وملح الحليب🌚👆🏻 منا تلكونه..


#ملوكه

حبي من يطلع للشغل كوليله لازم يخلي يوميا واقي شمس وخاصه هسه صيف..☹️💔فالشمس تكون كلش قويه

ومن يرجع للبيت ..خل يستعمل مرطب جل الصبار كولش زين للبشرة يهدأها ويرطبها واله اهواي فوائد....ويناسب لكل بشرات


وبالنسبة للنمش..ماكو شي يزيله ..بالعكس اصلن نمش من علامات الجمال🙈💕فخليج عل طبيعتج احلى...واغلب اللي يمكيجون..يسوون نمش لانو شي مرغوب عند البنات💫

#ملوكه

حبي زيت الجليسرين☺️ زين للبشرة يجدد الخلايا ويرطبها...واللي عدهم صدفيه واكزيما هم يفيدهم
واللي عدهم تشققات هم يفيدهم

يناسب كل البشرات..بس اللي بشرتهم تتحس منه..لايستخدمووو

فانتي قبل ماتستعملي.. جربي فد اشويه عل اي مكان...واتركي لمدة ساعتين..اذا ماصار تهيج واحمرار وحكه ووخز بالجلد
فمعناه يناسبج

واذا صارت هالاعراض ..فيعني تتحسسين منه ..فابتعدي عنه👍


#ملوكه

حبي استعملي خلطة القرفة.. اسمه ثاني(دارسين)..ومجربة انو ينفخ الشفايف🙂💋

فمكونات الخلطة:
ملعقة صغيرة من القرفة
ملعقة صغيرة من شكر
ملعقة صغيرة من زيت الزيتون

تخلطيهن وتقشرين الشفة لمدة 5_3 دقايق وغسلي..وبعدها رطبي بفازلين💫

#ملوكه

اللي رادت ماسك بياض البيض🙃👆

#ملوكه

واللي رادت ماسك التمن🌚👆🏻..منا

#ملوكه

#ماسكات_من_الخميرة_وفوائدها:😍🤎


💫1_لتنظيف البشرة وتبيضها:
خميرة _ماي عادي او ماي ورد


💫2_لتقليل من الحبوب وازالة تصبغات:
خميرة _عسل_ليمون_ماي عادي

💫3_لترطيب البشرة:
خميرة _ لبن زبادي

💫4_لازالة البشرة من تصبغات وتفتيحها:
خميرة_عصير الليمون


تختارين واحد من هالمكونات وتخلطيهن لمن يصير عجين وتخلين عل بشرتج 10_12 دقيقة ..وتغسلي

