حجه خالو ".. شراح تسوين وشنو وصلتي بمشروعج .."
رديت "تقريبا راح يكون عن قريب قيد التنفيذ .."

هز راسه "الله يقدملج الي بي الخير .."
شام "اميييين .."

وصلني خالو للبيت وراح
اول ما فتحت باب البيت سمعت صوت
الشيخ محمد "اهلاااا اهلااا .. شلونكم .."
التفتت "اهلا وسهلا استاذ محمد .."
رد "هلا بيج ياب .. والحمد لله على السلامه .. شلونكم كتاكيت شام .."
ابتسمت واشرت لاطفالي يروحون لعنده
اخذهم لحضنه ويبوس بيهم ويشاقيهم
الشيخ محمد "تفضلي ست شام لبيتنا اليوم عشاج يمنه .."
رديت "لا تسلم استاذ ..يله ماما تعالوا .."
الشيخ ما قبل ولح عليه ادخل لبيتهم اضطريت اسمع اله
واقبل العزيمه.. ودخلت الجنط ببيتي وطلعت

كان منتضرني برى .. دخلت ويا وهو يصيح زوجته
لحتى تستقبلني .. من شافتني رحبت بيه بحراره

ونوب حولت على اطفالي .. شكد تحبهم وتبوس بيهم
روحها بيهم هي والشيخ

صار ابو محمد بوجهي توه طالع من الحمام
"هلا يابه شام شلونج .."
رديت "اهلا بيك حجي الحمد لله بخير انتو شلونكم .. الحجيه شخبارها .."
رد ابو محمد "بخير بويه .. تفضلي ليش واكفه .."
دخلت للصاله وكعدت .. بعدها دخلت الحجيه

وخوات محمد كذلك .. رحبوا بيه وكعدن يمي
يسولفن ويسالن عن وضعي وشسويت

كعدت يمهم وبعدها صاروا يجهزون بل اكل
التميت وياهم .، استاذ محمد مخلي اطفالي وياكل بيهم

وزوجته تباوع بحسرة انقهرت عليها .. شعورها صعب صرت احمد ربي بقلبي على الهدية الي انطاها الي

كملت اكل وكمت اغسل .. وردت اساعدهم بل
غسل وما قبلت مرت الشيخ
كعدت يم ام محمد وابو محمد والشيخ
وخواته هم موجودات
صار يسالني عن العمل الي اشتغلته بل امارات
ويستفسر عن بعض الامور
بعدها سالني "وين وصلتي بمشروعج .."
رديت "ان شاء الله عن قريب يتنفذ .."

رد "اريد اشوف شغلج .."
رديت "هسه اجيبهم واجي بقن بل بيت .. "
رحت لبيتي طلعت الاوراق واخذت الاشياء
الي اشتريتها الهم هدية ورجعت للبيت

والشيخ كان ناطرني بل باب
وزعت الهدايا والحلويات على الكل وما نسيت احد ابد

وكعدت اني واستاذ محمد نتناقش بل مشروع ونخطط
ونشتغل عليه .. صار ينطي نصائح ويوجهني ويقترح عليه بعض الاقتراحات

اني حسيت نفسي تعبت ونعست كللللش
هو حس بيه .. وكال كافي لهنا اليوم باجر نكمل
من كمت اطفالي وكفوا وتحضروا لحتى نرجع لبيتنا
من شافتهم مرت استاذ محمد
"فدوه لعينج خيه شام خليهم اليوم يباتون يمي .."
انحرجت بطلبها "والله ما اكدر تعذريني والبيت وحشة بدونهم .."
ردت ام محمد "تباتي هنا يمنا قابل ناكلج .."
فتحت عيوني "لا حجيه ما اكدر تعذريني يله تصبحون على خير وشكرا على العزيمة .. يله ماما اسر .."

اخذت اطفالي وطلعت وهما وراي وصلوني لحد الباب
دخلت لبيتي وبدلت لبست ثوب خفيف

متعوده هنا ماخذه راحتي كلش بل لبس
البس اي شي يخطر ببالي حياتي مرتاحة بيها على اخر حبه ومستمتعة بوجود اطفالي جنبي

عادت الذكريات تراودني قبل الخلود للنوم .........

