#البارت_الحادي عشر

1988

______

استقبلني جاسر بيوم الي نزل بوجه فرحان بس داخله ما راضي . حسيت بي وعرفته من عيونه وهو يكلي حمد الله على سلامتج ام ساره .....

باوعتله بنظره ولعل يشيلني ويسندني : الله يسلمك ابو حرب ...قصص وروايات عراقية كرار صلاح
الله يعوضك بلجاي بوليد يقر عينك ....

ضحك وباسني : ان شاء الله بوجودج يا طيبه ...

دا الصمت بيناتنه وهو يسألني تشبهج ولج . هسه اذا كبرت يصير كتل عليها ....

هههههه ما ازوجهال اله لواحد يشبه جاسر ....

هههععععهه انعل امه وابو اليوصل يمها .....

هاااا هسه صارت انعل امه وابو عبن بنتك . بس بت العالم وحد .....

بت العالم مقصر وياها مو مخليها بعيوني ...

حشاك من التقصير ....

صدكيني ليالي المثل جاسر بعد قليل . قليل الي يحب بصدك ....

جاسر ....

عيونه لجاسر ....

فرحان ....

ااااااه ااااه ليش اجذب عليج . فرحان بكومتج بلسلامه وفرحان بولاده طفله كامله والحمد لله . بس جنت متوقع وليد يعني وما مخلي ١% تجي بنيه ههههه مدري ليش هيج جنت ضامن ولد ....

يتعوض ان شاء الله ...

طبعا يتعوض . هو اني جايج وره الاربعين اريد وليد بعد ....

بيك خير ودلل .. تره هذا رزق ربك والحمد لله ....

ليلى تره اني عندي اهم شي ولادتج اهم شي كومتج بلسلامه وبعدين افكر بلجاي شنو .....

دا احسك ضايج هيج .....

اممممم ما اعرف ليلى اريد ولد خاف اموت ع الاقل يسندج ويحميج اريد ولد يكبر ويقره وصيتي الي راح اسلمها بيدج اله خاف اموت ....

جاسر حبيبي . اني ستوني جايبه الله يخليك لتجيب طاري الموت كدامي . ما اتحمل شي اسمه فراكنه ابد . محتاجتك ذخر اليه . شسوي بلولد وانت مموجود . اصلا كل حياتي شسوي بيها وانت بدونها . حافظ على روحك على حسابي على حسابي حافظ على روحك الله يخليك .

الموت بين عيوني يوميه . من اشوف الجثث والموت بين عيوني قصص وروايات عراقية كرار صلاح يموت كلشي بيه بس تضلين انتي كبالي متمني اليوم كبل باجر ارجع لحظنج .....

ما اعرف شوكت تخلص هلحرب ....

ما تخلص لمن تقضي ع الشعب العراقي كله . راح تصير حرب عالميه ....

.
بث حزنه وشكواه اليه واني هم احجيله عن خوفي وقلقي لمستقبلنه .
سرعان ما انقضت اجازته . وطلع اربعين سارونه بنيتي ساره جانت كلش ضعيفه بحيث حولناها ع الحليب . مجنت ارضعها .

وابو لواء كلما ينزل يستلم مهنه تعقيم الممات بوجهه الكئيب . ما اعرف احسه كوه متحملني .

اول ما ينزل تتحول ساره لغرفته . يجون يطلبوها تجي ام لواء : عمج يريد ساره .

رحت دكيت الباب ...

تفضل ....

عمي هاي ساره ....
افا افا افا افا هلا حي الله السلطانه ساره .. شلونج يولي . هلا هلا ساره خاتوووون هي هي هي هي ...

هذا جان استقبال الملكه ساره . كلما ينزل يشتريلها كلاده ذهب او محبس او فد قطعه ذهبيه . وتغنج بجمالها مع العلم هيه نسختي الثانيه واتذكر هو حان يعيب عليه . بس سبحان الي خله هسه ساره ملكه جمال بعينيه .

حته بعد ما حابت جيهان بولد وسمو عدي . ضلت ساره حديث الساعه عد جذها .

____
يزن ....
......

ها يابه لزمتها لهل فصعونه .....

ها ها هاااااا هاااي وانت يغيران منها يول ....

كول غيرها ياب شنهو هلدكمه هاي واغار منها . شو بلا جيبها خل اشوفها ....

لتوكع دير بالك عليها ....

شلتها واباوع عي نها الزرك جنها بزونه صغيره . حبيبتي بستها . هاك يابه تره اكطفها ....

لاه لاه لاه لاه لاه . غير اكص راسك وراها ....
اكولك ياب تره اسوي بيها سوايه اخوه يوسف ....

لو تموت ساره هاي الك . تربيها الك .. على الشي الي انت تريده تصير هاي .....

هههههه ساره بت اخويه غير هيج متصير ....

جاسر مو اخوك سمعتتت وحجي زايد لتحجي ...

هسه مثلا شوكت تريدني اتزوجها مثلا لمن يصير شكد عمرها ....

يصير ١٨ سنه تزوجها ....

خوش اني يصير عمري شكد ٢٩ سنه ؟ يعني شنو مجبوريني اخذلي وحده زعطوطه . بعدين هاي لسه عمرها شهرين انت شجاي تحجي ....

اذا استدعه الامر ١٢ سنه تزوجها ....

ههههههه انوب اخذ مراهقه .. اليوم تكلي احبك وباجر تكلي اكرهك .

صار عصبي كلش : هذا الحجي ما بي كل نقاش .

صار يابه تامر ....

.
.

سلام عليكم .
اني يزن لواء سلمان الجنابي ....

جدي احد ضباط الدوله العراقيه . معروف بولاءه للعراق . تميز بلصعوبه والصراحه . ميكدر يحامل احد نهائيااااا .
هذا جدي ابو لواء جدي سلمان هو ابويه عشت وربيت بحظنه ما معترف بلواء اب نهائيااا معتبره اخويه . اخويه الجبير هو وجاسر .

فتحت عيوني واني بحظن جدي ابو لواء ما انذطر يوم من الايام لواء تذكرني بزوج جواريب . نظراته تترقبني بس يخاف يحاجيني . دائما اتمنى اسأله ليش عفتني ؟ ليش ما ربيتني انت . اريد اساله عن امي . منو هيه شلون جانت هم عنده صوره الها لو لا ...

يا ترى المن تشبه .

هواي مشاعر شايل بكلبي واربد ابوحهن بس سبحانه وتعالى اله سبب وحكمه بفقداني والدتي .

والحمد لله من عوضني ...

تعب عليه حيييل جدي سلمان حيييل تعب عليه . بحيث جانت الناس تتحسر ع الموز جدي جان ينكل كيلوات . ما خله شي بنفسي . حته ملابس جان يدزهن من الخارج يجني غير السفرات بلعطل الصيفيه . بس مع هذا اني عندي طموح احس روحي وحيد . بديت اتعلم اللغه الانكليزيه . وجان هستوهم فاتحين معهد لتعليم اللغه الانكليزيه جان مختص بلسينما المشتركه لتطوير السينما . بواسطه من ابويه . سجلت بي قصص وروايات عراقية كرار صلاح. وجان عندي قدره بحيث حفظت شكو كلمه بلقاموس . وصرت اتبارز وي اساتذه الانكليزي بهاي اللغه .
حبي للغه العربيه خلاني اغوص ببحورها واعرابها . ما خلاني اكرس وقتي كله بقراءه الاشعار . بحيث ما اتذكر طفولتي يمكن لعبت بطوبه او اي لعبه من بدت امي تعلمني الالف والباء والتاء واستمرت عندي الدراسه . صرت اهوه حياة الشعراء . تقمص حياتهم . * عبد الحسين الكاظمي . معروف الرصافي . الحواهري والبحتري .... الخ *

حبيت حياتهم . حته يوم من الايام صرا اتخيل روحي فقير لا املك من المال سوى لقمه العيش وكتاب والقصائد .

حبيت الرياضيات وبدت قوه الحساب ذهنيا عندي .

كل هذا خلاني استعد للمنافسه في سبق الثاني متوسط وبلوغ الثالث متوسط بأجتياز الامتحان النهائي . طامحا للاكثر .

فبأعتقادي رجل مثلي ميتوالم وي طفله نهائياااا بعمري . احتمال راح تكون من نصيب ظافر ...
.
.
.
.

ليلى ......

........

بعد ما يقارب عمر ساره ٣ اشهر وافطامي الها اجتني اول دوره مثل ميكولون اهلنه

* مرد الاربعين* من بعد مرد الاربعين ما اجتني الدوره نهائياااا . ومن خلال تحليلي طلعت حامل ...

