عالم البنات🙈🎀
768 subscribers
9.89K photos
528 videos
12 files
180 links
فاتنة كأنها من تراب القمر 😘
في عينيها حب وحنان وقوة

رقيقة كونها أم وزوجة وصديقه وحبيبه وطفله 😌

هنا عالم تسكنه الفاتنات
ســتجديــن ڪل مايــخص جــﻣالڪي سيدتي 💋💚
#كوني_بلقرب🍷😻



أي سؤال👇

@maloka97_bot
Download Telegram
قۣۗـۙصۣۗـۙصٍ 📖ۆبۣۗـۙسۣۗ 💯

#كسرة_خاطر
#البارت 20

حنين ..راقبته وهو ديبدل ..ماكشخ بس لبس تراكسود رصاصي وبي خطوط ع الجانب اسود وتعطر واخذ السويج وصحت وراه..
حبيبي ..
عيونه..
رجعلي مثل المشتاق واني بعد لحكت اشتاقله بهالثواني الي دار وجهه بيهن عني ..
شراح تجيب اكل؟
اكو شي ببالج؟
بيتزا.
اوك بيتزا لاحلا حنونه.
وببسي حباب ..
خاف مو زين عليج حبي.
بنفسي والله وكون مجرش.

وج مجرش شنو بارده الدنيا ..
حباب..باوعتله بتوسل ..وبرطمت مثل الجهال..
تدللين ..بخاطرج شي بعد؟
سلامتك.
تقرب عليه باس شفتي جريتله شفته بخباثه اذيته ..كالي..اني اعلمج من ارجع ..وباسني من راسي وطلع..
مودع بالله..

مادريت هاي اخر مره احجي وياه..ولا دريت هاي اخر بوسه اتبادلهه وياه..وما وفالي بوعده من كالي اني اعلمج من ارجع ..مارجعلي ..كتله الله وياك ..كتله مودع بالله ..شكبر اسمك ربس ودعته عندك ..حبيبي مارجعلي..
الي صار ..من لحظه الي طلع بيهه همام من البيت كمزت اتحضرتله لبس ومكياج وسوالف دلع علكتهه يادوخه ياحمل يابطيخ ..همام اخذ كلبي وصار نور عيوني الي اشوف بيهن وكعدت انتظرة ساعه و2و3ساعات.

مابطلت اتصال بي ع مبايله جان يدوك الى ان يفصل وماكو رد ..خفت وبالي صار بي حسبات وكامت الافكار الموزينه تحي وتروح بدماغي هو طالع من ساعه 6ونص وهسه ب10 اتصلت ع عمي ابو همام وخبرته هيج وهيج السالفه راسا الرجال اجاني للبيت طلعتله استغربت سيارة همام واكفه بباب البيت ..السويج بيهه بالداخل والمبايل هم دكيت ع صدري ياربي دخيلك بسلا الي ببالي..عمي الظاهر فكر نفس تفكيري وراسا اتصل ع الشرطه ..ساعه او اقل وهمه يعاينون السيارة ع اساس مكان الحادث واقرب واقوة استنتاج هو همام انخطف من باب البيت اني تخربطت مادري بالدنيا شصار بيهه صرت زركه واشهك الهوة اريد هوة اختنكت رشوو عليه مي وكعدت بالكاع اسمع الضابط مال التحقيق شيحجي. .يكول مبينه احد منتظرة يطلع من بيته وينفذ ومنطقتهم هادئه وليل ..تخبلت تهسترت ماعرف شسوي اجتي واجتي ضمياء وامهه وانكلب بيتي كلاب ..كل شويه اركض للشارع اريد اكلع ادور عليه ويرجعوني ..املخ بروحي بشعري ..اريده رجلي اريده رجعولياه ..جنت متحضرتله المكياج الطوخ والكحل والايلاينر كوله من البجي والدك ع وجهي كوله ساح صار شكلي يخوف عبالك فزاعه مال زرع ..همام شمعه حياتي راح واخذ روحي وياه كسر كلبي مرة ثانيه ..جنت انوح مو بجي لا ابد وبامي من ماتت ماسويت هيج ماعرف ليش كل المده الي عرفت بيهه همام شهر وبس..