عمتي ما تركتني وساعدتني هواي .. كانت افضل من امي الي خلفتني .. من جبت ولسه وهي ما متصلة عليه ابد

عمتي ام مهند ما صدكت الحجي الي نكال بحقي
وامي صدكت وقاطعتني .. من اتذكرها انقهر منها كلش

خابرت وسام وسولفتله على وضع رجلي
الي عرفته من عمتي العصب مال رجلي مضروب من الولادة

تدمرت نفسيتي من عرفت وخفت على حالي كلش
خفت لا ابقى معاقه طول عمري

كنت اليل اخلصه بجي ودعاء لربي لحد ما انام
وعمتي مرات تواسي ومرات تبجي عليه وعلى وضعي

وعلى الي صار ودمر حياتي وحياة ابنها
كنت كاعده مثل كل يوم ساعه ٢ واطفالي يبجون خبلوا عمتي وثنينهم على فرد بجيه .. واني ابجي وي بجيهم
عاطت بيه عمتي "كااااافييي شاااام خبللللتووووني انتتتي واطفااالج .. شبيج صدددك جذذذذب .. طفله انتي وتبجينننن وياااهم هاااج اخذي اسر رضعي واني عليه لجين .." قصص وروايات عراقية كرار صلاح
خلته بحضني واني ابجي وارضعه وهو يبعد من صدري ويبجي طكت روحي جيت اشمره
رجعت عمه عاطت بيه "ولللج سكتتتي لا تبجييين مرمرتي للولد .. الله اكبر على راسججج .. يمه منج ولا تنراديننن .."
حجيت "انعععم الله عليج عمه هاي حتى انتي هيييج تكووولين كنت متوقعتج تختلفيننن .. والله حتى على امي اقدمج وانتي هييييج تكووولللين .."

عضت اصبعها "بنت محمد كسري الشر وسكتي ترى كلبي صاير هل كبره منج ومن ثولج ورعونيتج .."
سكتت ومسحت دموعي واسر بحضني سكت ويرضع
لحد ما نام .. نوب عمه انطتني بنتي لجين
"هاج خليها تاخذ من صدرج احسن لا تعوديها على حليب القواطي خلي شي ثانوي احسن الج .. حليب الام يختلف وافضل للطفل ولصحته .."

رديت بقلة حيله "عمه تعبت والله وخريها مني .."
"اخذيها لا اطيح حظج .."
اخذتها وامري لله .. رضعت ونامت
وخرتها عمتي من حضني وخلتها بل كركوت
قللت ضوه الغرفه وكعدت يمي على الجربايه
ام مهند "يمه شام اني احبج ورايدتلج الخير .. وصدقيني الكلام الي انكال بحقج من ابن بطني ما صدكته انتي بنتي وحافظتج واعرفج.. ما عندج هل سوالف ابد .. سولفيلي واني امج .. لا تضمين حرف واحد عليه .."
سولفت الها وهي تلوم بيه وتحجي عليه
ام مهند "ولج شام شمسويه شمصخمه بعمرج انتي .. شلون هيج تتصرفين شايفه شنو الكلام الي انحجه عنج كله من وراج انتي الي خليتي نفسج بهذا الموقف انتي دمرتي حياتج .."
رفعت راسي "شيكولون عني لساني ما اعرف شو حتى خالي ووسام كالوا تاهمينج بس ما سالت شنو الموضوع .."
..................................

نفضت افكاري ونمت بوسط اطفالي واني
مليانة وجع من ذكريات الماضي

الي صار جرح معلق بـ الذاكرة مستحيل تنمحي ذيج الأيام واليالي والوجع والذل والوحدة الي كنت اشعر بيها الكل تخلى عني وخذلني .. عرفت طينة ناسي شنو
كعدت من ٦ الصبح
مكيجت وحضرت حالي واخذت اشياء العمل
كعدوا اطفالي ما لحكت اريكهم غسلت الهم ولبستهم
واخذتهم لبيت الشيخ محمد

كان لازم اوصل للشغل من وقت احب احترام الوقت
ما احب اتاخر ولا ثانيه وخصوصا اني مستلمه قسم كامل بل شركة

اخذتهم للبيت ومثل كل مره.. زوجت استاذ محمد واكفتلي بل باب "صباح الخير .. فدوه نسمه اطفالي ممتريكين ما لحكت اريكهم .. "
ردت "صباح النور .. صدك جذب من عيوني .."