تجربه . الم . عانيت وهسه هم حباله جديده . وساره صغيره وتحتاج مراعاه اكثر ومسأله * اللكافه* وحده تكسر الضهر . ولباسات النايلون . يخلصن عمري وكتي كله بلحمام .
وحملي بلمره الثانيه اختلف عن الاولى صرت عباره عن قنبله . سمنت سمن مو طبيعي . وهذا الي خله البشاره للكل بمولود ولد . متخبطين بأسم الولد .

ولزكتة جاسر بأسم حرب صار رسميه مطلق عليه . اني ام حرب وهو ابو حرب ....

واستمرت ايامي واسحل بروحي سحل .ومال خلك ساره كوه اكوم الها . منتظرين حفيد من جاسر .

وبأنتظار شاق والم حاد لرؤيته جاسر واجاني وةني عليه ٦ اشهر ....

جاسر المره الجايه راح تجيني واني عليه ٨ اشهر يعني هم متجي بولادتي ....

يجوز اخذ اجاره واجي .

مشتاقتلك جاسر . حباب تعال بوسني قبل لا تكبر بطني . هههععع ....

يابويه الحب يايمه الاشتياق . يعني بس بوسه تردين ؟؟؟

والله انت ومدت ايدك . انت وكرمك ....

هههههه اجاني ما صدك استدعائي حته يكلب الجربايه عليه . وصارت لزمته اقوه ....

عشقي فالحب معك بدايات للهوس والجنون

ورميتي كل ما عليـــــــــــــــــــــك من رداء

وأصبحتي ملكة كل الكـــــــــــون من النساء

آه يا حبيبتي.. جسدك العاري كما الصحراء

يغمره العرق.. يمطرني كأمطــــــار السماء

ويزهر نهديك عنبا.. يشفينــــــــي كما الدواء

أتلذذ في سفري بين نهديك.. كيفمـــــــا أشاء

فتستدير حلماتك.. كزهــــــــرة مبهرة زهراء

فكم يا حبيبتي أشهي غابات جسدك الخضراء

كم أنا ظمئآن.. وفي ثغرك ينبع العبير والماء

كيف أتركك للحظه.. وأنت نبع الحنان والصفاء
*منقوله*

.
تركني واني نايمه ع الجربايه استمتع اباقيا حب وحنان ويا وتذكرت شي مهم لازم افاتحه بي :
اكول اذا جبت ام شاء الله لازم تفكر ابيت النه حباب ...

ميخالف صار ....

يزن صار رجال ومترهم اني امشي كدامه ..،

اي هسه انتي شكو تفتحين هيج مواضيع . شو تعاي خل احاجيج . اريد نومه انسيني حرب كامله تخليني سكران مده شهرين ... وعد مني جاسر اذا اجيت المره الجايه بحيل الله . اني وياك نعيش عالم ثاني هسه احس بطني وضعي مجاي يساعدن . واني هم تره من حباله لحباله وانت شوفت عينك من يا شهر لياشهر ....

اني فكر تخرجت منا لبست منا وهيه حرب منا واستمرت لو ادري هجي جان انعل امه وابو ليدخل للكليه العسكريه ...

اكول سؤال صدك ....

جواب ...

شنو مشكله لواء وي جيهان اشو حبلت وجابتله ولد ثاني بعد شيريد ...

والله شمدريني .. تسأليني اني .. .

اي ميسولفلك شنو السبب ....

والله اشو يكول متفهمني . وما اعرف شنو السبب . ميحجي زايد ....

بس مو هجي مطير عينها اطير هم خطيه .

هو لواء من الله خلقه هيج . بس ذيج حبها واستقر وياعا بس سبحان الله كلشي ميدوم ....
قصص وروايات عراقية كرار صلاح
الله يرحمها . شلون جانت شلون شكلها ....

يزن يشبها كلش . جانت مايله للسمار الله يرحمها بس شخصيتها قويه وحلوه ....

هااا حلوه انوب ....

هههههه هاي غرتي من ميته انوب ....

يعني انت تكول حلوه ...

الانسان حلو بأخلاقه ذيج صاحبه رأي ثاقب يعني ما يوم حجت حجايه تمخرط مثل هسه جيهان وله نسوان هلوكت اطرمث . حجيها حلو . اني احب هلشغله بلمره . احب الي عدها شخصيه قويه ...

اي دكافي كافي ... يلا احجيلي عني انوب ....

ههههههه انتي اميرتي ....

لتكول اميرتي ولا سندريلا ... هم كلي رأيج ثاقب لو وحد ....

ههههههااااي . انتي ام لسان . غلابه النسوان . خل اذكرج بشغله . تذكرين من غمتيني ....

هههه اي اذكر ....

اشو تضحكين فرحانه ....

لا مو قصدي تذكرت ايام حلوه ....

لا قصدج تضحكين عليه ...

اهوووو جاسر ....

اشاقه وياج كلبببيببي ...

تدرين اتمنه اخذج واطفر خارج العراق ....
واكو انباء هواي انو يفتحون لجوء اذا خلصت الحرب ...

هااا منين هلانباء ....

يابه هاي ايران متقبل توقف الحرب اله العراق يعلن هو البادي بلحرب .....

اي ميوافق ويخلصنه ....

شلون كلبي . انوب يحطونه اله تنطون بمكان استنزافات ايران يعني مثلا هسه اذا نبيع العراق بلمزاد ميطلع نص الخسائر الي خسرتها ايران . مقاتلين عتاد وقت ٨ سنوات تره كلش هواي .

والله ما ادري يعمري الله يخلصنه ويترجعلي سالم ...

ان شاء الله . بس هااااا اني راح اروح وهاي صارت هيج ع الماشي من ارجع اريد نوووومه متنسه كوون ...

صار من عيوني ....

.
.
تفاجأنه بجيه لواء من الصبح :
تعال خل نتريك ....

لا اريد انزل لوحدتي . ورايه طريق طويل .....

بويه دتعال . خل ناكل . جايب كيمر اشتهيته ....

نزل جاسر ياكل وي لواء واني رحت سويت الهم الجاي ...

....

جاسر .....
......

اكلك اني راح انزل جهالي ومرتي امانه بيدك .

بلحفظ والصون خويه لا تكول هيج الله وكيلك يجوز انت هناك ويدكون بوق انتهاء الحرب ....

شيدكون يمعود متكلي ...

سمعت اكو هيج تسريب اخبار . وبعد ما ادري ....

الله يسمع منك . ما اكدلك ابويه هلخبر ....

هو سمعت من ابويه غير ....

يلا لواء اني رايح ....

مودع بلله ....

.
بالم وافتراق توادعمنا عند الباب . وهو يوصيني سمي حرب اذا اجه ....

جاااسر ....

عيونه ....

واذا اجتي بنيه ...

سميها كوثر ....

عود ليش كوثر . خاف عندك وحده هيج اسمها ....

ليلى انتي اول واخر حب بحياتي . وهلاسم اذا معاجبج انتي مخوله بأسماء جهالي .

احبك جاسر ....

وانتي نفسي الي يصعد وينزل .....

ارجعلي سالم ...

ادعيلي وابريني الذمه ..

الله وياك حبيبي .....

.
.

كلما يروح جاسر يخطف كلبي ويا حته الهوه اضل كوووه اسحبه . من ةدخل للبيت احس ريتي متروسه هوه على كد ما محموس كلبي . ااااخ منك يلبعد جوه بكلبي نار ....
.
.

صاحوني لساره الي صايره هليام لا تطاق كون شايلتها وافتر بيها لان جدها يتخيل راح تلكه نوه مال تمر وتغص بي وتموت . وبتهديده : اعدمج قسما بذات الله اذا صار بسلطانتي شي .....

واني بكلبي اكله سلطانتك متجيب الها خدامه لحظاينها ولكافاتها شخاخاتها ترست الدنيا . يلام حاسر من حةن يصيحلي البرصه هسه هاي هم برصه .

امي تكول انتي جنتي احلى منها .. بس لني اشو عندي ساره احلى مني . لان نمشها اقل .

وتستمر الايام وموعد ولادتي يقرب يوم عن يوم . وهلمره تأخر حاسر بلنزله فزادت ٣ ايام واحنه بأنتظاره . بأنتظار واقع اقدامه الي تركض تصعدلي بلهفه وحنيه ....

وزاد القلق من بدت علامات القلق باديه على وجه عمي ابو لواء وهو يستنجد بلضباط . دورو شوفو . خاف متصوب خاف بي شي .

عمي عليمن دتحجي ....

ماكو شي اصعدي لغرفتج انتي ودير بالج على ساره .

صعدت داعيه ربي يرجعلي جاسر . ياربي محاي اتخيل حياتي بدونه نهائيااا يا ربي مروتك ما عندي طاقه وصبر .
نفاذ كل دقيقه تحسسني بفقدان الامل . روحي بدت تطلع . وما عرفت شنو السبب اله لمن شفت رجليه حاي تنزف . واني اصيح بعلاه صوتي . خاله لحكيني راح اجيب ...

