#كسرة_خاطر

البارت 10

صار المغرب خلصت الحفله ولملمن البيت ضمياء والبنات وكولهه راحت وبقينه بس اني وهمام وعمتي ..قفلنه البيت وغراضي ملابسي وكتبي وباقي جهازي سبقني لبيتي وعمي اخذ زوجته لبيتهم واني وهمام رحنه ع اساس لبيتنه..
الحلو همام جان مزروق السيارة وماوداني راسا للبيت فررني بغداد كولهه سوالي زفه بس محد ويانه وحدنه بسيارتنه واخذنه عشه مشويات وحلويات وكرزات وعصاير ورحنه للبيت..
اول ماطبيت لبيتي كلبي انقبض ولزمتني خوفه ورجفه.
صرنه وحيدنه بالبيت ..همام ذب المسواك بالمطبخ وكالي
رتبي المسواك بين ماروح اقفل الباب الخارجي ..
ذبيت جنطتي وخليت الاكل بالفرن والحلويات والعصاير بالثلاجه واتفرج مبهورة ومتعجبه بذوق همام الترتيب والسيراميك والكاونتر وهذا بس المطبخ الي شفته رجع طب همام انتبهلي مشغوله اتفرج ..اخذ ايدي..
وين همام ؟
باوع بعيوني ..
نتفرج ع بيتنه..
ابتسم ومشى وايدي بايده .
فررني الطابق الارضي كوله بعد المطبخ صاله وبيهه تخم بسيط واستقبال ضخم وغرفتين نوم وحده غرفتنه ووحده مقفوله كالي بعدهي ماكامله مسويهه مخزن مؤقتا وحمام وتواليت داخلي لغرفه النوم غير الحمامات خارج البيت للخطار وكالي الطابق الثاني بعدين نشوفه عدنه وقت وجان اكو غرفتين فوك المهم بعده لازم ايدي وداني لغرفه النوم..ماحسيت عليه الا لمن هو شالني ومن حلات روحي تعلكت بركبته وحاوطتهه بايديه خفت خاف اوكع هههههه يسوي حركات ..دخلني للغرفه وهو شايلني ..دخل برجله اليمين هيج المفروض..
همام..اول مادخلنه للبيت وجهه تغير فجاه اختفت الابتسامه عرفتهه خايفه مني او من الي راح يصير حاولت اطمنهه طلعت قفلت الباب الخارجي ورجعت لكيتهه مرتبه المسواك واخذتهه من ايدهه وفررتهه البيت كوله وشلتهه ودخلتهه غرفه النوم وشقه وضحك ردتهه تفك شويه وفعلا تجاوبت وياي ..
من شلتهه تعلكت بركبتي عبالهه راح اوكعهه ومن بعد ما امنت شفت بعيونهه نظرات خجل ودلال ..ثارتني وردتهه..نزلتهه شويه ونزعت الكوت مالتهه وكعدت ع الجربايه كعدت قريب يمهه لمحت وشم ع كتفهه لان الفستان الي جانت لابسته عاري الظهر والاكتاف يعني الوشم بكتفهه بس ليورة وعبارة عن فراشه ..حبيت المكان وتمنيت ابوس مكان الوشم ..ابتسمت وانشغلت انزع السترة..رجعت كعدت يمهه ع الجربايه حسيتهه فزت شويه اخذت ايدهه وداعبتهه وردت اشاقيهه..رفعت حواجبي وراسي وحنكي وباوعتلهه صفح وكتلهه..
مبروك عليج اني.
التفتتلي وهم رفعت حواجبهه..
كولش متواضع!
اكيد طبعا.
اخذت ايدهه دابوسهه وشفت وشم ثاني ع شكل انفنتي :-)& بمكان الرسغ..
هاي شنو وشم ثاني؟
ضحكت وجاوبتني..
وانت وين شفت الاولاني؟
هستوني شفته.

باوعتلهه بمكر وتقربت بستهه بكتفهه بمكان الوشم ذابت بلمستي وبالبوسه غمضت عيونهه وباعت ريك..
حلو مكانه؟
كولش حلو ..مثل شفايفج..
صارت عيني ع شفايفهه موكبار ولاصغار بس الشفه الجوانيه منفوخه ..تقربت عليهه واختلطت انفاسنه حسيت بحراره نفسهه وقربي منهه ذوبهه وذبلت عيونهه ..اخذت حنكهه برقه وقربتهه عليه اكثر وبستهه اول شي ماتجاوبت جمدت بس ثواني وبدت تجاريني بالبوسه واني تعمقت وتفننت بالبوسه لحد ماحسيت نفسي انكطع ابتعدت عنهه وكتلهه
فدوة للخلقج.
يله كومي نصلي ونبدل والبسيلي شي حلو ..
همست صار.
كمنه صلينه وبدلنه والسبلت جان مفتوخ والغرفه كولش دافيه دخلت الحمام بدلت تراكسود رصاصي وهي هم فاتت ورايه للحمام بدلت سيت نوم ابيض طويل وبي فتحات طوال وفوكاه روب ابيض ستن..من طلعت من الحمام كانت دتلبس الروب كتلهه عوفيه متحتاجيه وعافته ع الكرسي..
جنت كاعد ع الجربايه وانثولت صراحه من شكلهه حلوه وبيضه وناعمه وربروبه ونزاكه وطفو له واثارة كولهه بنفس الوقت مادري شلون جامعتهن ..
تعالي..
اجتي تقربت كعدتهه بحضني ع رجليه ظلت تباوع بعيوني..شاورتهه ..خايفه؟
لمعت دمعه بعيونهه وهي بحضني ..
همستلي ..اي حباب اجلهه..
ابتسمت ..وج شلون ااجلهه وانتي طالعه كمر ثولتيني ثول ترة.
اكوم امسح مكياجي هسه واخربط روحي..
هههههه وهو بس بالمكياج انتي حلوة؟منو كلج؟عمي انتي كمربالمكياج وبدونه.
خايفه اني ..همست.
مراح ااذيج بس انتي سلميني نفسج ولاتتشنجين..
بست شفايفهه وتقربتلهه حسيتهه ذبلت وخدرت اخذتهه وتم كولشي بسهوله حته ماحسيتهه تاذت هواي لان جانت بغير عالم وهي هم اخذتني لغير عالم ..تعبت وغفيت وهي هم نامت ..تقريبا غفينه ساعه كعدت لكيتهه بعدهي نايمه ..طبيت سبحت وطكني الجوع ..من طلعت من الحمام لكيتهه كاعده ع الحربايه بدون ملابس بس لافه نفسهه بجرجف ابيض بس طالع صدرهه وسيقانهه لحد افخاذهه وع وجهه ابتسامه بريئه وخجوله ..ثارتني صورتهه وردت اتقربلهه مرة ثانيه ..بس هاهيه خلص شغلي وياهه كسرتهه ورديت الصاع صاعين ..اخذت ثاري مال قبل 5سنين..
كلبت وجهي وشفتهه منتبهه عليه من كلعت من الحمام..
كومي ولج جوعان سويلي عشا

يتبع...