دخلتني للكراج اخذت سيارتي الخاصة وطلعت
بيها واستاذ محمد صار بوجهي صبحت عليه وانطلقت بسيارتي للشركة

اول ما دخلت بدا السلام والموظفين يتحمدولي بل سلامة
وبديت اشتغل الي عليه

الساعه صارت ١١ الصبح واني مدنكه واشتغل
تعبت وجعت كلش

استأذنت وطلعت لحتى اتريك
اخذت سيارتي ورحت لاقرب مطعم .. كعدت اتريك وبعدها اشرب قهوتي ..

طلبت القهوة وكان المطعم بي نت .. كعدت اتصفح
صار يومين ما فاتحه النت
شفت الرسائل وطلبات المتابعين على انستغرام
كانت صفحتي على إنستغرام والفيس معروفه وبيها كثير متابعين .. كانت بمثابة اعلان عن عملي وانشر بيها يومياتي وبعض المشاريع

كان بل يوم يجيني ٥٠ طلب على المواقع لان نشرته ببيجات
شفت واحد من الطلبات حساب بنت اسمها شمس ودازتلي على الخاص هلو

ومخليه صوره جذبتني دخلت لحسابها وتصفحت بيومياتها على هايلايت .. اكو صور وجها نصفه طالع

ابتسمت بمرح .. هذي شمس شجابها هنا ومنين عرفت حسابي
غلقت الجهاز وكمت لان صار هواي هنا كاعده
رجعت للشركة .. صار بوجهي استاذ محمد
"ست شام محتاجج بل مكتب بعد ربع ساعه راح يجون ضيوف مهمين واريدج تستقبليهم وياي .."
رديت "حاضر استاذ .."
رحت للسكرتير مال استاذ محمد طلبت منها تحضر
الاشياء المهمه وكذا

واستاذ محمد طلب الضيافة من برى
جهزنا كل شي اني ويا واستعدينا للضيوف

صار يشرحلي شسوي وشحجي ومنو هذول وشنو
شغله وياهم الي عرفته يريد يعقد وياهم صفقه علمود
عمل بل خارج

كانوا ضيوف مهمين كلش واصلا بعضهم اماراتيين
كعدنا وياهم ونتناقش ونخطط لحد ساعه ٣ الضهر واحنا كاعدين نشتغل

الاستاذ عزمهم على الغدى بمطعم .. رحبوا بل فكره
اني ما قبلت اروح بس الاستاذ لح عليه اروح وياهم

كمت مضطرة وياهم .. شكد اكره الحاحه عليه
ووين ما اكو شغل لازم اني اسوي

اخذت سيارتي واتفقنا على مكان المطعم
وصلنا لهناك سويه .. كنت منحرجة لان كلهم زلم واني الوحيدة بينهم بنت

ولو تعودت على هل وضع لان شغلي يطلب هيج
هواي معتمد عليه خالو واستاذ محمد

صاروا حتى للخارج يحتاجوني ..

كملنا الاكل ورجع الاستاذ للشركة يكملون بعض
الاعمال .. اني استاذنت لان خلص وقتي وياهم واشتاقيت لاطفالي صار هواي ما كاعده وياهم وملاعبتهم

وصلت للبيت اتصلت بمرت الشيخ لحتى اطلعهم الي
اجوا عليه يركضون
اخذتهم ودخلت
لجين "ماامااا اني احبش .." ما اعرف ليش تحجي بل ش دائما بس احبها كلش هل كلمه
رديت بابتسامة "وانيي اكثررر منشش اجبششش.."
ردت اسر باحتجاج "واني .."
اخذته وشلته "يمااااي هو انت غير روحي من هل دنيًا .."
لجين "ماااا. ماما بس الي وخر .."

ضحكت على الغيرة الي بيناتهم
وطلعت ملابس الي .. سبحت واخذتهم للغرفه نمت وياهم واحجيلهم قصص اطفال لحد ما غفوا بحصني

كل ما اباوع بوجهم اتذكر الماضي ...

