قصه جريئة لفتاة تتعرض للتحرش و.............


#بارت 7

****🌹****************🌹****

شام : ما لحكت اطلع من الصاله حيلي مهدود وهو كبل دخل
مهند : السلام عليكم
مياسه : وعليكم
شام : ما رديت عليه السلام كمت اروح لفوك
جدو دخل
-وين بويه اجه يشوفج من سمع مريضه
طيبي بسرعه حتى تصيرين مرته رسمي
(كلبي صار بي خفقان وفحطت لعبت نفسي عيوني فتحتهن كل قوتي خوف على قرف على مغص )
-جدو اني ما اريد ازوج اريد ابقى هيج ماااا والله ما اريد سد الموضوع
-جا هو متانيج من كبل وهسه انتي لا مدرسه لا عندج شي عليش ضاله هيج ابن عمج رايدج احسن مما ترحين للغريب
-ما اريد وخلص سد الموضوع فدوه والمدرسة ارجع ما ابطل بس جنت تعبانه
-حجه مهند : اجت نصف السنه وانتي كاعده شلون ترجعين وبكلوريه خلينا نخطب حتلو تضلين سنه يله نكمل الزواج
-مااااا مااااا والله ما ازوج والله ما ارييييدك لو تموت ما ازوجك
-ووجع حتى وجع لو ما اكول مريضه جان عرفت شصرف وياج شلون هيج تحجين وي رجلج شو ما تستحين الضاهر ادللتي زايد
-سكتتت لا تكبر السالفه وتصير عناد صعدت الغرفتي وكلبي يرجف من الخوف
صعدت وراي مياسه هي و نور
مياسه : ليش هيج تسوين ولج لا تنفضحين الله ياخذج على هل دكه خل ياخذج ويصلح غلطه يعني شنو تبقين منو ياخذج ننفضح والله اقبلي بي لا تعارضين
نور : كلام مياسه صحيح وافقي لا نبتلي بعدين الله وكيلج تخسرين روحج طمطمي السالفه نوب اني خايفه لا اطلعين حامل وتبلينا والله تنكلب حياتنا اذا صار هل شي
شام : لاااااا لاااااا مستحيل حامل الدكتوره انطتني علاج

مياسه : هي دكتورتيش لخاطر محمد بس خيطتج و حتى التقرير من ورا خشمها دفعتنا شلون ما جان ولج بس لا صدك وتحبلين يمااااااي الله لا يكولها

هو جذب بس تريد تخوفني حتى اوافق
شام : والله شككتني بروحي اسم الله اذا صار هل شي اموت ولله
نور : اكلج هم عندج لعبان نفس تحسين بشي انتي حتى خامله مدري شبيج لا صدك واطلعني حامل تتصخم وجوهنا
شام : لا ماكو شي لا توهوسين وتخلين اشك بنفسي
بقت مياسه ونور يقنعون بيه بموضوع مهند بس تفكيري غير ما اخلي يحقق مبتغاه ويخليني امام الامر الواقع حتى اوافق بي

تعبت من التفكير بل موضوع بس كل البالي ما اوافق عليه مرت الايام واني بين الغرفه وبين صلاتي الي التزمت بيها وتقربت من ربي بهل فتره كثير كانت هل فتره اشبه بعلاج نفسي الي طابت روحي للقران ولقرب ربي
جنت حتى اذا ما اقرا اشغل القران بل تلفون واستمع للآيات من انزل جدو كل شوي يصيحني على صفحه ويقنع بيه ويوصيني بمهند
و منا مياسه و نور يلحون ويقنعون بيه اوافق لان الموضوع يزيد ما ينقص كلما نتأخر اكثر كلما تكبر السالفه كالت مياسه طمي عارج ولج لا تخلينا ننفضح وافقي وكافي دلع
هنا كلش انضغط عليه و صار تفكيري كله بل زواج و اخذها منا واردها منا لحد ما قررت اخذ استخارة يالله اوافق
صليت ونمت تحلمت وكان زين الموضوع قررت اتوكل بربي واقبل لان بل حالتين ماكو خيار ثاني
واني المبتليه وافقت بوكتها جدي طار من الفرحه راح ل ابوي و طلبني لمهند ومثل ما توقعت ما يعارض على مهند بس اني نعصر كلبي و متتتت من القهر ما اريد زواج
بقيت الوم بروحي على الموافقة بس بعدين كلت الي يصير يصير ما يهمني شي بعد
صار كلشي بسرعه لان العطله بدت تنتهي يردون يفضون السالفه حتى بل عطله الجبيره الزواج
امي جابت الفستان و حجزت عند صالون راقي
"جان الفستان لون ذهبي وبي هواي شغل كلش راقي مفتوح الضهر والصدر و طويل بس بي جاكه من وره "
رحت للصالون طلبت تسريحه يكون شعري مفتوح وبسيطه ما اريد هوسه وتعبني
سرحت شعري و ما صبغته عفته على طبيعته سوتليا مبروم من الاطراف و بف بسيط وزغير و و ثبتت البف ب ماشات راقيه
سويت تنضيف بشره وحفافه والشيره مال جسم تكفلت بيها مياسه و نور مكياج بسيط مو هواي اكره المكياج المبالغ بي
طلعت غير شكل بل خطوبه شكلي راقي ونازك
اجاني بابا اخذني من الصالون و رحنا للتصوير مياسه طلبت اني ما اريد ايشي
دخلنا وصورنا وطلعنا كبل للبيت اني حتى ما باوعت بوجه احد كبل لفوك صعدت
قفلت الغرفه و حزت بنفسي اني المدلله ابوي ما يباوع بوجهي حتى ليوم خطوبتي و انجبرت بحيوان بسبب تسرعه ورعونيته شخص اكرها من كل كلبي راح يشاركني حياتي
واكابله و طاري الزواج الي جنت اتهرب منه اليوم انجبرت بي و راح ازوج ااااه يا شام اااه بس على الزمن الي غدرني
كلشي اكره صار كلشي ما احبه انجبرت بي طولت بغرفتي جنت صافنه بوجهي وملامحي الباردة ليش كل هل برود والنضره الجامدة و خاليه من الحياة ما جنت هيج شلون انكلب حالي
اندكت الباب فتحته
مياسه : ولج شعندج هنا الناس منتضره جوه كلها تصيح وين العروس ما شفناها يله حتى السيد اجه كووومي

قصه جريئة لفتاة تتعرض للتحرش و.............


#بارت 8

................❣️..................❣️.................

في دروب الحياة التقينا ، ومضى الزمان ، ومضينا لنجد أنفسنا فجأة على مفترق طريق الرحيل ، عندها تتصافح الأيادي وتغرق العيون بالدموع لتبقى تذكاراً بين الاحبه سيعود الغائبون في اليوم الذي لا ننتضر فيه عودتهم

تخبلت واني اباوع واصيح منو مااات منو عيوني مفتوحه بكل وسعهم وكلبي يدك بسرعه
لزمت نور وهي تبجي
شام : ولج نور شكو منو مات ليش ما تحجون مهند مات مو مهند مات ليش ما تحجون
نور : تشهك وتحجي
ولج اسـ...... استشهد رضا زوج مياسه.. انفجار بل طريق
شام : عزاااا العزانييي ان شاء الله شلون مات منو كللكم
نور : مياسه خابرته و طلعلها واحد يكللها صاحب الموبايل استشهد
شام : يمةةةة صخاااام خطيه ما يستاهل واللة
رحت يم مياسه فاقده وتصرخ وتبجي اريد الزمها ماكو ملخت روحها

شبكتها بكل قوتي شوي سكتت ونوب رجعت تصرخ بحضني
" ولج شااااام رااااااااح وعاااااافنننننييي راااااااحححح بعد منو اليييي سوووووده علييييه والله كلببببي حاسني من الصبححححح اخخخخخ اللللللله لوووو ادررررري ما اخللللليييي يطلللللع.. ربيييي ليييييييش اخذته مني منو الي بعدددددده منووو حتى هذا تحرمني منه ربيييي ارييييييييييددددده منككككك ولجججج يمااااااااااا ولجججج يمااااااا شوفييييي حااااااالللللي كلشي احببببببه وااااااريييييده يررررروووووح منييييي ويعووووووووفنييييي لللللللييييش هيييييييييج انيييييي فكرررررررر بل اوللللل راحححح ابووووووووي وانتي بعععععدددددده للللللللييييش كل الاحبهممممممم ربيييي يحرمني منهممممم وياااااخخخخذهههههممممم منيييي لللليييش مااااا ياخذذذذ عمررررري ويخلصنيييييي كضييييييت عمرررريييي يتيييييييمه لااا امممم ولااااا اببببببب لييييششش حتى حبيييييييب عمرررري انحررررررررررم منه اااااااااااااااااااخخخخخخخ ربييييييي اااااررررريييييدد امووووووتتتت "

شام "كطعت كلبيي بحجيها وهي شابكتني وتصرخ بحضني فقدت صوتهااا يطلع من نص كلبها كلها مكابلتها وتبجي على حجيها وصريخها متتتت من القهر و عيوني يحركوني و غصه ببلعومي اريد تطلع دموعي ماكو بس اصرخ بلا دموع حتى دمعتي عزت عليه وما نزلت "

اسكت بيها ماكو بقت تحجي و تبجي بصريخ دخلوا ولد عمي يستفسرون ويشوفون شكو وراحوا ورا ابوي وجدي راحوا لمكان الانفجار
مياسه مستمره ببجيها وصريخها ما بطلت نحيب وكل شوي تضرب نفسها فرفحت روحها من البجي

لـ ٣الضهر وهما ماكو نخابر ماكو اشرتلي امي رحت يمها
" ماما خابري على مهند شوفي وين صاروا شصاير وهلكد تاخروا وما يردون على التلفونات شكوووو ولججج "
" ماااا اخااابرررره ومااا عندي رقمه "
" اخذي موبايلي وخابري "
(لو ما مياسه وحركة كلبها فلا اخابره لهل عااار )

اخذت موبايل ماما و اتصل واكول عسى ولعل ما بي شي بس ارجع واكول اذا انفجار اكيد فحم و ما بين بعد
ماكو رد دكيت مره لخ هم ماكو دزيت رسالة "مهند رد عليه اني شام شكو شو محد يرد على موبايله فرفحت كلوبنا ومياسه ملخت روحها ليش ما تردون "
شوي وخابر "ها شام شنو الوضع يمج "
"يعني شتتوقع الوضع ندك ونلطم وانتم حركتوا كلوبنا محد يرد ما لكيتوا اثررر للولد "
"ماكو دورنا الثلاجات كلها وفرينا المستشفيات وماكو اثر اله .."
"زين ليش محد يرد على موبايله ؟؟"
"احنا بيا حال شيبت كلوبنا على الشفناه ناس محروكه وناس ماتنعرف على الحرك والموته مطشره الدنيا مكلوبه و ابوج تلفونه مو ويا ترى يكول ضاع مدري نسيته بل بيت شوفي"
"لحضه رحت دورت لكيته على الشاحن واحنا كلبنا الدنيا بل اتصالات وهو هنا جاوبت مهند (موووجود هذااا يله باي عود من يصير شي خابر )
"اوك
نهيت الاتصال و رحت لماما سولفتلها
"لطمت خدها ... يماااي سوده علييية الله لا يوفق الارهابيين هيج هاي الناس ما الها ذنب تروح بل رجلييين الله اكبر "
رحت يم مياسه و اسكت بيها واصبرها
"يلة حبيبتي ان شاءالله ما ميت يكولون دورنا الثلاجات كلها مالكينا "
اني كلتلها هيج وهيي ماتتت من البجي وزادت ما نقصت عود جنت اطمنها وهي انهدت بل بجي والصريخ
بقت هيج لحد ٤ الضهر لا تاكل و لا تشرب وبس تلطم وتبجي لحد ما تخربطت بدينا حرنا بيها ومنا ماكو احد بس نسوان رحت للموبايل ركض خابرت على مهند "الللوووو مهندددد تعاااااللل لللبيت بسررررعه ميااااسه تخرررربططططت ييييللللة فددددوه "
ما حجه كلمه سده و اني رحت يمهم يحاولون يكعدون بيها ونور تقيس الضغط
طلع صاعد الضغط تخبلنا راحت مرة عمي الجيران ياخذونها للمستشفى

قصه جريئة لفتاة تتعرض للتحرش و.............

#بارت 9

..........❣️..............................❣️..........

بقينه ندور وماكو للضهر وهم ماكو خبر عن رضا تعبنا هلكنا طاقتنا خلصت
النهار بداء يخلص وماكو كانوا يجون واحد بعد لخ اتجمعنا بصمت كمن بهمه و تعبانين فرشنا من ٨ ونص ونمنا الي نام والي بقى اني من تعب المستشفى نمت جوه بغرفه جدي ما حسيت على روحي جنت يم بيبي اسولفلها الصار وعلى مياسه هم شبعت بجي والسكر يصعد تمددت بدون فراش ولا بطانيه و نمت ما حسيت بروحي
الصبح كعدت و لكيت عليه بطانيه و مهند نايم كبالي بس مسافه بعيده عني و مبين هسه كاعد مفتح عيونه وصافن كمت بسرعه طلعت لماما
صباح الخير ليش ما كعدتوني وليش مهند نايم هنا
"صباح النور ... غير ماكو مجال محد راح البيته فرشناله يم جدج ونام بعد شبيج مكروصه صار شي سوالج شي شو بعيد عنج "
سكتت رحت الغرفتي اكمل النومه جسمي مكسر من النومه على الارض ردت انام ما اجاني نوم سبحت مشطت بردت حيييل نزلت لجوه مخبوصين و يسوون بل ريوك و الجهال تهوس
حجت ماما "ها سبحتي اليوم بارده لا تتمرضين روحي كعدي على الصوبه بغرفة جدج
رجعت بغرفة بيبي مهند بعده بمكانه بس نايم اني كابلة الصوبه وكعدت
من ابقى هواي عليها انعسسس و اغفي بقيت يمها الى ان نمت للضهر امي كعدتني الملم البيت كمت و لكيت خطار وناس هواي يمنه والجايات كل دقيقه
بدت الناس تجينا من كل صوب لان هسه انتشر الخبر ولد عمي هم طلعوا يدورون و يستفسرون ماكو فص ملح وذاب كل الثلاجات دورناها ما لكينا اله اثر
شوي وسمعنا المصايح بل استقبال وهوسه مدري شبيهم كبوا رحنا نتصنت اني ونور وبنات عمي صارت مدافع بيناتنه بنات عمو نص راحن من بره يم الشباك ونص هنا يم الباب شوي خفينه ونسمع زين بس كلشي ما فهمنا
بس حجي و يتناقشون شوي وطلعوا يركضون عمامي كلمن اخذ سيارته وراح ظل جدي و ٣ من ولد عمي علمود الخطار
اجه ليث ابن عمو
سالته "شنو السالفه شبيهم طلعوا يركضون سمعتوا خبر "
"ايي خابرونا ولد جماعة مهيمن هم جانوا يدورون ومكلفين دكتور بل موضوع حتى يدور و نشرنا صورته لان هو موبايل واكع منه ولا جنسيته ويا ف يكولون يمكن لكوا ويا الجثث بس ما مبين شكله زين "
هنا البيت وكف على رجل وحده من القلق والخوف و خابرونا كالوا مو هو هنا شوي تنفسنا صار عدنا امل يطلع عايش هسه صاروا يدورون بين المرضى
تاخروا بل رجعه خابرت على بابا
"الووو ها بابا شام شصاير "
"بابا ماكو شي بس بالنا يمكم ليش لسا ما وصلتوا"
"والله يا بابا بعدنا ندور بلكي نلكاه تعبنا وهو ماكو هسه دندور بين المرضى بلكي موجود والستشفيات بعدهي هوسه نريد تخف العالم ماكو محط رجل "

