• تشابكنةه ؛ 🖇✨.'
• وخلص المعاتب بشمةه ؛ 💬💙.'

آلناس تكتب غزلَ ؛🗒'
وآني آكتِب متانيج ؛💛'

چنت ألم روُحي بحضنهآ ،
چآنت تطشني وتلمني بضحكةه منهآ ♥️'

• ‏حتى آلليل أحنَّ منگ ، 💛🌿"
• مآإدري السواد البيگ مَن يآ لُّون ؛🌚🥀"

• ‏وأجيبن روحي يم چفگ ؛🌿☝🏻'
• وأگولگ هاگ مشتاگة ،💔🥀'

• آلمشلكةهِ طأل ألغزل ؛⚡️'
• وعيونةهِ صب خجٰـﮧل ؛💕'

• انَه الّمابِـيـھُ إِحـبَ روُحـِي ،
• شـُجانِـي وگـمـت آحبنـگہ،🔐♥️'

┇غـزل بصراوي😻 ┇


#اعادة_توجيـهہ_لصديقتج
#ملوكه
@stylegrils

أّلَيِّتّيِّمَهِ وِ أّلَثّلَأّثّيِّنِيِّ

دائما هنا للقدر لعبه واختيار اخر ومنحنيات وطرق لانشتهي السير فيها ها نحن اليوم ع عكس ماكنا كأننا عبرنا عبر بوابه زمن الى مكان وزمان لاننتمي. اليه ولايسعنا الى التقبل والتأقلم عليه

#البارت 1

ابطال القصه
احمد ..عمري 33 سنه متزوج وعندي طفل واحد عند 5 خوان وكولهم متزوجين اني الوسط بيهم امي وابويه ناس جدا متسلطين واخواني تقريبا ماخذين طبعهم وخواتي 2 متزوجات والولد كولهم متزوجين اشتغل بكهوه عامل واحب هالشغله لان صرت متقنهه وماعندي شهاده حته اتعيين وابو الملك ولد اربعيني اريحي ومعتمد عليه بالصغيره والجبيره
نور ..عمري 30 سنه يتيمه ام امي توفت بحادث سياره واني صغيره مااتذكر شكلها بس ملامح باقيه ابالي وصور الها اني الوحيده الها وبابا ورا ماصار عمري 5 سنين تزوج لان بعده شاب بوقتها بس اويلي مرت ابويه متنجرع وكحه ولسان وحته ابويه يسمع كلامها اني من النوع الهادئه مااحجي اخلص شغلي واروح لغرفتي بيها اني واختي
وعندي اخ واحد اصغر مني بسنتين
ابو نور… سيناء وينج
سيناء… اني مرت ابو نور احب الابهه والصيت وعندي عله بس اريد اخلص منها الي هي نور راح تنعس ع گلبي وابوها ميقبل يزوج اختها الى هي تتزوج
اسماء.. اني اخت نور عمري 23 سنه احب اختي احسها قدوتي بالحياة وتعلمني وتنصحني وتدرسني من جنت طالبه وابد محسستني هي من غير ام وكانما اختي من امي وابويه واني نفس الشي رغم الحقد والكره الي تحاول امي تزرعه بيه بس ماطاوعتها ولاكرهت اختي
مؤيد.. اخو نور من ابوها اني مثل امي شتحب اسوي اسوي واصغر من البنات وشايف نفسي عليهن وامي مدللتني سياره جوايه واحب الكشخات بالدراسه موزين مجرد كملت خامس اعدادي بطلت
نرجع ل ابو نور.. سيناء وينج
سيناء اجيت اجيت شكو خبصتني… .
ابو نور ..اليوم جاينه خطابه بيت ابو صلاح ع نور لابنهم احمد روحي صيحيلي نور
سيناء… صح ضجت بس بنفس الوقت اي واخيرا راح اخلص…
نور.. اني كاعده ودا اصفط بملابسنا اجتي سيناء نور يمه تعالي ابوج يريدج وشاكه الحلك بالضحكه كوتلها اجيت خاله نزلت ورحت دكيت الباب ع ابويه…
ابو نور ..هلا بنيتي شلونج
