لبيت عمي ابو همام ولكيت همام سابقني لهناك لان دوامي يخلص ب 2الظهر وهو مخلص شغله من ال 1:30تقريبا..

المهم تغدينه وظلينه لليل يمهم تعشينه وتعللنه وصارت ب 9 بالليل كال همام انو جماعته خابروه وجايين عليه للبيت يريدون يسهرون يمع بالبيت فكالي ابقي يم اهلي ومن يروحون جماعته يرجعلي وافقت وراح..

رجعلي ب 12:30 تقريبا جنت منيمع ريمه من زمان واني جنت بس اغفي ومنتظرته وكل شويه اتصل عليه ويرفضه ..المهم اجه ورجعنه للبيت واني قافله عليه ضايجه منه وضجت بعد اكثر من طبيت للبيت لان جايبين شرب لبيتي.

ماحجيت شي ماردت اسوي مشكله بس خليت ريمه بفراشهه وبدلت ملابسي وبلشت الملم الاستقبال وانظفه من قواطي البيرة وروحي لعبانه من الريحه والوضعيه وكولشي وفوكاهه تعبانه ومريضه.

خلصت شغلي طبيت لغرفتي بدلت ملابسي لكيت همام ينتظرني ولازم مبايله من شافني تركه وشافني ضايجه ..
جبت علاجي اخذته وجبتله الابرة حته يسويلياهه بالكانوله..وفعلا بدة يسويهه ويضربهه بالكانوله..
واحس بنظراته اليه بس اني باعده عيوني عنه لان من اباوع بعيونه اضعف..

بس نظراتي فضحتني عرفني ضايجه ويمكن هم عرف السبب.
عفيه وخرلي الكانوله مدا اكدر انام دتضايقني.
خلصي ابرج واوخرهه لو تستحملين احطلج كانوله ثانيه .
لالا ثانيه شنو بقيهه .
لمحته ابتسم..

شكد بقالج شكم ابرة ؟
2
يعني 3علمود نعوضلج الي تلفت اول مرة.
كلبت وجهي بالزايد .
باجر بالليل نوخرهه .
ماشي .
رحت ذبيت الغراض والعلاج ع الميز ورجعت لفراشي
وهو يراقبني..
شبي حبيبي؟
ذبيت جسمي ع فراشي وحجيت بدون ماباوعله ..
مابيه شي.
اعرفج كولش زين ومتاكد بيج شي.
ماطول هيج تعرفني المفروض كوت تعرف شبيه.
لان جبت اصدقائي للبيت؟
ماعندي مانع بس ليش تشربون.
عادي يعني كعده حلوة ولمه وجبنه شرب.

متعود ع هيج كعدات يعني ؟
لاا بالشهر مرة لو مرتين تصير.
همام مو ما صارلنه ايام من تعاركنه لان احيتني شارب.
اي صح واني ماوعدتج ابطل.
همام حرام وموزين عليك.
معليج بيه.
شلون معليه بيك؟!!

الج عندي سهر بعدماجيب جماعتي ونسهر هنا.
مو حجي هذا همام اني اعتراضي مو ع السهر اعتراضي ع الشرب يعني غير اخاف عليك ودا انصحك واريدلك الخير.
لاتجيني بهيج درب ..اطلعي منهه حنين ..كتلج معليج.
خفت لايتعصب اكثر وتتطور المشكله ويرجع يمد ايده عليه فسكتت وطيته ظهري ولفيت راسي ونمت .
لشويه حسيت بي سحبني عليه وحضني من ورة ماعترضت ولاسويت شي خليته براحته واني هم تعلمت ع حضنه ورجعت لنومتي.

يتبع

#البارت 33

بعد شهر..
مر شهر واجنه علاقتنه حلوة ودتتحسن صح اعصاب وصياح ومشاكل واحس داعاشر شخص ثاني جديد بطبع وشخصيه جديدة ماعرفه من قبل ودا اتعلم عليه شويه شويه .
احس همام فقد الامل برجوع ذاكرته وبدة يتاقلم للوضعيه لحياته وعائلته ..ميكولي احبج ابد بس اشوف احساس الحب بعيونه وبتصرفاته وخوفه عليه وغيرته الزايده يحاسبني بقسوة ع الشعرايه اذا طلعت من حجابي وشغله وسهراته مابطلهه ولابطل شرب بس قللهه وماكام يجيب اصدقائه للبيت بس بعده يشرب ومن يشرب اكلب وجهي عليه او ماصير كدامه اروح ابات بغير غرفه وثاني امشي الشغله طبيعي وهو يبالغ بدلالي مثل الي يعرف نفسه مسوي شي غلط ويدللني علمود يداري ع غلطه واني اغض نظرعنهه لان حسب مايكول هو صاحب كيف ميشرب للسكر والثماله يشرب بس للونسه وتغيير المزاج.

صار فترة ميتقربلي طول النهار شقه وضحك وحته من نتعارك منطول زعل ويصالحني حلو بس من يجي الليل غير نومه الحضن ماكو شي وبده يزعجني هذا الموضوع وظليت افكر ليش ميتقربلي فكرت يمكن بسبب اخر مرة من صديته ورفضته يمكن حز بنفسه رفضي اله وكام بعد ميتقربلي اذيت رجولته هيج فسرتهه مافكرت بغير شي وقررت انسه المستحه والاحراج واني اتقربله .

فد يوم من الايام خليت ريمه عد بيت جدهه تبات يم اجدادهه وقررت افاجئ همام بليله حلوة خابرته كال يتعشه برة كلت خوش تعشيت شي خفيف وجهزت نفسي ع السريع سبحت ومكياج ولبس اختاريت اللون الي يحبه بنفسجي والمكياج سموكي ع بنفسجي طوخ وكعدت انتظرة ..ها وكتله لاتتاخر عليه هذا الحجي ساعه 9:00 بالليل فتحت التلفزيون اكلب بي بملل والمبايل كذلك ماكو شي جذبني او يلهيني ضجت وتاخر عليه همام ..

لل10:30 ياله اجه ..سمعت باب المطبخ انفتح عرفته اجه ابتسمت فرضت وجهي ماكو داعي للضوجه بعدين نتحاسب عود ع التاخير وماريد تصير مشكله لان لاريد اعكرله مزاجه ولا مزاجي ..
رحت ع ميز التواليت عدلت نفسي ع المرايه نزعت الروب ورشيت عطر جددته ..فتح عليه باب الغرفه ..
اول مافتحهه شافني واكفه ع المرايه التفتتله ابتسم بادلته الابتسامه..

مساؤؤ.
يسعد مساك حبيبي.
شو البيت هدوء وريومه مو بغرفتهه ؟
ريوم وديتهه لبيت جدهه تبات يمهم اليوم .
شفته ابتسم .
اليوم بس اني وياك ..
وغمزتله ..وللصبح..
شفته ضحك وبلش يفتح دكم قميصه ..
تقربت اريد اني افتحهن اله.
بديت افتحهن وهو لازم ايديه من معاصمي وعين عليه وعين ع الدكم افتحهن ومن تلتقي عيونه نبتسم.
شناويه عليه اليوم؟

ابتسامتي تلاشت تدريجيا عبالك احد كفخني ع وجهي ..اعرف نبرة صوته من يشرب شلون يصير هو يظل واعي ميسكر بس الحجايه تطلع من حلكه بخدر يمط بيهه بس واعي لكولشي يصير حته المشاعر الي يحس بيهه كان يكون غضب او عصبيه اثارة او رومانسيه وكل ردة فعل تجاه اي شعور يصير مبالغ بي يعني مثلا اذا يتعصب وهو شارب يصير مجنون عصبي نااار ويصير كلامه سجاجين تجرح ماكو شي اسمه عيب كل حجايه تجي ع لسانه يكولهه حتلو فشار ..

