي .. طلع عمو ابو مهند من بيت جدو وعيونه بكصته

حجه وياي .." وين ماخذه الجهال بهل ليل ورايحه لوحدج شنو عمي شو انتي صايره فرييي كللللش .. عمي احنا بل عراق مو بتركيا حتى تفرفرين لوحدج واطلعين .. انتي مره مطلقة وحركاتج لازم تكون بالف حساب ليش تخليني اقسم انزلي وباتي هنا ما اطلعين وحدج .."

نزلت وامري لله لان كان عمو عصبي حيل ونوب استلم احمد زرايل ويكله احنا مو بامريكا وهيج ساعه يله ترجعون وانت وياك بنيات ما تخاف عليهم

عفتهم ودخلت كان وجهي محتقن وحواجبي مطبوكه
من الي صار ما اتحمل احد يتحكم بيه وهيج يحاجيني

جريت اسر ولجين .. من الصاله لجين ما قبلت تجي
ولازكه بشمس بنت مياسين .. اني كانت روحي شايطه وهاي تتنغوص براسي قصص وروايات عراقية كرار صلاح
عطت بيها "كاااافيييي دلااااللل يللله امشييي اريييد انطمررر باجررر وراي كعددده .."

اني ما اصرخ بوجههم ابد ولا اضربهم بس هل مره
ما اعرف شجاني بل عادة هادية وياهم

الصاله كلها تصيح عليه وتحجي ومهند يخزر بيه ولجين
تبرطم وتريد تبجي لان صحت بوجها اني الحرارة تطلع من راسي .. عفتها هي واسر وصعدت لفوك

مدري شبيه كنت مختنكه اريد هوى .. طلعت للسطح
وكعدت بل كاع فتحت حجابي وكعدت

كنت ضايجه وروحي طالعه .. بعد ساعه سمعت خطوات قريبة على الدرج .. باوعت زين وطل عليه وسام

اجا يمي وهو يبتسم .." شبيج ليش كاعده هنا .."
رديت بخنكه .." اريد ارجع للبصرة .."
رد "شنو لان عمو حجه عليج .. كال روح صيحها الي يمكن خذت بخاطرها مني .."

ما رديت
كعد بصفي وانتجه على الحايط وصافن بل سمًا ورأسه مرفوع .. اني ساكته وهو كذلك

بعد صمت طال لمدة ربع ساعه
وسام ".. شام بعد ما ازوج انتي ما تبقين هنا .."
باوعت عليه باستغراب.." لعد وين اروح .."
رد "تسافرين ويانا لامريكا.. خلص شام سقطت وركتج وما عاد الج مكان بينهم .."
رديت .." لا تتوقع انو اني هنا علمود مهند .. ابد لا تتوقعون اني متأمله انو ارجع ويا .. بس حياتي بنيتها هنا ورسمتها مثل ما اريد ما مستعدة اهدم كل شي وارجع وياكم لامريكا اصلا لا تفكرون ولا تفتحون الموضوع مره ثانيه .."

تنهد .." الله كريم بعد وقت على هل كلام .. يله كومي خلينا ننزل .."
رديت .." حتصير ١ بليل شعجب لساهم هنا .."
رد .." وانتي شعليج بيهم .."

ما جاوبته عفته و غسلت وجهي من المكياج
ونزلت جوه .. عمو من شافني ابتسم واشرلي اكعد يمه

رحت يمه كعدت
ابو مهند .." شنو بوية اخذني بخاطرج مني جا اني غير احجي لاجل مصلحتج قابل اكرهج بس هذا الشي غلط واني نبهتج واعتقد الي حق عليج مو صح او لا .."

رديت بعدم اهتمام .." اي صح .."
بقيت كاعده شويه وسحبت حالي واخذت اسر وياي

لجين كاعده بحضن ابوها وتباوعلي مخنزره
ضحكت عليها وكمت .. اشرتلها رادت تكوم مهند ما خلاها عفتها وصعدت فوك .. احتاريت شلبس ما عندي شي اخر شي اخذت من نور ثوب قصير ونمت بي

ثاني يوم كعدت متاخره لان نمت ساعه ٢
كمت مخترعه على تلفوني .. خالو متصل عليه ٣ مرات
خابرت علي واني اغم بنفسي .. اصلا ساعه صارت ١٢ يعني فات الوقت .. ونور ما مكعدتني اني كل مره ما اتاخر كله من الصبح اكعد .. انتكلت على نفسي وما وصيت احد يكعدني .. خالو من رد كان ضايج بس كال خليها على باجر اعتذرت وسديته منه

نزلت جوه بثوبي لان كلها هسه بل شغل وحتى رضا مو هنا هيج وقت فـ عادي نزلت هيج

دخلت للمطبخ كانت لجين كاعده يم بنت مياسين
من شافتني دارت وجها بزعل مني

رحت عليها اخذتها لحضني وهي ضحكت بسرعه
وسكتت .. سالتها متريكه

جاوبت مياسين .." ما قبلت تكول اريد مع اسر وماما .. اقنع اريد ماكو .."

رحت سويت ريوك الي والهم وياي
هيج وقت كلمن بعمله ملتهي ويكون البيت فارغ

كنت واكفه على الطباخ سمعت حمحمة التفتت كان
مهند ووسام .. وسام فاتح عيونه بكل وسعهم اشرلي اطلع

اني عفت الي بايدي وصعدت للغرفه اضرب بوجهي
والوم بنفسي .. وسام احسه يريد ياكلني .. كنت كاعده وبعد ما نزلت ابد .. شوي ودخل عليه وسام

يباوعلي بغضب وعاكد حواجبه. .." شلووووون تلببببسسييين هيييج وتفترررييين بل ببببييييت .. شاممم انتي مو صغيره وااااعللللمجج انتبببهييي لنفسسسسج .. مو ابيييتج انتييي .."

حجه هل كلام وطلع وركع الباب ورا صرت افرك
بايدي ومتندمة .. اخر شي اجت لجين ولهتني عن الي صار

بعدها سمعت صوت زلم جوه وهوسه واجت نور والبنات للغرفه .. الي عرفته جابوا غرفه الاخشاب لوسام علمود العرس استغربت هما ما يبقون هنا اول ما يزوجون يسافرون
سالت وين يخلون الاثاث .. جاوبت نور .." بغرفة بابا وماما .."

رديت .." والآثاث وين .."
كالت راح ينطوا لواحد محتاج هزيت راسي وسكتت

وين يله خلصوا وطلعوا .. اني بسرعه بدلت ونزلت
رحت ردت اروح للشقه .. وسام عباله زعلان لان عيط بوجهي جاوبته .." لا اصلا ما ببالي كلامك بس خالو هم خطيه الوحدة ومنتظرني اليوم علمود الشغل .. ومنا لا اني عندي ملابس ولا لجين واسر انتلفت ملابسهم .."

هز راسه وسكت
اني اخذت سيارتي ورجعت للشقه
مر هل اسبوع على خير واني اروح لبيت اهلي نصف ساعه وارجع .. مرات اشتغل وي خالو ومرات اطلع اني والبنات وهيج

خابروني اهلي علمود اروح لعندهم
لان مسوين عزيمه لان باجر اول يوم من عيد ضحية ومسوين ذبايح على روح بيبي وعازمين ناس


يتبع...........