نور ..الحمد لله بابا وانت شلونك
ابو نور.. اني زين من تفرحين كلبي وتوافقين ع الناس الجايين عليج
نور.. اني بين فرحانه بين لا ليش بابا اني يوم كسرت كلمتك بس بابا اهم شي ناس زينين
لابابا خوش اوادم بس اني الولد كلش عاجبني لان الناس كلها تمدح بي
نور ..الي تشوفه يابه هو الي يصير طبعا اني هنا عمري 26 سنه من انخطبت
بيت ابو صلاح ..
احمد… يلا يمه وينج تاخرنا
ام صلاح اجيت يمه راح اصيح ابوك واجي
صارت الخطبه وقرو الفاتحه وماشفت احمد الا ورا ماعقدلنا الشيخ شكله زين مقبول
تقريبا شويه اطول مني
نور.. مواصفاتي اني حنطاويه ع بياض ورشيقه كولش شعري طويل ينزل عن الخصر وعيوني كبار وسود ورموشي كثيفه وباقي معاني وجهي حلوه مكمله سادس ادبي وكاعده بالبيت مكدرت اكمل جامعه
ام صلاح ..ماشاء الله يمه هنيال احمد بيج
نور ..خجلت وسكتت مارديت بس ماارتاحيت لعائلتهم گلبي ناغزني
احمد.. دخلت هلهلت امي ومرت ابوها واني شفتها نور واسمها عليها تخبل ايه من الجمال رغم ماسوينه لاحفله ولاشي والبنيه قطره مكياك ممخليه بس اخذت روحي كلها
نور… دخل احمد وظل صافن بيه كلت هذا شبي انوبه ماعاجبته مفهي حلكه عليه
وفززني صوت سيناء…
نور ابوج يصيحج
وطلعت ملكيت ابويه ..وهنا افتهمت هي وام صلاح يتفقن يجيبن الذهب وشوكت وهم مستعجلين يردون بسرعه يخلصون
مرت تقريبا 3 شهور واحمد جان جايبلي موبايل صح بسيط بس يفي بالغرض نتواصل بي بهاي الفتره تعرفت ع احمد وهو همات تعرف عليه بديت اميل اله لان انسان مختلف واقعي وميعرف يكذب او يلف ويدور ورا ال3 شهور تزوجنا
ومن بعد مرور شهر… .
احمد.. نور اكعدي سويلي ريوك تأخزت حبيبيبتي
نور… احمد عفيه تريك هناك البارحه منمت الليل كوله
احمد… ليش حبيبتي شبيج
نور مااعرف معدتي انكلبت يمكن الفلافل التعشيت منها بيهاشي
احمد… اوديج للمستشفى
نور ..لاحبيبي صرت زينه نص ساعه واكوم قبل ماامك تسويلي حفله
اثنينه… .هههه
لحد الان البطل ماظاهر بالقصه 😉
مرت ايام وظلت معدتي ع هالحال والكل لاحظ
عندي صلاح الجبير واسعد متزوجين من سنين وميصير عدهم اطفال
اطفال
ام صلاح… خاله خاف حامل
نور ..بصدمه هاا لاخاله شنو ماصارلي شهر من تزوجت
اباوع لنسوان حمويني ودهن يكطعني من سمعن
تغاضيت ورحت اتصل باحمد يجيبلي وياه اختبار
وفعلا مثل ماكالت خالتي طلعت حامل
واحمد مشايلته الكاع من الفرحه
احمد.. وزعت جايات ع حسابي وانطيت الحساب من جيبي بس ابو الكهوه مقبل وكال هديه مني الك بسته وتشكرت منه
وبيوم من الايام صار عندي ادم وجن الدنيا ضحكتلي من اجه ادم
نور.. اني بالغرفه طلعوني من صاله العمليات وسمعت صوت طفل حسيت هذا صوت ابني جابو الي يجنن واحمد شايله وفرحان بي سميته ادم لان اتفقنه اني واحمد ع الاسم
وكبر

