#يسعد_اوقاتكم_بكل_خير
#توقعات_الابراج_ليوم_الخميس_والله_اعلم

#الحمل
مهنياً: لا تتورّط إطلاقاً في تصاريح مؤذية، بل حاول أن تبقي مخططاتك سرية أو مخفية قدر المستطاع.
عاطفياً: قد يفاجئك الحبيب بمواقف مميّزة ويلاطفك ليكسب رضاك، وبما انّك مطمئن البال وخفيف الظلّ تبادله الاهتمام .
صحياً: تقرر أن الاهتمام بالصحة يجب أن يحتل المرتبة الأولى في اهتماماتك لتتمكن من البقاء سليماً معافى.
.

#الثور
مهنياً: يمدك هذا اليوم بالعزيمة والحماسة ويدفعك إلى الإقبال على الأعمال بشغف كبير وبإخلاص لا مثيل له.
عاطفياً: لا تضيّع وقتك في علاقة لن تنجح، وابحث عن علاقة تشعر أنك مرتاح فيها.
صحياً: إياك أن تقتحم الأخطار أو أن تستفز الأحداث وتثير غضب محيطك المهني.

#الجوزاء
مهنياً: تشارك الآخرين هذا اليوم قراراتك ولا سيما تلك الحساسة والمتعلقة بمشاريعك المستقبلية والمهمة جداً.
عاطفياً: تدهشك بعض تصرفات الحبيب ولا تجد لها مبرراً، لكنك تصبر عليه على أمل أن يتحسن.
صحياً: تشعر بتعب كبير اليوم بسبب الضغوط، فتقرر التخفيف من ساعات العمل لترتاح.

#السرطان
مهنياً: يثير هذا اليوم قضية مهمة اليوم في العمل تستغرق الكثير من النقاش لكنك تتوصل إلى حل لها.
عاطفياً: تسير أمورك اليوم كما تريد ولن تواجه التأخير من قبل الشريك بشأن اتخاذ بعض القرارات.
صحياً: كثف جهودك كي تتوصل إلى كيفية التخلص من السمنة ومارس السباحة بانتظام.

#الاسد
مهنياً: تصل هذا اليوم إلى قناعة وتجد نفسك شخصاً مرغوباً به كثيراً لأن كفاءتك العالية تلفت الجميع.
عاطفياً: لا تورّط الحبيب في أمورك المهنية الخاصة، فهذا أمر غير لائق بك وقد يصيب العلاقة في الصميم.
صحياً: إعطاء الشأن المهني والعاطفي الاهتمام اللازم، يجب ألا يلهيك عن الاهتمام بالشأن الصحي.

#العذراء
مهنياً: تحقق نجاحاً غير منتظر، وتكون مستعداً لقطف ثمار الجهود التي بذلتها على مدى عام كامل.
عاطفياً: دخول بعضهم على خط المصالحة مع الشريك قد يزيد الأمر تعقيداً، فحاول أن تكون المعالجة بينكما فقط.
صحياً: الإفراط في تناول المشروبات الغازية تكون له مضاعفات سلبية على صحتك.

#الميزان
مهنياً: يلاحظ الكثيرون اليوم الجهد الكبير الذي تبذله في العمل وتفانيك وإخلاصك، وهو بالطبع لن يضيع سدىً.
عاطفياً: لا تكن عنيداً أو متشبثاً بآرائك، بل استمع إلى رأي الشريك وجادله بالحجة والمنطق، لا بإطلاق الأحكام المسبقة.
صحياً: اختر من لائحة طعامك مأكولات مدروسة ومفيدة للصحة كما يقتضي نظامك الغذائي

#العقرب
مهنياً: تؤثر حالك النفسية المشوشة سلباً في عملك فتشعر بأنه مملّ وفاشل وتسعى لتغييره مهما واجهت من صعوبات.
عاطفياً: في الحب، الرجوع عن الخطأ مجموعة فضائل والانكسار انتصار، فماذا تنتظر؟ .
صحياً: أنت غير مجبر على القيام بكل ما يشعرك بالتعب، خفف العمل الإضافي وانتبه لصحتك.

#القوس
مهنياً: تعرف اليوم جيداً كيف تواجه المصاعب وتتخطى بثقة عالية العراقيل التي تواجهك في عملك.
عاطفياً: يشعرك حبّك للحبيب بسعادة لا توصف، فأنت تنشر الفرح أينما تذهب وتشيع جواً من المصداقية.
صحياً: وضعك الصحي جيّد، ويرافقك هذا الأمر مدة لا بأس بها، شرط توافر الظروف المناسبة.

#الجدي
مهنياً: تكثر حولك الصداقات، وقد تشارك في مناسبات عملية كبيرة وتفرح لنجاح الزملاء.
عاطفياً: لا تخف من التعبير عن مشاعرك، فالشريك لن يصدّك ولا سيّما إذا اخترت يوماً جيّداً للتقرّب منه.
صحياً: حاول التخفيف من قيادة السيارات لمسافات قريبة، واستعض عنها بالمشي.

#الدلو
مهنياً: تتحمّس هذا اليوم أكثر من أي وقت مضى لإطلاق مشروع جديد وتبدو جاهزاً لحسم الأمور المهنية.
عاطفياً: بوادر خلاف مع الشريك، لكن ذلك لا يتعدّى كونه سوء تفاهم على بعض النقاط التي تزيد نسبة غيرته.
صحياً: حذار كل ما يعرض نفسيتك للقلق، فأنت لم تتعاف تماماً مما أصابك أخيراً.

#الحوت
مهنياً: أنت تقف على عتبة زمنية مهمّة لتضع أسساً متينة قبل اتخاذ أي قرار مهني.
عاطفياً: أحذرك من اللعب بالنار، كن مخلصاً لوعدك وسيطر على انفعالاتك وعامل الشريك بالشكل اللائق.
صحياً: تنطلق في رحلة ترفيهية تنسى خلالها كل ما يتعبك نفسياً وتفكر في ما يريح أعصابك.

لست حزيناً،لست منزعجاً،ولا مكتئباً ولا تراودني متاعب عاطفيه ولا نفسية ،كل ما انا فيه الآن،انني جائع،اريد ان آكل
انا مشتاق للكاتو ،وشاورما،والبوظه ولكل ما هو لذيذ😂 💛✨
#الثور
#العقرب
#الميزان
#الأسد

رغم تطور التكنولوجيا ما زال البعض هم الوسيلة الأسرع لـنشر الأخبار
#النسوان بشكل اخص 😂💞
#الجوزاء
#العذراء
#القوس
#الحوت

‏عادة هم من أطيب الأشخاص ولكن يمكنهم أن يكونوا من أقسى الأشخاص بالوقت المناسب ..
‏‌ #القوس ⁩
‏‌ #الحمل ⁩
‏‌ #السرطان ⁩
‏‌ #الميزان ⁩
‏‌ #الأسد ⁩

محاور بارع ومجادل من الطراز الأول :
#العذراء
#الجوزاء
#القوس
#الحوت
#الميزان
#الحمل

بارعون في تقديم النصائح والإرشادات، لكنهم نادراً ما ينفذون شيئاً منها :
#العذراء
#الجوزاء
#الحوت
#القوس

يبحثون في العلاقة أولاً عن الاحترام والتقدير المتبادل..
#الجدي
#الثور
#العذراء

‏يعتبرون ان الوحده و الغربه الحقيقيه هو انهم يكونون بلا اصدقاء و أحباب ..
‏‌ #الميزان ⁩
‏‌ #السرطان ⁩
‏‌ #الأسد ⁩
‏‌ #الدلو ⁩

قصه جريئة لفتاة تتعرض للتحرش و.............


