قصه جريئة لفتاة تتعرض للتحرش و.............

#بارت22

**************************

- ثم تتضح لك الصورة أخيرًا و ترى أن كل الذين نظرت لهم بعين الدهشة يومًا ما، كنت أنت من تُجمّلهم في داخلك فقط، وأنهم ملأى بالزيف، نظرتك الحسنة تجاههم هي من أسعفتهم من السقوط منذ زمن من أعماقك.- ثم تتضح لك الصورة أخيرًا و ترى أن كل الذين نظرت لهم بعين الدهشة يومًا ما، كنت أنت من تُجمّلهم في داخلك فقط، وأنهم ملأى بالزيف، نظرتك الحسنة تجاههم هي من أسعفتهم من السقوط منذ زمن من أعماقك

*************************

كنت لابسه ثوب ابيض قماش حريري مريح .. واكفه على مكان مرتفع .. اباوع اكو حيوانات وقطط .. وجرذي يركضن وراي .. ويحاولن يلزمن بيه .. اني اركض والهث
اريد احد ينجدني اريد احد ينقذني باوعت اكو على الحافه مره كاعده ومدندله رجليها ومطية ضهرها .. بل اول استغربت شوكت صارت هنا مساع ادور وماكو احد
ردت اروح بس تراجعت .. بقيت اباوع الها ونسيت الكلاب والقطط الي يركضن وراي .. التفتت وهنا بعدهم
خفت ركضت للمره احتمي بيها .. التفتت الي .. شفتها مو غريبه عليه هاي عمتي ام مياسين .. شجابها هنا مو جانت ميته .. صحت عليها .. عمه خلصيني الحكيلي .. يردون يأذوني
مدت ايدها الي .. "تعالي عمه تعالي يمي .. اني اخذج عندي "
مديت ايدي الها .. ما احس اله واحد طويل وضخم ما شفت وجه بسرعه جرني وخلاني ورا .. عمتي اختفت وبقى بس الحيوانات .. احتميت بسده واني ابجي
هو بس شافنه ابتعدن عني .. مدري شكال وراح
صحت ورا منو انت ..
ما التفت الي
بل اول كال اني علي
ومشى مسافه وصاح اني مرتضى
صحيت من النوم واني ببالي الحلم نسيت كل شي .. علي المرتضى .. هو يحميني .. ابتسمت بوجع
وعيت على حالي وعلى الوضع الي اني بي
باوعت حواليه .. الغراض مكسره وملابسي ممزقه .. والوجع كتلني .. صرت ابجي .. وجع وذل
كمت وما بيه امشي جوعانه و جسمي يرجف وكلي دم يابس على وجهي .. ما كدرت امشي كعدت بل كاع
جريت الجرجف الي على الجربايه ولفيت نفسي بي .. صرت من نفسي اخجل وما اريد اشوفها بهل منظر المخزي
باوعت للساعة ١١ والغرفه قليل بيها ضوه .. والباب مقفوله صار راسي يدور .. والوجع يكتل .. قل تركيزي ،. ورجعت

غطيت بنوم .. ما اذكر اي شي صار بعدها ..
كعدت على الشمس تدخل للغرفه قليل ضوه .. فتحت عيني بتردد وخوف وقلق .. بعدني على حالي .. وبمكاني
تمنيت افتح عيني اشوف غير شي ما اشوف حالي هيج
كعدت ازحف للكنتور جريت ثوب لبسته و سترت حالي
عنت نفسي وكمت ادور تلفوني .. لحتى اخابر وسام يجيني .. ما لكيته فقدت الامل .. وصرت اضرب نفسي
رحت للباب .. حاولت افتحه ما ينفتح مقفول .. دكيته ماكو رد محد اجاني ،، ولا رد عليه
ارتجيت على الباب وكعدت صافنه وكاعده .. اريد اغسل لعبة نفسي .. من الدم قصص وروايات عراقية كرار صلاح
روحي احسها تريد تطلع .. ومصاريني تفرك ٣ ايام ما ماكله ولا شاربه .. خشمي صار يجري دم من جديد
صرت ابجي اريده ينكطع لعب نفسي من الزفره
نمت على ضهري حتى ينكطع
صار يتجمع ببلعومي وبمعدتي
ما سيطرت على نفسي كمت اتقياء.. روحي طلعت وبطني فارغه اتقيء ماي
صرت ابجي على نفسي وروحي الي احسها راح تطلع .. محد اجا ولا احد دك الباب وطلعني
صدك زباله ويستحقون هيج كلتلهم ما متندمه بس على نفسي الي ضاعت .. روحي طلعت وغابت عني دموعي تجري احس عيوني طلعت من مكانها .. على كد ما عصرت نفسي
راسي يدور .. و احسه طبل صاير .. النعاس مسيطر عليه رجعت نمت هم .. تمنيت هل نومه بلا كعده
كعدت ساعه دعش .. وماكو الي يسال عن حالي .. بقيت بمكاني ما اتحرك وصافنه
سمعت صوت مصايح جوه .. ومن بين الاصوات كلها مهيمن جان عالي واسمعه
"حرااام عليكم .. طفللله تعرفون شنو طفله .. هيج تعذبوها وتموتوها الله اكبر شهل ظلم هذا .. كلبكم اسود .. هيج عايفيها مثل الجلب لوحدها .. مهند روح شوفها لا تموت شتكول لربك . لكم طفله وغلطت هييي هيييج "
مهند "انت معللليييك انييي وزوجتي .. اكتلها اموتها .. محد يدخل .. "
مهيمن "واني ابن عمها واخوها هم .. لا عبالكم ما الها احد .. اني موجود بدل كل اهلها .. شوف مهند وحق الحق .. اذا ما رحت فتحت الباب وطلعتها بعد ما اعرفك ولا تعرفني .. لوما عيب اكسر الباب واطلعها .. بس ما اكدر واكول مرة اخوي وحرام "
هواي مصايح بس هذا الي سمعته والي فرزنه مخي .. لحضات صارت هدوء
غمضت عيني بقهر على حالي ..
سمعت الباب ينفتح وصوت المفتاح .. ما فتحت عيوني ولا اريد افتح واشوف احد
صار يمي بسرعه وهو يحجي
"شاااام شااام تسمعيني كووومي "
فتحت عيني .. باوعت بوجهه .. وبقيت ساكته .. هو شالني بسرعه واخذني للحمام

"اطلع "
"ما اطلع .. ولا تعاندين تصير موزينه وياج "
"اكثر من هيج "
"اي اكثر "
"ولييي منااا "
فتح عيونه على وسعهم ما خفت منه ولا هبته
راد يضربني بس تراجع وطلع سد الباب ورا
اني قفلته وكعدت جوه الدوش بل كاع وبملابسي والمي يجري عليه جان بااارد
صار يلجم جروحي .. بعد وقت طوييييل ذبيت الثوب ،، و خليت شامبو و غسلته
حرت شألبس وماكو ملابس والثوب مبلل .. جانت اكو منشفه جبيره معلكه .. اخذتها لفيت نفسي بيها صار اكتافي طالعه ورجليه كلهم ما اهتميت حتى لو يطلع بوجهي مهيمن عادي
طلعت ودخلت للغرفه شفت مهند كاعد على لجربايه وهنا تنضف بل غرفه
مهند من شافني هيج اجا عليه ولزمني من زندي حيل "شطللللعععج هييييج يعنييي ما اتووووبببييين لووو اييي شييي احذرررج منه تسوووي .. مو راح اطيح حظج "
هنا تباوع واني واكفه ما حجيت ولا كلمه
طلعت ملابس الي
"طلعوا اثنينكم يله "
مهند طلع بقت هنا
"شام اني........
"اشششش هنا لا اني ولا انتي .. اطلعي "
عافت الي بأيدها وطلعت لبست ملابسي .. ورجعت للجربايه.. ذبيت عدها الجراجف ونزلت بطانيه جديده
ولفيت نفسي ارجف وجعانه حيل
البرد والجوع والوجع كلها ملتمه عليه بعد ساعه دخلت هنا بيدها صينيه اكل
خلتها وطلعت .. دخل مهند بعدها بربع ساعه اني ما مديت ايدي صح جوعانه بس مابيه حيل
"ما تتزقنبين لو اله عزيمه "
ما رديت
"مو احاجيييج هيييووو كومي اكلي ما بيه حيل دلع "
كل هذا ويكلي دلع شتحاجي هيج بشر غمضت عيني
من الدوخه ورجعت نمت
اريد راسي يفك شكد نمت من البارحه ولليوم .. بس دوخه مسيطرة عليه
رجعت كعدت من الجوع الاكل بعده موجود اكلت وهو بارد
اتجهت للباب فتحته ونزلت جوه
عمو ومهيمن ومهند وهنا وعمتي كلهم ملتمين
عمو ما حجه داير وجه عني وعمتي هم
بس مهيمن ابتسم بوجهي
"تعالي شام اكعدي ليش باقيه لوحدج "
"لا ما اريد .. مهند انطيني تلفوني "
"ما انطي .."
"افففف انطينيا محتاجته "
"شسوين بي ؟"
"اريد اخابر خالو عمر "
باوعلي ورافع حاجبه
"ولييي من كدامي "
"مااااا اولللللييي انطييينيييياااا "
ردا يكوملي لزمه مهيمن
عمو "انتي ليش ما عندج تربيه شو صايره كلش .. لا تحترمين رجلج ولا عمج .. والبارحه رحتي هناك فرفحتي جدج . وهنا سويتي عركه .. شنو سالفتج .. وتغلطين وتجاوزين .. ترى ساكت لجل ابوج .. وله اطيح حظج .. شنو زباله شنو بيئه شنو ما نستحق .. على شنو شايفه نفسج علينا .. هااا "

سكتت عنه
التفتت لمهيمن "خابرلي على خالي .. خل يجيني "
مهند "اذا طلعتي رجلج تنكسر "
"اهوووووو كلها تهدد وكلها تلوم وكلها تغلط وترزل اني هم بشر ومليييت كااافي عاااد .. طللللكننني وخللل اولللي .. مو ما عندي تربي ولا اخلاق ومعذبتك .. وكلشي اسوي من راسي "
التفتت لهنا "مو تشوفوني خبيثه وما استحق معاملتكم ولا استحقكم.. مو كلشي ما يجي بعيني .. وانتو كبرتوني وانطيتوني اكثر من حجمي .. اذن هذا هو خلل اوليي وبعد ما تشوفون وجهي "قصص وروايات عراقية كرار صلاح
صاح بيه عمو "انتي منين تجيبين هل حجي ولج .. منو حاجي وياج شو مخليج على راسنا .. مأذينج بشي "
رديت "لا عمو لا انت ولا عمتي مأذيني .. بس هذا حجي مهند وهنا .. صارلهم يومين يعيرون بيه وسوني كلش .. علمود سالفه صارت ومو بقصد مني .. وابنك يضرب بيه وموتني .. ومحد دافع عني او حماني حتى انت
انت مو تكول اني ابوج .. لو هنا بمكاني وهيج يصير بيها تقبل .. هاا تبقى ساكت .. لو انتي يا عمتي .. تقبليها على وحده من بناتج الي صارلي .. محد بيكم دافع عني .. كلها صارت ضدي لان حجيت وبجيت على اهلي .. اني لو ما متأذيه ما احجي الحجي الي كلته .. يعني الي ينجوي بل نار ما يكول اخخخ .. لازم اسكت واضم بكلبي
.. المهم .الحجي كله مو وقته ولا اريد منكم شي .. بس خابرولي على خالي ياخذني .. هم تعبت اني بشر .. لو تردوني ابقى واني انضربت وانهانيت ومحد بيكم فزع وكال شبيها لا تموت لا يصير بيها شي. محد سال عني
كل الي همكم لان كلت زباله .. وانتو ما تعرفون ليش وعليمن .. الي حجيته عن اهلي الي ما يسالون عني ولا يخابرون ولا يردوني عافوني هنا وراحوا عاشوا حياتهم لو امي الي. نستني .. محد يمكم ولا حجيت عليكم حجيت على اهلي لو تردون تلزمون بلعومي وتمنعوني .. خلللص. خل اطلللع فدوه مهيمن خابر على خالو "
عمو ما حجه بس يباوع لهنا و لمهند .. الحجي كله موصله الهم جدو ما اعرف شلون فهموا الموضوع
صح حجيت عليهم بس كل قصدي جان على اهلي وهنا ومهند .. وصحت بوجه مياسين جنت فاقده وخربطت بل حجي ما اعرف الحق وياي لو عليه .. صرت انطي اعذار الروحي بعدين رجع اشتغل هرمووون الطزززز ورجعت لغرفتي

