"لا جنت نايمه يمج بس الصبح كعدت ورجعت فوك نمت .."
سكتت بس هم دايره وجها عني
كمت وي مياسين اساعدها بل ريوك .. سويت زلاطه وهي البيض وسفطنا الاجبان والكيمر
وفرشنا سفره للزلم بل استقبال والنسوان بل صاله
اخذها وسام مني عاد رضا ما قبل اخذها منه وفرشها
سالني عمو "مهند وين .."
رديت "نايم .."
رد باستغراب "هو وين من البارحه ما نام هنا .."
انحرجت وخجلت منهم .. "هاا نايم .."
رد مهيمن .."يااابه خجلتها .. جان يمها نايم .."
خجلت بزيادة
رد عمو "وين يم النسوان .."
مهيمن ضحك .."لا يابه فوك بذيج الغرفه.."
حسيت عمو ضاج او ما قبل مدري ليش
راد يحجي "صدك جذب .. روحي صيحي مو عيب وال....
"
رد عليه جدو "دعوفهم يابه .. روحي جدو لا تكعدي تعبان .."
غميت نفسي .. شلون بعدني واكفه نسيت نفسي من اخجل انثول
كعدت اتريك وياهم .. كملت وغسلنا الماعين .. بدت الناس تجي .. هم بس جاي وماي .. هو حتى جادر ماكو يعني راح ننحصر بل بيت بسبب الخطار
عمو طلع من الاستقبال اشرلي رحت ليمه
"روحي بابا كعدي رجلج يكعد يم العالم عيب بعده نايم .."
هزيت راسي وصعدت .. دخلت للغرفه ماكو رحت للحمام
دكيت الباب .. فتحه
"شام جيبي منشفه .."
رحت جبت وحده وانطيتها اله بس لزمها سحب ايدي ودخلني للحمام .. يابه فد كمزت بعمره ما مسويها
جان جسمه مبلل وبس بل شورت
"عزااا شبيك تخبلت .. بله فات واحد وشافني هنا .."
بعدني احجي باس شفتي .. دفعته
واحك وجهي
"يووو مهند والله تبزز .."
رد "استغفر الله شلون ازين .."
سكتت ورديت "خل اطلع .."
لزمني "ماكو .. اليوم اله تسبحيني.."
باوعت عليه "يا وانت شبيك ما عندك ادين .. وبعدين مبلل ولابس يعني مكمل .."
رد "اريد مره ثانيه .."
رديت "ماااا معليه .."
رد "يمااا اروح فدوه المااا الي تطلع من حلكج .. لج شام تعبان واريدج.. مشتاقلج .."
رديت "ترى عيب والله.. وخر .."
اخذني لجوه الدوش .."زين شنو رأيج اسبحج اني .."
باوعت عليه وفاتحه عيوني "والله ولا تستحي .."
فتح الدوش .. "خل اشوف منو الما يستحي .. "
اؤخر من الماي واضحك وهو يسحب بيه خلاني اتنكع
ثبتني وخله وجه بوجهي .. ويباوع عليه ارتبكت
رديت "شنو تقلد المسلسلات مره شفت مسلسل هيج يسوون .."
رد "تقلدين مو .. ليوم اسويلج احلى فلم رومنسي تشوفي بحياتج .."
باس ركبتي .. صعدت الحراره واني جوه الدوش
سحب القراصه من شعري ويتلمس بشعري ومجلب بيه

لو يباوع بعيوني خجلت وانحرجت
دفعته عني "مهند عيب حتى عمو صار يحجي علينا .. ترى بيبي هسه ماتت عدنا عزا واحنا هنا .."
رد "استغفر الله غير مرتي .. شبيج انتي واذا عزا اتوقف حياتنا .."
عافني وطلع ضايج .. دخلت ورا للغرفه
رد "ملابس ما عندي شلون .."
رديت "راح اجيبلك من البيت.."
رد "وييين وهيج طالعه مقتنعه انتي .. شوفي شلون لازك على جسمج .." من حجه جان ضايج انوب باوع الجسمي وعض شفته
"بس لو تحنين علينا جان احنا بخير .. صار عندي تصحر عاطفي .."
رديت "هو انت هسه بيك قابل جديده عليك .. شكد سخيف "
هز ايده وتمدد على الجربايه
بدلي وروحي جيبي ملابس
اخذت ثوب جديد وردت اطلع
"تعاااالي بدلي هنااا .."
تخصرت "لا بللله .."
رد "ايي والله.. بدلي واغمض .."
رديت "لاا .."اجا عليه بسرعه ..
لعد اني ابدلج .."
شال الثوب بسرعه .. وطلعه من راسي
انصدمت .. عبالي يشاقه .. بقيت بس بل داخليات خجلت حيل لزمت الثوب ردت البس بس هم زين كنت لابسه اتك
لزم ايدي "وهذن ما اتبدليهم مبللات.."
رديت قصص وروايات عراقية كرار صلاح"عزااا شكد سخيف .."
رد "ولج شو مجلبتلي سخيف .. شمسوي اني اكو افقر مني .."
رديت "اببببد .."
خليته براسي شبك جسمي على جسمه خجلت .. يتلمس بضهري لو ببطني
"يااا مهند شبيك والله عيب .."
بعدني احجي انفتح الباب مهند بسرعه ابتعد عني واني لبست
باوعت حنان وتباوعلنا مصدومه على مستغربه .. نوب شهكت وضربت صدره وخلت ايدها على حلكها
دارت وجها وراحت .. ردت اركض وراها مهند صار يحجي .. واحد حتى لوحده ما ياخذ راحته تدخل بدون ما ادك الباب هسه اطيح حظها بسيطه ..
"هو انت جلبت قابل احنا ببيتنه لو بغرفتنه.."
رد "هو انتي بس هنا شوي سيطرت عليج وصرتي شوي فري هناك تصيرين حجر .."
ابتسمت بوجها "اييي انتي ابتسمي وطيحي حضي .. عض شفته "بسسس اخخخ منج .."
خليت شال على راسي ونزلت
لكيت حنان واكفه وملتمين عليها وامها تغلط عليها
سالت هنا شكو
ردت "هههههههههههههههههههه .."
رديت "ووجع شبيج .."
ردت "ولج انفضحتي .."
هنا من صدك صخنت وجهي كام يطلع حراره
كملت "ولج غير حنان تكللهم لكيت مهند يسوي عيب وي شام ونازعين هدومهم .. ونوب بابا ومهيمن وليث واكفين .. بالقران من يمي استحيت .. بابا كام يحجي عليكم وعليها .. وامها رزلتها والبنات يضحكن .. شبيكم يمعودين جان صبرتوا .. تخزينا .."

هي تحجي واني مصفصفه بوجها .. فات مني مهيمن .. جيت اطم روحي من الفشله .. تمنيت احطها واكتلها
نوب اسمعها تكول ل امها
"والله اني شعليه هو لكيته لازمها ومالابسين ملابس ثنينهم ويبوس بيها ومدري شيسوون ما يستحون .."
سمعت صوت ضحكه .. انتبهت ليث ورضا واكفين ما شفتهم مساع .. عفت الكل وصعدت فوك
رجعت للغرفه .. مهند يكلب بل تلفون
"ولللك مهند انفضحنا كله من وراك .. هسه ياخذون علينا نضره مو زينه .."
رد .."شكو وعلى شنو نضره مو زينه .."
سولفتله على كلام حنان تغيرت ملامحه صار عصبي ويريد ينزل الها
"دوكف وين رايح انوب احنا الي نحجي فوك صخام وجهنا .."
رد "شبيج شام شنو صخام وجهنا .. ترى مزوجين مو عشيقج اني .. هي الي انتهكت خصوصياتنا ودخلت .. ما اسمح لاي واحد يحجي وبعدين ليش خجلانه .. الي يحاجيج كليلي عليه .."
سكتت ردت اسد الموضوع
"ماشي بس والله عيب .. هسه شلون الملابس حتى استحي انزل .."
تنهد هسه ادز رساله لهنا تدز مهيمن .. لووو عيب انوب يدخل لغرفتنا.."
رديت "عليمن عيب شبيها قابل .."
باوع عليه "اذا انتي الداخليات بكل الكناتير عبالك تبيعين بيهم .."
فتحت عيوني بكل وسعهم .. اني صح من اغسل هيج بخربطه اخليهم او مرات مستعجله وادحسهم .. عود حتى ما يشوفهم بس هو شيطان ماخذ ماجستير بيه .. كلشي يعرف
سكتت عنه .. كال اخلي ياخذ هنا ويرحون
خابرها وبعدها بنص ساعه اجت هنا
وهو خلصها يكلي على شنو عيب وهاي يرادلها كرصت اذن والعيب عليها مو علينا
رديت "ترى مو محكمة هاي يمعود رحت بعيد .."
اندك الباب فتحته هنا
"فوتي .."
ردت "لا عيني شجايبني نوب اشوف منضر ثاني .."
مهند صاح بصوت "لا اجيج انتي الثانيه طالعه عينج .."
ضحكت "موش اذان .."
ذبتهم عليه وراحت .. هو لبس واخذ ايدي "انزلي وياي عليمن مستحيه .."
"عوفني عوفني .."
ما سمع مني .. اخذني ونزل .. كلها تباوعلنا لو تضحك لو تتنادس ضجت كلش لحد ما وصلت للصاله
شافتنا عمتي ابتسمت .. "صباح الخير مهند متاخر اليوم .."
ردت عليها مرت عمي الثانيه "حقه داده هي شام تخلي يطلع .."
ضربت خدي وهي ضحكت
رد عليها "شنو عمه خجلتي مرتي واني ما اقبل ترى .."
ضحكت وهو راح .. صحت ورا تتريك.. هز راسه ودخل للاستقبال
رحت احضر بل استقبال .. والبنات يباوعولي ويضحكن عبالك مهرج كدامهم تجاهلتهم بس اغلي من الداخل

اجت مياسين شالت الشال عني .."شووووفن مو كلتلجن .."
ضحكن كلهن
ردت سوزان "صدك الي استحوا ماتوا .."
باوعتلها ميته من الغيض ضحكت بوجههن
رديت "شسوي يا عيني اذا هو ما يكعد راحه .."
صارت تسوي حركه بحلكها مال دلالات حتى ما اعرف شلون وشنو اسمها
هزت ايدها وطلعت
هديل "شبيها هاي وجه البوما .."
ردت اختها الي اصغر منها "اكلي خرررا انتي بوما .."
التفتت عليها الضاهر ما تدري بيها .."العفو عيني بس شنو هل لسان الزفر .."
ردت "انتن لساناتجن زفره وبل اخص هاي الي ما تستحي شام .. تحجن على اختي وتضوجنها وتردني اسكت .. لا والله ما حزرتن اخلي النعال بحلوكتجن .. مسويات حزب علينا امداجن عود خطار يمجن .."
تباوع عليه وعلى هديل وتحجي انوب ختمتها بعمه وطلعت
بقينا ساكتات وحده تباوع بوجه الثانيه مو لسان عزا بعينج
هنا "ههههههههههههههههههههههههه .. سوري بس التفاهه وصلت فوول .. يماااي كل هذا من راس مهند .. ابو البلاوي .."
دخل للمطبخ خزر هنا عاد سكتت وطلعت
مهند "وين صار الريوك جعت .. "
جبت صينيه وخليته اله
رديت "وين اخلي .."
رد .."بل صاله الزغيره ."
اخذت الصينيه وهو وراي جان قليل بيها كاعدين بس حنان وامها ومرت عمي ابو مهند يسولفن وبالهم مو يمنا
كعد ردت اروح كعدني يمه
منهد "اكلي وياي اضوج لوحدي .."
كعدت يمه "بس شبعانه ومتريكه .."
ما سمع مني سوالي لفه زغيره وخلاها بيدي
وياكل اني هم اكلت
دخلت سوزان وكابلتنا وصلت تلغي وتباوعلي صفح وتحجي وي مهند وهو مره يرد مره لا
كملت اللفه الي بايدي سوالي وحده ثانيه
"لا شبعت كافي .."