اني اطيت مقدمات عن الحاله الي يصير بيهه همام من يشرب لذلك جنت يوم الي يشرب اختفي من كدامه وماتواجه وياه بس مرات تصدف نتشامر بالكلام وبعد ماتحمل اظل ساكته فالاسنه وارد عليه واطلع من الغرفه راسا انام يم بنتي.
الي صارمن تقربت ع همام وحجه كلماته قريب مني شميت ريحه الشرب ماعرف شصار بيه احس شياطين صارت كدامي اعرف اني مو كده من يعصب بس ماكدرت الزم نفسي واعصابي من الحاله العصبيه الي جنت بيهه يعني خابرته من الساعه ثمانيه ونص انتظرة ومتحضرتله وهو شهر ممتقربلي وفوك كل هذا يجيني شارب ..ماتحملت طلعت من طوري وياه

حاجيته..
هاي شنو همام..
شنو ..؟
شارب؟؟
شفته صفن بوجهي وجاوبني ببرود او حاول يتصنع البرود .
شويه بس ماثكلت.
ليش ؟
شنو ليش ؟عادي يعني كعدة ويه جماعتي ودنتونس .
ومتتونس الا لمن تشرب ؟

اي تدرين انتي اني اشرب بس علمود المزاج وهيج.
همام مو خابرتك اني من وقت ؟ موكتلك لتتاخرعندي مفاجاة الك ؟
اي وعفتهم واجيت.
اجيتني شارب.
الف مرة كتلج اني صاحب كيف ارتاح من اشرب .

شنو المامرتاح منه ؟ اني.. بنتك .. تقصيري ..مسؤولياتك؟ شنو همومك احجيلي يمكن اشيل عنك
الحمل واساعدك ليش تشرب لييييييش؟

طبعا اني اعصاب وبس اصيح وصوتي عالي وهو يحجي بهدوء بس احسه شويه شويه ديغلي لان صوتي عالي عليه..
ماعندي هموم..ماعندي شي اشتكي منه.
لعد ليش تشرب ..غير افتهم شنو العله البيك ..الف مرة تعاركت وياك علمود تبطل ليش هيج دتسوي بيه جاوبني!!
ومراح ابطل ..ارتاحي ويله وطلعي من الغرفه اريد انام صدعتي راسي ..

ماطلع ماخليك ترتاح اذا متطيني وعد تبطل شرب.
لاامشي بكيفج ولا بمزاجج وشرب مراح ابطل مو همام الي مرة تمشي كلامهه عليه.
همام !!ماصيرلك مرة بعد اذا خلبت قطرة شرب بحلكك .
ولاتصيرين ..يطبج مرض..والله زين ..جايه تهددني بس هي هاي البقت عليه.

تعوذ من الشيطان همام مدا اداهرك اني وروح بابا اخذ بنتي واطلع بعد

اخذ بنتي واطلع ومتشوف وجهي بحياتك بعد.
انتي تعوذي من الشيطان وروحي من وجهي هسه لا ا

شوفج همام ثاني عمرج مشايفته.
شسوي يعني ؟تضربني؟ترة تعودت وبعد ميهمني الموضوع ..
لزمني من زندي بقوة..

انتي والله شايفه نفسج ونافختهه مدري عليمن ترة اني مو لسواد عيونج رجعت بس علمود الفلوس والاملاك واخذتهن رجعتهن باسمي مشوفيني شامرج صارلي شهر ممتقربلج ..انتي مجرد وسيله فرغت حاجتي بيج وخلص شمرتج ..عبالج جبتولي ورقة وتحليل وكلتوا هاهيه اني ابنكم همام وخلص لاعيني لا همام ولا بطيخ ..ورقتكم بلوهه وشربوا ميهه ..اجتني زوجه وبلاش واملاك وبيت وسيارة ووظيفه وباسمي مخبل اكول لا طبعا اجاريكم باللعبه مالتكم.

كل هذا الكلام واني صافنه مصدومة ومامصدكه..
عافني وطلع من الغرفه كعدت بالكاع الدموع متطلع من عيوني الصدمه مدا اكدر اتحملهه ..صدمه ..صدمه..ماعندي كلمه اقوى اكولهه .

يتبع..

#كسرة_خاطر
#البارت 34

فجاة احس اعصابي تلفت من بعد ماكانت مشدوده من العصبيه مالتي ..احس تعبت حايرة شسوي ..احس روحي معرايه زوجي سندي وظهري بس ماحس هيج لاسندي ولاظهري احس انكشفت كدام شخص غريب غصب صمام اماني غصب سندي وظهري مني ..شعور بالذله ..شعور مينحمل ..عقلي توقف عن التفكير بكلامه.. هواي كلمات كالهه حسيتهه مو كلمه سجينه اندجت بكلبي لو ضاربني اهون عليه من هالاحساس ..

عبالي حلم واصحه منه عبالي ديشاقه هسه يرجع يطب عليه يضحك ويعتذر ويكول جنت اتشاقه ..شعور بالقرف من نفسي لان صرتله مرة بفراشه همام دك بيه الناقصات دكه ورة دكه وكل مصيبه اكبر من الثانيه وياما سامحت ودست ع كلبي ..تعبت ..ماكو صبر بعد ولا اكدر اتحمل ..عبالي المسرحيه خلصت بطلعه همام من الغرفه بس رجعلي وبيده بطل مال شرب مادري منين جابه ماعرف جان ضامه ببيتي ؟؟عيونه حمر يتطاير منها شرار عصبي نااار ..كومني من زندي بعنف احس وصله انشلعت من زندي وكالي اشربي..
شنو اشربي منيلك هذا ؟
صاح بيه صوت رج البيت رعبني من الخوف..
اشربي بلا لغوة زايده.
مااشرب.
راح تشربين .
لو تموتني ماشرب.
راح تشربين ماموتج ..
خنكني وبالكوة شربني وشبع مني دفرات ورفس لان بس رجليه الي سيطرة عليهن اكدر اقاومه بيهن هو لازم ايديه ثنينهن بايد وحده ولاويهن ورة ظهري وحاصرني ع الحايط ويغصبني اشرب وبالقوة شربت ..بلعته ..طعمه اقبح من ريحته ..مادري شنو قصده من تصرف هيج تصرف ..انهد حيلي من مقاومته ..حلفته بداعة ريمه يتركني ..شربت مو هذا الي راده ..شفته ارتاح ..
ليش جبرتني اشرب ؟
اشش ولا كلمه .
شدتسوي همام؟
كلت ولا كلمه..
هد ايديه وبدة يتقربلي ويريد ينزعني سيت نومي واني ادفع بي من صدرة شكك ملابسي عليه ظليت بالداخليات..

خبلتني همام شتريد مني؟
مو كتلتي نفسج ع النومه ..هاي راح انام وياج .
تووبه بطلت ماريد.
ماكو بطلت ..حتلو انتي متريدين اني اريد حلالي ومن حقي عليج.
وخر همام ..الله يخليك لاتسوي هيج.
الله لايخليني ..لاتدفعين.
وبدة يبوس بيه بكل مكان بجسمي بقوة وبالم ..
احسه مدينام وياي دينتقم مني ..
كام يصيح ..