الشرطه اخذت تلفونه وتسجيل مكالمات ورسائل كولشي محذوف طلعوه وكالو اخر ايام قبل خطفه اكو جهه جانت تهدده لان هو ضابط بجهاز مكافحه الارهاب هذا العرفته عن شغله هو مجان كايلي شنو يشتغل بالضبط يمكن لخطورة مكانه والتحقيقات ويه ارهابيين خلته عرضه للتهديدوفعلا اتهدد وانخطف جنت بس اعرف هو ملازم وهاهيه ميحجيلي شي عن شغله.
مرن يومين والي خطفوو اتصلوا ع جهازي وطلبوا فديه 8دفاتر ..

بعت ذهبي وسيارتي وسيارة همام اهله هم باعوا وكملنه المبلغ خلال يومين وخابرونه اتفقوا ويانه ع مكان تسليم المبلغ بدون تدخل الشرطه بس كولشي جنه نسويه وكل تصرف نتصرفه بعلم وبتخطيط الشرطه عدهم خبراء يعلمونه شنحجي وشلون نتصرف وسلمنه المبلغ وماكو همام..
يوم يومين3 اسبوع وهمام ماكو ..دورنه بالمستشفيات والطب العدلي ومراكز الشرطه والسجون مالكينه لا اثر ولاجثه ولا اي خيط يودينه لطريق همام وكف عقلنه لاهو الراجع ومكحلين عيونه بشوفته ولا احنه اللاكين جثته ودافنينه ونعرف مصيره بالقبر ونزورة وكت نشتاقله..
وصلت بيه الحاله كمت احسد الناس الي يموتون احبابهم وعدهم جثه يدفنوهه حته من يشتاقون لاحبابهم يروحون لقبرهم يزوروهم ويبجون ويحجون وياهم ويعاتبوهم ع الفراك .

اني المن اعاتب ووين اروح من اشتاق الوضع وكف عقولنه مثل واحد معلك لاهو للسما ولا هو للكاع واحنه بالعراق وماظل امل عدنه نلكاه عايش بس هم مالكيناله جثه.
عمي ابو همام وعمتي شكل وياهم ضغط واني شكل وياي انخفاض بالسكر والضغط الواطئ كمت ماتوازن من ادوخ بسرعه اوكع لازم 24ساعه نساتل وشي حلو علمود يبقه سكري بالمعدل الطبيعي .

ضعفت كولش واربعه اشهر اني حامل ومادري بنفسي وحته من دريت الخبر لا بي فرحه ولا بفد شي حلو يفرحني بس حسيت عمتي فرحت لان الطفل صار عندي من ريحه الغالي وعمي اصر اكمل دراستي ذيج السنه علمود التهي لان التفكير والقلق كام ياكل بيه اكل واني حامل كالي الدراسه شويه تشغلني بلكي اهتم بصحتي وبالطفل وسويت مثل ماراد ماضيعت السنه ع نفسي ورسبت دور اول ب6 مواد من اصل 9 بس اجه قرار حته الراسب يمتحن وحته يكدر يحملهن اذا مانجح بيهن كولهن والحمدلله شديت حيلي بالدور الثاني ونجحت ب4مواد وحملت 2 وبشلاع الكلب صرت مرحله ثالثه.
همام مانسيناه بس الحياه مشت بينه وتقرب موعد ولادتي وولدت طفله سميتهه ريم لان اجتي عيونهه كبار وحلوات ..ريم همام..

