#قًصّة_مٌطِلُقًهہ

قصه تدور احداثه حول بنت تتحرر من قيود زوجها الضالم لكن هل يمكن ان تعيش حياة سعيدة بعد طلاقها اما .....

#بارت31

الكاتبة زيليش

😮😮😮😮😮😮😮

المؤمن كالورقة الخضراء، لايسقط
مهما هبت العواصف

🤔🤔🤔🤔😥🤔

بس دخلنه يوسف نصدم 😮اني هم دخلت وياه بس مكان ماصدمني لان مشايفته قبل بس عرفت من صدمه يوسف وهم كلامة انو بيته مابيه اثاث كلشي ماكو خاصه الصالة يكول حتى تلفزيون مابيه هسة اكو تخم بصاله و تلفزيون بعده بالكارتونة واكو غراض بلكاع يعني الاثاث بعده بالكراتين كلت خاف يوسف حب يفاجئني وصرف الفلوس ع الاثاث وحتى ماحس كال نباكت فلوسي شكد لواتي سوه كل هاي الهواسة واني شابعه قهر وطريق كله افكرشلون ندبر نفسنه وهو بجيبه بس ١٠٠ ولازم ندفع كروه بغداد يادوب تبقه ٥٠ وعصر بديه حسبت مية حسبه وهو طلع ضامهن علية

يوسف. اكلج شنو اني داخل غير بيت اني ماعدي هيج غراض بيت مهجور هاي منين اجني

حجيت بعدم تصديق وابتسامه

. اي كلش ماتدري حبيت تسويلنه مفاجئ وطلعت جذب سالفة البوكه انته اصلا صارفهن ع الاثاث

. والله جاي احجي صدك ماعرف ترة مابين ع وجهي

.غيرت وجهي بتسال لعد منو اذا مو انته شو محد عنده نسخه غيرك والمؤجرين الي جوه حتى لو اكول اهلك جان اخذوا منك المفاتيح

. هسة عرفت منو تذكرين من ابوية كلج لان لبستي حجاب راح انطيج هدية بس مو هسة ومن كلي هم مخلي نسخه يم جيران خاف يصير شي ع البيت عاد عدهم نسخه هو يريد ياخذ منهم نسخه حتى يدخل الغراض بدون مانحس لان يدري بيه اذا عرفت راح ارفض

. شكد عمي شخص نادر ماكو مثله الله يحفضه ويطول عمره هيج شخص قليل مثله

. ابوية حنين تشوفيه مامهتم ونسه سالفه بس هو محترك كلبه ومقهور علية ودليل الاثاث تلكيه صاله ايام يخابر ويدليهم لان من جنه مافديوم سافر كل يوم موجود

. اي ماكدر يغيب يوم لان راح نحس بيه حب يسويه مفاجئ النه

. بشنو اجازيه كلشي جاي اسويه ماتوصل للي يسويه الي

. اي والله بس كله يابه دين من يصير عندي انطيك فلوسهن

. مو ابويه ماتفوته هيج شي هسة بس اكله دين عليه يكلي اني مو الك جايبه هاي هدية لزمرد لان لبست حجاب متشوفيه كلج راح اجيبلج هدية لان لبستي حجابماحجه اله باله خطه والحجاب اجه بوكته

. يمعود اني توقعت يشتريلي حجاب او شي بسيط ماتعدي بزايد ١٠ الف مو ٥ ملايين

هاي نحجي ونفتر بالبيت هو البيت اول متدخل استقبال وغرفه مطبخ وغرفه نوم وحمام بس كبار حيل بيت واسع مشتريلنه غرفه نوم تخبل جديده وحتى ناصبيه والمطبخ كاونتر وثلاجه ومجمده وبراد وفلتر وماعين وكل مكان ساعه شكل يعني الغرفه مال نوم ساعه ويه الاثاث والمطبخ ع شكل تفاحه والاستقبال حيل جبيره لونه ماروني ويه لون تخم وبردات ويه الاثاث يعني بيت كامل من كلشي وره ربع ساعه ندك بابنه نزل يوسف يشوف منو وره شويه دخل ومحمل علاليك