ذوبي ذوبي تفاعلي وياي ليش مدتذوبين بيدي ؟
عوفني همام الله يخليك عفيه كافي لاتسوي هيج.
وهو مستمر بتقبيلي بقوة حته عض كام يعضني روحي تطلع كمت ااذيه اخرمشه باضافيري ارفسه ع رجليه احاول اوصل وارفسه بي علمود يتركني ..اخر شي سطرني براشديات مستمرة وقفت مقاومتي وهدات بيده وبده ياخذني وياخذ راحته وياي نزعني ملابسي الداخليه حاولت ابقي اخر قطعه خزرني هاي كل المقاومة الي كدرت اسويهه..
شويه وحسيت روحي بغير عالم مو اغماء لا صاحيه بس العالم صار حلو عبالك جنت نايمه وصحيت ولكيت همام ممددني ومتمدد فوك جسمي الظاهر سكرت والمشروب بدة ياخذ مفعوله بجسمي..

شلت روحي راسي وايديه وحضنته وهو دياخذني وظليت اهمس باذنه كلام يثيرة ماعرف منين جبته وبدة ياخذني بقوة ويزيد واني مستمتعه وهالمرة خرمشه اظافيري بظهرة صارت مو مقاومه صارت بلذة ومتعه والم هو يتاوه مندمج ومستمر ياخذني وكمل حاجته واستمر واخذني مرة ثانيه ..الواهس مو طبيعي والقوة الي ثنينه بيهه ماعرف منين جبناهه شي مال خبال شي ميخطر ع البال ..

الحضنه اللمسات الوضعيات الهمس الكلام الهدوء ..كالي احبج ..يتاوه ويصيح احببببج..مرتي وحبيبتي ونظر عيني ويعلي صوته وماكو ع لسانه غير كلمه احبج..
بررلي ليش خلاني اشرب فهمني انو هذا الكيف والمزاج الي يحس بي لما يشرب يتونس من ياخذني يعيش بغير عالم شي خيالي ورادني اجرب هالاحساس لان طلبت منه بعد ميشرب ..كالي يحبني وجان قصدة ياخذ الاملاك وكولشي يرجعه باسمه ويشمرني بس وكعته بحبي..حبني وصار شهر بصراع ويه نفسه وويه كلبه وميريد يعوفني ..ميكدر يعوفني ..بحضنه وهمسلي تبريراته واني اسمع بس مو يمه بغير عالم سكرانه اول مرة اشرب وجسمي حيل تاثر بالمشروب..كتله اريد انام ونومني بحضنه للصبح.

حنين ..الصبح حسيت يمكن ساعه 6:30 ع صوت المنبه طفيته راسي دمرني من الالم لحد هسه ماواعيه شصار وياي البارحه ظليت بمكاني جامده همام بصفي رايح بسابع نومه..صافنه ع السكف..حنت احاحي نفسي بداخلي واتذكر شصار..

جنت منتظرة همام متحضرتله وناويه افتح الحصار الي مسوي عليه ..اجه تعاركنه ..ليش؟؟ ..جان شارب ..اي ..ماتحملت كلامه كام يرن باذني ..
انتي ششايفه نفسج ترة مو لسواد عيونج رجعت بس علمود الفلوس والاملاك واخذتهن رجعتهن باسمي وشمرتج ..بدت دمو تنزل لا اراديا تصب عشرة عشرة ..شربني وخدر جسمي ..ووشكك ملابسي عليه واخذني غصب ظليت اشهك رحت ركض للحمام ..فتحت الدوش وابجي واشهك.وخانكه نفسي علمود ميطلع صوت البجي.

دموعي عبالك جمر ويحركني ..كلبي يوجعني احس النفس ضاك عليه من كثر البجي بخنكه كمت افرك بصدري وتمددت بالحمام ع السيراميك..كلبي يوجعني وجع مدا اكدر استحمله احس فجاه راح يوكف..
ربي دخيلك ريحني .. مدا ارتاح لا من وجع قلبي

ولا من حبه .. اللي صار جمرات تحرق بروحي تمنيت اموت

بس ما متت غفيت بالحمام وانا متمدده دقائق وردت لي روحي وبروده السيراميك فززتني مثل واحد ذبوعليه سطله مي بارد بعز الشتا فزيت وكمت دخلت جوة الدوش مغمضه وعقلي يحجي اي ارجع لبيت اهلي اخذ بنتي و ارجع كافي ما اريده بعد هذا القررت اسويه بس ردت ارتاح بالي يسولف وعقلي يسولف و قلبي سولف هوووسه ثوره بركان بداخلي نار تسعر تلوعني مثل المزوهرة اكتم ساعه واشهك ساعه و اختنك ساعه الموت ارحم.

طلعت من الحمام لبست تبديله طلعه لفيت شعري شلون ماجان بالحجاب وجمعت لي ملابس اني و ريمه احتياجات ضروريه جنطه مو جبيره و اخذت شكد جوا ايدي فلوس ذهبي عفته بس ذهب اهلي امي اخذته و مستمسكاتي اني و ريمه و طلعت كل هذا و همام نايم اعرف من يشرب نومه ثكيل و يتاخر بالكعده الصبح كل شي جان بصالحي طلعت من البيت فوني بايدي بس غلقته بوجهي لبيت عمي جانت الساعه ثمانيه الصبح تقريبا من الباب سلمت واخذت ريمه على اساس رايحه للحضانه و من اخذتها وياي اني ابد مو بدي اروح للحضانه.

اخذت ريما و مريت على بيت اهلي اطيت خبر للمؤجر اسبوع و يطلع من البيت لان محتاجته و كبل صعدت سيارتي بوجهي لاربيل ..شردت ..شردت من المكان البي همام ماندل بس الطريق خارجي و من سيطره لسيطره اسال و يدلوني.
همام ..حسيت على الم قوي براسي تلمست الفراش بارد وفارغ لزمت المبايل اباوع ساعه عشره ونص حيل هلكد نمت .

كمت من فراشي لابس ملابس داخليه بس رحل للحمام سبحت على مود اصحصح وراهه رحت للمطبخ ماكو احد البيت هدوء افتريت بي ماكو واحد و لا طير توقعت حنين وريما بالحضانه فما اهتميت استغربت شويه لان ما مسويتلي ريوك كلت يجوز طلعت مستعجله سويت شاي و طكيت لروحي بيضتين عيون وخبز.وكعدت اتريك و اخذت حبتين بنادول .
كعدت اتصفح الفيس كلت خلي اتصل على حنين ماكو مغلق الم راسي موتني ما كدرت افكر باللي صار البارحه ولا كدرت اركز بشي طفيت التلفون ورجعت لفراشي بس خليت راسي على المخده نمت.

النومه نومه الى الساعه 4 العصر فريت الغرفه ظلمه وهم فراشي فارغ كمت ادور في البيت هم فارغ تخبلت ساعه اربعه المفروض حنين وريم بالبيت من الساعه ثنتين معقوله صاير شي خاف مسويه حادث حنين ..بكل شي كل الاحتمالات فكرت بس حتى لو صاير شي ليش ما اتصلت بيه حنين لبست ملابسي عالسريع و اتصلت على حنين ماكو

و اكثر من مره مغلق ركبت سيارتي وبوجهي الحضانه ماكو مسدوده سالت الحارس كال خلص الدوام من الساعه ثنتين مثل يوميه سالته هم صار شي مو طبيعي بالشارع بالمنطقه انفجار شي حادث وحده من المعلمات عطلت سيارتها مثلا كال لا ما صار شي اليوم سالته عن حنين اخر شي لان ايست كال ما شافها اليوم ف ع اكثر ما مداومه بس هو ما متاكد طلبت منه رقم المديره اول شي ما قبل كلت له اني زوج ست حنين و هي لسا ما راجعه للبيت بعدين طانياه رقم المديره اتصلت عليها كالت اجت حنين الصبح طلبت اجازه اسبوع و طلعت .