"اكلي بدون عناد يله هو انتي شتاكلي .. ما اظل وراج .. تموتين من الجوع وما تاكلين .."
اخذتها منه "يمه اروح فدوه ونذر للي يخاف عليه ويوكلني .. عمري انت.."
اخذت عضه منها "اكل هاي من ايدي .."
هو ضحك واكلها .. ها سوزان كامت من عدنا وراح .. شاورني مهند "بعدج تردين توكليني لو خلصت المسرحيه.."
ضحكت "لا خلصت تكدر تستعمل اديك .."
"هههههههههههه شلون اصيحها.."
كاعده بل مطبخ وصافنه .. مرت ببالي كلام مهند وهو يكول مهيمن ورضا لازمي ويحششون عليه
خجلت من مجرد ذكر الموقف .. اجت حنان كعدت بصفي وخلت راسها على كتفي
نوب باوعتلي "انتي ليش تسوين اشياء سخيفه خل يولي مهند .."

رديت "ولج اني شعليه اجيتي فضحتيني .. غير هو شلون تحجين هيج .."
"اله اكول لجدو عليه .. ضربت خدي "ولج اسكتي عيييب .."
سكتت واني كمت من عندها .. صار المغرب وناس طابه طالعه وعمو كمت استحي اوري وجهي
كمت اسوي بل اكل وياهن .. كملنا وكعد الكل هل مره بل صاله .. بس الي عندها اطفال بقوا بل مطبخ لان تصير هوسه
اني ما طلعت مستحيه من عمو ولولد .. سمعت عمو يصيح عليه .. طلعت كال اكعدي اكلي ويانا .. هو حس بيه خجلت لان كل ما يدخل للمطبخ انهزم
كعدت وما رفعت راسي .. اكل واحس كلها تباوع عليه .. كل شوي ارفع راسي كلها ملتهيه تاكل
لحد ما كملنا اني مدنكه وكوه اكل .. كملنا وشلنا الاكل غسلنا كل شي ورحت كعدت على الدرج هما بل صاله الجبيره
اجت حنان كعدت يمي وبس تسولف بالي مو يمها
اجت مياسين .. "شام ودي الجاي بنتي تبجي .."
للمطبخ فارغ وبس هي بي كل البنات بل صاله كاعدات
دخلت لكيتهم مشغلين بل ديفيدي نعي عن الام وكلها تبجي بسكته وصنطه
مهند اجا اخذ الجاي واشرلي اكعد .. كعدت بل كاع اجا بصفي ويشاور بيه "شام شبيج من الصبح ولسا ضامه راسج ترى كلها نست السالفه .. "
سكتت عنه باوعت لوسام ابتسملي ودار وجهه
كلها تبجي والجو كايب .. خلصت وشالوا القرص كعدوا يستعيدون ذكرياتهم وياها ويبجون
وجدي يبجي وما سكتت دموعه عليها .. بعمري ما شفته باجي هيج وهل كد .. انقهرت عليه حيل
"جدو هذا مهند لازم شام ومنزعها ملابسها ويسوي اشياء عيب وياها .. وهي كالتلي اني معليه هو الي يخليها تسوي هيج .."
كلها سكتت وامها شمرت الخاشوكه مال جاي عليها
"ولييي منا لا بارك الله بيج .. انعل والديج اليوم .. بسيطه ."
صار هدوء حسيتهم انحرجوا.. اني كبل كمت من مكاني جيت ابجي .. نوب الي قهرني اكثر وسام كاعد
رحت عليها "الله ياخذج ان شاء الله اني شكيتلج كلتلج احجي شبيج من الصبح ولسا تحجين ساعة السوده الي دخلتي بيها .."قصص وروايات عراقية كرار صلاح
امها زعلت من كلامي وتريد تروح بهل ليل
اجت مرت عمي وتهدي بيها .. نوب حولت عليه تحجي
عفتها ولبست واخذت مفتاح البيت وصعدت لغرفتي
خليت راسي برجليه وابجي من الفشله والقهر
موقف مخجل ونوب وسام كاعد .. انفتح الباب ودخل مهند
"شبيج حبيبتي.. عليمن هل بجي خل تولي ما عدها عقل ومحد حجا .. لا تخلين الموضوع ببالج .."
باوعت عليه "احنا انفضحنا وتكلي لا يضل ببالج وين ما تروح تحجي ما خلت واحد ما كلتله كله من وراك والله.."
ابتسم بوجهي اخذني لحضنه ويمسح دموعي
سكتت ونمت
كعدت على مهند وهو يبوس بوجهي ويبزز بيه بلحيته
"اوووو والله نعسانه .."
رد "كومي حبيبتي.. ميت جوع .. وبعدين صار هواي نايمه عيب .."
"ما اروح هناك بعد .."
سكت "زين شنو رأيج نكمل الي عفنا البارحه .."
كمت بسرعه وطلعت برى الغرفه اسمعه يكلي وين ترحين مني اليوم
غسلت نزلت لجوه البيت فارغ الضاهر ليوم هم هناك .. ما يردون يخلون البيت يفرغ علمود جدو
شفت صمون وكيمر وجبن على الكاونتر
خليتهم بصينيه وحضرت الجاي
كعدنا ناكل سويه .. وساكتين .. هو خابره عمو بدل وطلع
اني استغليت الفرصه ونضفت البيت حتى غرفة عمو مسحتها .. جان البيت وصخ لان متروك صار هواي فتحت الابواب لحتى تدخل شمس

كملت البيت كله ساعه ١٠ ونص طلعت للطارمه
سمعت الباب يندك .. رحت يمه
"منو .."
"اني وسام .."

يتبع ..........

قصه جريئة لفتاة تتعرض للتحرش و.............


#بارت 27

~~~

كملت البيت كله ساعه ١٠ ونص طلعت للطارمه
سمعت الباب يندك .. رحت يمه
"منو .."
"اني وسام .."
فتحت الباب ودخل "شو ما شفتج بعد خو ما ضايجه بعدج على البارحه يكول مهند لاكيج تبجين .. عليمن يا خويه تصير تصير .."
فتحت عيوني وما رديت عليه يعني يبقون يذكروني بل موقف .. والمشكله تذكرت ولد عمي وعمامي كلهم كاعدين
تفشلت منهم اكثر .. دخلته لجوه .. اخذته من ايده لغرفتي لحتى يشوفها .. شافها كال حلوه
طلع من جيبه فلوس وخلاهم بيدي .. جانت ورق هواي
"شنو هاي المن .."
"الج .."
"شنو المناسبه .."
"اختي وانطيها فلوس .."
"ما اخذهم هواي ومهند ما مخليني بعازه .."
"واني شعليه بمهند هذول الج وما تحجين .."
"ما اخذهم .. خليهم الكم تحتاجونهم ..."
"لا تخافين عندنا خير من الله وهذن من حقج حصتج هاي .. وكل شهر ادزلج ماشي .."
استغربت "منيلكم انتو وشنو حصتي وليش كل شهر شنو المناسبه .."
تنهد "شوفي اكلج بس مو تحجين .. ما نريد احد يدري حاليا .."
"لا ما اكول .."
رد "اشترينا فندق بل نجف .."
باوعت مستغربه "وشوكت ومنيلكم .."
رد "طلعلنا بل يا نصيب شبيج شام هاي عود انتي بنتنا ومستغربه هيج .."
رديت "اي غير اعرف منين .."
رد "جدي انطا الابوي حصته .. وباع الكاع الي عندنا ببغداد.. واني انطيته خليناهم سوه وتشاركنا .. حتى المحل مال ابوي بعنا والعمارة الي مشارك بيها هو وعمي ابو مهند فكوا الشراكة واخذنا حصتنا.. وبقت قطعة الارض الي بل موصل منتضرين الاوضاع تهدي ونبيعهم .. ونشتري بيت هناك نريد النا جبير .. وهاي حصتج من شغل الفندق .."
باوعت اله مستغربه "زين شلون صاروا هيج مبلغ قوي وخلاكم تشترون الفندق .. منين راح اتخبل .. وانت منيلك .."
"شلون منيلي اني هناك اشتغل دكتور .. وعندي قاعه مشترك بيها اني وولد .. "
رديت "زين شلون يوصل الكم الفلوس .."
"ما ادري بيج غبيه .. يدزوهم يكدرون .."
"منو يدزهم .."
رد "مسلمي لزوج خالتي ام حسام وهو هم مشارك ويانا بي بس ابوي كال اوفي من الشغل حتى يكون ضمان النا كلنا .. واهم شي انتي ما تضلين بعازه احد حتى ولو مزوجه .. بس حقج علينا .." قصص وروايات عراقية كرار صلاح
"على اي اساس اخذ تعبكم وعندي رجال .. اصلا اني مو بعازه ولا محتاجه درهم .. خليهم الكم تستفادون منهم .."
"شنو مو بعازه .. غير انتي بنتنا .. قابل نتصدق عليج هذا واجبنا .. وحقج هذا كله .. واكثر من هيج .. بس ما حاسب حسابي .. واصلا هناك كل امورنا توب بي وبلا احنا عايشين احسن عيشه .."
سكتت عنه واني بعدني مستغربه رديت عليه
"زين ليش ما اريد احد يعرف .."
رد "احسن .. وكلها تسال وجدي ما كال اني انطيت حصة محمد خلي الموضوع بيناتنا .. بس عمي ابو مهند ومهند بعرف البقيه مو بل لازم يعرفون وبعدين يكولون مسلمه بيد رجل ام حسام ويصير قال وقيل .."

ما اقتنعت بكلامه بس سكتت
نزلنا جوه بعد ما وصاني حرف ما يطلع مني
سويت جاي وانطيته اله "ترى متتت من الجاي من اجيت ولسا .. اريد كهوه راسي راح ينفجر .."
رحت سويت اله وانطيته
شربها ورفعلي راسه "يله امشي وياي لا تبقين الوحدج وانسي الموضوع.."
رديت "لا .. وما ملاحظ نفسك صاير سخيف بل كلام ليش ما تغلس وتسكت افضل ترى جاي تخجلني .."
رد "اوووو صايره تخجل انسه شام .. زين تتذكرين وين تردين تكتبين اسمج .."
صفنت بوجه واتذكر
____
جنت كاعده اتفرج فلم اجنبي والبطلة كاتبه اسمها على لباسها
دخلت لغرفتي .. طلعت لـ ابره والخيط
وطلعت لباسي .. كعدت اسوي بي واخيط اسمي بل انكليزي هذا الحجي جنت صف ثاني متوسط يعني جبيره
بس عقلي مدري وين جان .. دخل عليه وسام جانت ساعه عشره بل ليل ..
وسام "شسوين .." وجره مني ..
كمت اخذته منه "شعليك انطيني .."
رد "ههههههههههههههههههه شكاتبه .. "
رديت "شفت البطله هيج مسويه اريد مثلها .."
كام يضحك وهز ايده وكعد يمي
يسولف وياي واني ملتهيه بل لباس واسوي بي بس ما صار زين انكسر ضهري من عنده
جره مني وشمره بل كاع "دكافي يله كومي نامي لا تسهرين .."
اخذته وخليته بل كنتور .. اصلا ما اذكر استحيت او انحرجت بل عكس كملت وهو يمي يسولف
_____________
صارت خدودي حمر واذناناتي اطلع حراره صخنت هو خله وطلع
كمت اغم بنفسي واسال وين جان مخي من سويت هيج
ونوب اذكر ولا استحيت كعدت اسولف واسوي بي
صرت اسال نفسي جنت ولا استحي .. هسه منين نزل عليه الخجل ما ادري جنت ما ادير بال .. واهلي شوي من النوع الي طبيعيين مو متعصبين .. يعني اذكر بابا جان هو الي يجيب النا الداخليات .. من السوك وهو يختارهم الي ولخواتي الزغار بس من اجينا لهنا بطل بعد

دخل مهند باس خدي وصعد بسرعه مدري شبي
اني كملت الطرمه .. ودخلت
سمعت صوته يصيح
صعدت لكيته لازم الفلوس .. اني خليتهم على ميز المرايه وطلعت
"منين هذول مالتمن .. اني ما ادخل ورق للبيت .."