"الله كريم بابا اكيد تلكوه ما دام ماكو بل جثث ان شاءلله بعده عدل "
سمعت صوت مهند وهو يلهث ويحجي بصوت "عمييي رضا عايش والله كلبي حاسني خابر ولد كلفته يوصي اخوه دكتور هسه خابرني يكول اكو حاله عدهم بل مستشفى ماكو احد سال عليه صارله يومين و حالته خطره
"يااا الله يا الله الله يسمع منك وصدك عدل حتى لو حالته خطره المهم يتنفس"
هنا كلبي كام يدك و جيت اصيح للبنات علمود ابشرهم من الفرحه وادعي ربي يطلع صدك هو
"بابا شام لا تحجين وتخبصيهم خلينا نتاكد خطيه مياسه لا يصير بيها شي "
كال هل كلمه وسد الموبايل بقيت ادعي بكلبي صعدت لفوك بل سطح دعيت ربي يرده سالم النا شوي و نزلت مدري شكو صعدت ونزلت حرت شلون اضم الخبر
رحت لمياسه
كعدت يمها واصبر بيها و اكلها ما موجود بين الموته والله صاروا يدورونه بل مرضى والمصابين ادعي ربج صلي بدل ما تبجين وفاقدة الامل اكلي لخاطر الي ببطنج ليش هيج حرام عليج تموتين الطفل هم يحتاج غذاء
طلعت منها و حميت الها معلاك مسوينه من الغده علمودها وما قبلت تاكل و زلاطه ووديته الها بل كوه اكلت اله كلتلها لخاطر رضا يله اكلت
لحيت عليها تاكله كله و حتى الزلاطه تخلصها كملت كومتها تسبح ردت ادخل وياها ما قبلت حضرت ملابسها وشغلة الصوبه الكهربائيه و دفيت الغرفه و فوتتها تسبح
بقيت واكفه يم الحمام انتضرها تطلع شوي وصاحت عليه
الضاهر ما تكدر ساعدتها بل لبس لان كانت مكمله سبح
اخذتها للغرفه و كعدت كبال الصوبه و اخذت علاجها علمود الطفل انطاها الدكتور مقويات شفتها بدت تغفي كومتها لجربايتها و غطيتها و طلعت
خابرت بابا "ها بابا شصار بشرني "
"بابا ازدحامات لزمتنا وهسه دخلنا المستشفى دخل عليه مهند ما خلوني ادخل ويا "
"بابا الله عليك خابرني اول ما تعرف شي فدووووه "
سديته و رجعت فوك السطح اروح وارجع من القلق
رن الموبايل على كد ما طرت من الفرحه وكع من ايدي ونفطرت الشاشة بس الحمد لله مخليتله حمايه

قصه جريئة لفتاة تتعرض للتحرش و.............

#بارت 10

..........❣️........................❣️...........

شام : بدا رضا يكوم على حيله ويمشي شوي شوي رجعت صحته الناس بعد خفت مو هواي يجون قليل

المدارس شارفت على الانتهاء كل يوم يمر ادعي ربي ياخر الزواج صرت اليل ما انامه على التفكير والقلق 'اه اني شلون قبلت بي ليش استعجلت كان اضربت عن الزواج أفضل لو مكمله السادس كنت تخرجت و صرت كليه و ماكو احد يحكمني

واذا فقدت دليل طهارتي مو بل لازمه ازوج كان بقيت هيج احسن اكون نفسي و اكعد ليش استعجلت ذبيت روحي بنص النار يعني كل يوم راح ينعاد الي صارلي بذيج الليلة اااه

يعني راح اعيش تحت رحمة مهند وهو انذل خلق الله حتى من تقدملي وقبل يتزوج لان بداء الموضوع ينكشف ورضا عرف ومتعارك ويا هذا الي كالته الي مياسه بل بداية قبل لا اعرف حاولت أتقبل الموضوع واكول لنفسي راح احاول اعيش ويا و انسى الي صار بس بعد ما عرفت مو علمودي بل لان انكشفت حقيقته السوده و عاره حاول يغطي
على فضيحته
ااااه منو يخلصني منه منو يرحمني ويبعده عني كلبي يتكطع قهر على نفسي الي ضاعت مني صرت انسانه ثانيه بكل تصرافاتي "
احجي واباوع لمرايتي اااه كم اتمنى ان اعود الى الماضي لا ابالي بشيء ولا اهتم
ادمرت من صدك احجي و اكل وامشي بس روحي باهته ميته كل هذا الخراب بحياتي اجاني دفعه وحده
خلصت المدارس وبداء العد التنازلي للزواج بدت امي تحضر والعائلة كلها طايرة بينا و يردون عرس البنات يجهزن فساتين و مكياج و يحضرن شيسون بل عرس و شلون يزينون البيت
اني كل هذي الفترة خلصتها بغرفتي المشؤومه الي حامله كل اسراري واوجاعي و همومي هاي الغرفه تشهد على وجعي و قلة حيلتي وتعبي من الحياة الي اعيشها بسبب واحد ارعن ما يعرف يتصرف
مياسه بطنها بدت تكبر و تتعب بسرعه و ملتهيه بزوجها وطفلها عني ونور هم صار الموضوع عادي لان بحكم انخطبنا عبالها تقبلت الموضوع بس ما تدري الي بكلبي شنو ولا احد يعرف لازم اسد حلكي واكبت صرخاتي بداخلي صدك شي يقطع القلب انو تكون مجبور على شخص ما تريده ولازم تسكت و ما تفتح حلكك
التزمت الصمت والبرود تجاه كل شي و مهند مرات اصادفه من انزل ما شايفته هواي و هو يريد فرصه يختلي بيه كل ما يشوفني يضايقني بتصرفاته ونضراته الخبيثه لو ابتسامته الي كلها حقد ووعود بتعذيبي صرت اشوفه انسان مثل الافعى تلدغ من جوه الجوه ولو حرام اسمي انسان على حقارته وحيونته قصص وروايات عراقية كرار صلاح
صرت اتجنب وجودي جوه لان صار يتعمد يجي يضايقني ويسمم عيشتي والبيت ما يفرغ وما تصيرله فرصه يصعدلي مرات يدز عليه انزله بس اغلس نوب مدري منين جاب رقمي وصار يوميه يراسل و يتوعد

صرت اكره اكثر من قبل جنت اشوف الرسائل ومطنشه الوضع حتى الخوف منه ومن بطشه بيه تبخر
صار شي طبيعي بحياتي تهديده و وعودة لي جنت اذا ما اشوف رسالة استغرب مشت الفترة هاي و كلشي ما فهمت من الايام على كد ما سريعه
من رحنا للمحكمه حتى نعقد اجا بابا وياي بقيت لازكه بي وما عفته بعدها بيومين اجت هنا اخته كالت باجر حضري نفسج يكول مهند علمود الذهب والنيشان من الامام الكاظم هم زياره وهم تكملون النواقص
رديت عليها "خل يروح هو وعمتي وامي اني ما اروح تعبانه "
"شلون ما ترحين هما رايحين علمودج لو علمود امج .. غير انتي العروس وتختارين الي يعجبج "
"واني كلشي ما يعجبني خل يروح هو يختار "
عوجت حلكها و راحت
بعد ما طلعت بنص ساعه شفت تلفوني يرن باوعت عليه
مهند فصلته دز رسالة "شلون تردين لو اطيح حضج .. "
غلست ورجع يدك هم ما شلته
اجت رسالة "بسيييييطططه يا شام اذا ما اندمج بسيطه وتجين باجر واشوف منو الي تكسر كلمتي "
غلست عليه واني فرحانه لان حركت دمه وخليته يفور بتجاهلي اله
صار اليل ونزلت احضر بل عشا ويه مياسه لان تعبت من حملها والسكر شكل عدها من الهبطه مال زوجها
التمينه ناكل حجه جدو
"شام شلون تعاندين مهند وتكليله ما اروح مو عيب جدو رجلج ولازم تحترمي اني لو ما احبج جان الي غير تصرف وياج .. بس انتي عزيزه عندي "
باوعلي بابا "حجي جدج صحيح شام ؟!"
رديت "هاا بابا .. هو مو هيج الموضوع وما معانده .. بس تعبانه وما اريد اطلع .. خلي امي تروح "
رد "لااا انتي ترحين ما دام جدج كال و مهند طلب ترحين .. شنو انتي جاهل وهيج تسوين .. ترى بدت تصرفاتج ما تعجبني لا تخليني اتبع غير اسلوب وياج صايره ما تحترمين وتعاندين هواي .. بس ساكت عنج لان ما ضل شي وتروحين لبيت رجلج ما اريد اخلي بنفسج اثر "
سكتت وهزيت راسي
ردت اكوم
امي "وييين "
"شبعت "
جدو "اكعدي اكلي جدو لا تسوين هيج غير احنا اهلج وننصحج ونريد مصلحتج "

#بارت 11

________________

عفت بيبي وصعدت جان البيت فارغ كلها بغرفها .. ما اعرف شلون مأمنين بمهند حتى وان كان ابن عمي وخطيبي بس مو لهل درجه صايرين فري براسي .. يمكن يشوفوه عاقل ورزن ما متوقعين كل هذا منه ولا متصورين هيج يسوي .. من جاي اصعد الدرج انفتحت غرفه مياسه باوعت شفت رضا جريت نفس طويييل وصعدت لغرفتي

هو هم باوعلي بنضره شفقه بس ما حجه لان بعده تعبان من العمليه والعلاجات .. كعدت بغرفتي وتنهيده تجر تنهيده وجع بقلبي ما يخليني انام .. شعور يحتويني دائما احس نفسي انتهيت وما عندي شي بعد ..
شكد العالم قذر هواي خذلتني الحياة تعبت من كل شي اكو شي بداخلي يوجع بس ما اعرف شنو
ذبيت ملابسي و نمت بس عيني ما غمضت رجعت بجيت بس هل مره بصوت مسموع ما اكدر اسكت اكثر
دفنت راسي بل مخده لحتى ما ينسمع صوتي ابجي واشهك بصوت حتى المخده ما اخفت صوت بكائي
"يمااا تعالي شوفي حالي يمااا فدوه اروحلج خلصيني مااامااا تعبت والله تعبت جاي اتعذب ليش ما حسيتي بيه انتي مو امي ليش ما تحسين بيه ليش محد يحس بيه وبتعبي
ليش حتى انت يا رب تخليت عني .. ربي اني ضعيفه ما اتحمل ابد بسرعه افقد الامل من الحياة.. كافي يارب خلصني من هذا البلاء الي انزلته عليه .. ربي اكو شي يوجعني حتى اني ما ادري شنو بس انت اعلم بذات الصدور "
شكد حجيت بصوت ونحيب وبجي وشهكاتي شكت كلبي لحدما نمت اني ابجي واحجي
كعدت الصبح تعبانه ووجهي تعبان ومبين علي البجي ما اعرف شلون راح تمر هاي الايام وشلون راح اتجاوزها اذا من هسه فقدت الامل والصبر وتعبت بعدين شلون
غسلت وجهي بل صابون قوي اريد اخفي الاثار ما اعرف شلون .. غسلت بل ماي بعده وجهي احمر ومورم صفنت بوجهي وبرطمت
"كااافي كااافي لا تبجي ما مليتي ما تعبتي .. لا تصيرين ضعيفه على كلشي تبجين .. لا تنزلين دمعتج خليها بكلبج "
ما تحملت بجيت واباوع لحالتي يرثى لها بجيت على نفسي وعلى غبائي ولساني الي وصلني لهل مرحله
صرت اضرب بنفسي واكول لو ساكته لو موصلتله الفكره بعقل واحترام يمكن جان ابتعد وبعد ما وراني وجهه بس كل الصوج بيه اني وصلت نفسي لهنا واني استاهل ايي استاهل هذا جزائي واستحق ما لازم احجي اي شي بعد كافي
كمت من الكاع جنت بل حمام حتى ما اهتميت كعدت
اخذت ملابس من الكنتور ولرحت اسبح صرت افرك بجسمي قوي وابجي واتذكر كل الي صار واذكر نفسي بكلامي اني عضمة الامور واني السبب مو بس هو

استحق هيج يصيرلي .. سديت الماي وبقيت صافنه بمكاني سرحت بغير عالم اني نفسي ما ادري وين صفنت وشفكرت
قطعت تفكيري ولبست بنطلون وقميص .. جان لون البنطلون ابيض والقميص وردي وصخ .. وبي بلك وشغل هواي ورباط يصير منه وبي اني سويته فلونكه وطلعت من الحمام
مشطت شعري وجففته.. باوعت من فوك واكفه يم المحجر صحت ميااااسه قصص وبس
اجت ورفعت راسها .. اشرتلها تصعد
"لج والله ما اكدر موجوعه تعالي انتي بغرفتي "
اخذت حجابي ونزلت
"يااااااااا ولج شبي وجهج جنتي تبجين "
"ايي لعد ليش صحتلج .. تعالي مكيجيلي .. قبل لا يجي هذا الحقير السخيف "
"هههههههههههههههه ولج بعدج بطلي تغلطين صار زوجج رسمي .. ما الج كل حق تعارضين .. تقبلي الوضع افضل الج لان راح تتاذين ديري بالج واني لان احبج واعرج اكلج هيج .. خليني اكون صريحه وياج .. كل الي يصير هسه من ايدج .. لسانج شطوله جنج دلاله طيحتي حظه للولد وتكليله ديوث وتردي كلشي ما يسوي .. اني ما ادافع عنه .. ولا انطي عذر بأغتصابج .. بس الحق ينكال لسانج يرادله بتر "
"اوووووو دكافي لا تتفلسفين براسي .. مكيجي وخلص سدي الموضوع هو اكو غيري راح ياكل طن تبن .. فـ اسكتي ولا تضوجيني "
"بكيفج الي عليه كلته .. هسه تعالي خل اعدلج "
كعدت تسوي بوجهي نوب سوت الحجاب الي لفتلياه لفه حلوه ومرتبه .. اني ابد ما اعرف لا امكيج ولا اسوي الحجاب كلشي ماكو ما اهتم شوكت ما اطلع بس المهم استر نفسي واطل ما اهتم لشكلي ابد .. على الرغم كلها تمدح بيه وتكول حلوه بس ما مغروره او اتأثر بل كلام .. بس يعني بيني وبين نفسي اباوع للمرايه واضل اتغزل بنفسي .. احس هل شي ينطيني ثقه بنفسي .. لو جنت كل ما افوت من المرايه
اسوي بوسه النفسي مستحيل افوت وما اسوي هل حركه وامي من تشوفني تتخبل وتضل تحجي وما تقبل
لو وسام جان يستلمني اكس ومربع بل تصنيف ولا اهتم لحجي اي واحد سواء زين او شين اطبب من اذن واطلع من الثانيه .. بس من نفسي اسمتمع حتى مرات انطي النفسي نصايح .. هسه تكولون مخبله بس هاي شخصيتي هيج
بس بعد الي صارلي .. بطلت كل هل حركات وتغيرت

قصه جريئة لفتاة تتعرض للتحرش و.............

#بارت 12

...........................