#الــبــارت 36

أعترف لك بأنني كنت معك عـاشقـة مـمـلـة".!
لأنني عجزت عن التلون بكيدهن .!
لأنني لم أرتدي لك الأقنعة
ولم أتلاعب يوماً بنبرات صوتي ولم أمارس معك خبث أنوثتي كنت أظن أن
"الصدق في الحكاية يكفي
وان النقاء في الحب يكفي
وان الوفاء في الغياب يكفي
فـ سلام عليك بحجم شوقي اليك
وبحجم ضياعي .. ووحدتي وغصة قلبي ...


رجعت للواقع وخلصت وقتي مع اطفالي
البليل اجاني اسر ولجين واني كاعده كدام المكتب واشتغل

اسر "ماما ڤايجين .." عود ضايجين
نزعت النظارات وباوعتله بابتسامه "شتريد كول .."

ردت لجين "ماما اريد اطلعينا نتنوس .." ابتسمت
ورديت "مو يدللون كتاكيتي .. اليوم احلى ونسه اونسكم .."

متعودين اذا يضوجون يجوني اطلعهم .. لان البيت هدوء وكأيب وماكو احد يلعب وياهم وبس هما الثنين

فـما اريد اخنكهم كل ما تصيرلي فرصه اطلعهم
باوعت للساعة كانت ٧ ونص

كمت بدلت الهم ولبست ملابسي ولفيت الشال
وطلعتهم .. اخذت سيارتي وطلعت

كنا بعدنا ما متعشين .. اخذتهم لمطعم واكلنا
نوب للمول ولعبتهم بل العاب واشتريت الهم لحد ما صارت ساعه ١١ يله اقتنعوا يطلعون .. رجعت للبيت .. ودخلنا
صارت لجين تفتح باشيائها وفرحانه وكل شوي تجيبلي حاجه وتكول "حلووو .."قصص وروايات عراقية كرار صلاح
خبلتني ما عرفت اشتغل .. اخر شي اخذتهم لحتى انومهم
طفيت الاضويه مال بيت كله وشغلت ضوه خفيف
اسر "ماما احجيلنا قثه .." عود قصه
رديت "اوووو ماما اريد انام على باجر اسولفلكم .."

لجين "حبابه ماما احجي .."
اخذت نفس بضجر .. حجيت الهم قصه النبي يونس احب احجيلهم قصص الانبياء وقصص ذات عبره لحتى تضل طابعه بعقلهم وهما من النوع اذكياء كلش بسرعه يستلمون حتى من وقت تحسن عندهم النطق .. واذكياء بشكل ولسانات هم

وكلها تكلي اطفالج مؤدبين لان مرات اذا اطلعهم المكان
وياي حتى من واحد ينطيهم ماي او حلويات يباعون عليه
اذا أأشرلهم ياخذون واذا ما اقبل ما يمدون ايدهم ويكعدون عقال ولا يحجون ابد كلها منتبه الهم .. حتى لعبهم هادئ بس عندي لجين شوي حركه مرات ولسان يعني وكحه

اني نعست وهما كاعدين .. نمت واني احجي
من التعب .. كعدت من الصبح نفس كل يوم احضر واجهز

ايامي مختلفة وحلوه مو مكررة يوميه يضاف عليها
شي جديد مشروع جديد ونسه وطلعه وماكو احد يحكمني

اني حاكمه حالي ومحافظه على نفسي وعلى اطفالي
محد اله يمي شي ولا احد يحقني بشي

كملت لبسي واباوع لحالي شكد تغيرت شكد اكو فرق بين السنين السابقة وهسه فررررق شاسع

تغيرت بشكل مبالغ بي تغير شكلي تصرفاتي غيرت من نفسي هواي .. ما عدت شام القديمه الي تلاسن

وتحجي وتتعارك وتتشاقه .. صرت اعرف اتصرف بعقل وكل تصرفاتي بحساب وتفكير

صرت رسميه وي الكل ما اتعمق بعلاقتي باي شخص
لا ولد ولا بنيه ولا صديقه ولا قريبه عشت لنفسي ولاطفالي

ما اريد اكون اي علاقه ثانيه .. بس علاقات العمل
كلش حذرت عليها وخليتها بحدود .. الكل يحترمني ويقدرني

محد تمادى او تجاوز الحدود وياي ابد .. صرت شخص ثاني واكثر شي ساعدني على تغيري وتغير اطباعي

هو معاملة الناس الي .. حسسوني اني فد شي مهم بل مجتمع وفعلا بديت اشتغل على هل اساس حققت هواي اعمال واحلام ومشاريع

نجحت بمجالي وكان للاستاذ محمد وخالو عثمان فضل كبير عليه هما الي دخلوني بينهم وهما الي علموني وشجعوني

هما كانوا وياي بكل شي ونصحوني .. اما شكلي فتغير
ما عدت شام القديمه .. كبرت وتغيرت

كنت سمينه بس مو دبه لا كنت دبدوبة وصاحبة خدود
ووجهي عريض ومدور

كان شكلي حلو .. بس هسه تغير .. من لما حملت وضعفت والي صارلي .. اني ضعفت حييييل صرت بس عظم وجلد

وجهي ضعف وصار يخوف .. بس من خلال هذي
السنوات رجع شويه وضعي تحسن بس بقيت ضعيفه

بس هسه اني رشيقه ومحافظه على جسمي
ووزني .. احس من ضعفت برزت معاني وجهي

وبرزت معالم جسمي اكثر وصار شكلي احلى
غيرت من نفسي هواي وداريت نفسي واهتميت لشكلي ولبسي .. شعري كان طويل بس كصيته لان صار يوكع

من كصيته تغيرت اكثر وصبغته واهتميت بشكلي
وهواي اشياء ثانيه سويتها لنفسي والشكلي وغيرت هواي اطباع وتصرفات كدرت اتغلب على ضعفي وخلقت من عز مشاكلي وقلة حيلتي قوه ..

ابتعدت عن صفنتي واخذت اطفالي لبيت الشيخ
وطلعت بسيارتي .. اجاني اتصال

باوعت للرقم وابتسمت فتحته واسوق واحجي
كانت نور
"هلوووو شامووو شلووونج .."
رديت "هلاو بيج يعمري انتي .. الحمد لله بالف خير وانتي .."
ردت نور "عساج دوم بخير اني هم زينه ولج شاااام عندي مفاجأة الج .."

رديت "شنووو هل مفاجأة.. "
سمعت صوت يمها وهي مثل الي عاطت وكالت اوييي

رديت "شكووو منو يمج .."
حجه وسام "شلونج خويه شام .."
رديت "الحمد لله بخيررر شكو شبيها نور وانت ليش اخذت التلفون منها .. وعلى اي مفاجاة تحجي نور .."

رد "معليج بيها تحجي الوحدها .. المهم انتي بل عراق صح .."
رديت "ايي ليش .."
رد "مجرد سؤال.."