سديته من المديره ضليت اضرب اخماس باسداس كلام المديره فرراسي فر انوبينه اتصل على حنين تلفونهه مغلق من الصبح رحت لاهلي سالت عنها كالت امي جتني الصبح اخذت ريمه كالت رايحه للروضه كلامهه هم ما ساعدني المشكله اتصل و بعد جهازه مغلق.

اني هالايام يطلع كتاب رجوعي لدوامي بمركز الشرطه فعندي علاقات صارت ويه الضباط او هي هاي العلاقات كانت موجوده اصلا من قبل بس انا ما اذكر احد لكن همه يذكرون واجوي عرفوني على نفسهم و شالوني بالصلوات واحد منهم نقيب اسمه ماجد صار صديقي كولش خابرته و كلتله هيج و هيج السالفه طبعا هذا كان شور الوالد لان اذا بلغت الشرطه باختفائها ماكو دليل و اصلا ما يمشون على البلاغ مال الاختفاء الا بعد 24 ساعه هاي الشغله مو حلوه بحقي فضيحه زوجتي شردت اني اعرف ما عدهه شي بس الناس ما ترحم.
يتبع...

#البارت 35

من بعد ما سولفت لاهلي مجبور عن اللي صار الوالد كال خابر احد ثقه يدورلنه عليها بسريه بدون تدخل الشرطه وفعلا اتصلت على نقيب ماجد عرفت هو وين و رحت له لمكانه و كلت له السالفه كيت وكيت اخذمني معلومات وسوة اتصالات و ضليت يمه لليل وماكونتيجه ماحصلنا شي اتفقنا نبقى على اتصال ونصحني باجر الصبح ابلغ عن الاختفاء اذا ما حصلنه نتيجه اليوم الوضع خطر وميتحمل تاجيل طز بالفضيحه وطز بالناس.
ظليت افتر بالشوارع ما اكدر ارجع للبيت كل شوي اتصل على رقمهه صارت الساعه سبعه بالليل وبعده مغلق.
الساعه عشره بالليل ياله طبيت للبيت و ماكو خبر لا من نقيب ماجد و لا من تلفون حنين و اهلي جانوع اتصال بيه و ابوي مرتفع ضغطه طبيت للبيت اول ما دخلت اشوف ابوي عيونه براسه عرفت راح يتعارك وياي لان لحدهسه بس سولفتلهم احداث اليوم ومحدسالني شصاير بيناتكم البارحه متعاركين شي استقبلتني امي
ها يمه بشر

ماكويمه فص ملح و ذاب.
ابويه حجه بنتر ومبين كوه ديكتم عصبيته..
شمسوي للبنيه ؟
شنو شمسوي؟
ابو همام..لوخاطفيهه لا سامح الله جان احد اتصل طلب فديه جان لكينه سيارتهه، يعني البنيه اخذت بتها و هجت فشمسوي للبنيه؟
بويه بنت اخوك شردت من بيتها لو مهما يكون السبب هي بعدشردت حتلو اني الغلطان جان لازم تلزم بيتها. يعني غلطان وياها انت؟

استغفر الله ربي يعني ماهمك الفضيحه بنت اخوك شردت و الله اعلم ويامن..
ما خلاني اكمل
انجب تاج راسك بنت اخويه تربيتنه و شرفك و عرضك هاي يا ناقص ياماعندك نوموس..

دنكت راسي الموقف صعب حنين شرفي وعرضي اني مو عديم غيرة وناموس بس الي سوته غلط حتلو ضربته اغتصبتهاظليت اتذكر شصارليله البارحه انعادعليه الشريط كوله من اول مارجعت لبيتي من سهرتي ويه جماعتي للعركه ع مود الشرب لحد ما ااااخ ربي..عرفت ليش شردت..تذكرت انا شحاجي سكران و حجيتلهه كولشي.. ع شنو شايفه نفسج ونافختهه اني مو لسواد عيونج رجعت بس على مود الفلوس و الاملاك علمود ارجعهن باسمي مشوفيني شامرج
..هذا نص كلامي..

ظليت افرك بوجهي..
ابوي عافني وطب لغرفته وامي لحكته تهدي بي الرجال ضغطه صاعد

رجعت اتصلت على نقيب ماجد ماكو خبر
حنين..دخلت اربيل ساعه سبعه بالليل طبعا بالطريق نزلت شكم مره علموداكل وعصائرومي اليه ولريمه ببس ريوم متونسه بالطريق صح تعبت هواي وكل شويه تنام و حتى بنومتهه مرتاحت خطيه سوده عليه تنام هي كاعده وتفزبالبريك القوي..

و الحمد لله وصلنا شفتلي فندق صغير مرتب و حجزت بي غرفه اكل ومبيت لمده اسبوع..

دخلت اغراضي الماخذتهن وريمه جانت متعشيه وتغفي بس بدلتلهه ملابسها لملابس نظيفه و مريحه وغسلتلهه والغرفه جانت دافيه فبس خليتهه على فراشها نامت راسا..
اني رحت سبحت وذبيت هدومي وشبعت بجي بالحمام وعيت على نفسي انا شسويت انا هجيت من رجلي وبيتي..غلطت لو مهما يكون مهما يسوي وياي المفروض ما اعوف بيتي او ع الاقل ارجع البيت اهلي لو لبيت عمي و انهي هاي المعاناه واتطلك منه بس حسيت بروحي بعد ما اتحمل حسيت روحي دتحترك سجاجين تنبت بروحي ..
صعبه البشر الي جنت حاسبه بظهرك و سترك وغطاك فجاه يعريك كدام الناس ويعيرك بسترك .. صعبه اصير وسيله تفريغ رغبه حالي حال المو زينه..

هذا الحسيته من كلامه استغلني لحاجتهوشهوته ورغبته مع انه الفلوس و الاملاك مالته يشهد ربي عليه ما طمعانه بيهن ولا الي نيه اتصرف بيهن اخرهمي الفلوس لو كايلي لومصارحني جان و الله ما زعلت صح انقهربس اهون من ان اتعير وانشمر

حرام اللي سوا بيه..
سبحت و طلعت اكلت شويه خدمه الغرف جابو العشه لزمت سجاده الصلاه اصلي حسيت روحي احتاجيت لرب العالمين و نار بكلبي كل ما ابجي اريدها تطفي اريد ارتاح بس ابد تتاجج اكثر بكلبي كل صلاتي كانت دموع و دعاءوبجي صارت الساعه 11بالليل اجي ع بالي عمي خطيه اكيدظل باله عليه وهسه كالب الدنيافتحت موبايلي كوووومه اتصالات ورسائل من همام ما اهتميت ولا فتحتهن اتصلت على عمي..
الو

حجيتها وصوتي يرجف.
حنين ؟يابه حنين؟
اي عمي حنين.
احجي بصوت ناصي.

وين انتي يابه؟شصاير وياج؟
اني بخير عمي.
احداذاج احد داسلج ع طرف؟
عمي..
بجيت ماكدرت و اني ناويه اسولفله ع كولشي..
يابه لاتبجين بس كوليلي انتي وين.