تذكرت عمتي ام مهند وهي تسولفلي عن الكلام الي انحجه عني

ام مهند "بعد ما انضربت شام واخذوها للمستشفى.. كانت حالتها خطيرة وكلنا خايفين عليها

واني احتاريت ابجي على ابني الي ضاع لو على زوجته وطفلة .. خابرت ابو مهند واني اسال عن وضع شام

كالوا فاقده وما صحت بقت يومين لحد ما اجا اخوها وتعارك حتى وي ابو مهند وكلها زعلت عليه

رجع ابو مهند ومهيمن للبيت ضايجين من الوضع
ويسالون عن مهند لان من طلع بعد ما رجع ابد

صاروا يدورون عليه ويردون يعرفون السالفة
لحد ما بعد اسبوع رجع مهند .. بس هو شنو رجع مهند ثاني
كان التعب والحزن واضحًات على ملامحه كانت معاني وجهه تحكي عن الحزن العميق الي تسببت بي حبيبة قلبه شام

ابو مهند تلكا للولد بل عرك والمصايح
ومهيمن بينهم يحاول يهدي الوضع

لحد ما خابرت على عمامهم لحتى يجون لان صاروا
نااار ثنينهم قصص وروايات عراقية كرار صلاح
ومهند وضعه يخوف يرجف من العصبية وما يدري بنفسه شيسوي وشيحجي
لحد ما اجوا واجا الجد .. كعدنا كلنا بل استقبال
كانت موجودات البنات

ابو مهند طردهن.. اني اخذتهم لبرى البيت
وخفت لان السالفة وأضح كبيرة وبيها مشاكل لان حتى مهند ما قبل يتكلم بوجودهم

ابو مهند "احجيي شصاااايرررر بينننك وبييين مرتككك حتى هيج اسوي بيهاااا .. تدري هسه هي بين الحياة والموت لو لا تعرف شنو وضعها لو لا .. هسه اني اذا صار عليها شي شسوي شلون اواجه محمد بس فهمني شكله .."

رد مهند "تستاااااهللل وبعدددد لحد يجيبببب سيرتها بل ببييييت هذييي عاااار عليييناااا ركبتتتت الناااا العاااار

والله ثم والله اذا ما اشرب من دمها لهل ساقطـ....... الكلبه .."
ابو مهند وعمام شام ثاروا ويسألون شسوت
وليش هيج تحجي عليها
مهند دنك راسه وضرب على صدره بقوه "خااااييييننننه ياااااابه مررررتتتتي وبنتتتتت عمي خاااانتتتني هل كلللبه نزززلت راسيي كاعددده يم رجااال غررريب ومووو بعلمي هاااي مو خيانه هاااي ها مو نذاللله تطلع بعد الدوام وي واحد ما تعرفه شيسمونها هاااي .."
رد ابو مهند بصياح "فهمنييييي شسووووت فهمنييي وشلون عرفت عندها شي ويااا شنو شفت .. "

رد مهند وهو يحجيلهم "صار فتره اني وشام متعاركين علمود الطفل هي ما تريده وتريد تنزله

شفت محادثته هي وصديقتها وذيج الكلبه تكللها نزلي
وشام تكول افكر .. اني هنا عقل ما ضل براسي من الي
قريته متوقع الكل يطعني ويخدعني اله شام .. المهم تعاركت وياها علمود هذا الموضوع.. صارت مشاكل هواي بيناتنا

حاولت انسى الي صار وارجع لطبيعتي وياها بس
ردت اعلمها درس حتى تتوب وتحسبلي الف حساب قبل لا تفكر هيج .. وووو ..

سكت مهند ورجع حجه
"و بيوم الحادثه كانت نهاية الامتحانات واتفقت اني وزملائي لان هذا اخر يوم من تعب الدراسة و قررنا نلتقي بمطعم الـ........ كنت كاعد وي الولد ودخلت شام تتلفت وكانو خايفه من شي .. ما شافتني واني انصدمت بيها لان هي بل عادة ما تطلع بدون علمي ابد .. الشك اكل مخي .. وصرت اراقبها واهز برجلي حاولت ان امنعها وما تشوفني

والاساتذة الي وياي يسولفون ويحجون وياي اني
ما اهتميت ولا بالي يمهم كل بالي عند شام

اجاها اتصال وبعد خمس دقايق اجا رجال وكعد كبالها
كاعده يم رجال غريب وتحجي وتبجي وهذا يحجي ويغلط والناس تباوع حتى زملائي انتبهوا لوضعها وي الولد
ما تحملت اكثر كمت ليمهم هي ما انتبهت ومدت ايدها ودتنطي ظرف
هنا اني عقل ما ضل براسي .. وصار الي صار

وهاي الكلبه بعد ما اخليها على ذمتي .. لان عار عليه
واذا احد جاب سيرتها وحق محمد اكلب الدنيا

وبعده كلبي ما بارد منها .، هسه اذا يطخ بعقلي اروح اقتلها بس الي واكف بعيني هو ابني .."

