#الحوت💙💭
مهنياً: قد تواجه وضعاً مزعجاً في العمل بسبب أحد المتعاونين، ما يفسد الأجواء إذا لم تسارع إلى الحسم، لا تعارض ولا تؤزم المشاكل الطارئة.
عاطفياً: تبدو حياتك العاطفية مميزة، وتتلقى عدداً من الرسائل التي تفرح قلبك أو دعوات إلى تمضية بعض الوقت خارج البلاد.
صحياً: الإكثار من تناول الأدوية للتخلص من مشكلاتك العصبية تزيد وضعك الصحي سوءاً، لذا فكر ملياً في صحتك.

#قًصّة_مٌطِلُقًهہ

قصه تدور احداثه حول بنت تتحرر من قيود زوجها الضالم لكن هل يمكن ان تعيش حياة سعيدة بعد طلاقها اما .....

#بارت30

الكاتبة زيليش

😶😶😶😶

رفع راسه عود يكلي زمرد كملتي من صدمه كال زمرد تحمكتي خبط تحجبتي ويه كملتي
من الصدمه اني واحد جفص كدامي بعد شيسكتني كبل ضحكت

. يبو يازمرد صايره تافه كلشي يضحكج جنتي رزنه وبلكوه تضحكين هسة نهار كله فاتحه حلكج بس لا نعديتي منه وصرتي مثلنه تافه ع كلشي تضحك

. ههههه تره جاي تغلط ع اهلك

. ولج سكتي خلي نحجي جد شنو قصه الحجاب

. يوسف تعرفني ماعرف احجي بهيج مواضيع وكلك شنو خلاني اتحجب

. اي هذا شي خاص بيج واني من بدايه كتلج ماجبرج ع كلشي بس تذكرين شرطي تلبسين حجاب بعد مايلبس ومن تلبسيه حتى كدام اخوتي هم لان بعد حرام احد يشوفج من رياجيل غيري ملابسه حجاب يعني قصدي من لبستي الحجاب مو بس مجرد لوك ومليتي من شعر ومخليته مثل زينه ع راسج لازم تلبسين حجاب صحيح ماكلج لازم تلبسين عبايه لا هي مو بالبنطرون بس بطبيعه لبسج من ملابسه حجاب بالكليه تلبسين بدي قصير لحد الخصر او تنوره قصيره والبدي نصر دان ميهمج لا هذا يتغير لازم لبس طويل عادي بنطرون ماعليه اعتراض بس كون ملابس طويله حدج بس كف ايدج يطلع بعد انتي شايفه رانيا وشلون لبسه تتقبلين تلبسين مثله

. يوسف اني مو طفله اليوم تلبس حجاب وباجر تنزعه من اخذت هذا القرار بكل كلشي فكرت واني هذيج الايام جنت اقره بالانترنت
وتاكدت انو الحجاب واجب وقتنعت قلب وقالب بس جنت مامحدده الوقت ودائما اكول شون بس هسة حسيت اجه الوقت

ابتسم وكال

. والله مادري شكلج فرحان وبنفس الوقت ضايج اكول خاف مجبورة مو من كلبج

. لا والله ابد وحتى اذا تحس اني لبست الحجاب بسبب احس نفسي اني الوحيد بين كل نسوانكم ملابسه حجاب ونجبرت لان احس نفسي نشاز لا والله اصلا الكم اجر نبهتوني اقره عن الحجاب وشوف واجب لو لا لان اني محد فهمني ليش البس حجاب معتبرته جنت شي مستحب مو واجب

. عفيه خاف جنت اكول زمرد جميله هسة صرتي اجمل الحجاب برز ملامحج وانشالله بس ارجع لبغداد اشتريلج ملابس هواي وحلوة وحجابات انواع و هنا بس يومين باجر وعكبه ونرجع لبغداد يعني خاف تكولين الحجاب بالبيت يخنك عاد من بنقه وحدنه بكيفج شتلبسين وصدك هاي الثياب عوفيه هنا وحتى تراكسود ماريد كون جيبين الملابس فتحاته لاتقل عن ٣ فتحات اريد ضهر مابيه قماش يادوب خيط واديج كله ربع ورجليج طالعه لحد الركبه يعني قماش قليل هم نوفر وهم جمال

. هههه توفر هاي قويه

. ههه اي بدل ماتجيبين تراكسود ٢٥ كلما يقل القماش ينزل السعر

. هههه خوش تفكير اصلا هيج ملابس اصير اغله

. لعد لا يابه ملابسج نفسه بس جيبلي مكص واني اكصكص ع مزاجي منين مايعجبني

. هههه خوش فكره

. يله ولج امشي وشوفي حسن شلون زهك

هل ايام حسن من مانطي شغله لو اطول عليه يكوم يتئفئف

نزلنه جوه بهذا الوكت ناس نايمه وناس كاعده تشرب جاي او كاعده بالحديقه فجان عمي وعمتي كاعدين سوه ع الاخبار يباوعون ويمهم حماي ابو كرار كاعد

وهم بس نزلت كله حجت ها تحجبتي

يوسف. هههه شنو هل صدمه

ابو كرار. خويه لبستي الحجاب علمود الفلوس ترجع وراه تذبيه انتي مثل هذا الي صاعد ع شجره شمس من فوك حاركته والاسد جواه بس ينزل ياكله رفع راسه للسما وكله ربي بس تخلصني من الاسد وطلع سالم والله بعد استمر ع صلاه لحد اخر يوم بحياتي من راح الاسد ونزل مصار بيه شي كله جذبت عليك جذبت عليك. ههههههه يعني استغفرالله يكله اني خدعتك

يوسف. ههههه ينعل بليسك وين ذكرته

عمي. الله اكبر عليكم حتى البنيه طار واهسها من الحجاب وتندمت لبسته بدل ماشجعوها جاي تضحكون عليها