ابجي واسولف ما ردت اكوله اني وين بس ردت اطمنة اني بخير وردت اسولفله ليش هجيت في بيتي لان محد يهمني لاكلام الناس ولاغيره بس عمي بعيني. حجيتله السالفه كولهه واني من كثر البجي اشهك اختنكت تعبت اريد اصرخ..
عمي اهدى كافي بجي..ليش هيجي سويتي ليش ماجيتي وشكيتيلي؟مقصر وياج اني؟

عمي حشاك بس و الله احس روحي تحترك ردت ما شوفه ولا اسمع صوته ردت مكان ما اتنفس نفس الهوة اللي هوه يتنفسه تعبت عمي سجاجين بكلبي. اسم الله على كلبج يابه و الله لاطيح حظه لهذا الناقص شرف و غيره.
عمي بس كوليلي انتي وين؟
عمي حبيبي اسبوع وجايه بس ترتاح نفسيتي اريد انسى
ريحي كلبي عمي.

عمي ما اريد احد يجيني اريد ارتاح الله يخليك.
ما احجي لاحد بالذات همام بس طمنيني يابه انتي وين ..
يابه ان

ي باربيل حجزت اسبوع .

زين يابا زين ديري بالج على نفسج وعلى بنيتج.
عمو احلفك ببابا الله يرحمه اريد اسالك سؤال و جاوبني عليه بصراحه حلفتك ببابا عمو..
كول يا به خير شنوسؤالج ؟

تحليل الدي ان اي مال زمان صحيح لواحد متلاعب بي؟
صفن عليه عمي وسكت لحظات..
يابه تتصورين يعني توصل بيه المواصيل ادخل عليج رجال غريب و اكولج هذا همام.

نزلت دموعي لا اراديا و حسيت بعمي هم كام يبجي.. يابه ترة انتي عرضي تعرفين شنو عرضي؟
رجعت اشهك وابجي بحركه ..
عمو كلامه حرك روحي استغلني يفرغ حاجته وشمرني عمو كلامه دمرني حسيت روحي وحده من الشارع موزينه مو زوجته..

اخ يايابه.. يابه هذا مريض ..فاقد الذاكره.. لا تخذين على كلامه بنيتي انتي.. هذا رجلج همام بس مريض حبيبه عمج مريض بداعه الغالي لا تاخذين على كلامك.
عمو اني خايفه منه ..حتى من يخلص الاسبوع خايفه شراح يسوي بيه من ارجع .

لا تخافين يابه اني بظهرج ماعوفج ما اخليه ياذيج.. عمو اني بعد ما ارجعله.. اريد اتطلك منه ما ريد ارجعله.
لا يابه لاتفكرين بالطلاك انتي هسه تعبانه و اعصابج تلفت من تصرفاته لا تاخذين قرار بلحظه عصبيه و عندج بنيه فكري بيهه شلون تيتميهه وتحرميهه من ابوها وهو عايش.
شيلي موضوع الطلاك من راسج..و ارتاحي لا تفكرين بشي ابد خليها ورا الله ووراي .

الله كريم ..
يلا حبيبتي روحي ارتاحي ونامي و باجر اتصل عليج. ماشي عمي.

سديت التلفون من عمي و نوعاما ارتاحيت من فضفضت كولشي بداخلي لعمي وشكدجان حنين عليه سوده عليا و الله ما ريده يتعب ما باقي لي بالدنيا سند غيره.. بس قرار الطلاك ما اتراجع عنه يمكن وافقت افكر بالموضوع وقت اكثر بس مقتنعه اني بعد ما اعيش ويه همام مايتحمل كلبي بعد كسرات واهانات.. تعبت.. خليت راسي على المخده صافنه على السقف وشريط احداث اليوم كوله دينعاد كدامي ودمعتي بعيني ابد مانشفت شويه و دك التلفون مالتي شلته من جوا المخده.. هذا همام.. الظاهر عمي كله اني اتصلت و مطمئنه اخذت وعد من عمي ميكول لاحد ع مكاني مارديت انتظرت الدكه تكمل وسويته صامت هزاز .

هواي ظل يتصل و بعدين كام يدز رسائل وماجان الي واهس اقراهن و اعكر مزاجي بيهن لان صدوك من فضفضت ارتاحيت حيل و ماريد شي يضوجني المهم غلقته و نمت.

يتبع

قۣۗـۙصۣۗـۙصٍ 📖ۆبۣۗـۙسۣۗ 💯

#كسرة_خاطر
#بقلم روسكان

#البارت 36

البارت ماقبل الاخيرررر

همام ..ساعه11بالليل اني جنت بالهول اسولف ويه امي طلع ابويه من غرفته عيونه براسه بس قبلها سمعناه يحجي ويا احد عن موبايل وطلعلي كام يصيح و يغلط عليه ويكسرشكوشي يصير كدامه من كلامه افتهمت العينتين متصله بي ومطمنته عليها و حاجيتله كولشي لان كالي ناقص عديم الشرف ما عندك غيرة من هاي عرفتها حاجيه كولشي لعمها ارتاحيت وفرت عليه شاكول من يسالوني ليش مرتك هجت من البيت شصار بيناتكم انا ضليت ساكت اسمع ابويه يغلط عليه و ساكت حقه بنت اخوه و اني بعملتي جرعتهه السم .

اخر شي كالي اسبوع و ترجع و ما تريد تشوف وجهك اذا تعرضتلها لو مسيتها بحجايه ما تلوم الا نفسك لا انت ابني و لا اني اعرفك ردت احجي امي سكتتني لان ابويه ضغ مرتفع واذاتلازمنه تتازم المشكله و تكبر ويمكن يطردني من البيت لان هددني.

المهم لزمت نفسي بالكوه و دخلت غرفتي من بعد ما اخلص ابويه كلامه وياي بس ماعرفت هيه بيا مكان بالضبط و ليش اسبوع و تجي شتسوي اسبوع ووين مكانهه وويامن راحت.. دكيت عليها جهازهه مفتوح دك دك محدشاله ظليت هواي اتصل ماردت دزيت رسائل هم ماكورد بعدين رجعت دكيت لكيته مغلق مايعجبها الخاتون ترد عليه.. رجعت اتصلت على نقيب ماجدكتله الحمد لله لكيناهه سال ع التفاصيل كتله رايحه زياره للنجف مشتاقه لاهلها وراحت للمقبره كال الله يصبرها بس شكله ممقتنع بس شا كوله مثلا.. لازم باجر احاول اسحب كلام من ابويه على مود اعرف وينهه بلكت اروح ارجعهابعدهه نمت..

مرت الايام و ما كدرت احط عيني بعين والدي موانوبينه اسولف وياه و اساله عن مكان حنين و هي مستمره يوميه تتصل ع ابويه تطمنه عليها وعلى ريما اوف اشتاقيت لهاي الفصعونه الصغيرة ريومتي و اسمعه مرات يحجي وياهاويصبر بيهه و مرات ينصح و اكثرالمرات يحجي ويه ريمابالتلفون ويفتحون كام اخرشي فكرت اخذتلفونه من ينام لان صح موبايل حنين مفتوح مرات بس ع كداتصالهه ويه عمهه ومن الح عليهالواضوجهه بالاتصالات والرسائل تغلقه. صادفت ظهريه و حصلت موبايل ابويه دورت البرامج اللي عنده بس فيس و ماسنجر و فايبر و هي تتصل بي على الفايبربس ابد ماكو رسائل بيناتهم جان دورت بلكي سائلهه لو كاتبتله المكان اللي هي بي ماكو ابد ما حصلت شي و لا بصمه و لا صوره اخر شي قررت انزل برنامج تسجيل المكالمات لجهاز الوالد على مود بعدين اسمعهم بلكي اعرف وين هي لان خلص الاسبوع وهيه ماجتي حتى ابويه راح اخذلهه اجازه من دوامهه اسبوع ثاني الظاهرمطوله الخاتون كمت افور على اعصابي وقت الانتظار المهم تاسع يوم وصحتلي الفرصه اسمع مكالمتهم من نام ابويه سحبت الموبايل عبالك حرامي لو مراهق بايك تلفون ابوه حتى يخابر صاحبته ..
دخلت غرفتي وبديت اسمع مكالمتهه اووووف و الله مشتاق لصوتهه حتى صوتهابي حنيه موبس اسمها حنين.