علت الاصوات والكلام والنقاش وصاروا واحد يجر وواحد يعر ويتناقشون .. نوب ابو مهند كال منين الفلوس

مهند كال اني ما عندي فلوس بغرفتي وبهذا المبلغ
صاروا يسالون منين جابتهم
دخلت هنا "بابا الفلوس شام سرقتهم منك .."
ابو مهند خزر هنا "امشيييي ولييي .."
مهند رد "صح يابه شوف فلوسك بيهم نقص واله منين تجيب هل مبلغ هذا .."

ردت هنا "مهند اني قبل يوم شفتها دخلت غرفة ابوي وطلعت من شافتني خافت وصعدت بسرعه حتى وجها صار اصفر .. اكيد اخذتهم من بابا .. شكد حذرتكم منها وكلت دللتوها شوف تاليها شسوت .. وصاحبت عليك وتبوك بفلوسنا الله اعلم شعندها وي هذا الولد لحتى تبجي وتنطي فلوس .."

ابو مهند من سمع كلام هنا كام عليها وضربها راجدي
ام مهند ادفع بي وتمنعه عن بنتها

اخذت هنا لغرفتها وتعارك بيها لان حجت هيج على شام
هنا "يطبها مرض لهل عااار .. مو هي هاي الي فضلتوها عليه شوفوها شسوت .. وانتي بعدج واكفه وياها وادافعين عنها .. شوفي حال ابنج شوفي شسوت بينه شلون سوت مشاكل وولت .. وحتى بوك باكتكم بعد اكثر من هيج شسوي
وانتي ادافعين لوحده تربية شوارع وكحـ... ما خجلت على نفسها مزوجة وتصادق وتطلع من كيفها وي شباب .. شمدريج ما تسوي اكثر من هيج .. بس الصوج كله بيكم وحييييل وابو زايد عساكم .. شكد حذرت ونصحت محد سمع كلامي كلها عبالها اغار منها .."

ام مهند لطمتها على حلكها "اشششش اششش والله اذا سمعت هل كلام مره ثاني اكول لـ ابوج وهو يعرف شلون يتصرف وياج .. ولج كلبه شلون هيج تحجين وتفشرين على مرت اخوج الضاهر اني ما عرفت اربي .. تفففففف عليييج وعلى وجهج يا نكسه .. ليش هيج تتهمين البنيه وانتي ما تعرفين ولا فاهمة شنو السالفة..

ولج هنيوة خافي ربج انتي هم بنيه ويجي يوم الله يدزلج الي يطعن بيج وبشرفج .. الله مو حرم طعن المحصنات بكتابه .. انتي شفتيها بعينج .. شفتي عليها فد يوم شي فهميني البنيه فطيرة وتحجي حتى على اهلها يمنه من كد ما فطيرة ما تكول يجي يوم ويعيروني بيهم

ولج وين اكو مثلها .. لا شفنا عليها ناقصة ولا زايدة
شكد صارلها ويانا ما فد يوم فتحت باب الشارع لو طلعت من كيفها .. وتلفونها حتى الجهال تلعب بي وما تهتم اله .. الله الي يدري بلي سوته .. حرام عليكم والله .."

هنا سكتت وام مهند عافتها وطلعت
دخلت للاستقبال "ابو مهند اول مره استفسر من البنيه يله تسوون الي تردوا ترى الله ما يقبل نحكم عليها واحنا ما سامعين منها .. هسه انتو سمعتوا لمهند صار لازم تسمعون لشام وتحكمون واعتقد انتو اكثر الناس مصدومة بل انكال وما مصدكين لان تعرفون شنو تربيتها شام مستحيل يطلع منها هيج شي الله اعلم شصاير وياها .."