من ابتعدت عنه اتنفست شويه دقايق وما احس اله لزمني من خصري وسحبني اله
همس يم اذني "ما جنت اعرف هلكد فرحانه بيه حتى هيج تركصين ...لو ادري بيج هيج جان سويت هل خطوه من زمان ...هيج تحبيني و ساكته هااا يا حياله و تتدللين عليه ...ادري بيج كاعده ...من صدك ما متندم على ذيج اليله تذكرين "
جان صوته بي بحه ويحجي باستهزاء و حقاره "مو علمودك اركص ولا فرحانه بيك ...بس احب انفه عن نفسي ...ما احب يتعكر مزاجي "
ما اهتم لكلامي سحبني لحضنه اكثر وهو يشم بيه و دافن راسه بصدري
حجيت بصوت كوه يطلع "مهند مو كافي ..والله لعبت نفسي عوفني اني هم بشر ليش هيج تعاملني ...لبارحه اذيتني حيل مو كافي ارحم بحالي "
ابتعد و عافني دار ضهره ونام اني كيفت ما عولت انزل اكمل السهر اني والبنات
نزلت يمهم حجت هنا "هااا عيني شعندج نازله وتاركه العريس الوحده "
ردت اختها الي اكبر منها مزوجه ابن خالها اسمها مروه "دشوفي حالها مبين ماخذ حقه ...سبع هنودي ما يترك حقه وتغمز "
حجيت "اووووي شكد سخيفه "
ردت عليه "امممم هي من الاوي مالتج السخافه"
كعدت يمهم شويه ونسولف دخل علينا عمو "ها عمو شام شو هنا روحي يم رجلج ...وانتن يله بابا نامن باجر ورانا كعده من الصبح ...الخطار رايحه راجعه علينا "
رديت "يله اني اروح تصبحون على خير "
صعدت للغرفه وادعي ربي يكون نايم
دخلت شفت ما حجه كلت اكيد نايم اخذت مخده و اتجهت انام على الكاع ما ارتاح بل نومه هناك
"شاااااااااام شنووو هل حركاااات هاااا منو سمحلج تنامين بغير مكان "
رديت "عزااااا كمزتني على كيفك ...وبعدين ما ارتاح هنا اريد بل كاع "
رد "بلا عناد تعالي نامي لا اكوملج "
افففففففففففففف اجيييييت اجييييت "
نمت و درت وجهي عنه حتى ما تغطيت والغرفة بارده من السبلت كمت ارجف بس كرامتي ما تسمحلي اخذ الغطه من عنده واتغطى ويا قصص وروايات عراقية كرار صلاح
حاولت انام ما كدرت بقيت كاعده وارجف خشمي جمد من البرد بارعت عليه نايم بسابع نومه اخذت الغطى منه و عفته مكشف شوي دافيا
رد "افففففففففف يعني شلون بهل ليله ما تخلص "
رديت "بسم الله الرحمن الرحيم انت مو نايم شكعدك ...اعوذ بالله منك "
رد "يعني شكعدني غير خباثتج لج موتيييينننني ناااامي وبطلييي هل سوالف خل اناااام رحمه لجدج "
رديت "نام هو منو لازمك مدكلي اني شمسويه وبعدين شنو تكول خبيثه هااا شمسويتلك...اني ما اعرف اتغطى وي واحد اتضايق... وجنت بردانه ومابيه اكوم "

رد "ايي مو اكلج خبيثه هاي السوالف ما خباث ...و بعدين شنو ما تعرفين تجيبين غطى "
شمرت الغطى ودرت وجهي
ورديت "دهاااك والله موتتني عبالك مدري شماخذه منه هسه هو شحاله "
بقيت هيج بردانه و لامه نفسي من البرد ما كدرت انام حسيت اكو حركه على الجربايه اتشنجت واكول اهووو بدينا ليوم شيخلصني سحبني عليه شبكني و ذب الغطه علينا ثنينه
ما سويت اي حركه ما انكر ادفيت كمت اغفي الى ان نمت
كعدت الصبح بعده ما كاعد اريد اسحب روحي منه ما اكدر ما اريده يحس ويكعد
بقيت شويه وهم رجعت احاول اسحب نفسي منه حسيته قوها لزمته الي اووويييلللييي هم كعد جنت منطيته ضهري وهو مجلب بيه
دارني عليه ويباوع بوجهي هنا من صدك قطرة دم ما بقت بيه من الخوف والخجل مدري شبي هيج يسوي شو اول ليلة طيح حضي بس من اجينا لهنا شوي صار يتعامل زين
بقيت احير وين اخلي نضري وهو يباوع بوجهي وكلشي ما يحجي قرب وجه عليه حييييل و باس شفتي وكصته مخليها على كصتي حاولت افلت نفسي منه ما كدرت
اتقربلي واني مثل الجماد مره ادفعه ومره اسكت منه انتضرت يعتقني بفارغ الصبر
"مهند فدوه وخر "
ماكو رد مستمر ولا كانو سمعني
كل ما احجي كلمة يزيد صار يبوس بيه بقوه و يوخر بملابسي شكد اكره هاي اللحظة اتمنى اموت ولا هيج يصير بيه صرت اتوسله يتركني بس ما يسمعني او مطنش همه نفسه وبس شكد استحقرته
بقيت مشنجه نفسي و كلبي يبجي دم من القهر من صدك يحسسني اني رخيصه ويكرهني بروحي
ابتعد عني لبس ملابسه وطلع للحمام اريد اصرخ اريد ابجي ادمرت والله مقاومة البكاء أقسى من البكاء نفسه
اشعر برغبة ملحه بل انهيار الصراخ البكاء تعبت من كثر الكتمان ماعندي حل غير السكوت والتصرف بشكل طبيعي
اتمنى اختفي ما اريد احد يشوفني كرهي لنفسي يزيد احس بهوان نفسي صرت ما احس بقيمة نفسي اكو غصه بداخلي دمرتني وجعتني اريد تطلع دموعي واصرخ
ما جنت اعرف الحياة هيج تصير صعبه ما تخيلت بيوم اتمنى الموت صرت ما ابجي من كثر القهر اشوف البجي ما ينفع ولا يشفعلي

قصه جريئة لفتاة تتعرض للتحرش و.............

#بارت 13
.........................................

بئر من ألنعومهَ يطفوا فوقها يمكن ان
تصبح مدمنًا .!
لذلك عليك الارتجال قبل ان تغرف
وترتشف من ذلك الشيء ...

من راد يطلع اتقرب مني رفعت نفسي اشوفه شيريد انوب "اوامر ثانيه "احجي ورافعة حاجبي
شو هذا باس كصتي وحضني "جنت عصبي اعذريني حبيبتي ...بس مره ثانيه من تمسحين سدي الباب ...صدرج ورجليج طالعات وانتي مدنكه لا يصعد مهيمن ويشوفج "
بقيت ساكته شافني ما حجيت عافني وطلع ...صفنت بحركاته حيرني ساعه عصبي ويضرب وساعه يعاملني وكانو يعشقني و يعبرلي من ادوس ابطنه
ضربت نفسي "كبرررر اييي والله صدك ثوله هسه اني اشفت منه واكول يعشقني شو طيح حضي من العرس ولسه امدااااني مااا دفعته وفشلته بسرعه تقشمرت "
كملت الغرفه جاي اطلع السطل دخلت هنا
غمتني وحجت "صخووونه ايي والله بالله هذا شكل عروس كلج وصخ وواكعه دك للغرفه مسح وتنضيف ولا مكياج لا تعديل هاي الملابس الي جابتها امج كلها وييين لابستلي ذني كبررر لا ذوق لا ترتيب شبيييج شو من جنتي ببيت اهلج تلمعين لمع و تدلعين بشكلج وينج هسه ها شوفي الولد شلون صار عصبي كله من تصرفاتج حتى امي حجت عليج ولج والله مهند مو هيج فد حنين وهادىء شوفي شلون انتي تخلي يصير عصبي وصوته يطلع شبيج ما تعرفين تتصرفين هسه ويانه شلون زينه وتضحكين و تسولفين اله ويا تتختلين و ولا جنج عروس جديدة ولج السبعه بعدها ما طالعه واني هيج حالتج لو تحبلين شلون ولج ليييش هيييج لا من تنامين تلبسين لا ها هو يصعد انتي تنزلين شنو قصتج ترى راح اتخبل والله شبيييج متكليلي "
رديت "خلصتي ؟
هو اخوج موتني حتى ما يعاملني زين جنه مشتريني مو مزوجني على كلشي يرزل ويصيح بس لان اخوج هيج تحجين وما تصفين وياي وتحجين عليه لج تعبببببت والله تعببببتتت كااافي كلها تلوم وتشوفني غلطانه وشنو تكولين وصخه اشو بل يوم تلث مرات اسبح لو اله املطخ خلقتي حتى تكولين عروس هو شو حتى ما ينطيني وجه شعندي كاعده يمه بس لشهواته يريدني والباقي غلط وصياح من اجيت لهنا ولسه ما عاملني حلو هو هذا الحنين مالتكم كله اسلوب ما عنده يجوز وياجن زين بس الي لا والله موووزززين تعببببتت والله ما صارلي ٦ ايام هنا وهو هيج بزعني " قصص وروايات عراقية كرار صلاح
ردت "والله شام انتي عزيزه علينه وهو اخونه لا اكدر اوكف وياج ولا ويا هو اخوي وانتي بنت عمي وصديقتنا بس هذا كله مو مبرر لتصرفاتج كولي ما اعرف اتعامل ويا ليش احنا عميان شو يسال عليج ويصيحج ويريدج لج والله يحبج حسي شوي وغيري من طبعج "
رديت "ابد ما راح تفهميني "
ردت "لج والله احبج وكلنا نريدلكم الخير واي ثنين بل بداية مشاكل هسه تتعودون على بعض وتصيرون كلب على كلب وشوفي شلونه بس صفي نيتج وعاملي زين وهو شوفي شلون يدللج ويعاملج وهسه يله دخلي سبحي من اجيتي لليوم بس تمسحين بل غرفه خلينا شوي نرتبج الج ونطلعج عروس اله اخلي يتخبل اليوم " تحجي وتغمز

رديت "شكد منحرفه لج شنو انتي والله استحي شبيج هيج تحجين وتسوين "
ردت "انتي بس امشي ورا المنحرفه وشوفي شسوي اله اخلي يتخبل والله انتي بس تعلمي والله نوب انتي لتسوين من كيفج "
رديت "ياااا نوب اني اسوي هيج شبيه خبله وبعدين ما احب هيج سوالف "
ردت "اممم ما تحبين صدكيني فتره وتتعودين يصير عندج مثل العسل هسه امشيييي يللله "
اختارتلي ثوب ماروني وكله شغل بي قيطان جوه الصدر وضيك من فوك ومن جوه كلوش جنه فستان حلو و ربع ردن (بعد ما ازوجت تعودت ما البس شال بس اخلي على ركبتي ومرات اشمره لان ببيت واحد ومهند هم ما اشوف عنده اشكال من هل ناحيه )
دخلت سبحت و لبست لكيتها بباب الحمام شهكت "عزااا بعييينج شبيييج هيج واكفه وشعندج هنا "
"ههههههههههههههههههههههههههه عااابت لو شايفه نفسج شلون كمزتي ...اي غير متانيتج يله صارلج شكد بل حمام "
"شكو متانيتني "
سحبتني ودخلتني للغرفه "والله اذا تعاندين اموووتج اسوي الي يعجبني وانتي ساكته ترى اكول ل امي واخليها تستلمج اكس ومربع وشلون هي محمله عليج من تصرفاتج "
سكتت وخليتها براحتها بل اول سوتلي شعري برم بل كاويه لان شعري سرح ف علساس تغيير
بعدين بدت تمكيج بيه وما تقبل اباوع بل مرآيه
حجيت "ولج شسويتي بيه لازم ملطختيني خل اشوف الله عليج "
ردت "اششش انجبي وخل اكمل صار حلو بس ادري بيج تضلين تلطمين جنج بوما "
"ههههه عااابت هيج ماخذه نضره عني "
ردت "ايي بس اسكتي خل اكمل "
سكتت وربع ساعه وهي تمكيج
هنا :كملللتت باااعي شلون صرتي
باوعت بل مرايه طالعه اله بشده فدشي مكياجها و نازك كله ناعم بس الريميل حاد والحمره لونها قوي

قصه جريئة لفتاة تتعرض للتحرش و.............

#بارت 14

***************************

سمعت عمو صاح عليه وهو يكول
"تعالللي شام ليش طلعتي "
انحرجت كلش ورجعت
"ها عمر مو شفتكم تسولفون بيناتكم "
رد "افاااا وعلى هاي طلعتي بعد صرتي من البيت ليش خجلانه وعبالك مسويه جريمه بس نحجي بشغله خاصة فسكتنا من شفناج "
رديت "لا عمو ولا يهمك ماصار شي اني جان المفروض ادك الباب وادخل اعتذر "
رد "يا بابا شبيج سويتيها سالفه عليمن تعتذرين بس "
تنهد ودنك للكاع
ورجع جحه "اكلج بس ما تطلع منا هو اول وتالي تعرفين "
باوعت عليه مستغربه ومهند حجه "يابه خلي الموضوع هسه بعدين عود "
التفتت لمهند شفته يأشر العمو ان يسكت كلش ضجت شعلي هو
رديت "لا عمووو احجي الله عليك شكو خوفتني ترى شنو الموضوع يخص اهلي صح "
رد "لا عمو خليها هسه صح مو وقتها و ما اريدج تتكدرين بعدج عروس "
رديت "ترى قلقتوني شكو "
رد مهند "كافي شااام حبيبتي بعدين اني اكلج "
سكتت وكمت كلش تضايقت و كلبي وجعني صعدت للغرفه خابرت امي اشوفها لان ما مرتاحه
اتصلت وطلعتلي هاي هادمة الذات "عزيزي المشترك رصيدك لا يكفي لأجراء المكالمة "
كبل غلقته "ثووول شلون راح عن بالي ماعندي رصيد "
نزلت شفت مهيمن يريد يطلع انطيته فلوس يجيبلي رصيد ما قبل ياخذ
"رجعيهم خويه اني اجيبلج هسه "
رديت "لا ليييش اخذهم لا تخليني اتندم كلتلك "
خزرني "رجعيهم صايره تراددين ولج طالعه عينج "
ضحكت "هههههههههه يااا فوكاها دروح ما انطيك خل اقطك اليوم "
ابتسم وطلع بقيت انتضر لحد ما دك الجرس طلعت للحديقه واكف بل باب انطاني الرصيد وعلاكه مال حلويات وطلع
اخذتهم شفت مهند واكف بباب الكلدور وجتف اديه ورافع حاجبه "شعندج برى ست شام يعني شكد ما اعلم ما يفيد وشنو هاي الي بأيديج منو جابهم "
رديت "اففففففف ترى خنكتني وربي شسوي وكلت اعلم ومايفيد شنو طفله كدامك وبعدين لابسه حجابي ما طلعت مفرعه "قصص وروايات عراقية كرار صلاح
رد "لا تراددين وكولي منيلج هذول "
رديت بقلة صبر "مهيمن وصيته وجابهم "
فتح عيونه بكل وسعهم وبانت على ملامحه العصبيه "منيلج فلوس وليش ما تكليلي الي شنو هنا عندج خراعة خضره "
ما تحملت ضحكت على كلمته الاخيرة "ههههههههههههههههههههههه لا مو هيج بس شفته طالع وكلتله "
زمخ بيه "شو تضحكين ولج يلةة دخلي جوه وبعد لا اطلعين "
فتت من يمه ودخلت صعدت خابرت امي اشوف شبيها شو طبيعيه و عادي ارتاحيت شويه سالتني مرتاحه وحياتي شلونها ومهند شلون وياج اختصرت كلشي بكلمه وحده "زينين "وسديته منها

تمددت على الجربايه وافكر بكلام مهند البارحه
كل كلامه تبريرات ماكو شي ينطي حق بلي سواه بيه ما اعرف اذا متندم او لا بس كل الي يهمني انو كلامه لا يقدم ولا ياخر حتى الحب الي يحجي بي مايشفعله عندي حبه الي بس كلام ونضرات بس تصرفاته عكس الي يكوله ويوصفه اذيته حب لا مستحيل هيج يشوفني اتاذى وهو ما يتاثر وعادي عنده ولو شيفيد هذا كله ما اني تزوجت وخلاص يحبني او لا مايفرق عندي كد شعره بس صرت احاول امشي حياتي ويا واتعود عليه لتلافي المشاكل
صرت اطيعه وما اصيح بوجه او اعاند صرت اتعامل ويا بشكل طبيعي بس بنفس الوقت اي مشاعر ما احمل بكلبي تجاهه غير الاشمئزاز والكره بس اخفيته بكلبي
علاقتي ويا بارده وهل شي يضايقه هواي حاول يقربني اله بس ما اتقبله ابد ويحس بهل شي وينزعج حتى بعلاقتنه الزوجيه بارده هو من يشوفني هيج صار يقلل من تقربه الي الى ان ابتعد بل تدريج صرت مجرد اخدمه والبي طلباته وحاجياته بس كل هذا ما خلاه يبطل نضراته الي
وما يخفي حسراته من يشوفني امر منه وما اهتم لوجوده ولا اعبره بأي شكل من الاشكال جان قبل من اتعارك ويا وارادد بل كلام يعاقبني بتقربه وياذيني ويشوفني أتوسله بس بعد
ما شافني حتى ما ارادد او اغثه ويشوف تقربه مني صار عادي عندي بس بارده ويا صار يتصرف غير شكل وبس ساكت
مرت ايام واسابيع واشهر على زواجنه وهذا حالتنا اتذكر بيوم السابع من عرسي كل بنات عمي التموا وامهاتهم وامي وخواتي بس مياسه ما حضرت لان الحمل متعبها
بوقتها لبست كل الفساتين ورحت صالون و ركصت وضحكت يعني بين قوسين طلعت كلشي من نفسي ابد ما همني شي غير نفسي صرت مصابة بل لامبالاة
بيومها مهند بل غرفه وكل ما اصعد البس فستان يضل يباوع ويغمز و بالف يا الله اطلع من الغرفه واضطر ابدل يمه وما اهتم لان كل ما اروح الحمام يضل بدردم ويتعارك يعني حتى على هاي يحاسب ما عنده استحي او خصوصيات لا كلشي يريد كدام عينه
بيومها كلها تباوع وتصور ويكلولي صايره حلوه لايكلج الزواج لحد ١١ والحفلة ما خلصت لمن صعدت

قصه جريئة لفتاة تتعرض للتحرش و...........

