#البارت 15
##الُمٌهنَدِسِه📐 وَالُضُابّطِ👮🏻‍♂
#الكاتبه/طيبه الغراويKT

مريم:ضليت اشتغل وياهم ونحضر الغده يممه كومه ناس هاي كلهم كرايبي واني مادري ناس اول مره اشوفهم يمه اجوي عماتي وعمتي وياهن والبنات طلعن جداري كبار اول مره اشوفهن وطبخنا برياني
وعليه لحم واني والبنات طلعنا لتنور طين شوينه سمج كوومه ب10 سمجات شوينه

مريم:اكلج حوري هاي ليش هلكد طابخين

حوريه:غير عدنا خطار داده

مريم:اي بس موهيجي كومه طبختو

حوريه:حبيبتي لان بيت الشيخ لازم هيجي الاصول
وبعدين يادوب يكفي مشوفين النسوان البيت
هذا غير زلم الي بديوان

مريم:اهاااا لعد ع هذا الحساب راح ظهرنا ينكسر اليوم لان ورانه غسل اماعين

حوريه:ههههه والله ضحكتيني هاي عود انتي شيخه
ولج خايبه غير خطارنا وبعدين غسل الاماعين دائما امي جيب وحده هي وبناتها عدها 4 بنات ينظفن الاماعين كلهن واحنه هم انساعدهن

مريم:اهاا تدرين هسه يله عرفت

حوريه:بعدين نكعد اني وياج وتكلم معاج وافهمج

مريم:ماشي
ضلينا نشوي سمج بعدين دخلناهن للمطبخ لكينه صابين الغده وداينكلون دااساعدهم اجوي الولد ونكلو الاكل احنه وداننكل اجه حيدر جان يخزرني
شكو شبي هذا بعدين صاحني وصعد فووك

ام حيدر:يمه رجلج يريدج دايندهلج شوفي شعوزه

مريم:صار عمه
كمت صعدت وراه اول مفتحت الباب جان راسن يسحبني
اوووي حيدر ايدي شبيك

حيدر:رحت للديوانيه زلم كومه جايني علمود يطمنون عليه كعدت وياه وكعدنا انسولف
وره شويه جابو الاكل انه رحت دااشوف اخاف اكو نقص محتاجين شي
اشوو دخلت للمطبخ واشوف مريم الدلعه مال دشداشه نازله وصدر امبين
عيوني صارن بكصتي خزرتها وصعدت فوك وصحتها
وره شويه اجتي

حيدر:انتي ماتستحين لابسه هيجي
ولد عمامي واخواني طالعين دااخلين

مريم:ليش شبيه مو هاي لابسه دشداشه

حيدر:اي ودلعه هاي وصدرج المبين

مريم:انتبهت عليها
هاا والله هي تنزل ماادري بيها

حيدر:هسه تنزع بسرعه يله تنزلين
لا ومحمد اشوفج انجوم ضهر
وطلعت نزلت جوه

مريم:من جان يمي حيدر ويرزلني ميته من الخوف عبالك راح يموتني بس من طلع ضحكت لا اراديا
اموت عليه من يغار عليه ويرزلني هيجي يمه
بودي احضني همزين جنت خايفه منه

لبست دشداشه ثانيه زيتوني ورتبت وجهي ولبست شال زيتوني ونزلت
لكيتهم داايتغدون كعدت يمه عمتي واكلت وياهم
بعدين كملنا لمينه الاكل وكومن الاماعين
وره شويه اجتي مره اسمها ام مهى هي وبناتها 4 بعدهن صغار اكبر وحده عمرها يطلع 15 سنه
كمنا انساعدهم هم نظفنا وياهم وكملنا

وضلينا هيجي كل يوم ناس طابه ناس طالعه
هلكنا خوو حيدر اشوفه بس بالليل

بيوم جنت فوك الظهر امدده دااارتاح
جان يدك تلفوني شلته واشوفه رقم غريب
ضل يدك يدك مشلته
بعدين وصلني مسج (💭 اني نور مريم افتحي خط)

نوور شتريد مني رجع دك شلته

نور:اني جنت مااسحه رقم مريم
ضليت اسأل صديقاتي الي اعرفهن بالكوه لكيت وحده واخذت منها الرقم
اووف مااريد اتصل عليها بس مطره
شلون هسه
كمت اتصلت عليها دك دك مشالته
اتذكرت ماعدها رقمي الجديد
كمت دزيتلها رساله
ودكيت عليها جان شيله

نور:هلو مريم شلونج

مريم:هلا بخير شتردين داكه عليه

نور:مريم اعرف كارهتني هسه
ومطايقه سمعين صوتي بس اريد اشوفج من تجين لبغداد اريد احجي وياج ممكن

مريم:شتردين كولي الي ترديه بالفو

نور:لا اريد اشوفج ممكن ارجوج لترفضين

مريم:ماشي اني بعد 10 ايام اجي لبغداد عود انطيج خبر

نور:اوك انتظرج مو طولين بعد 10 ايام اشوفج
سديته من مريم وكمت خابرت وليد

وليد:منتظر نور تخابر مريم وتتفق وياها
طولت عليه مااريد الح بالموضوع علمود لشك
وداانتظر الجلب زوجها مدز العنوان يعني يعرفني
كاعد افكر جان تتصل نور عليه

وليد:الوو هلا نونه شلونج

نور:هلو عمري بخير وانت

وليد:زين الحمدلله محتاجه شي

نور:اي حبيبي بعد 10 تيام مريم تجي لبغداد
واشوفها واعتذر منها

وليد:(اي هاي فرصتي) اي ماشي

نور:اي ولتنسى تجي ترجعني تره والله مشتاقتلك وابويه بالكوه دااسكته بحجة امسافر انت

وليد:اي اي تمام اني اروح هسه عندي شغل باي

نور:بااي

وليد:اييي هي هاي فرصتي هسه
لازم افكر شراح اسوي علمود ارجع حبيبتي...