الوهلوعمو
هلو حبيبتي شلونج؟
جانت تضحك ويمهه هوسه..
عمواحنابشقلاوةمكانك خالي عموالونسه والجوالحلوو ريما اهم شي متونسه.
ضحك ابويه على ضحكهم.
ظليت اسمع المكالمه واسمع تفاصيل مكانهه وحتلوما اندل هي شكم شقلاوه اكو و اللي يسال ميتوه.
حضرت غراضي ومستمسكاتي ودبرت سياره تكسي اتفقت ويه ولدجيران اهلي يندل وهو راح يوصلني لان اعرف بيها رايحه بسيارتها فمن نرجع نرجع بسيارتهه علمود مااحتاربسيارتي فمااخذها اصلا.ما بلغت احد بس امي وطلبت منها متبلغ ابويه وحلفتني ما سويلهه شي لاامد ايدي عليها ولاااذيهاوطيتهه وعد بس اجيبها و ارجع .
طلعت الساعه ثنتين بالليل هيج اتفقت ويه السايق و الطريق استمر لحد ثاني يوم الساعه 12 الظهروصلت لمصيف شقلاوه و نزلت بفندق و على الوصف المكان واسم الفندق هو نفسه الي نازله بي حنين ورحت
لموظف الرسبشن سالته عن بنيه هيج اسمهه وهيج مواصفاتها ووياها طفله ما قبل يطيني معلومات عنهه هيج سياسه الفندق عدهم حمايه الزبون و كذافطلعتله جنسيتي وقارن المعلومات اللي عنده عن حنين واتاكد انو اني زوجها و حجزت غرفه قريبه عليها و طوني رقم غرفتها ورحت..تصدكون كلبي يدوك مشتاقلهه خجت من بيتهه هجت مني كلبي نسه بس عقلي ما انسه الطريق لغرفه حنين صار صراع بين قلبي وعقلي شلون راح اقابلها شراح احجي شنو اول كلمه اكولهااكيد اسلم زين و بعدين شلون راح اباوعلهه بس بنيتي اضربها شردتها من البيت متعدى سلامات هيج.
وصلني موظف الرسبشن لغرفه زوجتي و راح.
دكيت الباب انفتحت ..

صارت حنين كدامي صفنت بهتت حسيتهااصفرت وا
حمرت اتفاجئت لابسه بنطلون كابوي و بدي باوعتلهه من فوك ليجوا اول كلمه نطقت بيهه ..
شلون تفتحين الباب و انتي بدون حجاب؟؟!
اندارت نطتني ظهرها ومشت بعيد عني و بقت الباب مفتوح ..
ما كلتي خاف هذا موظف الرسبشن؟
ردت ببرود..
شفتك من العين السحريه.
دخلت و سديت الباب..
كعدت على القنفه وكعدت يمهه.. صدت عليه وجهه بوجهي بس متباوع بعيوني عيونها هم شارده مني..
ليش اجيت؟
اجيت ارجعج.
عمي يدري انا هناترة.
واني زوجج موعمج..المفروض تكوليلي راي

حه لفلان مكان وتاخذين الاذن مني واوافق لو لا ياله تروحين موتكولين لعمج.

جنه نحجي بهدوء..
المطلوب مني شنو هسه؟
حضري غراضج نتغده ونطلع بلكي نوصل بالليل .
ماارجع وياك.
كلامهه نرفزني..
لعد ويامن ترجعين خاتون؟
وحدي ..اجيت وحدي وارجع وحدي.
وشوكت ناويه ان شاء الله ؟
يخلص الاسبوعين وارجع.
ليش شمعنه الا اسبوعين ؟
اريد ارتاح.
صارلج 10ايام مارتاحيتي.
لا..
عمي يدري انت هنا؟
لا.
لعد شلون عرفت مكاني؟
شغله متخصج.
وهاي تطلعين هيج بره بهذا لبسج؟
لا البس شال غير.
لامستورة اسم الله عليج وبنطرونج هذا الحصر.
شبيك همام لاحكني لهنا تتعارك ؟اجيت ارتاح واتونس واغير نفسيتي لايهمني منو يباوع ولايهمني احد المهم اني مقتنعه فهمت؟؟
صخام وجهج فهمته.
شفتهه غمضت عيونهه بقوة وعضت شفتهه مثل الواحد الكاتم غضبه بالكوه كلت استفزهه بعد اريد اضربهه (عجييب هذا شلون يفكر ).
انت شفت العالم شلابسه برة ؟
اني معليه بالعالم ..عليه بيج انتي مرتي مو العالم .
اي وان شاء الله بس ارجع هذا الوضع راح يتغير .
ياوضع شنو قصدج ؟
اريد اتطلك منك..عمي صار عنده علم بقراري وانت هم هسه بلغتك.
اي مو هي بكيفج.
ولابكيفك ابقى عايشه وياك واني ماريدك ولا اطيقك.
ضحكت باستهزاء ..ماتطيقيني..
والله كويه صايرة..
يله تحضري نرجع.
كتلك ما ارجع كوة هي وحتلو رجعت مارجع لبيتك سمعتني ؟لبيتك مااااارجع!
تقربت عليه تهدد باصبعهه.
نصي صوتج لسانج اكصه اذا عله صوتج عليه بعد.
وخرت عينهه من عيوني وكامت.
ريمه وين؟
دتتفرج كارتون.
شفتهه راحت ع المرايه تلف بشالهه واني كمت رحت ع ريمه حبيبتي بس شافتني كمزت واني هم ركضتلهه وفتحت ايديه للشبكه مالتهه وحضنتهه ..
حبييييبه البابا.
حضنات وبوسات وسوالف بعد كلبي..
لشوي اجتي حنين لابسه كامل وضايفه فوك البنطرون بوليرة طويله نازله ع البنطرون بس مفتوحه من كدام اقتنعت نوعا ما بملابسهه ماحجيت..
يله ماما حبيبتي..
نترت بيهه ..

وين ان شاء الله؟
ننزل نتغده ساعه 1.
وين تتغدون؟
بمطعم الفندق.
وليش متطلبين الاكل لهنا؟
وشكو بيهه لوطلعناوتغدينه احنه جايين نتونس مو للحبسه.
تحاجيني من ورة خشمهه ومتباوع بوجهي من جاوبتني هيج ..رفعتلهه حاجب..
هاا هيج.
كمزت ريومه ويه امهه لبستهه امهه كوت وكلاو..
عاد حجيت اني..
اني اروح اسبح وابدل والحككم.
سمعتهه جاوبتني بصوت ناصي..
محد عزمك.
رفعت حاجب ع الصلافه واللسان الطويل بعدهن بيهه الظاهر يمشن بدمهه تقربت منهه وهمست يم اذنهه..
لزمي حدودج لا لسانج اكصه.