ابو كرار. لا يابه بس بعد تعرفني لازم اضرب مثل وهي نطبقت عليها القصه

زمرد. اني غلطانه فجاء لبسته كون شويه شويه مثل اول شي اخلي ع جتفي وبعدين اخليه ع راسي ومطلعه شعري كله وبرها بس الكذله ونوب تحجب مو فجاء اصدمكم والمصيبه مو هنا اتوقع مانتبهت ع جواريب سود

هو بس شافني مات من ضحك لان اني لابسه حذاء فلات ومتطلع الرجل منه بس شي قليل وحتى اكدر اغطيه بالبنطرون بس اني لا انتهت بعد لبست حجاب لازم انفذه بالحرف بس المضحك بالموضوع جواريب سود مال عجايز اثخان لان ماعدي بس هذني جنت البسهن من اروح للزياره فقط باقي الايام مالبس جنت

يوسف.هههه ولج ادري تحجبتي بس حتى امي مو مثلج هم جواريبه شويه خفيفه

ابو كرار. لا يوسف هي منيله جواريب اصلا بس تلكيه لابسه جواريبك ماتوقع اكو هيج جواريب نسائيه

زمرد. هههههه والله اني الجبته نفسي بعد شيخلصني منكم همزين العبايه مو اجباريه جان سويتوا من البسه

يوسف. ههه تخيل ابو كرار زمرد لابسه عبايه وبيده حسن وتعبر الشنفه هههههه كبل تنكلب ع وجه واجيه ركض هي ماكو بس العبايه مطوفه ههههه

عمي. يعنل بليسك ولكم عوفوه بحاله تعالي بويه. رحت يمه باسني من راسي. عفيه بويه وراح انطيج هدية ع اقتناعج بالحجاب من نفسج بدون اجبار

زمرد. لا عمو شكرا

عمي. لا بنيتي انتي حالج حال بناتي من جانن يقررن لبس الحجاب بيومه لازم اجيبلهن هدية وانتي مدام لبستيه بيتي فالج هدية ماحدد شنو بس بوكته تعرفين شنو

زمرد. لا عمو والله عندي كلامك الطيبه كافي الي تخليني احس اني وحده من بناتك

عمي. هذا واجبي مو بس انتي لان مالج احد ويتيمه كلجن احسجن يتامه هي كلمه يتيم معناه انو ماله احد من اهلها وهذا ينطبق الحجي ع المزوج الي راح تروح البيت ماله بيه لا اب ولا ام ولا اخ ولا اخت بس اذا اكبر هذا البيت ناس زينه وتعامله باسلواب حلو واذا تأذت من شي كله توكف اله راح تلكه باسلوب عمه ابو رجله حنيه ابوها وعمته خوف امه والحموات اخواتها والحموين اخوانه فصير اله عائلتين واني هيج سلوابي اعتبر الجنه مثل بنتي شجيب لبنتي اجيبلها شتمنى البنتي اتمناه اله والله حتى بكل صلاه ادعيلكم اسم اسم حتى جهال ولا انسه واحد بكل فرض

ابو كرار . هو دعائك الي يحمينه من كل شر ويبعد عنه اولظ الحرام مدام راضي علينه راح ترفع ايدك وتدعيلنه

يوسف. هسة كله سهلة بس بوية شلون حافض اسمي جهال وتكول ماترك واحد وبالاسم اعيلهم ماتوقع كلهم حافضهم

كلنه ههههه هم صدك

عمي. ثول والله احنه وين نحجي وهو وين يحجي قابل اني مثلك ذك اليوم اكله بوية وين الفيته يكلي انطيته لواحد من جهال اكله منو شسمه يكلي والله بوية مادري بس هو جان لابس قميص ازرق وشويه اسمر

كلنه هههههعع

ابو كرار. ههههه اضنه حتى منطي الفيته لجهال جيران عبالة واحد من جهالنة

يوسف. والله اني هم شاك لان من انطيته بقه صافن بوجهي

عمي. صدك احنه الاتهينه بسوالف ومبين انتو تردون طلعون

يوسف. صدك والله شويه نريد نغير جو العطله ماطلعت بيه وبعد يومين ورجع للدراسه

عمي. اي بوية مابيه شي بس ثكلوا بالملابس تره بارده اكلك صدك بوية يوسف انته هم عايف نسخه مال البيت يم جيران خاف يصير شي بالبيت لا سامح الله كهرباء طك ماتعرف
كلشي يصير

يوسف. اي طبعا لازم ومخليه يم المؤجرين الجوه يله مرخصتكم اني اروح محتاجين شي اجيب وياي

كله. لا بس سلامتكم

طلعنه نتمشه المنطقه بيه ناس هواي بس من رحنه للمزرعه هدواء بس صوت الشجر يتحرك من الهوا وصوت المي يجري بسرعه والعصافير والبط وريحه نبات تخبل وحتى الهوا تحسه نقي نضيف خفيف من تستنشق الهوا ينطيك راح اذا مخنوك تروح الخنكه عبالك علاج
بقيت اباوع ع زرع هو مو هواي وحتى يوسف كال بشتاء مانزرع لان المطر ياتلف الزرع بس اكو كم نوع يتحمل كلشي وكال احلى فصل للزرع الربيع الي هو شهر ٣و٤ يكول زرع يكوم ينفش عليه لان جو حلو لا حار ولا بارد بس هسة مو ماكو لا اكو كاعد بيه مثل مكان للبتيته وطماطه هم زارعيه بس مخليه بيت مكون من جادر شفاف ملون لان يكول الطماطه انحس نبات بزراعه زارعين خيار عطروزي بس كلي العطروزي اذا شويه طخيته برجلك حسبه صار مر بعد ماتنوكل فماقبل ندخل للعطروزي وخس زارعين هم مخضر