يا وينج وين الجيابه لساج بلثامن ....

لمن شافت الدم يايمه بسلا يصير شي وتجيبنه ثميني من يكول يعيش . دخيلك ربي .

وركض وساره شالعه كلبها . ذبتها عد جيهان ودتني للمستشفى ..قصص وروايات عراقية كرار صلاح
جيهان : وين ذابيها على كلبي تزحف واني عندي ابني وين اودي ....

.
بعد معاناة كوه خلتها يمها . واني ودوني للمستشفى وبأجراءات وفحوصات وقررو اجراء العمليه فولادتي مستعجله ...

خاله وينج خاله ...

ها ...

خاله اذا ولد حرب واذا بنيه كوثر . هيج وصاني جاسر ....

يوم هسه انتي دعائج مستحاب ادعيلي لحاسر يرجع بلسلامه ....

راح يرجعلي خاله والله صدكي راح يرحع هو وعدني ..
ان شاء الله

بألم وضعف اجتني كوثوره . للمره الثانيه جبت بنيه بس هلمره تشبه ابوها مو برصه يعني تشبه اخواتي .

كعدت من البنج اول ما شفتها انقهرت : وهاي للمره الثانيه خيبتك يا جاسر .

اكلج خاله ما لكيتوله اثر ؟؟؟

والله يوم ما ادري منتظرين عمج غير . ..

بنفس اليوم اجه ابو لواء مستبشر : ها عمي وين جاسر ...

جاسر متصوب بجتفو ومسويلو احاله باجر انزل اشوفو .. وهسه وين حفيدي راوينيا ....

ام لواء : هاي اجتك كوثر ....

اها افا افا افا هلا بلشيخه . هلا ابنت الحسب والنسب والله بالله هاي ما تطلع من بيتي الا بفراش ذهب وهذا وعد عليه .

استحيت من حجايته رغم ما هو مكروه ولا يطاق بس بناتي يعاملهن معامله زينه . كتله : بوجودك عمي ....

بعد مرور ايام على ولادتي وساره بحظن حدها . وهو يحاسب على كلشي يخصها بلومي : ليش مخرمشه وجهه متكدرين تكرضين اظافرها صاير خريطه . لو هم متكدرين .
كمت بسكوت رحت كرضت الها . واحسب حساب لا انزل زايد اذا صرخت هم ياكل راسي .

اول ما كملت تكريضه اطيتهيا ....

عمي هاي راح تضل هيج تتعود ع الشيل ....

لحد يحجي وي ساره . هاي تأمر وكلها اطيع ....

شويه واجه جاسر وجهه مخطوف : ياب ممكن احجي وياك ...

اي بلا . هسه تا اجيك .....

.

* ليت لنا من خيالنا واقع *

يتبع

#البارت_الثاني عشر


1988 نهايه حرب وحب

.
.
.
.

فقدتك حبيبا وابا واخا وزوجا وروحا كانت تحاوطني منذ ان غبت عني وقلبي لا يزال مشغول بك .
تاركتا كل ما يجري حولي ... متسائله متى اراك ؟
بعدك ارهقني ...
بعدك اسهرني ...
بعدك يقتلني ....
.

تعبر بيه الايام واني انتظرته جيته على فارغ صبر ...

وحته الصبر مل مني واشوف نهايه حبي غير معروفه .

عمي الله يخليك فدوه لعينك اروحلك فدوه ما سمعت خبر منه ....

ابو لواء بوضع لا يحسد عليه : ما اعرف يا عمي اني كلتلو للريس بلكي نشوفو ...

شتشوف عمي قابل هو اسير ...

اني خايف لا هارب من المعركه وينزل راسو وراسي كدام الريس ....

انت عمي كاتل روحك ع الريس مدتشوف ياسر ما اله ذكر . وانقطعت كل علاقه للعراق بأيران بعد وين تشوفه ....

راح يرجع ان شاء الله راح يرجع .

رحتله بتوسل : شوكت عمي كلي شوكت . كلي حته اصبر وياكم ....

اني عندي مباحثات بموضوع جاسر . عجل غير نتأكد هو اسير . ع الاقل اكتب مذكره بتبدل الاساره ....
.
.
ما خليت دعاء ما دعيت بيه ما خليت صلاه ما صليتها ولا مزار ما زرته وصلت بيه المرحله رحت لوحده من الكنائس ونحيت السيده العذراء : سيدتي بجاهج عد الله اريد ترجعيلي جاسر .

بضيم ومرار وامي كوه اشوفها . ساره تغار من كوثر . وكثر من جبتها لحد هسه ما طابت من مرضه لمرضه .

على هامش الحياة البائسه تخلو الساحه من الحرب لتجعل كل طرف يعاني بفقيد او اسير او جريح او شهيد . وانا من بين هؤلاء اعاني بفقد حبيب لي .

يوميه اضل اناجي حبي واسأله يا ترى انت وين !! يا ترى جاي تحس بيه مشتاقتلك . يا ترى عرفت صارت عندي بنيه . وما صار حرب .

يا ترى جنت حاس مراح يصير حرب يحميني وراك . مشتاقتلك . تعال ارجعلي اترجاك .

يوميه اكعد حلمانه بسماع صوت حذائه وبسطاله يصعدلي الدرج ويفتح الباب عليه ويكلي مشتاقلج . يا ترى صحيح مشتاقلي مثل مجاي اشوفك بأحلامي ....

واستمر وضعي لغايه سنه كامله ولحد نهايه ٨٩ واكو شهود عيان كالو اسروهم ونقلو الخبر لابو لواء . انو الفرقه العاشره تأسرة اغلبها ....

ابو لواء وهو يطمنه : عرفنه انو جاسر اسير وان شاء الله طلبنه نسوي تبادل ودرجنه اسمه بللائحه ...

عمي الله يخليك . معوكين الايرانين . ينطون ضابط ابن ضابط من القوات الحرس الخاص .
اسكتي يولي اني مو ناقصج . هو احنه نتعامل وي العجم لو عن طريق الصليب ....

اي شوكت يلا عمي الله يخليك ....

ام لواء : ابو لواء فدوه لعينك كلبي خلص على ابني راح اموت عليه ...

يا مره اني شبيدي . حالو حال الف عراقي . واجبو هذا . غصبن عنو وعن الخلفو . خلص العراق مابو زلم نشامه ...

طفرت من مكاني : عمي هووووواي اخذ العراق تره كااافي شبعنه تضحيه صار النه ٨ سنوات شفنه الضيم . شستفاد صدام كل بيت بي الف حركه كلب وكلب . هاي نار كل ام راح اطيح بملكه وسلطانه وعسى كل من تبعنه نار جهنم ببطونهم ....

يولي انتي عليمن تحجين ....

عمي اني اريد زوجي . شوفولي حل . مو انت قريب من صدام حسين . حاجي بلكي يشوف النه حل ...
ما حسيت اله راشدي اجاني .

صوتج ما اريد اهيسو بلبيت . اركحي ولا تزاكحين وصيري ادميه . ادور النسوان ادور مراجل ابيتي .

.
صعدت اركض من ضيم كلبي وشايله كوثر وابجي . واني ربي . يا رب خلص ما عندي صبر وطاقه . عليش اني ضاله هنا بلذل وره جاسر .

اخذ بناتي وارجع لبيت اهلي .

لبست عباتي ووحجابي ونزلت وره ما طلع ابو لواء .
خاله من رخصتج اني رايحه لأهلي .....

شنو وين شكو شعدج .

رايحه لهلي خاله بعد ما اتحمل هنا راح اموت والله عقلي راح يطك راح انفجر ...

يمه ابو لواء ميقبل ضلي واكسري الشر ..

خاله شعندي ضاله عود اذا رجع جاسر واني مأيسه ارجع ويا . بس مال اضل واني يوميه اهانه وذل ما اقبلها ......

يوم اعتبري مثل ابوج . هم كلبه محروك . قابل انتي احن منه. على ولده ...

أضف تعليقاً
اني بهذا الوقت بدت تنتابني نوبه جنون من مستقبل ما اعرف فصرت بعد ما احزر تصرفاتي شلون اتصرف . جاولتها بقهر ودموعي تجري : خاله والله راح اموت الله يخليج وديني لاهلي عاد جم يوم وارجع بعد ما اتحمل وضعي وحياتي روحي تاهت . احس نفسي معلكه لاني لسمه ولاني لكاع

استهدي بلرحمان امي استهدي بلرحمان . وصلي على محمد خو مو هيج انتي دتفقدين اعصابج ....
رجعت اخط بهدومي وروحي خايفه من كسر كلمه لابو لواء . خايفه من مستقبلي وي ابو لواء بدون لا ناصر ولا معين . واني وياي ثنين بنات لا اكدر اعوفهم ولا اكدر اضل وياهن . واهلي ضعيفين حيل كدام ابو لواء واعوانه وبدت تتراوالي يوم زواجي . وضعفنه وشلون طلعت . ما هدأ كلبي نزلت عفت الجهال ونزلت

.
*طراطيش حجي ينسمع بين ام لواء وجيهان ....