يتبع...
#كسرة_خاطر
#البارت 21

بعد 3سنوات :
حنين ..مرت عليه 3سنوات ..صارت عنجي بنيه سميتهه ريم وصدوك ريم فدوة لكلبهه (عيون الريم هي عيون الغزال الواسعه) جرة عيونهه تشبه جرة عيون ابوهه وابيض مني ودنفوشه والستوتات تمريات وبضوة الشمس يصيرن ع شكار دمهه يلعب تنحب صار عمرهه 3سنين واني تخرجت العام من الكليه ورغم ما حالتي الماديه جانت اكثر من زينه لان تقاعد بابا الله يرحمه بعدني استلمه وتقاعد همام لان.... لان بعد ما ايسنه من رجعته عمي طلعله شهاده وفاة وصارله قبر رمزي نروحله نزوره ..وداعه بنتي اكتب هذا الكلام وبكلبي غصه وخنكه بس رب العالمين يعلم بيهه..
وبيت اهلي بعده ماجر واجارة يوصلني كامل كل نهايه شهر اشتريت سيارة صول بدل عن سيارة بابا الي بعتهه علمود الفديه يكولون عليهه بناتيه صغيرة لونهه زيتوني سكنت فترة يم بيت عمي بس ماتحملت ابقه بمكان مابي ريحه همام ..بغيابه حيل تعلقت بي رغم ماعرفته شهر واحد بس وماتذكر منه غير بس الحنيه والذكريات الحلوة وعشت 3سنين ع ذكراه ورجعت لبيتي الي جمعني بي اني وريمه ولحيت ع عمي يشوفلي واسطه علمود اتعين وصدوك تعينت بس مو ع اختصاصي واني جنت رايده هيج تعينت معلمه حضانه برياض اطفال علمود ماعرف ريمه وحيدهه وخالتي تعبت صحتهه بالفترة الراخت بعد متكدر تداري بنتي فكمت اداوم روضه وبنتي تروح وترجع وياي جان دوامنه من ساعه 8الصبح للساعه 2الظهروبيت عمي ابد ماعترضوا للتهيت بدوامي وببنتي ريمه.
بدة الدوام مثل اي يوم اعتيادي كعدت الصبح بدلت وتريكت وريمه مرات تكعود ومرات اخذهه للحضانه نايمه وهناك اريكهه واليوم ريمه نايمه ورحنه للحضانه ساعات وخلص دوامي واخذت بنتي وطلعت دا اصعد بالسيارة من بعد ماصعدت ريم بكرسي الاطفال واشوف سيارتي صاير بنجر احد ثاقبلي اطار السيارة..شلون ياربي عندي سبير بس ماكدر ابدله مادبرهه ..حايرة ووياي طفله وظهريه.

حازم..عمري ماعرف شكد عمري ،بيتنه بحي العامل عندي سيارة النترا تكسي اشتغل بيهه ع باب الله..وعندي امي وابويه عايشين الحمدلله ..ذكرياتي تنحصر ب 3سنوات الفاتت فقط ..ماتذكر قبلهه شصار وشجنت لان فقدت الذاكرة بحادث صارلي من 3سنوات.
حنين..دنيا الظهر صح ساعه 2وشتا وناس قليلين بالشارع ظليت حايرة منو يبدلي التاير كلت خلي ااشر للسيارات بلكي واحد ابو غيرة يبدلي التاير وصدوك الله هيالي واحد وكفلي شاب عنده سيارة تكسي ووياه مرة جبيرة كاعده جانت بالصدر ارتاحيت شويه من شفتهه لان الولد جان مو كولش جبير بعده شاب..
نزل الرجال والشمس بعيني..
ها الله يساعدهم..
حواسي كولهه تحفزت وانتبهت هذا الصوت مو غريب عليه ..
تقرب عليه واني خليت ايدي فوك راسي هيج علمود اوخر ضوة الشمس من عيوني شويه ..جسمي يرجف اريد اوكف رجليه متشيلني..اسمعه يكولي هاخويه محتاجه شي ؟؟
واشوف الصدمه..
همااام !!!

يتبع ...
#كسرة_خاطر

#بقلم روسكان

#البارت 22

حازم..الحجيه شويه صاعد ضغطهه وردت اوديهه للمستشفى علموديجيكوهه واخذلهه حبوب الضغط فتت بالشارع الي بي حضانه قريبه ع بيتنه واشوف شابه واكفه بالشارع تاشر يمكن سيارتهه عطلانه او هيج شي طبكت سيارتي اريد اشوف شبيهه بلكي اكدر اساعدهه..
نزلت وتقربت عليها.
ها الله يساعدهم..
شو هاي سمعتهه كالت همام وخربت ووكعت بالكاع ..لا ياالله هاي،شبيهه البنيه..
امي نزلت تساعدني واني ركضت ع البنيه اصحي بيهه براشديات خفيفه ع خدهه ماكو مافاد ماصحت امي جابتلي بطل مي صحت بيهه ردت ماكو فايده انتبهت طفله بالسيارة تصرخ ..