. عجبتج المزرعه

. اي تخبل

. لعد راح اشوفج مزرعه الشيخ وبراهة كولي مزرعتنه حلوة

وداني للمزرعه عباره عن بيت سياج مرتبله وبابا دخلنه اكو زرع بره وطماطه هم مثل مزرعه عمي مخليه بيت بس بيته حيل جبير لان هو عيشته ع الزرعه حتى تجيه ناس من غير محافضات تاخذ منه يعني انتاجه بيكمات بس من دخلنه لبيت هم يشبه بيت الطماطه اني هم عبالي للطماطه بس من دخلت نصدمت عباره عن ورد بكل النواع جوري كاردينيه ياسمين الاقوحان كل الانواع تحس كاعد بجنه نوب القهرة الجبيرة عود ردت اصور المنضر طلعت ناسيه الموبايل بالبيت شبعت قهر ويوسف كامرته موحلوة خربانه صورت بيه بس مو واضح المنضر بقينه نفتر والعطر يخبل ويوسف راد يكطع ورده بس كلبي مانطاني اكطعه بس علمود يوم واحد وبعدين تيبس وتخرب
بقينه منا لحد المغرب اله رجعنه
بعد محد جاب طاري الفلوس مدام مالكن بمكان محدد او بغرفه واحد مضمومه بعد شيسون شنو ذنبهم وماكو دليل ع احد او مبين ع احد مرتبك وهما ماشكو بالكبار بس عبالهم طفل من جهال ماخذهن يعني حتى لو لكوهن بكنتور واحد من حمويني ميتهموانا هو بايكهم يكولون واحد من جهالة ماخذهم تخيلوا يعني الثقه عدهم وين واصله معناه ماكو احد بكل البيت ايده طويله ويوسف ماكلكم يضحك وطلع معناه نسه بس طبيعته مايضهر حزنه للناس واني صح ضايجه بس ما ابينه وابقه اسولف وياه واشقه حتى ينسه مو فوك ماهو مقهور ازيده قهر من رجعنه للبيت صلينه وراه تعشينه وعمي هم يحس بيوسف ضايج من كملنه عشا طلع طالب من ابوكرار يشغلنه مسرحيه عادل امام المدرسة المشاغبون واحنه والبنات سوينه شامية وهما جايبين حب وزن لان ميكيفي ابو الربع يرادلنع كارتونه يله تكفي كعدنه كلنه سوه وعمي والولد كلهم يضحكون وعمتي ماتت من ضحك تحب عادل امام بس اني بالي مو يمهم حتى مانتبهت ع المسرحية صافنه شلون ندبر الفلوس مرات اكول بس نصعد اكله هاك بيع الذهب مالتي وتصرف بيه ومرات اكول اخابر ام رانيا دبرلها مؤاجر لبيت ابويه حتى الفلوس تفيدنه مصرف عاد مانشتري غرفه ونضتري طباخ مس

تعمل بس مصرف للدوام وخط منين نجيب بس يوسف شيقنعه غير يلعب بيه طوبة اني مرة كتله خلي ابيعه ونصرف بفلوسه تخبل يكلي اني ماخذ شي مو الي كتله اني قابله وحتى سميه باسمي عود كلت نشتري بيت بمنطقه حلوة بس هو ابد سدها بدون نقاش وحتى ماصفن بس نطقت مو نوب اكله بيع ذهبي غير ينقهر بزايد بس لازم اكله

رفعت راسي باوعتله لكيته يباوع ع التلفزيون بس ماخذ صفنه مبين يفكر لان لو يباوع ومندمج جان ضحك لان عادل امام سوه موقف مضحك وكله ضحكت من خلصنه الفلم كلها صعدت للغرف واني ويوسف هم صعدنه وحسن نايم من زمان قبلنه ومصعدته بقيت اني ويوسف نسوالف ع الصور بالفيس شويه وفتحت الموضوع وياريتني مافتحته صار نار يكلي

.ادفن روحي ومااخذ منج ذهبج هذا شي الواحيد الي كدرت انطيه الج شو حتى حاضر وغايب ماسويتلج بس مجرد كلم وحتى ماكدرت اسوي عقد بالمحكمه وحتى اكتبلج حقوق ويكون الج شي تطالبين بيه بالقانون

. اني الحاضر مالتي انته وجودك بحياتي يعادل كنوز الدنيا والغايب كلامك العسل وطبعك الي ياعدل ملايين الي هسة بلحضه اختفن ومانعرف وين بس الكلمه الطيبه والحلوة تبقه حتى اذا مات صاحبها ومرت سنين عليها تبقه بالبال ومن تذكره تدمع عينك اذا فاقده وتتمناه ي جع واذا زعلان تنسه الزعل واذا فديوم ضلمك تذكر لو منه كلمه وحده راح تنسه كلشي اني حتى لو فديوم وماكدرنه نستمر سوه وطلكتني وماالي حق اخذ نفقه فلوس وعبالك اتندم لا اني نفقتي والغايب مالتي كل كلمه حلوة تكلياه وكل لحضه عشتها وياك ابسط شي اليوم من اخذتني للمزرعه وشوفتني الورود شكد مكان بسيط ومو مثل امكان الي بغداد بس يعادلهن لان تحس انو كاعد بجنه محد يمك ماكو ضجه الناس ماكان هادئ رومانسي يوسف هي مو بالفلوس اكو غني ويكدر يشتري احسن سيارة واحسن بيت واحسن بس مايكدر يشتري سعادة الكلمه الحلوة مابكدر يشتري الحب هذا كله عندي اني اغنه انسانه هسة عندي انته كلمه وحده منك تعادل كيلو ذهب وانته باليوم تسمعني الف كلمه تخيل شكم. كيلو ذهب تعادل الف كلمه ليش بالقصص دائما الغنياء يوكع بحب فقير او جميل ياخذ قبيح ماكلت ليش شنو سبب بس هو لكه بهذا الشخص الحب الكلام الجميل الي يخلي الغني يستغني عن امواله بس علمود يسمع هذا الكلام والجميل مراح يباوع ع شكل القبيح او يهتم لان كلامه وطيبه كلبه وجمال افعاله يخليه يشوف الجميلة قبيحه ماله يوسف ماله علاقة الفلوس بسعادة اني لو ادري انو اعيش سعيدة بالفلوس مجان حبيتك ولازوجتك

. زمرد اعرف والله وافهم شنو قصدج بس ماتوصل بيه ابيع ذهب مالتج علمود والله اشتري اكل وملابس الي اني مدام شاب وبعد بيه حيل مايصعب عليه شي وجيب فلوس واعيشكم الي يحرك نفسه ويشتغل رب العالمين حتى يزيد رزقه بس مو اني كاعده واريد مصرف واكول ماعندي وابجي بوجه الله واكول رزق ماكو وشغل ماكو
ماتعرف بيا ساعه تنرزق مرات تبقه ايام تشتغل بس تحصل الف دينار تجيك ساعه او يوم ينزل عليك رزق من السما بدال الالف توصل ١٠٠ الف معناه اني مو من اول يوم شغل واشوف رزق قليل اعزل واكول اني مامرزوق وماعندي حض ماتعرف بيا ساعه يجيك الرزق فيمكن اني هسة صح خسرت فلوس بس رب العالمين باجر راح يرزقني بشي احسن ماتعرفين شنو مضموام الج بس ربج يعرف

. بس هسة انته محتاج ...