رجعت لي ورا خايفه و باوعت بعيوني يا يابه يا عيونها وجماله وساع ومكحلتهن كحله جويتي و جارتهن برة العين ليفوك انتهيت اني بنظره عيونها..
دارت وجهها وكالت ..
ما قليت ادبي بس وجودك ما مرغوب بي حس يا اخي ما صارلك ساعه من اجيت و احسك خانكني كاتم على نفسي.
صفنت عليها كلامهه سجاجين ولا حاسه على نفسها. دولي يلا انزلي اتغدي شويه و لاحككم .
اخذت بنتهه وطلعت.
رحت لغرفتي الحاجزهه وهي قريبه على غرفه حنين و جنت حاط بيها غراضي وهم زين جنت حاسب حساب تغييرة ملابس و بدلت ملابسي سبحت وطلعت .
نزلت لمطعم الفندق شفت حنين من بعيد طالبه اكل و كاعده توكل بريمه واكلها بعده ممكيووس تقربت منهم سحبت كرسي وكعدت كمزت بحضني ريوم. تعالي ماما خلي اكملج غدا.
جاوبتهه ببرود.
اني اوكلها..
اكلت الطفله من ايدي شويه و شبعت الظاهر امهه موكلتهه هواي.
يلا ماما تعالي اغسلج.
اخذت ريمه للحمامات وراحت تغسللهه واجه الموظف و انا طلبت اكل .
رجعت حنين وحيده ضل بالي..
لعد وين ريما؟
اشرت لي على مكان بي العاب اطفال..
هناك تلعب.
وليش خليتيهه وحيدهه؟
كبال عيني وهسه اكمل غدا و اروحلهه.
شفت حرصهه ع الطفله تاكل وعيونها ع ريمه خاف توكع وتتاذه خاف طفل ياذيهه
سالتها ..
جايه بسيارتج؟
اي
خوماعذبتج بطريق الجيه ؟
لا ابد جديده و متصرف بانزين هواي .
ها وشلون اندليتي الطريق لو جايه قبل؟
لا مجايه قبل .
لعد؟
ظليت اسال من اوصل سيطره و الشرطه دللوني.
هاا..

يتبع...

#البارت 37

الاخييييير ..

ظلينه ثنيناتنه ناكل بهدوء وعيونه ع ريمه نراقبهه بعدين تحولت عيوني لا اراديا تراقب وجه حنين وملامحهه..
سالتهه بهدوء..
شلون خطرلج تجين لهنا ؟
ابعد مكان عنك اكدر اوصله.
ليش شردتي؟
اختنكت ..ردت مكان مابي انت.
شفت عيونهه انترست دموع ماحجيت شي بعد ماردت احرجهه اكثر ..حاولت ماترمش لان الدمعه بالكوة معلكه بطارف الرموش بس ترمش توكع ..اويلي يابه لعد شكد اذيتهه..
باجر من الصبح نرجع..
كلتهه بثقه وشفتهه باعده عيونهه عني وهزت براسهه بمعنى اي مستسلمه ..شفت الدمعه طفرت من عينهه مسحتهه بسرعه ..
كومي غسلي وجهج.
مردت كلبي دموعهه .
من كامت باوعتلي بعيوني نظرة جديه وكالتلي ..
ارجع وياك بس مارجع لبيتك..بس ليكون عندك علم.
شفتهه مو مال اناقشهه هنا وهسه وهي بهيج وضعيه هسه تنهار بجي بنص العالم ..جاوبتهه همس ..
ماشي براحتج..
وعافتني وراحت للحمامات تغسل وجهه.
تعبتني هالبنيه اعرف بنفسب احبهه دا كابر ودا اعاملهه بحقارة وماكو طريقه نكسه مااذيتهه بيهه ..ليش هيج ياربي..
ومن بعدهه شفتهه راحت لريمه ..كملت اكب وكمت غسلت وميت من النعاس من البارحه منايم وفد مرة تعبان من الطريق..
رجعوا يمي ..
بابا لاح الوح للزوو (بابا راح اروح للزوو).
شنو؟
وجهت كلامي لحنين شنو وين رايحين ؟
للزوو ..يعني حديقه حيوانات.
هاا يله لعد نروح.
هيييي هييييي!!
وكامت تكمز ريمه.
لاح الوح اشوف القلد (القرد يعني )..
حنين ..وانت هم تجي ؟؟
اي ليش لا شو مستغربه .
عبالي تعبان من الطريق.
واني ميت نعاس مو بس تعب بس ماحجيت ..ريمه تريد تتونس واحنه باجر راجعين..
ميخالف يله نروح للزوو ع كولة ريوم.
لزمت ايدهه لريوم وامهه لازمه ايدهه الثانيه ..
فد اربع ساعات بالزوو ماخلينه حيوان ماشفناه اهم شي القرد ريمه تموت ع القرد وفد ساعتين بمدينه الالعاب وكل راس ساعه شاميه لو جرك لو نمنمات شكل وعصاير هم تونسنه وهم انتخمنه اكل وراهه صارت ب 8بالليل ..دخلتهم مطعم وكعدنه نتعشه وريمه تباوع للالعاب ..الحلو بيهم اكثر المطاعم والمولات بيهه العاب اطفال حتى يلتهون باللعب والاهل يفترون بالمول او ياكلون ع راحتهم .
ريوم بابا حبيبي اليوم كافي لعب ..
اليد اليد مااا مااا.
حبيبتي لاء.نتعشه ونرجع كافي تعبنه اليوم ولعبنه هواي .
حنين ..اذا تعبان اني اخذهه وانت ارجع للفندق.
لاماكدر اعوفكم وحدكم.
المطعم قريب ع الفندق عادي يعني ناخذلنه ساعه ونرجع.
لا موبس هيج ..لغيت حجز الغرفتين بالفندق.
شفتهه استغربت قطبت حاجبهه..

لعد وين نبات اليوم ؟
حجزت سويت النه.
منو احنه؟
رفعت حاجب من سؤالهه..
انتي وريمه واني منو يعني .
ليش ؟؟
كل عقلج اخليج تنامين وحدج انتي وريمه.
ضحكت عليه ما مامن بيه ويخاف خاف ارجع اشرد من ينام..
جان قفلت علينه الباب واخذت المفتاح ورحت لغرفتك.
لاااء سويت احسن كبال عيني.
باوعتلي صفح وصدت وجهه عني.
راحت ريوم تلعب ورا ما تعشينه اخذتلهه ربع ساعه وكمت كلت يله كافي..
ورجعنه للفندق اخذنه مفتاح السويت ولكينه غراضنه بي كلفت موظف ينقلهن للسويت..
طبيت بوجهي للحمام ..المي دافي يفك العظام فك ويريح.
السويت جان بي غرفه نوم بيهه سرير نفرين وغرفه ثانيه بيهه سرير نفر واحدوتلفزيون وثلاجه وصحيات ..اني اخذت الغرفه البيهه سرير ابو نفر وريمه وحنين اخذن الغرفه الثانيه.