رديت "من وسام .."
رفع حاجبه "وعلى اي اساس ينطيج مخليج بعازه اني كولي .. شنو معناها ما منطيج اني .. رجعيهم اله يله .."
"ما قبل واني ما طلبتهم هو لح عليه وكال هذا حقج .."
رد "ماكو ترجعيهم .."
رديت "ذاك هو وانطيهم اله .. وصدك كال كل شهر يوصلني فلوس .."
فتح عيونه بعصبيه وطلع

للعصر دخلت عمتي للبيت
"ها شام ليش ما اجيتي من البارحه ولسا بعد ما شفناج .."
سكتت
تنهدت وردت عليه "يا امي عليمن ضايج ومتكدره هي بنص عقل ليش تشيلين ببالج .. وبعدين كلها سكتت وغلست قابل شكد تضمين روحج لا مسويه عيب ولا حرام .."
رديت "ترى عمه متت والله شنو كل شوي وعادت السالفه وما خلت احد يعتب عليها حتى الخطار تسولفلهم.. واخر شي طكتها يم عمامي وولدهم يعني فتت بنص ملابسي بسببها ومهند ولا يمه .."
ردت "شنو ولا يمه من طلعتي هم صار يحجي عليها ورزلها وامها زعلت .."
"ما راحت طلعت روحي بالقران .."
"لا ما راحت تبقى للسبعه وتروح .."
سكتت
كامت تفتر بل بيت
"يا يمه الله ينطيج جنت شايله هم للبيت ومنا تعبانه .. راح انام صارلي ٤ ايام ما نايمه زين .."
هي نامت ومهند اجا جايب اكل الي
كعدت اكل وهو يباوعلي وضايج ذبيت الخاشوكه من ايدي
"شبيك ضايج وتباوعلي صفح .. سويت شي .."
اخذ نفس "اخوووج ما يقبل ياخذ الفلوس وفوكاها هو الي ما قابل تعاركت ويا .. يكلي اختي وبكيفي وهذا حقها .. يعني شنو اني ما منطيج مخليج بعازه .. شو خير من الله .. وشغلنا ماشي .." قصص وروايات عراقية كرار صلاح
"اووو كافي مهند سد الموضوع ما بيه اتناقش عود اخابر بابا واحاجي اني هم ما اريدهم .."
سكت وتمدد على القنفه اني شلت الاكل وسويت قهوه لمهند وانطيته .. ابتسم بوجهي واخذه مني
شربها باس خدي وصعد فوك سبح ونزل طلع بعد ما شفته
مرت الايام واني حابسه روحي واصلا محد يجي يمي بس حنان كلها هناك كاعده ومرات يجي عمو او مهيمن يسبحون ويرحون هناك .. واني بس يدخلون انهزم فوك
وهنا هم مو هواي تجي يمي .. بس حنان من الصبح لليل هي يمي صارت حتى بل نومه هنا وامها تحجي عليها ومهند كذالك
اجا يوم السابع .. اني اضطريت اروح هناك لان عازمين بيت خالو .. هو خالي جاي بل فاتحه بس البنات ما اجو
هل مره جايات حتى نسوانهم .. بقيت يمهن كاعده ما كمت ابد وسوزان اطب وتطلع تذب سم عليه حتى البنات انتبهوا عليها
خلص اليوم وما بين لا مهند ولا احد لان بس كاعده
يم البنات خابرهم خالو طلعن واني سلمت ورحت وياهم للبيت مالتنا .. بعد يومين صار لازم وسام يسافر بوقتها بجيت عليه من كل كلبي وهو من شافني وعدني ان يقنع مهند يجي لهناك بس اعرف مهند قافل
*********
بعد اسبوعين بدت الامتحانات والتهيت ادرس .. لحد ما خلصت .. كلها راحت للاربعين اني ما قبلت ردت ابقى بس عمو صار يحجي عليه اضطريت اروح وهم تعب وقهر وبجي

بس بعدها كلمن رجع لبيته والعائلته والشغله
بس كل خميس عزيمه وثوابات
وحنان راحت بعد ٣ ايام من السبعه مرات تجي يعزموها عمامي وهم تخلصها لازكه بيه
اما سوزان هاي الحيه كل ما تجي تتعارك وياي وتذب حجي
بس ما ارد عليها عفتها لحد ما جمعت عليها هووواي
طلعت روحي .. بعد الاربعين سوينا ثواب جان يوم خميس واجت عمتي وبنتها
من دخلن سلمت عليهم بس هي ابد ما سلمت من وصلت يمي ابتعدت وراحت تجاهلت حركتها
التهيت بل مطبخ كل شوي يردون حاجه بقيت احضر وياهم وسوزان اطب وتطلع تذب حجي مسموم عليه
رحت لغرفة مياسين كلتلي اطلع البنتها من الكنتور ملابس
لان تلفت نفسها اخذت البنيه خليتها على الجربايه وصرت ادور بين الملابس

دخلت سوزان وسدت الباب و واكفه متخصره ورافعه حاجبها "لازم انتي متعوده تمدين ايدج على اشياء غيرج .. "

حسيتها تحاول تستفزني واعترف نجحت ..
"انجبي وولي منا شنو قصدج امد ايدي على غراض اختي وابوكها .. ولو هو كلمن يرى الناس بعين طبعه .. يله اطلعي بره لا الم الدنيا عليج .. على الاقل احسن منج ما اركض ورا واحد مزوج ولابسج بل قندره ومتجاهلج.. ميشتريج بربع دينار كلها منتبهتلج شلون تركضين ورا .. واكبر دليل تكرهيني بدون سبب ومسويه حرب عليه وتخبثين.. احسج حيه ام راسين .. تلدغين وتضمين راسج .. تعرفين ليش صرت اتجاهلج.. لان افضل علاج للجاهل التجاهل .."

"احترمي نفسج لا احط القندره بحلكج .. ولو شاتوقع من وحده كحبـ...ـه ساقطـ...ـه لفيتي على مهند وبكتي مني بس وحق الله ما اخليج تتهنين بي يا ام الولد .. عبالج يحبج لا يعيوني بس انتي مو بربو...گ كدرتي تخلي بجيبج بحركاتج هاي مال تتنعوصين وتتماوعين كدامه .. حتى وانتو متزوجين تفترين يم ولد عمه وتفرين ب........ وتتشاقين مسويه نفسج تحبين بيبي وتبجين عليها وانتي كل ما تصعدين فوك تسحبين الولد وراج وتنزلين مطكعه ..

الله اعلم شمسويتله وهيج مسودن عليج .. فد وحده تربيه شوارع اجيتي من الموصل شابعه............. من الولد جنتي تكود...... براس ابوج الزوج انتي وامج وخواتج لا حاكم ولا حكيم اخوج وله هناك مسوي روحه مثقف وكذا وانتن شديتنله كرون .. انوب اجيتن هنا .. .."
ما تحملت اكثر هواي اتهمتني وحجت بشرفي انوب حولت على امي وخواتي ركضت عليها ملختها من شعرها
حتى شالها انزع وهي هم جلبت بشعري
سوزان "هديني .."
شام "هدي شعري واني اعوفج .."
"ما عوفي انتي بل اول .."
بقينا وحده مجلبه بل ثانيه هي عضتني بايدي شاطت روحي
"مجللللوووووبببه عوووفيييني .."
بنت مياسين تبجي كلبت الدنيا واني وسوزان كعدنا بل كاع ووحده لازمه الثانيه .. جانت عندي اضافر نبتتهم باديها

صرخت وعافت شعري .. نمت فوكاها ضربتها راجدي جانت جنها زرزور بايدي واني اقوى منها هي من النوع ضعيفه ومسلوله سل عبالك اني اكبر منها
رجعت لزمت شعري قوي اذتني .. كرصتها من المنطقة الحساسه .. هي هنا من صدك لمت البيت
عضتني من خدي وما تكدرلي.. اجا البيت كله علينا التمو كلها تجر بيه واني مجلبه بشعرها
وهي تغلط وتبجي .. مهند عاط بيه ما سمعتله.. وحجابي صار بصفحه عاد مهند طلعهم لولد عمي وعمامي يصيحون عليه لحتى اعوفها ماكو انعميت من العصبيه
اسمع عمتي تدعي عليه وتغلط .. اجت عليه شالتني من شعري وضربتني مهند سحبني واخذني ورا
صار المصايح والغلط عليه كله وهاي تبجي وذبت اللوم كله عليه
اسمع امها تباوع على الخراميش الي بايدها ووجها
"يمه منج بربو... شمسويه بل بنيه الله اكبر عود اجينه خطار ببيت ابوي هيج تملخ بنتي .. عرمه على حبايبج من جنتي زغيره اعرفج عرمه ولسان .. باوعت على جدي .. يابه اليوم اذا ما تاخذ حقي من هاي العرمه بعد يحرم عليه اعتب هل بيت .." قصص وروايات عراقية كرار صلاح
بنتها تبجي وجدو وجدو .. مهند خله شال على شعري وسحلني لبره الغرفه .. اني من كد ما عصبيه اتنفس بسرعه ومنا عمتي تكول على حبايبها عرمه يعني امي وخالاتي هنا من صدك تخبلت بس ما اكدر ارد عليها .. اني عندي بيت جدي وخالاتي بمقام اهلي واحبهم حتى اكثر من كل عمامي .، من الزغر رابيه عدهم ولا فد يوم سمعوني كلمه لو اذوني بس هنا من اجيت صار ياهو الي يجي يلطش بيه
عتيت ايدي من مهند بعصبيه "شكووووو تسسسحللل بييييه تعررررف شنوووو الموضووووع لو كل مره ينذب الصووووج بيه واني الي اتااااذه وحق الحق يا مهند هل مره اذا ما وكفت وياي وصرت ضدي بعد ما ابقى هنا لحضه .. ونبي اخابر اخوي هسه اخلي يجيني .. اني هنا ما الي ضهر يسندني .. كله من ورا بابا الي يصير ويااااي هووو عااافني هنااا وراح .. "
هو واكف وولد عمي هم واني احجي وابجي
مهيمن "صدك جذب شام اني اخوج والله اذا مهند ما يوكفلج اني بضهرج .. حتى لو الحق مو وياج اني اسندج.. والي يحاجيج اندمه والله.. مهند شوفها شلون فرفحت روحها لا تنشمر مثل ذيج المره .. ترى الدكتور كال اذا رجعت الها هل حاله يمكن يصير بيها صرع .. هديها خطيه .. وبعدين نفهم السالفه بل هداوه.."
عمتي بعدهي جوه ادردم وتصيح وبناتها جنهم دلالات هم وياها سوني فد وحده ما استحي وادور مشاكل .. طلعني من الكلجيه اخذت جدي وعمامي حاصل فاصل ما انطت مجال
كلت لنفسي اكيد كلها راح تصف وياها ويصير اللوم عليه
مهند اخذني لغرفت بيبي الله يرحمها .. انطاني ماي وغسل وجهي واني ارجف من العصبيه والحركه
كعدت بل كاع وهو اجا يمي كعد
"شام على كيفج شوفي شلون وجهج احمر دم لا يصير بيج شي منو يفيدج .. ولا تخافي ولقران اله اطيح حضه الي يمسج بكلمه .. "

بعده يحجي دخل عمو عصبي .. كام يعيط عليه .. ويرزل اجا مهند ومهيمن يبعدونه عني .. نوب دخلت عمتي وسدت الباب
حجت "ابو مهند لا تذب الصوج بشام .. اني اعرفها لسوزان صارلها فتره تذب حجي لشام وكوه سكتت شام .. ترى هي تعيل بل بنيه .. وواحد يحجي الحق .. شام ابد ما ترد عليها وساكته الها هذن البنات كلهم واسألهم.. هي حاطه كورها وكور شام .. شوف شكالتلها وخلتها تشيط .. ابو مهند شوف شلون صار وجها لا تموت .. هي مو ذيج المره انشمرت لا يصير الها شي ونتحمل خطيتها .."