شغلت تلفزيون .. بس عيوني مورمه واذوني من البجي طفيته وبقيت افتر بل غرفه مللل وضوجه
رحت طلعت الملازم وكعدت اقرا شويه .. انوب تذكرت يكلي ما اخليج اداومين سديته وكمت افكر بس لا صدك يسويها
اخذت ملابس ودخلت اسبح .. طلعت من الحمام مشطت لان الصبح ما مشطت
صار ياذيني من الهلس مال مهند المجلوب
بعدين صفنت وي نفسي هما صح كلامهم لساني زفر حييييل وهواي تجاوزت "اووووي طززز طززز"

نزلت جوه بعدهم متجمعين .. وكفت بل بابا صارت كبالي هنا ومهيمن البقيه ما انتبهوا الي اشرت لمهيمن
ورحت للمطبخ
دخل "ها شام .. كولي "
"خابرت خالي "
"ابوي ما قبل .. وترى طيح حظ هنا ومهند والله اكعدي واسكتي وانتي هم الغلط راكبج لا تسوينها زعله جبيره وكلها تعرف اكعدي واسكتي "
"لا والله شنو اكعد .. انضرب وانهان وابقى هنا لا عيني ما حزرت .. خابرلي يله "
"عمي الله يساعد مهند على هل لسان والعناد .."
"ديله عاد هسه هو شلونه .. جيب موبايلك "
اني حافظته لان قبل لا تسافر ماما وصتهم بيه .. فحفظته لان ادري بنفسي يجي يوم ما اسلم على نفسي بي
رن "الووو منو "
"الووو خالو شلونك اني شام "
"أهلًا شام خالي شلونج .. لا تخابرين لا تسالين هيج نسيتينا من ازوجتي وسفه عليج .. ربيتج على ايدي هيج تنسيني "
"تعذرني خالو بس ما اكدر مشغوله ودوام .. المهم باجر تكدر تجي عليه "
"ليش شصاير وياج "
"تعاركت اني ومهند تعال اخذني فدوه "
"ان شاء الله حضري روحج اني يمج من الصبح "
مهيمن مجتف ادي ويباوعلي "هاا ست شام اله تسويها جبيره ما تكعدين "
"لا ما اكعد وهي بل اصل جبيره "
عفته وصعدت الم غراضي .. خليتهم بجنطه زغيره و دخلتهم للكنتور
رحت انام لان وراي كعده الصبح .. كعدت الفجر مهند نايم اني كمت اسبح واصلي وانتضر خالو
صارت ٦ وهو ماكو نزلت اتريك ما اشتهيت سويت كهوه.. واكو بقلاوة كعدت اكل واشرب بيها
شو لعبت نفسي بزيادة صعدت للغرفه بعد ما ايست من خالو
مهند ما كعد لان اليوم سبت
دورت بل كنتور على تلفوني .. ماكو
سمعت صارت حركه جوه يعني كعدوا
١١ الصبح سمعت الباب يندك نزلت ركض
فتحته .. وصدك جان خالو ويا رضا وجدو
رحت لخالو شبكته بكل قوتي جني شفت امي واهلي اشتاقيت ل ايامي بل موصل وحياتي القديمه
جدو دخل يخزر بيه نوب عمو من شافه هم
كعدت بل استقبال يمهم و عمتي دكت الباب علمود الجاي والماي .. اخذته منها وكعدت اقدمه
مهند نزل عيونه بكصته سلم على خالو ويخزر بيه
احسهم يردون ياكلوني
خالو ما حجه وياهم ولا سالهم التفت الي "يله خالو كومي نروح "
عمو "وين يابه .. ما تطلع منا "
جدو "شني يابه جاي تاخذ بتنا وتروح .. وهنا بيوت عمامها تارسه بغداد " قصص وروايات عراقية كرار صلاح
خالو "اني ما اعرف شنو السالفه ولا اريد اعرف بس اختي امنتني على بنتها وخابرتني البنيه تبجي ومضروبه ومهضومه .. اني اخذها وياي ترتاح كم يوم
واجيبها بيدي انتو اتفاهموا بيناتكم .. واذا ما قبلت يجون اهلها يتفاهمون وياكم وان شاء الله ماكو شي واحنا اهل
هي هم بنت اختي واعتقد الي حق بيها اخذها يم اخياتها ترتاح كم يوم اعتبروها زياره لبيت جدها .. لا تعتبروها طلعت زعلانه "
مهند "ماااا تنطططلللع "
عمو سكته وكال "كومي بابا روحي وي خالج يومين وترجعين "
كمت صعدت فوك وهنا جانت واكفه هي وعمتي تسمع الحجي حسيتهم ضاجوا بس ما اهتميت اريد اطلع منا بروحي العزيزه
طلعت الجنطه و طلعت ملابس الطلعه لحتى البس .. دخل مهند وركع الباب تقدم عليه
"اطلعين وسويتيها عناد ماشي يا شام اني اعلمج .. "
سكتت عنه وردت اروح للحمام .. لزم ايدي "وين "
"ابدل يعني وين "
"تؤ تؤ تؤ ما حزرتي ما اطلعين قبل ما اخذ حقي الشرعي "
"دروح حقه هو وخر يله خل اوليي عساني لا رديت "
لزم ايدي قوي وسحبني على الجربايه
ادفع بي واحجي ويا بس هو مو يمه
اخذ الي يريده وطلع .. كمت بسرعه حتى ما سبحت بس اريد اطلع .. لبست ونزلت جوه
باوعلي عمو لان نزلت حالتي مخربطه واريد ابجي .. بس ما نزلت دموعي ابد حجيت بغصه
"يله خالو كملت خل نروح "

عمو "لا ابقى على الغده يله تروح "
شام "لا عمو اريد اروح .. يله خالو "
ردت اطلع منا باسرع وقت ممكن تعبت من وجودي هنا

كام خالو وجدو و عمو ومهيمن ومهند ورضا كلهم اجو يوصلون خالو للسياره
هما طلعوا واني بعدهم عمتي طلعت وراي للطرمه هي وهنا ما التفتت الهم ولا باوعت جانت نار تسعر بيه ما اريد احد بس اريد اطلع منا

عفتهم وطلعت كلهم واكفين يم خالو ومنتضريني
صعدت كبل ما سلمت عليهم حسيت عمو ضاج بس ما حجه


يتبع .................

قصه جريئة لفتاة تتعرض للتحرش و.............


#بــــــارت 23


..................................................................



**************************

- ‏لم أطلب يدًا تمسح دموع الفزع ولم أُوقظ أحدًا ليعانقني كي أهدأ ، علام يجب أن أكون ممنونًا ؟ لقد عشت أسوأ اللحظات بمفردي .

***********************

قبل لا تطلع السياره مهند انطه تلفوني لخالو "عود خابرونا من توصلون "
الطريق كله خالو يسال شبيج وشصاير واني ساكته وما احجي عاد هو هم سكت
نزلنا يم مطعم لحتى نتغده لان طريق طويل .. خالو اكل بس اني بقيت انقش وما اشتهي من الي صارلي
دخلنا للبصرة.. جانت اول مره اشوفها .. تخبل النخل البساتين الاماكن الراقيه كلش حلوه فتنا من الكورنيش وخالو يكلي اخذج لهنا باجر ونونسج
اني بس صافنه على الاماكن جانت حلوووه تخبل تمنيت افتر بيها هواي وابقى هنا
وكفت السياره كدام بيت جبيره وحلو قاطين والمنطقة كل بيوتها راقيه وضاويه
بقيت صافنه "خالو هذا بيتكم "
"ايي بيتنا "
"حلو صلوات "
دخلت للبيت تلكوني بناتهم .. جان هذا خالي عمر وخال ثاني اسمه عثمان هما سنه بس عادي يزورون المراقد وكذا
جان خالو عثمان الصغير مهندس معماري ،، وخالو عمر يشتغل بل ملابس النسائية جان هناك عنده محل ملابس
بس من اجو لهنا الي سمعته اشترى محل اكبر ووسعه صار راقي وكله الاغراض والملابس من اللمانيا وتركيا
عمر عنده ٤ بنات وولد واحد صغير وعثمان عنده ولدين وبنت
بنات عمر كبار ثنين مزوجات وثنين طالبات .. جانن كلهن ملتمات و سلمن عليه واخذني بل احضان اشتاقيتلهم وللمه مال قبل جنت عايشه وياهم احلى ما يكون
سلمت على نسوان خوالي وهما يسالوني شبيج ووجهج شبي جان وجهي مورم من الضرب والبجي وتعبانه حتى استحيت من اسالتهم
ما حجيت بس كلتلهم مهند ضربني كلها شهكت ويحجون عليه وعلى همجيته .. خالو ما قبل واشرلهم يسكتون
"بابا الاء اخذي شام خل ترتاح تعبانه من الطريق "
اخذتني لفوك دخلت لغرفتهم حلوه حيل وراقيه مرتبه .. هما بل موصل ما جانوا هيج هنا مطورين وصاير براسهم حظ
قبل حتى البيت صغير "اريد اسبح "
اخذتني للحمام دخلت سبحت وطلعت يمهن سوو عشى والبنات ازواجهن يردون يجون عليهم

كل وحده تحضر بجهالها وبنفسها والاكل
دخلوا للاستقبال هما يصيرون ولد عمهن اني متعوده عليهم وعندي ميانه وياهم دخلت سلمت وكعدت يمهم
بس انحرجت بسؤالهم عن حالي وورم وجهي .. سكتت وهما هم سكتوا .. التمينا على الاكل .. الاجواء هنا تختلف حيل واطباعهم مو مثلنا .. منفتحين زياده عن اللزوم
عفتهم ورحت
اني رحت لفوك انام .. طلعت فوني من الجنطه .. مهند وعمو متصلين عليه
رن بيدي مهيمن رديت عليه
اول ما كلت الو طلعلي مهند "ليش ما تردين اني مو كلت خابري علي من توصلين "
"نسيتك "
بقى يصيح ويغلط هاي القوانه الي ما تخلص من كمل سديته ونمت قصص وروايات عراقية كرار صلاح
كعدت ثاني يوم وبقوا بس الي ما مزوجات مسره و ميس
بقيت وياهم اليوم كله البليل
اجا خالو طلعنا للكورنيش وتعشينا بره ورجعنا كلش تونست وياهم .. بقيت تلث ايام ومهند يخابر يريد يجي وما اخلي
اخير شي انطيته لخالو حاجا وسكته
ثالث يوم اجا خالو عثمان من عمان جان هناك عنده شغل لان هو و ابن عمه الي سمعت بيهم بيت شيوخ وزناكيل كلش عنده شركه مال هندسه ف خالو وياهم مشتري اسهم وشاركهم
هذا خالي من صدك عزيز عندي رحت اله شبكته وصرت ابجي حتى هو يبجي على بجيي
وبيبي تحجي عليه لان خلصتها بس ابجي
خلصت يمهم شهر كامل ومهند هناك ظل يزاكط ويحجي عليه لان طولت هنا
بس اني وضعي كلش مو زين وبس انام وما اشتهي
مرت خالو كالت خاف حامل
ما اهتميت الكلامها صار شكد ويا وشكد تقريبلي ببدايه الزواج ما صار حمل هسه يصير لا اكيد
كعدت من الصبح تعبانه واتقيء للضهر ما قبلت تبقى كالت كومي اخذج راح تموتين
اجرت تكسي واخذتني .. رحنا للمختبر حللت وصدك طلع حمل صرت ابجي بقوه "خاللله فدوووه ما اريده .. عليج الله ساعديني "
"يااا شنو ما تردي هذا نعمة ربج ناس تتحسر على الطفل وانتي ما تردي .. هو هذا حجي "
"ما اريده فدوه .. انزله والله ما اريده "
ضلت تحجي عليه وتكلي الله ما يقبل وهواي حجت
.. طلعنا من المختبر للدكتورة.. كالت الحمل ضعيف ولازم ما تتحرك وتنام على ضهرها .. وهواي حجت دوخت راسي واني اتمنى يموت ولا يطلع من بطني.. نتمشى على الشارع خابرت

ميس على امها هي بل معهد تدرس لان السنه سادس
خالتي كالت ناخذ تكسي ونرجع
بعدنا واكفين على الشارع .. فاتت من يمنا سياره عاليه .. رجعت علينا ونزلت الجامه
واحد لابس زي عربي عكال ودشداشه ومناظر شمسيه
نزعهم اباوعله شكد حلو وهيبه .. عمره مبين بنصف الثلاثين .. يسطر سط لو العطر الي اول ما فتح الجامه وصل الي

