🌸التنسيق باللبس مع 5 اشكال للجسم

وهي فستق و تفاحة ومستطيل وشبيه مثلث وعرموط☺️

يله كل وحده توكف كبال المرايه😂 وتشوف يانوع منهن🤓

#ملوكه

#البارت 16
##الُمٌهنَدِسِه📐 وَالُضُابّطِ👮🏻‍♂
#الكاتبه/طيبه الغراويKT

مريم:رحنا اني وحيدر جبنا المفتاح من ابو زيد المحل ورجعت فتحت البيت دخلنا الغراض وفتحت الباب مال الاستقبال دخلت لكيت البيت كله تراب

مريم:اووف باع البيت كله تراب

حيدر:حبيبي البركه بيج ارتاحي هسه
وبعدين نظفي

مريم:اكيد جوعان موو

حيدر:اي والله كولش
لذلك دزيت السايق يجيبلنا من مطعم عشا

مريم:ماشي
كمت اخذت جنطتي ودخلت لغرفتي
يمه مثل ماهي ممغيرين بيها شي
بعدهي مثل ديكورها ونفس الغراض الي عفتهن
اكيد ماما مقبلت احد ياخذها من اخواني
كمت حطيت الجنطه يم الكنتور مابيه حيل
ارتبهن هسه جان يجي حيدر عليه
جان يتمدد ع سرير ..

حيدر:هاي غرفتج

مريم:اي بلي حلوه

حيدر:تجنن مثل صاحبتها

مريم:خجلت منه كمت غيرت الموضوع
اممم اني راح ارتب شويه البيت لان يحتاجله بس مسح بين ميجيب السايق العشا

حيدر:خليها بعدين هسه ارتاحي.

مريم:لا مادام بواهسي
كمت طلعت دشداشه ورحت للحمام بدلتها
وطلعت رتبت شويه البيت ومسحته
ومسحت الاخشاب
جان يندك الباب ..
اكيد السايق خل اروح اسبح قبل منتعشه
لان كلني تراب
دخلت للحمام داسبح وكملت جان تذكرت ممدخله وياي ملابس
خرررب شلون بله هسه
كمت لفيت الخاولي ع جسمي
وفتحت الباب دااباوع حيدر وينه
صدك خل اوصفلكم الحمام وين صاير
احنه بيتنا صغير مو جبير يعني اول مطب استقبال بعدين هول بعدين مطبخ وبعدين يصير كبالك درج
وع ايدك اليمنى ترك وبصفه الحمام

مديت راسي جان اشوف من شباك حيدر بالمطبخ
كمت فتحت الباب ع سريع ودااركض
وجان ازحلك بس قبل مااوكع لكيت حيدر لازمني من خصري وجان راسن يسحبني ع صدره
ضليت صافنه ع عيونه وهو صافن بعيوني جان ينزل عيونه ع شفتي
جان راسن اصحى يمه بس تخيلو
حيدر حاضني واني ملابسه شي
ياكاع انشكي وبلعيني
حاولت افلت منه ماكوو

مريم(بهمس):حيدر

حيدر:هممم

مريم:عوفني

حيدر:ضلت مريم تنظف بالبيت وره ربع ساعه
سوت البيت مرايه
وندك الباب السايق جايبلنا العشا
اخذته ودخلته للمطبخ
شفته دااتسبح كلت خليها براحتها
بقيت ارتب العشا وجان تطلع
المطبخ مالتهم بي شباك ع ترك والحم

ام يعني اكدر اشوف الي يطلع من الحمام
جان تطلع ملابسه شي بس الخاولي ودااتركض
عرفت راح توكع لان كاعهم سيراميك كمت رحت بسرعه عليها
جان راسن احضنها يمه افيييييش ياريحه هلي
ريحتها جنن دخت وخدرتني
ضلت تريد تفلت مني وكلتلي اعوفها
بس لا وين الكه مثل هيجي فرصه
كمت شلته هي لفت ايدها ع ركبتي
واخذتها للغرفه نزلتها ع سرير
كمت بست كصتها وبعدين نزلت ع شفايفها يبووو
عبالك كرز كمت اتفنن لا اراديا شفتها ذابت بيدي
بس بعدين توقفت وكتلها

حيدر:حبيبتي
تقبلين تصيرين مرتي گول وفعل

مريم(بهمس):حيدر

حيدر:مصدكت كالتها وجان راسن (مو كافي متعوفوهم متزوجين عيب عليكم😐😒)..