ادم وصار عمره 4 سنوات
احمد ..فد يوم من الايام كاعد ابو الكهوه واجه عليه ولد شاب طويل وشخصيه اني احس شايفه بس وين مااتذكر وهندامه ع الموده وضخم وسيارته احدث موديل لكزز الكهوه كولها فتحت حلكها انتو تعرفون الكهوه ناس ع كد الحال تكعد بيها
مصطفى ..ابو الكهوه من بعيد شفت ابن عمي جاي فرحت بي
غيث ..اني بطل الروايه واخيرا شرفت ☺
اني خريج تربيه لغه انكليزي واهلي الله مفضل عليهم وعايش احسن عيشه مرات الزم مشاريع ويه والدي هو مقاول ومرات اخلصها سفر طولي 190 ضخم وعندي غضلات شكلي يكولون حلوواشبه تيم حسن هوايه يشبهوني بي لبسي اهم شي عندي الاناقه والترتيب فد يوم جنت داامشي لولد صديقي وتذكرت مصطفى ابن عمي كلت صار هوايه مشايفه خلي امر عليه
مصطفى… هاي وين عاش من سمع اخبارك وكمت حضنته وبوسته هوكولش يحترمني ويقدرني
غيث ..والله تدري الدنيا تلاهي
مصطفى ..اي والله حقك ..غيث اريد اكولك ع شي
غيث ..كول ابو علي
مصطفى ..اريد ابيع الكهوه لان خسرت ومطلوب هوايه ليش متاخذها انت وتستفاد منها احسن ماابيعها ع الغريب
غيث ..بس اني كولشي مااعرف بهاي الشغله
مصطفى ..مو اني راح اسلمك احمد غمض عيونك وامن بي حلالي ومالي كوله بيده ولد خلوق وطيب واريدك توعدني مايوم تبطله لان متزوج وعنده طفل خطيه تكطع رزقه
غيث ..مو تدلل ابو علي واني اشتريت

يتبع…

#البارت 2

للكاتبه (maryaim)