#بارت 15


****************

أشعر بحزن يعتصر قلبي، جسدي يتداعى من شدته، شيء يحيّرني ويقلقني أتساءل ما هو؟ أشعر بفراغ كبير في قلبي مكان سُيهجر لأيام وربما لشهور وربما إلى يوم القيامة، وإن لم يحن وقته بعد لكنه إحساس بدأ يتسرب إلى أعماق ذلك القلب العليل، إحساس بالخوف والحزن حزن لفراق الأصدقاء وخوف أن أكون سائرة أسيراً وحيداً على شاطئ الذكر والتسبيح وقيام الليل، من يذكر ومن يعين؟

شام ..كعدت الصبح و نزلت لجوه باوعت ساعه ١١ واني نايمه مهند طالع لشغله وعمتي تطبخ وهنا هي وهديل
يسوون حلويات صبحت عليهم وردوا
حجت عمتي "شعجب اليوم متأخره كل يوم من الصبح تكعدين "
رديت "مو البارحه بقيت سهرانه وما نمت وراحت عليه النومه ...مهند ماكعدني "
ابتسمت بوجهي "يله امي ميخالف بس بعد لا تسهرين ريكي رجلج حضريله ملابسه بعد هو مسؤول منج "
"ان شاء الله "كعدت اساعد بيهم و افتر بل بيت اريد اخلص حتى اشوف الموبايل واكعد عليه
ل ٣ اجه مهند بس وجه عصبي ابد ما ارتاحيت سألته شكو ما جاوب صبينه الاكل ما قبل ياكل
راح صعد واني بقيت جوه يم البنات اشرتلي عمتي رحت يمها "روحي شوفي رجلج شبي خاف متعارك صاير شي استفسري منه "
صعدت لكيته متمدد و صافن بل سكف ادنيت يمه
"شبيك اليوم شو مو طبيعي صاير شي ...قلقتني اكو شي عمتي ضل بالها يمك "قصص وروايات عراقية كرار صلاح
ساكت ويباوع عليه رجعت حجيت "متعارك بل دوام شكو "
رد "ماكو شي بس قضية مهمه جانت شاغله بالي وخسرت بيها صار شهر اشتغل عليها "
ما اقتنعت بجوابه رديت عليه "ابد ما قنعتني لابد اكو شي ليش هيج معصب على قضية قابل اول مره تخسر "
سكت ودار وجه ونام عاد اني عفته وهم نمت لان ما شبعانه نوم كعدت العصر ماهو غسلت وجهي و نزلت جوه محد موجود بس بل استقبال اسمع صوت عمو ومهند يتناقشون بصوت رحت ادنيت اسمع كلامهم
مهند "يابه انت شتحجي كلشي مكملين ومجهزين "
رد عمو"من شوكت هل كلام اني اذكر ببدايه زواجك حجه بل موضوع واكد علينا ما نحجي بس ما كنت متوقع بهذي السرعه يكمل كلشي ما جنت متوقع ماشي بل معامله زين هو ليش ماحجه لاحد ويوصيك على شام لازم ما الهم رجعه بعد"
مهند "مايريد احد يعرض و اكد عليه ان شام ما لازم تعرف لان كلش تتأذى بهل خبر ماراد تعرف هسه "
كلبي انقبض الموضوع عن اهلي وعني شبيهم شكو ابوي ليش يوصي عليه ياربي سترك ادنيت اكثر لحتى اسمع

رد "هي بس شام وابوي وامي بلكوه قنعوا يرجع من الموصل ونلتم كلنا هسه شيصير بيهم وهو رايح لديار الغرب وما نشوفه بعد زين هو مايفكر ببنته باهله شلون يعوفهم ورا ...ادري هسه هو شناقصه حتى هيج يسوي ...شو شغل خير من الله وبيت وحياته ماشيه بعد ليش هيج ياخذ بناته ببلد غريب و يطبعون بأطباعه وهما بعدهم صغار ابوي ابد ما اتوقع يوافق "
اسمع بل كلام واتكطع فهمت كلشي ابوي من كنا بل موصل يشتغل في سبيل نطلع للخارج يم اخويه
جان وسام يلح على ابوي يسحبنا لعنده لبين ما يجهز حياته هناك ويشتغل حتى يأمن حياتنا بل خارج
ابوي من بعد الحاح طويل من وسام وافق وما اتذكر بوقتها ليش سكت وما رحنا بس هو وامي دائما يتناقشون بهل موضوع ومن لجأنا لبغداد من دنس داعش الموضوع راح عن بالنا او بس احنا نسينا اما ابوي الضاهر بعدها هل فكره براسه
ومقرر كلشي وراح يسافر شلون هيج يسوي بيه ويتركني هنا يعرفني ما اتحمل غيابهم حتى لو بين اهلي وناسي و مزوجه
مأمنه بوجود السند اعرف شما يصير وراي ابوي بضهري يحميني يسندني اما هسه حسيت بل عجز والهوان
هيج اني هينه عند ابوي ويتركني ويسافر ليش ما فكر بيه شنو احساسي وشعوري ليش وافق ينطيني لمهند اذا يعرف راح يترك البلد بلا رجعه ليش يعلكني هنا
ويروح امي اخواتي ابوي بعد هذول كلهم ما اشوفهم ما ينورون حياتي حتى وسام كان عندي امل التقي بي هنا او هناك اما هسه الامل تحول الى رماد
كان يشتغل وسام بل خارج دكتور ويحاول يطور من شغله في سبيل يجمعنا عنده من كان يدرس كل ما يجي اجازه يسولف عن الحياة هناك غير ويكول ما ارجع لهنا
احلى ايامي هناك وصدك تخرج وكمل دراسته وهو بل خارج صار ما يجينا هواي الى ان شوي شوي صار نهائيا ما يجي للعراق يعني بل مختصر ما شايفته هواي بس اذكر القليل من الذكريات الي جمعتني بي من كنت صغيره
حتى الاتصالات بيناتنا قليلة لان دائما مشغول ويدرس جانت امنيه نتجمع كلنا ونعيش مثل ما نريد
مــا اصــعــب أن تــصــبـح
تــائــهــاً بـيـن حــلــمٍ لا يـكـتـمـل
و واقــع لا يـــحـــتـــملـــ .....!!

قصه جريئة لفتاة تتعرض للتحرش و.............



#بارت 16


............🥀🥀............................🥀🥀..........

من المؤكد ان النوم قد أضاع السبيل الي... يا اللهي قد سئمتُ تبريراته... يعدني بل حضور كل ليلة ويغيب... اخبروه كم أن الإنتضار في عتم الليل مهيب... حين تحاكي الوحدة أن احزان الماضي.. فتطلب قسط راحه لكن ما من مجيب

دخلت للبيت بارد مثل ما تعودت عليه .. برودته توجع قلبي
صرت افتر بل بيت وحزن يعصر قلبي عصر
حسيت نفسي جعت دخلت للمطبخ كل شوي افتح الثلاجة واضل صافنه ما اعرف شاريد ولا عجبني شي
بقيت ابحوش .. مليت ردت اطلع انتبهت اكو على المجمده اندومي .. طبختهم وكعدت اكل .. متتت من الحلويات والكرزات الي اكلتهم
كملت وغسلت الاماعين الي وصختهم .. صعدت لغرفتي اخذت ملابس فضفاضة سبحت وفرشت اسناني ودخلت للغرفه مشطت واتجهت للجربايه
احس راسي راح يطك من القهر والوجع .. بقيت اتكلب والتفكير اكل مخي .. اريد انام وانسى ماكو .. زاد الوجع
كمت ادور بل جرارات على علاج .. اخذت حبايه من مال مهند هما مو منوم مال حساسيه بس لان كال مره ينومن
وفعلا اخذوا مفعولهم بجسمي يسري ونمت ..
مرت الايام واني بين البيت وبين مهند هيج حياتي على الهامش مابيها اي شي مهم يذكر
اهلي عرفوا اني اعرف بموضوع سفرهم .. اني ما سويت اي رد فعل او حجيت سكتت وتصرفت طبيعي وما جبت طاري

اما البقيه من عرفوا .. كلهم زعلوا على بابا وصاروا يحجون عليه وبيبي بوقتها نامت مستشفى من القهر .. وجدي زعل على ابوي وابد ما يحجي ويا

بس عمامي بعد فتره ورجعت علاقت بابا بيهم بس بقوا مصرين على انو يتراجع عن قراره بس هو ابد ما سمع مهنم وسوه الي براسه

....................
البليل كملت شغلي وكلها دخلت بغرفها اني هم صعدت
دخلت مهند كان ملتهي يشتغل على الحاسبه علمود الماجستير
كعدت على الجربايه والصمت سيد الموقف لا اني تكلمت ولا هو ...
بعدها بدقايق حجيت "مهند اريد ارجع للدوام .." حجيت من دون سابق تفكير او تخطيط ما اعرف شلون طلعت مني الكلمه
هو باوعلي من حجت ومن كملت رجع بل حاسبه يشتغل وسكت ما رد اني هم افتهمت ان ما قابل على الموضوع
نمت على الجربايه غطيت نفسي وحتى راسي دفنته بل مخده الدمعه محصورا بعيني .. ضغطت على نفسي لحتى ما تنزل دمعتي اني وعدت نفسي وما اريد اكسر وعدي

اريد ارجع لشام القديمه المتنزنه الما تبجي على اي شي يصير وياها .. افتقد نفسي هواي
كنت مقهوره حيل واريد انفجر .. الكتمان والملل والحياة الروتينية احس كل هذا راح يقتلني
نفسيتي تعبت ماكو جديد ابد بس كاعده صرت ما اشعر بقيمة نفسي ابد احس نفسي , لا شيء ،
صار هل احساس يراودني على طول .. اتمنى اموت واخلص .. حتى اهلي راح يتركوني بعد بشنو التهي وشنو انتضر من الحياة
سمعت تنهيده طويييله ورد مهند "ترجعين .. بس بشرط .."
نسيت كل شي وكمت اله بسرعه تقربت يمه
"شنو الشرط .."
رد بابتسامه "تجيبين معدل عالي اذا قليل ما ادخلين كليه .. وخصوصي ماكو بل بيت تقرين .."
رديت بفرح وحماس "ماااشي وشكرررررا الك .."
رد بمكر "بس شكرا .. شسوي بيها ما توكل خبز عندي ابد .. يعني بس شكرا يابسه .."
افتهمت شيقصد تخصرت اله واهز برجلي
"وشتريد مثلاً هسه مو زين واشكرك وله اني هاي مو من عادتي .."
رد "شكد بخيله هسه هي بوسه .. صار من العرس ولسا اتمناها منج انتي .. يله بوسيني لا تخليها حسره بكلبي .."
هزيت ايدي ودرت وجهي
جاي ارجع لمكاني ... ما احس اله سحبني عليه بحيث وكعت وصرت بحضنه
رديت "اووووه مهند اتركني اروح اريد انام .."
رد "ما اتركج اله تبوسيني.. يله ترى اغير رأيي وتصير اكبر من البوسه فـ استري على روحج احسن .." حجه هيج وغمزلي ويباوع بوجهي كلش ارتبكت احس نفسي صخنت وخجلت
رديت "استغفر الله شيخلصني من هل ليله .. كافي مهند خل اولي انطمر نعسانه .."
رد "انتي اجيتيني برجليج تتوقعين اعوفج .. لا يا حبيبتي .."
رديت بعصبيه "كااافي هدني .."
رد "راح احسب منا لـ ٣ اذا ما تبوسيني .. اغير الشرط وانتي الخسرانه .. "
رديت "خوش عوفني واني اسويها .."
رد "تؤ تؤ تؤ ما حزرتي .. اني ما أأمن بوحده حياله مثلج .."
"استغفر الله شكد سخيف يا ربي .. عوفنيي جاي اكلك .."
ما رد
مهند "واحد .. ثنييييييين ....
بعده ما مكمل وبست خده
مهند :
"ههههههههههههههههههههههههههههههههههههههههههههههههههههههههههههه لا يا حبيبتي ما حزرتي .. اني مو اخوج الزغير لحتى تبوسيني بخدي اريد بغير مكان .."
رديت "اهووووووو بدينه بل سخافه وقلة الادب .. مهند عوفني احسن الك .. "
بعده ما راد عليه اجا اتصال اني بسرعه فلتت من عنده وهو اخذ التلفون ويحجي بعصبيه وتغيرت ملامحه

قصه جريئة لفتاة تتعرض للتحرش و.............


#بارت 17

...................................