#كسرة_خاطر

#البارت 11

كومي ولج جوعان سويلي عشه..
حاجيتهه بنتر..
حنين..استغربت من النبرة مالته وكلامه هستوني جنت نايمه بحضنه..
ولج؟
شنو ماعاجبتج الولج؟
لاحبيبي بس..
قاطعني..حبيبي؟؟
وضحك باستهزاء لان كتله حبيبي..
خاف صدكتي نفسج تزوجتيني..
بس ..بس احنه صدوك تزوجنه شدتحجي انت؟
تتذكرين المهتلف دلوع الماما؟
دموعي نزلت لا اراديا وهو باوع لدموعي وهي دتنزل بنظرة شماته..ابتسمت بصدمه ع كلامه طخ براسي الي جنت خايفه منه..
ايييييي.. هذا المهتلف ردلجج الصاع صاعين..
الله ذب عليه هدوء رهيب بس عيوني تصب دموع عشرة عشرة..عبالك سجين وانغرس بكلبي..هذا الي جنت خايفه منه هذا الي جنت احسبله حساب..بس وين حسابي راح..ليش امنت بي ..اااخ ربي لييييييش كلمه الليييش اكلت كلبي اكل وهو يحجي ويزيد عليه كلامه يعذبني احسه بسمار ويدك براسي ..
كسرتج..بنت عمي الزعطوطه ..ثار 5سنين.
تجرات ارد عليه..
وتحجيهه بكل صلافه وحقارة..واني عرضك قبل لا اصير زوجتك ..
احترمي نفسج ولتتجاوزين .
عبالك انت رجال من هيج انتقمت ؟
اجاني راشدي قوي سطرني حسيت اذاني نشلعت ومااسمع شي بس صوت صفارة باذاني..
هاي حته بعد متتجاوزين..
ماتحركت من مكاني..ظليت كاعده ع الجربايه وهو كعد يعدل بنفسه ع المرايه واجتني قوة مجري منين كتله..
تصدك ماصدمتني بتصرفك هذا..
باوعلي من المرايه..
شنو قصدج؟
ماصدكتك ..الجر الناعم والمداراة والتمسكن ..مانخدعت بي ..انت نفسك المهتلف الي وكفتله الزعطوطه ام 15سنه..صح كونت نفسك شهاده ووظيفه وبيت وسيارة بس بعدك تحس بنقص لذلك هيج سويت بعرضك.
كافي بلا لغوه زايده وكومي سوياي عشه..
كمت من الفراش ع حيلي لفيت نفسي بالجرجف وفتحت الكنتور طلعت جنطه ملابسي وبديت احط بيهه ملابسي..
شدتسوين؟
مثل متشوف.
اي لامه ملابسج ووين رايحه؟
عندي بيت ..راجعه لبيت اهلي مالهه داعي ابقه هنا بعد..

ضحك باستهزاء..
اي مو هي بكيفج.
اكيد طبعا بكيفي.
جر الجنطه من ايدي وكعت بالكاع رحت عليهه رجعت الملابس الي وكعت للجنطه وشلتهه وسديتهه ودا البس عبايه اسلاميه فوك ملابسي جرني من شعري صحت اخ اخ شعري ..جرني حيل واباوع وجهه انكلب مو هو حسيت بخوف ورعب من عيونه خوفتني شفت موتي بيهن..
ماكو طلعه من البيت.
اطلع ومو بكيفك.
ضربني راشدي مرة ثانيه وكعت بالكاع ومن الكاع شلت روحي وركضت اريد اطلع من الغرفه وفعلا فتحت الباب وطلعت وركضت لباب المطبخ جانت جنطتي بعدهي بالمطبخ اخذتهه بسرعه وهو طول هذا الوكت يركض ورايه وصلت للباب الخارجي تذكرته مقفول صيحت وصلي همام جرني من شعري وسحلني من زندي بقوة اذاني حيل..
وين ولج وين رايحه؟
هو طول وعرض وصدر عريض قوي واني ضعيفه يمه يعني اي مجهود ديسوي ويايه ميتطلب هواي قوة منه يعني بايد وحده يسحلني من زندي ودفعني بغرفه ثانيه الغرفه الي جانت مسدوده وكال فارغه ومسويهه مخزن مؤقتا شمرني بيهه وقفلهه عليه..
انهاريت بالكاع ظليت ابجي واشهك بصوت عالي وكمت اصيح اريد احد من الجوارين يسمعني ويلحكني بس ماكو ظليت اضرب بالباب الى ان تعبت وسكتت عرفت ماكو فايده لصياحي ولا للبجي ..بطني موتتني من الالم لان مماكله شي اخر شي اكلته قطعتين كيك بالعقد مالتي بس الم بطني ماجان بكد الم كلبي ..جنت احس وجع بكلبي ماكدر اتحمله لو اجرح نفسي من وريدي اهون عليه من هيج شعور يذبحني بالالم ..كسر كلبي ..حبيته وكسر كلبي ..تجاهلت حدسي وشكي ومخاوفي وحبيته ..كسرني بكل حقارة ..هاي باختصار ليله زواجي ..التفتت للغرفه بيهه فراش وبطانيه وحده بس بارده مابيهه تدفئه سبلت ..جنت بعدني بملابس النوم والعبايه الاسلاميه فوكاهن رحت للفراش دفنت وجهي بالمخده وتغطيت ظليت ارجف بارده الدنيا حاولت ادفي نفسي قرفصت ع روحي وسحبت رجليه لبطني ..الم فظيع ..الم جوع..والم كسرتي والم كلبي تجمعن عليه مانشفت دمعتي ..تبللت المخده بدموعي ..باوعت للسكف لرب العالمين كتله يارب خلصني ذبيت حملي عليك ..تعبت ..حيل ..يتيمه اني ..حسبي الله ونعم الوكيل..غفيت من التعب ماحسيت بشي للصبح..

يتبع...