وصلت للشركة واني احجي ويا اضطريت انهي الاتصال
ونزلت .. باشرت باعمالي ومشروعي الي اشتغل عليه

صار ست اشهر .. بعد اسبوعين يكون قيد التنفيذ
فرحت كلششش بانجازاتي وبعد التعب صار الي اسمي
وعندي نسبة بل شركة

وصرت معروفه كللللش ..
بعدها الاستاذ طلبني للمكتب وكعدنا نتناقش بمشروع جديد مشروع كبير .. وكال اسلمة الج او لخالج .. وهو يبقى مدير علينا .. اويييلييي يا فرحتي بهذا الخبر مستحيل اتردد لحضه وحده وارفض هل طلب

اتناقشنا بل تفاصيل بقى بس يفتح الموضوع
وي خالي وشركائهم ويدرسون الموضوع اكثر

خلص الدوام .. وبعدها مرت الايام وعادي اني بين
اطفالي وبين البيت والشغل

وبخصوص المشروع راح يكون ببغداد اني
هنا عاد رفضت استلمه وما قبلت كلت ابقى بمكاني افضل

صرت اكره بغداد وسيرتها .. من دخلتها ما ضلت مصيبه ما ركبت براسي .. ما الي خلك مشاكل اكثر من هيج حياتي صافيه وراكدة ما بيها اي معوقات .. بس احس من رفضت
هل مشروع تندمت لان من خلاله راح ينعرف اسمي بس
الله ما قاسمه الي

كعدت من الصبح كان يوم جمعه .. نضفت البيت لحتى من يكعدون اطفالي اتفرغ الهم .. سويت حملة على البيت كله لان مو دائما فارغه .. بس بل جمع واحيانا حتى بل جمعه اشتغل واكمل بعض الاشياء بل بيت فـ اليوم كنت فارغه جهزت بيتي وكملت شغلي .. كعدوا اسر ولجين
ردت اقضي وقتي وي اولادي

لعبتهم سولفت وياهم اكلتهم ما اخلي شي بنفسهم
ابد .. نوب طلبوا بيتزا كلتلهم البليل نروح وناكل برى

لان ابد ما اضبطها ولو اني اي اكله
ما اضبطها ما اعرف اطبخ اغلب اكلنا يا من بره يا نواشف او طلبات توصيل .. حتى ابو التوصيل عرف بيتي على كد ما اطلب

ومرات انطي لمرة عندها ايتام وبيت الشيخ يساعدوها ومرات يطلبون منها بس للمساعدة لان هما ما يحتاجون عندهم جناين وبنات هواي بس هاي المره روحها عزيزه وما تمد ايدها لـ احد ابد تسويلي كبه
او بورك وخبز ودولمه وكذا هيج اشياء يعني تتجمد

المره نضيفه ومتعوده عليها وعلى شغلها .. ما اغيرها ابد وهي محتاجه فـ تعودت عليها .. كلت الباجر اطلب منها تسويلي كبه

كعدت وي اسر ولجين نتفرج تلفزيون على
قنوات افلام الكارتون .. صارت ساعه ١٢ ونص

صليت والجهال كالوا جعنا .. احتاريت شسوي الهم
اخر شي طلعت نواشف كلت ادبرها اليوم مليت من اكل المطاعم حتى راح يتمرضون بسببي

سمعت الباب يندك رحت افتح الباب .. كانت كهرباء طافية وما شفت بل كاميرا منو اني بل عادة ما افتح الباب اله اشوف منو بل باب قصص وروايات عراقية كرار صلاح
فتحته وانصدمت بنور واكفه بل باب والابتسامة شاكه حلكها

اجت عليه شبكتني واني ابوس بيها وفرحانه بوجودها
دخل وسام بعدها اباوعله روحه مايعه من الحر

ابتسمت ورحت عليه سلمت ودخلتهم جوه
اسر استغربهم ودخل للغرفه بس لجين ام لسان تلكتهم عادي
نور "يمااااييي فدوووه تخبلللل تعالي حبيبة خاله .."
باستها وهاي فرحانه بيها

نوب اخذها وسام .. هي متعوده على وسام لان ما تركني
ابد دايما يجي للعراق فتره ويرجع لامريكا اما اهلي فـ من سافروا ولسه ما اجوا للعراق لان بعدهم ما ماخذين الاقامة

استغربت بجيت نور وسالتهم "شنو استلمتوا الجنسيه .."
ردت نور "ايي داده صرنا أمريكان بعد .."
ابتسمت "مبروك حبيبتي لعد اهلي ليش ما رجعوا .. "
نور ارتبكت ورد وسام
"ابوي يكول ماكو احد الي بل عراق لحتى ارجع .."
حجيت بغصه "واني شنو .."
رد "انتي يريدج يمنا هناك .. كافي يا شام لهنا وحدنا وياج
بعد لازم ننجمع تعبت من الروحه والرجعه اريد استقر

وبالي يمج ويم اطفالج .. ما عندج بعد اي حجه للبقاء هنا
كافي خلينا نسافر ونخلص .."

رديت بجمود "لا تجون عليه بعد .. تعبتكم وياي والعراق ما اطلع منه .. تعرف شنو ما اطلع منا .. واذا اطلع لازم ادفع اطفالي ضريبة لا تتوقع اهلهم يوافقون بسفرهم ويبتعدون عنهم ولا مهند .. وهو اصلا يدور حجج حتى يسحبهم مني
عوفني مرتاحه ما محتاجتكم ابد وشغلي كله هنا.."
رد "شنو هل حجي شام ترى ما اقبلها منج ابد واذا على الاطفال اني احجي وي جدهم واخلي يقنع مهند .."
رديت "هه بل اول قنع عمو .."
ردت نور "اووووه اول ما دخلنا عرك ونقاشات .. كافييي عاد غيروا السيرة .. وين هذا اسر الفصعون شو ماكو .."

اشرتلها بل غرفه
راحت وجابته شايلته وهو مستغربها وما متقبلها

من شاف وسام ضحك ونور تركته
راح لعند خاله وكعد بحضنه وسام يلعب بي ويسولف ويا

اني رحت طلبت اكل من برى سمج مسكوف خابرت على ابن خالي يجيبلياه للبيت ووصيته على طرشي ولبن وصمون وكعدت احضر زلاطه وهل اشياء

اجا ابن خالي وسام سلم عليه وراده يدخل بس ما قبل
وراح لبيتهم

التمينا على السفره وكعدنا ناكل ووسام مخلي اسر بحضنه
وياكل بي

ابتسمت ورجعت ببالي ذكريات الماضي :
تذكرت بيوم الي اخذ مهند اطفالي شكد تعذبت وبجيت
ونخيت .. لو رجلي الي مو راضيه اطيب

حسيت بعجز وتوقفت الحياة بعيوني
وسام بعد اسبوع يله رجع للعراق واني بهل اسبوع متت من البجي والنوح .. خابرت عمي وتوسلت اله بس ما رد عليه

ولا كلمه بس كال الله كريم هسه وسديته منه
ما قبضت شي منهم ولا من كلامهم
وسام من رجع حسيت اكو امل بداخلي تجدد صرت
اشوفه منفذي الوحيد للحياة من جديد

اخذني للمستشفى وصار يراجع بيه هواي
واني ايست وفقدت الامل من حالي بس هو كان يشجعني ويقويني

فديوم نايمه بعد ما بجيت وكلش ايست من رحمة ربي
تعبت من نفسي حيل بيومها شكد بجيت كلها حاولت تهديني وتسكتني بس ما سكتت لحد ما تعبت لوحدي ونمت