طبعا اي واحد تختارو منهن..رح تشوفون فرق بتفتيح البشرة وهمين ينفخ الوجه😅😍

استعماله مرتين بالاسبوع

★'ملاحظه: ولاتنسون اللي بشرتها تتحسس من الليمون.. فتعوفه وتستعمل غير ماسك👍

#اعـاده_توجيــہ_لصديقتج
#ملوكه

ومثل ماتعودنا...قصة 😎🖤جديدة
وطبعا القصة حلوة وحقيقية من واقعنا

ف راوولي تفاعلكم😍👇🏻 يحلوات


#ملوكه

حبايب القصة رح انشرها يوميا😍 ظهرية 5 بارتات باليوم

فمو دكولن..😂ليش منشرتي بليل،،

كلت بدال ماجزائها..خمستهن انشره نفس وكت لان بارتات كصيره✨

#ملوكه

#لُحُظٌاتْ مٌنَ الُْعمٌرَ 🍂 الُجْزُء الُاوَلُ
للكاتبة ام مصطفى

البارت الاول
مسلم يمة كوم حبيبي تاخرت ع شغلك
-ليش بيش الساعة هسه
-الساعة خمسة يمة هم يله تكوم تغسل وتتريك وطريق وراك توصل ب السته
يله وليدي اخوك وابن عمك كعدوا يله حبيبي
-اي كايم كايم
والله نعسان وتعبان البارحة جان الشغل تعب حيل
كعدت گوه طلعت للهول بيبي كاعده وبيدها السبحة تسبح
-صباح الخير بيبي
-هلة صباح النور بيبي
فتت للمطبخ امي تسيح سياح
والريحة طبت لخشمي
اويلي يوم ميت جوع
دروح توضة وصلي وتلكة الريوك جاهز
-يله رايح
غسلت وجهي واتوضيت وصليت بالغرفة طلعت لكيت كاعدين ع الصينية
عقيل اخوي الجبير و رعد بن عمي
-صباح الخير جميعا
-هلو صباح النور كعدت
-لا بعدني نايم سوولي مجال خل اكل ريحة السياح خلت بطني توجعني من الجوع
عقيل: ديله اكل زين ورانه شغل يتعب وانت رعد هم اكل مو هناك وتصيح جوعان ومابيه حيل اشيل طابوكة
رعد :والله من كد التعب اجوع بسرعة
ع گولة ناهي سيارة تمشي بلة بانزيل
طبعا اله بانزيل وبني ادم يصير يشتغل بله اكل لازم اكل
هههههههه
ضربت ع ضهرة دكل يله فول بانزيل وكوم تاخرنا
عقيل:اي والله راح نتاخر مواعد ابو البيت بالسته يمهم اني
بيبي كاعده تباوع علينه
والك رعيد كوم كافي اكل تاخرتو ع الشغل
-اي بيبي كايم ياوالحض لعد انت ماتباوعين بس علي مو كلها تاكل
-انت ماتشبع ولا تكوم من الصينية اله واحد يكومك
باوعت ع رعد
-خو اني ماحجيت بيبي الحجت
-كايم عمي كايم ولو بعدني جوعان
اجت امي بيدها سياحة حاره جانت تسيح وتذب علينا
جرها رعد اي عمة رحمه لوالديج اخذها اكلها بالطريق
-اخذها عمة الف عافية عليك ............
.............
اني مسلم مواليد ٨٩
اني الوسطاني
اخوي عقيل اكبر مني وبعدها تجي اختي ميقات وجنات وبعدها اخوي حيدر والكعدة حسنات
ابوي متوفي
بحادث سارة هو وعمي الله يرحمهم
عمي عندة ولد رعد وبنية سارة
من عمرهم ست سنوات عافتهم امهم وازوجت بعد مامات عمي ربتهم امي وبيبي ويانه بالبيت لحد ماكبروا وصاروا كبار
اعتمدنا ع نفسنا اخوي عقيل الجبير كام يشتغل عامل بناء حتى يعيشنا
بعدين بده يتعليم الصنعة وصار اسطه وكام ياخذنه وياه اني ورعد
بعد ماتركنا الدراسة
اني مخلص متوسطه
ورعد اول متوسط وترك
كام ياخذنا نحمل وياه طابوك اناوشه سمنت رمل الى ان بدينه نتعلم البناء والابياض وتطبيگ كاشي وسيراميك
صرنا معروفين
وكمنا نلزم بيوت ونطلع مرات عمال ويانه اذا البيت جبير وشغل هواي .....
وصلنا للبيت استملنا الشغل عقيل يبني
واني ورعد نخبط خبطة سمنت ورمل ونجيب يمه
واناوشة طابوك
صارت الساعة سبعة ونص طلعت بنية من البيت البصفنه تلبس بالجنطة بضهرها وتمشي ضليت واكف اباوع عليها مااعرف ليش صفنت عليها
فاتت مني شافتني واكف وصافن عليها
باوعتلي وبعدين التفتت وضلت تمشي سريع
ضليت واكف اباوع عليها وهي تمشي
مااحس الا ضربه ع ضهري من رعد
لك وين صافن خلص السمنت متسمع عقيل يصيح جيللي خبطة
كتلها
-هاا اي هسه جاي خليت اسمنت بالطاسة وشلتها ورحت .........