يمه خلي نوديهه للمستشفى..
وصدوك شلته وجنطتهه وياهه وصعدتهه بسيارتي وامي ظلت يمهه ورحت ع سيارة البنيه اخذت الطفله وهداتهه هدات شويه الظاهر الطفله متستغرب قفلت السيارة مال البنيه واخذت السويج وطيت الطفله لامي وسكتت عدهه وطرت بالسيارة للمستشفى والبنيه فاقده الوعي بعدهه.
وصلت ودخلت البنيه للطوارئ اخذوهه مني ع السديه كتلهم اغمي عليهه ماعرف ليش سالوني عدهه ضغط سكر جاوبن ماعرف اصلا ماعرف البنيه شالوني شصير منك ماعرفت شجاوب هم ماعرفهه وكعت بالشارع والله جابني بطريقهه وشلتهه للمستشفى ..

امي نزلت ورايه والطفله عدهه بين مدا ننتظر المعاينه طوني غراضهه جنطتهه وحلقتهه وبالاثناء الطفله كامت تبجي وامي مرة جبيرة وخبرة بسوالف الاطفال فكالتلي الطفله جوعانه كتلهه يمه شاجيبلهه هي تاكل لو بس تشرب حليب كالت لايمه مسننه الطفله اكيد تاكل يجي عمرهه فوك السنتين ونص..

رحت للكافتريا جبت عصاير وكيك وبسكويت وشفت حليب مطعم بالموز والفراوله والكاكاو اخذت من كل نوع علبتين ورجعت لامي وكعدتهم بالردهه قريب ع الغرفه الي دخلوا البنيه بيهه وبلشت امي توكل الطفله والظاهر صدوك الطفله جانت جوعانه لان جانت تاكل بنهم وفجاه طلع الطبيب..
ها دكتور بشر؟

الحمدلله ماكو شي بس السكر عدهه هابط وتحتاج سكريات وحلويات ع طول كل راس ساعه فد كيكه نستله ..هسه علكنالهه محلول مغذي بس تخلصه تكدرون تطلعوهه..
هسه هي صاحيه؟
لا فد ساعه اقل وتصحى.
مشكور دكتور.
العفو انت زوجهه؟
لا.
اخوهه؟

لا..لكيتهه واكعه بالشارع ووياهه طفلتهه والظاهر سيارتهه عطلانه ..
اها اطوك مستلزماتهه الشخصيه .
اي نعم.
بلكي وياهم مبايله تكدر تتصل ع اهلهه خلي يجون يخرجوهه اكيد ميدرون بيهه.
هو هم هيج ..رحم الله والديك دكتور.
ووالديك بالخدمه.
راح الدكتور ..سمحت لنفسي افتح جنطتهه ودورت المبايل ولكيته الحمدلله مابي رمز واتصلت ع اخر رقم متصل عليهه مكتوب عليه عمي ابو همام ..تذكرت هذا الاسم همام.. كالته البنيه بعدين فقدت الوعي مافهمت شنو سالفته..اتصلت دك دكتين وطلعلي صوت رجال جبيربلغته عن حالة بنته هي يمكن بنته وطيته اسم المستشفى الي احنه بي والعنوان وماكو نص ساعه واجه الظاهر من الاستعلامات سائلهم وعارف غرفه البنيه.

ابوهمام..من بعيد شفت شاب طويل والهيئه هيئه همام ..جنت امشي بهمه اريد اشوف بنت اخوي مرة الغالي شصاير بيهه بس من شفت هالشاب من بعيدوشايل ريمه ويلاعبهه كمت ابطئ بمشيتي عبالك عيوني دتحاول تستوعب الي دتشوفه عيوني ممصدكه..
تقربت اكثر وبديت انتجي ع الحايط بمشيتي ..دمعت عيوني مدا اتحمل المنظر اخر شي وكعت انتبهلي الولدعاف الطفله وركضلي تجاني..
الله الله الله ..عمي.
وليدي همام..كلتهه بضعف..
عمي سلامتك شبيك اصيحلك طبيب؟شتحس؟
سندني وكعدت ع الكرسي جان كدام الغرفه...
مي ..كلتهه بضعف..

كمز الولد وجابلي مي شربت وغسلت وجهي..
عمي شلونك هسه؟
احسن ..واني اباوعله مصدوم ..سالته شسمك؟
حازم عمي ..تحس نفسك احسن لو اصيحلك دكتور يجيكك ماطول احنه بالمستشفى.
لاعمي صرت زين.
انت ابو همام؟
اي..