#قۣۗـۙصۣۗـۙصٍ 📖ۆبۣۗـۙسۣۗ 💯

#كسرة_خاطر
#البارت 12

الصبح من كعدت باوعت للبرده جان اكو ضوه يعني الصبح صاير والشمس طالعه بس ماعرف بيش الساعه ..كمت رحت للباب مال غرفه جانت مقفوله البارحه لان حاولت افتحهه منفتحت بس هسه لا نفتحت ارتاحيت صارعندي امل اشرد من البيت بلكي همام لسه ماكاعد بعدين صفنت البارحه اني نمت وهي مقفوله اليوم كعدت لكيتهه مفتوحه يعني اكيد كاعد قبلي ..المهم طلعت من الغرفه لكيت همام بوجهي ..درت وجهي ومشيت من يمه رحت للحمام غسلت وجهي اباوع بالمرايه عيوني مورمه وغاطه صغرانه من البجي وخدودي بيهن حمار اثار راشديات البارحه ..غسلت وطلعت ..بدون مقدمات حجه وياي..
امي وابويه راح يجون هسه روحي غيري ملابسج رتبي روحج وحطي شي ع وجهج واي حجايه زايده ناقصه انهيج واحسب الله ماخلقج سمعتي لو لا؟
هاقصدك نمثل عليهم ..الزوجين السعيدين ..وصخام عزه بعينك الي سويته بيه وهذا الاثر الي بوجهي..
رجع تقربلي بسرعه ولزمني من شعري بقوة..
اكص لسانج واشوه وجهج همين اذا تفكرين تحجين شي من الي صار البارحه لاهلي.
دفعني بقوة ردت اوكع بالكاع.
يله ولي من وجهي وسوي الي كتلج عليه.
رحت فتت لغرفه النوم ..باوعت ع الجربايه انهاريت بجي..هنا اخذني ..صح برضاتي بس جان ضاملي دكه ناقصه كولهه سم وحقارة ..هنا كسرني وحطم كل امل حلو رسمته بحياتي..
فتت للحمام سبحت وحضرت دراعيه لونهه شكري البسهه نشفت شعري وشيورته وحطيت مكياج خفيف بس كبرت عيوني بالكحل اديه ترجف ماسيطر احط ايلاينر وكثرت احمر خدود علمود ميبين اثر الراشديات ..لبست وتعطرت ورتبت الغرفه باوعت الساعه جانت ب 10الصبح طلعت بوجهي للمطبخ اشوف شعدنه اسوي ريوك..كالي..
كولشي لاتسوين امي جايبتلنه الريوك ..
جان كاعد بالهول يتفرج تلفزيون واني كعدت ودرت وجهي عنه ماردت اشوفه شويه واندكت الباب خزرني وحذرني احجي شي لاهله وراح يفتح الباب الهم ..دمعت عيوني بس لزمت نفسي..
طبت عمتي رادت تهلهل باوعتلي استحت بس راضتني بابتسامه مثل الي استسمحتني تهلهل بس مرة لان هذا ابنهه الوحيد وتزوج هلهلت ع الخفيف وضحكت شويه بوجهه لان بصراحه خفت من همام لان جان ديراقبني ويراقب رده فعلي وتصرفاتي وحته حركاتي..
صباح الخير يعرسان..
صباح الخير عمه
هلايمه صباح الخير
الف مبروك بعد روح عمتج الله يهنيكم ويسعدكم .
تسلمين عمه.
باستني وبس حضنتني اني ماسيطرت ع دموعي كمت اشهك بحضنهه بصوت عالي..
يمه بنيتي شبيج حبيبه؟
عين ع عمتي وعين ع همام ماكدر احجي شي خايفه منه وخزرني عود اسكتي وراد يلغمط السالفه همام كاللهه..
يمه متاذيه من البارحه..
يايمه غير ع كيفك وياهه
هو بعد هذا الي صار يمه شسوي.

التفتتلي وحضنتني مرة لخ..وتحاجي همام ..
يمه هله هله بزوجتك بعدهي صغيرة وعروس ..داريهه ياحبيبي.
اي يمه صار..
وانتي حنونه لاتبحين كافي شده وتزول..
نصت صوتهه وسالتني..
صار عندج نزيف؟
لاعمه ماصار..
لعد ماكو شي سلامات بس الم بسيط ويروح.
هي تحجي واني شهكتي تعله..
يله حنونه جبتلكم الريوك كافي بجي..
اي عمه سكتت.
راحت عمتي للمطبخ وماردت ابقه وحدي ويه همام لحكتهه للمطبخ وكعدت ترتب السفرة واني اساعدهه وسويت جاي وحطينه الاكل ع الميز طب همام للمطبخ وعينه مني..
يمه لعد ابويه وين؟
عنده شغل حبيب شويه ويجي.
يمه اليوم غداكم يمنه.
لايمه ماكو داعي اصلا راح نروح.
وين؟
صدمني كلامه شو اني ماعندي علم وين نروح..
اي يمه حجزت لاربيل اسبوع عسل.
ضحكت عمتي..
اي يمه بالعافيه الله يسعدكم.
ضليت صافنه ع همام هذا صدوك يحجي.
كعدنه نتريك تلاثتنه..ومن بعدهه عافتنه عمتي وراحت لبيتهه كالت عرسان وخل ياخذون راحتهم ..وهمام فهمهه احنه مسافرين اليوم للاربيل وورة شويه اجانه عمي ابو همام وباركلنه وهم كعد شويه والظاهر عمتي سولفتله ع روحتنه لاربيل لان راسا راح واخذ مفتاح بيت اهلي لان كال اجوي ناس عليه اجروه ونهايه الشهر يوصلني الايجار..وهم ظليت وحدي ويه همام..
مارتاحيت لكعدتي كمت رحت للمطبخ لملمت سفرة الريوك ورجعت كولشي لمكانه ورتبت ونظفت الطباخ ورجعت لغرفه المخزن حطيت راسي ع المخده افكر شلون اشرد وشراح يخلصهه ويه همام زين اذا اشرد وين اروح لبيت اهلي هستوه تاجر واذا رحت لبيت عمي شاكول الهم ..هسه من طلع عمي هم شفت همام قفل الباب الخارجي هي بيهه قفل وزنجيل يزنجل الباب ويطك القفل والمفتاح يظل بجيبه ع طول ..اوووف تعبني التفكير.. اجتني فكرة اتصل ع ضمياء هي الوحيده الي تعرف كولشي ولو سولفتلهه راح تفهمني لان من البدايه تعرف القصه وتعرف من شنو جنت خايفه ..زين مبايلي وين بجنطتي اتذكر شلتهه البارحه من المطبخ من ركضت وطلعت بيهه ..هاا..ظلت الجنطه بالطارمه ومبايلي هم بالطارمه شلون خاف ينباك ..لوخاف احد يدوك عليه وهمام يسمعه وياخذه..
اجه همام ووكف بباب غرفه المخزن..
شنو حضرة جنابج تستنكفين تكعجين وياي بغرفه وحده؟
اني غلست ماجاوبت بس درت وجهي

يتبع ...