__________________________

مريم:وره 10 ايام
حيدر حجه وياي علمود انروح لاهلي وهم يروح لدكتور يفكله الجرح
يااااي شكد فرحت مشتاقه حيل لماما ولبابا ولحمودي ولريمووو

حيدر:اليوم نروح لبغداد داافك الجرح وهم اودي لمريم لاهلها
اجه سايق اخذنا لان مااكدر اسوق مريم متقبل
صايره تخاف عليه كلش وهذا شي دايفرحني

مريم:كاعدين بالسياره واني داافكر من نرجع احضر لحيدر مفأجاه واكله احبك وارريدك كمت لا اراديا حضنت ايد حيدر وغمضت ايدي
هو محجه شي

حيدر:كاعدين بالسياره جان وره شويه مريم حضنت ايدي ونامت كلش فرحت بحركتها هاي
عفتها نايمه ع ايدي
وره 7 ساعات وصلنا لبغداد متكسرين طلعنا ب4 الفجر وصلنا ب2 ظهر
رحنا لبيت اهلها

مريم:وصلنا لبيت اهلي يمه افيييش لا ريحة هلي
مشتاق

تلهم كولش
كمت نزلت من سياره نسيت حتى جنطتي
كمت ادك بالباب والجرس اريد بس يفتحون
ماكووو ضليت ادك حيل وره شويه طلعت جيرانه

مريم:هلو خاله
شلونج

جيرانهم(ام اسلام)هلا هلا يمه هاي انتي مريم شلونج

مريم:زينه الحمدلله خاله بس داادك بالباب محد دايطلع وينهم اهلي وين راحو

ام اسلام:بلي بنتي راح للشمال لبيت خالتج
شنو مكلولج

مريم:لا والله خاله مكلولي راح يرحون
واخابرهم يحجون عادي ليش صاير شي

ام اسلام:بتي امج مريضه واخر مره تخربطت بالباب
وابوج وراها اخذها للشمال مادري شبيها مكللنا

مريم:انقبض قلبي ع امي شبيها وليش محد كلي
اخابرهم كل يوميه ليش هيجي
عفت جيرانه ورحت لحيدر ودموعي تنزل لا اراديا

حيدر:اتفاجأنا من عرفنا مسافرين
هسه عرفت ليش ماجوني من تصوبت
كمت طلعت موبايلي وخابرت عمي ثائر
دك دك ورها شاله

ثائر:الووو هلو ابني حيدر شلونك حمدلله ع سلامه
اعذرني ابني مأجيت بس صار ضرف طارئ

حيدر:هلاعمي الله يسلمك
لا عادي بس اكلك عمي

ثائر:كوول ابويه

حيدر:احنه كدام بيتكم هسه وجيران كللولنا مسافرين وحجولنا ع عمتي شبيها خير ان شاء الله

ثائر:حيدر اذا مريم يمك ابتعد عنها بسرعه مااريدها تعرف هسه تتخبل

حيدر:حسيت الشغله مهمه كولش كمت ابتعدت
احجي عمي مريم ملتهيه وياه جيرانكم

ثائر:ابني صار فتره سناء داتتخربط
وتعبانه وديتها ع الدكاتره مال بغداد بس ماكو حل
كلساع مطلعينا مرض شكل لحد موصفولي دكتور بالشمال اخذتها ورحت قبل اسبوع
وبعد الفحوصات طلع بيها مرض السل
ودااتتعالج هسه
بس ابني ديربالك ع مريم ومااريدها تعرف هسه تتخبل وطينياها دااحجي وياه

حيدر:صار عمي تدلل وماعدها غير العافيه

مريم:حيدر ويامن دااتحجي وياه بابا موو امي بيها شي كولي

حيدر:حبيبي مابيها شي هدي وهذا ابوج يريد يحجي وياج

مريم:اخذت الموبايل من حيدر وضليت احجي وياه بابا وابجي

ثائر:حبيبتي لتبجين احنه بس سافرنا سياحه

مريم:لا بابا انتو مكلتولي وماما متخربطه بيها شي كلي اجيكم هسه

ثائر:بتي امج مابيها شي تخربطت لان تعبانه من شغل واخذتها للشمال علمود ترتاح شويه ومردنا انكلج لان نعرف وضعج بالبيت وزوجج مصوب
لتبجين زين والمفتاح مال البيت عفته يم ابو زيد اخذي منه واكعدوا بالبيت

مريم:حاضر بابا زين انطيني ماما احجي وياه

ثائر:اباوع ع سناء ماخذه العلاج ونايمه عيوني دمعت
لا بابا امج نايمه هسه رجعنا من الشلالات ونامت مااريد اكعدها

مريم:ماشي بابا من تكعد خل دك عليه اريد اسمع صوتها

ثائر:ماشي بتي يله في امان الله

مريم:الله وياك بابا تروحون وترجعون بالسلامه
سديت التلفون وانطيته لحيدر
اكلك حيدر راح اروح لابو زيد هاي براس الفرع اجيب المفتاح واجي

حيدر:ماشي اجي وياج....

رح انزلكم تنسيقات ألوان قوط تفيدكم بالدوام والتخرج🌚👇🏻❤️

#ملوكه