. زمرد تعالي اخذي

. هاي شنو

. ابويه مخابر المؤجر الي جوه وكايله اريدك انته توكف يم العمال وتفتحلهم البيت وهم طالب منه يشتري مواد غذائية تكفي مال شهر

. والله ماعرف شحجي هواي مامخلي شي مجايبه بله اثاث ميخالف نكول ساعدنه بس مو حتى مواد غذائية

يوسف تغير وجه بمعنى لو مالفلوس مبيوكه جان خليته يشتريلي سبحان الله عنده عزة نفس مثلي بقه يصعد بيهن جيس تمن جبير معجون باقوليات شعرية بهارت كل انواع اكو شغلات اصلا مو باي وتكفي اكثرمن شهر صح ماكولحم ولا دجاج ولاسمج بس يعني اكدر اسوي غدي مثل فاصولية بدون لحم تصير المرك عادي اسويه بدون لحم

اني نزعت ملابسي يوسف نزل يجيب ماسحه ومكناسه ودوات تنضيف لبست تراكسود برموده لان وحدي وسهل بشغل وشعري لفيته وحسن انطيته حلويات وايباد يلعب بيه و اني بديت بالمطبخ اسفط وعدل سويه وفتح يوسف الباب اني جنت امسح بالكاونتر بيه تراب وافتح عنه السق ماحس اله حضني من وره
يحجي بهمس
. ولج شلابسه جانتي يم اهلي ثوب طويل وعريض واني ماشيل عيني عنج من تفوتين مو نوب برموده وكيمونه

برتباك

. يوسف حباب خلي اكمل شغل لاتسوي وكاحه

. لا والله عاقل بس ابقه هيج حاصنج

. ههه اصلا اني اذا كعد يمي بمكان ماكدر اشتغل مو نوب هيج لازمني يومين اله اطلع من المطبخ

. ههههه ماالي علاقة يا اني يا الشغل

. شو حتى ماكو مكان نضيف ومرتب نكعد بيه خلي اكمل شغل حباب روح اكعد اني عالما انطيته الموبايل حتى اخلص منه نوب انته تجيني

. حسبيني حسن وسكتيني بشي حتى تخلصين مني

. يعني اسويلك ممه حليب تروح

. ثوال شبيه زعطوط

. انته مو تكول حسبيني حسن اني حسن ماتركني اله انطيه حليب

. لا كل شخص والي يسكته

.ها تريد ملاهاية ههههههه

. بسيطه جاي تسوين نفسج غبيه

لزمني من خصري ويدغدغني اني ماكدر اكوم اضحك يعرف نقطه ضعفي اكوم ماكدر حتى احجي نوب شالني من خصري واخذني للغرفة

. حباب عوفني وين ماخذني

.اريد اعقبج لان صايره وكيحه

. مو حسن وحده خاف يلعب بالغراض لو يوكع عليه شي

. اي همم صدك راح انطيه شي وجيج ابقي بالغرفه

د

#الانتحار

#بارت31


..............................

فرقد ...اي اي مهم تعالي يلا ع السريع ..ادحك على وجها بدا يكلب الوان

الله اعلم وين شمر تفكيرها او لا ليش حتى يشمر قابل هالحب الاعمى ...لسه ماصارلي اسبوع من ضربتها