#كسرة_خاطر
#البارت 13

اني غلست ماجاوبت بس درت وجهي ع الحايط نطيته ظهري هو هز ايده وراح اسمعه يتافاف واذا ع شغله اربيل عرفت الشغله جذبربس راد اهله يطلعون ويفكون ياخه عنه وماراد احد يجي يباركلنه اني هيج افتهمت..شو بس غمضت عيوني رحت بسابع نومه مادري بروحي..
همام.. صح تزوجت حنين انتقام منهه ورد اعتبار لنفسي ..بس ماحسيت باللي جنت المفروض احسه نشوة انتصار او راحه بالعكس حسيت بالذنب وتانيب الضمير..حنين عيشتني ليله من العمر من اخذتهه شنو براءه وشنو حنيه وشنو تفاعل وشنو جسم وشنو تفاصيل وشنو اثارة وشنو شفايف اخذتني لغير دنيا ..وابد ماعذبتني سلمتني نفسهه وامنت بيه واني بكل حقارة دكيت الناقصه بيهه وصار الي صار ..بس وربي ندمان وشعور الندم دياكل بيه بس من صارحتهه بكولشي وبسبب زواجي بيهه ماتفاجات ولانصدمت وفاجاتني من كالت متوقعه منك هالشي وحاسبه حسابه وانت ماخذعتني لحظه وحده وبعدين ظلت تتجاوز وتغلط واني حسيت ركبني شيطان ومديت ايدي عليهه مرة ومرتين وحاولت تشردةبذاك الليل ومنعتهه بالقوة وهم مديت ايدي عليهه وحبستهه بالمخزن..
ظليت الليل كوله مانايم لان الندم اكل كلبي وظل بالي يمهه لان الغرفه بارده ومابيهه تدفئه ..
وجه الصبح صارت ساعه 4 الفجر رحت ع غرفتهه جانت هدوء عرفتهه نامت لان قبل هذا الوكت جنت افوت من يم الباب اسمعهه تشهك بخنكه وفتحت الباب عليهه غطيتهه ببطانيه ثانيه وبقيت الباب مفتوح ورجعت لغرفتي نمت..
صارت الساعه 9 خابرتني امي كالت راح تجي وتجيب الريوك كعدت حنين وكتلهه ترتب نفسهه
بالمكياج لان مبينه باجيه هواي ووجهه مورم وحذرتهه تحجي اي شي لامي..
ومشى كولشي بسلاسه رغم ما انفجرت حنين بجي بحضن امي بس افتهمت امي انو اني ماذيهه من اخذتهه البارحه وعزمونه ع الغده واني مالي خلك لان حنين متتامن شلون ابقه اهدد بيهه واضربهه واني اصلا بعد ماريد امد ايدي عليهه فكلت لامي حاجزين لاربيل اسبوع كلت اخلص من الخطاطيروالعزايم والجاي والرايح اسبوع ومن بعدهه افكر لي بحل اشوف شاسوي ويه حنين..

بعد الريوك رجعت نامت وجانت الساعه بحدود ال 11 الصبح واني هم اتفرجت تلفزيون شويه ورحت نمت بغرفتي من بعد ما قفلت الباب الخارحي طبعا ونسيت اكوللكم من طلعت اسد الباب ورة امي شفت جنطه حنين بالكراج وطببتهه ومن دخلت غرفتي سمعت صوت تلفون يدوك والصوت جاي من الجنطه مال حنين طلعته لكيت ضمياء 13مكالمه من الصبح ليهسه.. انتظرته الى ان فصل وكعدت بفضول افتش بالمبايل مالتهه ..سوالف عاديه مال بنات سويت الجهاز صامت ووخرت الخط منه وضميته عندي.
حنين..كعدت تقريبا الظهر صاير بس ماعرف بيش الساعه اتذكر اخر مرة شفتهه جانت ب 11طلعت من المخزن الي صار غرفتي باوعت الساعه 2وشويه البيت هدوء رحت لغرفه همام لكيته نايم بس بالشورت الداخلي والسبلت مفتوح ع التدفئه والغرفه داااافيه حمام حقدت عليه اكثر لان حابسني بالمخزن واصلا مابي لاسبلت ولاصوبه وميته برد هناك..
دخلت للغرفه رحت للخانه مالتي ماله الكنتورطلعت تراكسود اسود قديفه ولكيت كوت اسود وبلوزه نفس اللون وكلاو بيجي جنت بردانه ملابسي خفيفه وحفايات هم لكيت ورحت دا ارجع لغرفتي البسهن انتبهت همام ذاب ملابسه وباقي بس بالداخليات دورت عيوني وين البجامه مال التراكسود شفته
معلكهه بالزاويه دورت لكيت مفتاح الباب الخارجي مال بيت بهدوء اخذت المفتاح وطلعت من غرفته كل هذا الشغل وهو مكاعد الظاهر نومه ثكيل رحت ركض لغرفه المخزن بدلت ملابسي قبطت ودفيت جسمي الحمدلله طلعت من الكوميدي مال احذيه بوت فلات بيجي يوصل للركبه لبسته ورجعت للغرفه اشوفه بعده نايم لكيته بسابع نومه وصارت عيني ع جنطتي استغربت وقطبت حاجبي ..شعدهه هنا ..فتت بهدوء اخذتهه وطلعت من الغرفه..
الله وكيلكم فلم رعب عبالك ..تملكني خوف مو طبيعي فتحت باب المطبخ واتلفت ومرعوبه ارجف من فوك ليجوة زين وين اروح؟؟؟ اذا شردت ماكو غير بيت عمي..هو عمو ابو همام يحميني منه ..وهو البيت قريب كدامنه بشارعين ..وصلت للباب الخارجي واتلفت بالي مشغول بالتفكير وجهاز اكو يم القفل بس لزمته للقفل انفتح ضوة احمر اني خفت خاف يطلع صوت مثل اجهزه الانذار الي اعرفهه بس هذا ماطلع صوت اطمانيت شويه فتحت القفل وفتحت الباب عبالك طير وفتحوله القفص ..ياالله شكد حلوة الحريه ..اخذت نفس اشتميت هواا باااارد عبالك صارلي شهر ممتنفسه ولاشايفه الشارع جنت حيل مخنوكه..بين شعور الخوف والخنكه مشيت بسرعه بالشارع..اباوع لروحي يعني ملابسي زينه مرتبه بس وجهي مباوعتله بالمرايه وشعري هو سرح بس عدلته بيدي ماريد احد يشوفني مبهذله..

يتبع...