غيث.. اشتريت منه الكهوه واني مااعرف شلون اشتغل بس مكلف احمد بكلشي وكأنما هو صاحبها انسان دره باخلاقه حته يسمعني واسمع منه ويحجيلي عن زوجته شلون اهله شادين وياها وابنه شلون عنده اله صور وسوالف تقرب مني كولش احمد فد يوم كال احمد راح اجيب مسواك للكهوه وطلع من الصبح لان احنا الصبح مو هالكد شغلنه واني بالاسبوع اجي لو مره لو مرتين مااجي هوايه
احمد.. البارحه حلمت حلم موزين بس تعوذت من الشيطان وكعدت نور تسويلي ريوك وتريكت ولاول مره اباوع لنور كاني مشايفها قبل ورجعت لادم جان نايم حضنته وبوسته وطلعت غيث ..احمد وين صار صارله اكثر من 4 ساعات وحيصير الظهر بهالاثناء اتصل بيه رقم احمد
هاي وينك يمعود مو اريد ارجع للبيت عندي شغل واذا صوت غريب صاحب هذا الرقم انظرب سياره وحاليا بالاسعاف ناقلي للمستشفى
اني بصدمه شلون هااا
شلون ابلغ اهله شلون ومااعرف الهم اي رقم اتصلت بمصطفى دزلي رقم اخوه الجبير صلاح وخليت عنده خبر وورحت لحكته للمستشفى
نور ..اني بين اسمع هوسه البيت الصارت بين ادم الي دااسبح بي وجان عرفت الصار كوله گلبي وكف حسيت راح يغمه عليه بس لزمت الحايط حته لااوكع خليت ايدي ع كلبي كلت الحمد لله مضروب ولاميت رحت جلبت وياهم مقبلو ياخذوني كالو ماعدنه مره تطلع
اتصلت بابويه اجه عليه واخذني دموعي تنزل وشايله ادم
وبس اريد اعرف شصار
غيث ..دخلو للعمليات كالو نزف داخلي كولش قوي منكدر نسيطر عليه هو وربه بعد ومااشوف الا بنيه اجت يطلع عمرها ب23 او25 ( للعلم نور هنا ثلاثينيه )بيضه وشايله طفل وعيونها تكت تأكدت هذي زوجته من ادم لان شايفه بالصور
الله يساعد كلبها مو هين ابو بيتها هيج يصير بي
ومااحسلك الا الدكتور طلع وانطانه خبر وفاته تمنيت اني ولاهو خطيه عنده طفل ومره مثل الذهب
اباوعلها موتت روحها وتكوم بشعرها وابنها يكطع الكلب واني بلاوعي نزلت دموعي من شفتها رحنه اني وصلاح نكمل الاجراءات
نور.. جان كلبي حاس اليوم يصير شي بس صار الماتوقعته تيتمت مره ثانيه احمد جان اليه سند بهاي الحياه واكف بوجه اهله واخوانه بعد منو الي غيره
بدت الفاتحه وخلص السابع واني بغرفتي وادم يروح يم بيبيته ويرجعلي ونسوان حمويني يذبن حجي ومسامير يخافن ع رجولتهن خاف واحد يتزوجني لان ماعدهم خلفه واني ترملت بعد
والدنيا بدت تلطش بيه منا وترجعني منا وافكار تجيبني وتوديني
ومرت الايام بين اروح ل اهلي وسيناء تشمر عليه حجي وبين ارجع لعيالي نسوان حمويني وحمايه اسعد العينه زايغه ابد متعوفني ولاجني ارمله اخوه وخلصت الاربعين وكوه خلصتها بالليل رعب وقافله عليه الباب اخاف من اسعد وبالنهار اشتغل واصعد التهي ويه ادم والحزن احسه كبرني هوايه ذبلت كولش والهم ترس كلبي
وبيوم من الايام تهجم عليه اسعد بالليل واني كلبت البيت عليه وزوجته تنكر وتكول كذابه اسعد ميسوي هيج
اسعد.. جنت شارب وماحسيت الا اخذتني رجليه لباب نور بصراحه جنت خال عيني عليها وكلت فرصه بلكي تتقبلني بس صار العكس وكعدت البيت كوله بصوتها اني نكرت بس هي اصرت
نور… اني بعد مالازم ابقه هنا هذا مو امان لميت غراضي الاحتاجهم وملابس ادم واحتياجاته ورحت ل اهلي مجنت حابه ارجع بس اضطريت اتحمل سيناء ولااسعد يسويلي مكسوره ويفضحني وهو ماعنده ضمير يسوي وينكر
غيث.. بيوم من الايام مر عليه مصطفى للكهوه كاعدين دنسولف ونشرب جايات ودخل علينه رجال جبير بالعمر اني احس شايفه بس وين مااتذكر
السلام عليكم ..غيث ومصطفى وعليكم السلام
مصطفى كام بوجهه وسلم عليه هلا عمي استريح وصاح العامل ع جاي
غيث ..اني بقيت بس اباوع لحديثهم واذا مصطفى يجيب سيره نور وادم تاكدت هذا ابو نور اني كلبي مااعرف ليش رف وشعور اول مره اشعر بي اني الشايف وعايف هزني اسمها
وهو ديحجي شلون يعاملوها وشلون حماها راد يتهجم عليها ومساكتلته كبرت بعيني وحسيت هالبنيه انظلمت بسببي وهي يتيمه ظليت افرك بديه وجهي صار دم نطكت عروكي وفوك الضيم مرت ابوها
بدون تفكير كوتله عمي تزوجني اياها واخليها بعيوني
ابو نور… دااحجي اني وابو علي واشوف ابن عمه فززني كال اني اتزوجها واتكفل بيها وابنها وحته بيت وحدها اطلعها
اني فرحت بس شلون وعيالها اخاف ميوافقون ونور تموت اذا ابنها مو وياها عمي عوف هذا الموضوع واعتبرني ماكلت شي اني اعتبر ابو علي مثل ابني واعرف غلاة المرحوم عنده واحجيله قاطعني ..
غيث… قاطعته واني اوعدك اكون مثل المرحوم واحسن واوعدك مايوم من الايام نور تشتتكي مني وموضوع عيالها تعوفه عليه بس اريد منك تاخذلي رأي البنيه طبعا هي اكبر مني ب3 سنوات ..عمي واني راح اطرح الموضوع ع اهلي وانطيني رقم حته اتواصل وياك لان اني احس السبب بموت احمد ولازم ماانكر افضال وجمايل احمد عليه
ابو نور… امشي بالطريق والحسبات منين ماجان شلون افكر وافتح الموضوع ويه نور و