اكيد خايفه مني ...تعالي لغرفتي اني اجيب جاي وكيك والحكج

سابين ...هلا هلا صار بيها جاي وكيك هذا شدا يدور براسو

وكل عقلو اروح لغرفتو يحلم والله كتلو حاضر طلعت وكبل فتت لغرفتي

وقفلت الباب وخليت المفتاح بمكانو حتى خاف اكو نسخه ثانيه ميكدر يفتح الباب

وحذرت وتين تفتحو اذا تنكلب الدنيا لاتفتحي فهمتي

فتت غسلت وطلعت اووووف الغرفه مكلوبه كلاب شيعزلها

ولج وتين تعالي ساعديني ملابسج علكيها واني راح اطوي الملابس وانتي رتبيها بالكنتور

فرقد ...خليت هاجر اترتبلي صينيه رومانسية واخذتها وطلعت فوك

فتت للغرفه هاي ماكو كلت معقوله بالحمام خلي اشوفها

خليت الصينيه على الميز ودكيت الباب سابين حبيبي انتي هنا ..ماكو احد

رحت دكيت الباب عليها ماردت فتحتو مقفوله سابين سابين انتي جوى شي

وتين ...اي سابين جوى بس متقبل تفتح الباب

فرقد ...صيحيها توته كوليلها فرقد يصيحج

وتين ...سابين ساااابين تعالي فرقد يريدج بالباب

سابين ...مشغوله كوليلو

وتين ...معليه اني تعالي لايعصب هسه

فرقد ...سابين تعالي بس احجي وياج شبيج قابل راح اكلج

سابين ...اي كتلك عندي شغل جثير يلا روح

فرقد ...سحبت نفس وحسيت نار تطلع من خشمي فرقد شبيك لتعصب اااااهدأ اااااهدأ

احم سابين عيني خمس دقايق بس على الباب هم احجي وياج لتجين لغرفتي زين

سابين ...كول يلا اسمعك من ورى الباب

فرقد يصك ع سنونو ويلزم اعصابو كوه ...سابين عيوني فتحي الباب حبابه بس كلمتين

بكلبي اريد اموتها على الرعونية الجاي تسويها احجي واكزكز اسنوني

سابين ...فتحت الباب ووكفت بسدو وكتلو ها فرقد شتريد بسرعه لان بعدني ممكمله

فرقد ...اول مافتحت الباب بحركة سريعه شلتها واخذتها لغرفتي

سابين ...عزززة العزاك شدسوي نزلني ولج وتين لحكيني

وتين ...ركضت عليها فرقد لاتضربها حباب الله يخليك ..كمت ابجي

فرقد ...لا لا والله ماضربها روحي يلا ..فوتتها للغرفة وسديت الباب عليها

وطلعت وتين كتلها بس احجي وياها وعد ما اضربها

زين لتخافين انتي روحي لغرفتج وهسه تجيج سابين زين

وتين ...واذا ضربتها ترى اكول لاحمد وعمو هالمره

فرقد ...اي كوليلهم كتلج مراح اضربها يلا روحي

سابين ...اصك على سنوني واصيح علي افتح الباب فرقد

فرقد ...ها حبيبي فتحتها شبيج مو جاي احجي عربي ليش متتفاهمين انتي ليش عصبيه

سابين ...رجعت لورا وكتلو كول شتريد

فرقد ...ليش مستعجله تعالي كعدي خلي نحجي تعالي حتى جبتلج جاي

سابين ...تريد تحرك اعصابي انت ماريد اتسمم جاي هيه كوه

فرقد ...حبيبي ليش محتركه تعالي يمي خلي نسولف شوفي شنو جبتلج يلا تعالي

سابين ...ماريد منك شي ومراح اجي يلا احجي العندك

فرقد ...هاي وقفلت الباب وما احجي الا تكعدين يمي جنت مستمتع وهيه محتركه اعصابها

سابين ...فرقد رجاءاً بلا تصرفاتك هاي مال عجيان ماتلوكلك

فرقد ...لا والله اعذريني ماكو غير طريقة اتعامل بيها ويه طفلة مدلله مثلج

سابين بتوسل ...هسه والله عندي جثير شغل افتح الباب فدوه

ااشر الها تعالي كعدي يمي كامت تضرب برجلها على الكاع وتكز على سنونها كاااافي افتح الباب

فرقد يتفحص جسمها من فوك لجوى ويسحب نفس بهدوء وكال تعالي حبيبي تعالي

سابين تخوصرت بعناد ...منو حبيبتك ها انت شبيك اموت وماصير حبيبتك زين ماضل غيرك اصير حبيبيه الو والله يالله