#كسرة_خاطر
#البارت 14

همام..جنت نايم وفجاة صفر يمي جهاز الانذار مال الباب الخارجي كمزت من مكاني مخروع صحيت ..اهوو خاف بزونه..لبست تراكسودي ع السريع رحت ع غرفه المخزن حنين ماكو راسا طخت ببالي حنين شردت مديت ايدي ع جيبي ماكو المفتاح ..هاهيه هاي حنين شردت..ضحكت تزوجتلي زعطوطه ..والله ياالله..المهم لبست سترةفوك تراكسودي واخذت مبايلي وسويج السيارة وطلعت للباب الشارع فارغ يصفر صعدت السيارة وافتر بيهه و مدري شلون هيج مشيت ع طريق اهلي بدون وعي واشوف من بعيد بنيه لابسه اسودبباب بيت اهلي ماشافتني لان البيت جان بعيد بنهايه الشارع ثواني واختفت الظاهر احد فتحلهه الباب وطبت عاد طرت اني بالسيارة ركنتهه يم بيت اهلي ونزلت بخطوات سريعه ولحكت عليهم قبل لايسدون الباب ..
شفت امي وشفت حنين امي من شافتني ابتسمت بس حنين من شافتني انرعبت راسا حضنتهه خليت ايدي ع خصرهه من وره ظهرهه وقربتهه اليه ..هي ارتبكت باوعت بعيونهه مبتسم وسلمت ع امي ..
هايوم شلونج؟
برحمه الله يوم ..مو ع اساس تسافرون لاربيل اسبوع يمه؟
يوم مالكيت حجز..
حاولت حنين تخلص نفسهه مني تريد تبعد ايدي عن خصرهه واني شديت قبضتي اكثرع خاصرتهه وخزرتهه وبعدين رجعت ابتسمت..
ها حبيبي ليش سبقتيني ..مو كتلج انتظريني بس اطلع السيارة؟
شفت عيونهه يطلع شرار منهن تريد تملخني ولو النظرة تكتل جان كتلتني بمكاني وبرودي نرفزهه اكثر صكت سنونهه وجاوبتني..
مو اختنكت ..وكلت اتمشه واشتم هوا..
مو اخاف عليج حبيبي ..لاتمشين بعد وحدج.
امي طبعا تباوع وفرحانه بينه.
يمه الله يحفظكم من العين ويسعدكم ..يله تعالو طبوا لتتمرضون الجو بارد ..
عافتنه امي ودتطب..
خزرتني حنين ودفعت ايدي عن خصرهه..
وخررر!!
عافتني ولحكت امي..
تعاي احاجيج..
همست بغضب..
تقريبا تجاهلتني تريد تشرد
حنين!!!
وكفت واندارت عليه..
نعم؟
ليش شردتي شعندج اجيتي لهنا؟
ماشردت كتلك اختنكت وطلعت اشتم هوه واجيت لبيت عمي حرام خو ما حرام
مو حرام بس جان لازم تكوليلي.
جنت نايم.
حتلو نايم انتظريني اكعود من النوم واني اوديج او تعالي كعديني ..
جنت احاجيهه مبتسم مو تصنع بس عاجبني اثير غضبهه مزيج حلو بعيونهه بين خوف ع غضب ونارر.
شحجيتي لامي؟
ماحجيت شي.
اكيدد؟
بكلبي كلت وهي كدرت تلحك تتنفس حته تحجي شي لامي..
شنو خايف لا احجيلهه شي ؟
اني؟اخاف؟..اكيد لا..وشتريدين تكوليلهه ؟زوجي اخذني ؟بالعباس تضحك عليج..
اطمئن ماحجي شي بس وخر عني.
عافتني وفاتت للبيت جوة.

اخذت نفس وابتسمت مرتاح مادري ليش ..دورة خصرهه تدوك براسي وتذكرني بليله البارحه ..ليله من عمري بنت الاوادم ..
امي سالتنه متغدين اني كلت اي وحنين كالت لا امي ضحكت شنو سالفتكم اني كتلهه اني اكلت ب 12:30ونمت وحنين بس تريكت رجعت نامت..
امي هسه اصبلكم جوعانين لو لا؟
جاوبتهه حنين ..
عمه روحي ارتاحي اني اروح اصب.
سالت امي ع ابويه وين كالت نايم حبيبي جاوبتهه نوم العوافي ..
ام همام..يمه من تخلصون غده غرفتك همام رتبتهه طبوا ارتاحو بيهه..
صار يوم لشيلين هم روحي ارتاحي.
راحت امي تناملهه ساعه الظهريه وترتاح بقينه اني وحنين نتصفن واحد بوجه الثاني واني مدري شبيه بس يعجبني اباوعلهه حيل عاجبني ارتباكهه والنار الي بعيونهه..اووف منج حنين شسويتي بيه.
ادري كارهتني بس شي يجذبني الهه ولقربهه .. عافتني وكامت للمطبخ واني طيران وراهه ..بوعتلي نظرة عود ها شعدك جاي ورايه ورفعتلي حواجبهه وهي دتكشف الكدور..
هاشكو جوعان ترة.
اي هسه اجهز الغده.
شطابخه امي ؟
مديت راسي اتفرج وياهه ع الكدر هي راسا سدته وجاوبتني..
تمن ومرك بانيه وعليهه لحم.
الله والله جوعتيني بالزايد.
باوعتلي صفح وبدت تحمي الاكل وفتحت الثلاجه طلعت اللبن دتسوي وزلاطه وبعد سوالف اكل ..هي تفتر وعيني منهه اراقب حركتهه ..
هاي شلابسه انتي؟
انتبهت ع نفسهه..
ليش شبيهن ملابسي؟
تراكسود مال بيت.
لاجديد شنو مال بيت .
اي جديد بس مال،بيت وتكولين ماشارده.
باوعتلي بغضب ممزوج بخوف جانت تتصنع القوة مارادت تنهار وتبجي.
كتلك ماشردت اختنكت واجيت لبيت عمي.
اي اي ادري حفظتهه القوانه هاي.
كملت تسخين الاكل وصبت وجهزت السفرة ع ميز الطعام الاني كاعد عليه وكعدت كبالي تاكل ..ماردت اغثهه ع اكل لان مبينه جوعانه خطيه ..اكلنه بهدوء كملنه لملمت السفرة ونظفت المكان وغسلت المواعين..مرتبه ام بيت..
حنين سويلي جاي.
اي هسه.
سوتلي جاي ..تفضل.
تسلمين وانتي؟
ماشرب هسه ..
هاا
دتطلع من المطبخ ..
هاوين رايحه؟
اريد ارتاح شويه .
ع ايدج اليمنه غرفتي.
اندلهه.
راحت لغرفتي ترتاح..تذكرت بيهه سرير واحد ابو النفر ونص يعني ضيك بالنسبه لنفرين ابتسمت بخبث وقررت اروح اقلق راحتهه واخبث عليهه.
دا اريد افوت واسمع من الداخل صوت خرخشه مفاتيح احد ديلعب بالمفتاح مال الباب بسرعه فتحتهه للباب صدوك جانت حنين ورةالباب دتريد تقفلهه ع نفسهه

شهكت اول ماشافتني..
هاي شدتسوين؟
انت شعندك هنا اطلع برة.
هاي غرفتي واريد ارتاح بيهه.
لعد ان