اني حازم ..الولد الي خابرك لان بنتك وكعت كدام الحضانه.
تذكرت حنين سالته وشلون صارت؟
الحمدلله الطبيب كال صار عدهه انخفاض بالسكر وفقدت الوعي ولازم كل راس ساعه يطوهه شي حلو وخلولهه محلول مغذي وبس يخلص تكدر تطلعهه..
انت جبتهه؟
اني والوالدهةجنه مارين من يم الحضانه وجانت سيارتهه عطلانه ونزلت اساعدهه شو راسا اغمي عليهه.
ها يعني شافتك؟
اي عمي هو اني نزلت اساعدهه.
وعرفت ليش حنين فقدت الوعي شافت همام ..كلتهه بكلبي.
عمي مشكور ورحم الله والديك.
واجبنه عمي.
لعد وين الوالده؟

راحت للطبيب عدهه معاينه تعرف مرة جبيرة ومشكل وياهه الضغط.
هاا الله يشفيهه.
اخذت ريمه من حضنه شلتهه وبوستهه ورجعتهه اله ..كلبي يكولي هذا همام وحته الطفله تضحكله وتلعب وياه وابد ممستغربه منه ..تقصدت ابقيهه يمه وافوت اشوف حنين ونشوف شلون نعرف سالفه هذا الولد وفعلاعفت ريمه يمه ودخلت للغرفه لكيت حنين صاحيه..
هايابه الحمدلله ع السلامه.
الله يسلمك.
خوفتينه عليج.
عمي شفت الي اني شفته.

نزلت راسي ونزلت دمعه من عيني..
..همام...وليدي..
عمي شلون ؟؟يكول اسمه حازم ..لازم نعرف سالفته