بوقتها تحلمت كانوا اجاني بل رؤيا شخص على
هيئة ابوي ويكولي لا تخافين بابا على كيفج لا تخافين
شفائج عند ابو الحسن ان شاء الله .. صدك اني قبل لا انام طلبت من الامير عليه رجلي تتحسن ..
من كعدت سولفت لوسام .. كالي اخذج للامير علي هناك تزورين وتتغير نفسيتج واكو دكتور معروف ببغداد اخذج
اله .. واذا ما صارت زينه اسفرج للخارج
وفعلا اخذني وعبالك من دخلت شفت منقذي
شكد بجيت وصرخت ودعيت والنسوان تباوع عليه
وبعدوا عني خلوني ازور ويدعن الي
بقيت هناك يوم ورجعت
لبغداد
اخذني للدكتور وبديت بل علاج هناك شهر وشفت اكو تحسن بحالتي .. اما امي وابووووي آه منهم شكد اذوني

ابد ما خابروني او سالوا عن حالي بس هذا كله
مو مهم المهم عندي اطفالي .. اريدهم طك كلبي على شوفتهم

وسام رجع الهم وصار يتعارك ومهند يكله ما اخلي
اطفالي يتربون عند شام وهي من الاول ما تريدهم وتريد تذبهم
متعارك ويا وكلها ملتمه .. يكول وسام طلبت من ميس تجيب التلفون حتى لو تنبش البيت من فوك لجوه .. وخالو هم كاللها ادور زين وفعلا بعد اسبوع او اكثر خابرت

ميس تكول ماكو دورت بكل مكان التلفون اختفى
سالتها على اغراضي وين وملابسي تكول مهند كلهم شمرهم وما موجودات يااا الله من كالت هيج كانو انضربت براسي من الصدمه يعني لهل درجة كارهني وكاره سيرتي وحتى
غراضي يذبهم لعد وين الحب الي يحجي بي شبسرعه
تبخر واختفى وين حبه الي

سديته من ميس واني مقهوره من كل شي كلت لوسام يشوفون المطعم يمكن وكع هناك ما اذكر زين .. اني ايست بس هذا
املي الوحيد .. وسام راح وسال ودور ماكو اي خبر عنه

اخير شي تعبت من نفسي وايست ووسام هنا تاخر وصار لازم يرجع هم خطيه انربط هنا

كنت كاعده المغرب ووسام متحير ما يعرف شيسوي ووين يروح اجا اتصال اباوعله عاكد حاجبه مستغرب فتح خط
عرفت من خلال مكالمته ان هذا مهيمن

وسام طلع بسرعة وحتى ما كال وين رايح .. بقيت بقلق
ما عرفت شسوي ووين انطي وجهي .. بقى هواي ما رجع
لحد ساعه ٩ ونص يله دخل اجا شوي وجه بضحك
سالته شكو وليش خابرك مهيمن .. ما حجه شي بس
مد ايده بجيبه وانطاني تلفوني
اباوع التلفون مكسر تكسير وما يشتغل بجيت بحركه كلب
من شفته ..وسام من شافني هيج اخذني لحضنه ويحاول يهدي بيه قصص وروايات عراقية كرار صلاح
.."كافي حبيبتي شام والله اصلحه واجيبلج الي وكعج
لو باخر الدنيا بسيطه واله اكسر خشم مهند .."
سالته .."وين كان الموبايل ليش هسه طلع .."
رد بعدم اهتمام .."يكولون لكينا جان ضايع بغرفتج.."
رديت برفعة حاجب .."وانت مقتنع بهل كلام .."
رد .."طبعا ما مقتنع بس اهم شي عندي هسه هو اصلحه .."

معقوله من دوروا ما لكوا واصلا صار شكد على الحادث
لابد فاتحين الغرفه ومرتبينها .. وعلى اساس مهند ذاب اغراضي شلون هسه طلع التلفون سوالفهم ما تدخل للمخ

بس شكيت بهنا الحية ولو متاكده مو بس شاكه
ما اعرف شنو غايتها من كل هذا

بوقتها وسام طلب الرمز وانطيته اله وشوفته المحادثات والرسايل وكل شي اني الحمد لله ما استغبيت ومسحت الرسايل بوقتها صورت كل الي حجا وياي وحفظته
بل مذكرات وقفلتها كلت كلشي يصير وحتى لو ما حافظتهم اعرف ارجعهم ..

هو اخذ المعلومات والرقم مال الولد لان مهند بعد ما
ضربه واخذني ما عرف منو هو ولاكدر يوصل اله
صارله فتره يدور عليه هو وولد عمي وما لكوا اله اثر
نوب من ضاع تلفوني بعد مهند شك بيه اكثر ما اعرف شلون يفكر المفروض يفكر بعقلانية اكثر بما انو هو يشتغل بل محاكم واكيد هواي مرت عليه هيج قضايا بس هو حظي
اعوج وياي والله عمه عيونه وتخبل عليه

صار وسام يبحث ويدور واكثر شي استعان بل شيخ
محمد لان وسام هنا ما عنده معارف ولا يندل ولا يعرف شيسوي فـ الشيخ ساعدنا هواي .. طلعوا الرقم وكدرنا نوصل لصاحبه للشخص والجميع حساباتهم

هكروا واخذوا كل المعلومات.. بوقتها انصدمت يوم
ما كال وسام هذي صديقتج متفقين هي ويا وضاحكين عليج
وهي الي منطيته الصور اني هنا عقلي وكف من المفاجاة والصدمة خصوصا بعد ما عرفت منو هي

علمود الفلوس ومتفقه ويا ان يكون هو وياها بل نص بل فلوس ومن سالت وسام
شسمها
جاوب "شجن .."
شام "شجن ..! معقوله .." اصطكيت احس اطرافي ثلجت ومصدومة اصلا ما ردت اصدك ابد ما ردت اصدك
اكثر وحده ما متوقعتها تطعني وهيج تسوي بيه
شكد بجيت وتعذبت يمها وهي ولا كانوا الحقيره

انصدمت صدمه ما انساها كنت اعتبرها اخت الي
واحبها واعطف عليها .. وكلشي تعرف عني كللللشي

حتى بل فلوس الي يدزهم الي وسام
حاجيه الها وعلى سبب خلافي اني ومهند وعلى شمس

وهي ذكيه عرفت شلون وشوكت تتصرف اختارت التوقيت الصحيح اختارت الوقت الي اني ومهند على خلاف

وتعرف ما راح اسولفله وهي الي تحذرني ان ما اكول
لاحد وكالت اساعدج وانطتني فلوس هم

وشككتني بشمس فـ بهل حاله شلون اشك بيها
مستحيل اشك مقدار ذرة خلت الشبهات كلها براس شمس حبكت السالفه عليه ولو اني غبيه وثوله اعترف ياهو الي يجي انطي سري على كولة مهند جان يكلي المفضوحة لان على كلشي اعيط واصيح وافضح ما جنت اسكت بس من اغتصبني الله سد حلكي امداني بذاك ليوم ما خزيته وشهرته كان بوقتها بس رضا وبيبي وجدو بل بيت يمكن لو لامه الدنبا عليه يمكن يطمطمون السالفه وما توصل لبابا
بس بوقتها غبيه كان كل همي ما انفضح بهيج وضع وي مهند .. من صدك جان وقتها صعب لان هل موضوع حساس...

بعدها عرفت هذا صديقها و هي اسولفله عني وعن
اهلي وتكول شبعانين وعندهم .. اني الي اعرفه عنها

هي ما محتاجه وابوها ضابط واخوها شرطي
بعد ليش هيج تسوي ما اعرف بس الي مثلها عيونها فارغه ما يمليها التراب والولد هذا مو بس عليه لاعب لا حتى بنات ثانيات يهدد بيهم يعني بين قوسين هاي شغلته عليها عايش شنو من نذاله ودناءة نفس عجيب هل بشر شكد بي خصال خبيثه...