جيهان : شنو كاتله روحها ع النومه متضل وتنجب ...

ام لواء : خاله اسوكتي حرام البنيه جاي تستفكد رجلها ....

والله خاله مو بحال الرجوله بحال النومه .

هسه اكو اكثر مني رجلي مثل الطير كل ساع بحظن شجره وماكله خره وساكته بعد شصبر شصبر بعد ...

اني بعد ما تحملت طبيت ودموعي على خدي : ست جيهان مو كلها مثلج متحمله على حساب النومه . اني بلنسبه اليه اذا يرج رجلي مكرم اكيف بس اهم شي يشم الهوه . واذا على رجلج خل تصير عندج كرامه واعوفه ولا يضل كل ساع بحظن وحده ....

ام لواء : ليلى اني ما احب طبع التصنت وهلححي اني ما قبلت عليه رجاءا لتدخلين ....

خاله يعني انتي قابله بحجيها ؟؟؟؟

ولكممممم شبيكم خبلتوني لواء بكتر يوميه سالفه وانتي اركدي امي اركدي وادعي الله يرجعلج جاسر سالم .
كعدت بلكاع وضليت ادك عليه رجليه من القهر : خاله ابوس ايدج طمنيني وكوليلي راح يرجع الله يخليج طمنيني .....

ام لواء: ااااه من عمري على عمرك . وين الكااا ... يا يمه الوا لو اسير ....

خاله انتي شددكولين ....

اذا اسير ابو لواء يتقايضون بدلاله بسجناء ويطلعونه . اله اذا هارب شلون ....

يعني شنو قصدج خاله هارب ... ما فهمت وضحيلي اكثر ....

خاله هذا مصير اعدام يمه . هاي غير المصيبه الي راح يحط روحه بيها ويحط ابو بيها ....

هلكلمات زادت بكلبي رعب وهم فوك همي . وصرت اتمنا اسير ولا هارب من الجيش . وسألتها بأستفسار : اكلج خاله ليش اعدام مو هليدفعون بدل ويطلعون لو بس حظي . ادري عمي ميتحرك ...

يمه هذا الجندي العادي . مو ضابط عن فرقه العاشره كلها يعتبر متخاذل خيانه هاي وحقها الاعدام بس .

زين انتي خاله شمدريج . بهلحجي ....

االلله شحجي وشكول الج يا امي شحجي وشكول . خلي الله يسهلها وبيج خير ودللي . بس خل يرجع جاسر ويصفه البيت كله ....
كلت بكلبي بس يرجع بسلامه اله اطلع بيت على كتر ولا اضل وياكم ابد بعد . بس انجبرت شكول الها بس كلت خل اطيب خاطرها بكلمه هيه ما الها ذنب :
خاله اني كلشي ما اريد ع اللكمه : اني مستعده عمري كله انتظره عسما خبز وطماطه . بس اريد اعرف وينه . هو هذا حبه . يعوفني ويروح . خاله اني متأكده مو اسير . متأكده هارب ....

شمدريج . كايلج شي ...

هو قبل لا ينزل كلي اتمنى اطلع . اتمنى ما اضل بلعراق بس ما عبالي بهاي الطريقه ....

ياااا ياااا صخام صخمك جاسر ع هاي الورطه . بس لا مسويها !!

راحت تركض لواء . خابرلي ابوك بسرعه خابرلياااا ...

شكووو ....

يوم خابره تلاحكه اخوك اضنه طافر شو وين ....

يوم وين طافر هاي شبيج .

ولك كايل لمرته يريد يشرد من الجيش !

راح ركض لابو واتصل بيه وهو يبشره بهلخبر عبالك لاكي جائزه ...

.
كل احنه كاعدين ع القنفه واحد داير مداير الثاني . وجيهان كالبه خلقتها . وساره وكوثر داير مدايري . ساره لسه بعدها ع الممه وكوثر على صدري . كل شويه وجرت الربطه تريد ترضع : شو دوخررري . والله خبلتيني انتي متشبعين ...
ساره : ماما اغيد قماقه ( ماما اريد طماطه )

وين الكاها الج القماقه هسه .
وضلت تلح ماما اغيددد قمااااقه ....

لواء : تعاي تعاي تعاي ساره ....

ساره : ما اغيد قماقه .. ..

لواء : تره ساره مخارج الحروف عدها كلها مو صحيحه ....

ام لواء : عادي يوم ابوها هيج جان ....

جيهان : عاد كون متضل العمر كله هيج منو ياخذها ....

ليلى : محد شمرها عليج . بس جفينه شرج ....

جيهان : مكاعده ابيتج اني ....

ليلى : واذا عندي بيت اخليج اطبيله . حيه ام راسين ...

جيهان : صدك ناس متستحي وقليله ذوق ....

ليلى : ناس بلة كرامه . راضيه بلرخيص ....

ام لواء : كااافي هاي شنوووو شبيجن صدك تحجن انتن .
ليلى : خاله جيهان شاده كبلتها وياي . وانوب طفرت لجهالي . عفتها وكمت واسمعها تكل لخالتي : هسه شكلج اني كلت منو ياخذها كفرت خو مو كفرت ...

ام لواء : والله هسه لو عمج يسمعج هيج تحجين جان اكل راسج اكل من وره هلبزونه . تعاي بيبي تعاي .

اخذتها وراحت غسلت الها طماطه واطتها
ورجعت متعجبه : مشايفه هيج جهال ياكلون الطماطه نيه .....

.............

لليل اجه ابو لواء . وسولفتله خالتي .

ابو لواء : لااا هسه اجتنه اخبار عنه ....

دكت على صدرها خالتي : ياااا صدك . منو كلك ....

ابو لواء : واحد يكول تأسر .

دوواحد يكول سافر للكويت طلع .

والثالث يكول مستشهد ....

ليلى : مستشهد .. منو هذاااا ....

ابو لواء : اصعدي فوك ولا تنزلين . بلذات انتي ما اريد اشوفج علما احل الوضع ...

عمي شنو راح تخبلوني . منو الي مستشهد . متجاوبوني تكرهوني ليشش . شمسويتلكم ....
ابو لواء : سوزان اخذيها من كدامي ما اريد اشوفها ...

ام لواء : روحي ماما واني اسولفلج روووحي ...

عفتهم ورحت صعدت اخذو بناتي ورحت .

ام لواء : سلمان حاجيني الله يخليك كلبي فاير ع ابني ...

ابو لواء : ناس تكول شفنا بلكويت . واحد من الجنود يكولون تأسر . وجندي ثاني يكول سحكتو دبابه كامله . وبعد مندري منو الي نصدكو والتحقيق جاري ...

عليمن تحقيق ...

ول يابه غير ضابط وابنج ما معروف وين راسه من رجليه ...

ااااه يمه وليدي وين اراضيه هسه ممعروف .

تنهد ابو لواء وهو ينصي صوته ويسولف لخالتي واني اسمع طراطيش حجي وهو يكل الها : يا مره عبد منعم نقلي خبرو بلكويت ....

نصت صوتها عمتي وبدت تحجي بهمس : سلمان كول غيرها . كول غيرها يمعود شعنده رايح ...

يولي انتن ما تدرن وين يروح الاخ متزوج ....
متزوج متزوج متزوج ؟؟؟؟ انت شتحجي ابو لواء ....

ابو لواء. : عندو ٣ اولاد ورايح . بس لا بله وين يطير لأحفر كبرو بكل مكان رايح بي . لأقبرو قبر . هلكلب هذا .

منو هاي الي متزوجها ؟؟؟

ول ياب ما اعرف . اني لو اعرف . محتار بمصايب لواء دومو من طامه لطامه ما توقعت تطلع من جاسر .

ليلى : حسو على صوتي بلبجي والمناشغ فتح الباب ابو لواء : شعندج هنا ....

ليلى : عافني عمي . جاسر متزوج عمي ....

ابو لواء : ول انتي شعندج يمي تتسمعين عليه .

عمي ليششش شسويتله ليشششش هذا اخر حبي اله .

ام لواء : ماما مو اكيد ....

شلون خاله شلون مو اكيد واني اسمع عمي هيجي يكول .

ابو لواء : نصي صوتج يولي . وروحي اصعدي وهاي ثاني مره انبهج . اصعدي ولا تنزلين .
اخذ جهالي واروح لأهلي والله ما اضل يمكم ....

ابو لواء : تردين ترحين روحي والكلب داعيلج . بس الجهال ميطلعن منا .