عمي شلون ؟؟يكول اسمه حازم ..لازم نعرف سالفته شنو.
يابه يخلق من ال
شبه 40.
بس عمي احنه مالكينه جثه همام.
بنت اخويه طتني بصيص امل بس حسيت برعب ورهبه ..هذا بصيص امل ديرهب كلبي لو هو المصعدني للسما بخبر انو ابني يطلع عايش بعد كل هاي السنين يا ينزلني لسابع ارض اذا طلع هذا الامل وهم وسراب وصدوك حجايتي يخلق من الشبه 40.
وشلون نعرف سالفته؟
نمهدله شويه شويه او اخذ رقمه نفتح وياه الموضوع باقرب وقت..
يله يابه حضري روحج اطلعج من المستشفى.
خطرت ببالي فكرة وقررت من اطلع من الغرفه انفذهه..
حازم..استغربت من الرجال صحته تعبانه انقهرت عليه ..نفسي دنت ع مبايل البنيه الي ظل عندي ..فتحته ودكيت بي رقمي ودك ع مبايلي وطلع عندي رقمهه سيفته بلكي ازحفلهه واكنك وياهه لان البنيه حلوة ومرتبه ومبينه ارمله لو مطلقه يعني بيهه مجال..
طلعلي الرجال الجبير عم البنيه..
ها عمي..
ابو همام ..عفت حنين تحضر نفسهه علمود نخرجهه من المستشفى ..لكيت الوالده ام الولد وتعرفت عليهه وتشكرت منهم رحم الله والديكم بس ماتجرات انفذ الفكرة الي خطرت ع بالي الى ان..
اخذت ريمه ودافوت للغرفه اشوف حنين كملت لو لا علمود نطلع سالني الولد ..
عمي منو همام؟
صدمني سؤاله..
عمي اعذرني ع السؤال بس البنيه كالت اسم همام ووكعت وانت هم شفتك لفظت اسمه وتخربطت ..حته شكيت بنفسي بيه شي.
نزلت الطفله بالكاع وطلعت مبايلي ودخلت ع الاستوديو وطلعتله البوم صور كامل خاص بابني عزيزي همام وسلمته المبايل بيده وكتله هاك تفضل تفرج ..هذا همام. هذا ابني.
حازم..استغربت من سلمني المبايل وشفت الصور ..هذا اني ..الشبه رهيب ..ظليت مصدوم..وافتهمت ليش البنيه وكعت والحجي تخربط..
امي شفتهه تقربت علينه من شافتني هيج مصدوم واخذت المبايل من ايدي وظلت تكلب بالصور..
الحجيه..حجي طلع بنيتك للبيت وحازم ينتظرك يم الحضانه يجيبك لبيتنه ويسولفلك ابو حازم..
وكففت البنيه بباب الغرفه كالت اني مارجع للبيت اروح وياك عمي..
ظليت صافن ع حجي الحجيه امي وصارت عيني بعين البنيه من كالت عمي ماعوفك اروح وياك..
السالفه جبيرة وبيهه ان ..فرووا راسي فر..جريت امي ع صفحه وسالتهه حجيه شكو؟؟ كالت بالبيت تفتهم كولشي ابوك يسولفلك.
وصدوك كولنه طلعنه من المستشفى اني وامي بسيارتي وابو همام والبنيه والطفله بسيارة ابو همام جان جاي بيهه وانتبهت البنيه كالت لابو همام عمي يعني هاي مو بنته..ظلو يمشون ورانه لحد ماوصلنه للبيت..الوالد جان موجود اول مادخلو بيتنه تسالمووا وكعدوا ضيفناهم جاي ومي وهاي السوالف..وبدة والدي يسولف قصه صارت قبل 3سنوات..
ابو حازم..بهاي سيارتي التكسي اشتغل ع باب الله وجنت بعدني بحيلي اجرتني عائله للاطراف بغداد بالطارميه اتذكر نزلوا وطوني فلوسي وماجنت اندل كولش المنطقه طبيت بطريق ترابي مشيت ومشيت لحد ماحسيت السيارة صدمت فد شي توقعت حيوان وجان المكان عبالك تكرمون مزبله ويمهه منهوله ووصخ وبزازين ..نزلت دا شوف شضربت ولكين جثه ..ولد شاب ضخم اكرع بس كولشي ممبين من ملامح وجهه لان كوله دم وجسمه وهدومه همين تقربت منه والله بي نفس ردت اشيله جثيث ماكدرتله سحلته وطببته بسيارتي وطرت بي ع اقرب مستشفى واخذوه مني اول مافتت للطوارئ..والولد لا هويه ولاجنسيه كاكو اي مستمسك عنده يثبت هو منو وشنو منين اهله ..وراسا دخلوا عمليات جان بجسمه 4طلقات بصدرة وبخاصرته وبجتفه وطلقه رابعه فايته من يم راسه جلخ شاخطته واني كملتهه عليه بالسيارة ضربت رجله وكسرتهه..
المهم الله كاتبله يعيش خبزته بالدنيا لسه ماخلصت .
طلعوه من العمليات شايليله كليه لان متضررة وعايش بكليه وحده وكالو شضيه الطلقه الي شاخطه راسه مسويتله فقدان ذاكرة بس ميدرون فقدان الذاكرة دائمي لو وقتي.
ابو حازم..هذا الدا اسولفلكم عليه ..حازم..وخليت ايدي ع جتف حازم.
حازم..اني ممصدوم من هاي القصه لان اعرفهه الحجي والحجيه مسولفيهه اليه بس الصدمه جانت بعيون ابو همام والبنيه ..ووالدي من جان ديسولف ذكرلهم هاي الحادثه باليوم والتاريخ وجانت حسب مالكالو ورة يومين بالضبط من حادثه خطف ابنهم همام ..جان ضابط وانخطفى..الي اني اشبهه ودفعوا بوكتهه فلوس الفديه ولا رجعلهم عدل ولا لكوله جثه ..من حجيهم افتهمت انو اني ابنهم همام المخطوف والحجي بالقصه مالته ايد كلامهم.
حازم ..مستحيل هذا الكلام.
دماغي ماستوعب رغم ما اني فاقد الذاكرة وماعندي اي معلومات عن حياتي وعائلتي وماضيي بس ماتقبلت هذا الكلام ابدد.
حنين ..همام جان عنده وحمه مال ولاده بنهايه ظهرة ع الجهه اليسرة .
حازم ..باوعتلهه بعصبيه واني احس نار عيوني تجدح ..زمخت بيهه..وانتي شمدريج؟؟ خلت عيونهه بعيوني وكالت اني زوجته.
الكل صافن ع همام او حازم رادوا منه جواب ع سؤال حنين عنده هالوحمه بهذا المكان الي وصفته حنين..ابو همام وجهله السؤال مرة ثانيه وهو جان معصب ويباوع بعيون حنين ..مادري عمي جهتي اليسرة متشوهه عندي عمليه بهالمكان

ابو حازم وام حازم ناس يخافون الله وعدهم يقين وامل انو حازم هو همام ابن هذوله الناس المخطوف ابنهم من 3سنين ..المشاعر متضاربه ..وابو همام
طلب نسوي تحليل دي ان اي ناخذ عينه من الاب الي هو ابو همام والابن الي هو حازم والعينه اما شعر او العفو بلغم..
يتبع..
This media is not supported in your browser
VIEW IN TELEGRAM
#كسرة_خاطر
#البارت 23

بعد شهر..