بس شجن من صدك صدمتني بقيت افكر بيها وبتصرفاتها وياي ابد ما شكيت بيها ولا يوم ولا لحضه وحتى بعد ما صارت المشكلة واطلكت هي قطعت علاقتها بيها بشكل نهائي .. يكول وسام ثنينهم بايكين طن هوى من مهند عرف بل موضوع وثنينهم خايفين وهي تكله امسح الصور واله نتورط

بقيت مصدومه يومين كاملين واصفن وافكر واكو معقوله
هيج يطلع من شجن معقوله

وسام سواها عليهم عشائرية والولد اعترف وهو الي تورط وما اعرف بل تفاصيل ولا
اعرف اشصار بشجن ولا اعرف شسوو بيها اهلها

كان كل همي اطفالي يرجعون لحضني
بعد لا شفت عمو ولا عمتي ولا جدي ولا اي واحد من طرفهم ووسام الي يرفض وما يريدني اشوفهم لان صدكوا بمهند وطعنه بشرفي ووكفوا ضدي واني بنت لا حوله ولا قوه .. مهند ما اعرف شنو موقفه بعد ما عرف القصه الحقيقيه .. بس بعد فترة كدر وسام ياخذلي اطفالي
من خلال الشيخ الي متحاجي وياهم ووسام وخالو لحد ما قنعوا مهند ينطيهم الي واروح بحال سبيلي

.. جنت على نياتي مع الكل .. حتى الي يغلط بحقي جنت اسامحه ونطي فرصه ثانيه وثالثه .. اگول كلنه نغلط والازم نسامح .. بس مادريت يجي يوم والكل يصير ضدي .. ومحد يوگفلي .. لا اهل لا اصدقاء لا اقارب .. شنو الي تغير .. ليش محد راضي يسمعني واني الي جنت اسمعكم واساعدكم .. فهموني ! .. ياهلي اسمعوني .. بده انشغالهم عني وتركوني .. يا أصدقائي ساعدوني .. مو مشاكل هسه وما نگدر وتركوني ؟ .. يا اقاربي .. يا ناس ارحموني .. اني جنت غلطان من ساعدتكم وهسه محد راضي يسمعني ويساعدني .. ياريت مساعده ماديه او شي .. بس مساعده معنويه ونفسيه ماردت شي .. احتاجيت للأهتمام ومحد اهتم .. احتاجيت للكلمه الطيبه وما لگيت .. بعدها شفت الدنيه على حقيقتها .. انو لازم تسمع النفسك وتساعد نفسك وتهتم لنفسك .. لان نادر ما تلاگي احد يفهمك... واحد يتمنالك الخير كون انت صديق وسند لنفسك لا تنتضر من اي شخص كان انو يسندك ماكو لا اهل لا اصدقاء لا اقارب يمكن الغريب بعض الاحيان يوكفلك واهلك يصدموك

ياربي الصدمه الي صارتلي بحياتي ما كنت متوقعتها من صدك دمرتني .. مردتني .. قطعتني الى اشلاء.. صرت اضحك على عقليتي وعلى تفكيري الساذج كنت اتصور هما السند حتى وان تخلوا عني وسافروا اشوفهم هما سندي بس كل هذا طلع خرابيط يا عالم امي امي شلون هيج شلون كدرت ما تسال عن حالي شلون صدكت كلامهم عني مو هي الي ربتني مو هي الي خلفتني شلون كدرت وطاوعها قلبها ان ما تسال عني وما تحن الي حتى بعد ولادتي وبعد الأذى الي لحق بيه .. عجيب شكد قلبها قاسي ..

وسام رجعني للبصرة وسافر اني رجلي تحسنت بس بقت
اثارها موجوده يعني بعدها تخدر وبل كوه امشي عليها

ومتعبتني كلش ومرات توجعني بس بمرور الوقت
وبل علاجات صرت احسن والتفتت لاطفالي حبيتهم

اكثر من روحي كان شعور الامومة حلو
وما اعرف شلون اوصفه ابد ومرت الشيخ راح تموت عليهم اربعة وعشرين ساعه مكابلتهم وكاعده كانت تساعدني بيهم هواي شكد ما ردت ابعدها وما اريد شخص بحياتي بس هي فرضت نفسها عليه واني هم انقهرت عليها وهي محرومه من شعور الامومه من غير هي الها فضل عليه وهواي تداريني واداريهم شكد كعدت يمي وردت عليه الوحشه

شكد ساعدتني كانت حتى الطبخ هي تسوي
خوالي ونسوانهم يرحون ويرجعون علينا بس صاروا مو مثل بل اول يعني قبل كانت زيارتهم وسؤالهم عليه بشكل مكثف بس بعد ما تحسن وضعي واستقريت لا قللوا هم عندهم اعمال خوما يبقون يركضون وراي

نرجع للواقع :
شام .. هاي الفترة قضيتها مع نور ووسام شكد تونست وياهم وفرحت بوجودهم حواليه

بقوا ٣ اسابيع ورجعوا اني رجعت حياتي طبيعيه
وعادي الامور طيبه

كنت اشتغل ومدنكه على الاوراق الي كدامي
اجا اتصال ما اهتميت ولا باوعت على الرقم ابد

سويته صامت وكملت شغلي .. ومن طلعت من الشركة
يله فتحت جهازي .. كان رقم غريب ما اهتميت

لان بل يوم يجيني اكثر من عشر اتصالات علمود الشغل وهواي ناس فـ متعوده على الوضع ويوميه رقم غريب

لبست المناظر الشمسية .. لان اتحسس من الشمس من اسوق
طلعت للبيت وتلفوني يرن

شكد اضوج من واحد يلح .. كان بوقتها مزاجي برتقالي
وما عاجبني ارد على احد ودائما اسوي هيج لان اتعب من كثرة الاتصالات ...

وصلت للبيت اخذت اطفالي ونمت كبل
لا تغديت ولا غديتهم لان مرت الشيخ موكلتهم

هما يمي يلعبون بس بهدوء كل ما اسر يسوي صوت
اسمع لجين تكله اشششش ماما نايمه

كملت نومتي للساعة بـ ٦ يله كعدت
واسر ولجين نايمين يمي

كعدتهم وسويت اكل وكعدنا ناكل ونسولف
كنت معتبرتهم فاهمين واسولف الهم على يومي وعلى هواي اشياء شكد احبهم من يستمعون الي بهدوء واحس يسمعون ويفهمون بكل جوارحهم ويركزون وياي لحد ما اكمل تبدي اسئلة لجين ام لسانين

كمت وصار وقت الصلاة اجت لجين تصلي وياي
وتقلدني بس هي مادام تصلي تحجي وي اسر

لو تعيب عليه .. من نكمل تلزم السبحة وتسبح وياي
وحجيها مكسر وتردد "يا لحمان لو استفخر الله .." مرات امنعها انو تصلي لان تضحكني وتخرب الصلاة عليه
شكد تجفص وتحجي كلمات تخليني اخرب من الضحك
كملت وهي كعدت يمي منتضرتني ابدي اسبح
بقيت ساكته وصافنه
لجين "يله ماما اريد اروح العب مع اسر .."
رديت "روحي ماما خلصت .."