هي مصارلها غير سنه وحده ع وفاة احمد دخلت للبيت وتلكاني ادم جدو جدو وفرحت بي وبسته هلا بهالريحه هلا بوليدي
دخلت للبيت جابو العشه البنات وسيناء كاعده يمي وخلصو كوتلهم ابقو ع نفس كعدتكم عندي موضوع وياكم
نور واسماء ..باوعنه بأستغراب خير بابا
الولد صاحب الكهوه طلب ايدج للزواج ويتكفل ب ادم وبيت وحدج
سيناء… هنا اني انصعقت شنو بيت شنو زواج هاي الارمله يوميه جايها واحد مره حموينها مره اقاربنه ع شنو ..
نور ..اني هنا فهيت بس ال هاا تطلع مني بابا شنو زواج انت نسيت شعانيت اني
ابو نور ..بابا محد يكدر يخلصج من مكر حموينج ونسوانهم غير هذا الولد فكري بنتي ورجعيلي جواب اني مااجبرج البيت العشتي بي قبل تعيشين بي هسه انتي وابنج معززه مكرمه
نور… هه باستهزاء اي معززه ويه مرتك بكلبي وطفرت والدمعه بعيني اي نور ظليتي ملطشه بيد اليسوه والميسوه 😔
شويه واجت اسماء ..كالت حبي نور ترا كلام ابويه مابي شي وانتي لاتسوين شي غلط ولاحرام الولد اجه من الباب ولايعرفج ولاتعرفينه حته تفكرين بسوء جائز ديفكر بتأنيب الضمير ويحس هو سبب بموت احمد الله يرحمه
نور.. بين اقتنعت بكلام اسماء وبين خوفي ع ادم وبين سيناء وحمويني ونسوانهم اوووف ياربي دوامه واني بيها ساعدني ياالهي ساعدني بديت افكر ب ادم ومستقبله والي صار ضحيه اهل ابوه الهمج وفززني ضحكة اسماء وهي تدغدغ بيه يلا سويلي مجال وراج يمعود موحعنس ع قلبج
نور… ههه ضحكت تلقائيا ع خبالات اختي وكوتلها ترجع خبر لبابا بالموافقه بس ع شرط اشوفه واحجي وياه واتفق وياه ع شروط
راحت اسماء وبلغت والدي بهذا الحجي ومااحس اله ابويه متصل بي وكايله بهذا الحجي
غيث… يابه عندي موضووع وياكم
ام غيث ..يي يمه كول
ابو غيث… احجي ابني
غيث ..اني اريد اتزوج وشفت بنيه بنت اوادم وحبابه وحلوه وهي…. قاطعتني الوالده
ام غيث… يمه صدك تحجي شكد اتمنه يجي هذا اليوم يمه فرحتي متنوصف
غيث… يمه خليني اكمل البنيه ارمله وعدها ولد
ام غيث… شنو بصدمه ليش شبيك شناقصك حته تتزوج هيج وحده والله لو ع جثتي متاخذها
غيث… يابه احجيلك كلمه طبعا والدي انسان متحضر وميقيدني ويخلينه نختار حياتنه براحتنه
ابو غيث ..بابا اذا انت تعرف البنيه ورايدها اني ماعندي اشكال لاعيب ولاحرام
غيث… كلام والدي ريحني يعني افهم من كلامك موافق
ابو غيث ..توكل ب الله وليدي
ام غيث… شنو شنو بكيفك مستحيل اني اقبل واذا سويتها ياغيث لااني امك ولااعرفك ولاتعرفني ومن هاللحظه مااريدها تجي بيتي وانسه الك ام وبيت هنا بعد ونترت بيه وطلعتني من البيت
اجاني اتصال من ابو نور وبلغني بشرط نور واني وافقت ورحت العصر عليهم ..
اسماء.. اجه غيث وانصدمت بي صدوك يلوك لنور وتستاهل هيج واحد رحت ع نور ابلغها بجيته لكيتها نايمه
كعدتها..
نور… كعدتني اسماء كعدي حبيبتي اجه الامير مالتج باع هايه اسماء عوفيني نايمه نعسانه
اسماء .. والله احجي صدك شبيج وبابا دز عليج يكول خلي تجي
نور ..كمت لبست صايه وفوكها شال واريد اطلع مااحس اله ايد سحبتني ..هوب هوب وين عيني وين طالعه هيج كلنه ارمله بس ترا هذا حيصير خطيبج مو لهالدرجه اسماء مالي خلگ سوالفج ترا وخري لااتاخر ع بابا
اسماء ..من كل عقلج اخليج هيج تروحين طلعتلها فستان اسود وهي جسمها يخبل ومتناسق وشال وجبرتها تلبسه وراحت
نور.. اخذت بيدي صينيه الگهوه ورحت دكيت الباب فتحته وفتت بس مارفعت راسي وكلت مرحبا
غيث… دخلت علينه وبيدها صينيه اني استحيت اباوع بس شفت ابوها عينه بالصينيه رفعت عيني وياريت مارفعتها فصلتها تفصال شنو العيون العليها شنو الوجه بريئ وطفولي والهدوء الجامعته بوجها وشخصيتها عجيب ارتبكت بصراحه اخذت الصينيه من ايدها وهي ابدا مرفعت عينها…
نور… ااني بطبعي ماارفع عيني ع شخص مااعرفه بس العطر مالته تارس البيت كلت مبين نازك من عطره
غيث… بعد احس انثولت لازم احجي حته اطلع ارتبكت مااعرف شسوي اي نور شنو شروطج من رخصه عمي ابو نور
ابو نور.. اني راح اخذ الصينيه واخليكم براحتكم تحجون
نور ..رفعت عيني ع غيث اريد احجي وسكتت عزا هذا شلونه شنو خلقه بس مبينت اهتمامي اني مو مشايفه اختصرت
واريد انطق وجان يقاطعني صوته… .يتبع