اني ميقات مواليد ٩٠
مخلصة متوسطة وتاركة وكاعده بالبيت
من اني صغيره بيبي دكلي انت لرعد
رعد ابن عمي يتيم وعايش ويانه بالبيت
جنت ابد مااحس انو رعد رايدني ابد حالة حال اخته ساره يعاملني عود جانت بيبي دوم تحجي كدامة ودكول هاي ميقات خطيبتك ومريتك
جانت بيبي تلم فلوس شغلة حتى تريد تزوجه بيهن جان شعلهم خير من الله صح همة عمال بناء بس مايوم ماعدين ويشتغلون يلزمون البيت بعشر ملايين او اكثر واذا صغير اقل ويتقاسمون الفلوس بينهم
جانوا لازمين مصرف البيت متقسم عليهم اتلاثتهم بس حيد اخوي جان يدرس اعدادي بذاك الوكت يحب المدرسة ومايشتغل مرات اخوي عقيل يتوسل بيه حتى يطلع عامل بس هو ميقبل جان همة الوحيد الدراسة
.....
ميقات :اكولج سارة وين جنات
-صعدت فوك تشر الملابس
-هاي شعدها ليل نهار بالسطح اكو شي
-ها قايل شعدها
-ولج سارة خاف عدها شي وتضميلها
-لا شعدها
صاحت
ميقات ميقات
-ها بيبي
-تعاي ولج
-ها بيبي
-غسلتي هديمات رجلج
-يابيبي منو رجلي ازوجت ومادري
-وج عيارة لا تغشمين روحج هدوم رعد غسلتيهن يريدهن باجر
-اي بيبي هسه اغسلهن تدللين
-تعاي اوكفي
-ها بيبي
-اريدج من يجي رعد تضحكيله تسولفين وياه تكعدين يمة شمالج غمة انت
-يا بيبي شبيه خبله واضحكله
-ولج غير رجلج
-بيبي منين اجة رجلي فدوه لاتحجين كدامة هيج استحي
فاتت امي
تعاي فوزية حاجي بنتج فهميها رعد خطيبها ورجلها بحساب اتداريه
-عمة ميصير هيج تعلميها خل تصير الشغله رسميه وعدود الله كريم
-انه اريد اليوم افتح الموضوع وياهم عقيل يعقد ع سارة ورعد يعقد عليها
ونزوجهم ع العيد الجاي
-عمة ميصير نقرر بكيفنا هذا زواج لازم يوافقون الطرفين يله

نزوجهم
-يرضون مالجن شغل كلهم بيدي وبكيفي
دروحي ولج اغسلي هدومة

سارة :ركضت ع السريع للسطح
لكيت العوبة جنات تحجي وي وليد المطيرجي صاحبها جيرانه
-وج جنات عوبة
شافتني فزت
-خرب بليسج خوفتيني عبالي ميقات
-وج سألتني عليج كتلها اشر ملابس امشي انزلي
اشر الها وليد يله روحي حب
-عابت شلون تحبيه
-شبيج سارة غير يخبل فديته
-وين يخبل ويع انوب مسويله ذيل
عزززه هاي بعدج مشاره الملابس
-ها مو جنت احجي وي وليد
-لج امشي نشر بعجل شيخلصنا اليوم هسه تصعد ميقات هي شاكة بيج
-اوو كلشي ولا تعرف مكروها وتروح تكلها لامي حتى حسنات احسن منها

كمت اشر ع السريع وياها
امشي ننزل يله
نلزلنا تلكتنا ميقات
اكلجن شعدجن فوك اكو شي
-شكو نشر ملابس قابل شكوو
انتي سويرة اسكتي لا تضمين لجنات
جنيوه عدج شي
-اوو لزكتي وخري خل افوت لا تسمعج بيبي وامي وشيخلصنا
صاحت امي وينجن يبنات
يله تعالن وياي نكمل الغده رايح يجون الولد جوعانين سوده علي
-اي عمةة جاي امشن نروح يله
جرت ميقات طشت الملابس وضربت جنات ع راسها والله عدج شي بسيطة الكفج
فاتت للحمام
-تعاي وين
-اغسل هدوم اخوج رعد شسوي امري لله حكم بيبي علي وانت هم مرتاحة ذابة ملابسه علي
-غير خطيبج هسه اني اتمنى اغسل ملابس عقيل اروحلة فدوه
-ترن تيييرن بلله انت وعقيل عايشين قصة حب اني اخوج حتى من يشوفني بمكان يطلع منه
-حبيبتي اخوي خجول يستحي بس يريدج اني اكلج
- اممم واني ماكو مشاعر عندي اتجاها اشوفه عادي
-هسه بس تزوجون تحبيه
-والله الصراحة ابد مااتخيل ازوجه
-ميقة حبيبتي هسة يجي يوم واذكرج راح تحبيه وتموتين عليه
-اممم الله كريم روحي خل اغسل الملابس .....