كامت مني واني كملت صفنتي ونوب كمت
اتصفح بل فون وارد على الطلبات او على الاسئلة الي بل دايركت

خلصت منه ونوب كعدت اتفرج وي اطفالي افلام كارتون
صرت ما اتابع مسلسلات كله افلام كارتون

صارت ساعه تسعة رجع تلفوني يدك
اخذته نفس الرقم مال الصبح
رديت "الو السلام عليكم تفضل .."
اجاني صوت رضا "وعليكم السلام شام شلونج .."

كان صوته قلق .. رديت باستغراب.." بخير شعجب مخابر عليه .."
رد "شام مياسين احتركت وهسه بل مستشفى .."
فتحت عيوني على وسعهم ولطمت على وجهي
"وهسه شلونها .." قصص وروايات عراقية كرار صلاح
رد "ما اعرف بس مو زينه شام خايف عليها تون من الوجع كطعت كلبي .. انطيني رقم وسام .."

انقهرت على مياسين ورسلت رقم وسام لرضا
وسام من قبل بعد قطع علاقته بيهم وما يرد عليهم وغير ارقامه كلهم وحتى رقمي اني غيرته بس اكيد ميس انطته اله

بقيت قلقانه عليها ومقهوره كلش
حتى ما سالت شلون احتركت .. بعد نصف ساعه خابرني وسام
صار يحذرني ما اروح لهناك ابد وما اوصل
اني سكتت بس ما اكدر اعوفها هيج خطيه
ثاني يوم خالو كال ان مياسين محتركه وميس كايلتلهم على
عبالهم ما اعرف
بقى بالي مشغول وكل شوي اتصل على رضا
وأسأل عن حالها

الي عرفته حركها مو قوي بس متأذيه كلش
خابرت ميس اسال شلون احتركت كالت طاك عليها الطباخ

كلبي مردني عليها .. ما تحملت اتركها
طلبت من خالو ياخذني لبغداد بس ما قبل لان وسام محذرة ما ياخذني

بقيت على نار عليها وقلقانه وسام رجع للعراق علمودها
وكال عيب هم اضم راسي تبقى بنت عمتي ويتيمة
وما يقبل اجي لهناك الفترة المرت كلها قلقانة واخابر واستفسر عن وضعها بس ماكو اجابة تشفي كلبي اريد اشوفها بعيني ما تحملت اكثر من هيج

لحيت على خالو ياخذني الهم لحد ما اقتنع
واخذني لهناك .. حضرت نفسي واطفالي ورحت لبغداد

كعدنا اني وخالو بل شقه هذي كل ما نجي هنا
تسكن بيها هي مو مالتنا لا مال الشيخ بس هو مو هواي يكعد بيها بس من يجي لهنا او من يسافر او بوقت العمل وهيج يعني

خابرت وسام كلتله اني ببغداد كام يحجي عليه وما قبل
وكال مياسين زينه ومتحسنه ما بيها شي واصلا حركها مو كلش قوي .

جريت نفس براحه "وسام ما اكدر تعرف شنو ما اكدر
اسمحلي هل مره اريد اشوفها صار سنين ما شايفتها ولا حاجيه وياها ولا تنسى هذي مياسين مو اي وحده الوحيده الي ساعدتنا وما اذتنا .."

سكت واجا عليه للشقه
هي صارلها ٣٠ يوم عدل من احتركت ووسام كان ملازمهم وما تركهم ابد وكان كل ما اطلب اجي لهنا ما يقبل

الي عرفته هي حاليا بل بيت وطالعه من المستشفى واحسن من قبل بهواي .. يماااي من اتخيل منظرها اخاااف وينعصر كلبي عليها

اجا وسام للشقة سلمت عليه وكال باجر اخذج الها
اني حسيت روحي ترددت وتندمت لان اجيت ما عندي استعداد التقي بيهم بعد الي صار ما عندي استعداد ولأ جرئه لحتى ادخل لبيتهم صار سنين ما شايفتهم ولا ملتقيه بيهم ابد حتى جدو وعمو حتى مهيمن من يجي لميس مرات يريد يشوفني ما اقبل اعوف اطفالي لحتى ياخذهم لـ ابوهم ويرجعهم الي

بس هسه مضطرة لخاطر مياسين .. خلصت اليل سهرانه وافكر شلون راح يكون لقائي بيهم يا ترى شلون راح اوجهم واباوع بخلقتهم لو مهند الي احس نفسي ما اطيق اشوفه ابد

ثاني يوم اختاريت الصبح اروح لان هيج وقت الكل بل دوام ومشغول ولو هي عطله بس الاهم عندي الكبار مموجودين

اول ما فتت للشارعهم صابتني رعشة وخوف من كل شي
تذكرت الي صار وتذكرت كل اذيتي واوجاعي كلها

تمنيت اتراجع عن قراري وارجع بس سكتت
ياريت لو راجعه ياريت .........

دخلت للحديقة كانت متغيرة ومعدلينها .. غمضت عيوني
واني اتذكر ذكرياتي بيها .. الجهال راحوا يركضون لبيت جدهم واني ووسام دخلنا لبيت جدوا

كانت بنت عمي اخته لرضا موجوده رحبت بينا ودخلتنا
كعدت بل استقبال واجت قدمت الماي
سالتها "اريد اشوف مياسين نايمه لو كاعده .."
ردت "ما اعرف هسه اشوفها .."
اني كمت وياها .. ما متغير شي من البيت
الأثاث نفسه بس تعديلات وتغييرات بسيطة

تذكرت بيبي الله يرحمها تمنيت لو موجودة
اخذت حسرة وكملت طريقي

دخلت لغرفة مياسين و سارة وياي
باوعت مياسين كلها شاش وشكلها يخوف كزبر جسمي من منظرها

وجها ما متضرر بكد ما جسمها متضرر
واكثر شي ايدها ورجلها اليمنى .. كانت نايمه ومبين عليها التعب ..

اخذت حسره وبست راسها وكعدت كبالها
سارة عافتني وراحت "مياسين والله اشتاقيتلج ما كنت متوقعة التقي بيج بعد كل هذي السنوات وانتي بهل حاله .. سوده عليه كون يا حبيبت قلبي اوووف يا عمري شصاير بيج .."

صرت اباوع عليها واحجي والخنكه ببلعومي
ما كعدت بقت نايمه عفتها ما ردت تصحى وتتألم

طلعت من الغرفة ورجعت للاستقبال .. جدو كان كاعد يم وسام .. رحت سلمت عليه سلامي كان بارد ما بادلته نفس شعوري قبل ما رف كلبي عليه ولا على اي ركن او ذكرى بهذا البيت اتمنى بعد ما ادخله ابد .. جدو اخذني لحضنه وباسني ويسولف وياي ويتعذر على الي صار بس كلماته ما اثرت بيه ولا مقدار شعره شعوري جامد تجاههم

سمعت صوت لجين وهي تلغي .. دخلت عمتي ام مهند وهي لازمه باطفالي .. كمت عليها سلمت وهي فرحانه بشوفتي

كعدت يمهم شوي واشرت لوسام يرجعني للشقه .. كام وسام جدو وام مهند جلبوا بي ورادوا نبقى على الغدا بس اني ما قبلت

وسام كل هل مدة كاعد هنا ببيت جدو يعني بين قوسين العلاقات رجعت تقريبا

اني ما قبلت ابقى شكد جدو لح وأتوسل بيه بس ما قبلت
طلعت من بيت جدو

باوعت على بيت عمي ابتسمت بآلم ممزوج بكرة
لمحت وحده واكفه بل باب
باوعت زين كانت ميس ووراها هنا
سلمت على ميس بيدي بدون كلام
ما ردت اتقرب عليهم ولا اشوف هنا بس هي
واكفه وتباوعلي حسيت نضراتها مثل وحده ندمانه او تريد تحاجيني بس متردده