عاد عمو سكت من كلام عمتي .. دخلت عمتي ام سوزان وهي عصبيه ووراها عمي .. عمو ابو مهند شافها رادت تحجي عاط بيها وطلعت هي وعمو

عمي ابو مهند كال سدن الباب راحت هنا سدته بل مفتاح
اشرلي اكعد .. كعدت اجا هو بصفي ومهند وعمتي كاعدات
اسمع الحجي بره والعرك .. بس ما اهتميت .. ابو مهند "كولي بابا شنو السالفه سولفيلي .. ولا تزيدين ولا تنقصين حرف .. اذا الحق الج .. اطلعه من عيونها .. بس صدكي اذا عرفت انتي الغلطانه الي غير تصرف وياج .. اني احبج واعتبرج بنتي وعلى هل اساس احاسبج والي حق عليج .. يله هسه احجي .."

سكتت شويه ورديت عليه
كلتله كل كلامهما من بدايه الفاتحه ولحد اليوم حتى الفشار والغلط عليه وعلى اهلي كلتله .. مهند يباوع وعاكد حواجبه
راد يطلع .. صاح بي عمو "انتو الثنين ما تعرفون تتصرفون الحق كله وياكم وتسووها هوسه وينكلب كله ضدكم اكعد واني اتصرف بعد محد يفك حلكه .. وانتي هنا اخذي اختج غسليلها .. وهديها .."
عمي كعد هو وعمتي ويحجون وعمتي هم ايدت كلامي وكالت من قبل هي متمنيه مهند بس هو ما رايدها واني هم بصراحه ما اريدها .. وبعدها صارت مشاكل علمود مرت وائل من اطلكت والمره كطلعت لا هي ولا بناتها بينوا والسالفه انسدت .. ما توقعت بعدها على سوالفها القديمه هي من ماتت عمتي يله اجت وبينت ..

وائل ازوج من بنات عمي وصارت مشاكل واطلكوا هل كاطعين رجلهم من عدنا وما شفناهم ابد حتى بعرسي محد منهم بين .. حتى بيبي ما جايه عليها هسه رجعت العلاقه بعد ما ماتت بيبي

طلع الكل واني تمددت فحطانه وتعبانه بسبب العركه ولسا جسمي يرجف
هنا كعدت يمي
شام "روحي شوفي شيصير وكليلي مابيه اطلع واشوف خلقتهن الزفره .."
ردت "هسه .. لج شام اكلج شي .. ما جنت ادري بيج هيج شمسويه بل بنيه .. عزااا بعينج انوب كارصتها مناك وعمامي واكفين شكد عيب .."
ابتسمت ودرت وجهي
اتذكرت شلون كرصتها وخليتها تصرخ وكلها توخر بيه منها صرت اكول بكلبي تستاهل .. حيل بيها
هنا رادت تطلع "جيبي تلفونج .."
طلعته من صدرها وانطتنياه .. سجلت رقم وسام
وخابرت .. كلت اكول الهم كلشي حتى يكونون بل صوره ما اريد اواجه الكل لوحدي وبدون علمهم .. رن اول رنه ورد عليه
سمع صوتي حس اكو شي .. والهوسه بره واضح الصوت .. صار يسالني شصاير وشكو وليش تخابرين من رقم غريب
سولفت اله الي صار .. وختمت كلامي "وسام صح عمي ومهند واكفين وياي بس هذني مثل الحيايه يكلبن الموضوع كله .. اني تعبت من هذي الحياة .. اريد تشوفلي حل .. فدوه وسام ولقران مليت من كل شي لا عبالكم مرتاحه بس عرك ومشاكل .. "
تنهد "شبيدي عليج يا خويه .. شكد كلت ونصحت بابوي ان ما يزوجج بس ما اقتنع .. وزوجج اني ما اعيب مهند بس جنت رايدج يمي .. شوفي شلون هسه تشتتنا بله صار شي انتي هناك منو الج منو يحميج.. ترحين بل رجلين .. وكل هذا سببه ابوي .. بس شحجي كلشي طلع من سيطرتنا .. هسه الله كريم منا الباجر اشوف حل هسه روحي ارتاحي ولا تحجين اي شي ترى ينكلب كلشي ضدج .. انتي هم ما تعرفين تتصرفين .. جان حجيتي لعمي ورجلج وهما ياخذون حقج .."

سكتت وما رديت سد الموبايل
وراح صرت الوم بنفسي لان حجيت اله لا تكبر السالفه اكثر

يتبع...........

قصه جريئة لفتاة تتعرض للتحرش و..........



#الـــبــارت 28


..................................

اسمع عمتي تصيح وتكول قرت براسك ودفعتك عليه عود انت اخوي وهاي اني وبنتي خطار يمكم وهيج تسوون الله اكبر ارجع البيتي بهل ليل شكول ل ابوها اكله بنت خالها ملختها حتى استحي يظل يعايرني باهلي
ما اعرف شنو الي صار بعدها .. خشمي صار يجري دم ودوخه براسي .. احس الدنيا تفتر بيه .. صارت وشه باذني
كل هذا فجأة مساع ما حسيت بشي ابد هسه ليش هيج .. اريد ابجي اريد اصرخ ما اكدر .. اريد احد يجيني يشوف حالي
من انام على ضهري يصير الدم ببلعومي احس راح اتقيء انكلبت على وجهي واباوع للدم يجري بقوه
اني من كنت صغيره كان خشمي من اي شي يطك دم شمس انضرب او اوكع او انقهر يصيبني وجع قري براسي ودم

جنت شكد اتخربط بل مدرسه .. افقد الوعي او ادوخ .. راجعت اطباء هواي لحد ما تحسنت هل مره احس رجع الي هل حاله .. وبل اخص اليوم صرت عصبيه حيل بحيث احس راسي راح ينفجر من العصبيه والقهر .. اريد اصرخ وافرغ كلشي بداخلي

فقدت الوعي ورجعت كعدت وكل شوي افقد لحد ما تعبت كلش ونمت او دخت ..قصص وروايات عراقية كرار صلاح
كعدت اباوع بغرفه لوحدي صافنه على السقف واريد اتذكر الي صار ماكو صرت اتسائل بيني وبين نفسي شنو صارلي وليش هيج الم براسي .. ووين اني
الدوخه ما تفك مني .. انام وارجع اكعد .. الدنيا تفر بيه مو راضيه توكف
احس باصوات يمي .. وكلام .. فتحت عيوني .. اباوع مهند وعمو وجدو ومهيمن وليث
فتحت عيني على كيف ورجعت غمضت ..
اتقرب مهند ويسالني عن حالي وشاحس
"مهند راسي راسي راح ينفجر .. اريد انام اتمنى اموت وما احس بهيج وجع فدوووه مهند اريد انااام .. انطيني شي ينومني.."
"هششش حبيبتي لا اتعبين نفسج .. سكتي هسه اصيح الدكتور .."
راح وتقرب عمي وجدو مدري شيحجون بالي مو يمهم كل الي ببالي راسي والوجع
اجا الدكتور ضربني ابره بل وريد .. شوي رخت اعصابي ونمت .. نمت نوووم عمييق ما حسيت على حالي ابد
كاني بعداد الاموات .. لا اصلا حتى الاموات يمكن تحس بلي حواليها وتعرف الي يصير وشنو الي بيها اله اني
ماعرف شنو ووين وشصاير مخي فصل .. الحياة توقفت
.. كل الي اعرفه اني ما مرتاحه .. متضايقه كلش
اريد احد يكعدني يحاجيني ماكو الدنيا بعدها تفتر اريد احس بلي حواليه .. صرت اقاوم نفسي وافتح عيوني بصعوبه

افتح وارجع اغمض .. ماهي اله دقايق حتى استوعبت نفسي الي ضاعت مني .. احس ريجي يابس اريد ماي
"ماي .. عطشانة.."
محد رد عليه عليت صوتي اكثر "عطشانة اريد ماي .."

احس ما عندي صبر اكثر العطش قوي
اجا مهند بسرعه
"شام حبيبتي شنو تردين ما اسمعج .."
"ماي .."
ساعدني لحتى اكوم لحيلي شربني ماي ورجعت نمت

...................
مهند "يابه اذا صار على شام شي وحق الله سوزان ما تخلص مني .. حتى لو ما الي حق عليها ف محد يخلصها من ايدي حتى ابوها ما يوكف بوجهي .. راح تموت البنيه كله بسببها لهل كلبه .. شوفها شلون صارت جنازه حتى ما تشيل راسها .. بله انجلطت صار الها شي منو ينفعني اني .. ها فهمني منو يعوض خسارتي الها .. يابه اهلها امنوها عندي اذا صار شي اني بيا وجه اقابل عمي .. "
ابو مهند "على كيفك بابا ان شاء الله ماكو شي هسه تكوم لحيلها مثل الورد وتصير سوالف .. وسوزان دواها يمي .."
الجد "يابه ابو مهند .. شنو السالفه على كيفكم .. هي شام هم غلطانه ترى .."
مهند "لا جدي مرتي ما بيها كل غلط الغلط كله من بنت عمتي هي خلتها هيج تتصرف .. انت اصلا ما تعرف شنو السالفه .. تعرف شتكول لشام .. حتى اني ما اعرف شلون احجي هيج .. ياجدي حجي وفشار ما يلبس عليه ثوب .. وتريدها تسكت .. لا والله اذا شام ما ضربتها اني اضربها واسحلها سحل هم .."
ابو مهند "كافي يابه اسكتوا وسدوا الموضوع احنا مو بل بيت لحتى نتناقش بمشاكل عائلية ببيتنا وتكوم البنيه بسلامه يله نحجي ونحل الموضوع .. يله عمو ليث اخذ عمتك ام مهند وجدك ورجعوا للبيت .. اني ومهند نظل هنا .."
مهند "لا يابه اني اظل روحوا انتو .. يله ليث اخذهم .."
راح الكل للبيت بقى مهند يم شام وهو يباروعلها ويتحسر على حال حبيبت قلبه .. ابتسم لمن مرت عليه طيف ذكريات جمعته وياها حركاتها وضحكها ..
يحبها من تكون حساسه واي شي ممكن يبكيها.. انثى بمعنى الكلمه يحب انوثتها ودلعها .. دلوعه وحساسه وبنفس الوقت قويه ولسانها سليط احيانا اذا اطلب الامر .. الي بقلبها على لسانها .. ما تعرف تجامل ..
صفن بوجها وملامحها .. وهو يتنهد "اووووف منج ومن عصبيتج .. شكد احب شكلج حتى وانتي تبجين وانتي عصبيه شكد حلو وجهج من يصير احمر من كد العصبيه الي تحمليها حتى من تبجين احبج.. اخخخ منج يا شام .. شنو هل حب الي زرعتي بداخلي بدون ما تحسين .. ولساج ما تحسين بيه .. "
شام "كنت اسمع كلام مهند بس ما مركزه وما افتح عيني ..

صار الصبح كعدت واباوع مهند نايم يمي على الكرسي وما مرتاح بنومته صرت اتمعن بملامحه وابتسم
ما اعرف شلون او شوكت حبيته وصرت اغار عليه .. فجاة صرت اشتاقله وقلبي يحن اله ولشوفته .. على الرغم من ضربني ورحت لبيت جدي جنت متاذيه منه وكاره عيشتي ويا بس احس اريده واريد اسمع اخباره اريد اشوفه صرت اشتاقله .، لو من كان يتجاهلني اااه مثل النار الي تسعر بداخلي ..