. مامحتاج شي وبعد يومين اله نسافر ماتعرفين بهاي اليومين شنو يصير لاتفكرين لبعيد عيشي كل يوم بيومه ولاتهمين ل باجر مدام الله كريم ورحيم ورزاق مرات بساعت تتغير الامور وتصير اشياء مامتوقعها ولا مفكر بيه

. انته شكد انسان ايجابي وعندك امل وابد مايخب مهما صار

. زمرد كلشي بحياتنه جاي نمر بيه عبارة عن اختبار ومفاجئات مثل مانوخذن الفلوس بلحضه عبالك نفتحت الكاع وبلعتهن هم راح يجيني شي اتفاجئ بيه ومااتوقعه

حضنته بقوة
.ههه لازم مليتي من كلامي

حاضنته واحجي بصوت ناصي

. لا بس كلشي تحجيه يخليني انجن بيك من تتعصب احبك ومن تشرح وتصير عبالك شيخ انجن بيك ومن تضحك وتنكت وتشاقه اذوب بيك كلي شي مو حلو بيك يخليني مااحبك

.اوووف ويكلك صير عاقل وهي تجي تتحرش بيك وتخليك تتخبل ولج هذا السان لو حلقومه بله طلعيه خلي اشوفه

حجه بمكر ونيه سافله

. ما اعرف ليش تريد اطلعه ماكو

. لا اني ماعندي شي جاي احجي بنيه صافيه بس انتي تفكيرج قذر

. هاااا هم صدك

. اكلج ع طاري اللسان شو لساني يوجعني

. بله خلي اشوفه طلعه خاف مطكك

طلع لسانه بس مابيه شي لا حبايه لا اكو الاتهاب

. ماكو شي لبش جاي يوجعك

. قابل اجذب

. لا يابه بس اعرفه يكون اللسان واضح عليه شي مثل يصير لونين او احمر او بيه حباية

. بله طلعي السانج خلي نشوف نفس اللساني

اني ع نيتي طلعت مصدك بس هوة الواتي سوه نفسه مريض حتى اطلع لساني دائما يلعب عليه

اختصار الاحداث

يوم سفرنه كعدنه من الصبح قبل يوم خليت بالجنطه شنو احتاجه ومهم وبقيت اشياء الي مالبسها بالكنتور لفيت حجابي وبدلت حسن ويوسف جان ينزل بالجنط هو اشتغل يومين واستلم فلوس بس كروه طريقنه يعني بالخط العري

ض بجيبه ١٠٠ الف واهلة توسلوا بيه حتى ياخذ منهم بس هو ابد يرفض وخطيه كلهم البارحه نجمعوا سوه وحايبين الفلوس بديهم شمروها عليه رادو حاولوا وهو رافض مايقبل عنده عزة نفس بعد اكصر مني

سلمنه عليهم وطلعنه صعدنه كيات طول الطريق ساكتين او نايمين ومرات يوسف يكلي شوفي من شباك اذا شاف شي حلو
اختصار الطريق لان كلش طويل ونزلنه مره بمطعم كعدنه اكلنه ومو بس احنه كل ناس ومجبور سايق لان سيارة تتعب لازم شوية ترتاح

براها وصلنه للبيت هو عنده قفل البيت فتحنه الباب الرئيسي وبره درج صعدنه نوب هم باب من فتحه
انصدم يوسف بالي شافه

يتبع...

#قًصّة_مٌطِلُقًهہ

قصه تدور احداثه حول بنت تتحرر من قيود زوجها الضالم لكن هل يمكن ان تعيش حياة سعيدة بعد طلاقها اما .....

#بارت31

الكاتبة زيليش

😮😮😮😮😮😮😮

المؤمن كالورقة الخضراء، لايسقط
مهما هبت العواصف

🤔🤔🤔🤔😥🤔

بس دخلنه يوسف نصدم 😮اني هم دخلت وياه بس مكان ماصدمني لان مشايفته قبل بس عرفت من صدمه يوسف وهم كلامة انو بيته مابيه اثاث كلشي ماكو خاصه الصالة يكول حتى تلفزيون مابيه هسة اكو تخم بصاله و تلفزيون بعده بالكارتونة واكو غراض بلكاع يعني الاثاث بعده بالكراتين كلت خاف يوسف حب يفاجئني وصرف الفلوس ع الاثاث وحتى ماحس كال نباكت فلوسي شكد لواتي سوه كل هاي الهواسة واني شابعه قهر وطريق كله افكرشلون ندبر نفسنه وهو بجيبه بس ١٠٠ ولازم ندفع كروه بغداد يادوب تبقه ٥٠ وعصر بديه حسبت مية حسبه وهو طلع ضامهن علية

يوسف. اكلج شنو اني داخل غير بيت اني ماعدي هيج غراض بيت مهجور هاي منين اجني

حجيت بعدم تصديق وابتسامه

. اي كلش ماتدري حبيت تسويلنه مفاجئ وطلعت جذب سالفة البوكه انته اصلا صارفهن ع الاثاث

. والله جاي احجي صدك ماعرف ترة مابين ع وجهي

.غيرت وجهي بتسال لعد منو اذا مو انته شو محد عنده نسخه غيرك والمؤجرين الي جوه حتى لو اكول اهلك جان اخذوا منك المفاتيح