انتم ضلام والله ... الله اكبر من كل ضالم . وان شاء الله يجيكم يوم

......
ليلى ......
........

صعدت اركض بعد ما سمعت حجيهم . ما كدرت اكمل كلامهم . معقوله الي اسمعه . لا جذب مستحيل . ؟؟؟
جاسر ميسويها . ابد والله ولا اصدك .

اااااه يا نار كلبي . تعال وشوفني يابه.
يابه تعال وشوف بنيتك شصار بيها خلافك بلذل عايشه . لا حصلت رجلي ولا بزرتي . يابه اعذرني بيوم ما سمعت حجايتك .
ااااه يا وجع الخذلان . . يابه جاسر خذلني يابه .

بهذا اليوم بجيت بدل الدموع دم . بهذا اليوم ايقنت انو ماكو رجال صادق . جاسر اخذ كلشي وراح ويا . جاسر اخذ حياتي مقابل حياته ....
..........
.
.
في مكان اخر .......
........

سيدتي وحبيبتي وانيستي ..
هل اشتقتي الي !
اياترى نلتقي ؟؟؟؟
ايطوى بي الزمن شوقاً لاراكِ بقربي
هل تعلمين كم اااه صرخت ....
ااااه بعد ااااه ضلم ااااه قسوه ااااه الم ااااه ذل
.

* من يا ليش ابدي وياك وانت بكل عذر جذاب *

البارت القادم راح يشرح بدايه سنه ال٩٠ كلها كامله لحد الان خلصت سنه ١٩٨٩ وجاسر ما منه خبر . وابو لواء يدور عليه .....

يتبع...

#البارت_الثالث عشر
_______

نهايه سنه ٨٩ وبدايه سنه ٩٠

اختتمت بحرب قلبي وانهيار ملكي وسقوط مملكتي وأبتدأت بحرب بلدي وحرمان طفولة اطفالي من ابسط حقوقهم الا وهيه الابوه .....
اين انت يا من فرشت الي البساط من ذهب ....

اين انت يا من قلدتني بلياقوت والمرجان والذهب ...

اين انت ايها العجب من العجب كل العجب .

محتاره وامري وياك لا رايده انساك ولا رايده اصدك وحايره بروحي وذل كلبي واني اشوف النسوان كلها استعدل حالها اله اني .
مو كادره انسه نهائياااااااا . يا عالم يا ناس والله مايسويها . والله ما يعوفني . يا ناس هذا مغرم بيه . يا ناس هذا روحه من الدنيا اني . ما يغدرتي هيج ما اكدر اصدك ابد ....
اقتصرت حياتي ع البجي والنوح . اشتغل ابيت عيالي واكمل شغلي وارجع لغرفتي حبيسه الدار لا اطلع ولا امشي صرت اتحسر على شوفه اهلي . ويوميه اسمع ابو لواء يكل لخالتي احتمال اسير .

او مرات اسمعه يكول مستشهد . يكول الها صاحبه ويا يكول داست عليه الدبابه .

واني بين نار تشتاط بيه . غيض وغل وقهر .

صرت استوحش مكاني اشتاق لامي . بناتي مو طايقه اشوفهن . ساره خبلتني بحركتها كلش وكحه وهاي كوثر متتحرك كلش فاهيه وحده نقيض الثانيه .

غياب ابو لواء بلبيت لمده شهر كامل خلالي قلق . واستفسرت منه لخالتي ام لواء : اكلج خاله . عمي وين ؟؟؟

ااااه عمج بلكويت ....

شنووو شيسوي ....

رايح يشوف جاسر ....

وشيريد منه خلي مرتاح هناك ....

يمه اسكتي شنو هلحجي غير يشوفو . مدام ناس راحو متأكدين منه ....

حاولت الم ما بقه من كرامتي : واذا شافه شيسويله شنو يعني قابل ارجعله . لا بله يحرم عليه رجال طول ما اشم الهوه ....
وج يمه استهدي بلرحمان . هسه بس خل نعرف ارضه بسما وين ...

خاله اني اريد اروح لأهلي علما يجي عمي عود ارجع وي لواء ....

اي اصبري هسه يجي يزن ياخذج ...

اي ميخالف .

صعدت فوك لميت غراضي وملابسي وملابس بناتي وانتظرته لحد ما اجه . عرفته خالتي كايلتله عن روحتي وهو اخذني ويوصيني بلطريق . دير بالج ع البنات ابوي وصاني بيهم .

لتخاف يزن ما عليهن شي ....

صعدت بلسياره بلصدر يمه وموثر بحظني وسةره وره .
ساره : عمو ازن ....

يزن : ها عمو ....

اين بابا . وكت يجي ....

يزن : احجي عدل انتي نو صغيرونه ....

ساره : ماما اين بابا .

ليلى : كول وين بابا . لتكولين اين ... ابوج بلكويت يريد يرجع ابوج الثاني ويجي ....
يزن التفت اليه . شافني احجي بأعصاب . وهو يكلي لتخافين ان شاء الله ماكو شي ....

هو شنو ماكو شي يزن اهلك معتبريني خدامه . يعني والله حته ضلتي بعد يمكم مو موالمه . شكو شعندي رجلي وتزوج عليه ..

يزن : لا ابد ام ساره محد معتبرج هيج نهائياااا بلعكس . انتي احد افراد البيت المهم الموحود بلبيت وثقي انو ابويه كلش مرتاح لوجودج . ولو ما مرتاح
جان طردج من اول يوم سافر جاسر .....

الله وكيلج جيف يشوفني اسمع كلامه وما اعصيله امر . والله لو عاصيتله امر جان حار شسوه بيه . بس حظ ما عندي ....

هسه انتي اصبري والله كريم ....

اااااخ شصبر يزن شصبر صارلي ٣ سنوات والله طك كلبي بعد ما اتحمل يوميه عمي مسافر للكويت كل فتره وراح يدور عليه . الله اليعلم وين مكانه بيا اراضي . الله اليعلم ويامن . لو اسير جان كلنه ميخالف انتظر لو العمر كله ....

استهدي بلرحمان هسه هو ابويه كال ما ارجع هلمره اذا ما اتأكد جاسر أراضي وين ....

ااااااوف اوووف يا نار كلبي .....
.
.
وصلني لبيت اهلي ونزلت ودعني بلباب يوصي ساره اسمعي كلام ماما ولتصيرين وكحه وطلتين بره الشارع اذا شافج عمو لواء يضربج ...

لا ما طع (اطلع ) ميضغبني (يضربني ) ....

.
استمرت بقائي ابيت اهلي ٣ اسابيع ضبط . وخلال هاي ال٣ اسابيع هواي دعيت الله سبحانه وتعال. يبينلي خبر جاسر وين .

وبعد ال٣ اسابيع اجع يزن اخذنه .
يزن : اني واكفلج بره حظري البنات وخل نروح ابويه رجع ويريد البنات ...

ليلى : اي الزم ساره ما عندي شي بس الم ملابسي واجي ... تعال طب ...

لا واكف بره منتظرج .
.
لازم ساره بيدي . تعاي خل اصعدج. هوووباااا .

هل ادد هوغن ( خل ادك هورن )

يزن : يلا ددي ( يلا دكي . يحجي بلغه ساره )
ساره . كول طااااء ...

ساره : قااااء....

يزن : كولي : ط ط ط طاااء
ساره : ق ق ق قاااء ....

يزن : كول راااء ...

غااااء ....

يزن : كول ار ار ارررر ...

ساره : اغغغغغغغغ ...

يزن : هههههه . تعاي كعدي ودكي هورن بلكي تطلع امج من وكت .

* ليلى .....

لملمت غراضي وحاجاتي وسلمت على امي وطلعت اركض .صعدت بلسياره وهو وصلني لببيت .
نزلت من السياره . ستقبلتني خالتي .

ها يزن بشريني ....

شبشرج ام ساره ابويه مشبر الكويت شبر شبر وما اله اي اثر بلكويت لا صادرات ولا واردات ولا اي مكان ...

يعني شنو معقوله بلعراق ....

ما اعرف ابويه محتار بي ومحتار وياا ....
.
.
.
.
ابو لواء ....
.......

....

خلال انتهاء احد الاجتماعات الرفاق مع الرئيس صدام حسن وبعض من ضباط الجيش العراقي وهم يتباحثون عن اوضاع العراق والخسائر التي لحقت بلعراق من الحرب العراقيه الايرانيه .
وابدى اصرار السيد الرئيس بدفع بعض الدول العربيه بعض الاموال للعراق على حساب ما كانو يقولون ( الحرب العراقيه مع ايران جانت مل الدول موافقه عليها وبلتالي الشعب الوحيد الي كان بمقدمه الصراع فلا بد من يمدونه بلاموال لقاء قيام هذي الحرب .) وبعد ما فشل العراق بضم بعض اراضي ايران للعراق حاول تجديد العهد بضم الكويت للعراق والاستلاء على ابار النفط الموجود بيها .