سلم على خالتي اني ما حجيت اصر يوصلنا .. عاد كلتله على ميس لحتى نمر عليها
عمه صعدت كدام واني ورا صافنه على الشارع وافكر بحياتي وحياة الطفل .. حتى الجامعة انحرمت منها هسه بدت الامتحانات النهائيه
اجت ميس تضحك سلمت على الرجال "شلونك شيخ "
"هلا هلا بويه شلونج ميوسه "
صعدت للسياره وخالتي راحت تجيب من المكتبه غراض وصتها عليها بنتها
ندستني ميس "هااا ولج شنو النتيجة "
سكتت
"حامل مو ؟
خليت ايدي على وجهي وصرت ابجي هي تفاجات وصارت تهدي بيه "شام اذا ما تردي ذبي.. ابو حقير لا ترجعين "
صارت تحجي وياي "ايي ما اريده وانزله بس كولي ل امج تساعدني ما تقبل "
الرجال يباوع علينا بس ما حجه
لحد ما صعدت خالتي شافتني ابجي صارت تحجي عليه ونوب حولت على الشيخ وتحجيله قصة حياتي
وهو كل شوي يباوع من الجامه علينا
وصلنا للبيت .. نزلت واباوع مهند واكف يم سيارته ويباوعلي بخزره .. الشيخ نزل سلم عليه وعرفه بحاله .. عرفت من خلال كلامه يصير ابن عم ميس
دخل لجوه صعدت فوك اجت رسالة على تلفوني .. جيبي غراضج وتعالي .. عشر دقايق الكاج يمي ..
ميس لمتهم ونزلت وراي .. وكفت بباب الاستقبال .. وهو يحجي وي الرجال ويباوعلي رافع حاجبه
كام لحيله ما قبلوا يطلع بس هو اصر وخصوصا خوالي مو موجودين اخذني وطلع
اول ما مشت السياره صار يغلط ويصيح ويرزل واني ساكته اصلا بالي مو يمه .. كل بالي بل حمل الي تورطت بي
صار يحجي ويغلط ويكلي شلون تصعدين وي رجال غريب حسسني صاعده ويا لوحدي .. نوب ليش ما تخابرين نوب ليش ما ترجعين نوب ليش متجاهلتني
اخر شي من شافني ساكته ضربني واحنا بل شارع .. حتى جانت اكو سيارات يمنه واكفين وازدحام .. خجلت وفشلت تمنيت الكاع تنشك وتبلعني .. وهو مستمر يغلط ويعيط
اني ما حجيت ولا كلمه اصلا لعبانه نفسي ودايخه . صار المغرب واحنا بل طريق بعدنا
وصلنا ساعه ١٢ ونص للبيت على كد ما سريع .. يريد بس يوصل ويتحلف يكتلني .. ما تعب ولا مل
نزلت من السياره دخلت للحديقه صرت اتقيء وابجي .. طلعت روحي هو دخل السياره.. غسلت بل بوري ودخلت للبيت تلكتني هنا وعمتي سلمت عليهم
وفتت للصاله.. رحت لعمو بست راسه وايده وعفتهم رحت لغرفتي حسيت نفسي راح اموت تعب ولعبان نفس
ودوخه وهذا يفتر عليه جنه الشمر .. دخل للغرفه شمر السويج واجا عليه
اني من طلعت وياهم لابسه بنطرون وبدي وما بدلت ولا هسه بدلت

دنك عليه صار وجه بوجهي .. واني من الدوخه انحولت وهذا بطران ..
"مهند وخر منا تعبانه عود من شوي ارتاح اكتلني اخذ حقك الشرعي على كولتك شسوي سوي بس هسه اريد انام "
"شنو تستهزئين حضرت جنابج "
سكتت ودرت وجهي عافني وراح بعدها بساعه هم دخل
وصار يتقرب مني واني اصلا ما بيه ادفعه او اؤخر نفسي هو من شافني هيج عباله اتحدا لو اريد اغيضه
صار يوجعني وياذيني بس سكتت لحد ما ابتعد مني
الوجع يزيد ما ينقص صرت ابجي بوجع وهو يمي ولا تحرك ولا كال شبيج وليش تبجين
حسيت اكو شي حار ينزل عليه
كمت للحمام وابجي ويا روحي خفت كلش
بقيت واكفه وحايره شحجي
بقى شوي وانكطع الدم كيفت بس الوجع يروح ويجي
رحت للغرفه بدلت ونمت
غطيت بنوم عميق ما حسيت بحالي
غير الصبح دخلت سبحت ونزلت يم عمتي اساعدها بل بيت كنت متردده اكللهم على الحمل ما اعرف ليش
هي اصلا مو نفس قبل وياي صارت ما تحاجيني ولا تنصحني تتجنبني هواي
وهنا احسها تريد تحاجيني بس متردده واني هم بس تدناني يمكن املخها على كلامها وياي
هل مره عمه ما منعتني اشتغل عود تعاقبني
سويت البيت كله ل ٣ الضهر يله كملت
دخل مهيمن ما شفته البارحه ابتسملي سلمت عليه وكعدت اسولف ويا واحجيله عن البصرة والمناطق الي بيها
مهند دخل وهو يباوعلي صفح
كلت بكلبي لا هلا بيك كمت من شفته موجود
من طلعت تلاكيت وي عمو سلمت علي ورحت ويا عمتي احضر الاكل
تجمعنا وكلها ساكته
عمو "اليوم جدكم كال تعالو تعشوا ببيتي وعزم عمامكم اليوم نتجمع هناك "
كلها كيفت على اللمه وكذا
اني ما حجيت
عمو "وانتي شام بابا شو ما تحجين من اجيتي ولسا ووجهج اصفر "
"ما بيه شي بس تعبانه "
صاروا ياكلون جان الاكل دجاج
اول لكمه اكلتها لعبة نفسي رحت اركض للحمام
ذبيتها وصعدت فوك ما رجعت
صعد مهند وراي يسال شبيه ما جاوبت خليت راسي على المخده ونمت للمغرب هنا كعدتني
"شام يله كومي جدي يكول كلها تجي "
كمت اتثاوب
"هنا ما بيه حيل تعبانه كلش "
"شبيج انتي ما عاجبتني وجهج اصفر وضعفانه "
"من وراكم "قصص وروايات عراقية كرار صلاح
سكتت وطلعت كلهم راحوا هناك واني ومهند بل بيت بقينا

اني ما نزلت جوه عفته لوحده يباوع تلفزيون
صعد فوك "يله لبسي وخل نروح "
"تعبانه ما بيه "
"شنو تعبانه قابل راح يكربون عليج كومي يله عيب من جدج روحي بوسي واعتذري منه "
"بعدين ما اروح هسه "
اتقرب عليه
لزم اكتافي ثنينهم "ليش تعاندين "
"استغفر الله اكله تعبانه يكلي عنااااد "
"لا تعلللللييين صوووتتتج بوووجهي "
دفعني بعصبيه وطلع وكعت بل كاع صرت ابجي من الوجع
كمت على الجربايه كعدت واحجي وي شجن
رسايل حسيت النزيف رجع
كمت ارجف من الوجع
فرفحت روحي واني كاعده
صارت ساعه ٨ ما تحملت خابرت على مهند
رد بنتر "هااا شتردين "
رديت واني ابجي من الوجع "مهند الحكلي دانزف "
ماكو دقايق وصار يمي هو شاف الجربايه مليانه دم واني اتلوا من الوجع تخبل اجا يركض شاني ونزل بيه جوه
عمتي اجت وياي وهنا خلت شال على راسي واخذوني صرت اون من الوجع ودخت كلش
عمو ومهيمن ورانا اجو
دخلوني للمستشفى كبل خدروني وبعد ما حسيت بشي
مهند :
من كالوا شام حامل انصدمت .. ما متوقع ابد .. تأذيت عليها حيل صار يومين موتتها من القهر
اطب واطلع اعيط عليها وارزلها لحد ما طرحت .. بسببي وكع الطفل .. بقيت برى انتضر يطلعوها
طلعت الدكتوره .. طلعوها دخلوها للردها وهي بعدها ما صاحية

بقت هواي هيج واني مكابله واكل بروحي على سوايتي بيها شكد بجيتها وضربتها .. لو من تكلي تعبانه ما ادير بال عبالي تجذب .. الله عماني عنها وعن مرضها كلها تكللها صايره صفره وتعبانه اله اني زدت بعذابها .. ضميري يأنبني.. كسرت كلبي مبنجه ووجها صاير اصفر تعبان كلش انقهرت عليها واكول بداخلي كل الي يصير وياها بسببي نوب اني الما راضي واضرب بيها واهينها

____________________

شام :
كعدت من البنج عطشانة وموجوعه .. اسمع صوت قران يمي يرتل بس عيوني ثكال ما ينفتحون
بقيت احاول الى ان فتحتهم .. شفت مهند كاعد يقرا قران ولازم تلفونه .. صرت اون من غير كلام وحلكي يابس
هو اول ما سمع صوتي كاملي باس كصتي "الحمد لله على سلامتج حبيبتي .. شلون صرتي شتحسين موجوعه "
"ماي "
ساعدني اشرب بل ماي و بديت اوعى على حالي ..
"مات مو "
باوعلي باستغراب "جنتي تعرفين "

رديت "ايي بيوم الي اخذتني من بيت خالو جنت بل مختبر "
رد "لعد ليش ما حجيتي "
رديت "هو انت انطيت مجال واحد يحجي اخذتني سحل وجبتني هنا طيحت حظي من اجيت ولسا .. ما انطيت نفس "
سكت عني وراح
دخل مره ثانيه
"مهند طلعني منا "
"هسه خل الدكتوره تجيك حالج واطلعج "
عمتي دخلت للغرفه هي وعمو ومهيمن
عمتي "عمت عيني يا يمه هيج طرحتي جا رحتي من ادينا .. كله من وراي خليتج تشتغلين سوده عليه "
صارت تحجي يمي وتبوس براسي
عمو ومهيمن تحمدولي بل سلامه ويكولون اهم شي سلامتج
طلعت للبيت مهند اخذني لفوك شايلني
"صيحلي هنا "
"ليش شتردين كولي "
"اريد اسبح متت "
"اني اساعدج "
"مااا ما اريدك صيح هنا "
"مو على كيفج "
راح طلع ملابس ومنشفه وشالني للحمام
"مهند ما بيه حيل اصرخ واحجي صيح هنا واطلع "
ما حجه كلمه ساعدني كلش خجلت منه
بس هو يحاول ما يحسسني
كمل راد يلبسني جزيتهم منه "اني البس اطلع "
ما حجه طلع برى لبست وردت اطلع بس حيلي مهدود
صحت عليه اجا طلعني

خلاني بجربايتي ونزل
رجع للغرفه بيده اكل .."ما اشتهي لا تحاول "
"شام مو زين عليج كومي اكلي .. يله حبيبتي "
انجبرت اكل شويه وانطاني علاجي ونمت

مهند يمي كل شوي يتفقد حالتي
اني مدري شجاني اون اريد اهداء صرت ارجف وبردانه

لحد ما نمت .. كعدني الصبح مهند .. يريدني اتريك وياهم ما قبلت .. عاد جاب الريوك ليمي وصار يلح لحتى اكل

خلص النهار وهو يمي بل غرفه يسال ويداريني
لو يكعد يقرا شويه
"مهند "
"ها حبيبتي محتاجه شي "
"دفعتي امتحنوا "
"اعرف .. اني ادبر السالفه بس كومي لحيلج تمتحنين بعون الله "
صار اليل واجت بيبي عليه ونسوان عمي حتى جدو اجا
نزلت لجوه مهند راد يشيلني بس ما قبلت كلتله استحي منهم
سلمت على بيبي وكعدت يمها
بعدها دخل جدو كمت عليه بست ايده واعتذرت على ذاك اليوم هو هم ما حجه شي بقينا ملتمين كلنا وعمو كل شوي يسالني شتحسين وشلون صرتي .. ومهند هم
لمن طلعوا اجت هنا كعدت يمي .. "شلون صرتي "
"احسن "..
"كله بسببي "
"وانتي شعليج "
"اني صرت احجي عليج يم مهند وصار عصبي كلش "
"هممممم يعني انتي قريتي براسه صح "
"لا مو هيج بس والله بيوم الي تاخرتي ضل بالي يمج كلش خفت .. نوب من اجيتي متجاهلتني وما رديتي عليه واني اسال بيج .. ضوجني تصرفج صرت احجي عليج يم مهند .. انوب ثاني يوم انتي هم ما سالتي شبيه وليش ضايجه تعاركت وياج و لمن سمعت بيج هيج حاجيه وي جدو وبيبي وتكولين زباله صدك كرهتج وكلت تستحقين هيج حجيت وياج لمن اجا مهند امي سولفتله مو اني نوب جدو هم حاجا هو صار عصبي وكتلج .. ونبي ونبي فد انقهرت من اسمعج تبجين وتصرخين صرت اضرب على وجهي ومقهوره عليج .. بس هو جان عصبي كلش وخفت منه ..