حنين ..مر علينه شهر صعب من الترقب والانتظار..عمتي ام همام بهذا الشهر راحت لبيت ابو حازم شافت همام او حازم عمي ابو همام اخذهه صارت علاقات طيبه بين عمي وعمتي وام حازم وابو حازم ناس طيبين يخافون الله وشالونه بالصلوات بس حازم ابد ماهضمنه دائما كلما نروح يقابلنه ببرود ماعنده اي مشاعر ابن لوالدته ووالده ولامشاعر تجاه زوجته وهذا الشي يقتلني من الداخل بس اصبر نفسي بالامل.

واني خلال هالشهر اخذني عمي لبيتهم ردت اقوي علاقته ببنته ريمه حبته كولش وتعلقت بي وهو هم شويه بده يستجيب بس للطفله اما احنه ف نابذنه .
تحليل الدي ان اي ياخذ اشهر ويمكن سنه ياله يطلع بالعراق بس واسطات عمي متخلص وكدر يدفع فلوس ويدبرونه نتيجه التطابق خلال شهر ..من الكلام وتوافق الاحداث والتاريخ ويه كلام عائله ابو حازم وبيت ابو همام مقتنعين حازم هو همام والتحليل جان للتاكيد وعلمود يقتنع حازم ..المهم طلعت النتيجه مطابقه وحازم هو همام تم التاكد من ذلك..بس بروده مشاعر همام ناحيتنه ناحيه عائلته بردت مشاعرنه تجاهه.وتبخرت فرحتنه بالخبر وردة فعل همام جانت قويه علينه رفض انو هو نفسه همام ورفض اهله ورفض بنته ورفضني ورفض يجي يعيش ببيته وياي وويه ريمه بنتنه لان صح مرت 3سنوات
بس شرعاوقانونا بعدني زوجته .

ياس وفقدان امل وشعور فقدان جديدعلينه صعب كولش صعب وكانه دنفقد همام من جديد كلوبنه ماعادت تتحمل هيج الم وهو عبالك بلا مسؤوليه واناني وتصرفاته طفوليه استشارينه طبيب نفسي لحالته وهو اصلاعنده طبيب خاص بي تابعله حاله فقدان الذاكرة من البدايه ..الطبيب النفسي يكول همام في حاله انكار صايرة عمده مثل حاله الادمان اول مرحله من مراحل المشكله هو الانكار تنكر انو انت واكع بمشكله وضايع وعقله ديشتغل هيج لان قبل 3سنوات فتح عيونه ع هاي الحياه ع انو هو حازم وهذوله اهله وعقله يرفض يتقبل الحقيقه والشغله الثانيهالي رجحت كفهانو فقدان الذاكرة يميل ليكون دائمي هوانه ماعنده عائله تذكره بتفاصيل حياته السابقه لان من لكووه وعالجوه مجان يحمل اي مستمسك يدل ع اسمه واهله ومكانه فمحد كدر يساعده بان يذكرة بحياته سواء بصور او احداث او حته اشخاص كرايب او اهل.

اما الطبيب الثاني فكال همام جسديا سليم ومايشكي من اي شي جسدي والحل برائ الطبيب النفسي انو همام يرجع يعيش ببيئته الاصليه بيت اهله ويمارس عمله علمود تزيد احتمالات رجوع ذاكرته اله بس هو رافض نهائيا لهذه الفكرة.
حازم..انتظرنه شهر للتحليل وطلع مطابق يعني اني همام مو حازم ..طلبوا اهل همام اجي اعيش وياهم وارجع اعيش حياتي ويه زوجتي وطفلتي ..بس اني رافض لهاي الفكرة..
ماحسهم اهلي ..ماحس نفسي اعرفهم وماعندي اي مشاعر تجاهمم حتلو فاقد الذاكرة بس مو المفروض من اشوفهم وهذوله يدعون انو همه اهلي يتخرك شي داخلي تجاهم او اتذكر مواقف جمعتني بيهم بحياتي السابقه وياهم او فد ذكرى قويه تذكرني بيهم ماكو ابد كولشي ماكو لاحسيت بشي ولا ابد.