من رجعني من البصره اذاني بكلامه .. ودفعني .. وسقط طفلي .. ما ضجت على الطفل .. ضجت من معامله مهند وياي بس من شفت خوفه ومداراته الي .. نسيت كلشي ورجع قلبي ينبض باسمه ...
كعدت لحيلي .. احس بتشنج باعصابي وبرجليه بس ما اهتميت .. رحت ليم مهند قرصفت كدامه واباوعله
سحبت ايده بستها .. هو حس وفز
"شااام شوكت كعدتي .. وشعندج كاعده كبالي .. شتحسين ياروحي .."
"تمام .. بس اريد اطلع .."
"اشوف الدكتور ونطلع .."
سحبت ايده "لا مهند اريد اروح منا اخذني مابيه اوكف .."
عدلت نفسي وطلعنا .. جاب السياره وصعدت .. خليت راسي ونمت بس ما غافيه
مهند "شام شتحسين شو مو على بعضج لا تخوفيني عليج .. شكد راسج يابس وعنوديه.. لو مخلين الدكتور فاحص حالتج .. بس اخخخ منج ما تسمعين الكلام .. واني الي مشيت وراج .. " قصص وروايات عراقية كرار صلاح
بقيت على وضعي بس رديت "كافي مهند ما مرتاحه هناك وما بيه شي بس تعب بسيط .."
ما اقتنع بقه يلوم بيه ويسالني عن حالي وشاحس
لحد ما وصلنا هو ما سكت صرع راسي
نزلني من السياره.. ما قبل امشي شالني واني مجلبه بركبته
"روميوووو نزلني .. يمعووود ابو الغيره عيب من العالم .. روووميووو تسمعني .. يللله نزلني .."
ما حاجاني بس ابتسم بقى شايلني ويمشي
فتح الباب برجله تلكتنا عمتي
طمنها وصعد بيه لفوك .. خلاني على جربايتي .. بست خده وعفته
بابتسامه "صايره ما تكعدين راحه .."
"استغفر الله هاي يسموها رومانسية يا عزيزي مو ما اكعد راحه .. اعجبك بل رومانسية .."
رد "ما تنكدرين.."
ضحكت وسكتت ما اعرف ليش احس بل امتنان اله واريد اعوضه عن كلشي صار ..
"شام لا تنامين .. كافي من البارحه واليوم وانتي نايمه .."
ما رديت عليه لان بعده النعاس بعيني
بس هو ما قبل وراح لجوه ورجع اخذني للحمام
غسلت وانطاني ملابس"اسبحي لحتى تصحصحين .."
اخذتهم وسبحت .. نشفت نفسي وطلعت
دخلت لغرفتي لكيت الاكل على الطاوله
جنت جوعانه.. "يله عمري تعالي اتريكي وبعدين مشطي .."

اني ما كلت باطل بسرعه اجيت كعدت يمه
يسوي لفات زغار وينطيني "اووو مهند كافي اعرف اكل ترى "

...............................

الي عرفته من هنا .. ان عمو مطيح حضها لسوزان وامها ضاله تدعي عليه وتحجي .. مهند هم ما ساكت صار يحجي عليهن .. وجدو وعمامي ما قابلين على كلام عمو ومهند يشوفون الحق كله يمهن .. واني الي اعتديت على سوزان
بعد كلام ومماطلة ومرادد بيناتهم .. مهند راد يطلع .. وياخذني زعل من جدو وكلامه عليه .. دخل للغرفه وشافني وشاف حالي اخذني بسرعه للمستشفى.. وصار الي صار
بعدها عرفت مسولفين للبيت كله على كلام سوزان واني بل مستشفى.. حتى عمتي ام مهند معاركتها لان خافت عليه
عمتي ام سوزان من النوع الي تحب ابنائها وتفضلهم على اهلها .. يعني بس واحد يسويلهم بز تاخذلها سنه اكثر زعلانه
عاد هي من شافت كلها كلبت على بنتها وصار الحق وياي اخذتها وطلعت زعلانه .. وهيج انسد الموضوع
اما وسام خابر عمي واستفسر عن الموضوع وعمي سكته وما قبل يجي لهنا لان ماكو شي بعد
.........................
كنت بغرفتي اسفط بل كنتور واعزل ملابسي وملابس مهند .. الدوام قرب .. اشترينا ملابس .. وحضرت لهذي السنه .. كنت متحمسه اكثر من السنه الي مضت .. بس الملابس الي اشتريتهم كلهم سود .. عمتي ما قبلت ورادت تذبه مني اني وهنا .. بس اني ما قبلت وهنا كذالك
اما اني ومهند علاقتنا صفت وتقبلنا بعض .. صرت اعشقه واغار عليه من الهوى .. ما كنت اتصور يجي هيج يوم واحب الانسان الي اذاني وجبرني عليه ..
صفنت واتذكر البارحه.. شلون يعاملني .. خجلت من مجرد الذكر .. كان ياخذني لعالم يختلف عن عالمنا .. عالم ما بيه اله اني ويا .. يعبرلي عن حبه بجرأته.. يحبني حب ما اله مثيل يدللني يطلعني يونسني .. ابد ما يزعلني .. وفد يفرح من يشوف اهتمامي بي وحبي اله .. مدري ليش يحسني اني فد شي .. عنده ملكه مو شام ..
.....................
فد يوم خابرني خالي كال ميس .. طلع قسمها ببغداد وراح تصيرين انتي وياها بنفس الجامعة بوقتها فرحت من كل كلبي كلتله خليها ببيتنا تجي ما قبل كال اخليها اقسام داخليه بس ديري بالج عليها .. هما يردون ميس هندسه لحتى تشتغل وي خالو عثمان وهو اكثر واحد كان يلح عليها علمود الهندسه
بدت السنه الدراسية.. تعرفت على اسيل هاي السنه .. اتفقت اني وهجران اختها نلتقي بل جامعة ونطلع .. سالت مهند وافق ما اعترض .. وصدك اجتمعنا هناك وتعرفنا على بعض
صارت علاقتنا قوي وي هجران واسيل ..

انضمت النا شجن وميس كنا كل اسبوع نحدد يوم نتجمع بي بمطعم او مول بحيث تونست وياهم ونسه بعمري ما انساها .. ضحك وشقى ولعب

صرنا اكثر من اخوات .. اما هجران كانت المثل الاعلى النا كلنا .. شخصيتها قويه وهي الي تقودنا وتوجهنا .. وحده تشكي للثانيه همومها ومشاكلها .. كانت هجران تواسي وتعلم وتضحك مرات .. علاقه اخويه قويه
اما اني ومهند مثل السمنة على العسل حياتنا صافيه وهادئة تخلو من اي مشاكل او تعكر مرت هل سنه كلشي بيها حلو عليه يمر .. حياتي مشت عدله .. انسد ثقب قلبي بحبي لمهند واعاد ترتيب فوضى روحي وانبعثت الطمأنينة بنفسي .. شخص اجاني على طبق من فضه بدون ترقب بدون انتضار بدون موعد بدون سبب دخل حياتي فجأة واجتاز كل الصعاب ووصل لقلبي غصبا عني .. احلى هدية اهداها الي القدر هي مهند قصص وروايات عراقية كرار صلاح
سوزان بعد ما شفتها ابد ولا سمعت الها خبر ..
كنت كاعده كبال الصوبه الكهربائيه ومدده رجليه عليها .. وكاعد اقرا لان عندي امتحان.. وقربت نصف السنه وراح تبدي الامتحانات .. هل فتره تعبت هواي انهلكت بل محاضرات والامتحانات صار عندنا لود .. ف استعجلونا هل فتره .. حسيت بفوني يرن كنت اذا اقرا اسوي صامت
طلعته من جيبي .. شفت الاسم .. ابتسمت .. جانت مكالمة جماعيه بيناتنا .. وضموني الها .. فتحت الخط وتمددت
"هلوووو بنات شلونكم .."
هجران "هلاااا وميت هلااا .. شنو هل غيبه بعد ما شفناج .."
شام "شسوي مشغوله هل فتره .."
شجن "غير تستقر مديرة الأعمال.."
شام "هههههههههههههه انجبي ولج شنو مو بعينج .. وبعدين ليش ما تسلمين .. ادب سززز .."
ميس "هلووو شااامووو شلونج .. معليج بشجن خل تولي ما عندها ذوق .."
شجن "اوووو غير ينجبن .. عليمن اسلم واني النهار نصه مكابلته.. البومااا .."
شام "هههههههههههه ايا حقيره اني بوما مووو بسيطه .. باجر اله اغيب واخليج مثل اليتيمه بدوني .."
شجن "شهل ثقه يا ربي شهل ثقه .. انطيني شوي .."
شام "ماااا ماااا .."
شجن "عااابت اي والله بس لو تبطلين الماا جان احنا بخير كانو مصادقه طفله .."
شام "وليي لج ... اصلا حتى هنودي يكلي احبج من تكولين ماا .. الضاهر مضغوطة مني .."
شجن "دولي انتي وهنودي .."
شام "شجن لهنا وبس احترمي شوي .. ما اسمحلج تغلطين على زوجي .."
شجن "واني منتضره تسمحين .."
هجران "اوووو كاااافييي بنات شبيكم انتو صغار .. سدو الموضوع لا تتعاركن .. "
شام "وين رحتي .."
هجران "موجوده واسمع كلامكم بس البس بابني .."
شجن "شلونه ختيبي .."
شام "انجبييي خطيب بنتي المستقبلية.."
ميس "صدك شام شوكت ناويه تسوين نونو .. اريد اصير خاله .."
شجن "على اي اساس خاله .. معليج بيها شام اني الخاله الاولى والاخيرة.."
شام "اشششش محد يصير خاله .. اني هسه ما اريد ولا مستعده لهل خطوه "
هجران "وليييش يمه ما مستعده.. سويلج طفل يمعوده.."
شام "ما اريد هسه .."

ميس "بنات عوفوا هل كلام وعوفن شام بحالها .. عندي اقتراح .."
الكل "شنووو ؟!"
ميس "خلينا باجر نضرب المحاضرات وننجمع ونطلع .. صار هواي ما طالعين سويه .."
شجن "اني ما عندي شي .. وشام هم .."
شام "هوووب هوووب شو تقررين بدالي .. منو كال ما عندي شي .."
شجن "لا يعيوني ما عندج شي واطلعين ويانا وغصبا عنج .."
شام "اوكي بس اذا مهند قبل .."
شجن "وانتي هجران تكدرين .."
هجران "والله يا اختي ما اعرف اشوف اسيل اذا تروح بس على الاكثر يمكن ما اكدر .."
شام "هو انتي شعندج لحتى ما تكدرين .. "
هجران "شلون ما عندي .. بنات اني مو مثلكم فارغه .. عندي طفل وعيالي وزوجي .. هم تعذروني .. لان مو كل مره اكدر اطلع وياكم .."
ميس "نعرف ما عندج مجال دائما .. ومعذورة بس والله مشتاقين للمه الحلوه .. هو ساعتين قابل شكد نبقى .."
شام .. صرنا كلنا نلح على هجران لحتى تجي ويانا .. لحد ما اقتنعت .. انوب راسلنا اسيل هم كالت اطلع ما عندي اشكال
سديته من البنات .. وكعدت اكمل قرايه..
دخل مهند .. "هلووو حبيبي .."
ابتسم "هلووو بيج شامتي .. شو لسا كاعده .."
شام "كنت اقرا وانتضرتك .. شو تاخرت اليوم .."
مهند "شغل عندي .."
باوعت عليه بشك "شنو هل شغل الي ماخذك مني صار فتره .. خاف تطلع مزوج عليه .. "
مهند "يجوووز .."قصص وروايات عراقية كرار صلاح
شام "ياااا فدوه لله غير ادفنك هنا والله.. شوف مهند لا عبالك شقه وحق الله ما اسكت .. احركك .."