كل الموجودين في الاجتماع من الضباط والحرس الجمهوري كانو مؤيدين للحرب العراقيه على الكويت . بس اني جان همي الوحيد اندل مكانو لجاسر . وبلتالي ما اكدر افاتحو للرئيس بموضوعو خوفاً من انو يكون هارب .. مضطر افاتحو وسالتو بعد ما خلص الاجتماع
.

ببأرتباك : سلام عليكم سيدي ..

صدام حسين بتنهيد : اهلاااا بلرفيق المناضل
سيدي ان شاء الله ما نقصر بلحرب ع الكويت وبحيل الله نظمها النه بين ليله وضحاها ....

ضحك صدام ضحكته المعهوده ها ها هااا : اعرف بيك . وانه اعرف انتم ماتقصرو ... والعراق تضل دولة شامخه بعون الله ....

ان شاء الله سيدي ان شاء الله ..

حس صدام حسين عندي شي والي تميز بذكائه ودهائه سألني : كول حظرت الضابط سلمان تريد تعرف شي ....

لا سيدي بس حبيت ...
قاطعني ضاحك : يول لا تكول حبيت انما تحتاج الى الحب النساء .

ضحكت ويا .وانجبرت اغير طريقتي بلكلام : سيدي ابني جاسر ما اعرف وينه . ما خليت مكان ما دورت عليه . وحظرت الضابط عبد المنعم خبرني بوجودو بلكويت وهاي المره الثالثه اروحلو وما الكالو اثر ...

صدام حسين باوعلي بنظره كأنو يعرف : تنهد شويه وكال : ابن أسير . واني راح اسوي المستحيل تا يرجعلك . لان ضاااابط كفء وان شاء الله يرجع سالم .

.
بعد ما طلعت واتفاقنه انو نسلم ٢ من قيادي الجيش الايراني مقابل جاسر . وبلفعل خلال يومين تم التبادل بين الاساره عن طريق الصليب الاحمر . بأشراف صدام حسين . وتم ابلاغ المنظمه انو جاسر توفه اثر مرض وسلمونه احد من المأسورين بمكانه .
.
.
ونقلي الخبر صدام حسين بذاته بعد استدعائي لقصره الخاص :
صدام حسين : حظرت الضابط سلمان . يؤسفني انقلك خبر وفاه ابنك ....

ابو. لواء : ما فهمت سيدي ....

ابنك توفه بلاسر ....

زين سيدي ليش ما سلمو جثتو ....

دافنينو هنا ...
حاول يغلق الحوار وكال : هذا امر ربك . وشد حيلك . راح شهيد للوطن .....

ان شاء الله سيدي ...

عفيه * هاي كلمه جانت مشهوره لصدام من شي يعجبه *

عندو اولاد جاسر ....

اي سيدي عندو ثنين بنوات ..

وسفه ماعندو ولد شجاع مثلو .....

الحمد لله سيدي ..

ان شاء الله راح اتابع قضيتو بنفسي . وانرجع جثمانو . ونسويلو اقامه تأبين .
(سلمني ورقه موقعه بأسمه )
وهذا ورقه امر صادر مني يختار واحد من البيت بمعرفتك انت وجاري الراتب لبناتو ولزوجتو ....
شكرا سيدي .....

حياك الله ابو لواء .....

.
.
.
.

ليلى ......
......

يزن : يلا انزلي ام ساره ابويه كال اول ما تجي خل تدخل لغرفتي ....

ليلى : شكو يزن ....

نزلت وساره بيد يزن وكوثر شايلها بيده واني رحتله . دكيت الباب وصاح تفضلو ....

طبيت ها عمي شلونك ....

شوفي يبنت الناس وصلنه خبر جاسر ....

اي عمي كول ....

جاسر متوفي هناك ....
شلوووون .....

جاسر مستهشد بلحرب ....

لا عمي لاااا دتجذب عليه لااااا عمي والله دتجذب عليه . كول لكيته متزوج وهاهيه لتحرم بناتي من ابوهن الله يخليك .. .

بده الضعف على وجهه مبين وهو يخبرني : اسمعيني ابويه لا تفقدين كل احنه مثلج متأسفين على موته ....

بديت بلصياح :متأسفينننن عمي كول غيرها متأسفين . عمي اني روحي راح تطلع الله يخليك . كول غيرها ...

ولاول مره سحب راسي وقربني لصدره . هووواي جنت محتاجه حنان ابووو هوااااي . صرخت صرخات هزت بيتنه كله احساس فضييع بعد هلاشتياق كله يطلع الانسان الي تحبه منتقل لعالم ثاني . عالم مابي غير اموات .

بعد مرور سويعات انكلب البيت بلمعزين واني وام لواء مصابنه واحد . واجتي امي لاول مره تدخل بيتي . بيوم عزاء بتها . صرخت لصرخاتي . تألمت وي كل شهكه شهكتها .

كل الي اجه يسلم عليه ويكول : اخر الاحزان ..
ميدري هذا الحزن دمر حياتي خلاص نهاها نهي .....
بهذا اليوم امي باتت يمي والليل كله اني نايمه بحظنها ناسيه بناتي نهائياااا . سألت خالتي . صوت مبحوح وعيوني مورمه كوه احجي : اكلج خاله ساره وكوثر وين ....

ثنينهن يم يزن ....

كوثر شلونها خو ما جوعانه خطيه ع الممه ....

ما عليج بيهن يم يزن ...

امي : يوم انتي كون تحدين ....

ليلى : يوم اني اساسا حاده من روحه جاسر ....

لا يوم الحد وحد يختلف وضلت تشرحلي : لا يشوفج قمر ولا يشوفج ديج ولا تنامين بمكان ناعم متنامين بفراش وتنامين على جودليه . وضلت تعددلي وتوضحلي انو شكو شي مذكر كون ميشوفني .

واني هم طبقت هلحجي لان مالتلي اذا ما حديتي رجلج يربطون بركبته سلسله ومتنفك اله لمن يخلص حدج .

ام لواء : داده ام تحسين شنو هلحجي هذا حرام منيلج هلحجي ...

انتفصت امي : تعلميني اني . رجلها اذا متحد عليه متفك السلسله من ركبته ...

ام لواء : يا سلسله هاي . رايح ابني يم رب كريم . وين اكو هيج خرافات ....
ام تحسن : اني على حساب ابنج . قابل بتي تعيش بلضيم شيخلصهن ٤ اشهر و١٠ ايام ....

ام لواء : اي تحد بس مو هيج ...

ام تحسين ( التفتت اليه كأنو تنبهني ومتغاضيه حجي خالتي ): يمه والله اكو وحده اقربائنه راحو للدفان ما عدهم يدفنونه دفنو بلحديقه . تحلف مرته تكول لمن خلصت حد سمعت صوت سلسله وانكسرت ....

ام لواء : عجييييب انتي علويه بت رسول الله حرام عليج هلحجي هذا .. هلشي حرام هو الحد احترام لرجلها انو متتزوك وخلاص ....

ام تحسين : اني الي عليه احجي الي اعرفه والي ميريد براحته اني ما عليه ....

.
خلصت مراسيم الدفن وطول ما اني حاده ما قبل عمي اني انزل احترام للحد لان عمي هواي من جماعته يجون ويزن ولواء متواجدين دائما . وعرفت انو جايبين خدامه تشتغل وتساعد خالتي . والاكل كله يصعد حته تنضيف ما قبل عمي انضف .

طول هاي الفتره اني اصليله واقراله قران وحته خالتي لمن تصعد تكلي عاشت ايدج . اتجهت لله سبحانه وتعالى طالبه منه يغفر لجاسر عن اي خطأ ارتكبه بحياته ...
بعد انقضاء الحد بدأت الصراعات بين العراق والكويت وبدت الاسائه من امير الكويت حسب ما كال : انو احنه ما عدنه مره تركص الركص كله من الماجدات .

وهلجمله جانت الشراره الاولى لاطلاق حمله الكويت . وخلال يومين سقطت الكويت وتم اعلان ان الكويت اصبحت محافظه ١٩ للعراق ...

تغير العلم العراقي وضافوله كلمة "الله أكبر" وهذا الي خله الاخوان بلسعوديه وبمصر تساند هلحمله بصفتها حمله ذات طابع ديني وهيمنه اسلاميه .

خلال الايام الي حان ينزل بيها ابو لواء يسولف النه عن اخبار السعوديه الي ابدت مخاوفها لتحتل بنفس الطريقه ومثل مجانو يقلدون نغزوهم بلباصات . ونطب السعوديه بأقل من الكويت .