ي اطلع.
سديت الباب واخذت المفتاح منهه قفلت الباب وخليت المفتاح بجيبي.
انت شسويت؟جيب المفتاح اريد اطلع.
ماكو طلعه.
هماااام !!صحت بعصبيه..
جاوبني ..عيونه..
فتحت عيونهه من جوابي..
حصرتهه بين جسمي والباب وتقربت عليهه شميت عطرهه وشميت نفسهه ..
همست بضعف ..همام عفيه وخرر..
ذبت بالنفس الدافي الي يطلع من بين شفايفهه من حجت وياي..
تقربت اكثر اشم ركبتهه ودفنت راسي بركبتهه وهي ايديهه ع صدري تريد تدفعني عنهه بس عبالك ذابت بيدي متكدر تتصرف بعد..
طلع صوتهه برجفه..
همام شتريد مني؟
مرتي واريدج..ميت عليج.
ماكفاك الي اخذته البارحه؟
شاخذت البارحه؟..حقي ..زوجتي وهذا شرعا حقي..
انت بحجه الشرع كسرتني.
دمعت عيونهه..
حنين..
جذبت اني ؟جاوبني!
عيوني بعيونهه..
لايابه.
شفت كسرة كلبهه بعيونهه الندم رجع ياكل بيه ..نزلت عيوني ع شفايفهه ماكدرت اقاوم بستهه بقوة دفعتني من صدري ورجعت بستهه اقوى صح ماتجاوبت وياي بس هم مارفضتني رققت لمستي وياهه ودا اريد اتعمق بالبوسه دفعتني وكامت تبجي..ووكعت بالكاع قرفصت..تشهك وتحجي..
اكرهك همام ..اكرهك ..دمرت حياتي ودمرتني.
ابتعدت عنهه واني اسمع كلماتهه سجاجين ودتغرسهه بكلبي ..تكول تكرهني..
صوتهه جان ديعله وشهكاتهه تعله ويه البجي وماردت احد من اهلي يحس علينه لو يسمعنه..
كافي حنين ..كافي بجي بعد ماتقربلج.
لزمت ايدهه كومتهه من الكاع باوعتلهه بتوسل..
كافي لتسمعج امي..هي من غير شي متحمله عليه من الصبح هسه تحي تطيح حظي..
كلامي هداهه.. شفتهه سكتت.. عاقله..او جانت متريدني اتقرب منهه يعني صدوك كارهتني.
انتي ارتاحي هنا مراح اضايقج ..راح اطلع.
بس هاا بين مترتاحين نص ساعه ونرجع.
مارجع.
التفتت عليهه مدنكه ماباوعت بعيوني ..كلت خليهه تهدا شويه وارجعهه للبيت قابل نبات يعني خلي اصبر عليهه شويه .
طلعت للحديقه كعدت ع المرجوحه ادخن..
اني دا حبهه ليش هيج سويت بنفسي ..غبي غبي..شلون ارجعهه اليه ..والله تورطت واحتاريت ..خليهه ترتاح.

يتبع..

قۣۗـۙصۣۗـۙصٍ 📖ۆبۣۗـۙسۣۗ 💯

#كسرة_خاطر
#البارت 15

اخذتلي نص ساعه وفتت عليهه للغرفه لكيتهه غافيه ع جربايتي ..ابتسمت يهنيالج جربايتي ..بس ياالله هاي شكد تنام تمبل مال نوم ..رحت لكيت امي كاعده..والوالد همين كاعد.
هايوم صح النوم ..هلا ابويه شلونك.
ابو همام ..هلا هلا الحمدلله..لعد وين مريتك بويه؟
همام.. نايمه.
ضحكت امي ..لازم متعبهه.
ضحكت بخجل من حجايه امي وشكد حبيت حجايه ابويه وين مريتك ..اي صدوك هي صارت مريتي وشلون مريه صغيرونه وربروبه وبس تدلل وتتبجبج وتتنعوص عليه وفوك القهر يلوكلهه ..اووف كزكزت عليهه.
كمت اريد اروح اكعدهه..
حنين..حنين ..كومي يله حبيبي..
فتحت عيونهه ع كلمة حبيبي ..ابتسمت اني.
صح النوم تمبوله ..يله نروح لبيتنه صارت الساعه 6كومي..
وين نروح؟
لبيتنه غير شنو وين نروح.
برطمت ماروح.
دكومي كومي ..امي تبسمر بيه علساس متعبج خطيه ..هو اني وين محصلج.
تستاهل من ايدك.
اي استاهل يله كومي.
كمت كمت.
كامت سلمت ع عمهه وباسته وكعدت يم امي ..فدوة تحسهه نسمه.
كعدنه شويه ابويه جان يباوع اخبار وكولهه مندمجه واني اباوع لحنين اريدهه تنتبهلي..اخر شي ادري بيهه متريد تروح بس ردت احرجهه كدام اهلي علمود تكوم مليت اريد اروح لبيتي هناك اخذ راحتي..كتلهه
حنين ..
التفتتلي..يله حبيبي كومي نروح لبيتنه.
شو هاي حظنت امي وكالت بدلال..
ماه ماه اريد ابقه يم عمتوو
امي هم حضنتهه وتبوس بيهه وتضحك..
هههههه هاعمه شارده من همومي؟
همام .. بكلبي شوف الثانيه هو اني شمحصل منهه اويلي ياالله ثنينهن اتفقن عليه.
امي..يمه تعشوا وروحوا شعدكم.
شفت حنين كيفت وتبوس بامي.
زفرت بصوت عالي وضايج ومستسلم اتفقن عليه بعد.
يوم لعد ماتعبج اروح اجيب مشاوي واجي.
ليش يوم كولشي عندي هسه اكوم اسوي عشه ع السريع.
اي عمه واني اساعدج.
باوعت لحنين صفح اباوعلهه مكيفه..
لاا اني هسه اكوم احيب.
حنين..شراح تجيب اكل؟
جاوبتهه من ورة خشمي..
كباب دجاج.
هي صفنت..
ها خاف متحبي؟
لالا احبه.
وبعد شتريدين؟
سلامتك.
لاكولي هو اني طالع اتسوك علمود من نرجع منحتاج شي.
ماكو ماعندي شي احتاجه ..البارحه انت تسوكت حلويات وكرزات وعصاير ولسه ع حطيتهن بالثلاجه.
ماشي لعد رايح اني ..عود حضري اللبن والزلايط مو تظلين صافنه.
اوك همست.

يتبع..