. هسة عرفت منو تذكرين من ابوية كلج لان لبستي حجاب راح انطيج هدية بس مو هسة ومن كلي هم مخلي نسخه يم جيران خاف يصير شي ع البيت عاد عدهم نسخه هو يريد ياخذ منهم نسخه حتى يدخل الغراض بدون مانحس لان يدري بيه اذا عرفت راح ارفض

. شكد عمي شخص نادر ماكو مثله الله يحفضه ويطول عمره هيج شخص قليل مثله

. ابوية حنين تشوفيه مامهتم ونسه سالفه بس هو محترك كلبه ومقهور علية ودليل الاثاث تلكيه صاله ايام يخابر ويدليهم لان من جنه مافديوم سافر كل يوم موجود

. اي ماكدر يغيب يوم لان راح نحس بيه حب يسويه مفاجئ النه

. بشنو اجازيه كلشي جاي اسويه ماتوصل للي يسويه الي

. اي والله بس كله يابه دين من يصير عندي انطيك فلوسهن

. مو ابويه ماتفوته هيج شي هسة بس اكله دين عليه يكلي اني مو الك جايبه هاي هدية لزمرد لان لبست حجاب متشوفيه كلج راح اجيبلج هدية لان لبستي حجابماحجه اله باله خطه والحجاب اجه بوكته

. يمعود اني توقعت يشتريلي حجاب او شي بسيط ماتعدي بزايد ١٠ الف مو ٥ ملايين

هاي نحجي ونفتر بالبيت هو البيت اول متدخل استقبال وغرفه مطبخ وغرفه نوم وحمام بس كبار حيل بيت واسع مشتريلنه غرفه نوم تخبل جديده وحتى ناصبيه والمطبخ كاونتر وثلاجه ومجمده وبراد وفلتر وماعين وكل مكان ساعه شكل يعني الغرفه مال نوم ساعه ويه الاثاث والمطبخ ع شكل تفاحه والاستقبال حيل جبيره لونه ماروني ويه لون تخم وبردات ويه الاثاث يعني بيت كامل من كلشي وره ربع ساعه ندك بابنه نزل يوسف يشوف منو وره شويه دخل ومحمل علاليك

. زمرد تعالي اخذي

. هاي شنو

. ابويه مخابر المؤجر الي جوه وكايله اريدك انته توكف يم العمال وتفتحلهم البيت وهم طالب منه يشتري مواد غذائية تكفي مال شهر

. والله ماعرف شحجي هواي مامخلي شي مجايبه بله اثاث ميخالف نكول ساعدنه بس مو حتى مواد غذائية

يوسف تغير وجه بمعنى لو مالفلوس مبيوكه جان خليته يشتريلي سبحان الله عنده عزة نفس مثلي بقه يصعد بيهن جيس تمن جبير معجون باقوليات شعرية بهارت كل انواع اكو شغلات اصلا مو باي وتكفي اكثرمن شهر صح ماكولحم ولا دجاج ولاسمج بس يعني اكدر اسوي غدي مثل فاصولية بدون لحم تصير المرك عادي اسويه بدون لحم

اني نزعت ملابسي يوسف نزل يجيب ماسحه ومكناسه ودوات تنضيف لبست تراكسود برموده لان وحدي وسهل بشغل وشعري لفيته وحسن انطيته حلويات وايباد يلعب بيه و اني بديت بالمطبخ اسفط وعدل سويه وفتح يوسف الباب اني جنت امسح بالكاونتر بيه تراب وافتح عنه السق ماحس اله حضني من وره
يحجي بهمس
. ولج شلابسه جانتي يم اهلي ثوب طويل وعريض واني ماشيل عيني عنج من تفوتين مو نوب برموده وكيمونه

برتباك

. يوسف حباب خلي اكمل شغل لاتسوي وكاحه

. لا والله عاقل بس ابقه هيج حاصنج

. ههه اصلا اني اذا كعد يمي بمكان ماكدر اشتغل مو نوب هيج لازمني يومين اله اطلع من المطبخ

. ههههه ماالي علاقة يا اني يا الشغل

. شو حتى ماكو مكان نضيف ومرتب نكعد بيه خلي اكمل شغل حباب روح اكعد اني عالما انطيته الموبايل حتى اخلص منه نوب انته تجيني

. حسبيني حسن وسكتيني بشي حتى تخلصين مني

. يعني اسويلك ممه حليب تروح

. ثوال شبيه زعطوط

. انته مو تكول حسبيني حسن اني حسن ماتركني اله انطيه حليب

. لا كل شخص والي يسكته

.ها تريد ملاهاية ههههههه

. بسيطه جاي تسوين نفسج غبيه

لزمني من خصري ويدغدغني اني ماكدر اكوم اضحك يعرف نقطه ضعفي اكوم ماكدر حتى احجي نوب شالني من خصري واخذني للغرفة

. حباب عوفني وين ماخذني

.اريد اعقبج لان صايره وكيحه

. مو حسن وحده خاف يلعب بالغراض لو يوكع عليه شي

. اي همم صدك راح انطيه شي وجيج ابقي بالغرفه

د

خلني بالغرفة وهو راح عود ينطيه شي اني بسرعه قفلت الباب عليه هو اجه فتحه لكاه مقفول نوب بقه يدك

. زمردتي فتحي تره والله زيد العقوبة صيري حبابه

.ما مافتح اله توكع العقوبة او تخففهة

. يعني شلن اخفف الحكم

. يعني بوسة وبس

. لا ماكو عقوبة كاملة وهم الج ٥ ثواني اذا مافتحتي تزيد العقوبة

. احسب منا للمية نهايتك تمل وتعوفني

. ١..٢..٣..٤..٥ ها يعني ماتفتحي اوكي نهايتج تفتحين لو يومين اله تفتحين هم ابقه انتضر ويمشي عليج الحكم