وابوي من سمع هم ما قبل على سوايته بيج بس شيسوي وانتي الغلط كله بيج "

ما رديت عليها عفتها وصعدت انام
غفيت .. وين يله دخل مهند نزع ملابسه واجا نام بصفي
باس راسي واخذني لحضنه
"شلون صرتي "
"زينه "
"شام انتي ليش هيج صايره فد مره ما تحترمين وتتجاوزين وما يهمج احد ،. ها فهميني .. يعني هسه منو تاذه غيرج انتي منو توجع غيرج .. وكله من تحت ايدج .. انتي تجبريني هيج اتصرف وياج .. ولو انتي كلشي ما يفيد وياج لو شسوي ما ينفع "
"كافي شكد تحب تلوم بيه وتذب السبب كله براسي .. عبالك انت نبي .. شو الله ما يجرعك .. كل ما اسوي شي لو احجي تضل تزاكط " قصص وروايات عراقية كرار صلاح
"هههههههههههههههههههههههههههههههههههههههههههههههههههههههههههههههههههههههههع "
"يااا شبيك شهرتنا عزااا كااافي مهند اسكت "
"هههههههههههه ولج انتي كارثه .. شلون بيج فهميني .. شوفي لسانج شوفي هاي عود انتي مريضه وما تلزمين لسانج .. شسويلج بعد مدكليلي "
"استغفر الله واني شحجيت قابل "
"تكليلي ازاكط وكلشي ما حجيتي .. يعني اني مطي .. تردين لو ما مريضه جان طيحت حظج "
"هههههههههههههههه يااا عليمن اطيح حظي ترى جان قصدي شريف بس انت كلشي تاخذه بغير صوره .. يعني بس المطي يزاكط "
"وسم نوب بعدها سددددي حلكج سدددي .. على يوم ارتكب جريمه من ورا جفصاتج .."
"يله سكتت سكتت .. بس اكلك شلون بيه "
"خير شكو "
"الدوام .."
"اني انسقلج .. وتمتحنين لا تشيلين هم عندي هواي معارف "
"مهند انت ليش تكتل بيه بدون سبب "
"احسن .. غير متعافي شسوي يعني "
"صدقت ورب الكعبه .."
"شلون ليوم اني .. اسكتي بابا ما تعرفين تسكتين .. لسانج متر اطلعي عليه خل اليله تمر بهدوء بدون مشاكل "
"تمر و لبن "
"هههههه شكد تافهه "
"لعد ليش تضحك .. اذا اني تافهه "
"شام ما ناويه تنامين "
"لااا شبعانه نوم "
"اممم اني راح انام "
هو نام ومخليني بحضنه
صرت اباوع على ملامحه وهدوء نومته .. شكد حلو وهو ساكت وهادئ .. صرت اتلمس بوجه والعب بشواربه
ما احس اله عض ايدي .. كمزت "ياااا شبيك تخبلت دوووخررر وجعتني "
صار يسد بحلكي "ولج اسكتي مكروصه لخاطر الرسول شبيج بس اسويلج بز تنهدين عليه .."
"دروح فوك ما عضيتني ..
صرت اباوع ل ايدي "شوف شسويت بيها شبيك مدكلي .. هسه هنه شوارب "
"انجبي لج .. وبعدين محد كالج زعجيني .. الي يدك الباب يلكه جواب "
"يا باب لخاطر الله يا باب .."
"شو دتعاي بما انو انتي اليوم تتحارشبن بيه "
قرب وجه عليه وصار يبوس بخدي وجهي
"اووو مهند شبيك وخر .. استغفر الله الي يفتهم ما يتورط وياك ،. وبعدين بعدني زعلانه عوفني "
رفع راسه "منين زعلانه ولج "
"منك غير "
"لعد تعالي اراضيج "
"ما وخر خل انام "
"والله مشتاقلج "
"احححح غير احاول اصدك "
"ههههه ليش ولج شوكت مجذب عليج اني "
"دومك جذاب .. لو صدك مشتاقلي ما تجيبني سحل من البصره وتكابلني وتتعارك لحد ما خليني طرحت "
"كافي شام والله ضايج ومقهور واحاول .. اكفر عن ذنبي صح اذيتج و ضربتج بس لا تخلين السبب كله بيه انتي هم لسانج طويل وياي وما تسكتين وطلعت عن طوري .. كافي خلينا ننسى ونبدي صفحه جديده "
"ما اريد صفحه جديده هيج عاجبتني حياتي .. انت ما وراك بس طيحان الحظ " ردت اكوم
"تعالي ولج لا اطيح حضج من صدك .. ولج اكلج متندم والله.. كافي خلينا نعيش حياتنا من جديد ونعوض كل الايام الي مرت علينا .. انطيني فرصه وانطي النفسج فرصه والله اخليج تحبيني .. شلون تردين اعاملج زين وانتي اصلا حتى ما تحاولين تتقبلين فكرة وجودي يمج وكارهتني .. واني كل هذا واحبج وابقى احبج .. شام حاولي وياي ما تندمين والله.. شنو تردي يصير واسويج ملكه بس امشي عدل وياي "
تنهدت "مهند شسوي اكثر من هيج والله احاول .. وصار اكثر من مره اكلك اني ما اكرهك والله بس انت هم ما تنطي مجال تريد حار بحار .. اني هم اريد اعيش مرتاحه مو بس انت .. حياتي مخربطه واتمنى اعدلها .. وجاي احاول قدر المستطاع وياك .. بس انت سويت هل حاجز بينا .. بديت اتقبلك واتقبل وجودك .. بس بعد الصار صرت اخاف منك ومن قربك .. تعاملني بعصبيه ما تتفاهم من اسوي غلط كبل تضرب وتعاقبني "
"هششششش كافي شام خل يولي الحجي .. اريد ارتاح خلينا ننسى كل شي صار ونبدي من جديد .. بما انو انتي تكولين ما اكرهك .. شتحسين تجاهي "
"اممممممم ما ادري .. بس ما اكرهك "

"زين ما تحبيني .."
سكتت عنه
اخذني لحضنه ونام اني هم نمت

كعدت ثاني يوم على صوت جوه هوسه وبجي وحجي ما عرفت شنو السالفه .. كومت مهند
"مهند انزل شوف شكو .. شو صوت هوسه جوه روح شوف "

كام يلبس بملابسه بسرعه ونزل جوه
اني رجليه ما تحملني مدري شبيهم من طرحت ولسا احس بخدر وتشنج بيهم


يتبع............

قصه جريئة لفتاة تتعرض للتحرش و.............



-

#بارت 24


................................................................

قـــرائــــه مــمــتــعــه

************************

‎روحـي مَثقوبه يتناثـر منها الصبر والكلام ، ولا شيء يدعوها للاستمرار .
************************‎

رجليه خدرانات وما يحملني وبس امشي شويه افحط ما اعرف ليش
بقيت شوي الصوت صار اعلى .. كلبي انمعط جن واحد محروكه روحه ويصرخ باعلى صوت
كمت ابجي على نفسي وعلى خوفي .. "ممممهـهـنددد ويينك تعاااال مهنددد "
ماكو احد صعد او سمعني عنت نفسي وامشي لبست ملابس وحجاب واني الهث وفحطانه منين ما ادري
رحت للحمام اغسل بلكي اصحصح وتروح الخنكه من صدري .. نزلت الجوه البيت فارغ وصوت البجي ببيت جدي
رحت باتجاه الباب طلعت برى واشوف الدنيا مكلوبه بل باب وجوه خفت وصرت ارجف
دخلت للبيت بخوف واباوع كلمن ماخذ زاويه ويبجي
دخلت واني خايف اسال شصاير
باوعت الغرفة جدو ملتمين بيها .. رحت بسرعه دخلت شفت منضر فلا انسى بعمري
بيبي متمدده وجدو وعمامي كاعدين حواليها .. جانت ساعه ٥ الفجر بيبي مغطين حتى وجها ويبجون وعمو ابو مهند كاعد يمها مدري شيحجي يم اذنها
تخبلت من المنضر الي شفته البارحه يمي وتضحك وتشاقيني دموعي صاروا ينزلون مثل الشلال وبدون صوت
رحت عليها واني ارجف بعدت الغطى من عليها اباوعلها كانو نايمه صرت اتلمس بوجها الحنين ودموعي توكع على وجها
شبكت راسها وصرت اصرخ "ولج بيبييي حتى انتي عفتيني لا بيبي لا تعوفيني فدوه والله احبج بيبي عليج الله رجعي شبسرعه فاركتينا البارحه انتي ويانا وتضحكين بيبي مو تردين تشوفين جهالنا وينج شبسرعه رحتي قبل لا تشوفيهم فدوه بيبي كعدي انتي مو تكولين اني بمكان امج زين شلون طاوعج كلبج تعوفين بنتج هاا شلون كليلي .. سوده عليه يا بيبي سوده بوجهي عليج .. هيج رحتي واني مزعلتج ومخشنه خاطرج سوده بوجهي كون .. بيبي فدوه اروحلج بس كومي بس كوووومييي علللليييج الله كومي لا تعوفيني والله ما شبعت منج ولا من حنانج.. بيبي انتي الي تردين علي الوحشه بغياب اهلي منو الي بعدج فدوووه كووومي "

احجي بصريخ وشهكه فرفحت روحي عليها ...

كان موت بيبي مثل الصاعقه ينزل عليه .. صح مره كبيرة بس جانت بحيلها وبقوتها .. كانت حنينه علينا كلنا .. جانت اذا دمعه نزلت من عند اي وحده دموعها تسبقنه مستحيل اشوف وحده بحنيتها وطيبة كلبها .. حجايتها دافيه والبيت ضاوي بوجودها بيناتنا .. حياتنا حلوه وطيبه بكلامها الي مثل البلسم .. اااه يا صوتها من تسبح لو من تدعي الله يحفظنا الها ويديم الجمعه .. لو عطرها الطيب .. الي من اشمه احس بل امان والراحة .. جدتي حنينه علينا لا والله مو بس علينا على الكل وحساسه بشكل مو طبيعي .. جانت من تنطق اسمنا احس كلبها يرفرف .. لو من تتلكانا بكلامها وطيبتها اووووه لو احجي منا للصبح ما اوفيها حقها ..

شابكتها واشم بريحتها الي هاي اخر مره راح اشمها بيها صرت ابجي واصرخ بحركه .. عمامي وجدي صاروا يبجون على كلامي وياها ومهند يحاول يبعدني عنها
فقدت الوعي من الهبطه والقهر كعدت والماي بوجهي وهما حواليه وباعديني عنها قصص وروايات عراقية كرار صلاح
صرت ابجي واملخ بنفسي .. دخلت عمتي ام احمد توها درت الضاهر صارت تبجي وثوبها مشكوك من الطول للطول وبعدها هديل وبناتها دخلوا يبجون بحيث انكلب البيت بصريخهم وبجيهم
اني ردت ارجع ادخل للغرفه مال بيبي مهند منعني وما قبل وواكف بباب الغرفه يدفع بيه واني ابجي واملخ بنفسي
اخر شي اجا عليه شبكني وضمني الصدره لحتى يمنعني صرت ابجي وهو يبجي
شفتهم يطلعون بيها فرفحت روحي بل بجي والصريخ
"لااااا لاا عللللييييكككمم الله لا تاخذوهااا لاا مهند لااا تخليييهم عليييك الله.. عوووفوووها بعدني ما شبعت منها فدوه عوفوها "
مهند لازم بيه وما يخليني اطلع "شااام كااافي موتي روحج مو زين عليج .. كافي حبيبتي هذا يومها لا تعترضين على حكمت ربج .. "
طلع وراهم هو بسيارة
باوعت ساعه سته صارت .. اخذتني هنا لغرفة مياسين لحتى ارتاح لان تعبت كلش
وهما صاروا يلمون بل بيت ويفرشون ويحضرون للناس المعزيه الي على وصول .. كعدت بل غرفه ابجي وما ممصدكه بيبي فاركتنا وبعد ما نشوفها .. فكرة الموت مرعبه من قبل عندي رهبه من اسمع بشخص مات ما اعرف ليش احس بقهر وخوف بنفس الوقت كلش تخوفني هل فكره يمكن هاي اول مره بعمري افقد شخص قريب عليه واحبه . ويصير تحت الثرى

دخلت مرت عمي "شام مهند كل شوي يخابر يسال عليج وين تلفونج "
"عفته بغرفتي "
"زين هسه ادز هنا تجيبه الج .. وانتي عمتي اذكري الله اقري قران ميصير هيج اموته روحج كلنا على هذا الطريق اليوم بيبي باجر اني .. هي هاي سنه الحياة والله المستعان لازم نصبر ليش الجزع كومي اسبحي لان لزمتيها وهي ميته اغسلي غسل الميت .. يله يا امي كومي "
كومتني اسبح وتعلمني .. هنا راحت جابت فوني وملابس الي دخلت للحمام واني دموعي ما نشفت
سبحت ومشطت بل حمام .. تلفوني يرن اخذته "الو "
"ها شام حبيبتي شلون صرتي "
"زينه .. شسويتوا وين هسه انتو "
"بعد نطلع شهادة الوفاة و نجي لا تبقين بس بجي وتملخين نفسج صيري قويه زين حببي "
سديته من عنده وطلعت باوعت النسوان كاعدات بل صاله ويسولفن عادي عندهم واحنا نخدم ونقدم ماي وجاي
اني كل ما ادخل المطبخ عمتي ما تخليني وتحجي عليه وتكول مهند يوصي بينا ما نخليج تتحركين
سمعت صوت بجي عالي وصريخ رحت للصاله .. دخلت عمتي الجبيره ام موسى هاي ابد ما نشوفها بس بل مناسبات دخلت تبجي وتلطم شالت الدنيا وكعدتها والبنات كانهم تذكروا اجو يبجون ويلطمون واني وياهم