تقرب الي مبتسم "طلعتي سفاحه وما ادري بيج .. صايره تحركين وادفنين .. هذا كله علمود ازوج .."
رفعت حاجبي "ايي طبعا عندك شك .."
اخذني لحضنه كمت ادفع بي "يله وخر يللله .. "
"ولج شام شبيج تخبلتي اشاقه .."
درت وجهي زعلانه "اعرف شقه .. بس حتى الشقه يضوجني .. مهند جديات والله بعد لا تتشاقه هيج شقه ماصخ .."
"انتي بديتي .. شو دتعالي مشتاقلج .."
"مااا رووح مني .. عني امتحان .."
تنهد "راح انام اني .."
سكتت ورجعت اقرا ل ١٢ يله كملت .. رحت للجربايه واني اتمغط من التعب ..

دنيت وجهي على مهند نايم عفته ورحت احضر ملابسي لباجر
طلعتهم وحضرت النواقص .. نمت على الجربايه .. ادنيت على مهند .. شبكته واباوع بوجه جان ضوه خفيف يجي من التيبلام
غاط بل نوم بست خشمه .. "يماااي شكد احبك .."
مهند بنعاس "واني هم احبج .."
"ههههههههههههههههههه يااا مو نايم شكعدك كمزتني .."
"جبتي عمرج تكمزين .. غير انتي تتحارشين بيه واني كلبي ضعيف يمج ما اتحمل .. "

"اروح فدوه لبو كلب الضعيف .. هنودي حبيبي تذكرت شغله .."
"شنو كولي .. صار بيها هنودي .."
"باجر اني والبنات نطلع سويه نضرب المحاضرات.. هواي صار ما متجمعين .."
"اممممم زين شنو رأيج تعوفين صديقاتج وتجين وياي .."
"وين .."
"مشتاقلج صايره بس دراسه وما شبعت منج .."
"ما معليه اريد اروح وياهم .. وبعدين هياتني كدامك .."
"هيج يا حبيبت مهند تبيعيني على مود صديقاتج .."
"ايي .. هسه شنو اروح .."
"واذا كلت لا .. تبقين .."
"اكيد اذا ما تقبل ما اروح .. هسه شنو .."
"ما ترحين .."
حسيت بضوجه .. عفته ودرت وجهي
"هاي شنو بس لا طنكرتي .."
"لا هسه اني حجيت شي .."
"لعد ليش عفتي حضني وابتعدتي .."
"اريد انكلب ميصير يعني .. يله مهند نام .. باجر ورانا كعده .."
سكت .. تقرب مني باس خدي واخذني لحضنه ونام
الصبح كعدت والنعاس بعيوني اتمنى ما اكوم جان الجو بارد بيومها .. ودفيانه جوه البطانيه.. تمنيت ابقى نايمه بس عندي امتحان اليوم .. باوعت ساعه سته الصبح كلت انام ربع ساعه
غفيت .. ماكو يمكن دقيقه وصارت سته وربع .. كمت سبحت ونشفت شعري لحتى اصحصح .. بديت اخلي مكياج اني بل عاده ما اخلي هواي .. اكره الكثره بل مكياج .. حتى الحمره اخليها وامسحها بس علمود اللون وحتى ما يصير وجهي وجه الميت .. كعدت مهند
بسرعه كام سبح وطلع .. "شام حضريلي البدله السوده.."
"اوكي .."
طلعتها اله وهو كاعد ينشف بشعره بل شسوار .. لبس وكمل انطاني الساعه لحتى البسه .. هاي يوميه لازم اسويها اله
ويبقى يسوي حركات يضوجني .. اخذتها من عنده لبسته وسديتها بعدني اسوي بيها تقرب عليه بسرعه وعض خدي
"اوووي مهند شبيك وجعتني .. احححح ولا تبطل حركاتك .."
"ما اتحمل اذا ما اتريك بيج من الصبح .. خصوصا اليوم مدري شبيج مطنكره وصايره قمر ."
ما رديت عليه سكتت .. صح جنت مطنكره بس مو علمود الروحه .. بس نعسانه كلش واني من انعس ما اسيطر على معاني وجهي .. كلها تنعقج
اخذت جنطتي وملازمي لحتى انزل جوه
"شامتي تعالي .."
رحت لعنده "ها .."
طلع فلوس وخلاهم بايدي باوعتله "شكووو هواي هذول .."
"اطلعي وي صديقاتج وتونسي اشتري الي يعجبج .. ما يهون عليه اطلعين زعلانه لو بنفسج حاجه .."
ابتسمت "بس اني ما ضايجه على الطلعه .. بس نعسانه .."
"حتى لو .. ما اريد احس بل ذنب .. كلشي يصير عليه اموت وشامتي ما راضيه عليه .."
شهكت وضربت ايده بخفه "اسم الله شهل تشائم من الصبح كول يا الله.."
باس خدي "تخافين عليه .."
باوعتله صفح "لاااا .."
"ههههههههههههههههه .. امشي يله تاخرنا .."
نزلت ويا صبحنا عليهم .. كعدنا نتريك ..
"شام اني راح اطلع تجين اوصلج بطريقي .."
"يله اجيت .."
طلعنا سويه والطريق كله يتغزل ويسولف وياي
وصلت للجامعة ردت انزل لزم ايدي
"اريد بوسه .."
"ياااا شكد ما تستحي .. ولك احنا بل شارع .."
"شعليه واذا غير مرتي .."
"مهند تاخرت .." سحبت ايده بستها ونزلت .. لاف السياره وطلع راسه من الجامه
"احببب حراكاااتج .."

ضحكت واهز بايدي دخلت للجامعة


يتبع ............

قصه جريئة لفتاة تتعرض للتحرش و.............


#البارت 29

..................................

حــبــگ تــمــاماً گ الــيــقٌـيــن
فــي عــالــم يــعــجٌ بـالـشكـوك
گ فـكـره خـرجـت خــارج رحــم الــتــوقــيـت
وجــدتــكٌ فــخــرجـت عـن اطــوار تــشــتـتـي
وأهـــديــــت لــلـعـالــم بــــدلـــة الـــفـــــــراغ!.

اول محاضره امتحنت وطلعت اني وشجن .. اتجمعنا سويه وطلعنا هل مره لمول لحتى نشتري ملابس ومكياج وكذا
كان يوم حلو بكلشي مر بي اجا اتصال لميس
اباوعلها تغير شكلها وعيونها غرغرت بل دمع
"ميس حبيبتي شصاير شبيج فهميني .."
قفله الجهاز وصارت تبجي كلنا التمينا عليها
اسيل "يا عمري شبيج شصاير .."
شجن "ولج احجي موتيني .."
شام "شبيج خالو بي شي .. عزاا ولج وكعتي كلبي احجي .."
هجران "وخروا بنات .. تعالي ميس عمري غسلي وجهج .. اهدي .."
راحت ميس وهجران للحمامات
اجيت اكوم وراهن بس اجاني اتصال شفت الاسم خالو بكر عرفت صاير شي
بكر "شلونج خالو شام .."
شام "هلاو بيك خالو .. شصاير شو ميس تبجي وانت صوتك مدري شبي .."
تنهد تنهيده طويله
"والله يا خالي زوجتي صار عندها جلطة.. خلي ميس تحضر نفسها راح يجيها الشيخ ابن عمها ياخذها .."
سديته من خالو
الكل "شكووو ؟"
شام "امها لميس صار عندها جلطه بل قلب .."
اسيل "اوووو سوده عليه اكول فرفحت روحها .."
رحت واهم للحمامات والبنات بعدي
لكيت هجران تهدي بيها وهي مستمره تبجي
شام "كافي يا كلبي ان شاء الله ماكو شي وتطلع سلامات .. ادعيلها .."
ميس "شام خايف اخسرها بعد منو الي .."
شام "اسم الله عليها ان شاء الله ماكو شي .. يكول ابوج خلي تحضر نفسها لحتى ترجعين للبصره .. راح يجي الشيخ .."
ردت "شيخ محمد؟ "
هزيت راسي
طلعنا من المطعم رحنا للاقسام الداخلية الخاصه بميس
شام "جيبي احتياجاتج وتعالي وياي على بيتنا يله .."
ميس "لا عفيه والله استحي .. وماكو داعي اجي هنا ابقى .."
شام "لا يضل بالي يمج .. تعالي فدوه وبعدين ماكو احد بس عمتي وهنا والولد اذا اكو خطار يرحون لبيت جدو .. يله عمري وبعدين اني يمج .. ابد لا تستحين .."
مسحت دموعها وهزت راسها ودخلت
بقينا ننتظرها بسيارة هجران
هجران "مسكينه ميس الله يصبرها ويشافي امها .."
شام "امين الله يسمع من حلكج .."
شجن "الله يشافيها بنات تاخرت فدوه خاف ابو الخط يجي نوب اتورط وي اهلي عفيه رجعوني للكليه.."

اسيل "صح هجران رجعينا لبين ما تكمل ميس .."
شام "اني راح اخابر ميس خاف تطلع وما تلكانه.."

وصلنا اسيل وشجن دخلت للكليه اني وهجران ناخذ اجازه لميس بالف يا الله اقتنع الاستاذ لان كان عندها امتحان
رجعت هجران على ميس .. اخذناها ووصلتنا للبيت
نزلت من السياره قصص وروايات عراقية كرار صلاح
"شكرا هجران تعبناج ويانه .. تفضلي دخلي .. ومهند اذا عرف واصله لهنا وما دخلتي يزعل .."
هجران "والله ما اكدر غير مره ابني ضال بالي يمه .. يله مع السلامه امممح .."
سويتلها باي ودخلت اني وميس
اول ما دخلت للحديقه جان واكف جدو ورضا
جدو "السلام عليكم .."
ميس "وعليكم السلام شلونك جدو .."
جدو "الحمد لله بخير .. تفضلي جدو تفضلي .."
رضا "السلام عليكم خويه .."
ميس "وعليكم .."
جدو "مني هاي جدو شام .."
شام "هاي بنت خالي بكر .."
جدو "اهلا وسهلا تفضلي جدو زارتنا البركه .. دخلي اخيتج شام .."
دخلتها لبيتنا بل اول جدو ما قبل راد تدخل بيتهم
اول ما فتنا تلكتها عمتي بل سلام ودخلتها للاستقبال ميس ما قبلت دخلتها للصاله وكعدت .. راحت عمتي تجيب ماي وعصاير
ميس "لج شام شسوي حاجيني شلون اطير واروح بعد ما اصبر .."
شام "اهدي عمري بعون الله ماكو شي .."
خابرت ميس ابوها
"الو يابه شلون صارت امي .."
ما اعرف شرد عليها بس هي كامت تناشغ وتبجي انقهرت عليها كلش
سدته وصارت تمسح بدموعها
بعدني اريد اسالها شكال خالو بكر .. دخل مهيمن
"السلام عليكم .."
يباوعلي مستغرب لان ميس تبجي وما يعرفها منو اصلا
ما ردت ميس اني رديت
اجت عمتي جايبه الصينيه
ام مهند "يااا خاله عليمن تبجين صاير شي .."
عفت ميس تشرح لعمتي وكمت اريد ابدل متت
بعدني على الدرج نزل مهيمن
"منو هاي خويه شام .. شبيها تبجي .."
رديت "هاي بنت خالي بكر ميس .. وخطيه امها ضاربتها جلطه وتبجي عليها .."
رد "الله يرحمها.."
رديت بشهكه "اسم الله موتت المره .. اني كلت ميته لو كلت انجلطت شبيك عود صيدلاني .."
ضحك وكمل طريقه
اني هم عفته ورحت ابدل
خابرت خالو سالت عن حال عمتي كال حاليا مستقره ارتاحيت شويه ..

"اءء خالو ميس ابيتنا خل يجي ياخذها ابن عمها منا .."