خلال رحلة عمري
فقدتُ على درب الحياة اشياء كثيرة
أصوات.. وجوه .. احبه.. رفاق .. احلام .. امنيات
لكن الشيء الوحيد الذي لم يتخلى عني
هو ... قلمي

صلينا لمغرب والعشاء و بقينا بين الحرمين كاعدين كل شوي يطفر يجيب اكله نتسلى بيها

صارت الساعه ١١ كال خل ندخل نزور ونرجع للفندق

اول ما وصلنا للفندق نمنا كعدت بل ٤ سبحت وصليت وكعدت مهند هم وياي
وطلعنا من الفندق الطريق كلش طابلي الجو حلو من الصبح والشمس بعدها ما طالعه بشكل كامل والناس بعدهم الي هسه وصل والي يرجع لاهله شكد حلو المنظر بهيج جو
طريق الرجعه يختلف سريع وقليل ازدحامات وصلنا ساعه ٨ الصبح سلمنا و رحنا نرتاح
بسرعه ذبيت نفسي ونمت للـ٢ الضهر كعدت مهند ما موجود الي عرفته رايح لبيت جدو واني بقيت يم هنا اسولفلها على الزيارة والونسه
"انتو والله لواته علساس يوم وترجعون اكلتولكم يومين ..بسيطه مهند اطلبه زيارة بما انو خلصت امتحانات "
مرت يومين بهدوء و مرتاحه بل عطله
استاذنت من مهند اروح لبيت جدي ما مانع رحت اول ما دخلت التقيت مياسه سلمت عليها و دخلت للبيت
شفت بنتها شمس بل كاروك شكلها يخبل وبدت تنشنش وتصير حلوه صارلها ٣ اشهر من جابتها
بقيت الاعبها
سالتها "مياسه وين امي والبنات ..شو من دخلت ولسه ما شفتهم "
ردت "بل غرفه دتعزل الغراض "
رحت لماما بمرح اشوفها وين مشتاقتلها كل هل فتره ما شايفتها زين
فتحت الباب انصدمت بل شفته برطمت شفايفي بقهر بقيت مصفصفه قصص وروايات عراقية كرار صلاح
وتراجعت ما اريد ابقى اكثر احترك قلبي بلي شفته
دموعي صارت تجري ما سيطرت عليهم ابد على الرغم وعدت نفسي ما ابجي بس كل مره اكسر وعدي بضعف مني
هي شافتني لحكتي وصلت اريد اطلع حتى بدون نعال (تكرمون)
"لج امي تعالي شبيج طلعتي هيج "
باوعت "انتي ليش هلكد كلبج قاسي عليه..ليش ولا مره حسيتي بمعاناتي ..ومن تردين تعوفيني ببلد ما بي ريحتكم شلون طاوعج كلبج ..والله كسرتيني ببرودج هذا ليش هيج ها ولا عبالك راح تعوفيني هنا لوحدي "جنت احجي وابجي
والبنات كلهم وكفن يبجن على بجيي
امي اتوجهتلي اخذتني بحضنها وتبجي وياي "لج ولله ما تعرفين كلبي شصاير بي بس شسوي هذا القدر وهذا المكتوب شبيدي واغيره اتمنى ننجمع بمكان واحد ..بس هيهات لازم اترك واحد من ولدي "

حجيت بشهكه "واختاريتي تتركيني وتروحين لوسام ..ماما بعدني بحاجتج بعدني اريد حضنج ..ليش هيج انتو شلون كلبكم يطاوعكم تعوفوني وتعرفون ما اتحمل غيابكم "
"اوووووف يا يمه كافي شام اني شسوي لكلبي مقسوم نصين نص هنا ونص يم اخوج الي ما يقبل يرجع وابوج الي يريد الاستقرار ببلد غير بلدنا
اني هم تعبت ياماما انتي هنا ببيت زوجج وبين اهلج وناسج هنا عمامج واجدادج كلهم يمج ما اخاف عليج بيناتهم وهذا الكاتبه ربج علينا "
مسحت دموعي و باوعت عليها "كلامج ابد مو مقنع ..انتو حتى من قررتوا تسافرون ما كلتولي وهسه هم نفس الشي اطب الكاكم تلمون بملابس السفر ليش هيج هااا لييش بس اني الي يصير وياي هل شكل "
"اول مره جان عرسج وما ردنا نكسر فرحتج.. وهل مره جنت متوقعه مهند يكلج من يومين هو يدري ما اعرف ما مسولفلج "
ابتسمت ابتسامه ساخره ودرت وجهي وطلعت
مشاعر مخربطة بين حزن وحسرة والم وندم على كلشي صار السبب الرئيسي بفراقي وي اهلي هو مهند
يمكن جان هسه اني اجهز وياهم ومو هذا حالي هسه من شفتهم يلمون امتعتهم حسيت بل وحده واليتم والهوان
ااااه يا دنياي الي ما قابله تصفى كلشي عكس ما أهوى واتمنى قصص وروايات عراقية كرار صلاح
الي عرفته بعد يومين ويسافرون بعد يومين ونفترق يومين من الوحدة هذي اخر يومين هما موجودين بجانبي كان شعور مؤلم بحق
تجاهلت كلشي و اعتكفت بغرفتي مهند شكد حاول وياي بس ما استجابيت اله على طول هذي اليومين اهلي هنا يردون يشوفوني وارفض
(بليلة الاخيرة الكل تجمع ببيت الجد واني الوحيده الي بقيت وما رحت لحتى اودعهم خلصت اليل كله كاعده واعض بأصابعي من التوتر والحركه
سمعت حركه على الدرج توقعت مهند اول ما انفتحت الباب دخل بابا من شفته ما تمالكت نفسي شمرت نفسي بحضنه واصرخ بألم وانكسار
ابجي بحركه واصرخ ليش هيج تعوفوني ليش تتخلون عني بعدني بأمس الحاجة الكم ششفت منكم وتعوفوني بوقت مبكر
صرت ابجي واصرخ مهند بباب الغرفه هو وعمو الي يبجي ويانا
اصر عليه بابا انزل يمهم لامي لان ما تكدر تصعد
رحت عليها ونفس الشي تبادلنا الوداع
سلمت على اخواتي كعدت شويه و رجعت للغرفه ابد ما اتحمل هذي المواقف

قصه جريئة لفتاة تتعرض للتحرش و.............


#بارت 18

..........🥀🥀..........................🥀🥀.........

"ولج بس بجي نوب تتخربطين اروح احير بيج لو بروحي "
شفت ثنين زلم اجوا بأتجاهنا
هنا صدك خافت
شام "عزااااا بعييينج ولججج وييييين نلكاهم ..المقبرررره جبيره تيهناهم والله..اني صوجي عاندت مهند واجيت وياج "
"ولج بس بجي نوب تتخربطين اروح احير بيج لو بروحي "
شفت ثنين زلم اجوا بأتجاهنا
هنا من صدك خافت
"ولج ذول اجو علينا يمةةة والله خفت امشي ننهزم ..لا يسوون بينا شي "
من شافونا كمنه صاح واحد منهم "يبناااااتتت ويييين اوووكفووا "
هنا تسحل بيه حتى امشي
"ولج والله ما اسويلج شي تعالي "
وكفت "هنا خل نسألهم نوب نضيع بلكت يساعدونا "
"لج انتي خبله ..امشششششييي "
بدوا يتقربون علينا هنا تريد تركض لزمت بيها
اجوي يمنا "عمي شبيجن من شفتنه شردتن ..قابل شنسويلج وليش لوحدجن هنا وانتن شابات وين الاهل "
رديت عليه وصوتي يرجف من الهبطه "اء.... عمو تيهنا اهلنا صار ساعتين ندور عليهم وماكو "
رد "على كيفج عمو ليش هي خايفه هسه تلكوهم.. ما عدجن تلفون .."
رديت "لا عفناهم بل سياره "
رد الثاني "جا ما حافظات رقم احد حتى نخابر "
باوعت لهنا هزت راسها ب لا
اني هم ابد ما احفظ ارقام
"لا عمو ما حافظينهم "
"جا شلون هسه ..اجيتوا عبريه لو سياره خاصه "
"لا عمو اجينا بسيارة اجره مرجع .. "
"تندلن الكراج ..اسمه "
"لا بس هو قريب على الامام "
"اندري شلون هسه .."باوع على الي ويا
حجيت "عمو احنا ندبر امرنا .."التفتت اروح
"اوكفي عمو وين رايحه نوب يتعرض الجن احد هنا ماكو احد بس الدفانه ما تخافن على روحجن "
"زين وين نروح .."هو سكت
حجت هنا "عمو اخذنا للامام يمكن هناك نلكاهم
هو ما حجه كال امشن رحنا ورا نمشي طلعنا من المقبرة
وصلنا لسيارته كال اصعدي
اني خفت ندست هنا هو حس عليه
"لا تخافين عمو ..امشي يلة "
"لاا عمو تسلم احنا نندل طريقنا "
"عمي والله ما اسوي شي عليش خايفات امشن .."
بقى يلح ويحلف ان ما يسوي شي واحنا بعمر بناته "هنا كالت ما نصعد عمو تعذرنا ..بس اجرلنا تكسي واحنا نروح "

"عليمن تكسي يعني تخافن مني وما تخافن من التكسي ..امشي عمي امري لله "
اجر تكسي ودفع فلوس
هنا شكرته وصعدنا وصلنا قريب الامام بقينا نسأل على الكراجات القريبه وماكو
"امشي شام نروح للامام ..بلكت نلكاهم هناك "
رحنا دخلنا وندور هم ماكو بقيت ابجي صارت بل ٤ الضهر وهما ماكو
طلعنا ندور بين الناس وهم ماكو تعبنا حيل
هنا شوي شاطره وعدها ثقه بنفسها وما تأمن بأي واحد ف احسها طبيعيه وهي ادلي بيه وتاخذني منا وتجيبني منا
"شام شبيج والله نلكاهم لا تخافين ..خلينا نطلع برى بلكت نشوفهم "
طلعنا لخارج الامام وندور ما الهم اثر
"هنا تعبت والله خل اكعد "
"تعالي "
كعدنا يم الزوار شويه ارتاحينا وكمنه
نمشي ونباوع بأخر باب مال خروج رفعت راسي شفت مهند
بوكتها من صدك طرت من الفرحه
اول مره افرح بوجوده وشوفته رحت اركض بأتجاه هو شافنا
اجه علينا "وللللللججججنننن وييييينننن رحتتتتتن من الضهر ولسا ندورررر ومااااكوووو ..انيييي موووو كللللت ما ترررحن بعييييددد ..هييييج احسننن ..وانتييي هنااا عود وصيتج..تاللليي انتي تضيعيييين "
سكتنا ثنينه وهو يمشي ولازم بيدي ويرزل بينا وكعلنا دوسه ونص
هو يسحل بيه ويرزل اني راحت روحي منا حر ومنا هبطه وخوف وما ماكله شي
ورجليه وجعوني حيل
جريت ايدي منه وكعدت على الرصيف هو من شافني هيج سكت
دنك عليه "شام شبيج شتحسين "
"دخت وراسي ورجليه يوجعني خل ارتاح شويه "
بقينا كاعدين وهو يسأل بهنا ويستفسر شلون وصلنا ووين ضعنا هي سولفتله كلشي
وهم رجع يرزل بيها هل مره طيح حضها
اني كمت "يلة خل نروح تعبت "
"تكدرين تمشين اخذ عربانه خاف ما تكدرين تمشين "
"يااااا والله اني اركب بهاااي مااا استحي ..امشي صرت زينه. "
وصلنا للكراج عمو وولد عمي اجو يركضون وناس ترزل وناس تسأل وتستفسر جدو يسكت بيهم ما يقبل يحاجونا
مهند عاط بيهم وسكتوا
ركبنا بل سياره وعمو خابر على البقيه يجون
سألت مهند "لعد هما وين "
رد "غير توزعنا ناس بل امام وناس بل مقبره.. وما لكيناجن تالي رجعنا للكراج ..نصهم راح يدور بل طريق ويسألون
واني اجيت للامام وطلعتن بوجهي ..طاح حضنا وايسنا..حتى بعد ماكو وقت نروح لكربلاء تأخر الوقت وتعبنا واحنا ندور ..خرااا بي الي يطلعجن بعد ..يعني هي هاي سوايه بربج ..نسيتن نفسجن جهاللل انتن "

"اووو كافي مهند والله اني هم تعبت وقابل متقصدين نتيهكم "

قصه جريئة لفتاة تتعرض للتحرش و.............



-

#بارت 24


................................................................

قـــرائــــه مــمــتــعــه

************************

‎روحـي مَثقوبه يتناثـر منها الصبر والكلام ، ولا شيء يدعوها للاستمرار .
************************‎

رجليه خدرانات وما يحملني وبس امشي شويه افحط ما اعرف ليش
بقيت شوي الصوت صار اعلى .. كلبي انمعط جن واحد محروكه روحه ويصرخ باعلى صوت
كمت ابجي على نفسي وعلى خوفي .. "ممممهـهـنددد ويينك تعاااال مهنددد "
ماكو احد صعد او سمعني عنت نفسي وامشي لبست ملابس وحجاب واني الهث وفحطانه منين ما ادري
رحت للحمام اغسل بلكي اصحصح وتروح الخنكه من صدري .. نزلت الجوه البيت فارغ وصوت البجي ببيت جدي
رحت باتجاه الباب طلعت برى واشوف الدنيا مكلوبه بل باب وجوه خفت وصرت ارجف
دخلت للبيت بخوف واباوع كلمن ماخذ زاويه ويبجي
دخلت واني خايف اسال شصاير
باوعت الغرفة جدو ملتمين بيها .. رحت بسرعه دخلت شفت منضر فلا انسى بعمري
بيبي متمدده وجدو وعمامي كاعدين حواليها .. جانت ساعه ٥ الفجر بيبي مغطين حتى وجها ويبجون وعمو ابو مهند كاعد يمها مدري شيحجي يم اذنها
تخبلت من المنضر الي شفته البارحه يمي وتضحك وتشاقيني دموعي صاروا ينزلون مثل الشلال وبدون صوت
رحت عليها واني ارجف بعدت الغطى من عليها اباوعلها كانو نايمه صرت اتلمس بوجها الحنين ودموعي توكع على وجها
شبكت راسها وصرت اصرخ "ولج بيبييي حتى انتي عفتيني لا بيبي لا تعوفيني فدوه والله احبج بيبي عليج الله رجعي شبسرعه فاركتينا البارحه انتي ويانا وتضحكين بيبي مو تردين تشوفين جهالنا وينج شبسرعه رحتي قبل لا تشوفيهم فدوه بيبي كعدي انتي مو تكولين اني بمكان امج زين شلون طاوعج كلبج تعوفين بنتج هاا شلون كليلي .. سوده عليه يا بيبي سوده بوجهي عليج .. هيج رحتي واني مزعلتج ومخشنه خاطرج سوده بوجهي كون .. بيبي فدوه اروحلج بس كومي بس كوووومييي علللليييج الله كومي لا تعوفيني والله ما شبعت منج ولا من حنانج.. بيبي انتي الي تردين علي الوحشه بغياب اهلي منو الي بعدج فدوووه كووومي "

احجي بصريخ وشهكه فرفحت روحي عليها ...

كان موت بيبي مثل الصاعقه ينزل عليه .. صح مره كبيرة بس جانت بحيلها وبقوتها .. كانت حنينه علينا كلنا .. جانت اذا دمعه نزلت من عند اي وحده دموعها تسبقنه مستحيل اشوف وحده بحنيتها وطيبة كلبها .. حجايتها دافيه والبيت ضاوي بوجودها بيناتنا .. حياتنا حلوه وطيبه بكلامها الي مثل البلسم .. اااه يا صوتها من تسبح لو من تدعي الله يحفظنا الها ويديم الجمعه .. لو عطرها الطيب .. الي من اشمه احس بل امان والراحة .. جدتي حنينه علينا لا والله مو بس علينا على الكل وحساسه بشكل مو طبيعي .. جانت من تنطق اسمنا احس كلبها يرفرف .. لو من تتلكانا بكلامها وطيبتها اووووه لو احجي منا للصبح ما اوفيها حقها ..