حجه ونوب راح كعد بالاستقبال وره ربع ساعه سمعت طبه قوية عبالك صوت حديد شي جبير ويوسف عاط حسسسسن بس مو عالي بس سمعته واني بدون تفكير فتحت الباب تخيلت الكاونتر مامثبت زين واكع وحسن بالمطبخ بس فتحت وهو طفر عليه يوسف ودخلني واني نسيت سالفه العقوبة بالي حسن

. واخريوسف شبيه حسن شصار

قفل الباب
. هههه مابيه شي واصلا نايم فرشتله فراش من زمان

. لعد شنو هذا صوت مال شي نكسر وصحت حسن ليش

. ههه اني وكعت عندي علبه حديد مال شغل يم باب الغرفة وصحت حسسن حتى تخافين وتفحين الباب

. يعني تحجي صدك سويت هذا كله بس علمود افتح الباب والله ردت اتخربط كلت ماكو غير وكع ع علية الكاونتر

. هههه هو اني ادري بيج تفكيرج كله بالمصايب وبسرعه صدكين

. واخر زعلت ماحب هيج

. عود اعاقبج وبعدين زعلي

. ماكو عقوبة تتنفذ مدام زعلانه

. اووي وين شايفه سجين ينحكم عليه بالعدام ويكول اليوم لاتنفذون لان زعلان ع القاضي كون كل محاكم مثلج جان عزلت المحكمه

.ههههه لازم تخلي الحق الك

. يوسف القانون فوق كل شيء اني رجل عادل ويجب علي تنفيذ الحكم

حكمت المحكمه 👨‍💼

اختصار الاحداث

بقينه ٥ ايام ماكو شي جديد ودوام بعده يوسف كل يوم يطلع الصبحيه يدور ع شغل يناسب الكليه يعني شغل مسائي بس ماكو واني ابقه بالبيت ارتب اسي غده وشغل قليل يعني انضف يومين يبقه نضيف حسن ميوصخ وشغل مو مثل من جنت يم عيالي صح الشغل مقسم ولمتهم حلوه بس كعده مال الصبح متعبه من ٥ الفجر اوكف اكلي بيض ٢٥ بيضه اله تكفيهم ماتكولين بطاوه وحده اسويه اكو ناس تريده كرصة وناس تريد خبط وناس متريد بصل يعني ضهري ينكسر بس من وره ريوك هسة صح نكعد براحتنه وناكل باي وقت يعجبنه بس ضوجه لان لمتهم وضحكهم وسوالفهم تنسيك تعب والشغل تخيلوا كمت احسب للعطلة مال اخر السنة يوم يوم حتى اروحلهم
ماكدرت اروح لرانيا مايقبل يوسف بس لخابرها بس مايقبل من يجي نطلع يكلي اريد اعيش ايام شهر العسل لان يم اهلي ماكدرنه نبقه سوه وقت طويل حتى ناوي يطلب اجازة ١٠ ايام من جامعه بس كتله كافي احنه قبل نص السنة خلصناه عطل خلي ندرس ونخلص من سنه خاف نرسب . وهم يمكن ماكدر من اجيب الحك ع طفلين عاد هسة ماعندي شي حسن جبير وراح احول اخذه لحضانه بس افكر منين ادبر فلوس الحضانه

بهذا اليوم كمت حضرت الملابس مال الكليه ورهمت ملابس تكون مستوره لان بعد اني محجبه وهو كلي خلي نشتري ملابس بس اني كتله لا حياتي عندي كومه مشترية وبيهن مال محجبات يعني عندي بديات طويله فساتين طويلة واخلي عليه بليرة طويلة تصير لبسه مال محجبات كاعده اكوي لابسه تراكسود وشعري رافعته ونزله خصل ومكياج خفيف حسن كاعد يلعب بالعابه ومره يطلع فيديوات ع الايباد دخل علينه يوسف هو عنده قفل يعني ميدك الباب بس اني من ينفتح الباب لتأكيد اسئله

. يوسف اجيت

. اي اني يوسف زغرطي يوليه

تلكيته واني اتسأل ليش ازغرط

. لكيت شغل يرهم ويه دوامي بس راتبه مو هلكد

. عادي بس مهم مو متعب اني كتلك ماتشغل عمالة لان تتعب والله لو اعرف اجدي ولا خليك تتعب صالك كم يوم شويه وجهك رجعت بيه العافية

حجه بوكاحه وهو يتلمس بوجهي وخصله شعري
. ماله علاقة العمالة اني بس من اشوفج اذا مريض اشفه واذا تعبان ينزاح التعب والهم وجهي يورد ههاي بس شوفتج هيج سوي بيه لعد لو تبوسيني شيصير بيه يمكن ارجع طفل

ماعرف شحجي لساني ينربط واريد اغير الموضوع نوب من يحجي يباوع ع عيوني بس نضره تشلني مو نوب الكلام وخاصه من يحجيه بمكر وجرئ

.احمم اي شنو الشغلك شو ماكتلي

.هههه بسرعه تغيرين الموضوع

. يبوو يوسف شكد وكيح تبقه مركز ع هاي المواضيع بعنادي لان تدري بيه اكوم ماس...(ردت اكول ماسيطر ع نفسي بس استحيت)

. اي كملي شنو ماس يعني قصدج
ماسيطر ع نفسي وافعالي من هيج تحجي وحتى لساني ينعقد اي كولي ليش جاي تحسسيني انتي متحبيني والله مرات زمرد احسج مجبورة علية تره اذا بعدج ع قرارج وتحسين مجبورة ترضيني فقط ك زوج مو حبيب مثل قبل كولي

صدك نقهرت من حجه هيج يعني معقولة اني لهل درجه بارده وياه شو حتى مرات اكول هسة يكول زايحه الخجل بس من كد ماحبه ماسيطر ع نفسي كدامه ماحب امثل اني احبه وبداخلي اني ماحبه

. لا والله هيج جاي تحس برود وياي اني اصلا احبك اكثر من حبك الي نص حبي متواصل اني مجنونه بيك اني مو احبك لان كلنه نكدر نحب مثل حب الام والاب والاخ بس اني اعشقك تعرف شنو عشق يعني اذا تغيب عني ساعه اختنك شلون اذا افترق