"ان شاء الله خالو .. هسه اخابره واكله .. راح ادز رقم مهند حتى يخابر عليكم من يوصل .. "
سديته من خالو ورحت لميس بعدهي تبجي
وعمه تصبر عليها كاعده يمها
دخلت هنا
"هلاوووو .."
شام "هلاو بيج .."
سلمت على ميس وعمه عرفتهم وسولفت الهنا عليها
هنا "يا عيني خطيه الله يكومها بل سلامه .. "
ام مهند "يمه شام شو ما كلتيلنا اداوم هنا بنت خالج .."
رديت "والله يا عمه راح عن بالي بس كلت لمهند .. عبالي حاجيلكم.."
هزت راسها بل نفي "لا ما مدري .."
بعدها دخل عمو ومهند الضاهر كانو سويه
سلموا وكلمن راح لغرفته
صعدت لمهند .. دخلت للغرفه مهند ديبدل
"هلو حبيبتي شامتي .."
ابتسمت "هلو هنوديتي .."
ضحك "جديده هاي .. شعجب اليوم بنت خالج هنا .."
سولفتله عليها وعلى ابن عمها ان راح يخابر عليه

باس خدي "اوكي يروحي .. شامتي راح انام ساعتين وكعديني.."
"ما تتغدى .."
"اكلت برى .."
"انت ويامن .."
باوعلي صفح "وي صاحباتي .."
رديت بقهر "تتهنى .. " اعرف يتشاقه بس اضوج من هيج يحجي احسه بس مالتي مو مال احد خاص بيه واذا يحجي بغيري اشتعل نار
ردت اطلع سحبني لحضنه
"ولج شبيج راح تبجي .. اشاقه ومحمد .."
ضربته على صدره "كم مره كلتلك اكره هذا لشقى.."
رد "شسوي ما الزم روحي .. احب اشوف غيرتج عليه.."
رديت "ما اغار .."
رد "هنه علينا يا حبيبت مهند .."
باوعت بوجه والعب بلحيته .. هو يتخبل من اسوي هيج
"ايي عليك ،."
ضحك وعض اصابعي بخفه
"اووي شبيك .."
"كم مره كلتلج لا تعيديها .."
"عود لييييش تضوج.."
"احتراما الي هذا الشي ما اقبل بي .."
بست لحيته "عفوااا لحيت مهند ايااام سووو سووري .."
ضحك "يله ولي تقلدين مو .."
ابتسمت "لااا جاي اراضيك .."
باوعلي بمكر "ما رضيتيني اريد غير طريقه .."
"ماااا .."
"هسه اني شحجيت شكد صايره سخيفه ودماغج مبرمج على قلة الادب .."
ابتسمت "بسببك دمرت برائتي .."
ضحك "بما انو اني دمرتها وخلص .. انتضرج البليل ماشي .."
غمزلي وراح للجربايه
"اممممم شعندنا بليل .."
"نسوي شغلات ترضي الله وعباده .. "
ضحكت ونزلت جوه
ميس بغرفة هنا وكاعدين يسولفون
ميس "هاي عود كلتيلي اني وياج هنا .. تالي خلصتيها فوك .. وين رحتي وعفتيني .."
هنا "جانت يم الحب خو ما مثلنا .. "
شام "كبررر ما تصيرلج جاره ابد .."
هنا "على كيفج عيني قابل نحسد .."
هزيت ايدي وكعدت يم ميس
سمعت عمتي تصيح هنا .. راحت هنا وبقيت وي ميس طمنتها عن امها حسيتها شوي ارتاحت وصارت ادردش وياي .. استاذنت منها وطلعت تركتها تنام
دخلت للمطبخ جايبين اكل ومسواك وكذا .. محضرين كل شي وعمتي منصيه الجدوره وتسوي بل زلاطه
وهنا تغسل بل فواكه
كعدت اساعدهم .. بس عمتي ما تقبل
ام مهند "روحي يا يمه شعندنا .. كعدي يم بنيه خالج عيب روحي يمها .."
رديت "نامت عمه .. خليني اساعدكم .."
تنهدت "ولج روحي كعدي توج راجعه من الدوام روحي ارتاحي يم زوجج .." قصص وروايات عراقية كرار صلاح
عاطت هنا "هااااا يممممه كددداميييي وصايره تفرقين وادورين راحه لمرت ابنج .. واني مووو بنتج ليش ما تخافين عليه وتكولللييين تعبببت لووو مسويتني ميري مالتج هااا .. اني ما اتعب بس شام .. اني ما كنت بل دوام وتعبانه بس شام .. مووو بسسسسيييطه يا امي .."
ام مهند "انجبي واشتغلي زين .. وانتي شام روحي .."
رديت "ونبي ما اروح ليش تبعديني ومخليه هنا تشتغل وحدها قابل اموت اذا حركت نفسي .. واني اصلا كلشي ما عندي .. وما تعبانه .. معليج عمه روحي اكعدي واني اشتغل .. وتعذريني يا عمه .. تعبتج وياي ومخليتج تشتغلين لوحدج واني ادرس .. بس ان شاء الله بس تجي العطله ابدي اشتغل .."

ردت "يا يمه عليمن انتي مثل بنياتي وتمونين عليه .. بعد كلبي .. "
تنهدت
"يا يمه يا شام شوكت اشوف جهالج .."
حسيتها ضايجه .. انقهرت بداخلي بس ما بينت
"رزق ربج عمه .."
ردت "ونعم بالله بس كم مره نبهتج ما تكولين عمه .. كولي يمه مثل هنا .."
عافتنا وكامت
كعدت بمكانها اكمل الشغل .. هنا بعدها مستمره ادردم على عمتي .. واني ارد عليها لو اسكتها موتتني
رديت عليها "ولج كافي اسكتي انهديتي .. روحي عيني روحي ارتاحي خل اكمل شغلي .."
باوعتلي صفح "لازم ما عاجبج الحجي .. ولو حقج امي ما تخليج تمدين ايدج واني مشغلتني .. وانتي مكيفه على هل سالفه .. هنيال بختج على هل حظ والعمه.."
هزيت ايدي ورجعت احضر بل اكل
ردت "اها شوفي ما تردين لان تعرفين نفسج مذنبه .."
رديت "كافي هنا ترى طلعتيها من ماعونها .. وبعدين شنو مكيفه على هل وضع ترى اني الح عليها وهي ما تقبل .. ترى عيب عليج هنا .. اني احبج واحترمج بس ما الج حق هيج تحجين وياي .."

سكتت وكملت شغلها .. صايره ادور مشاكل وياي ما اعرف ليش بس مرات احسها غيره ومرات احسها الحق وياها بعد ما اعرف شنو سالفتها .. تخبث ودور مشاكل ونوب ترجع تتشاقى وتضحك ولا كانو مسويه شي حيرتني ما كانت هيج بس انا لابستها شسوي اسكت مو خوف وانما احتراما لعمي وعمتي
رجعت عمتي دخلت بعد ساعه "ها بناتي كملتن عيب من البنيه هم وحدها وهم ماتت جوع .. خفن اديجن.."
هزيت راسي وهي استعجلتني لحتى اكمل
بديت اصب واجهز بل صحون
ام مهند "روحي شام للبنيه خليها تكعد وتغسل .."
رحت لميس نايمه بس ما غافيه اول ما حاجيتها صحت
شام "يله عمري تعالي تغدي .."
ردت "شام اكلت وما اشتهي ابد .."
رديت "ابد والله تكومين وتاكلين هو احنا لحكنه ناكل لكمه وكمنه وبعدين انتي بل ذات شاكلتي .. كومي ما اقبل بأي عذر حتى عيب من عمتي صار ساعه تجهز وتحضر وكل هذا على مودج .."
كومتها غصبا عليها
لكيتهم فارشين السفره وملتمين عمو صاح على ميس تكعد مهيمن راد يكوم عمو اشرله يكعد
رحت لفوك .. مهند غاط بل نوم صرت اتمعن بملامحه بشغف وحب والعب بشعره شكد احب اتلمس وجه وشعره
حجيت بهدوء "هنودي حبيبي كوم اتغدى .."
ما رد عليه كمل نومته
بست خده وكمت نزلت لجوه
ابو مهند "وين مهند ..."
رديت "عمو يكول اريد انام وهو اصلا ماكل برى البيت .."
بدينا ناكل .. بس اباوع لميس متلعثمه وما تعرف تاكل ما مرتاحه بوجود مهيمن
هو حس بيها بسرعه كام انقهرت عليه ما اكل زين خطيه

كملنا الاكل ونوب جاي وكذا هاي السوالف وميس كاعده ويانا بس بالها اكثر الوقت مو يمنه
صار الليل وهي بعدهي يمنه
تقريب ساعه ٨ جنه نشرب جاي بعد وجبه العشاء رن تلفون مهند
عرفت هذا الشيخ .. رد عليه ووصفله المكان واجا لعنده
عمي ومهند ومهيمن ضيفوا واصروا يبات هنا بس ميس ولا هو قبل .. ميس حضرت نفسها وطلعت سلمت عليها

وطلعت وراها .. كان الشيخ واكف بل باب لمحني صار يباوع استغربت شبي هذا يحجي وي عمو وعينه عليه ابد ما شالها .. نضرته ما فسرتها بس ما ارتاحيت الها نظرا ..هو جبير عمره تقريب ٣٦ بس شكله صغير ووسيم لابعد الحدود مهتم بنفسه .. كل هل معلومات حجتها الي ميس عنه .. حتى حسابه شوفتنا .. شخصيه معروفه بل بصره وشيخ لعشيرته واله احترامه بين الناس .. برغم صغر سنه فهو رجل حكيم و متكلم ومثقف .. هو صاحب الشركة الي يشتغل خالو بيها
استغربت شخص مثله ويباوع على نسوان ..

اني من شفت نضراته ما ارتاحيت اله كبل دخلت جوه وبعد ما طلعت ..
البنات لبليل خابروني يسالون عن ميس وعن امها سولفتهن
وكلت راحت .. سديت التلفون وخابرت على خالو
"الو خالو شلون صارت ام ميس .."
رد "بخير خالو لا تشغلين بالج .."
رديت "هي شبيها ليش هيج .."
رد "والله هي صارلها يومين بل مستشفى من انجلطت وما ردت اخابر لميس حتى ما اقلقها .. وهي هم تكول اريد بناتي يمي خاف اموت عاد خابرتها لحتى تجي .."
شهكت "عزاا يعني صارلها يومين من انجلطت .. زين هسه شلون صارت .."
رد "اشوفها شي على شي احسن من اول يومين ادعيلها خالي .."
سديته من خالو كعدت اقرا
دخل مهند جان جوه
كنت كاعده على القنفات ولازمه فوني والملازم بحضني
من شافني ابتسم واجا بتجاهي
مهند "اليوم ما شفت شامتي شلونج .."
ضحكت بوجه "الحمد لله بخير وانت شسويت اليوم .."
رد " ماكو جديد .. سولفيلي وين طلعتي ششتريتي .."
صفنت وضربت خدي
"عزااا العزاااني .."
باوعلي مستغرب "شكو شبيج .."
ما رديت عليه اخذت جهازي اتصل على هجران
سحبه مني "احجي عيوني شصار شبيج .."
ردت ابجي من القهر "مهند نسيت الاغراض الي اشتريتها .."
رد عليه "وين نسيتيهم.."
رديت"ما اعرف يمكن بل مطعم او .... ما ادري ما ادري .."
رد "فدوه الج لا تضوجين اعوضج وحق ربج .."
ابتسمت "فدوه لكلبك حبيبي .. بس حرامات تعبك هيج تنطينيا واطشره .."
رد بضحكه "اروحن فدوه لحجاياتج الحلوه مثلج .. يابه مهند وفلوسه كلها تروح فدوه لشام بعد شتردين اكثر من هيج يا بعد كلب مهند .."

رديت "انت اريدك وبسسس .. انطيني فوني خل اتصل بهجران بلكي تعرف وين خليتهم .."