تجاهلتها وطلعت .. رجعت للشقة
وبعد يومين وارجع للبصرة مياسين من عرفت اني جايه وهي نايمه طلبتني ورادت اجي عليها تشوفني ما كدرت

امتنع اخذني خالو لبيتهم بعد صلاة المغرب
الحمد لله ما كان اكو احد موجود غير عمتي ام مهند

وجدوا ورضا بسسس هذول الي شفتهم اطفالي هم
عافوني وراحوا لبيت جدهم ابو مهند

دخلت على مياسين كانت نايمه بس مفتوحة
عيونها من شافتني بجت

رحت عليها بست راسها وامسح دموعها
لا اني حجيت ولا هي حجت شي

بس دموع مياسين تجري .. دخل رضا ما قبل لان تبجي
وصار يهدي بيها

اني استأذنت بعد ما تحمدت الها بل سلامة وطلعت
من الغرفة

طلعت برى البيت بل باب صار بوجهي عمو ابو مهند
استحيت اعوفه وما اسلم عليه

سلمت باستعجال وطلعت ما انطيت مجال يحجي
او يسال او يسلم عليه زين

خالو منتظرني برى بعده
صعدت ويا وانتظر اسر ولجين يجون

جابهم الي رضا ووسام
وسلموا على خالو وانطلقنا

عبالك حمل وانزاح عني ارتاحيت من طلعت
وخلصت .. بس ذكرياتي ما تفارقني ابد رجع الي كل ماضيي الأليم

رجعت للبصرة التهيت بل شغل لان تاركته
والاستاذ يشتغل على المشروع وملتهيه

بعدها عرفت من ميس ان اهلي تقريبا رجعت علاقتهم وي
بيت جدو وصارت بيناتهم اتصالات وكلام وتواصل

ما اهتميت شيصير يصير شعليه اني
تذكرت اهلي وعلاقتي بيهم شلون خربت :

بعد ما رجعولي اطفالي ورجعت للبصرة محد بيهم كلف
نفسه واتصل ولا احد حتى عمو ابو مهند

الي عرفته من ميس ان هما بعدهم يشوفوني غلط
وما متقبليني بس ام مهند تلح على مهند يرجعني

كان جواب مهند الها
"ما ارجعها ما تستاهل .. هواي تعبتني واتحملتها ودللتها وتالي تريد تنزل الطفل .. واخر شي ختمتها تبوك فلوس وتروح تكعد يم رجال غريب وتتصل بي وتتصرف من راسها بعد هذي فعلتها محت وجودي يعني ما معترفه بيه

كانت تكدر تجي وتكول يابه صوري يهددوني بيها
ويردون فلوس .. مو تروح تتصرف من راسها
ما خافت ما حسبت الي المرة الهيج ما تحترم ولا تهاب
ما اريدها ولا اريد شوفتها وبعد سدوا الموضوع لحد يفتحه وياي ولا اطلبون ارجعها تبقى غلطانه وكلشي صار من ايدها .. ولو ما اخاف ربي كان حتى اطفالي اخذتهم منها واحرمها شوفتهم .."

بعد الي وصلته الي ميس انصدمت بل كلام وفقدت الامل
كان عندي امل ان مهند يرجعني ويسامحني

كنت كل ليلة تمر عليه اكول باجر يجي باجر يرجعلي
مهند ما يتركني هو وعدني وكل يوم كان يكولي للموت ما اتركج وينه عني شبسرعه تخلى عني

شكد عانيت بعد هذي الكلمات الي نزلت عليه مثل الصاعقة
بوقتها بقيت صافنه بوجه ميس وما حجيت ولا كلمه بس تاذيت من داخلي حيل .. ومن بعدها ميس ابتعدت عنها

ما اريد اعرف اخبارهم ولا اريد توصلي اي كلام
قطعت علاقتي بل كل حتى هجران منعت ميس
تنطيها رقمي وشمس لحت عليها وانطتها

اني اول ما خابرتني حظرتها ما اريد احد ابد
خالو كعد يقنعني ارجع للجامعة بس ما قبلت لان وين
اخلي اطفالي واصلا اني الحياة كلها وكفت بعيني ما عاد الي واهس بيها .. بس شكد لح عليه حتى الشيخ محمد وكال اول ما تتخرجين تشتغلين ويانا مكانج موجود.. وزوجته تبرعت ان هي اداري اطفالي بوقت الدوام وفعلا داومت وهي اتولت مسؤولية الاطفال كانت حتى وقت الامتحانات تخليهم عندها بليل كلش توديهم الي .. مراتٍ اضوج بس تعودت ومضطره هيج اسوي

اما اهلي فـ نفس كلام مهند بعدهم يشوفوني غلط
وبابا يشوفني اني الي تسببت بدمار علاقته وي اهله
بس اختي نور تتواصل وياي ووسام هم ما تركني كل ما تصيرله فرصه يجي عندي يبقى اسبوع اكثر ويرجع
اني هم لو متصلين عليه او طالبيني مستحيل احجي وياهم وانسى شسوو بيه .. حقدت على الدنيا كلها

صدمة .. بعد صدمة .. بعد صدمة ...
انصدمت بل كل بل اول بمهند وشكه وطعنه بيه
وبعدها باهلي الي يشوفوني غلط واتخلوا عني واني كنت
بامس الحاجة الهم .. وانصدمت بهنا وخباثتها حتى بعد ما انطعن بيه بقت تكرهني وتريد اذيتي وانصدمت بـ عمو الي كان يكولي انتي بنتي الخامسة .قصص وروايات عراقية كرار صلاح. و صدمتي باختي وصديقتي شجن الي تسببت بكل هذا الخراب هي الي طعنتني قبل الكل ودمرت حياتي وتركتني رماد بسببها انكشفت الاقنعة وعرفت طينت ناسي .. لا والله مو بس ناسي عرفت البشر شنو وعرفت محد يدوم ولا احد يبقى مثل ما هو .. هي هاي الحياة .. واخر شي الصدمة القويه هي اهلي عمامي وابو اطفالي كلهم تخلوا عني وتركوني محد كلف نفسه يسال عني ابد ولا احد وكفلي حتى وان كنت خطا بس انا مو نبي ولا ملاك اني بنت حواء وادم مو معصومة الانبياء غلطوا مع الرب وسامحهم واحاطهم بعطفه ورحمته اني بشر غلطت بحق نفسي مو بحق احد وهيج الكل وكف ضدي الكل حاربني .. منعوا حتى مياسين من ان تتواصل وياي

انا بعد كل هذي الصدمات .. صرت ما اهتم لاحد ولا
اتقرب لاي شخص لا بل جامعه ولا بل بيت

ابعدت الكل عني .. وبعدت حالي عنهم
صدمات خلتني اعرف الناس صح واشوف الدنيا صح

علمتني اكون انانية وما احب اله نفسي واطفالي
تركت اهلي بزعلهم وما حاولت ابرر الهم او اطلب عطف وحنان وعفوا تركت الامور مثل ما هي ومضيت بحياتي الي رسمتها انتشلت نفسي من ضعفي من خراب حياتي اتكأت على نفسي وكمت رممت دماري بنفسي ما طلبت من احد شي ولا انتكلت على احد كان ربي هو الي ميسر دربي ومنور طريقي هو الي استمع الي وسامحني كنت مؤمنه بانو الرب سامح وعفى عني لانو كان بكل مره يمهد طريقي ويقدمني للافضل ..