فرقد ...هههههه يعمري انتي اموت ع خبالج طبعا اني مستمتع بعصبيتها

وكاعد اشرب جاي واكل كيك براحتج حبيبتي طالما ميبسه راسج

ماراح تطلعين من الغرفه خلي هالشي براسج وهاي اني كاعد هين ماناقصني شي انتي المنضره

سابين ...استغفرك ياعظيم صبرك يا نبي ايوب كسرت على خشمي بصله ورحت كعدت بس بعيد عنو يلا هاي كعدت احجي

فرقد ...ها هسه صرتي حبابه تعالي گربي يمي شويه مراح اكلج

سابين ...فرقد احجي من يمك شرايد الله يخليك والله شغلي لفوك راسي

فرقد ...ما احجي الا تكابليني

سابين بنفاذ صبر ...استغفر الله ما اجي ارتاح زين

فرقد ...عادي اني اجي مو فد معضلة

كعدت قريب منها وجانت لابسه تراك اصفر وهيه بيضه تخبل اييي احجيلي انتي ليش تكرهيني

سابين ...هسه يلا عرفت اني اكرهك هو انت منو يحبك بس كولي فهمني

فرقد ...جثير ناس تحبني بس انتي تكرهيني نطيني سبب واحد مقنع

سابين ...ها سبب مقنع ماشي اسمع عجل ...اول راشدي نطيتنيا وتحكمك بلبسي واكلي وطلعتي وفوتتي وثاني كتله اكلته

#بارت31


حنين العوده 2004
____

كان قدري ان اعيش بعيدا ...
كان قدري ان تسرق سنين عمري ...
كان قدري ان تغفو لذة حياتي بعيدا عن من احب ...

.
.
.
ايام وليالي افكر بحبي مشتاق للعوده . افكر بأي وسيله ارجع للعراق واني مراقب ومركزي مهم صار والي عايش وياها ولائها لأيران ومتأكد منها بلاستخبارات الايرانيه .

اياااام عشت بين الحديد والنار . اشوف اولادي الي يكبرون يووم عن يوووم . وبلاخص شجن بنتي . الي لطالما جانت قريبه مني . ومن نفسي . مرات اني وياها انسه عالمي وانسه روحي . كولشي بحياتي اسود لحد ما اجتي وبدت تتلون حياتي .
الليل كله يخلص واني اسولف الها عن اختها ساره وتجاوبني بكل براءه : شنو اسمها ...

باابااا شنو اسمهاااا ....

جاسر : ساره اسمه ساره ...

واضحه معانيها شبها بأهلي هواي عكس اخوتها شبهم بخوالهم . مرات اسالهم انتم عراقيين لو ايرانين ....

تطفر شجن من مكانها وتصيح : اني اني عراقيه اني شجن العراقيييه ....

عكس اخوتها الي يختارون ايران . ودائما احرك كلبهم . ضلووو اني اذا رجعت للعراق ولدي حرب وساره وشجن ....

ينقهرون ويضلون يبجون وامهم تموت من القهر : اي جاسسر لا تحجي هيج جدام الولاد يضلون يكرهونك ....

خل يكرهوني انتي كله من وراج علمتيهم ع الحقد ...

فاطمه : عن اي حقد تحجي عنه . هذوله اولادي وولادك . واحنه صارلنه سنين عايشين سوة يمته تلتفت لينه . عراگ (عراق ) عراگ عراگ عراگ دومك تلهج في .
شلقصه جاسر . انت عايش حياتك معانه لازم تحبني مثل ما انه احبك قصص وروايات عراقية كرار صلاح ....
شدخل الحب بلموضوع . لازم تعرفين انو جهالي يرجعون للعرق في حال اذا رجعت ...

فاطمه : وليمته ناوي تروح وي دشه الامريكان . ما حزرت انه ما خليك وحدك . تروح معاها وتتركني ... لا والله رجلي على رجلك .

جاسر : انتي شدخلج ترحين . اني اروح وحدي ما اخذج وياي . احنه رايحين فيلق كامل ....