شابكتها واشم بريحتها الي هاي اخر مره راح اشمها بيها صرت ابجي واصرخ بحركه .. عمامي وجدي صاروا يبجون على كلامي وياها ومهند يحاول يبعدني عنها
فقدت الوعي من الهبطه والقهر كعدت والماي بوجهي وهما حواليه وباعديني عنها قصص وروايات عراقية كرار صلاح
صرت ابجي واملخ بنفسي .. دخلت عمتي ام احمد توها درت الضاهر صارت تبجي وثوبها مشكوك من الطول للطول وبعدها هديل وبناتها دخلوا يبجون بحيث انكلب البيت بصريخهم وبجيهم
اني ردت ارجع ادخل للغرفه مال بيبي مهند منعني وما قبل وواكف بباب الغرفه يدفع بيه واني ابجي واملخ بنفسي
اخر شي اجا عليه شبكني وضمني الصدره لحتى يمنعني صرت ابجي وهو يبجي
شفتهم يطلعون بيها فرفحت روحي بل بجي والصريخ
"لااااا لاا عللللييييكككمم الله لا تاخذوهااا لاا مهند لااا تخليييهم عليييك الله.. عوووفوووها بعدني ما شبعت منها فدوه عوفوها "
مهند لازم بيه وما يخليني اطلع "شااام كااافي موتي روحج مو زين عليج .. كافي حبيبتي هذا يومها لا تعترضين على حكمت ربج .. "
طلع وراهم هو بسيارة
باوعت ساعه سته صارت .. اخذتني هنا لغرفة مياسين لحتى ارتاح لان تعبت كلش
وهما صاروا يلمون بل بيت ويفرشون ويحضرون للناس المعزيه الي على وصول .. كعدت بل غرفه ابجي وما ممصدكه بيبي فاركتنا وبعد ما نشوفها .. فكرة الموت مرعبه من قبل عندي رهبه من اسمع بشخص مات ما اعرف ليش احس بقهر وخوف بنفس الوقت كلش تخوفني هل فكره يمكن هاي اول مره بعمري افقد شخص قريب عليه واحبه . ويصير تحت الثرى

قصه جريئة لفتاة تتعرض للتحرش و.............