أّلَيِّتّيِّمَهِ وِ أّلَثّلَأّثّيِّنِيِّ
#بارت 3

قاطعني صوته
غيث… حسيتهه مرتبكه بس بنفس الوقت جريئه ومينخاف عليها
كولي نور اني اريد اسمع شروطج
نور… فززني بصوته كوتله اول شي احنا نكون زواج بس ع الورق لحد مانفسيتي تهده واتعود ع الوضع اني ممتقبله احد بحياتي بس مستقبل ادم هو الي خلاني اقبل بهذا الزواج
وادم مااريد يبعد عني لان حياتي بدون يعني الموت
غيث… سمعتها للاخير وكوتلها تأمرين بشي ثاني بعد
نور… يي ومااريد لاهوسه ولامشيه نكدر نحل الامور بينه مالها داعي هاي الامور
غيث.. بعد عندج شي تردين تكولي
نور… مااعرف شبيه فهيت وكتله هاا لا ماعندي شي
غيث ..سمعت شروطها وكوتلها ماعندي ماانع وباجر اجيب ابويه والسيد والشهود ونعقد وراها نكمل اجراءات المحكمه عندج اعتراض
نور… لاماعندي خير ان شاء الله وكمت دااريد اطلع جان كال انتي الخير كوله غلست جني مسمعت لان حرجني
بديت افكر شلون واهل ادم ذوله اذا سمعو والله ياخذو ل ادم
ابو نور.. شفت نور واكفه باب الاستقبال وصافنه عرفت تفكيرها بابنها الضنه مو سهل واحد يعوفه محجيت وياها رجعت لغيث
غيث.. دخل عليه ابو نور وفتح موضوع ادم… كال احنه لازم ننطي اهله خبر حته ليعاندون وياخذو منها كوتله واعتبر هايه محلوله
اخذت ابويه ورحت ومصطفى لاهل احمد وعرفتهم بنفسي وحجيت بالموضوع صلاح انسان عاقل يطلع بعمر مصطفى ابن عمي ورزن بس هذا اسعد ظل يكمز واحنا اوله بيها وابنه مننطي وصلت وياهم لحل هم سكتو كتلهم انطي ل ادم حصه بالكهوه ويصير شريكي وانتو اوصياء هذي الحصه موافقين هم سكتو كال هاي هي ناس تموت ع الفلس مبينين
نرجع لبيت ابو نور
ابو نور ..بابه نور اليوم العصر يجي غيث ويجيب السيد وياه تعقدون بابه جهزي نفسج
نور ..احس قلبي مااعرف شصار بي ومعدتي تقلصت اكيد انتو مارين بهذا الشعور وتفكيري كوله ب ادم وقاطعني صوت ابويه
ابو نور… بابه غيث حل موضوع ادم وبعد ميكدرون ياخذو منج
نور… اني فرحت اهم شي عندي ابني هو الي محلي كول دنيتي افكر بمستقبله وشلون راح يكبر ويدرس ويتعلم واعوضه عن كلشي اني انحرمت منه افكر ونزلت دمعه بطرف عيني وحسيت ب ايد مسحت هالدمعه اختي اسماء وحضنتني وكالت كومي وبلا دلع عروستنه ضحكت ع خبالاتها وضربتها بخفه ع راسها
هنا اجه دوري اسماء خلي اعرفكم عن نفسي
اسماء ..عمري 23 سنه طولي شويه اقصر من نورحنطاويه ع سمار عيوني كبار ورموش كثيفه طالعين ع الوالد جسمي متناسق مهتمه بنفسي احب الاناقه والترتيب تنطيني طاقه ايجابيه طالبه جامعيه مرحله اخيره ابد مسويت علاقات
لان اختي نور جانت هوايه تنصحني واجتماعيه كولش واحب
الخير للكل شكد رادو يحاولون ويايه مقبلت
الا ان فد يوم ..اجانه استاذ جامعي نقل من ذوله الشباب الجدد شغل بال كل البنات واني الوحيده الي لحد الان مشفته
قيصر ..27سنه اسمر وطويل مهتم بنفسي احب الرياضه السنه تعينت جديد بعد تعب دراسه ومعاناة احب الهدوء والسفر وتلفت انتباهي البنيه الهادئه وحكيمه بتصرفاتها وطبعا هالشي الي لفت انتباهي ب اسماء
فد مره من المرات صارت عدنه حفله تعارف باوعت صايره الجامعه عباره عن مهرجين بنات وشباب اني مالي بهاي الهوسه كولها والاساتذه همات محتفلين كلت خلي اطلع للمكتبه احب الهدوء ادور ع كتاب بلكي الگي هنا
اسماء.. شيرين مالي خلك وتصوير والصور تضيع عفيه احتفلنه بقاعتنه كافي والله تعبت وراسي يوجعني من الهوسه اني رايحه للمكتبه واذا كملتو صيحوني يلا باي وبستها وهي مطنكره لان مبقيت
دا اتمشه بالمكتبه اني احب الكتب عندي بالبيت مكتبه نقره بيها اني ونور نعشق القراءه اني واختي ولفت انتباهي كتاب سحبته وحسيت الكتاب دينسحب الرف جان عالي وبالكوه الوح تعوذت من الشيطان وخفت كلت هاي المكتبه فارغه اني شدخلني انرعبت بس متركت الكتاب
قيصر ..اي واخيرا لكيت الكتاب سحبته واذا الكتاب دينسحب شنو الموضوع اسحب وينسحب تأففت ونترت وتالي بس بهدوء
رفعت عيني ومااشوف بس عيون وسبحان الله من خلقهن ظليت صافن وهي من الخوف جمدت بمكانها تركت الكتاب ورا الصفنه كالت عفوا ..ياريتها ماحجت سجين ودخلتها بكلبي هدوئها فضيع متتنعوص لامبينه طبيعيه
قيصر… اخذي
اسماء ...لاشكرا اخذ غيره
قيصر… لحد الان بس عيون اشوف كدامي ..لاعادي اخذ غيره
اسماء… بس هذا النسخه الوحيده هنا
قيصر ..عادي اخذه غير مره
اسماء ..اوك شكرا ومشيت واني ارجف صوته رجولي وخشن يمكن طالب عدنه جديد مشايفته واحتمال من غير قسم بس هو مرتب ويجذب
قيصر ..دنمشي نطلع حته نكعد ع طاوله كعدت قبلها وشفتها بيدها كومه كتب دخيل الله فز كلبي قبل عيوني شنو الطول الجسم المشيه مالتها رغم لبسها جان محتشم ومعقول الا هي تخبل ومكياجها هادئ هو والماكو سوه
كوتلها تفضلي اكعدي هنا ..
اسماء.. داامشي اريد اكعد اقره واشوف شنو اخذ من هاي الكتب واسمع نفس الصوت تفضلي اكعدي كوتله عفواا ..!ورفعت حاجبي
قيصر ..ياريتني ماحجيت تورطت ورطه
اسماء.. شوف عيني اني هاي س