كعدت على الدرج واباوع عليهم وعلى البجي
عمتي سكتت وكعدت وهي تنعه وتبجي
اجت عليه بنتها جبيره اسمها سوزان
"السلام عليكم "
كمت عليها بوستها "وعليكم السلام .. تفضلي "
كعدت يمي على الدرج وهي تسال "بنت منو انتي ما عرفتج اول مره اشوفج "
"اني بنت خالج محمد .. معقوله ما تعرفيني شو اني اعرفج "
"منين تعرفيني .. اعذريني بس هاي اول مره اصادفج بيها .. اخر مره شفتج جان عمرج كله ٩ سنوات "
"شايفتج بل صور واذكرج من جنتي تجين علينا وتلعبين ويانا "
هي جانت مو جبيره كلش بس تقريبا عمرها بكد مهند يعني مو عجوز بس عندها اخت جبيره كلش من جنت اشوفها استحي اصيح الها بسمه كله عمه اكللها
بقت كاعده يمي وتسولف وتسال نوب سكتت والتفتت عليه "صدك نسيت انتي مو زوجة مهند لو غيرج "
ابتسم "ايي اني شنو هاي حتى ما تعرفين متزوجه منو "
سكتت وغيرت مجرى الحديث حسيتها ضاجت
لـحد ما خابروا كالوا راح يجيبون التابوت كلها كامت لحيلها
ورجع البجي والنحيب صوته مسموع اكثر من قبل
اجت الجهال تركض اجو اجو
فتحت باب الصاله ودخلوا ولد العم حاملين التابوت ودخلوا للبيت كلها التمت عليه وتبجي وتصرخ وعمتي تحاول تفتحه
اني اباوع عليها من بعيد وابجي واعيط
بقن نايمات على التابوت ويبجن جتني قشعريره من المنضر
ندستني هديل "مهند بل مطبخ يريدج "
رحت للمطبخ لكيته مرتجي على الكاونتر وواكف رحت عليه شبكته وصرت ابجي وهو يهدي بيه ويكلي ان مو زين عليج وحرام هذا اعتراض و قلة ايمان ادعيلها صلي احسن من البجي والنوح اخذني على الميز طعام كعدني على الكرسي ويسولف وياي وكل شوي يتنهد هو هم مصدوم ومكسور بموتتها بس يحاول يطمني ويهديني
دخلت سوزان سلمت على مهند اخذته حاصل فاصل ولا عبالك عندها ميت اصلا دمعه ما نزلت بقت واكفه وتسال وتسولف مهند استاذن وطلع
اني هم طلعت وعفتها دخلوا يطلعون التابوت لو الدنيا نكلبت بل بجي والصريخ عمتي ام هديل اكثر وحده بجت وصرخت وثوبها مشكك رادت تطلع اجاها ليث ابن عمو دخلها وصاح عليه استرها
رحت لمياسين انطتني ثوب لبستها وهي منتهي وفاقده ما تحس بحالها .. طلعنا كلنا ورا التابوت ونبجي ونودعها
اخذوها وراحوا .. دخلنا جوه والناس كثرت .. البنات خطيه راحت رجليهن من الفره والتنضيف والتقديم
اني صعدت للغرفه الفوك اباوع .. احمد ابن عمتي واخوها لسوزان اسمه وائل وليث ومهيمن ينصبون بل جادر ويدخلون الناس

بقيت اباوع الى ان نعست حيل خليت راسي على المخده ونمت ما كعدت اله العصر وهنا تكعدني لحتى انزل اكل وكلها تسال عليه
نزلت جوه سلمت على النسوان وبيهن اعرفهن وبيهن لا
هنا دخلتلي صينيه اكل لغرفة مياسين وتجبرني اكل
كعدت اكل وهي وياي وتسولف وتحجي شسوو وشحضروا والتعب والبجي .. كملنا اكل لميت غرفة البنيه وطلعت منها
رحت للمطبخ وكلها مخبوصه بل تعزيل وكل شوي طالبين حاجه .. دخل احمد ووائل دخلوا جدر وبي ثلج وبطاله ماي
سلموا عليه وطلعوا
كعدت بل مطبخ بل كاع اجت مياسين وهي مخبوصه ومنكعه ماي "حبيبتي فدوه الزمي بنتي موتتني .. وروحي لغرفتي من الهوسه نوميها ما افتهم شي من الخبصه "
اخذت بنتها وكعدت العب بيها الى ان نامت دخلت عمتي
"ولج شام مو عيب من النسوان تفترين بثوبج روحي بدلي يا امي "
"ما عندي اسود "
"اخذي من هنا "
صاحت هنا كومتني وياها ورحنا للبيت
فتحت القفل ودخلت
طلعت ملابس الي ولبست اسود واخذت شال اسود
كعدنا سويه ونسولف ونذكر ببيبي وهنا صارت تبجي اني من كد ما بجيت تعبت وما بيه ابجي

عمتي خابرت على هنا نرجع للبيت لان تاخرنا وصار اليل واحنا هنا دخلت للبيت سالنا ما اجوا من الدفنه كالوا بعدهم
صارت ٨ يله دخلوا رجع البجي والنعي وكفن النسوان كلهن يتلكن الناس ويبجن ويلطمون
دخلوا الزلم متربين وحالتهم حاله .. رحت لعمو ابو مهند سلمت عليه "البقيه بحياتك عمو "
"حياتج الباقيه باباتي "
كوه يحجي ومحني ضهره ويسلم على الناس
انخبصنا مره ثانيه وصرنا نقدم اكل للي اجوا اني دخلت للمطبخ اساعدهم
كملنا الاكل وصاروا ياخذوا للاستقبال مليانه زلم
كملوا بدينا نغسل بل اماعين واني سويت جاي وبديت اصب
صحت على مهيمن اخذه للاستقبال
صارت ساعه ١١ بدينا ننزل بل فراش للخطار ونوزعهم
كلها نامت من التعب اني بقيت كاعده بباب المطبخ انتضر مهند من راح ولسا بعد ما شفته مدري ليش من ماتت بيبي صارت روحي بي وادور عليه
شفت مهيمن دخل للبيت رحت عليه صحته
"مهيمن وين مهند شو ما شفته من الصبح "
"بل جادر .. اصيحه الج "
هزيت راسي .. راح وبعد دقايق اجا مهند دخل وعيونه عمر وحاله حاله من شفته بجيت رحت عليه بست خده واخذت ايده
هو ساكت اصلا ما يحجي .. باوعت بل صاله ضلمه وكلها نايمه فوته وصعدت فوك اني ويا
"مهند شبيك ساكت شو ما تحجي احجي شي شبيك "
بقيت اباوع عليه نزلت دموعه انقهرت حيل اخذت راسه بحضني وصرت ابجي بدا صوته وصوتي يعلى بل بجي والنوح .. صرنا واحد يواسي الثاني ويصبر

سكتنا دقايق معدوده
التفتت عليه "كوم اسبح شوف حالتك شصاير بيك "
راح للحمام اني نزلت جوه دكيت الباب على مياسين جانت غرفتها بيها البنات نايمات حجيت بهمس "اريد غيارات لمهند ما عندج جدد "
"اوكفي لحضه "
راحت واجت انطتنياهم .. ورحت لفوك دكيت الحمام وانطيتهم اله .. رحت لغرفتي القديمه ماكو فراشات نسيت اجيب
جاي انزل اجيبله فراش .. دخل للغرفه ينشف بشعره وبس بل شورت .. باوعلي اريد انزل "وين "
"اجيبلك فراش "
"لا اريد انام بل جادر "
"لا مهند ابقى هنا فدوه "
رفع راسه وابتسم بحزن
"لعد خلينا انام سويه هنا " وياشر على الجربايه "بس ماكو مجال شلون "
"معليج .. اني اذا انتي بحضني هذا كافي عندي خليني هل ليلة انام بحضنج تعبان شام والله "
ابتسمت بوجه قصص وروايات عراقية كرار صلاح
اخذت ايده وطفيت الضوه نمنا بيومها واحد لازم بل ثاني
الحد ما غفينه من التعب
كعدت ساعه ٦ على مهند وهو يحاول يكوم بدون ما احس عليه
ابتسمت بوجه "صباح الخير "
"صباح النور حبيبتي كعدتج ارجعي كملي نومتج "
"لا اني شبعانه نوم "
"زين لعد .. "
لبس ملابسه مال البارحه
"تجين وياي "
باوعتله "وين "
"لبيتنا اريد اسبح وابدل"
كمت ويا لبست حجابي وخليت العبايه بيدي
اول ما طلعنا شفت وحده نزلت من الدرج باوعت لمهند باستغراب هز راسه بمعنا ما اعرف
نزلت بسرعه لحتى اشوف منو بس ماكو احد توقعت اتخيل من التعب .. تجاهلت الموضوع ورحت ويا مهند
هو طب يسبح واني حضرتله دشداشة سوده وغتره
اني هم نزلت لجوه دورت بملابس هنا اخذت ثوب بس هو صيفي .. رحت لكنتوري طلعت ملابس جوه
رحت للحمام الجوه هم سبحت ومشطت ومهند ما بين
صعدت فوك لكيته لابس ولاف الشماغ شكد حلو شكله وبي جاذبيه ورجوله
اخذ ايدي ونزلنا جوه .. وهو ينبه عليه ما اذب الحجاب وما ارفع ثوبي وما اخلي زلمه يلمحني وهوووواي يوصي بيه
لحد ما وصلني للبيت من دخلت المطبخ يله راح
صبحت عليهم جانو يتريكون
سوزان "وين جنتي "
"ابيتنا سبحت وجيت "
"هممممم انتي ويامن "
باوعتلها "اني وزوجي "
حسيتها هواي تسال وتدخل واني شلون احب هيج شخصيات
عفتها وكعدت احضر وي البنات بل ريوك مال الزلم
لحد التسعه وهما كل شوي يردون ريوك
نوب بدوا يحضرون للغدى ويدزون البصل والليمون لو الطماطه لحتى نكصصهم
مهند ما شفته اليوم كله .. اني رحت لجوه الملم البيت وكل شوي ناس داخله وتوصخ والجهال يوووو هوسه ولويصه صارت .. التخم كله غطته لحتى ما يتوصخ وكنست ونوب مسحت بوصله بس ماكو ثواني ورجع توصخ .. والنسوان كاعدات يطكن سوالف.. لو يضحكن بيناتهم اتخبل من هيج ناس حتى ما عدهم احترام للميت
صار العصر واحنا ما كاعدين وكل شوي تجي جوكه نسوان يعزن ويرحن .. تقريب بل ٤ العصر دخلت مره وياها بنات هواي وعجايز تلاثه كلبت العزا كلاب بل بجي والصريخ والنوح
كزبر جلدي من الصوت والخوف .. رحت لهنا اسالها منو هذني مسحت ادموعها ودارت عليه
"هاي العجايز خوات بيبي وهاي المره بنت خالها لبيبي والبنات مو كلهن اعرفهن بس يمكن بناتها
"زين ليش ما شايفيهن ابد حتى ما جايات لهنا "
"بيوتهن باطراف بغداد .. بس هم جانت تجي على بيبي وتبات وانتي جنتي بل موصل .. بس صارلهن سنتين كطعن "
"هممممم "

عفتها ورحت للمطبخ احضر بل جاي
دخل مهند "الله يساعدهم "
"ويساعدك .."
"خو ما تعبتي "
"لا زينه .."
التفت على مياسين "خويه مياسه ديري بالج عليها مو تخليها هواي تشتغل .."
ردت سوزان "ليش يطيحن دلاليعها "
عود هي سوتها بشقه بس ضوجتني ابد ما استلطفتها "لا حبيبتي بس غير يخاف عليه .. باوعت عليه يضحك .. روح حبيبي لا يضل ببالك هياتني شحلاتني ما بيه اله العافيه "
ضحك وطلع
صرت اباوعلها صفح بسرعه ردت علي "شبيج يا عيني جنت اشاقه اشوفج اخذتي الموضوع جد "
"لا عيني على شنو ماكو شي يسوه "
عفتها وكملت الي بايدي .. اخذته للنسوان اوزع بي
وصلت لهاي المره الي دخلت بنت خال بيبي مدري شصير منها حتى نسيت .. قدمتلها وهي تبجي وتمسح بخشمها
باوعت عليه "منهو انتي خاله .. شو ما شايفتج "
"اني بنت محمد "
كامت عليه وتبوس بيه .. والله اكره هاي الحاله من واحد يوكعلي دك بوس .. الصينيه رادت توكع وهي هلا ما هلا بنت الغالي ابوج غالي علينا ،. العجوز حجت "تعالي جده ما اكدر اكوم .. تعالي احبنج "
عفت الجاي لا يوكع ودنكت بستها
اخذتني لحضنها وتبجي .. انحرجت كلش اضوج
ابتعدت عنها بحجت اسلم على البنات
.. اكو وحده منهن سلمت عليها بس احسها مو صاحيه .. بشرتها سمره طوخ مو مثلهم .. وشكلها غريب .. مدري ليش خفت منها وتراجعت .. استغفرت ربي ورجعت للمطبخ

ما احس اله دخلت للمطبخ
وتحجي حجي ما مفهوم


يتبع ...........