#بارت 27

~~~

كملت البيت كله ساعه ١٠ ونص طلعت للطارمه
سمعت الباب يندك .. رحت يمه
"منو .."
"اني وسام .."
فتحت الباب ودخل "شو ما شفتج بعد خو ما ضايجه بعدج على البارحه يكول مهند لاكيج تبجين .. عليمن يا خويه تصير تصير .."
فتحت عيوني وما رديت عليه يعني يبقون يذكروني بل موقف .. والمشكله تذكرت ولد عمي وعمامي كلهم كاعدين
تفشلت منهم اكثر .. دخلته لجوه .. اخذته من ايده لغرفتي لحتى يشوفها .. شافها كال حلوه
طلع من جيبه فلوس وخلاهم بيدي .. جانت ورق هواي
"شنو هاي المن .."
"الج .."
"شنو المناسبه .."
"اختي وانطيها فلوس .."
"ما اخذهم هواي ومهند ما مخليني بعازه .."
"واني شعليه بمهند هذول الج وما تحجين .."
"ما اخذهم .. خليهم الكم تحتاجونهم ..."
"لا تخافين عندنا خير من الله وهذن من حقج حصتج هاي .. وكل شهر ادزلج ماشي .."
استغربت "منيلكم انتو وشنو حصتي وليش كل شهر شنو المناسبه .."
تنهد "شوفي اكلج بس مو تحجين .. ما نريد احد يدري حاليا .."
"لا ما اكول .."
رد "اشترينا فندق بل نجف .."
باوعت مستغربه "وشوكت ومنيلكم .."
رد "طلعلنا بل يا نصيب شبيج شام هاي عود انتي بنتنا ومستغربه هيج .."
رديت "اي غير اعرف منين .."
رد "جدي انطا الابوي حصته .. وباع الكاع الي عندنا ببغداد.. واني انطيته خليناهم سوه وتشاركنا .. حتى المحل مال ابوي بعنا والعمارة الي مشارك بيها هو وعمي ابو مهند فكوا الشراكة واخذنا حصتنا.. وبقت قطعة الارض الي بل موصل منتضرين الاوضاع تهدي ونبيعهم .. ونشتري بيت هناك نريد النا جبير .. وهاي حصتج من شغل الفندق .."
باوعت اله مستغربه "زين شلون صاروا هيج مبلغ قوي وخلاكم تشترون الفندق .. منين راح اتخبل .. وانت منيلك .."
"شلون منيلي اني هناك اشتغل دكتور .. وعندي قاعه مشترك بيها اني وولد .. "
رديت "زين شلون يوصل الكم الفلوس .."
"ما ادري بيج غبيه .. يدزوهم يكدرون .."
"منو يدزهم .."
رد "مسلمي لزوج خالتي ام حسام وهو هم مشارك ويانا بي بس ابوي كال اوفي من الشغل حتى يكون ضمان النا كلنا .. واهم شي انتي ما تضلين بعازه احد حتى ولو مزوجه .. بس حقج علينا .." قصص وروايات عراقية كرار صلاح
"على اي اساس اخذ تعبكم وعندي رجال .. اصلا اني مو بعازه ولا محتاجه درهم .. خليهم الكم تستفادون منهم .."
"شنو مو بعازه .. غير انتي بنتنا .. قابل نتصدق عليج هذا واجبنا .. وحقج هذا كله .. واكثر من هيج .. بس ما حاسب حسابي .. واصلا هناك كل امورنا توب بي وبلا احنا عايشين احسن عيشه .."
سكتت عنه واني بعدني مستغربه رديت عليه
"زين ليش ما اريد احد يعرف .."
رد "احسن .. وكلها تسال وجدي ما كال اني انطيت حصة محمد خلي الموضوع بيناتنا .. بس عمي ابو مهند ومهند بعرف البقيه مو بل لازم يعرفون وبعدين يكولون مسلمه بيد رجل ام حسام ويصير قال وقيل .."

ما اقتنعت بكلامه بس سكتت
نزلنا جوه بعد ما وصاني حرف ما يطلع مني
سويت جاي وانطيته اله "ترى متتت من الجاي من اجيت ولسا .. اريد كهوه راسي راح ينفجر .."
رحت سويت اله وانطيته
شربها ورفعلي راسه "يله امشي وياي لا تبقين الوحدج وانسي الموضوع.."
رديت "لا .. وما ملاحظ نفسك صاير سخيف بل كلام ليش ما تغلس وتسكت افضل ترى جاي تخجلني .."
رد "اوووو صايره تخجل انسه شام .. زين تتذكرين وين تردين تكتبين اسمج .."
صفنت بوجه واتذكر
____
جنت كاعده اتفرج فلم اجنبي والبطلة كاتبه اسمها على لباسها
دخلت لغرفتي .. طلعت لـ ابره والخيط
وطلعت لباسي .. كعدت اسوي بي واخيط اسمي بل انكليزي هذا الحجي جنت صف ثاني متوسط يعني جبيره
بس عقلي مدري وين جان .. دخل عليه وسام جانت ساعه عشره بل ليل ..
وسام "شسوين .." وجره مني ..
كمت اخذته منه "شعليك انطيني .."
رد "ههههههههههههههههههه شكاتبه .. "
رديت "شفت البطله هيج مسويه اريد مثلها .."
كام يضحك وهز ايده وكعد يمي
يسولف وياي واني ملتهيه بل لباس واسوي بي بس ما صار زين انكسر ضهري من عنده
جره مني وشمره بل كاع "دكافي يله كومي نامي لا تسهرين .."
اخذته وخليته بل كنتور .. اصلا ما اذكر استحيت او انحرجت بل عكس كملت وهو يمي يسولف
_____________
صارت خدودي حمر واذناناتي اطلع حراره صخنت هو خله وطلع
كمت اغم بنفسي واسال وين جان مخي من سويت هيج
ونوب اذكر ولا استحيت كعدت اسولف واسوي بي
صرت اسال نفسي جنت ولا استحي .. هسه منين نزل عليه الخجل ما ادري جنت ما ادير بال .. واهلي شوي من النوع الي طبيعيين مو متعصبين .. يعني اذكر بابا جان هو الي يجيب النا الداخليات .. من السوك وهو يختارهم الي ولخواتي الزغار بس من اجينا لهنا بطل بعد

قصه جريئة لفتاة تتعرض للتحرش و.............



#بارت 30


كعدت الصبح مهند مبدل ويمشط كمت على حيلي بسرعه
"مهندددد لللليييش ما كعدتنيي .."

النعاس بعيوني وهو اصلا ما يرد عليه
كمت غسلت بسرعه وبدلت دوخه براسي لان كمت بسرعه
افتر منا ومنا حرت شسوي .. وهو يباوع عليه وساكت
تخصرت "خيييييررر يعني هم ما كعدتني وهم تباوعلي .."
رد "شلون اغمض عيوني .."
عفته وكملت .. خليت الشال على راسي والبس بي بسرعه
.. مهند نزل جوه وعافني
كملت ونزلت اركض .. هنا صاعده بل خط واني بعدني
رحت عليها
هنا "وين صرتي يا شام اخرتيني وعندي امتحان .."
خلص الدوام وميس اجت امتحنت ورجعت للبصرة لان امها شوي تحسنت صارت زينه
اني كذالك امتحنت وخلصت .. ومهند ابد ما يحاجيني بعده زعلان

اول يوم من خلصت بديت بل بيت حملة من فوك واني نازله ما خليت مكان يعتب عليه وعمتي ما تقبل ادردم على هنا لان لوحدي اشتغل كلتلها خليها ترتاح قابل شعندي

صار المغرب واني اغسل بل بيت .. لمن كملت صعدت لغرفتي عزلتها لان الصبح غيرت اماكن الاثاث كله
وبقت مو كامله لان على سرعه سويتها رجعت عليها طلعتها تلمع .. دخلت للحمام اسبح
اسمع عمتي من فوك تصيحني رحت للمحجر وكفت واباوع جوه "ها عمه شتردين .."
ام مهند "نزلي لا اطيح حظج .."
كنت فاتحه شعري وبيدي ملابسي نزلت بسرعه
رديت "شصاير .."
اخذت ملابسي من ايدي "جيبيهم .. اني كم مره نبهت عليج المغرب ما تشتغلين وما تدخلين تسبحين .."
رديت "عمه هاي خرافات ما اصدك بيها انطيني خل اسبح متتت واريد اصلي .."
ردت "يفوت الغروب وسبحي يله كدامي تعالي كعدي .."
ضحكت "والله عليج سوالف يا عمه .."
ردت "شام سمعي الكلام غير لمصلحتج احجي .."
ما رديت .. وهي ما قبلت ارجع فوك لان كل مره تنبه عليه وادخل اسبح ف صارت ما تامن بيه

كعدت بغرفة هنا
هنا "خيررر شو اليوم يمي .."
رديت "ايي وشرايده.."
ردت "اطلعي من غرفتي يله .."
رديت "بيت زوجي ووين ما اريد اكعد .."
كنا ثنينا نتشاقى.. ولمن حجيت جان شقه واضحك وياها بس حسيتها ضاجت

"ياااا خاف ما تقبلين روحي عيني خاف نسيتي هذا بيت ابوي قبل لا يصير بيت رجلج .."
رديت "شبيج صايره غثيثه .. عابت غير اشاقه وياج .. امداج وامده الي يجي يمج .."
عفتها وطلعت .. هي متغيره عليه حيل مو مثل قبل .. كانت هي تنصح وهي تعلم .. وتضحك وياي وتتشاقه هسه كلش تغيرت ليش وشلون وشوكت ما ادري .. فجاة صارت هيج وياي ..
رحت لعمتي كاعده تصلي .. كعدت كبالها وانتضر تكمل
بقيت صافنه وافكر شسوي وارضي مهند مبتعد عني هواي هل فتره .. ومنا مشغول بل دوام
كملت عمتي وباوعتلي "ها يمه ليش كاعده وصافنه .. كولي اكو بحلكج حجي .."
ترددت احجيلها وسكتت هي حست بيه
"كولي اني مثل امج .. لا تستحين مني ابد .."
رديت "اء... عمه ......"
ردت "لا تمتمتين كولي .."
رديت "عمه اني ومهند .."
ام مهند "ولج عليتي كلبي احجي شبيكم .."
رديت "مهند مزاعلني صار فتره وما اعرف شلون اصالحه.."
ضحكت .."دتعالي يمي .."

رحت كعدت بصفها
حجت "شوفي امي اني اعرف انتو ما تتحاجون هل فتره بس ما ردت اتدخل بينكم .. وهسه ما راح اسالج على شنو العركه .. بس خل انصحج ..

شوفي امي انتي صرتي مره متزوجه وعندج مسؤولية ورجال وعيال .. لازم توازنين بين كل هذول وبين زوجج ودراستج .. اني ملاحظه من بداء الدوام ولسا انتي كل الي هامج تدرسين .. واني ما الومج ولا احبط معنوياتج بل عكس اريدلج الخير واريد تطلعين من الاوائل..

بس هم زوجج اله حق بيج .. هم لازم تنطي اهتمام وتخلي من اولوياتج.. اول ما يدخل ابوسه اسلم عليه اكله الله يساعدك .. تتلكي كون بابتسامه حلوه بكلمه طيبه .. ما تعلين صوتج اعلى منه .. مو تصيرين حالج حال الرجال وتحجين بصوت عالي وتنترين لا كون صوتج ناعم وناصي يم زوجج و صيري رقيقه مو خشنه ..

يمه ترى القوه مو بل صوت العالي .. او تجادلين باستمرار وتراددين .. حبيبتي القوه كلمات هادية وقرارات حاسمه .. وبنفس الوقت ما تقبلين معامله مو زينه هي هاي القوه يا امي انتي كانثى

الله خلقج رقيقه ناعمه و قوتج هي الرقه والين لا تكونين صلبه بل تعامل انتي مو الرجال انتي مره .. صيري سباعيه وحافظي على نضافتج واناقتج بكل وقت وبكل مكان .. ولا تخلين على نفسج وغرفتج ورجلج نقص ابد ..

ومن تشوفي عصبي لا تجادلين وتحجين اتركي لين يهدء ويسكت اذا تبقين تحجين وتلعلعين لا تنفعلين وتعاركين انتي الي تتاذين الرجال مو مثل المره وقت الغضب يحتاج ينترك لوحده لا تكابلي وتحجين .. وبعد ما يهداء احجي ويا وهدي واحجي بهدوء ويا واذا ما شفتي استجاب ورفض اسكتي واتركي

قصه جريئة لفتاة تتعرض للتحرش و.............


#بارت 33

شام :
مهند يكفخ بيه موتني واحنا بل سيارة.. ويسوق طاير من كد السرعه .. ويغلط وينعل
اني بس صوت البجي ينسمع .. احس روحي بعد هاي هي خسرت هذا حدي وي مهند
وهو بل فعل هيج .. دخلني للبيت يسحل بيه .. حتى ما فهم شنو السالفه او شكو ومنو هذا كل الي شافه زوجته كاعده يم رجال غريب وتنطي فلوس
ام مهند "يمه اسم الله شبيكم ياااا ياااا ياااا شمسوي بل بنيه ولك مهند تخبلت الله لا يرضى عليك ولك هي شباقي بيها تريد تموتها .. ولك تخبللللت وخر من عندها .."
عمتي حاولت تدفعه عني بس ما كدرتله وهو يعيط بوجها
مهند "عووووفيييينيييي يوووم وخخررري مااا ارررريييد احدددد يدددخلللل اريد اربييييهاااا لهللل ساقـ....... الكلبه

وحق محممممددد اليووووم محد يخلصهاااا منييي وحققق رسوووول اللله اذااا ما انددددمججج ياااا شاااام

اني مهننـنـد وحده حيووووانننه كللللبه ما عنددددهااا اخلااااق تنززززل راااااسي واطيييين سمعتييي بقذاااارتهاااا بسييييطةةة وحققق الله اليوم اربيج من اوووول وجديييد .."

اخذني يسحل بيه لفوك ويضربني بكل قوته فرفحت روحي والوجع كتلني .. اتوسل اعيط ماكو ما بعد عند

موتني كتل بل حزام راجديات بوكسيات دفرات .. راسي انضرب بل طرف مال ميز المرآيه والدم يجري

انمليت دم والغرفه كسرها تكسير عليه .. ما سكت ولا تعب ولا ابتعد عندي .. يعني شكد ما اوصف ما اوفي حق الجرم الي سوا بيه .. اجرم بيه .. عبالك عدو اله مو زوجته .. وكل هذا بعده ما فاهم السالفه .. ما يعرف شكو .. مادام يضرب يعيط ويكول منو هذا شعندج ويا ...

يعيط ويغلط وينعل ويضرب الكناتير كلهم تكسروا
وما تعب ابد اني من يمي تعبت صار بس النفس يصعد وينزل حتى دموعي ما تنزل .. شكد قبل ضربني واذاني
بس مو هيج مو بهل طريقه .. ومنا اني الحمل اموتني بشكل فضيع على كد التعب والالم الي احس بي.. الم ما ينوصف .. من كثر اذيته الي ..حسيته وحش مو مهند

عمتي ادك بل باب ومياسين هم اسمع صوتها ويعيطن ويبجن الباب تفلش وهو قافلة وما يرد على احد استمر بل ضرب لحد ما كعد كبالي ويشرب جكاير

ذب الجكاره وراح
اخذ جنطتي وطلع الظرف الي ردت انطي للولد
هو من سحلني كانت الجنطه بيدي ومن خوفي لازمتها واعصر بيها قصص وروايات عراقية كرار صلاح
فتحه وشاف بي فلوس .. اجا علي ولزمني من شعري بقوه
كلبه ساقــ.... تكو...... براسي .. وتبوكيني .. اني اربيج
بنت الكلاب اذا ما اغسل عاري بيدي فلا اطلع مهند
خاينه ما تستحقين كل حبي ودلالي الج ما تستحقين عيشتج هنا لا والله اصلا ما تستحقين هذا النفس الي يصعد وينزل

اليوم اغسل عارج بيدي اليوم اذبحج يا شاااام القذررره
.." بس بل اول كولي منو هذا وشعندج ويا .. احجيييي

اصلا صوت ما يطلع مني احس اذاني بيها وشه
وصوت كوه كدرت اميز كلامه روحي غابت عني
________
مياسين :
كنت ببيتي اوكل بنتي وكاعده كبالها.. اسمع صوت ببيت خالو ابو مهند .. كلبي وجعني .. طلعت واسمع ام مهند وشام يعيطن .. ومهند صوته كان اعلى منهم
ركضت بدون حجاب وجدو طلع وراي على الصوت بس هو عيونه عمن وما يشوف بيهم .. خطيه اني من الهبطه عفته ورحت للبيت الباب كان مفتوح

دخلت بسرعه صعدت لفوك الصوت كان من غرفة شام ومهند وبس صوت العياط مسموع

شفت ام مهند مفرفحه وتجبي وتتوسل بمهند يفتح الباب
صرت اعيط واسال شكو شبيهم شصاير
جدو من جوه يصيح شكو وشصاير .. رحت ركض عليه
"جدوووو مهنددد موووت شاااام موووتها .."
جدو لزم كلبه وكعد .. خفت عليه بس احتاريت شسوي وشلون اتصرف ما اعرف

البيوت كلها هيج وقت ما بيها احد امتحانات والشباب جامعه والبقيه بل دوام وبس نسوان موجوده .. حتى الجهال بل دوام

رحت للفون خابرت على خالو ابو مهند ومهيمن
ماكو بل ربع ساعه واحنا نبجي ونعيط نريد يفتح الباب

نسوان عمي اجن يسالن وخايفات لان صوت صريخ شام مرعب بحيث اقشعر بدني .. دخل ابو مهند بسرعه وبعده مهيمن بخمس دقايق .. كسروا الباب

اندهشت بل منضر الي شفته احس جسمي كزبر
وكلبي وجعني .. كمت اعيط وابجي عليها

اباوع الغرفه بكل مكان دم ومفلشه تفليش وشام مليانه دم وميته .. كمت اصرخ

ماتتت ماااااتتت اللله يااااخذذذك مهنددد موتتتهاااا اللله ياخذذذ عمررررك

مهيمن شالها ومهند ما يقبل ويعيط .. ابو ضربه
ومهند ما يكدر يرفع ايده كان يعيط بصوت وصاير دم

وعيونه حمرررر مبين باجي او من العصبيه
ما فهمت بس كل الي همني شام

رحت ورا مهيمن اركض كنت لا لابسه نعال ولا شال
وام مهند كذالك

اخذها مهيمن وابو مهند وراحوا للمستشفى
مهند طلع وركع الباب ما اعرف وين راح

اني كلت البنيه ماتت اكيد ..
وركضت لجوه اخذت تلفوني
ادور على رقم اخوها .. لان اذا بقت لوحدها هنا يتولوها وما نعرف شنو السالفة ويمكن ماتت لان منتهيه ومنا هي حامل

///// #بارت الخامس عشر /////

رحلوا الأحبة بغير وداع ولا أدري أين ألقاهم
سألت عنهم الديار .. فوجدت الديار تبكي فرقاهم

**
فأي شوق هذا هواكم يميت القلب من الأحزان
يسجننا بقيد وأصفاد .. ويقتلنا قبل الأوان

****

صراخ عذراء هز البيت هز .. جنت مخليه ايدي ع اذانها لاتسمع وتضوج ..
احسها بعدهي روحها يمي تحوم ..
دفر الباب نسر وصرخ " شكو عمتي شبيها ؟"

عذراء تلطم وتبجي " ماتت عمتي ماتت "

صحت بيها لااراديا " اشششش لاتسمعج وماترجع جاي احس بيها موجودة يمنا بالغرفه "

اتقرب نسر دفعني حيل وگعت بالگاع ..
بقيت صافنة مامستوعبة .. صار يتفحصها ويحاول يگعدها .. ويضغط على صدرها حيل ..

بعدها حضنها وگام يبجي ..
كلها واگفه بالباب من شافوا نسر بجة كلهم بجوا والنسوان تعيط ..
دخل عمو ابو قصي .. سحب نسر وخلة كرسي يمها ..
صار يودعها ويحجي وياها ..
كلماته اله ووداعها هو الي اثر بيه .. ماگدرت احجي بس دموعي نزلن ..
" معقولة هاهي لهنا وحظي انتهى .. الملاك الي الله نطاه الي ماطول كم سنه وراح "

اباوع بالوجوه واحد واحد .. كلها تبجي ومتأثرة ..
كلهم مااعرفهم ذولي منو ..
عرفتهم لمن عرفتها .. تبجون عليها مثلي .. كسرتكم مثل كسرتي .. راح تحسون بفراگها مثلي ..

احس نفسي رجعت النقطة البداية ..
وكأنه اليوم الي تحرش بيه ابوية .. اليوم الي قرر يغتصبني بي وقتلته .. اليوم الي هربت من بيتي والي كان المفروض يكون بيتي .. والتجأت للشارع والوحوش البشرية ..
اليوم نهاية البداية ..

غطاها عمو ابو قصي وطلع ..
طلعهم كلهم ووصى اولاده ونسر يجيبون تابوت حتى ياخذوها للمستشفى..

اسمع عياطهم يرن بأذني…
اتقربت منها بهدوء .. " عمة شفتي شلون كلها تحبج .. كلها تبجي وتعيط علمودج… يهون عليج تعوفيهم كلهم وترحين .. لو اني ماانقهرتي عليه ماحسبتي حساب غربتي ووحدتي .. رحتي وراه ومااتحملتي "

خليت راسي على جربايتها يمها ردت اشبع منها قبل لياخذوها ..
غفيت من غير مااحس .. وجنها تصحي بيه ..
" شذورة امي گومي نامي بفراشج "
رفعت راسي :
" عمة هاي انتي عبالي عفتيني ورحتي "
ابتسمت الي " وين اروح ياامي هو اني اگدر اعوفج .. بس وليد طلبني راد ينام بحضني الليلة .. شلون اعوفه انتي قوية واني وياج ابد مااعوفج لاتخافين "

رديت ودموعي ينزلن " اخاف من هاي الدنيا قوتي بيج انتي .. منو الي هسا .. كلها مليانة وحوش ماترحم "

اتنهد وهي تمسح على راسي " لاتخافين مااروح اذا مااحميج مو گلتلج انتي بحمايتي ومحد يأذيج "

فزيت على صوت اسراء " گومي شذر حيشيلوها گومي"

باوعتلها مستغربة اتمنيت يطلع موتها حلم تمنيت اصحى الگيها گاعدة ..