والف الطلاب مااحبها ترا اني مو من نوعك المفضل هاي البنات اشكال والوان كدامك لااتفضل ولامااعرف شنو انت طالب حالك حالي خلينه نحترم الكتاب الجينه ندرس ع موده وراح انسه انك حجيت شي .
قيصر ..اني ظليت فاتح حلكي ومبتسم حسيت بلذه انتصارها وافكر بيني وبين نفسي معقوله اكو بنيه تفكر هيج بعد ههه لا وعبالها طالب هي صارت ع جهه واني ع جهه ساد الصمت بالمكتبه لاكثر من ساعه بس لاحاجيتها ولاحاجتني وبعدها رجعت كتاب واحد واخذت الباقي وياها وانتهى هذا اليوم رغم التعب لكن صار ويايه احله موقف
اسماء.. رجت مسطوره من الدي جي مال الحفله رغم ماشاركت وخلصتها بالمكتبه بس لازم تصير هوسه رجعت لفيت راسي ونمت بدون غده كعدت المغرب كعدتني نور يلا حبيبتي اكعدي صلي وتعالي تعشي لان انتي بدون غده
وفعلا مثل مكالت اختي سويت وسالتها شصار ويه غيث
سكتت ..وتنهدت وكالت ..
نور... باجر يجيب والده ونعقد شيخ وراها محكمه
اسماء ..جنه كاعدين وحدنه وحضنتها وباركتلها وكتلها حبيبتي انتي لامسويه شي غلط ولاحرام ترا ع سنه الله ورسوله وكدام الناس طلبج
نور.. الله كريم حبيبتي خلي اشوف ادم يلعب ويه جده
يوم جديد.. صباحا
اسماء ..كعدت كالعاده بدلت ورتبت نفسي اني مااخلي اساس وهاي السوالف اخلي كحل بداخل عيني وماسكاره وشويه حمره بناتيه وطلعت للجامعه ولازم ارجع من وقت لان اليوم عقد نور
دخلت اول محاضره واذا بالمفاجئه وظليت فاتحه حلگي وبين خجلانه وبين خايفه ومااعرف شسوي وعيت ع نغزة شيرين
شبيج يمعوده جمدتي بمكانج هذا الاستاذ الجديد بمكان استاذ فائز راح ياخذنه حقج تصفنين بنات الجامعه كولها صفنها
اسماء.. باع هايه شتسولف واني وين اسولف بمصيبتي وفشلتي السويتها وياه دنكت راسي وسكتت
قيصر… دخلت شفتها كدامي ضحكت بس مخليت احد ينتبه خطيه اباوعلها نصدمت جان عبالها طالب زاحف ههه متوقعت هيج اني استاذ كلت خلي اكسر حاجز الخجل اعرفكم بنفسي اني استاذ قيصر ورزكت عليها اجيكم بفلان ماده بمكان استاذ فائز..
اسماء… يبو شكد عيب وين ادفن نفسي يربي وشيخلصها اليوم المحاضره حسيتها اطول محاضره بعمري كوله
ابو نور.. يلا بنيتي اجه الشيخ وغيث واهله
نور..حسيت بطني تقلصت مااعرف ليش شعور ممريت بي قبل لبست فستان وحجاب وعقدت ورا شويه اجاني بابا كال غيث يريد يحجي وياج روحي لغرفتج وخلي اسماء تطلع لان الاستقبال بيها ناس
اني ترددت بس بابا بعد لزم الامر عليه
غيث.. دخلت لنور شطالعه تخبل ماشاء الله رغم هي لامكياج ولاذبت الاسود بس شكلها حلو وجسمها بعد احله جبتلها موبايل حديث ورقم كوتلها هذا نتواصل بي بالبدايه مقبلت تاخذه بس بعد اصرار اخذته
نور ..جابلي موبايل كولش حديث وكال نتواصل بي بس اني استحي شراح احجي وياه اخ ياادم شكد راح اقدم تنازلات ع مودك واخذتني الصفنه ونزلت دموعي وطلعتني من شرودي صوت بشع وكوله حقد وكراهيه
سيناء… صدك فار دمي هاي يوميه رجل والحظ شلون جابلها واحد بالاحلام محد لاكي صحت عليها يلا عيني لتسوين نفسج حزينه اليجيها هيج واحد شتريد بعد وجهه الفكر مو مال نعمه
بس هو ينطي جوز للماعنده سنون
اسماء.. اني ابد مااقبل ع تصرفات امي شفتها عايطه بنور رحت عليها وكفت بوجه امي وكفتها ع حدها
وحضنت نور وسكتتها لان انهارت بالبجي وضحكتها شويه وحجيتلها عن الموقف الصار البارحه واليوم الصبح ضحكت.. واخيرا شفت اسنانج اللؤلؤ ست نور ضحكنا ههههه
نور.. باليل كاعده اسماء منزلتلي برامج وخليت رقم بابا واسماء وصديقاتي 2 وبس خليت الواي فاي مفتوح وخليت الفون يم راسي ودااريد انام واجاني مسج ع الوات فتحت المسج رقم غريب
🕐 هلاو شلونج
نور… ظليت متردده بين ارد وبين لا بعدين كلت خلي ارد يمكن وحده من صديقاتي جاوبت اهلا منو ..؟
غيث… من بعد ماجبتلها فون كلت لازم اتعرف عليها الى متى يبقه هذا البرود بينه من يوم العقد لاشفتها ولاحاجيتها دزيت هلاو ..بس تأخرت بالرد الا ردت بس شنو حسيت گلبي انشلع من مكانه بردها كوتلها غيث… وهم تأخرت بالرد
نور… هلو بيك معرفت الرقم اسفه
غيث… لاعادي حقج غير رقم غريب واني نسيت محفظته الج بالفون
نور.. اي صح
غيث ..شنو !
نور.. انت محافظه لذلك معرفتك… رديت برود عادي
غيث.. اي شلونج اخبارج
نور ..الحمد لله بخير وانت شنو اخبارك
غيث ..بخير اذا اشوفج بخير
نور.. شكرا
غيث ..ليش تشكريني
نور… لعد
غيث ..نور شوفي هاي الرسميات شيليها اني خطيبج مو غريب
مااريد شكرا ومن هالرسميات
نور ..ان شاء الله
مر ع الخطوبه 3 اسابيع وبهالاسابيع كثرت المراسلات بينه بس كلام عادي مجرد يتعرف عليه واتعرف علي واتصالات قليله وهم رسمي مااكدر احجي شي وياه كلبي مديميل اله
وبعدها اجه غيث وكال لازم نتزوج قبل لا عيالي يسوون مشكله
وفعلا اجه يوم الزواج
وطبعا اني شارطه ماكو لازفه ولاهوسه اطلع من بيتنه لبيته وهو وافق ع هالشي....يتبع