ساعه ب11:10AM

حيدر:اباوع ع حب الطفوله اباوع ع قلبي
وروحي وعمري وهي نايمه بحضني
هسه يله صدك تزوجنا
وصارت ملكي كولشي بيها
اليه وبس بس شغله وحده اريدك اتأكد منها

مريم:من كتله عوفني اشو هذا كام شالني
واخذني للغرفه
صراحه مادري شنو الي خلاني ماامنعه
يمكن حبي اله او يمكن قلبي وعقلي
كولشي بيه يريده
كام يبوس بيه من كصتي وخدودي وشفتي
ذبت بيده محسيت ع شي بس لمن كال
تصيرين مرتي
وافقت بدون تفكير
وره ساعه صرت مرته ممصدكه
صرت زوجة حبيبي وروحي وعمري
واحلى شي بالحلال
اتمنيت لو ممتعرفه ع وليد
اتمنيت لو بقيت يم بيت جدي قريبه يمه
كمت اتذكر من جان يدافع عني ومن جان ميقبل احد يلعب وياي بس هو لو يختار اصديقاتي
شلون جنت اضوج منه شلون
فززني من صفنتي
وجان يكول

حيدر:حبيبي مريومتي

مريم(بخجل):ا ها

حيدر:تحبيني

مريم:كمت رفعت عينه وصارت بعينه
ولا اراديا كلت

اعشقك

حيدر:عيدي شكلتي

مريم:هاا مكلت شي

حيدر:عيدييي شكلتي.

مريم:(بهمس):احبك

حيدر:صدك والله واخيرا
ياااربي واخيرا صار كولشي بيج ملكي

مريم:من اني وبطن امي ملكك حبيبي

حيدر:لا وانوب حبيبي لا لا لازم اعاقبج لان
فرحتيني

مريم:تعاقبني ليش
حيدر:لان (واشر ع قلبه)هذا👈❤
خليتي يدك حيييل من شافج لحد هسه
وكمت جريته وووووووو....

وليد:مرن 10 ايام المفروض اليوم توصل للبيت
كمت دكيت ع نور حتى اعرف منها شصار وصلت مريم لو لا داانفذ خطتي
دكيت ع نور

وليد:هلوو نور

نور:هلو حبيبي شلونك

وليد:بخير وانتي

نور:زينه الحمدلله حبيبي وينك مختفي ليش مدااتسأل عليه

وليد:عذريني حبيبتي بس مشغول

نور:عاذرتك عمري
صدك شوكت ترجعني

وليد:راح نرجع لنفس الحجي
كتلج شوكت

نور:اي اي باجر اخابرها واشوفها

وليد:من تخابريها كليلي ماشي

نور:اي ماشي

وليد:يله اني اروح انام باي
كمت سديته بوجه نور حتى مسمعت ردها
موطايقها ابد بس شسوي علمود ارجع مريم
راح دكولون هلكد تحبها
ماادري اذا جان حب حقيقي لو تملك
اريدها ولكم اني مجنت الزم ايدها خايف عليها من نفسي هيجي اخليها تروح لا والله مااكون اسمي وليد اذا مرجعتها

__________________________

مريم:كعدت الصبح واني اسعد انسانه
لان نايمه بحضني حبيبي وزوجي
كمت صفنت عليه
يجنن سماره ولحيته المحدده وحتى هو ونايم عاكد حواجبه
كمت اتلمس وجه بأيدي وجان يفتح عينه

مريم:صباح الحب حبيبي

حيدر:صباح العسل
شهل الصباح هذا معقوله الگمر نايم يمي

مريم:اممم لتبالغ

حيدر:مداابالغ دااحجي الحقيقه

مريم:تره انغر ديربالك

حيدر:حبيبي انتي مو بس تنغرين وتدللين هم
اشو تعالي دااتريك جوعان

مريم:لا حيدر عوفني متشبع وووووو

كمت من حضن حيدر دخلت سبحت
ورايه حيدر دخل سبح
رحت للمطبخ لكيت العشا مال بارحه
ع ميز حرامات خرب ذبيته
وشفت الثلاجه مابيها شي
انتظرت حيدر يطلع من الحمام ..

دايجيب غراض
واني وكاعده بالهول جان يدك الفون ....