ت عنك وتركتك اتوقع حالي حالي الميت ويمكن الميت احسن مني لان ابقيه بس جسد بلا روح وهم روح معذب وعايش يمك تدري من اذكر اتفاقي اسب نفسي مية سبه واكول شلون جنت افكر واخذت هيج قرار وهسة جاي تكلي احسج تريدين تكملين اتفاقج اني من جنت تشتغل عماله ابقه اباوع ع ساعه كل شوية
حالي حال صايم من المي والاكل برمضان يعد ساعات حتى يفطر ع ماي والاكل واني هم صايمه من شوفتك واحسب ساعات جيتك حتى افطر ع شوفتك

. هههه بسرعه تتنرفزين وتفضحين نفسج حبيت انفرزج حتى تحجين الي بكلبج

. والله اني غبية بسرعه ينضحك علية

. غبية ذكية تخبلين يعني هءا الكلام كله الي هسة من اتاخر عليج تبقين تنتضرين شوفتي

. 😶اي

. اكول تكلي عفية لا تاخر علية اكول شنو تخاف تبقه وحده شو جانت عايشه وحده طلعتي ماتتحملين فراكي حتى لوساعة

بصوت ناصي

. اني ربع ساعه تطلع احسه هواي مو ساعه

. شنو ماسمعت شكلاي

. لا هيج

.لا سمعت بس مو بوضوح ماتركج اله تكولين شكلتي بصوت عالي اذا صدك تحبيني

. اكلك ربع ساعه عندي هواي مو نوب ساعه

. اويلي يابة ويكلك ليش تصير وكح هو بره ماتسمع هذا الكلام حتى المايع يصير احمد سقى

رجني وكعدني بحضنه

. حسن جاي يباوع عيب

. راح اسوي مثل فلم عادل امام من يدزه خاله يجيب شاي ام حسن

. هههه ينعل بليسك والله عليك سوالف . اكلك عوف هاي سوالف احجيلي. شنو شغلك

.اني مو صالي فترة ادور فصديقي ضابط عرف بيه محتاج شغل كلي انته تعرف تشتغل بالحاسبة كتله اي اعرف كلي لعد تعال هل ايام بدال الي جان يشتغل ع حاسبات لان مريض وميكدر يكوم يعني حتى كام يكطع راتبه وينطيه رشوه حتى لحد يبطله بس هوا مو تكول مابيه شي وجاي يلغف افلوس هو جان رجال طيب وشغله ميتعوض بس تمرض ومجاي يتعالج فاني راح اجي بداله اشتغل شغله منا لحد مايطيب حتى محد يحس بعدم وجوده وراتبة ينطيني منه ٢٥٠ وهي شغله مو دائميه لان حتى اذا مارجع هم راح يبين ويعرفون مكان خالي وراح يجيبون ناس مختصه يعني يردون خريجين قسم حاسبات

. واحد مايعرف شنو باجر شيصر مثل احنه اجينه بس بجيبنه ١٠٠ نريد بيه كروه ونفكر شلون نشتري غراض البيت و الاكل وملابس بلحضه كله اجتنه بدون مانصرف ربك مياخذ منك شي اله يريد يغوضك بالاحسن لاتفكر بالامستقبال عيش كل يوم بيومه محد يموت من الجوع مدام كاعدين بمكان وعدنه ضمان مانطلع مهما صار كلش وكفت ودنيا عاكست ويانه عي بيت ابيعه او اجره ونصرف منه هسة تكلي اني ماعيد واكرار اني ماخذ فلوس مرتي بس مدام بيت باسمي ومجابرني او مهددني نبيعه او نأجره اني بأرادتي لاتحسب نفسك لان ابوية ماعيش راح ناس تحجي وتكول لان ماعده اهل تخيل ابوية عايش و شخص غني وعنده بيوت وعمارات وانطاني هدية زواجي بيت وكلي بابا هذا الج مالي علاقه والي دخل تريدين تبيعيه تأجريه اني مهم اريدج مرتاحه اني لو ابوية عايش ويشوفك هيج محصور يكلك تعال عيش يمي واجر هذا البيت واصرف منه وراتبي هم اساعدكم والقران غير يكوم يمشي من فرحته لان سوده عليه هو محتاجني ومن ابعد عنه منو يبقاله وانته معقولة تحبني ومتكعد ويه ابوية لان رجال مشلول وماعنده احد

. لا طبعا هذا غير شي اني لو ابوج عايش حتى لو اكعد وياه عمر كله ويكتب البيت مالته باسمي مراح احد يحجي لان هو برضاته محد جابره بس هسة يكلك ضحك علية لان شاف ماله احد الاب ميت والعمام مالهم علاقه فقطها

. يوسف تدري شنو هسة احساسي جن اني وياك داخلين بغرفه زجاجيه مضلله وعازلة للصوت يحجون ويسألون واحنا مالنه علاقة بعالم ثاني يكلك حرام عليك اخذت بيت مرتك كله شنو شاكيتلك لو مسويتك محامي اله وسد حلكه

. فدوة لوجهج هو بس كلامج وحركه كلبج عليه وتفكرين بيه هذا كافي ولج تذكرين من اجيت من عمالة من جنه هناك يم اهلي واجيت يوم كلش متوصخ والجو بارد وجهي ميبس من البروده وكدامهم برة الغدة جنه نشرب جاي بعفوية كلتي سودة علية ليش هيج تخرب وجهك انته مو مال عمالة كون قاطك وكاعد وره مكتب ونوب كتيلي ارح اجيبلك اكريم حتى اديك لاتسمر من البرد من صعدتي اخوتي كله كالوا عمي هنيالك صدك محضوض احنه نكرب ليل نهار وكوه تطلع منهم الله يساعدك مبينه تفضل راحتك وجمالك واناقتك ع الفلوس يعني كله تكول كلام المرة واهتمامها يزيح كل التعب والمشاكل شكد حلو من تتلكيني بكلام حلو شكد تعبان بس من اسمعه يروح كل هذا تعب وحتى سويلي حماس ارجع اشتغل

بقينه نسوالف ويوسف يمنه بس مال لان مانلعب وياه صعد ع تخم واجه حضن يوسف من ركبته ويطلع لسانه عود مالته

حسن. باباتي

يوسف. عيونه ولك انته بس باباتي افهمها وبعدين تكوم ترطن بس خلي نطق لسانك شتريد وشتتمنه اجيبه

حسن. باباتي ابي (حبي)

يوسف. شنو

زمرد. هههه يقلدني من اكلك يوسف حبي

يوسف. ولك ماريدك مايع شنو حبي اريدك خشن مو تكلي باباتي لا كول بوية

. هههه وينه وين البواية

. يدبر نفسه اريده خشن

بقه يشاقة ويضحك ويانه ويعضعض لو بيه لو بحسن يعني ماتشبعه البوسه اله يعض .
.......
يتبع...