فاطمه : لا والله ولا اتركك ابد ...

جاسر : جااااي اككككلج رايح بمهمه مو رايح اتونس احنه طالعين مسؤلين من (م . ب . ح )

فاطمه : اييي ان زين اجي وراك ...

جاسر : لاااا اله الا الله ....

فاطمه : يمته تحس فيني يمته . يمته كلبك يشوف الناري الي جواتي

تقربت عليها راحم نار الحب الي بكلبك . راحم الحب الي بعيونها. ضميتها .
جاسر : يا بنت الحلال افهميني انتي منتظر صارررلي سنننين اشوف سما العراق . وعدني مني مراح اتركج انتي جنتي سبيل خلاصي من موتي . انتي جنتي امل من خلاله يخليني اشوف ناسي وعد مني مراح اتركج بس بنفس الوقت ما اكدر بعد روحي معلكه هناك . اذا تحبني خليني اروح ....
........

فاطمه : بسنه ٢٠٠٣ جانت حاسمه لاثنين حياة جاسر وموتي ....

ضربني بسهم عشقي اله . يحاول تركي باول فرصه اجته . اولادي وبنتي متعلقين بأبوهم واني اعتبر جاسر حب حياتي . ما سولف عن ليلى غير كلمات توصف حالي الي اني بي حاليا : اول حب بحياتي .
واخر حب ....

هلكلمات تزلزل كلبي من مكانه وصابره ويا لان اعرف ماكو خلاص لحبي منه . مثل مسجون ومحكوم عليه بلاعدام ....

كلشي ما اعرف بس الي اعرفه اني ... مستعده اضحي بروحي ولا اقاسم حبي وي شخص ثاني ....
.
.
.
يزن .....
_

رجعت من الدوام تعبان الى درجه منهك لكيت الوالده مخططه هيه ومايا لسفره سياحيه ....
وجايه تفاجأني بهلشي : يووم حبيبي اخذ اجازه وخل نروح كل احنه ....
يزن : وين يوم ؟!!!

سوزان : خل نروح شويه نغير جو لاي مكان شنو رايك ؟!!!

يزن : وقتي ميسمح نهائيااا ومو مال سفر . عندي دوام ....

سوزان : لاااا يزن خطيه مايا صارلها سبوع تخطط للروحه ....

يزن : اهاااا خوش ...

مايا : اي خل نروح سويه ...

يزن : يعني ما جاي اعرف لويش متفتهمون الحجي مالتي . عندي دوام ...

ردت مايا بأمتعاض : ok

_
ليلى
____

بدأت مسرة الخطب العصماء ولواء يدافع عن العراق وهو يصيح العراق كذاااا والعراق كذااا والعراق كذاااا

وكل شويه يكتب خطبه سياسيه بمكتب الي فتحه بسوريا للمعارضه وبده نشاط لواء يتوسع وصار عدد الاشختص يزود واحد وره الثاني قصص وروايات عراقية كرار صلاح . ولواء عنده مبدأ ميغره صدام على حق لغايه ضرب الكويت . صدام واعوانه خانو العراق وهو باعتباره لواء رفض يقاتل بجيش ممزق داخليا وبدت الشعارات الوطنيه الي يوميه داخل النه بيه .
وخلال سنه كامله صار اكبر تنظيم معارضه سنيه صارت من خلال لواء وجماعته ضد نظام واخطائه . وبدل لا يكون يزن ممول واحد لهل مشروع . صارو الاف الممولين .....
اضافه الى حصوله على اقامه . وانتقالنه من شقه صغيره الى شقق اكبر . واوسع . ووعدنه برجعونه للعراق بعد نهايه سنه ٢٠٠٤

___

ظاهر
_

حاولت بشتى الطرق انجمع وي حسناء فوجود كوثر يهيج عندي الغيره ... وتحول هلحب لحقد صرت اتخبل من اشوفها كدامي . ودائما اتجنب شوفتها لو حتى النظر الهاااا ....
.