قصه جريئة لفتاة تتعرض للتحرش و.............




#بــــــارت 25



..........................................................

‏كُف عن قتلي عانقنِي وأخبرني أنهم لايُعنون لك شيء.🖤

تقربت يمي وتحجي حجي ما مفهوم خفت منها كلش ولازكه بوجهي .. صرت استغفر وابعد بيها
"شبيج امي وخري مني .."
شو هاي اجت عليه وتلزم بيه
صحت بصوت "عمه تعاااالللي .."
اجت عمتي وتسكت بيه تكلي عيب فضحتينا
وتكللها روحي لماما حبيبتي وهي لطشت يمي ومدري شدردش
جيت ابجي من الهبطه .. يعني شكلها يخوف والله مو اعيب خلقة ربي بس كلش خوفتني
عمتي تاشرلي اسكت لان عيب اني سكتت بس شنو الخوف ماكل كلبي وعيوني مفتوحه بكل وسعهم من الاستغراب
شفت طفله جانت وياهم يطلع عمرها تقريبا بل ٩ سنوات صحتها تاخذها عاد سمعت منها وطلعتها
البنات يباوعن عليه ويضحكون ويهدوني
سوزان "على كيفج عيني شهل موعان الزايد كلنا مايعه وما تتحملين مو هيج ترى حرام عليج خلقة الله هاي .. وبعدين البنيه مو بعقلها "
"وانتي شبيج منو يمج والله يا الله.."
هزيت ايدي وطلعت
اجت وراي هنا وتكلي عيب شلون هيج تحجين
"لعد وهي ما تستحي مسويه روحها زينه براسي .. وانتي اسكتي لساني ارجف من الخوف "
"ههههههه ولج اسكتي فضحتينا .. خطيه شبيج البنيه مو بعقلها "
"زين شبي شكلها يخوف "
"منغوليا خطيه "
"عزااا اول مره اشوف منغولي اسمر بل عاده بيض وحلوين مدبدبين "
"والله اجذب اذا اكول ما اخاف منها بس متعودين عليها "
"يمااااي لو اموت ما اتعود "
راحت هنا للمطبخ اني بعد ما طبيت لان سوزان موجوده كرهتها كلش شكد حشرية وبس تشوف مهند تبقى تسولف ويا وتتشاقى بس يطب
اما الباقين ما تدناهم... احس نار شبت بيه من القهر
والغيره حركتني حرك والله اتمنى امدها بل كاع واطلع ضيم كلبي بيها
رحت يم النسوان كعدت والملايه طبت وصارن يلطمن
اني اسمع واتكطع .. كمت ابجي بقوه واضرب على وجهي حيل .. فقدت من صدك .. كلها تباوعلي شسويت بحالي
اجت عمتي ام هديل .. شبكتني وتبجي وتنعى
بجيت وياها بصوت .. جانت مكطعه نفسها من البجي
ووجها مورم كد ما ضاربته .. الملايه بعدها تنعى وتلقي

حجيها يكطع الكلب .. متت من القهر ما كدرت اسيطر على نفسي .. اجت عمتي سحبتني من بين النسوان وتحجي عليه اخذتني للمطبخ .. مهند واكف .. من شافني اجاني بخوف
"شام شكلنا شتفقنا .. ليش هل جزع .. شوفي وجهج شمسويه بي هي هيج كالوها "
"مهند ما اتحمل والله.. كل ما اتذكر كلبي يوجعني عليها .. سوده عليه يا بيبي راحت زعلانه عليه "
مهند "شام لا تحجين هيج شنو زعلانه مو اجتي لبليل وكعدت سولفت وياج وطبيعيه شلون بعد زعلانه "
"لا والله ضوجتها بكلامي .. مهند غصه ببلعومي عليها لوعت كلبي .. احس بل ذنب "
"اشششش كافي .. يمااا شام اتغدت "
"والله ما ادري بيها .. "
باوعت هنا "لا مهند شكد لحينا عليها ما قبلت حتى ريوك ما تريكت "
"صدك جذب .. شلون لسا ما ماكله .."
شام "ما اشتهي والله احس الاكل مر بحلكي "
"ماكو هيج حجي تاكلين وغصبا عليج .. هسه يكمل العشه واشوف منو ما تاكل "
طلع مهند .. وسوزان تباوعلي صفح ما عاجبها .. مدري شبيها وياي هيج كارهتني اول ما اجت ما جانت هيج
كنت بل مطبخ اسوي بل بصل وي البنات
عيوني حركوني.. ومنا جنت ابجي وجهي ورم .. اجت هديل للمطبخ
"شام هاي نسوان يسالن عليج .. كومي شوفيهن "
استغربت "لحضه اغسل واجي "
غسلت وجهي واديه ورحت
هديل اشرتلي باوعت شفت شجن هي ومره وياها
من شافتني اجت عليه شبكتني
"شلونج شام البقيه بحياتج عمري والله ضجت من سمعت "
"حياتج الباقيه .. تعالي خل نكعد "
رحت على المره سلمت عليها وباوستها عزتني وكعدنا
شاورت شجن منو هاي
ردت "ماما "
باوعتلها "مبينه حبابه "
ضحكت وردت
"اكلج عيني شوكت تمتحنين حرامات السنه تروح عليج واحنا باخرها ما ضل شي "
"ما اعرف مهند وعدني يدبر امري .. بس بعد وفاة بيبي ما اعرف .."
"الله كريم .. "
ام شجن "..حبيبتي شمسويه بحالج هي هيج يا عيني .. حتى حرام هذا جزع .. اقريلها قران وصلي احسن مما بس بجي "
سكتت عنها
رجعت حجت تصبر بيه وتسولف ويا شكد حبيتها وحبيت اسلوبها غير عن الي تحجي عنها شجن
التفتت شجن "شلونه البيبي " اني بل ليلة الي صار عندي اسقاط كنت احجي وي شجن وكلتلها على حملي وبعدها ابد ما حجيت وياها

ام شجن "يا خاله حامل .. وانتي هيج مكطعه نفسج "
رديت "سقطت .."
شجن شهكت .. سوده عليه شوكت هاي .."
"قبل يومين .."
"عزاا هاي شصاير بحالج واني ما ادري .."
رديت "صدك شمدريج بوفاة بيبي .. وشلون اندليتي.."
كرصتني واشرت على امها فهمت ان اكو انه بل موضوع
اجت عمتي كعدت يم المره وصارن يسولفن .. ام شجن استاذنت لحتى تروح عمتي ما قبلت اله يبقون على العشه

تقربت شجن يم اذني "الله شكد مشتهيه اكل فواتح .."
"ههههه ابقي هنا وتدللي الف عافيه .."
بدوا يصبون بل اكل .. هنا اشرتلي رحت عليها
"ها .."
هنا "مهند يريدج .."
طلعت .. شفته واكف وبيده ماعون كله لحم وتمن "هذا تاكلي كله افتهمتي .. اريد تاكلييين لحم لحم مو تضلين تنقشين ماااشي .."
"مااشي ماشي .. جيب .. "
اخذته من ايده جان ماعون كبير .. صحت عليه كلتله يجيب لشجن ويعزللها لحتى تاخذ للبيت
راح جاب ٤ اماعين وواحد مغلف وانطانيا
رحت وديته يمهن .. سحبت شجن ورحنا فوك بغرفتي
كعدنا هناك ناكل ونسولف .. سالتها .. شمدريج ببيبي ماتت
"وسمم شلون تحجين يم ماما .. غير خابرت زوجج على مودج .. لان ماكو صارلج ايام .."
"ياااا ادب سزززز منين جبتي رقمه .. حقيره ما متوقعتها منج .. عفتي الزلم كلها الي بل جامعة.. زحفتي على رجلي .. ولج هو اني بطرك هل رجال هنا .. وين اولي اذا راح .. خطافة الركاله.."
ضلت تضحك "ولج على كيفج اكلتيني وشربتيني .. شبيج .. ميته عليه اني .. بس هو من غبتي اول اسبوع اجا واخذلج اجازه .. وانتي جنتي عيني زعلانه حتى عليه ما تردين .. اخذت رقمه .. حتى خاف يصير شي .. ولج جنج دلاله الله يساعده عليج .."
"انجبييي ما اقتنعت .. تحضري لا اموتج .. وذاك رجلي هم اني اله .. صاير يلعب بذيله من وراي .. بسيطه يا منهد طالعه عينه .."
"ولج كافي ابتليييت .. لج والله ما عندي شي وياي .. وهو حتى محترم الولد .. وبعدين انتي بيا حال .. مساع حتى ضحك ما تضحكين .. من سمعتي بمهند انهديتي بيه .. هي هيج الغيره تكتل .."
"انجبي .. يله اكلي وولي .."
"ايااا حقيره اطرديني علمود رجال .."
"غير رجلي .."
كعدنا ناكل وهي كل شوي تذب حجايه
نزلنا جوه .. رادت تغسل ويانا الماعين ما خليتها وبقيت يمها .. شربن جاي وطلعن .. امها انطتني قطعت قماش وشجن تكلي بلكي يغزر بيج
طلعت واني رحت اساعد البنات بل جدوره
جنت اغسل وكاعده وشايله ثوبي والشال شادته على شعري حتى ما يضوجني ومدنكه احك بل جده واكل واحك بل حكاكه
سمعت حمحمه.. رفعت راسي وائل ابن عمتي ومهند .. مهند عيونه طكن من العصبيه ويخنزر عليه .. اني نزلت ملابسي ولفيت شالي عدل .. ووائل الحقير ما شال عينه .. شكد ادب سززز مهند اضن انتبه عليه
صاح بيه اروح .. اني طلعت وطلعت البنات وراي
هنا تضرب على وجها "ولج انوب انتي من دونا كلنا رافعه ملابسج ومدنكه .. هسه يطيح حظج والله "
"هو شجابه وبعدين غير يدكون الباب ،، "
بعد ما طلعوا مهند صاح عليه دخلت .. لكيتهم مسفطين القواطي مال ببسي بل مجمده وفوكاها اكو صندوق

وجايبين مسواك .. باوعت المطبخ فارغ وبس مهند واكف اشرلي اجي يمه .. رحت عليه بخوف
"شام يعني شكد وصيت الصبح .. ليش ما تنتبهين الحالج فهميني .. وشنو هذا ثوبج لابسته ما تستحين .. "
"شبي .."
"ضيك مفصل جسمج تفصال .. وشنو هيج رافعه ملابسج ما تستحين .. يعني مو تدرين الشباب طابه طالعه للمطبخ .."
سكتت عنه وهو هم سكت
ثواني ورجع باوعلي "اكلتي .."
"ايي .."
"شبعتي .. لو هم ما اكلتي زين "
"لا والله اكلت وشبعانه .."
سكت وبدت البنات تدخل تكمل شغل .. طلع بره
اني طلعت ورا
"تعاااال تعال تذكرت .."
"خير يا ستار .."
"منين يجي الخير .."
باوعلي باستفهام
"خيرج شكو .."
"شلون تنطي رقمك .. لشجن هاا جان استحيت تزحف على صديقتي .. يعني رحت لبيت جدو ارجع الكاك تزحف لغيري مهند والله اكول لعمو عليك بس تلعب منا لو منا .. شايف اذا تباوع على وحده افكس عيونك .. والله ما اسكت افتهمت .."
"ههههههههه وانتي مو ما ترديني خليني اشوفلي وحده .."
تخصرت واهز برجلي "لا بللله .. منو كالك ما اريدك .. ليش تلفق عليه تهم .. وشنو تشوف وحده شكد ما تستحي .. انت مو كتلت روحك عليه .. هياتني يمك شو ادور عليه .. مهند قسم برب العزه بس تلعب بذيلك بعد ما تشوفني .. واكول لعمو عليك .. وهاي الادب سززز .. اذا شفتك تحجي وياها اسويها مشكله جبيره خووووش .. وكول شام ما كالت "
"شام ما كالت "
"شنو تستهزء حضرتك .."
"لا عمي حشاج .. شنو استهزء .. وبعدين تعالي .. شو احسج تغارين عليه "
"ايي اغار يله عندك شك .. شنو شفتني ما عندي احساس .. على الاقل احترمني .."
"ههههههههههههههههههههههه يا عمري هسه اني حاجي .. شبيج حاميه عليه واكلتيني وشربتيني .."