مهند صار يعيط ويحجي واعصاب
اخذه مهيمن لغرفته لان صارت هوسه

بعدها بدت النقاشات واكتشافنا كلام هنا صحيح
وشام ماخذه الفلوس من الخزنه والفلوس مال اهلها

هنا اني بعد ما كدرت ادافع لشام واسكت حلوك العالم حتى عمامها صاروا ضدها وصدكوا الكلام نوب بعدها سمعنا بشام صحت وشوي تحسنت حالتها

اجا خالها واخوها يسالون عن الي صار
وسام تعارك هو ومهند لان يغلط على شام وطعن بيها

صار كلام هواي عليها اخر شي مهند رفع دعوة
الطلاق على شام لحد ما اطلكوا وكلمن راح بطريقه
وطبعا القاضي كان صديق مهند فـ بسرعه اطلكوا

بس مهند يحوس على اطفاله وما يقبل يتربى عند
شام .. وسام ومهيمن وابو مهند يسكتون بي وما يقبلون بكلامه بس هو راكب راسه

نوب رجع وسام ونكر كل كلام مهند بكلام ثاني
وكال شام كانت مهدديها بصورها وانطت الفلوس

ورجع العرك والهوسة ومهند ما يقبل يسمع من
وسام.. وسام ايس وعافه وطلب تلفون شام

احنا من ذاك اليوم ولسا غرفتها مقفولة وما داخللها احد
ابد .. دورنا على التلفون وماكو

ايسنا منه وما اله اي اثر .. اخر شي أختفى وسام وشام
ما عرفنا اخبارهم.. عمامها صدكوا كلام مهند وطعنه بيها

ابو مهند من عرف بشام ماده ايدها وماخذه فلوس منه
بعد شال ايده وما دافع عنها وتقريبا انطوت هل صفحه

بس كلها تسأل وتستفسر شنو الي صار
وليش اطلكوا .. ما اعرف عمامها شجاوبوا الناس وزوجاتهم

احنا بعد استعجلنا بزواج مهيمن علمود نكف المشاكل
وصار العرس وكلشي تم على خير

ابو مهند خابر وسام علمود يعرف مكان شام
عرفنا ان شام موجوده بل بصره .. ووسام مسافر وعايفها

لبين ما يكدر يسحبها لعنده .. مهند يطلع ويطب بسكته
وما يحجي هواي .. اصلا ما صرنا نشوفه

تجي اياااام وليالي ما نشوفه وصرنا رماد
بعد الي صار حياتنا تخربطت القهر ماكل كلوبنا

عليهم ثنينهم ولسا ما نعرف الي كالته شام لوسام
صح او غلط .. لان مهند ما يقبل نفتح السيرة

وتلفون شام اعتقد عنده وهو بي كل الي صار
اكيد .. اني ابد ما خشت بعقلي الي كاله مهند لان شام

بل فترة الاخيرة تغيرت وبس تبجي
كانت حتى من تطلع من الحمام مبين عليها شابعه بجي

كنت اتوقع بسبب الامتحانات او بسبب مشاكلها هي
ومهند .. بس بعد الي كاله وسام تيقنت الكلام صحيح
واني اصلا على كد ما احبها ما اصدك يطلع منها هيج شي

مهند بعده على حالته وما يباوع بوجه احد ولا نعرفه وين راح ووين اجا ..

.......
شام :
بعد الي سولفته الي عمتي شعر راسي وكف
شنو من تفكير شنو من كلام شلون هيج توقعوني شلون طعنوا بيه بهل شكل .. شلون شايفيني .. ليش هيج بسرعه توقع يكون هذا الولد اله علاقه بيه شلون يكول خانتني شنو شاف عليه لييييش هيج بسرعه شكك بيه وبتربيتي اني شام هيج يتوقعون اسوي .. شكد كنت مخدوعه بهل ناس شكد كنت ساذجة .. ولو الي يغتصب يتوقع كل الناس خاينه مثله
يشوف الناس بعين اطباعه .. احس روحي بدوامه من التفكير والي كاتلني تلفوني وين راح .. شكد دوروا عليه ماكو هو دليل برائتي