قۣۗـۙصۣۗـۙصٍ 📖ۆبۣۗـۙسۣۗ 💯

#كسرة_خاطر
#البارت 16

حنين ..راحةهمام يجيب عشه واني ع السريع كمت بوجهي ع المطبخ حضرت زلايط ولبن والخضورات وحضرت السفرة واجه همام وكولشي جاهز بسرعخ كعدنه نتعشه..
كملنه عشه غسلت مواعين وسويت جاي ..اعرف همام ضايج غصبن ماعليه باقي هنا عباله يجبرني ع الرجعه وياه للبيت من يفتح موضوع الرجعه كدام اهله بس اني كعدت اتدلل وابوس بعمتي ام همام حته تحجي وياه وتقنعه نبقه نتعشه واني مبتعده عنه وخايفه منه لاياذيني من يستفرد بيه بالبيت لان شردت من البيت الظهر.
صار وكت الرجعه للبيت عادي استسلمت هواي ماطلت وهواي مددت بالوقت سلمنه ع بيت عمي وتصبحون ع خير وعمي وعمتي وصوا عليه وصعدنه السيارة دنروح لبيتنه..
شو اهلي يطبون يكلعون يوصوني عليج شنو ششايفيني وحش؟
همام ..شفتهه بعدهي خايفه ومبرطمه ردت الطف الجو داهرتهه واتشاقيت وياهه بس مافكت ولاضحكت ..لزمت ايدهه باوعتلي..
حنين ليش طول اليوم متقبلين ترجعين للبيت ؟ترة صار بيتج.
سكتت ولا جاوبتني بس ميرطمه وتباوعلي..
من شنو خايفه؟
معقوله خايفه مني؟
هزت راسهه اي..
لييييش؟
خاف بس نوصل للبيت تاذيني.
وهيج شايفتني وحش وااذيج؟
لا لان شردت الظهر.
ابتسمت براحه لان اعترفت بغلطهه..
موكلتي ماشردت اختنكت وطلعت اشتم هواا.
جذبت عليك.
واني لان اعترفتي انك جذبتي عليه مراح اسويلج شي..واصلا نسيت السالفه كولهه.
حنين تره اني مو وحش ولاهلكد قاسي.
سكتت ماردت بعد واني ادري بكلبهه حجي هواي بسبب البارحه وعتب ع الي سويته بيهه.
وصلنه للبيت بسرعه اخذت جنطتهه وفاتت للبيت
لغرفه المخزن ..تصرفهه نرفزني ..فتت لغرفتي بدلت ملابسي من بعد ماسبحت وطلعت اتفرج تلفزيون وكلت من تطلع من الغرفه احاجيهه ..مرت ساعه وماطلعت رحت فتت للمخزن جانت مطروحه ع الفراش.
انت شكاعده تسوين هنا؟
مثل مداتشوفى.
ماريدج بعد تنامين هنا يله كومي لمي شكو غرض الج هنا ونقليهن لغرفتنه..
ليش ؟
هو شنو الليش غير ذيج نومنه.
مو انت طردتني منهه وحبستني هنا.
اي وهسه غيرت رايي يله لمي غراضج.
ماريد خليني هنا.
اول شي الغرفه بارده ومو مال تنامين بيهه ليله بعد..
وثاني شي؟
ثاني شي ذيج غرفتنه لازم تستقرين بيهه مو مهجوله غراضج هنا وهناك جنج ام البزازين.
كتلك ماريد ..مرتاحه هنا واذا ع البرد هذني بطانيتين ادفه بيهن.
حنين اسمعي الكلام وكومي لاتعصبيني.
ليش كولشي عندك اجبار وامر ماريد ماريد ماتفهم؟ ماريد ابقه وياك بغرفه وحده.
حنين!!

صحت بيهه صوت رج البيت لان الظاهر دلالي خلاهه تتماده هواي وياي.
شفتهه خافت وجمدت بمكانهه..صحت بيهه..
كومي تحركي..ولاتخليني اتصرف تصرف ميعجبج.
همست بصوت كوه ينسمع..اي هسه.
كامت ترجف وع السريع لمت غراضهه واخذت جنطتهه وطلعت لغرفه النوم رتبت غراضهه هناك ..طفيت ضوة الغرفه وقفلت الباب حته بعد تحرم تفوت للغرفه مال مخزن تحت اي ظرف رحت وراهه لغرفه النوم شفتهه فاتحه الكنتور وترجف ماعرف شنو بيهه رحت حضنتهه من ورة ودرتهه عليه جانت ترجف بيدي وكلبهه يدوك بسرعه مرعوبه الرجفه الي تجي من الخوف ..من درتهه باوعت بعيوني نزلت دموعهه..
اكرهك تعرف شنو اكرهك ..اني اكرهك.
راسا ابتعدت عنهه وهي ظلت صافنه ثواني جامده بعدين طلعت للهول ..اني رحت ذبيت جسمي ع الجربايه احس جسمي متكسر وهواااي دراما ويه حنين عشت اليوم شو مو عرس طلع غضب من نصير وحدنه بالبيت كل شويه مشكله وكل شويه صياح ع اتفه الاسباب.
ماتاثرت بكلامهه اكرهك واكرهك لان شفتهه مرعوبه ترجف ليش هلكد تخاف ..
عفتهه براحتهه وغفيت من التعب ..صحيت تقريبا ساعه 2الفجر لكيت الفراش فارغ ماكو حنين كمزت من مكاني رحت للهول لكيتهه نايمه ع القنفه متغطيه بالبطانيه ومقرفصه جسمهه ولامه رجليههه لبطنهه.
ادري شجابرج ع هاي النومه..مطروده خومامطروده.
طفيت التلفزيون وحطيت ايديه وحده جوة ظهرهه ووحده جوة ركبات رجليهه وشلتهه هي والغطارلان جانت متلفلفه بي تلفلف علمود تدفه طالعه جنهه دولمايه وماوخرت الغطا لان ماردتهه تحس عليه وتسويلي مسرحيه اكرهك اكرهك وديتهه للجربايه وحطيتهه وغطيتهه بعد بطانيه ورجعت لمكاني نمت مرتاح باوعت عليهه عدلت نومتهه وصار وجهه كبال وجهي صفح نامت خبثت عليهه نفخت بوجهه عقدت حواجبهه مبين تضايقت ..ابتسمت ..عابت هالخلقه الحلوة..عرمه ام لسان طويل.. غفيت للصبح.

يتبع...

🌿☁️🌸


‏لآ تفقِد صَبرگ مهمَآ تأخر عليگ ﺎلفرَج
‏فمآ بينَ حُلمگ ۈتحقيقہ ﺈلا صبر جَميل ...

‏#مساء_الخير🌱

🌿☁️🌸

#يسعد_اوقاتكم_بكل_خير
#توقعات_الابراج_ليوم_الثلاثاء_والله_اعلم

#الحمل
مهنياً: قد تكون مضطراً هذا اليوم إلى التحفّظ قليلاً في عرضك بعض الأمور على أرباب العمل، لأنك تشعر أنهم غير ميالين إلى السماع.
عاطفياً: يختبر القدر علاقاتك العاطفية ويضعها على المحكّ، إنتبه الوضع دقيق جداً.
صحياً: خطط للقيام برحلات ترفيهية أسبوعية في أحضان الطبيعة تعود بالفائدة على وضعك الصحي والنفسي.