نصيحة وحده من البنوتات☹️ لمسمن بوما
واكو غيره من مسمن كيتو ومسمن كنزة ومسمن خميرة...الخ

مثل ماكتلكم قبل هذيني المسمنات كلهن..يسوون خربطات هرمونية
واكو اهواي استعملوها فديتاذون..فاتركوهن واسمنو طبيعي احسن من الحبوب👍

#ملوكه

#عندج_علم
💋💋💋💋💋

1عندج علم سندوسه اذا عندج ملابس صارلهاا سنه او سنتين اطي منهن صدقه تكسبين اجر😍😍

2عندج علم ام سوس اذا الملابس غسلتيهن ونشفتيهن بل مجفف رشي فوكاهن معطر مال مَلَأّبَِّس 😁😁😁😁

3عندج علم سعدية الشامبو تغسلين بي شعرج دائما راح يتلف ويتساقط دائما غيري شامبوا حته يطلع كيوت شعرج😉😉😉😉

4عندج علم ام سوس ذا طلعين من لحمام وكبل ترشين ريحه على المنطقه راح تصير سوده وره شويه رشي عيني لاتستعجلين انتي من كاعج ريحتج طيبه😘😘😘😋😋

5عندج علم صافيناز اذا زوجج ضايج لاتلحين وياه 😈😈😈تره يضوج بلزايد ويكوم يمل منج سمعي كلامه متخسرين😜😜😜

💋💋💋💋💋💋
#اعـاده_توجيـــہ_لتنسون
#ملوكه

✨

#نصائح👇🏻👇🏻

شنو آسوي قبل #الشسوار؟ 🙈💜

1#
🙆 اذا جنتي خالة خلطة، داقصد خلطة طبيعية جماعة البيض والعسل وغيره وجيتي غسلتي وراها، رجاءاً لا تستخدمين شسوار بعده، فقط شسوار بارد او دافي علمود تنشفين الشعر، ممنوع الشسوار الحار 💔🚫 لا بد لا بد لا بد يكون اكو شوي ترسبات باقية وتروح بالغسلة الثانية اعتيادي، هاي تآذي الشعر لمن تتعرض لحرارة قوية، يفضل ع الغسلة الي بعدها تشسورين عادي 😍💕

2#
النصيحة الثانية انو ابداً لا تخلين كمية زيت او كريم كبيرة بشعرج وتشسورين وتكيفين لمن يطلع بخار هواية من الشعر، هذا الشي مرات يدل انو شعرج ديحترك، لان الزيت وية الحرارة منطقياً يفركَعه للشعر 😓😥💔💔 اذا تخلين، فتخلين كم نقطة بس يساعد ينطي لمعة وجمالية ويشتغل مثل السيروم المساعد.

3#
النقطة الثالثة هو استخدام حامي الحرارة، حتى لو حطيتي سيروم او زيت .. استخدمي حامي حرارة وياهم 💜💙💝
‌‎


#انتِ_جميله_كوني_انيقه

#ملوكه

🎀7 استعمالات تجميليّة لبودرة الأطفال فوائد بودره الاطفال للجسم😍👇🏻💕💕


💫1. للحصول على قوام متماسك لأقنعة البشرة: كماسك العسل والزبادي مثلاً، فعند إضافة ملعقة صغيرة من بودرة الجسم إلى الخليط ستحصلين على قوام متماسك قليلاً ليساعدك على تطبيق القناع على بشرتك بسهولة.


💫2. تثبيت الماكياج: ضعي القليل من بودرة الأطفال على بشرتك قبل كريم الأساس، وعلى الشفاه قبل أحمر الشفاه؛ سيساعدك ذلك في الاحتفاظ بالماكياج لفترة  اطول .

💫3. تسهيل إزالة شعر الجسم: ضعي بودرة الجسم على أماكن إزالة الشعر قبل استخدامك  فالبودرة ستقوم بامتصاص العرق وتسهيل عملية نزع الشعر؛ استخدميها أيضاً بعد إزالة الشعر لتخفيف تهيج البشرة.


💫4 .لنعومة الجسم: استخدمي بودرة الأطفال على جسمك بعد الاستحمام مباشرة لتشعري بالانتعاش والنعومة المطلوبة.



💫5. تكثيف الرموش: ضعي القليل من بودرة الجسم على أطراف الرموش قبل وضع الماسكارا، ستلاحظين أنّ رموشك بدت أثقل وأطول.

💫6. مزيل للعرق: ضعي القليل من بودرة الجسم على أماكن التعرق وخصوصاً تحت الإبط بدلًا من مزيلات العرق الكيميائية المختلفة لتجنب رائحة العرق المزعجة.


💫7. قناع لتفتيح البشرة: قومي بمزج ملعقة من النشا + ملعقة من بودرة الجسم مع القليل من الماء حتى تحصلي على مزيج كريمي الملمس، ضعيهم على وجهك واتركيه ربع ساعة، ثم اشطفي وجهك بالماء الفاتر لتحصلي على بشرة فاتحة ونضرة على الفور

#اعـاده_توجيـــہ_لتنسون
#ملوكه

نسبة الغيرة لكل برج😎👇🏻❤️

#ملوكه