كان مصرفي على الفندق مال اهلي بس بعد ما اشتغلت
بشركة خالو ما صرت اخذهم لان مو بحاجتهم

من غير مصروف اولادي كان على ابوهم يدزه بيد
مهيمن وكان كل شهرين ياخذهم مني اسبوع ويرجعهم

ومن صرت اسافر اتركهم عندهم واسافر .. اول سفره الي كانت لعمان بوقتها سمعت ان صايره مشكلة بسببي ومخابرين وسام تعال شوف اختك صارت تلعب بكيفها وتسافر وتطلع .. بوقتها وسام عاركهم وخالي كذلك لان هو وياي وما مسافره لوحدي عاد سكتوا

سمعت بهـنا تزوجت ليث هو من قبل كان رايدها بس منتظرين تخلص دراستها ومن خلصت صارت تماطل
وتاجل لحد ما لوحدها اقتنعت ووافقت

يتبع............

قصه جريئة لفتاة تتعرض للتحرش و.............


#الــبــارت 37

‏" كيف يُمكننا أن نُقنع عقولنا أنّ اللّيل خُلق للنّوم لا للتفكير ".

بعد ما دخلت لبيتهم تذكرت حالي وعادت الي كل الذكريات
بس ابد ما حسيت بحنين للماضي احس قلبي صار قاسي الزمن كان كفيل بقسوة قلبي كان كل يوم يمر عليه احقد عليهم بس ابد ما اتمنى الهم الشر بس بنفس الوقت ما اريدهم

عساهم بخير بس بعيد عني .. كنت منومة اطفالي والشتاء
حيبدي كنت ما نعسانه وافكر واتذكر الماضي .. رحت على
كنتوري فتحته كان عندي صندوق صغير مجمعه بي بعض
الذكريات القديمة وكان من ضمن الذكريات تلفوني الي تهددت بي بصوري .. من ذاك اليوم اخذته من وسام
وضميته ما فتحته بس فسخته وضميته بي كثير صور وذكريات قديمه حتى خطي القديم بي

اخذته خليته على الشحن وكاعده على مكتبي صافنه بي
ومنتظرته يشحن ما كان مجرد تلفون كان بالنسبة الي
حياتي القديمة بي ذكرياتي ويشهد على ظلمي اني
اشوف نفسي انظلمت بس هما يشوفوني ظالمه

بعد نصف ساعة او اكثر فتح .. فتحته وقلبي يعصرني دخلت على المعرض اتصفح بل صور القديمة
صوري صور لمهند وصور لعمو وعمتي كنت
حتى من نكعد العصر ونشرب جاي ونسولف
اخذ الهم صوره وكاني اعرف حيجي يوم
يتركوني ويتخلون عني .. صور بيبي
صور جدو صور اني ومهند شكددد ماخذه ولهنا

وصور اني وشجن ومجموعتنا القديمه اباوع بصور
شجن ما كنت متصورة يجي يوم وهيج اسوي بيه

شعور يموت قهر ..
من تتصفح بل صور القديمة .. من اشوف اهلك وناسك واصدقائك معك بالصورة تتذكر شوكت اخذتها تتذكر اليوم الي كنتوا سويه والفرحة ماليه قلبكم ومتونسين بوجود بعض
يوم كانت المحبة والمودة ماليه قلوبكم

طلعت من المعرض ودخلت للمحادثات قريت كل الكلام
بيني وبين شجن وبيني وبين المجموعات وحتى وي هنا
كنت مرات حتى واني بغرفتي وهي بغرفتها اراسلها واحجي وياها ما كنت متصورة يجي يوم وهيج تتغير النفوس هيج تتغير حياتنا وتنملي غل وحقد وكره تجاه بعض يوم نتمنى الشر لبعض ما نحب الخير لبعضنا

كنت اقرا واتبسم واتذكر شكد كانت نفوسنا طاهره ونقيه
ووحدة تحب الثانيه واسرارنا سويه وما هيج حالتنا منو كان يعتقد هيج يصير بعدين ما متوقعه هل شي ابد

بعدها انتقلت لمحادثاتي وي مهند وقت الدوام او من يطلع
اقرا واتذكر كلامه وغزله وحبه الي كان يغمرني بي ما كان
منقص عليه شي .. اني الي خسرته بغباء من غير قصد اعترف من شفت الرسائل وتذكرت حياتي ويا اكتشفت

كنت غلط وتصرفت غلط وتندمت على اغلاطي بس بعد
هذا هو كلشي مر وانتهى صفحتي انطوت مع هذول البشر

ماكو خط رجعه بعد فقط اطفالي هما الشي الوحيد الي
يربطني بيهم .. واله اني لولا وجودهم يمكن من اول ما اطلكت سافرت على امريكا واترك مو بس عائلتي القديمه
لا حتى عراقي الي ترعرعت بي

فززني صوت الاذان على تلفوني .. صليت على محمد
وكمت اصلي .. صليت وكملت

صرت اكول لنفسي واني احس الغصه ببلعومي واكفه
حياتي القديمة انتهت .. انتهت من قبل سنوات عده
واني بديت حياة جديدة مع ناس جدد ..وبمكان جديد ..
وهذي الصور والمحادثات صارت مجرد ذكريات

بس هل شي يخنك ويموت .. من تحن لاهلك وناسك
بس ما تكدر تشوفهم بس بل صور ...

قفلة الجهاز ورجعته لمكانة .. نمت بتعب بعد ما
استرجعت الذكريات كانت ليلة متعبة وصعبة بعد ما

اجتازيتهم وتجاوزتهم.. هل ليله خلتني واكفه عندهم

اختاريت ان اقطع سلسلة افكاري وذكريات الماضي
وانام وامحي هل ليلة من مخي ..
مشت الايام واني ملتهيه بحياتي وعملي
مياسين تحسنت وصارت احسن من قبل وراح تباشر

بل تجميل علمود آثار الحروق ووسام اقترح عليهم ياخذوها لإيران وفعلا سمعت ديجهزون بجوازهم ووضعهم ووضع اطفالهم .. اني بعد زيارتي الهم ما حبيت ارجع علاقتي بقيت نفس ما اني وبعد ما اطمنت على مياسين رجعت قطعت علاقتي بيهم ولاخبارهم .. بس مهيمن من يجي ياخذ

اسر ولجين ويا بس هم ما اشوفه ولا اسمحله يلمحني
كان الجو باااارد واني ملفلفه اطفالي وكاعدين كدام الصوبه

كنت اقص اضافرهم واسر موتني كل شوي يبعد ايده
يخاف لا اعوره
لجين "ماما .."
رديت عليها "ها ماما .."
لجين "سحيح لاح تسافلين.."
ابتسمت "ايي ماما وانتو راح ترحون لبيت بابا هناك يم بيبي .." قصص وروايات عراقية كرار صلاح
ضحكت هي واسر ".. تعالي هناك ويانا بيبي حبابه وتحبششش هواي تسال عليششش.."

سكتت عنها وكملت اسر .. كومتهم لحتى يفرشون
اسنانهم وينامون .. نومتهم ولجين كل شوي تسال راح تسافرين ونفس الاجابة موتتني ضحك

نامت واني كنت احظر بملابسي واخليهم بالجنطه
بعد يومين واسافر باجر يجي مهيمن ياخذهم لبيت جدهم

واني اسافر حظرت ملابسهم وملابسي وجهزت كل شي
ثاني يوم اخذتهم على بيت خالو وطلعت للشغل