#الثور
مهنياً: يسهّل أمامك التواصل والاتصالات، وإذا ألغيت موعداً أو سفراً، فإنك تستعيده ابتداءً من اليوم.
عاطفياً: تتحسّن الأجواء وتتلطّف ويتقارب الحبيبان مجدداً، وتزول المشكلات والحساسيات، وتقوى العلاقة المتأرجحة.
صحياً: لا تزال مضاعفات العوارض التي أصابتك أخيراً ماثلة أمام عينيك، انتبه لصحتك جيداً.

#الجوزاء
مهنياً: قد تُثار مشكلات في العمل، أو يطرأ ما يزعجك ويثير التساؤلات الكثيرة حول تصرفات أرباب العمل معك.
عاطفياً: عبارات الثناء والتنويه تكون عنوان المرحلة المقبلة في حياتك العاطفية، وخصوصاً بعد الجهد الاستثنائي الذي بذلته.
صحياً: قاوم كل من يحاول ثنيك عن ممارسة الرياضة، ولا تدع أي شيء يحد من نشاطك.

#السرطان
مهنياً: تتزود هذا اليوم أفكاراً منوّعة وبنّاءة وتلاقي الدعم من بعض الفئات والأفرقاء.
عاطفياً: ارتفاع نسبة التفاؤل في تصحيح العلاقة بالشريك، وخصوصاً بعد سوء التفاهم الذي فرض نفسه أخيراً.
صحياً: على الرغم من تمتعك بصحة جيدة، وهذه نعمة، عليك الخضوع لبعض الفحوص للاطمئنان أكثر.

#الاسد
مهنياً: إذا كنت من أصحاب المهن الحرة فقد تعود عليك مبيعاتك بالربح الإضافي وتدفعك إلى توسيع مشاريعك.
عاطفياً: العصبية الزائدة لا تفيد في معالجة المشكلات مع الشريك، فهي تولّد العناد، عندها قد تفقد القدرة على السيطرة مجدداً.
صحياً: قد تقحم نفسك في نزاع مع أحد النافذين في العمل أو في السياسة، ما يرهقك نفسياً وجسدياً.

#العذراء
مهنياً: ابتعد عن مضايقة الآخرين والتسبب بالأذى لهم، أنت لا تدرك عواقب ما تقوم به.
عاطفياً : كن مستعداً لمرحلة عاطفية أكثر تطوّراً مع الشريك، وستبدأ بوادرها بالظهور قريباً جداً.
صحياً: ترى المحيط حولك في سعادة وفرح، في حين أن الكآبة تسيطر عليك، أخرج من عزلتك وافرح.

#الميزان
مهنياً: خطوات مؤثرة وإيجابية لمصلحتك، وهذا ما يجعلك تملك مزيداً من المسؤوليات تجاه أصحاب العمل بسبب ثقتهم بك.
عاطفياً: لا تسعَ لإقناع الشريك بوجهة نظرك حول العلاقة العاطفية، فقد تكون مخطئاً وتدفع ثمن أنانيتك.
صحياً: لا تستسلم أمام البدانة ولا أمام كل ما يغريك على تناول ما يضرّ بصحتك.

#العقرب
مهنياً: يتركّز اهتمامك على الشأن المهني، وربما تخطّط لمشاريع مع بعض الزملاء.
عاطفياً: يتصرّف الشريك وكأنه غير مهتم، فحاول أن تستوضح الأمور قبل تفاقم الوضع.
صحياً: ترتاح إلى بعض الظروف والمتغيرات التي تخفف عن كاهلك الضغط الكبير.

#القوس
مهنياً: تتشبّث بآرائك وترفض أن تناقشها مع أحد، فرصة عمل جديدة في طريقها إليك.
عاطفياً: مضى على علاقتك بالشريك مدة طويلة حان الوقت للارتباط رسمياً والاستقرار معاً.
صحياً: لا تتذمّر من الواجبات المفروضة عليك طبياً، فهي مفيدة لك على المدى المنظور.

#الجدي
مهنياً: تخلّ عن بعض الأعمال التي لا تدرّ عليك أموالاً كافية، وابحث عن عمل أفضل يحقق لك مردوداً يرضي طموحك.
عاطفياً: لا تستشر أياً من أصدقائك في أمورك العاطفية لأن هذا الأمر يعنيك وحدك فقط.
صحياً: عليك أن تتعلم كيف تستريح وكيف تروّح عن نفسك عندما تشعر بالحاجة الماسة إلى ذلك.

#الدلو
مهنياً: تتفوق على زملائك بفكرة مذهلة تقدمها ما يثير إعجاب رب عملك بكفاءتك العالية جداً والمميزة.
عاطفياً: تعاكس الظروف تقدّمك من شخص يثير إعجابك، لا تقلق الأيام المقبلة لمصلحتك.
صحياً: لا تهمل ممارسة التمارين الرياضية التي تساعد على تنشيط الدورة الدموية.

#الحوت
مهنياً: تسمع جواباً سارّاً أو تعرف لقاء مثمراً، كرر المحاولة ولا سيّما اذا كان الأمر يتعلق بدعم خارجي أو بزيادة على الراتب أو في الأرباح.
عاطفياً: خفف اندفاعك تجاه الشريك، لأن ذلك قد يخلق عنده بعض الأنانية.
صحياً: لا تترك العنان لشهيتك، فهذا يفقدك البدانة بين ليلة وضحاها، ويدفعك مجدداً لاتباع حمية قاسية.

#الحمل_الثور_الجدي_العقرب_الحوت_العذراء
#من_اسرار_الشخصيه_العنيدة
‏
يعشق التحدي،
يهوى تحقيق شبه المستحيل ،
يدرس قرارا بتأني ،للذلك يمكن أن يفوته كثير من الفرص ،
وقد تجدهم العكس تماما اصدقائهم قليلين ولكن مستمرين .

@stylegrils

الأبراج المعاكسه 🌚🌺👇🏻

@stylegrils

#الحمل يتخذ قرارات سريعه
بينما #الميزان يتخذ قراراته بعد وقت من التفكير
♥️🧸🧺 @stylegrils

#العذراء يحلل التفاصيل الصغيره
بينما #الحوت يرى طبيعه الامور بصورة كاملــه .... 💛
@stylegrils ♥️🧸🧺

#الاسد يظهر لنا قلبه
بينما #الدلو يظهر لنا عقله♥️
@stylegrils♥️🧸🧺

#السرطان يعتمد ع حدسه
بينما #الجدي يعتمد ع المنطق..💙

@stylegrils ♥️🧸🧺

#الجوزاء سريع الملل
بينما #القوس كثير التفاؤل....❤️

@stylegrils♥️🧸🧺

#الثور يرى الجمال
بينما #العقرب يرى ماهو مخفي وراء الجمال
@stylegrils ♥️🧸🧺