باوعت الخالة ام نسر گاعدة وتقرألها دعاء وسورة يس

دخلوا الولد يبجون ودعوها ولفوها بالجرجف وشالوها
اتجهت الخالة ام نسر " خالة بداعت عزيز گلبج اخذوني وياكم "

دمعت عيونها وهزت راسها " روحي البسي خاله انتي اكثر وحدة تريدج يمها هسا "

ماصدگت ركضت للغرفه لبست عباتي الاسلامية واجيت
بالباب وصاح " وين رايحة بس امي وعمتي ام قصي ارجعي يم البنات "

باوعتله بتوسل " لاتحرمني اودعها هي كلشي بالنسبة الي بالدنيا . اذا تعزها خليني امشي وياهن "
اتنهد " استغفر الله واتوب اليه .. اصعدي بسرعه بس مااريد عياط ويانا زلم هواي "

صعدت ممصدگة بالسيارة الصغيرة يسوق بيها ليث ..
عيني ع التابوت وابجي ..
طلعت قرآن ام نسر وانطته الي .." اقري قران الها يتلكاها بالگبر "

اخذوها للطب العدلي واحنة بقينا بالسيارة . الانتظار صعب بس الي مصبرني انها بعدهي ويانا بالدنيا ..
ماراحت وعافتني .. احس بوجودها يمي ..

كشفت السما وطلع النهار .. وطلعت هي من المستشفى شايليها على جتفاهم ويبجون ..
حقهم اي مو اي وحدة هاي الملاك الي تحب الكل والكل يحبها ..
مااتذكر طول وجودي يمها اذت احد ولاكشرت بوجه احد ..
كلهم يعتبروها مو عمة صديقه الهم ويسولفولها اسرارهم ومشاكلهم…
احس كلنا تيتمنا بعدها ..

اخذناها وطلعنا للنجف .. ماقبلن ادخل للمغيسل بقيت بالسيارة وهن دخلن ..
بقيت اقرأ قرآن وبالگوة اباوع من دموعي الي مابطلن بجي ..

اجة ليث " هاج هاي مي غسلي واشربي الطريق كله تبجين "
اخذته ورجعت اقرأ ..
لمحت خالة ام نسر وام قصي طلعن ..
صارت عيوني على الباب الى ان طلعوها ..
" هااا عمة هاي اخر مرحلة راح تروحين من صدگ وتعوفيني ؟"

صعدن يبجن ويسولفن " شفتي شلون شكلها انگلب عبالك بدر منور ونايم .. ووجهة مبتسم "

ابتسمت لااراديا " فرحانة تلگيها راح تروح الوليد وترتاح "

اتنهدت ام نسر " اي خاله جنها كرهت الدنيا بعدة .. ماصدگنا صحت ورجعتلنا تالي جانت منتظرة هاليوم يجي وتروحله "

اخذوها دفنوها بعد مازوروا جثمانها ..
ودعتها اخر وداع وشميت ترابها ..

رجعنا بغداد وعيني ع الطريق. .
" ااااه يابغداد اجيتج يائسة اول مرة وحضنتيني وحميتيني .. هالمرة رجعتلج بس جثة بلا روح شلون راح تحييني "

وگفنا يم سيطرة ..

///// #بارت اربعــــون /////
ج2


ضجت من حجة هيج .. لاول مرة احس بهيج احساس
اعذرني نسر الذنب مو ذنبي ..
ذنب الظروف الي جمعتنا بوقت خطأ ..
ذنب القدر الي خلاك بطريقي بوقت كان الرجال كلهم سواسية عندي ..
بوقت كنت مجروحة وتايهة وطريقي مظلم ..
ابوية مااعتدى عل سبب طفولتي وبرائتي فقط .. لابل اعتدى على مشاعري واحاسيسي .. استبدل الحب بالكره والعاطفة بالحقد والانتقام ..
دخلت عذورة " شلون صابرة انتي لو اني منج واسم الله معتز يخطب غيري يمكن يصير بيه اكثر من هنا .. هاي اذا ماصارت سكته قلبيه بيه "
عطت بيها " اسم الله لاتفاولين على نفسج .. الي صارلي مختلف وتعرفيه كلش زين "
ردت " ليش احس عيونج بيهن حزن ويلمعن "
اتنهدت " الي بيني وبين نسر راح يبقى نفسه مايتغير بس خوفي الاكبر من شي ثاني "
ضحكت " من ام اللسان مووو"
ابتسمت .. ضحكت هي " ههههه اتخيلجن بعد يومين تتكافشن من الروس "
همست " يا شعليه بيها "
ردت " وج دائما اتخيل الضراير من الروس .. اتمنيت اسوي بشجن هيج بس هنا فاهية مافوخت گلبي .. اريدج انتي اخيتي تبيضين وجهي "
باوعتلها " تحجين صدگ شترديني اعارك علمودج "
ضحكت " لا انتي شعليها وصيحلي اسوي هجوم وياج لو اكتليها واصير اني الحكم "
ضحكت " انتي مو صاحية فوكاها راح تتخرج وهي عقلها اصغر من عقل دنو "
ابتسمت " خية اني ربيت نفسي بنفسي .. دنو ترباتج حتى احسها باردة مثلج.. اگلها سوي هيج " ماما متقبل "
تعاي ارگصي ع الاغنية " ماما متقبل "
موتتني وربي .. على يوم اكفخها بسببج "
رغم ضوجتي ضحكتني " وج مااقبل تحجين ع بنتي .. اي مااريدها تتعلم الرگص وهالسوالف تاخذها للكبر .. خليها تتعلم الصلاة القران .. السنة الجاية تتكلف لازم تتعلم "
هزت ايديها " يابة والله بطرانة وج هو العمر شبي .. صيري مثلي ساعه النفسك وساعه الربك .. وكت الاذان اصلي وبعدها ارگص واغني وافرفش الحياة حلوة خلينا نعيش ونتونس مو كافي التفجيرات الي حابستنا بالبيت حتى مانطلع من خوفنا "
اتنهدت " اي والله صايرة بغداد تبجي .. خالة رسميه ذيج المرة تگول بيني وبين الموت شعره .. صاعدة بالسيارة .. بس ماشية مسافه انفجرت سيارة وراهم بنفس المكان الي جانت واكفه بي .. يعني لو باقية جان ماتت "
ردت " اي والله بيها بخت "
بعد ماكمل الطبخ ..
بقينا گاعدين بالصاله .. گاعدين ع التلفزيون ..
جانت رغد مرت قصي گاعدة..
" شمالجن عبالك بفاتحة غير اليوم زواج اخوجن "

خزرتها هنا " عيني يازواج ليش هو اول مرة يتزوج "
باوعتلي " دادة شنو من گلب ولامهتمة .. اخواته ضايجات اكثر منج "
ردت عليها عذورة " عود ضوجي انتي من يتزوج قصي"
شهگت " يمة اسم الله بيش مفاوله عليه "
ردت عليها " وليش مستغربة صارت عادة بعائلتنا "
ضاجت رغد " وشناقصني قابل .. ليث هو نسونجي من البدايه .. ونسر علمود الجهال "
قاطعتها قصي " ويجي يوم قصي هم يتزوج علمود الجهال "
هزت ايديها وسكتت .. هنا اخذت اولادها ودخلت للغرفه ..
اشرت العذراء تسكت.. حسيت برغد انقهرت من گالتلها هيج .. صح السانها مايسكت بس حقها الي بيها مو بيدها الاطفال رزق من الله وهي ماخلت طبيب ماراحت اله اخر شي هسا قرروا يسوون انابيب بسوريا او ايران ..
وي اذان المغرب اجو .. دخلت فروحة تركض " اجت العروس اجت العروس "
گلبي نقبض ..
دخلت خاله گدامهم .. فتحن غرفتها بسرعه البنية متخربطة ..
فتحناها وهاي اول مرة اشوفها بعد مافرشوها ..
دخلت هديل لازماتها امها واختها الجبيرة متخربطة وراهن نسر ..
"دخلوها للغرفه "
باوعلي تنهد ودخل للاستقبال ..
سألت عذورة " شبيها هديل "
جاوبت خالة " انهبطت صار انفجار بالطريق بالسيطرة بالگوة رجعنا طلعنا ع غير طريق صارت لحم العالم بالگاع.. يمة تبجن على حالهم اللحم والدم بكل مكان "
همست عذراء " يمة همزين مارحت .. والله رجلها خضرة بعدها بأولها صار انفجار تاليها شلون "
اشرتلها تسكت لان خاله انتبهت علينا ..
دخلوها للغرفه .. ووياها اختها وامها وخالتها جايات
بقن جوة بين ماصبينا عشا للزلم .. اقاربهم جايين
وبعدها صبينا للنسوان .. راحت خالة صاحتهن اجن بقت بس اختها يمها ..
خالتها طول ماتاكل تباوعلي خازرتني .. اني مااكلت علمود دنو گاعدة..
اخر شي حجت .. " دادة هديل امانة عندج . خطية مكسور بختها .. ومانريد ينكسر بختها وتنظلم مرة ثانية
لان تعرفين اجت على ضرة والضرة مرة "
بقيت صافنه ومصدومة .. تحجي عادي وگدامي وعبالك اني الاجيت عليها مو هي الاجت عليه ..
گمت للمطبخ..
اجت عذراء " شمالج گمتي.. انتي ام البيت والي بالصدارة لاتضعفين وتخليهن ياخذن مكانج "

///// #بارت خمســــون /////


انكسرت الكأس بقبضة قسوتك ..
وانسكبت الأحلام .. وبلل ماء الأماني أرض الواقع القاحلة .. فـأجمعه الآن إن استطعت !!..
شفت باب الكنتور مفتوح .. بين نايمة وبين گاعدة وعيوني مغوشة ..
حجيت " نسر هذا انت ؟"
ماحسيت الا ايد تخلت على حلگي وايد ثانية تخنگني شهگت وردت اصرخ بس ماگدرت ..
احس صار فوگاي ويخنگني بكل قوته حتى اريد احرك جسمي مااگدر عيوني غوشت ..
انفتحت الباب وصار عياط ..
هو بسرعه ركض للباب جانت اسراء واگفة تعيط .. دفعها بكل قوته وانهزم من باب السطح ..
وگعت من الجرباية واريد اجر النفس بالگوة .
على صوتها الكل صعد ..
حسيت البيت كله بدقايق صار بغرفتي .. بس الغريب جانت اسراء منفعله وتغلط عليه وماعرفت ليش ..
" وج ياعار طايحت الحظ الله كشفج جنت شاكة بيج والله كشفج "
عاط نسر .. " شكو شبيجن .. اتقرب شذر شصاير شبيج"
ردت اسراء " لثاني مرة تختار الغلط . مرتك المصون دخلت للغرفه لگيت مهيمن نايم فوگاها .. ومن عطت هو انهزم من السطح وهي سوت روحها متخربطة "
باوعت بعيونة ردت اشوف نظراتهن .. ردت يرد من غير مااحجي ويگلها لا شذر ماتسويها شذر واثق بيها ..
بس سؤاله كان " هالحجي صدگ؟"
دمعت عيني " شبيك نسر اني حتى مااعرف منو الصعد وشيريد ماشفته اصلا شوف جسمي راد يموتني "
ردت " وليش يموتج تردين تطلعين نفسج شريفه مو اول مرة اشوفه بغرفتج.. كم مرة اشوفه ينزل من فوگ من قبل لابيداء تصعد فوگ وكلما اسأله يكلي اخابر فوگ .. شكيت وسكتت الى ان اتأكدت .."
بجيت " حرام عليج شمسويتلج "
عاطت بيها بيداء " احترمي نفسج ابني مايسويها ولاشذر ابني وين مستحيل يكون هو "
صارت تدور عليه مثل المخبلة بالبيت ..
ردت اسراء عليها " قبلج غيداء گالت نفس الحجي لو ابنج مامذنب ليش انهزم من السطح "
اسراء هي المتحدث الوحيد والكل يستمع ومحد شفته دافع وكال لا شذر ماتسويها .. ربيت عندهم وبينهم مستحيل يصدگون هيج جذبة ..
نسر اشر العذراء تنزل دنو لجوة ..
عاط بيهن " اطلعن كلجن "
ردت خاله " يمة اهدأ افتهم السالفه لاتتهور . لاتخلي الماضي يعميك "
عاط بيها " يمة گلت اطلعن اطلعن "
بقيت اباوعلة ومصدومة .. قابض ايده ودمارات وجهة كلها بارزة من العصبية ..
مارجعلي اعتباري وكرامتي گدام هديل والبنات واسراء الي تهمتني . سكوته واستماعه الها اكبر دليل على خذلانه الي وكسره المشاعري ..
طلعن سد الباب وقفلها ..
اتنهدت " نسر تتوقع اسويها.. والله مااعرف شعنده يدور بالكنتور عبالي انت . "

رد " قبلج وثقت وتدمرت "
سألت بأستغراب " يعني شقصدك اني مثلها "
رد بعلو صوته " شتفسرين وجودة بغرفتج ومن دخلت عليكم اسراء انهزم من السطح. شتفسرين صعوده لهنا كل يوم والكل يشوفه بس اني المغفل الاعمى "
عفته وكمت " انت اكيد مو صاحي .. اني شذر شبيك اصحى نسر "
عاط ولج تدرين بيه موجوع من الخيانه تدرين بيه مااثق بوحدة وثقيت بيج وحبيتج .. ليش ليش تسوين بيه هيج .. مسوية نفسج مريضه وتخافين اتقربلج صابر عليج سنين وحتى من تعالجتي بقيتي ممتنعة ليش فهميني ليش .. ذاك الكلب حسابه من الگيه وين يروح . اما انتي فعقابج هو اكسرج مثل ماكسرج ابوج
يمكن طلعت غبي وصدگت يطلع ملاك من مستنقع ووحل دعاره .."
ابتعدت عنه .. نسر لا حباب .. احلفلك اخذني للامام احلفلك جيب القران احلفلك . والله ماسويت شي
والله ماسويت ..
جان اعمى واطرش مايشوف ولا يسمع..
بس يردد انتي مثلها كلجن نفس الشي .. هسا عرفت ليش ماخلتيني اتقربلج لان تخافين تنكشفين ويطلع جذبج ..
حاولت اكون قويه وادافع عن نفسي .. كنت اضن انه حبه الي يشفعلي ويرحمني .. بس للاسف وهمت نفسي بي ووثقت زايد ..
سحبني بدون رحمة وجردني من كلشي .. كان هالعقاب اشد عليه من الموت ..
اتمنيت مطلع مسدسة وقاتلني ولا هيج سوه بيه ..
بأشد انواع والقسوة اغتصبني .. لاصوت نفع ولا بجي ولا اي شي ..
كنت ادفع بكل قوتي بس مقيدني ..
للحظة تخيلته ابوي شفت بي وجه ابوي يعتدي عليه
كرهتة من اول لمسة ..
بقيت اتعذب بين اديه لوقت طويل .. ساعه اتوسل وساعه ابجي وساعه اعيط بس ماكو فايدة ..
مرة ومرتين وثلاثة الى ان حسيت بدت روحي تطلع
خارت قواي .. وانفاسي بدت تتسارع حتى حسيت گلبي وگف .. بعدها تركت العالم كله وانتهيت ..
ماصار گبالي بس عمة وهي تمدلي ايدها .. بس مااگدر اروحلها الى اختفت .. اتمنيت لو ماخذتني وياها بذيج اللحظة ومخلصتنه من الوحش المفترس الي نهش جسمي وجسدي وحياتي ..
صحيت اون من الالم .. اباوع النفسي غرگانة ببحر دم
احس مغص ببطني والم قوي ..
كان النهار طالع ..
اريد اگوم مااگدر .. بالگوة استند ع الجرباية وگمت ..
باوعت النفسي بالمراية شكلي يخوف.. اثار بكل وجهي وجسمي .
صرت اعيط وابجي بهستيرية .. ملخت نفسي وشعري وتخبلت…
گمت اصرخ بلا وعي . " لك حيوان موتني ليش عرفتني عايشة خلصني منك ومن هاي الدنيا . "
كانت الساعه ثمانية الصبح .

///// #بارت احدى وخمســــون /////
ج2


خلص مفعول العلاج وبديت اتوجع… گعدت خالة ماكو
اذن الاذان ماگدرت اصلي بسبب وضعي ..
بقيت گاعدة لمن اجت ..
شافتني ابتسمت هااا ماماتي رايدة شي ..
رديت " لا بس نمت هواي "
ردت " شلون صرتي هسا ؟"
رديت " اذا تسألين عن صحتي .. احسن بس نفسيتي تعبانه حيل "
اتنهدت " وهسا شناوية تسوين .. تعوفيه يعني تتطلگين "
رديت " هو اصلا مانعتبر متزوجين.. عيشني كم شهر بعسل وبعدها طلعها من عيني "
سألت " عوفينا من نسر .. هذا ابن حماتج شعندة فوگ اصلا وشيريد دخل الغرفتج "
رديت " لايروح بالج لبعيد .. اعرف مهيمن كلش زين مايوم نظرلي نظرة محلوة احنة كلنا ربينا سوة يكلي باجي ويحترمني "
سألت " لعد ليش هيج سوة "
فركت وجهي " ماادري ماادري .. اني متخبلة .. يمكن راد يبوگ الفلوس لان فاتح الكنتور البي الفلوس وعبالك يعرف هن بهذا الكنتور زين نسر ممخليه بعازة ليش راد يبوگهن وشمعرفه بمكانهن "
استغربت " يافلوس ؟"
رديت " فلوس جمعتهن من سنين .. نسر شراكني وي محلات اخيطلهم ويبيعون والربح بالنص .. فكنت اجمع الارباح .. محد يعرف بيهن الا لمن عرفوا بيت عمة خديجة بأسمي .. "
اتنهدت " بس لو يريد يبوگ جان باگهن من تطلعون ليش وانتي بالغرفه "
رديت " من اطلع اقفل الكنتور مااخليه مفتوح وعذورة تبات بغرفتي واذا دنو وياي اقفل الغرفه نهائي .. بس مثل ماگلتي لو يريد يبوگهن كان باگهن من زمان . معناها ماجان يعرف عندي فلوس وهسا عرف "
بقت خاله تدعي عليهم وعلى اهلي والي سووه بيه ..
ثاني يوم ماگدرت ابقى لازم اروح منا .. الى متى ابقى حابسة نفسي بالغرفة ..
حجيت وي خاله ماقبلت گالت الا تصيرين زينة يلة ..
بعدني جاي احجي وياها انفتحت الباب…
وي الفتحة حجت " ويامن تسولفين انتي ؟"
اتفاجأت ببيبي واگفه بالباب ومصدومة مثلنا ..
باوعت الخاله " هاي مو بنت سماح شتسوي هنا ومن شوكت اجت "
باوعتلي خاله وردت " يمة تعاي هناك نحجي شذر مريضة لازم ترتاح "
اخذتها وراحت ..
نص ساعة واكثر رجعت..
" امي تريدج بغرفتها .. باعي گلتلها زوجج ضاربج ومو زين وياج ويعايرج بأهلج وماعندها مكان "
رديت " ليش هيج گلتيلها جان خلتيني اروح منا .. لازم اتعود اعيش وحدي واعتمد على نفسي "
ردت " گلتلج مااخليج ترحين الا تصيرين زينة "
كمت وراها رحت الغرفة بيبي .. اشرتلي تعاي يمي
رحت گعدت يمها ..
بقت صافنه بوجهي .. " كسر بيده شلون تخليه هيج يضربج .. شنو ماعندج احد يكسر راسه "

باوعتلها " اي ماعندي .. لان اهلي مارحموني وعمامي يطلبون اهلي ثار ومايردوني منو الي هااا منو الي ؟"
اتنهدت " صح اني شايله من سماح .. بس مايعني اخليج تنضربين وتتعايرين وارجعج اله .. بي حظ يكعد على بابج يتوسل يلة اخليه ياخذج "
شوية ورجعت تحجي .. وينج سماهر تعاي شوفي صديقتج شتشرب ضيفيها "
صفنت عليها ورجعت صفنت على خاله ..
هزت راسها " اي لاتستغربين .. امي تفقد وترجع تتذكر يعني مو دائما تتذكر .. بعد شوية ترجع طبيعية .. "
انقهرت عليها… شكلها حلو وسوالفها احلى .. بيبي وخاله حنينات .. امي عليمن طلعت مااعرف ؟"
بقيت يومين تحسنت شوية .. اتمنيت ابقى بس خالو سعد يروح ويرجعلهم كل يوم..
من يجي اختل بالكنتور ويكتلني الحر .. ومرات الزم گلبي لاتفلتها بيبي وتحجيله..
مااگدر اعيش عمري كله هيج .. ولاينفع ارجع للبيت
وخاصه بهاي الفترة ..
عذراء،:
البيت صار لايطاق بغياب شذر عنه .. دنو بس تبجي وماتقبل لاتاكل ولاتشرب ..
بيداء راحت البيتها وراح تتحمل ظلم عيالها لان بيتها يمهم بسبب اسراء وهديل .. مااعرف ليش متأكده هديل السبب بس هي عرفت تلعبها صح .
المشكلة مهيمن اختفى شگد دور عليه نسر مالگاه ..
حتى امه تبجي عليه وعمه محملها الذنب ويلومها ..
نسر بعد ماعرف شذر تركت البيت تخبل .. صار واحد ثاني .. رغم ظلمها واذاها بس بعده متمسك بيها ..
لااني ولا هنا نحجي وياها وايضا بيداء ..
هو ماخسر شذر بس .. حتى اخواته خسرهن وياها ..
امي ماصحت ابد وضغطها دوم مرتفع .. صح مادافعت عن شذر .. بس ماصدكت ولا حجت عليها ..
بس جانت مقهورة على اولادها وبيتها الي تفكك ..
شذر غلقت موبايلها بعد مااگدر اتواصل وياها ..
ضايجة عليها وحتى نسيت معتز بسببها ..
خابرني بعد يومين .. من سمعت صوته رجعتلي روحي
" وين انت ليش مااحصلك بالي يمك .."
رد " شسوي مو بيدي شغل من الصبح لليل وبعدها موبايلي مكسور صلحته يله… بقى يحجي ويراضيني بس قهري على شذر ماخلاني اخذ وانطي وياه بالحجي "
سديت الموبايل .. شفت هديل لابسه ومبدله ..
اجه نسر شافها.. " وين تردين ؟"
ردت " عندي مراجعه اليوم تحددلي الحمامة "
رد " وطالعه وحدج؟"
ردت " لا خاله وياي "
عاط بيها فوتي جوة على مااسبح واخذج اني ..
بعد طلعه وحدج ماكو الباب الطارمة ماتطلعين .. اي احد يجي ماتطلعين قصي اذا اجة ماتطلعين فاااااااهمة
هزت راسها " هااا اي "