مرت الايام واني عادي عايش عد اهلي بيت ابو حازم واشتغل بالتكسي مالتي وتقريبا يوميه اشوف حنين من تجي للحضانه هي وريمه ومن تطلع منهه نظل واحد يباوع ع الثاني نتواصل بالعيون والنظرات واحس عيونهه تتوسل بيه ارجع ومرات انزل اسلم عليهه بحجه مشتاق لريمه ولو اني صدوك اشتاق لهاي الطفله تعلقت بيهه واحس بشي غريب تجاهه احس تخصني ..

حنين صح محجبه بس ابد مراضي ع لبسهه كوله بناطير ضيكه وقميص قصير ومن اشوفهه جسمهه وشكلهه ديغريني والي افتهمته هي لسه ع ذمتي والشيطان وافكاره كامت تلعب براسي ..زين ليش ما ارجع اعيش وياهه واني شاب وعندي احتياجاتي وهي موجوده وافرغ حاجتي بالحلال هي بعد زوجتي وشلون جسم عليهه فدوة بس خصرهه بمرة ..اي اني ليش غبي وليش مااستغل هاي الاوضاع اشو فجاه كعدت الصبح لكيت روحي بيت وسيارة ووظيفه تدر ذهب وزوجه مليكان وطفله عسوله واني هنا معاند اتقبل حياتي ونايم بالفكر..قررت اعيش ببيتي بس ابد نيتي مو شريفه ولاصافيه.

رقم حنين عندي من ذاك اليوم بالمستشفى اخذته بس ماتجرات ولا مرة ادوك عليهه بس اليوم دكيت الرقم طلع بي فايبر دزيت رساله عليهه..
الو ..حنين؟
حنين ..جانت الساعه 11بالليل دك مبايلي رساله فايبر ..رقم غريب وفوكاهه يعرف اسمي..
منوو؟؟
همام ..استغربت توقعتهه خازنه رقمي ..ردت اداهرهه بس بطلت .
اني حاازم.
حنين ..اتنرفز من يكول اسمي حازم .
ها هلو همام.
همام..نرفزتني من كالت همام اكره هالاسم كلب حياتي ..احس عبالك تتقصد تغثني.
هلو بيج ..شلونج ؟

تمام الحمدلله ..انت شلونك ؟
بخير ..ريمه شلونهه؟
برحمه الله تبوس ايدك.
حنين اني باجر راح احي للبيت..
تعيش ويانه قصدك؟
اي نعم.
استغربت وكيفت بداخلي ..شنو انتهت مرحله النكران..
اي هلا بيك تنور بيتك.
تسلمين.
شوكت باي ساعه؟

العصر لان الصبح عدي شغل.
اوك لعد حعزم عمي وعمتي يمنه ع العشه.
ليش؟
شنو ليش ؟هم يشوفوك ويفرحون بيك وهم نحتفل برجعتك .
ها اوك براحتج..يله
اني اروح انام عندي كعدة من وكت.
ع راحتك تصبح ع خير.
اجمعين الله وياج.

يتبع...
This media is not supported in your browser
VIEW IN TELEGRAM
حبي هج تحفيات بس ورود اصطناعيه.. خلي بي ولاتختارين ورود احمر..لانو هي تحفية عل احمر

فكون تختارين ورود تبرزه مثل لون ابيض🙃🌸

#ملوكه
مثل بهالصور....

تكدرين تخلين اثنين مزهريات جوة تلفزيون..وثالثة عل الميز مال الاكل☺️

او اي ميز يم المراية هم تكدرين تخلين بي..او الطبلات اللي موجوده بوسط الغرفة🌚

#ملوكه
This media is not supported in your browser
VIEW IN TELEGRAM
عمري من ماسكات تفتيح مثل بياض البيض او ماسك التمن او ماسك نشا والحليب
وكون بالاسبوع مرة او مرتين تقشرين حته يوكع الجلد الميت

واي ماسك تخلين عل وجهج..هو نفسه خلي للركبه..حته يصير لون واحد🌚🌺

#ملوكه