اخذت الجهاز واتصلت
هجران "ها عمري كولي .."
رديت "هجران الاشياء الي اشتريتهم ما اعرف وين عفتهم .."
ردت "لحضه يمكن اسيل اخذتهم لسيارتي .."
رديت "ايي ولج بلكي مخليتهم بيها .."
ردت "شوي واجيج .."
سديته من عندها
مهند "ها موجودات .."
شام "ما اعرف .."
مهند "شام حبيبتي شنو رأيج نسافر بل عطله .."
باوعتله بابتسامه .. "اييي اييي موافقه .."
ضحك بصوت "شبيج على كيفج .. حتى من طلبتج للزواج ما هيج سويتي .."
رديت "طبعا ما اسوي هيج انت الي تسوي .. هو انت حتى وقعت مرتين بل محكمة.."

"هههههههههههه اني مو بس اوقع ابصم بل عشره .."
رن فوني برساله فتحتها
هجران "شام موجودات هذني حتى مال ميس هم عافتهم .."
شكرتها ورجعت اسولف وي مهند
مهند "شام حبيبي اريدج بسالفه .."
رديت بتركيز "كووول شنو .."
رد "اريد بيبي .."
ضحكت "من كل عقلك مهند تحجي هيج .."
باوعلي ورافع حاجبه "طبعا .. شو احسج مستهزئه بل موضوع.." قصص وروايات عراقية كرار صلاح
رديت "طبعا استهزء .. وبعدين اني سبق وان حجيت وياك بل موضوع وخصمنا السالفه هذي .. اني حاليا ما مستعده وانت اكثر واحد يعرف .. لا عندي وقت النفسي ولا الك الدراسه شوي شوي تصعب ما اكدر اربط نفسي بطفل حاليا لان اعرف راح اهمله يا اما اهمل مستقبلي .. واكيد بذاك الوقت اهمل طفلي وما اعتني بي ولا استمتع بشعور الامومه ترى مهند الموضوع مو بهاي السهوله الي دتحجي بيها هذي مسوولية مو بس عليك وعلي هم .. ارجوووك مهند لا تحرجني اكثر من هيج اني ما اريد ابد طفل ما مستعده لهل خطوه .."
حسيته ضاج بقى يباوع عليه ويدير وجه اخر شي طلع وركع الباب حيل
تنهدت بقوه
"اففففففف مو وقتك يا مهند ابد مو وقتك .."
ما اعرف ليش استصعب الامومه وما مستعده الها ما اريد انربط بطفل من هسه اريد اكون نفسي ومستقبلي اهم شي حاليا .. اني من قبل ما احب الاطفال وخلكي كصير وياهم
نفضت راسي من كل الافكار الي راودتني بهل دقيقتين وكمت اشوف مهند وين راح
نزلت جوه ماكو وكلها نايمه بغرفها والبيت هدوء تام
رجعت الغرفتي
باوعت تلفونه موجود لعد اكيد ما راح بعيد .. كعدت اقرا صارت ساعه ١٢ وهو ما بين
كمت واني قلبي مقبوض ما اعرف شبي .. فتحت البرده واباوع سيارته موجوده
بقيت صافنه .. الجو اضلم وبي بروده حلوه .. باوعت للحديقه زين لمحت اكو واحد كاعد على كرسي عرفت هذا مهند
اخذت حجاب ولبست جاكيت فوك ملابسي ونزلت جوه
فتحت الباب هو شال راسه يباوع عليه ورجع دار وجه مني
طلعت ليمه كعدت بل كاع كباله
"هنودي حبيب شام .. ليش كاعد هنا باارده عليك .."
ما رد عليه راد يكوم لزمت ايده
"مهند اكعد خلينا نتفاهم .."
كعد كبالي "شام اني هم تعبت والله خل نسد الموضوع ما اريد تصير مشاكل .. يله كومي خل ندخل .."
رديت "خلينا نبقى هنا اريد اشم هوى .."
اخذ ايدي ورحنا على المرجوحه .. ثنينا ساكتين وصافنين بل لا شيء
بعد صمت طويل
"مهند بعدك ضايج مني .."
رد "مو منج من الضروف .."
باوعتله بتركيز "ما فهمت .."
رد "احسن .. "
"افففففففففففففف .."
مهند "خييير شبيج .."
رديت "ما بيه شبيك وييااااي .."
رد "امشي ندخل جوه انتي بسرعه تتمرضين .."
رديت "اوووووه شجلبت خلينا كاعدين .."
رد "ملاحظه نفسج صايره تنترين مثل قبل .. ما احب هل اسلوب غيري .. مثل ما غيرت من نفسي هواي علمودج .. وتجرعت المررر منج و اكول لنفسي عسل اذا يجي من شام .. لا تستغلين حبي الج يا شام ابد كرامتي اهم من كلشي .."
حجه هيج ودخل لجوه .. بقيت شويه كاعده .. وافكر بكلامه احس نفسي هواي طوختها ويا ..
كنت صافنه كمزت على صوت بزازين يتعاركن
كمت بسرعه دخلت للبيت
صعدت فوك مهند سابح وينشف بشعره .. كلت بداخلي "يووووه شكد يسبح صبح مع ليل .. اني زين مني اسبح الصبح .."
لميت الملازم وحضرت ملابس باجر والي احتاجه
واتجهت لحتى انام
مهند نايم ومخلي ايدو على عيونه .. ما اعرف اذا غافي او لا بس تعودت ما انام اله على صدره

ادنيت يمه هو حس بيه اخذني لحضنه ونام .. ابتسمت ابتسامه عريضه ونمت .. احس نفسي مرتاحه على الاخر

يتبع..........

قصه جريئة لفتاة تتعرض للتحرش و.............



#بارت 30


كعدت الصبح مهند مبدل ويمشط كمت على حيلي بسرعه
"مهندددد لللليييش ما كعدتنيي .."

النعاس بعيوني وهو اصلا ما يرد عليه
كمت غسلت بسرعه وبدلت دوخه براسي لان كمت بسرعه
افتر منا ومنا حرت شسوي .. وهو يباوع عليه وساكت
تخصرت "خيييييررر يعني هم ما كعدتني وهم تباوعلي .."
رد "شلون اغمض عيوني .."
عفته وكملت .. خليت الشال على راسي والبس بي بسرعه
.. مهند نزل جوه وعافني
كملت ونزلت اركض .. هنا صاعده بل خط واني بعدني
رحت عليها
هنا "وين صرتي يا شام اخرتيني وعندي امتحان .."
خلص الدوام وميس اجت امتحنت ورجعت للبصرة لان امها شوي تحسنت صارت زينه
اني كذالك امتحنت وخلصت .. ومهند ابد ما يحاجيني بعده زعلان

اول يوم من خلصت بديت بل بيت حملة من فوك واني نازله ما خليت مكان يعتب عليه وعمتي ما تقبل ادردم على هنا لان لوحدي اشتغل كلتلها خليها ترتاح قابل شعندي

صار المغرب واني اغسل بل بيت .. لمن كملت صعدت لغرفتي عزلتها لان الصبح غيرت اماكن الاثاث كله
وبقت مو كامله لان على سرعه سويتها رجعت عليها طلعتها تلمع .. دخلت للحمام اسبح
اسمع عمتي من فوك تصيحني رحت للمحجر وكفت واباوع جوه "ها عمه شتردين .."
ام مهند "نزلي لا اطيح حظج .."
كنت فاتحه شعري وبيدي ملابسي نزلت بسرعه
رديت "شصاير .."
اخذت ملابسي من ايدي "جيبيهم .. اني كم مره نبهت عليج المغرب ما تشتغلين وما تدخلين تسبحين .."
رديت "عمه هاي خرافات ما اصدك بيها انطيني خل اسبح متتت واريد اصلي .."
ردت "يفوت الغروب وسبحي يله كدامي تعالي كعدي .."
ضحكت "والله عليج سوالف يا عمه .."
ردت "شام سمعي الكلام غير لمصلحتج احجي .."
ما رديت .. وهي ما قبلت ارجع فوك لان كل مره تنبه عليه وادخل اسبح ف صارت ما تامن بيه

كعدت بغرفة هنا
هنا "خيررر شو اليوم يمي .."
رديت "ايي وشرايده.."
ردت "اطلعي من غرفتي يله .."
رديت "بيت زوجي ووين ما اريد اكعد .."
كنا ثنينا نتشاقى.. ولمن حجيت جان شقه واضحك وياها بس حسيتها ضاجت

"ياااا خاف ما تقبلين روحي عيني خاف نسيتي هذا بيت ابوي قبل لا يصير بيت رجلج .."
رديت "شبيج صايره غثيثه .. عابت غير اشاقه وياج .. امداج وامده الي يجي يمج .."
عفتها وطلعت .. هي متغيره عليه حيل مو مثل قبل .. كانت هي تنصح وهي تعلم .. وتضحك وياي وتتشاقه هسه كلش تغيرت ليش وشلون وشوكت ما ادري .. فجاة صارت هيج وياي ..
رحت لعمتي كاعده تصلي .. كعدت كبالها وانتضر تكمل
بقيت صافنه وافكر شسوي وارضي مهند مبتعد عني هواي هل فتره .. ومنا مشغول بل دوام
كملت عمتي وباوعتلي "ها يمه ليش كاعده وصافنه .. كولي اكو بحلكج حجي .."
ترددت احجيلها وسكتت هي حست بيه
"كولي اني مثل امج .. لا تستحين مني ابد .."
رديت "اء... عمه ......"
ردت "لا تمتمتين كولي .."
رديت "عمه اني ومهند .."
ام مهند "ولج عليتي كلبي احجي شبيكم .."
رديت "مهند مزاعلني صار فتره وما اعرف شلون اصالحه.."
ضحكت .."دتعالي يمي .."

رحت كعدت بصفها
حجت "شوفي امي اني اعرف انتو ما تتحاجون هل فتره بس ما ردت اتدخل بينكم .. وهسه ما راح اسالج على شنو العركه .. بس خل انصحج ..

شوفي امي انتي صرتي مره متزوجه وعندج مسؤولية ورجال وعيال .. لازم توازنين بين كل هذول وبين زوجج ودراستج .. اني ملاحظه من بداء الدوام ولسا انتي كل الي هامج تدرسين .. واني ما الومج ولا احبط معنوياتج بل عكس اريدلج الخير واريد تطلعين من الاوائل..

بس هم زوجج اله حق بيج .. هم لازم تنطي اهتمام وتخلي من اولوياتج.. اول ما يدخل ابوسه اسلم عليه اكله الله يساعدك .. تتلكي كون بابتسامه حلوه بكلمه طيبه .. ما تعلين صوتج اعلى منه .. مو تصيرين حالج حال الرجال وتحجين بصوت عالي وتنترين لا كون صوتج ناعم وناصي يم زوجج و صيري رقيقه مو خشنه ..

يمه ترى القوه مو بل صوت العالي .. او تجادلين باستمرار وتراددين .. حبيبتي القوه كلمات هادية وقرارات حاسمه .. وبنفس الوقت ما تقبلين معامله مو زينه هي هاي القوه يا امي انتي كانثى

الله خلقج رقيقه ناعمه و قوتج هي الرقه والين لا تكونين صلبه بل تعامل انتي مو الرجال انتي مره .. صيري سباعيه وحافظي على نضافتج واناقتج بكل وقت وبكل مكان .. ولا تخلين على نفسج وغرفتج ورجلج نقص ابد ..

ومن تشوفي عصبي لا تجادلين وتحجين اتركي لين يهدء ويسكت اذا تبقين تحجين وتلعلعين لا تنفعلين وتعاركين انتي الي تتاذين الرجال مو مثل المره وقت الغضب يحتاج ينترك لوحده لا تكابلي وتحجين .. وبعد ما يهداء احجي ويا وهدي واحجي بهدوء ويا واذا ما شفتي استجاب ورفض اسكتي واتركي