من طلعت من الحمام لكيت ريمه نايمه وحنين فاتحه فيس رحت لغرفتي تمددت ووقتت مبايلي ع الساعه 6الصبح ورحت بسابع نومه.
ساعه ب 3 بالليل حسيت عطشان والثلاجه يمي كمت فتحتهه وشربت مي وصار عندي فضول اشوفىحنين نايمه لو كاعده ..
تقربت منهه نايمه ببراءه.. تذكرت من جانت تنام بالهول لو بغرفه ريمه واني اشيلهه واوديهه بفراشي احضنهه وانام حتلو مزاعلين وحتلة منتحاجه نتحاضن وننام حضنهه اماني وجنتي ..صارلي 10ايام ماشفت طعم النوم اتكلب بفراشي لان هي مو يمي ولابحضني ..
تقربت خليت ايد جوة ركباتهه وايدي الثانيه جوة ظهرهه وشلتهه تعلكت اديهه بركبتي مثل قبل لا اراديا ابتسمت ودفنت راسي بركبتهه اووووف ياعطرهه ياخذ الروح ويردهه ..ماحست عليه اخذذتهه لفراشي..
حنين ..حسيت بي بس مافتحت عيوني ..هو ..اعرف انفاسه ..دفو شفايفه ع ركبتي ..لمسه شواربه ..خشونه ايديه..10ايام شايفه الويل جارعه المر بغيابه عني اريده واريد قربه بس اذاني هواااي ..
اووووف ياكرامتي ..اووف ياكسرة كلبي..
حسيت بي حطني بفراشه وحضني وصار وجهي كبال وجهه وبعد مترهم اتظاهر بالنوم جفوني تتحرك تفضحني وارتبك من قربه..

دفن راسه بركبتي وحسيته شهك يشمني ويتنفس انفاسي ..فتحت عيوني ولان وجهه بوجهي حس بحركه عيوني من فتحتهن وراسا رفع راسه ..
شدتسوي ..؟
جاوبني بتوسل وعيونه ذبلانه..
احبج ..
دمعت عيوني وبقت عيوني بعيونه ..قربه دمرني ..كل خليه بجسمي تصيح اريده وكلبي المكسور منه يصيح اريده دكاتي تقرة الف بالثانيه اعرف بنفسي تخربط كياني ..العيون ظلت تتعاتب

وتحجي كلام لسانه فاشل يعبر عنه كتله ..طلكني ..
جاوبني..
اموووت عليج.
جرحتني مرات متنعد.
اني

اسف ..طيني فرصه.
طيتك هواي ..ماظلت كرامه.
بين اليحبون ماكو شي اسمه كرامه..
منو كالك احبك ..؟
عيونج وانتي نفسج كوولج ..نايمه بحضني وانتي زعلانه مني وتريدين تتطلكين..
تنهدت كولشي بيه فاضحني..
ماطلكج..
اخلعك..
ابتسم ..كالي ..كويه والله..
اطلبج لبيت الطاعه.
وشنو هذا ؟
يعني اوفرلج بيت وارجعج اليه غصبن ماعليج.
وليش هيج تسوي ؟
احبج ومافرط بيج بعد.
لعد ليش فرطت قبل ؟
غبي ومتنعاد بعد ..وشرب ابطل وعيونج وضرب تنكسر ايدي اذا تنمد عليج بعد..شنو بعد رايده تامريني امرر.
شنو الغيرك هيج ؟املاك ورجعتهن باسمك ..اني وشبعت بيه غصب وبرضاتي وشمرتني من بعد ماخلصت حاجتك مني.
اني احجي وهو يسد باذاناته ويغمض عيونه بقوة ويعض شفته واني استمريت بالكلام تالي حط ايده ع حلكي سكتني.
كافي كافي كافي الله يخليج اسكتي .
وخرت ايده ..
ليش اسكت هذا كلامك .
جنت شارب والله ومو واعي لكلامي..
تدري شحسيت وكتهه؟
تنهد وسكت واني كملت ..
حسيت اني بنت شارع رخيصه ....
اششش اسكتي لخاطر الله كاااافي .
اني غبي اني طايح حظه وحقير ..
كملت عليه..
ونذل وناقص..
اشش ولج مو اخذج الواهس .
ابتسمت ..
يمه ضحكت غزالتي..
زادت ابتسامتي..
والله احبج ..سامحيني وطيني فرصه .
خلي نرجع ونشوف.
ماكو نرجع ونشوف ..من نرجع ترجعين لبيتي لحضني.
واذا رجعت حليمه لعادتهه القديمه ؟
خلعيني بدووون نقاش .
ضحكت ع سوالفه ..
بس مو تخلعيني وتشردين ..
ها ليش ؟
موتيني من الخوف عليج عبالي خطفوج.
هههههه وشعدهم وياي ويخطفوني اسم الله.
مادري والله هيج فكرت لان شو الخطف بهاي العائله صاير موده .
احجي عن نفسك عيني.
اي اني انخطفت وانتي شردتي.
ههههه عائله فريده .
اذا ارجع عندي شرط.
شنو هو؟
يتنفذ ارجع ميتنفذ ماكو رجعه .
شكله صعب شرطج هذا .
كول تم علمود اكولك الشرط .
غير اعرف شرطج .
لازم متريدني ارجع.
لاعيني اريد اريد يله تم بس كولي .
كول بداعه ريمه تم.
عمي بداعه ريمه تم.
مترجع لوظيفتك القديمه.

صفن بوجهي ..
انت حلفت بعد .
بس الامر الوزاري مالتي اجه .
حتلو اطلع تقاعد.
تخافين عليه ؟
مارديت ..
اذا ماجاوبتي ما اطلع تقاعد..
يعني قبلت بشرطي.
لسه ماقررت انتظر جوابج.
اي اي اي اخااف عليك وامووووت عليك .
يا يااابه .
شهك وحضنته حيييل ..احبك ..اموت عليك.
اجازتي اسبوعين خلي نبقه هنا شهر عسل ومنرجع باجر ؟
والله ؟متاكده ؟خاف تكلبين عليه ؟
لا اكلب شنو طيتك حجايه زلم .
ههههههه يعني انتي زلمه ؟
زلمه بدونك وانثى وياك .
يايمه فدوة لحلكج ينكط عسسسل ..
حضني حييييل ..
اوووي اووووي ..
ولج لاتكولين اووي تشتعل عشيرتي .
هههههههه وليش تشتعل واني موجوده.
هاا يعني اكو شي ؟
اكووو اشيااااء .
امي داعيتلي .

بس ها مو مال واحد متوحش .
امممممم طلبج صعب .
شالني ونومني فوكاه ..

يله اني راح اكعد عاقل وشوفيني شسوين ..
ماسوي شي ..

خزرني بالشقا .. سوي !!
بست شفايفه وخدوده وعيونه وكصته وحنكه بمكان الرصعه ..

اخر انذار الك واخر فرصه ..من بعدهه تحلم تشوف وجهي ..
كلتهه بتهديد وبجديه .
احبج.

حنين ..من بعد كل هالمعاناة عشت احلا ايامي ويه همام ..بعده فاقد الذاكرة اكو فلاش باك ورحنه لطبيب باربيل كال اكو امل ترجع الذاكرة بمرور الوقت واتصلت ع عمي فرحته برجعتي لهمام حسيته فرح واطمئن واتمنالي السعاده والتوفيق ووصاني بالصبر لان الحياة الزوجيه متخلو من المشاكل ..اهم شي وجود شخص يحبك ويتمسك بيك.والباقي كوله يهون ..صدوك ماكو كرامه بين اليحبون .
خلصنه اسعد اسبوعين باربيل عوضنه شهرالعسل الي انحرمنه منه بزواجنه ومن رجعت لبغداد صارت عندي اعراض حمل رحت حللت طلعت صدوك حامل شهرين ونص ههههههه يعني من اول مرة ويه همام اول مارجعلي ..وهمام طااار من الفرح ربي يتمم علينه هالفرحه ويديمهه.. بعد شكم شهر صار عندي ولد سميناه كرار والفرحه صارت فرحتين لان بده همام يتذكر اشياء عن حياته وماضيه ورجوع ذاكرته صارت مساله وقت ..

، النهايه.
ان شاء الله عجبتكم القصة واستفاديتو منها☺️🌺

عيوني بهالبيجات تلكين🌚👇🏻قرطاسية

#ملوكه