"اشرب من دمك وروح بيبي .."
من تذكرت بيبي دمعت
"افففففففف كافي شام والله موتيها لروحج هي هيج يا عيني .."
"ولله مو بيدي كل ما اتذكر موتتها .. اتمنى اموت وراها .."
"اسم الله شبيج هيج تحجين .. غير اموت وراج .."
طلعت سوزان وقاطعت كلامنا
"مهند عفيه ممكن تصيحلي وائل امي تريده .. اذا ما تصير زحمه .."
هزيت ايدي واباوعلها هي شافتني بس غلست
.. انوب ضلت تسولف ويا مهند .. وكل ما يريد يروح اطلع سالفه ..
"يلللله مهند صيييح الولللد .. جلبت هنا .."
باوعلي وابتسم تقرب يم اذني "خبله والله.."
ابتسمت لحتى اغيضها
راح مهند ودخلت جوه .. رحت على هنا .. كعدت يمها
"اكلج هنا هاي شبيها سوزان لازكه بمهند من قبل لو هسه "
"اووو بعدها .. لج من زمان لازكه بي وكاتله روحها عليه بس من سمعت تزوج .. عبالي بطلت ، حتى ما اجت للعرس .. حتى عمتي هم جانت تكوله سوزان الك .. بس هو يغلس وما يحجي .."

"كبررر طمها .. لزكت .."
"ههه ولج خل تولي تجاهليها .. ومهند من قبل يكرها لا يضل ببالج .."
"هو وين يكرها هذا ابو النسوان .."
كرصتني هنا "انجبي لا تحجين على اخوي "
"دولي .."
رحت لمياسين خطيه تعبت حيل وبنتها هملتها بيد الجهال
كعدت يمها بل غرفه وعمتي ام سوزان نايمه على الجربايه مالتهم .. واني ويا مياسين بل كاع
اجت هاي المنغوليه عرفت اسمها حنان
كعدت يم عمتي ومدري شتحجي وتسوي برجليها
اني احجي يم مياسين واشاورها .. كلتلها خوفتني هاي اليوم ما انام اذا بقت ..
هي كبل دارت عليه
وتسوي حركه باديها زمخت بوجهي
"شببببيييج انتتتي شببببيييج .."
ونبي قطرة دم ما بقت بيه من الخوف .. شلون حست تحجي عليها ما ادري
رديت عليها "هاا ما بيه مو يمج احجي وي بنت مياسين "
درت وجهي ومياس تضحك عليه .. لان خفت
لزمت كلبي يدك سريع من الخوف .. بل قران ردت ابجي
اجت هنا والبنات وراها والتمينا بغرفة مياسين وكل وحده تسولف عن موضوع
شو حنان اجت كعدت يمي وحطت راسها بحضني وتسولف
يمااااي تشنجت وانخلست من عدها واكول بكلبي هو هذا هم حظي عافت الكل وجلبت بيه .. ااشر لهنا توخرها مني ما حجت كالتلها امج تصيحج هي راحت
شوي اتنفست .. رجعت كعدت .. وهل مره لزكت بيه اكثر وتتلمس بجسمي .. متت من الخوف صرت صفره
انوب تلعب بشعري ومدري شتحجي .. راحت للمطبخ واجت جايبه تمر حطته كدامي "اكلي .."
"ها ما اريد شبعانه .."
عاطت بيه وتخنزر "دخذي اخذذذيي اكككلللي .."
اخذته منها بخوف وحطيته بصفي
رجعت كعدت وحطت راسها على كتفي .. من صدك خبلتني
ردت اكوم .. "وييين .."
"رجلي يصيحني .."
"اجي وياج .."
"ها ايي تعالي .."
رحت للمطبخ ماكو احد بسرعه طلعت
ورجعت للغرفه وكل هذا هي وياي
عمتي ام مهند تضرب على رجلها .. لان شافتني خايفه من صدك رجفت منها .. وما توخر ونستحي من اهلها نحجي او ندفعها
كمت ابلع بريكي.. وهي بعدها يمي .. الله حط جنها بيه
ولازكتلي لو تاخذ ايدي وتكلب ب اظافري لو تتلمس بيه خلت جسمي يكزبر
كلها تسولف وملتهيه اله اني .. انخلست
انوب تحجي وياي كلمه افهمها وكلمه لا ولازكه بوجهي
سالتني شنو هذا وتاشر على وجهي
جان وجهي بي نمش خفيف يادوب يبين
"هذا نمش .."
"انتي حلوووه .. وعيونج وشعرج .. "
ابتسمت بوجها
اباوعلها شلون تباوع اكلتني بعيونها .. مهند ما هل كد صافن بيه ومباوعلي .. حسيتها راح تغتصبني على كد ما مقربه وجها يمي .. انوب من تحجي اتفل .. ترست وجهي تفال
هنا كل شوي تباوعلي هي وعمتي
ومياس تاشرلي اسكت
شفت البنيه الي اخذتها مني الضهر صحت عليها
.. "حبيبتي اخذي حنان وروحن للمطبخ جيبن ماي .."
اخذتها وراحت .. اني بسرعه رحت للدرج اريد اصعد
فتحت الغرفه وجيت افوت .. جان الممر اظلم وفارغ
ما احس اله اجت حنان .. من الفزه كمزت وعيطت
كمت ارجف
"شجااابج .."
"ماااي ماي.."
اخذته منها واكول بكلبي شيطانه شلون شافتني
"روحي اريد انام .."
"اني هم انام يمج .."
يماااي من صدك انخلست
طفرت منها سويت الدرج شبختين
وعفتها حتى ردت اوكع على وجهي .. يمكن زودتها بس هي من صدك تخوف وخصوصا اذا هيج تجلب لواحد نوب هي سمرررره طوووخ ولسانها طالع. ما اطببه وعيونها يخووووفنه بشكل مو طبيعي
رحت يم عمتي وكعدت بنصها هي وام هديل
"يا عمه صدك جذب .. شبيج هيج ترجفين .. ترى ما تاذي فقيره "
"عمه يا فقيره موتتني لاطشه بيه .."
دخلت للغرفه وعبالك تعرفني وين اجت وكعدت كبالي وتباوع .. لو تسولف لو تسوي لعمتي رجلينها
اجه طفل عليه كال مهند يريدج
ما عونت اطلع
كمت بسرعه وطلعت من الغرفه
"شام لبسي وتعالي وياي .."
استغربت "وين .."
"امشي بدون كلام يله لبيتنا .."
اجت هنا ورانا ووياها حنان

من شفتها لزكت وي مهند هو باوع مستغرب
شاورته "مهند وخرها مني لا الم الدنيا والله.."
صاح بيها تدخل جوه .. اجت هنا تضحك وهو يسال شكو
هنا "غير حنان لزكت بشام وطلعت روحها .. لك عشكتها وتتلمس بيها ومخليه راسها بحضنها .. لو تعيط بيها .. وهاي جبانه تريد تبجي .. صارت صفر وترجف .."
مهند "هههههههه صدك عود ترى خطيه ما تسوي شي شبيج هيج جبانه .."
"انت شايفها شلون لزكت بوجهي وركزت .. حتى النمش شافته وانتبهت اله .. انوب لحكتني لفوك وكمزتني ونبي اجا يركبني جني من الخوف .."

ضحك وكال روحي لبسي وتعالي هنا كالت وياكم
رحنا لبسنا وهاي حنان تريد ويانا .. امها حاجتها وكعدتها

رحت لمهند .. واكف بره اخذنا ويا للبيت
دخلت جوه والباب مفتوح

باوعت .. ردت اتخربط من الي شفته .. عيوني دمعت
ورحت عليه بسرعه....
دخلت للبيت شفت وسام كاعد .. جيت افقد الوعي وما ممصدكه عيوني بقيت واكف وهو يباوعلي بابتسامه
فتحلي اديه رحت ركض لحضنه وشبكته وابجي شوق ولهفه لشوفته .. وهو يبوس بخدي ويطبطب على ضهري
"اففففيييش يااا عطرك .. والله شتاقيتلك يا خويه .."
"واني هم شتاقيت لشام حبيبت كلبي .. شلونج عسا زينه .. شنو هاي وجهج هيج مسويته خريطه .. صدك جذب .."
ما رديت
"ماما شلونها بابا خواتي ليش ما جبتهم .. وليش محد يسال علي ويخابرني .."
تنهد ودنك "ما يكدرون يجون .."
"ليش شصاير .."
"اولا هسه سافروا .. وثانيا.."
سكت
"شكوووو ترى بديت اخاف .."
مهند "وكولي يا الله.. ماكو شي ان شاء الله.."
شام "يعني صاير شي صخااام بوووجهييي شكووو احجي .. عليت كلبي .. "
وسام "شبيج شام بعدنا ما حاجين ولطمتي .."
"غيييير يحجييي .. امي بيها شي صح .."
وسام "لا ابوي .."
ضربت خدي "يمااا شبي سوده عليه .."
وسام "ما بي شي بس حادث بسيط .."
كمت ابجي وهو يهدي بيه ويسكتني ويطمني
"زين هسه هو شلونه الله عليك .."
وسام "يااابه والله ما بي شي .. بس تعبان شويه .. هناك يدارون المريض مو مثل هنا .. واني متابع حالته .. يعني بل مختصر ما بي شي لا يضل ببالج .."
بقيت اسولف ويا واسال عن حياته هناك .. وهو يجاوبني ..
باوعت علي اصلا ممتاثر بموت بيبي
"وسام انت شو حتى ما متاثر بموت بيبي .."
اتنهد "شلون لازم ابجي واحجي .. محد يدري بكلبي شنو .. وبعدين هذا حدها وما نعترض على حكمت ربنا .. كومي بابا فرشيلي اريد انام تعبان من السفر .."
تخصرت "انوب شنو بابا ترى فرق قليل بيناتنا .."
اجا اتصال ابتسم بوجهي وطلع بره
رحت فرشت اله هو ومهند
دخل للاستقبال
باوعتله "صاير دكتور حقيقي وثكيل وكذا .."
رد "لا مو ثكيل بس بعدني مماخذ عليج يومين وابدي اطيح حظج وهسه يله اطلعي .."
"رايحه .."
"اوكفي لحضه تعالي احاجيج تذكرت .."
رحت عليه .. مهند جان طالع بره بل جادر
"شسوالج مهند .. سمعت متعاركين وجنتي ببيت خالو .. شكو "
"ماكو شي لا يضل بالك مجرد خلاف بسيط .."
"اممم كلتيلي خلاف بسيط .. زين وحملج شلونه .."
"هاااا .. مات .."
رفع حاجبه .. "روحي هسه بعدين نتفاهم
هو اصلا من دخل ما يحجي وي مهند ومثكل وجه علي مهند من شافه هيج خله وطلع
اني رحت لغرفتي نمت .. ما اجاني نوم .. تذكرت بيبي وسوالفها لو من بجيت بحضنها وبعدين عيطت بوجها وغلطت وهي ساكته .. اوووف لو يرجع الزمن
نمت ما ادري شلون وشوكت
كعدت على مهند "شام عمري كومي .. يله .."
كمت وامدد اديناتي واتثاوب
كمت غسلت ونزلت جوه وسام لسا نايم خطيه تعبان مبين عليه رحت عليه بست خده ما مصدكه هو يمي موجود

مهند يباوعلي ويبتسم .. وسام كعد شافني يمه
"شكو مكابلتني .. شبيج ما شايفه ولد حلو .."
ضحكت على كلمته وحركاته
"ولا تعقل دكتورنا العزيز .."
كعدنا نتريك سويه ومهند كل شوي يطلع
عاد وسام دخل سبح انطيته دشداشه سوده من مهند ما قبل
لبس بنطلون وقميص .. وطلع واني وياهم
يا فرحتي بوقتها واني امشي ويا .. صرت اتباها بي
هيبه ومثقف ودكتور .. كلها تسلم عليه .. مهند دفعني لجوه بسرعه وراح للجادر
دخلت جوه سلمت على البنات صاروا يسالوني صدك اخوج موجود .. جاوبتهم .. ورحت للصاله .. احتاريت شلون اطلع النسوان اريد امسح .. عاد صحت مياسين وعمتي كلتلهم من رخصتكم .. كامن بل صاله الثانيه جانت ما بيه بس بنكه حتى مبرده ما بيها .. حمستهن حمس
مسحتها بسرعه نوب نشفتها بوصله وفرشت وصحتهن للصاله يكعدن .. كامن بسرعه .. واني مشيت على البيت كله وحنان مجلبه بيه .. ضايقتني .. مسويه روحها ام البيت
ومعدله على اساس وهي تملطخ بل بيت .. كل شوي اكول لاحد يوخرها مني .. هي تحس ما اريدها مدري شنو وكل شوي تعيط بيه وتخلسني