مناجاه السعوديه وتخالفها من اميركا خلاها تنفذ "عملية درع الصحراء"، وبدأت القوات الأمريكية بلوصل الى السعوديه . ومنها الى العراق ودخلت الى العماره . ومع علم انو العرتق غير كفء للقيام بوجه دوله مثل امريكا وقع العراق على المعاهده بلخروج من الكويت وتحمل العراق فرض عقوبات وكانت من اقوى عقوبات بلعالم وضرب اقتصاد عااام اقتصادي اداري مادي معنوي .
.
.
.
.

في مكان ما .......
__

اسمت چيه . ؟؟؟؟

شنووو ما فهمت ...

بهش بگو بمن بگه اسمش چيه؟

شنو اسمك ....

منو اني ...

اي انت جاي يسالك شنو اسمك .....

اسمي جاسر سلمان

*ضنيتك ابن جواد ما تنطي بيه . شنهو الاجاك بساع وانكرت اديه ؟؟*

يتبع...

بارت 14

1991 ..... 1992

.................

............

بدا الدينار العراقي بلانهيار وعدم مقدرته على الطباعه في سويسرا للتكلفه واصبحت العمليه العراقيه تطبع اما في الصين او بلعراق ....

والفقر الي اجتاح العراق فجأه والحصار وااجوع اضطرو انو يتعاملون بتزوير العملات . بعد ما بدت تطبع الحكومه العراقيه العمل الصغيره

عام ١٩٩١ صدرت أوراق نقدية من فئة 50 و100 دينار، و عملة فئة 250 دينار تحمل صورت صدام حسين . اما بلاقليم الكردي جانو يستخدمون طباعه سوسريه الي هيه اساسا تختلف عن الطباعه العراقيه وتمشي بسعر اغلى من الطباعه الرخيصه العراقيه .

وانفصال اقليم كردستان بزعامه جلال طالباني *امام جلال * بأمر من الامم المتحده . وتخصيص نسبه ١٣ % من نفط العراق للاقليم . . فجان كل شي بأزدهار مو بنسبه الاوضاع الي يعيشها باقي الاقليم من المحافظات . وبلاخص الجنوب الي ادمرو بلحصار دمار شامل . ووضع الشعب المدهور . فلوس ماكو .قصص وروايات عراقية كرار صلاح
كل هااااي المصايب احنه ما جنه حاسين بقطره من الجوع او الام الحصار بس جنت من اروح لاهلي اشوف امي تشكي من قله الحال وضعهم الصعب وايمن اخويه الي عنده عجز بلكله . بعد ما قسمو الارث وره ابويه وكل من حصل بيت وكعد من اخواني ومره تحسين . وايمن ما عنده ولا وليد كلهن بنات . اني اخذت حصتي اني وامي وسجلتها بأسمنه بيت مناصفه وكعد ايمن بي هو وامي وبناته وفلوسه اشتره محل مال ملابس وخياطه . اكو جاهز واكو تفصال . وبعد ال٩١ كامت الناس شكو قديم ترجت تعيده وتعيده تفتصاله او حياكته او تغلفه وتفننت الناس . وعرض عليه انو اساعده بلحياكه . وكمت احوكله ما خليت شي ما سويته بس بدون ما احد يدري اكعد بغرفتي احوك .

وتحسفي على جاسر هسه لو موجود جان هسه كتله يساعد ايمن ويسفره بره .

كرامتي ما سمحتلي ابدا اكل لابو لواء يساعدنه نهائيا واقتصرت بلدعاء اله بولد وبلعافيه بلكي ولعل الله يخلي النه .

وبنهايه سنه ١٩٩٢ جابت اختي زينب ولد وسمته عبد الغني على اسم ابويه الله يرحمه . ولد على ٧ بنات كل احنه فرحنالها وعمت بجت شبعت بجي لمن اجي العنوني وبنفس الوقت حلفت امي بلعباس متزوج ايمن على مرته لان هم ما عدها بس بنات . وامي حلفتلها كالت كلشي ما اريد بس اريد الله ينطي وليدي العافيه ....

فد مره سألتها شعجب بطلتي متردين تزوجي جاوبتني : خاف تدعي هلحيه هيه وامها على وليدي وهنه هم بنات رسول الله ولنهن شايطات وشو شمسويات بوليدي ....

رجعت ابالي الذكريات ....

يمه برأيج الله حرمني من حاسر بسبب دعاء ابويه عليه ....

امي صفنت متعجبه ومقهوره من حجايتي : هاي بدل ما تذكرني ابوج بخير . هيج تحجين . وبعدين ابوج مات ويدعيلج بلراحه ويا ....

دموعي كامن يصبن على وجهي : يمه اضاهر الله سمع بس ذيج حجايته وعاف هاي ....

لا تحجين هيج هاي كفران . احترمي نفسج واسكتي ....

اسكت يمه شعندي غير السكته كضيت عمري اسكت ....
.
.
.

اما بلنسبه لحياتي الي اقتصرت على اللون الاسود الي اضاف طابع ااحزن بوجهي بحيث صارت بشرتي مجعده عباره عن وحده عجوووزز . ما حفيت من يوم الي راح جاسر ولا لبست قطعه ذهب حته الجنطه الي جانت بيها ملابسي الخلاعيه مثل ما جان يوصفها جاسر . صار عليها تراب فوك الكنتور .
قصص وروايات عراقية كرار صلاح
ولا يزال عمي بهذا الشموخ والعنفوان البارز هو ولواء ابو النسوان . الي تزوج على جيهان بت احد ضباط الجيش العراقي بموافقه عمي وجان اسمها سلسبيل .

وجان زواجه بدايه سنه ١٩٩٢
.

جيهان ....
___
اني زوجه لواء الثانيه جنت احبه من هو وصغير ميته عليه وهو هم جان يحبني احس بي من نظراته وكلامه وياي . ولمن راد يخطبني عمي ما قبل ولواء امتثال لاوامر عمي تفركشت خطوبتي . بعد مرور الايام اكتشفت لواء تزوج وحده جانت ويا بلكليه اني بوكتها تخبلت عقلي طار رحتله بليله ضلمه اعاتبه واني لواء واني .

اسف يولي ما بيدي شي ....

عافني وراح ولا كانو وراه وحده كتلت روحها عليه .
صحت ورا . لووواء انت متحبني ....

جاوبني جواب ما انساه عمري كله : هههههه هذا قدر يولي وانتي مو قدري ....

والحب والاهتمام بيناته ....

ههههه هيه ضحكه وسالفتين عجل لو كايلج ابحبج تصيرين حامل .....

استهزأ بيه وعاغني وراح . واني ناااار شايطه بكلبي .

بعد زواجه اني روحي لايبه ورا . ومتانيه ادخله بيا طريقه خبلني حبه جنني ما اعرف اسيطر على روحي ويا . يوميه احلم بيه . صار شيطاني ورحماني . دائي ودوايه . صلاتي وصيامي . حياتي ومماتي .

صرت اهذي بلواء . وما ان زفتلي امي خبر وفاه ام يزن . يااارب واخيرا نصفتني . واخيرا تحققت العداله . رحتله بلفاتحه كتله مستعده اخدمك العمر كله . اموت عليك لواء مو بيدي .....

لواء : روحي اطلعي بره ما اريد اشوف خلقتج الغبره ....
جيهان : مستعده حته اربي ابنك والله شتريد اني مستعده اسوي ...

شال صينيه الاستكانات وكطفهن عليه وطشر الكزاز فوك راسي . وهو يصيح طلللللللللعي .....

طار من ايدي ميريدني . ما بيدي حل غير خالتي . ورحت زن زن زن زن زن خاله مروتج ساعدني الله يخليج ....

اكل لابو لواء واشوف .

واستمرت المباحثات الى ان وافق عمي ابو لواء وخطبني و
وبنفس السنه الي توفت بيها مرته خطبوني للواء واخذ ايااااام وليالي وشهووور كالب خلقته وياي . بعدين يلا تقبل وجودي بحياته بعد ما بعدو يزن عنه نهائياااا

حبيته من كل كلبي . يوميه انزف دم ويجي اشوفه مزورك من النسوان لو ادري بي نايم وي وحده غيري . لحد ما صار عندي ضاهر . لمن صار طار من يمي اصلا بعد ميتقبل وجودي وهو يكلي ما اعرف انام وي حامل . لو ما اتونس وي حامل . اخذت حب مانع حته لا احبل بعد متمنيه يوم عن يوم يغير طبعه لو الله يهدي عليه . وصار عندي عدي وحاله النسوان ما بطلها يزيد ما تقل . افه تاكل بيه ومجبوره والحب مسكتني ويا ما اكدر احجي وافتح حلكي .

تفاجأت بزواجه بيوم كلي ظاهر ابويه تزوج . وطبعا ابني على كلب جده وابوه . رحت شايطه لبيت عمي حلكي يابس مابي ريحه ماي .