أّلَيِّتّيِّمَهِ وِ أّلَثّلَأّثّيِّنِيِّ
#بارت 4

نور… اليوم بدايه يوم وحياة جديده لازم انسى كولشي وابدي ابني مستقبل ادم لان ع موده قدمت هالتنازلات وافقت ع هالزواج ..بديت اجمع بغراضي الي اشتريتهم طبعا اني مااشتريت اشياء خاصه بالمتزوجات داخليات وهيج سوالف فقط تراكات دشاديش قصيره وطبعا فرضتهم عليه اسماء مع العلم غيث مقصر بالفلوس وعطور ومكياج بسيط وبديت اجمع بالغراض لان لازم اليوم اروح وادخل عش الزوجيه وضحكت بيني وبين نفسي باستهزاء هه
اسماء.. اليوم اختي تودعنه ولازم اكمل محاضراتي من وقت وارجع ونور وصتي ع كم كتاب هي عدها شغف بقراءه الكتب ولازم اروح للمكتبه
قيصر ..اني مااكعد ويه الاساتذه احسهم تفكيرهم غير تفكيري لو انفرد بالنادي لو بالمكتبه جنت كاعد اقره ورفعت عيني ورجعتها بالكتاب صفنت يمكن لمحتها رجعت رفعت عيني اي
هي وهاي فرصتي البنيه بقت ابالي مدااكدر انساها
اسماء ..داادور بالكتب وماحسيت الا مرحبا
درت وجهي لكيته هو الاستاذ عزززه واني خجلانه وخايفه ومرتبكه ومااعرف شسوي بس صافنه صفوف المكتبه كولش رفيعه تسع شخص واحد فقط مكان ضيق
رديت بارتباك مممرحبا
قيصر ..تقصدت احجي وياها ردت اشوف ردة فعلها مثل ما بالاول لو مجرد حجي وتبيع بطولات
شلونج
اسماء.. بارتباك الحمد لله وانت
قيصر ..بأبتسامه الحمد لله
اسماء…اني اسفه جدا تصورتك طالب ويانه اعتذر عن ذاك التصرف وياريت متدخله ع المستوى العلمي واي نوع اعتذار يعجبك اعتذر
قيصر.. هههه ومنو كلج اني هيج راح اسوي اني مطلبت منج تعتذرين بديت اتقرب عليها عطرها هدوئها كلامها رقيق جدا بنيه مميزه مشايف مثلها هي خطوه وحده ماكو مجال ترجع اكثر انحصرت رادت تطلع خليت ايدي
اسماء… وجهه صار كولش قريب عليه بحيث اشعر بانفاسه حرگت وجهي وكلبي يدك يريد يطلع من مكانه ستجمعت قوتي وكلت ..استاذ قيصر اني اعتذرت منك وارجع اعتذر مره ثانيه بعد اكو شي ثاني
قيصر… اوووف شوف الثقه حسيت نفسي تماديت بس شنو الي يدفعني الها مااعرف ..اه لا واني قبلت اعتذارج
اسماء ..ركضت ركضه اسرع من طرزان شافتني شيرين الهث ومااكدر احجي بيدها مي شربت البطل كوله بلا وعي ماعرف شصار بيه
رجعت للبيت كالبه خلقتي لاكتني نور
نور.. شمرت الكتب بحضني مو عادتها اخ شبيج
اسماء.. بسبب كتبج حبيبتي اليوم جان انجلطت وكعدت احجيلها الصار كوله
صارت س 5 ونص اجه غيث طلعنه سلمنه عليه بس نور مطلعت بقت تجهز بنفسهه
رجعت لنور لكيتها تلبس صايه وشال سحبتها هوب هوب وين ياحلوه
نور.. اهو اسماء عوفيني مالي خلگ سوالفج
اسماء ..من كل عقلج اعوفج واليوم زواجج طلعتلها قميص طويل اصفر لان هاللون يجنن عليها وجواه جينز اسود وشوز رياضي اصفر بالگوه قنعتها اني وابويه تذب الاسود ومكياج بناتي وبالگوه عليها طلعت ولازمه بيدها ادم
نور… طلعت امشي وعيوني مغورگه اكثر شي يوجعني فراگ اختي وابويه ..طلعت واني رجليه احسها ترجع ليورا افكر شلون اذا الناس شافوني بدون اسود وافكر بغيث شلون راح اعيش وياه هوايه سوالف ابالي اجت
غيث… شويه ونزلت نور احنا كاعدين بالصاله والدرج بنص الصاله اباوعلها والله اميرة وتمشي ع نبضات كلبي گلبي يريد يطلع مااعرف شبي البنيه حلوه حيل وذابه الاسود ماكو هيج جمال رجعت وحده عمرها 20 براءة وجهه حالها حال ابنها متفرق هي بريئه فززني من صفنتي صوت ابوها وليدي بعد مااوصيك بالامانه ..
لاعمي ..بعيوني اغطيهم خلي بطنك قالب ثلج وامن طبعا ادم كولش يحبني خلال فتره الخطوبه ظلينه نطلع واخذه للالعاب وتعلق بيه كولش اول مشافني ركض عليه
اخذتهم ورحت لبيتنه
نور.. اني جنت كاعده بالصدر ..مشغل اغنيه هادئه كولش ل اليسا في عيونك لعز واسرار ورا شويه حسيت يقصدني بهاي الاغنيه حبيت نوصل بسرعه واذا يطبك يم بيت كولش حلو يسحر من بره دخلت ماشاء الله الاثاث يخبل وكامل من كلشي بس مو نظيف مبين متروك دخلت ظل يدليني بالغرف طبعا بالطابق الجوه اكو غرفتين وحده النا وحده ل ادم مسويها تخبل جايبله غرفه اله والعاب ومسويه غرفه اطفال وسرير واحد ع شكل سياره
غرفتنه كولش حلوه والالوان هادئه الواني المفظله بيج وبني
دخل الجنط واخذت ملابسي وغيرتهم لبست ثوب طويل وذبيت الحجاب ورفعت شعري لان خلص هذا واقع لازم اتقبله طلعت من الغرفه اني من النوع احب النظافه والترتيب واحب الطبخ كولش اتفنن بي
غيث… اني جنت بالمطبخ دااشرب مي وتركتها تاخذ راحتها وبقيت اكلب بفوني ع ماتخلص ..وشويه ودخلت اااففف شنو هاي اكيد تريد تموتني هاي شلون اخلصها وياها هيج وشلون الزم نفسي عنها وشلون اقنع الشيطان هي قافله وبقت افكار تاخذني وتجيبني قطعت تفكيري وتعوذت من الشيطان
كوتلها شتحبون اجيبلكم عشه
نور.. ماله داعي ليش تطلع وتعب نفسك الوقت متأخر والجو بارد راح اسوي الموجود
غيث… حبيت الفكره اكل من ايدها وبنفس الوقت اخليها تتعود ع البيت وع هوايه شغلات سالتني شنو احب كوتلها اي شي من ايدج طيب
نور ..هو كال هيج واني خجلت بس مح