لحد ما كملت طلعت روحي .. اجت عمتي من السوگ فحطانه وتلهث كعدت بل كاع واطلع بل مسواگ واني مكابلتها .. شمرت عليه علاكه.. فتحتها ملابس سود ..
عمتي "شوفيهن حلوات وعلى قياسج .. مهند اكل كلبي عليج شلون لابسه من هنا .."
ابتسمت ورحت للحمام سبحت و لبست ثوب وطلعت
بباب الحمام ولكيت هاي حنان واكفه
ما حجت بس اجت وراي
دخلت للغرفه ردت اسد الباب بوجها بس دخلت قبل لا ارده
مشطت شعري وهي مكابلتني
وتباوع
نزلت جوه وهي وياي .. هنا تضحك عليه شلون ابتعد عنها قدر المستطاع وهي ما توخر
اجا مهند للمطبخ .. انطاني معاليك مال خرفان وكال اطبخيهن .. ووزعي بيناتكم
يعني مو الخطار بس النا .. كعدت اكطعه واغسل بي
حطيته على النار
اجت مياسين كملته وكالت روحي انتي
رحت كعدت يم عمتي اجت بصفي حنان
موتتني .. كمت للمطبخ .. صرت عصبيه واحجي عليها يم مياسين
اجت وراي وادردش .. انوب درت وجهي
وغلطت عليها
"
حنان "هاااي عليمن .."
مياسين "مو يمج حبيبتي تحجي وياي .."
مشت مسافه ورجعت عليه طايره خرعتني وتسوي باصابعها حركه "انتي البربر....گ .. انتي الكحبـ..... "
بقيت ساكته ورحت يم مياسين وهي تحاجيها حتى توخر
اني غافلتها ورحت كبل لفوك
صعدت اركض وكلبي يدك قوي
"هو هذا هم حظي الله سلطها عليه الله اكبر .. خلستني من البارحه لليوم ما فكت ياخه .. كبر الي يلفها ويلف امها .."

اجت هنا .. تكلي حتى مياسين ما خلصت منها
"ولج والله متتتت خل توخر مني .. كولو الامها ترى ميصير هيج طلعت روحي .."
هنا "عيب شام شنو هل حجي هي خطار وبعدين كل يوم هي يمنا ،، عوفيها معليج بيها .."
شام "ولللج اني معليه بيها لو هي .."
هنا "لا تحطين عقلج وياها .. يله كومي اكلي ويانا .."
نزلت اني وهنا .. وكلها مسويه لفات وتاكل .. لان بل غده نلتهي بل ناس واحنا ما ناكل وبعدها نغسل الماعين ف منلحك حتى نعزل لنفسنا
كعدت وياهن .. وهاي كبالي وتباوع علي وتاكل .. عيبت عليها ودرت وجهي
هنا كرصتني "هسه تجيج .. ولا تكعدين راحه .."
وصدك اجت يمي وتحجي حجي نصه ما فهمته
وراحت
ضحكت عليها وهزيت ايدي
سوزان "هاي عود انتي العاقله .. وحاطه عقلج ويا هاي "
رديت "احترمي نفسج واهتمي بشؤون نفسج وعوفي غيرج .. ماشي ماما .. لا تشغلين عقلج الصغير بغيرج .."
كامت ترادد وتحجي واني واكفه متخصرتلها
حجت حجت
"كملتي يروحي .."
سكتت ومنتضرتني احجي
باوعتلها "يله منا حبيبتي ما بيه مشاكل وبيبيتي لسا ما صارلها يومين ميته .. اني مو ما عندي لسان ولا ما عندي ادين .. بس احتراماً لبيبيتي ساكته واله اني احب المشاكل واصفكلها.. بس شوفي هذا اخر تحذير الج .. وكدام الكل .. بس تحجين لو تندكين بيه .. اتشوفين غير تصرف .. ونبي محد يخلصج مني .. اكسري الشر احسن الج .. وولي بكرامتج من كدامي لا امسح الكاع بيج .. محد واكف بعيني غير بيبي وامج .. وبعدين ليش احسج مضغوطه مني وحاطه بالج يمي .. ليش هل كد مهتمه بيه .. هيج اني مهمه عندج .."
عمتي صاحت بيه واشرت الهنا تاخذني .. بقيت رافعه حاجبي وهنا تجر بيه
رحت لغرفة مياسين وكعدت
اجت عمتي ام مهند وتحجي وترزل
"لج انتي ما تستحين مو بنت عمتج واكبر منج .. وخطار هنا .. مو عيب عليج هيج تحجين .. عاد احترمي عمتج احترمي وجودي بيناتكم .. ولج مو بيبيتج صارلها يومين ميته تتعاركين وتهددين ما استحيتي .."
رديت "عمه اسالي هنا شحجت عليه وتغلط ومن اجت لهنا وهي لازكه بمهند .. فد وحده ما تستحي وشاده وياي عبالك شريكتي بمهند .. ترى طوختها وياي ، وعلى اي شي تنتقد "
ردت هنا تايد كلامي وتحجي عليها
باوعتلي عمتي "خل تولي البسيها .. تجاهليها وهي تكف عنج تحملي كم يوم وتروح لبيتها قابل باقيه يمج هي .."
هزيت راسي وطلعت وهي تكلي الله يهديج
صار وقت الاكل وهوسه اجت هديل تكلي مهند يريدج
طلعتله ..
مهند "شام اجت مرت محمد صديقي وامه واخته .. ضيفيهم وكعدي يمهن امي ملتهيه عنهن هاج هاي الهم خصوصي

اخذته منه .. عمتي ام مهند صاحتهن رحنا بل صاله الثانيه بيها قليل نسوان .. كعدت المره
اني جبت الاكل وخليته كدامهن.. سلمن عليه
وعفتهم يم عمتي
استحيت اكعد يمهن .. دخل مهند مره ثانيه شافني اساعد البنات صاح عليه
رحت يمه "ولج شام مو كلتلج ضلي يم المره .."
"يووو والله استحي .. وبعدين عمتي كعدت يمهن لا يضل ببالك .."
سكت ويباوعلي
"انتي اكلتي .."
"ايي اني والبنات .."
"افففف اني سالت على البنات عليج انتي سالت .. وبعدين تعالي كليلي .. شبيج متعاركه انتي وسوزان مو عيب شام .."
"خل تولي شنو انت ادافع الها .. ترى اكول العمو واخويه عليك .. والله اعوفك واروح يم اهلي .."

ابتسم "صايره تهددني بأخوج ولج .. وبعدين اني احبج وما ابدلج بوحده .. بدون ما تهددين.. عيوني ما تشوف غيرج .."
باوعت بخجل وخدودي صاروا حمر وابتسم
كرص خدي .. وراح
لزمت خدي واني بغير عالم
اباوع لسوزان واكفه وتباوع عليه .. وتهز بايدها
اني ضحكت بصوت ..
هنا "شبيج ضحكينا وياج .."
شام "على هنودي ولا يكعد راحه بعدين اكلج .."
عفتها وطلعت
فتت من سوزان وبسمرتني "شلون ناس عدهم ميت ووو استغفر الله .."
درت عليها غمزتلها وطلعت
كعدت يم النسوان .. مرت محمد جانت صاكه لدرجه صفنت
فهيت .. بييييضه ونازكه كلش حلوه بويه تشك شك
بودي اعضها من كد ما ترفه وبيضه .. المعاني شنو الشكل شنو .. وفوك هذا كله مثقفه
الي عرفته مزوجه محمد على حب .. وهي هم جانت ويا محمد ومهند بنفس الجامعة
شام "يعني هم تدرسين ماجستير .."
ردت "لا عيني وين يخليني محمد .. ومنا ابني ما اكدر اتركه .. بس دا ادور على تعيين بس لحد الان ماكو .."
شام "هممم بس هذا الطفل عندج .."
ابتسمت "ايي بس هذا وشالع كلبي .. وانتي سمعت من مهند طرحتي .."
تفاجات من كلامها شوكت كال وشوكت عرفت يمكن من طرحت يوم وماتت بيبي .. وبيومها ما داوم
هزيت راسي وواضح عليه مستغربه من معرفتها لان حتى سكتت هي جنها افتهمت
ردت "ترى اني ومهند اصدقاء من قبل .. ومن يجي لبيتنا ما استحي منه معتبرته اخ الي وحتى محمد يقبل .. لا تضوجين .."
رديت "لا ما ضجت عادي .. بس استغربت شوكت عرفتي لان هو من طرحت ما طلع وبعدها ماتت بيبي .."
"هو خابر على زوجي وعرفت منه .. "
هزيت راسي
هجران "انتي مكمله .."

رديت "لا ادرس هندسه.."
ردت "يااا ما جنت ادري يعني بعدج ادرسين .."
رديت "ايي اول سنه الي .."
هجران "زين سهل لو صعب .. اني اختي هم تدرس هندسه .. بس سنه ثانيه .. يا جامعه ادومين يمكن نفس الجامعه مال اختي .."
شام "والله يعني مو كلش سهل هو بس بل بدايه شوي شوي اتعلمت .. اني اداوم جامعة .......... .."
ردت"ايي اختي هم .."
رديت "شنو اسمها .."
ردت "اسيل .. انطيني رقمج حبيت اتواصل وياج .. عليج الله فد مره تعالي وي مهند خلينا نتعرف اكثر .. ومنها اعرفج على اسيل لحتى تصيرون اصدقاء .. "
ابتسمت .. انطتني تلفونها سجلت رقمي .. ورجعته الها
بعدها حجت "اكلج انتو تزوجتوا على حب .."
رديت "لا زواج تقليدي .."
ردت "امممم بس جان مهند هواي يحجي بيج بحيث اعرفج قبل لا تصيرين مرته .. بصراحه استغربت بجوابج توقعت كنتوا بعلاقه حب قبل الزواج .."
ابتسمت .."شيحجي عني .."
ضحكت .."يكول حلوه ويكول وكحه ولسان .. ويسولفلنا شكلتي وشحجيتي .. ومن تتعاركين ويا هم يحجي بيج وبلسانج.. ويكول تحب تلعب وي الاطفال .. وووو هواي كلام عنج .. بعدين اسولفلج .. بس ترى يحبج لليوم من يجي يحجي بيج .. علاقتنا قويه ويا ونعرفه كلش زين .."
فد فرحت بكلامها يمكن اذا شفت مهند اروح ابوسه
اجه طفل .. كال مهند يريد شام
كمت رحتله مبتسمه .. هو من شافني ابتسم
حجه "شبيج شو مبتسمه .. "
رديت "لان شفتك .."
ضحك "صايره وكحه .. وطالعه عينج .."
رديت "استغفر الله انت مو مال غزل .."
ضحك "هاي انتي بس بل فواتح اطلعين حبج وغزلج بل ايام العاديه عبالك كاعد وي مهيمن .. "
ابتسمت "يله مو زين مني وهيج احجي .."
رد "يعني من ورا خشمج مو .. دروحي صيحي هجران تجي .. محمد برا منتضر.."
حسيته ضاج او تحسس
رحت عليهم كاموا سلمت عليهن ودخلت .. باجر الختمه مال فاتحه .. كعدنا ننضف بعد الاكل ونغسل الماعين
طاح حضي .. بعدها كعدت بل صاله يم النسوان .. وحنان مكابلتني وكاعده تخزر بيه .. ضحكت عليها .. شو هاي اجتي وكعدت بصفي .. كلت بروحي كبر عبالها ضحكت الها
حجت .. ليش تحجين عليه .. وتضحكين .. باوعت عليها حسيتها مقهوره او متحسسه مني .. حسيتها مو مخبله وبنص عقل .. انقهرت عليها بداخلي ..
رديت "ترى مو يمج اني اصلا ما اعرفج حتى احجي عليج .. وما اضحك عليج جنت اضحك وي البنات .."
عاد سكتت ورجعت مثل البارحه لازكه بيه والابتسامة شاكه حلكها .. وكل شوي تحجي تحجي وما ارد لان نص الكلام ما افهمه .. كامت مني .. شوي ارتاحيت

رجعت مره ثانيه .. انطتني ماي وجاي .. اخذته منها وضحكت مدري شعجبها مني ولزمت بيه .. وتفتر وراي
صارت كل شوي تجيبلي حاجه وتنطيني.. انقهرت عليها حرامات ما عندها عقل .. هيج ضاله تتخبط متعرف الي يحبها من الي يكرها وما يريدها .. ويضحك عليها
بس هي مثل الي تحس .. من نضحك بيناتنا لو نسولف تتوقع عليها وتبقى تسال .. لو تتعارك
صاحت عليه هديل .. رحت الها ..
هديل "ولج شام .. بطني موتتني .. اريد حبوب اي شي يسكن الالم .."
رديت "ليش شبيج خاف الدو... "