انقهرت كلش .. وسكتت بس الغصة ما تروح من
بلعومي .. وصار عندي خوف لا ياخذ اطفالي مني

نامت عمتي واني افكر بكلامها الي كالته الي
كلت لنفسي لازم اخابر وسام يجيني لا يصير شي واني هنا وحيده وخوالي ما يكدرون يوكفون بوجهه اذا خذهم مني

عمتي هنا اكلت كلبها وتريدها ترجع شكد كرهتها
حقيره وخبيثة كلششش

رجعت عمتي واني وضعي بل نازل وما يفيد وياي
شي شكد عالجت رجلي شكد راجعت اطباء ماكو

تدمرت على نفسي واكعد اليل اخلصه بجي
وي اطفالي الي شلعوا كلبي بهوستهم وبجيهم

يحتاج الهم مدارات وواحد يعتني بيهم بس اني
روحي ما اكدر اعينها .. لحد ما اجا مهند ومهيمن وميس

مهند اسمعه يعيط ويريد الاطفال واني بل غرفه
كلبي يوجعني عليهم

كلت لنفسي خل ياخذهم .. بس مو بيدي كلبي
يمهم وما يطاوعني اتركهم حتى لو اني مريضه بس ما اكدر كلب والده بعد

وفعلا خالو كال هذا ما يسكت انطيهم اله وهو
يداريهم .. حسيت بل عجز والوحدة.. وما كدامي غير اسكت واقدمهم اله

حضرت ميس غراضهم وراحوا
ويلييي شلون بيه وكت الغروب شصار بيه

احس كلبي ينمرد عليهم شكد معذبيني واني عاجزه
بس اريدهم يمي

بجيت لحد ما تعبت .. وخالو يهدي بيه
خابر على ابوي ووسام لحتى يشوفون حل

يتبع..........

هسه اوجهه حبي🙃

#ملوكه

منا بداية هالقصة👆🏻🥰

عيوني حسسي انو انتي تحبي من الاهتمام بي والسؤال عن يومه واحواله🥰✨
فاذا عنده مشاعر تجاهج طبعا يحس بيج ويبادلج نفس الشعور واذا ماحاط بباله ولامفكر اصلا فتلكي بارد ويجاوبج ببرود فلاتعبين نفسج وياه


#ملوكه

استعملي شب كلش زين ويبيضه
جيبي من العطار مطحون واخبطي وي أي مرطب مثلا جلسرين🌚🌺

وطبعا بمااأنو صيف فسوي العناية اليومية ابد لاتخلين شعر ودوم زيلي لان هو هم يسبب سواد ويوميا اسبحي وخلي من الشب عن تجربة رح تشوفين فرق بالاستمرار

#ملوكه

حبي قصة غصبوني اعشكك مكملته زمان ومنزلته كلها
هسه اوجهه لبدايته☺️🌸

#ملوكه

منا بداية القصة غصبوني اعشكك👆🏻🤗

🔮🤗كيفية إدخال الطاقة الإيجابية إلى المنزل

📌تهوية المنزل:
أول خطوة لإدخال الطاقة الإيجابية إلى المنزل هي طرد الهواء الفاسد من المنزل عن طريق فتح جميع النوافذ لتجديد الهواء.

📌إصلاح الأشياء المكسورة:
الأشياء المكسورة تجلب الطاقة السلبية في المنزل وخاصة عندما تزداد لذلك يجب إجراء صيانة دورية للمنزل.

📌تعطير المنزل بزيت البرتقال واشعال البخور:
يطرد زيت البرتقال والبخور الطاقة السلبية ويعمل أيضًا على تحسين المزاج.

📌التخلص من الفوضى :
الفوضى تزيد من الشعور بالضغط والقلق وتؤدي إلى استنزاف الطاقة.

📌تنظيف المنزل:
التنظيف يعطي التجدد والحيوية فأحرص دائما على تنظيف النوافذ وأسطح المنزل لأن نظافته تمنح طاقة إيجابية.

📌إضافة المرايا في المنزل:
لزيادة الطاقة الايجابية في المنزل من الأفضل زيادة عدد المرايا لكن على قدر المستطاع البعد عن الأنواع ذات حواف حادة.
اضافة الى وجود الزرع في البيت


#اعـاده_توجيـــہ_لتنسون
#ملوكه
@stylegrils