مسلم
بقيت اشتغل بالبيت
للساعة تقريب ١٢ اشوف نفس البنية جاية من بعيد وعينها علي
بقيت واكف انتضرها تتقرب وصلت يمي
غمزت الها ابتسمت
اروح فدوه لهاي الابتسامة وكتلها ع كيف
وصلت. للبيت ادك بالباب وعينها علي
لحد ما فاتت
حسيت باحساس حلو
اخذت طاسة السمنت ورحت وافرك براسي
ماكو وره نص ساعة
اسمع صوت وحده تصيح بس بس تبسبس
رفعت راسي اشوفها هي نفسها شمرت ورقة علي من فوك
باوعت يمنا يسرة
ورحت ع السريع شلتها وخليتها بجيبي
رفعت راسي الها
جانت ماده راسها ابتسمت وراحت

صاح عقيل لك مسلم اليوم شبيك تصفن خلصني يمعود خل نروح صارت بالوحده
خلي نخلص هذا الضلع
-اي اي جاي
شلت الكرك وترسته ورحت وديته
اريد بس اقرة الورقة شبيها وصلت يم عقيل وخليتها
رعد كال ناوشة بين ما اجيب عربانة طابوك من برة
راح وضليت احوس شوكت يرجع ويناوش هو
عاط بيه عقيل شبيك مسلم انثولت ناوشني ع السريع
اي ع كيفك والله دخت وراسي سطرني من الجوع
-اي دخلص حتى نروح للبيت
رجع رعد كال جيب بعد سمنت
رحت ع السريع رفعت راسي لسطحهم ماكو
فتحت الورقة قريتها
اسمي وروود صف رابع اعدادي
انت شسمك رد برسالة
قريتها ورفعت راسي
شفتها مادة راسها وتبتسم
غمزت الها واشرتلها باجر اكتبلج
هزت راسها وراحت واني اخذت طاستي ورحت
كملنا رجعت للبيت كل بالي وفكري يمها اصفن بيها كل شويه ...

الجدة
عقيل رعد
ها بيبي
بيبي اريدكم تعقدون ع بنات عمكم حتى ع العيد ازوجكم شكلتو
-رعد بكيفج بيبي
عقيل :اموت عليج يا احسن بيبي بالدنيا

ميقات
اباوع ع رعد ضايج وعقيل طاير فرح انقهرت عبالك مفروضة عليه
جنه كولنا كاعدين نتغدة
صارت نظرات بين سارة وعقيل واني رعد حتى مرفع راسه ياكل
ضجت
وكلت لبيبي
-بيبي بس اني مااريد ازوج رعد
راسا اباوعلة ذب الخاشوكة من ايده وكام بدون لا يباوعلي
طفر عقيل علي ولزمني من شعري شنو مترديه بكيفج شنو وشلون هيج تحجين كدامة وتفشليه
امي كامت تجر بيه عوفها عقيل اختك صغيرة ومتعرف مصلحتها
جاوب مسلم شبيها صغيره جنها بغل شكدها شكبرها متعرف تسد حلكها هيج حرجة الولد
بيبي جانت ساكت واطك بالعوجية بالكاع
حيدر صاح حل بيها تستاهل الكل صار ضدي بس امي تهدي بيهم
كوه طفرت للغرفة منهم
ادري كفرت خوما كفرت
اسمع عقيل يصيح واللع اذبحها لو عادتها
وهذا الخميس تعقد ع رعد غصب رضى تعقد
كمت ابجي اني مو اكرها ولا مااريدة
بس احسه هو مارايدني كوه عليه ومايوم شفت نضرة منه
فاتت حسنات
-لج مو خطية هيج تحرجين الولد حرام عليج يتيم وكسرتي بخاطره شوفي طلع من البيت كله
-بس هو ماايريدني مشوفين حتى مابتوعلي ولا فرح
شفتي عقيل شلون كام يضحك ويباوع ع سارة وفرحان
اني شفته ضاج مايصير تفرضني بيبي عليه
-اكولج هو طبعة هيج يستحي شنو جديد عليج
فاتت سارة لازمة خاولي بيده جانت ضايجة ومتباوع الي
-سارة زعلتي شنو
-والي سويتيه ميزعل مو حرام عليج تكسرين كلب يتيم مو خطيه هيج تحرجيه
-والله اني ع موده احس بيبي تفرضني جاي عليه
-كتلج اخوي يستحي وثكيل شترديه كاعد عدكم ويسوي علاقة وحب وياج مو من طبعة يخون البيت الي لمانه وربانه بس انتي مستصغرته احسج لان مالنا احد شوفي
ميقات كرامتي من كرامة اخوي اذا ماقبلتي باخوي اني هم ارفض