خااااله مروتج صك لواء تزوج ....
قصص وروايات عراقية كرار صلاح
ام لواء : حبيبتي سوده عليه . شبيدي عليج ....

جيهان : خاله ابوس ايدج خلي يتراجع خاله وين عمي مرتج اموت ولا اشوفه وي وحده غيري ....

ليلى .....
_

يابه شكد صعب منظرها وهيه تتوسل ريكها يابس وشفايفها زرك ودموعها وحده والثانيه يوكعن . تبجي بحركها والااااه تطلع من صمام كلبها . احساس يخليك بقلق وخوف ورعب . درت و
جهي متحاشيه النظر بعيونها خايفه لا اشوفني وتعتقد متشمته بيها وبس الله يدري بجرحي الي ميرضه ينسد من سنه ٨٩ ولحد الان اني مريت بلي يصير بيها وبلنار ااي هيه بي حاليا .

تركض من ايد لايد . راحت ليزن ....

يزن اعتبرني مثل امك وحاجي ابوك الله يخليك كله خل يتراجع ...

يزن برفعه حاجب : يا اب تقصدين بيهم . تركها مستهزأ بيها وهو يضحك ويجاوبها لواء اخويه الجبير واني فرحان بزواجه .
بصدمه مرت على عيني وعين جيهان وهيه تشوفه متشفي بيها مع العلم خلال عمري وياهم ولا مره شفتها اندكت بي نهائيااااا .
واني اندهشت من تصرفه ليش هيج حسيت جان يطلب ثار بيها ...

وهيه كاعده تصرخ بعلو صوتها بنص الصاله . لوااااء . وتملخ بروحها . صاح صوت عمي ابو لواء : المايعجبو يطخ راسو بالف حايط . يولي هذا حقو والله شرع الو ياخذ ٤ اذا ما يعجبج . عليمن تصارخين وتزاكحين مثل العاهرات . ابلعي لسانج لا واللهٍ اكصو للسانج ....

كامت ولا كانو شابعه هلطن من الرزايل وهيه تتوسل : عمي الله يخليك . خلي يدور نسوان بس ليزوج ما اتحمل وحده تشاركني بي ....

ابو لواء : ول ياب عجيب امرها هلمره تا تقبل بلحرام ولا بلحلال . مجنونه انتي ....

اخذني على كد عقلي عمي لخاطري لخاطر ظاهر وعدي .. ..

تنرفز تمي بمجرد ذكر هلاسمين : ما يخصج بيهم يولي ذولي احفادي اولادي ذولي ذريتي ما الج اي شي يمهم . الج حق هذولاك لواء واخذي حقج منه متطالبين بشي اكثر . بعدين تعاي اكلج : من شوكت صرتي حريصه عمره كله كضات ما بايت يمج ليله ....

دوت صرخاتها بتوسل وحاطه ظاهر وتجرجر بي .
بتوسل كل لابوك خل يوكف عن مشروعه ....

ابو لواء : يززززن تعال اخذ ظاهر .
يزن اخذ ظاهر وعدي. وعدي ما قبل يروح ويشوف امه مكسوره خاطر . وضل يبجي لبجيها . طفل صح بس بده يفتهم وادراكه انو امه واكعه بمصيبه . ابو لواء شاله وطيب خاطرها لجيهان وضل يصبرها وراح اكتب بيج باسمك وضل يوعدها بلجنه الي راح يصنعها الها ويذكرها بانو امر ولازم يتنفذ ويوعدها بلعدل واذا ما عدل بيناتهم هو راح يحاسبه .
تصرف ابو لواء وتغيره بمقدار ١٨٠ درجه من شاف عدي يبجي دكلي خبر يا ترى لو اني جنت مكانها جهالي شراح يسووون . وهم هيج راح يتصرف على حسابهن لو اذا حان جاسر عايش هم يجي يوم وجاسر يتزوج عليه .

.
.
.
سلسبيل .....


الاخت كانت من الرفيقات بنت رفيق ورفيقه يعني حزبيه ابا عن جد ( دليميه الاب جبوريه الام )

خريجه كليه قانون . اول ما طبت عرفتها بقوه الشخصيه . وخوفها الشديد من ابو لواء اكثر من لواء .

مجانت تجي تشتغل اله ما نادرا . من تشوف عمي تصير فراره بلشغل . وشكد ما شكت خالتي لعمي وهيه توصفها الفاهيه القذره .

ابو لواء : ما عليج بيها ممسؤله بلبيت هيه ....

لعد بس اني وليلى خدم الها ....

وي طراطيش هلكلام امرها عمي ابو لواء وكال الها : سلسبيل الاكل التاكلينو لازم تشاركين بصناعتو ماكو شي يجي ع الحاظر الحمام السبحين بنو تغسلينو والماعون التاكلين بنو تنضفينو كل شي بلبيت مشاركه ميصير كله على ليلى وسوزان .....قصص وروايات عراقية كرار صلاح
اي عمو والله دا اسوي الي اكدر عليه وبشرته بأول خبر . بس لان يمكن حامل شويه صعبه .

لاحت بشائر الفرحه على ابو لواء . وهو يأمر لتخلوها تشيل كشايه من الكاع . ويكل لام لواء : ادزلج على خدامه ....

الي فهمته انو عمي ميتقبل وجود الخدامه خوفا من السرقات والقال والقيل بس ينجبر يجيبها لان البيت جبير ويخاف على مرته لتتعب ...

وبلفعل احتي الخدامه وفتره النقاهه مال سلسبيل دامت ٩ اشهر ويوميه سألتني : برأيج هسه لواء يم ذيج السعلوه ....

ما اعرف .....

انتي شتكولين ....

شمدريني حبيبتي . رجال وين ميروح خل يروح ....

لا شلون مبين يمها . اني متأكده صارله سبوع منايم وياي .....

ما اعرف . حاول اغير موضوع وياها شنو قررتو تسمونه الطفل ....

اني اتمنى بنيه ....
امممم ان شاء الله .....

اسميها جميله على اسم امي .....

حلو هلاسم . بس راح افيدط انو عمي الي يسمي مو انتي ....

شنو لاااا ابد اتفقت اني ولواء ....

ان شاء الله يلا الوا بناتي يردن يلعبن وي بت عمهن الحلوه . وكمجامله اكيد تطلع عليج ....
وفجأه سمعت واخد كال : ليش وابوها شبي ....

استحيت من كلامه ونزلت راسي : لا ما بيك شي بلعكس بس اكيد البنيه تاخذ حلاه الام ....

لواء : وانتي علويه اشو متشبهين امج ....

عرفته راح تبدي طريقه بلاستهزاء . فلواء يتخلف عن الكل بلبيت يريد يستخوذ ع الكل ويدوس عليه بدون مشاعر .....

جاوبته : طالعه على بيبيتي ام امي وعفته وفلتت .....

واسمع العرك بيناتهم : وينك لحد هسه ...

يجاوب ابرود قاتل : شغل .....

واني ....
جاي اكلج شغل .....

واني لواء وانيييي ....

.

والصياح بعلو الصوت وعمي ابو لواء اعصابه منهاره من وضعه و وضع لواء الي يوميه وي وحده .

وبعد لحظات نزل لواء واستلمه عمي بلرزايل وهو يكله : ياب ما مقصر وياهن خل يولن ما اريدهن ....

.

جنت يوميه استأل يا ترى ام يزن شلون جان وياها هم نفس الشي من جرمن ماتت المكروده ....

جيهان وسلسبيل ثنينهن اذا وحده شافت الثانيه يصير الكفاش ماله والي .
يزن ينحاز لسلسبيل بوجود جيهان وضد سلسبيل من تضل وحدها وهلتصرف الكل منتبه عليه مو بس اني .

بنهايه سنه ٩٢ شرف قصي الحفيد الجديد بلعائله وبلفعل عمي هو الي سما .
وهيه جانت تريد اسم شاكر ....

ما اعرف شنو الي عاجبها بهلاسم بس المهم عمي طيره . ههههههه
.
.

ساره ......
___

ماما ماما ....

ها حياتي .....

قصي شوكت يكبغ (يكبر )

صغيروني حبيبتي . بعدله هواي ....

خل اشيله ....

لا ممنوع ....

حبابه حبابه بس ابوسه ....

جاي اكلج لا ختف يوكع من ايدج ...

لا والله اتغبع ( اتربع ) واكعده بحظني .....

جاي اكلج لا لتعاندين ....

صعد صوتها وكامت تصيح : والله بعد ما اقغره (اقره ) .....
خزرتها بعيني . راخت تركض ليزن ....

عمووو خل اشيله لقصي ....

يزن اشر الها من بعيد لااا ....

عمو والله ما اوكعه حباب كل لماما ....

خزرها وصيح عليها : لاا جاي اكلج بيج حظ كومي اقري ....

ما اقغه والله ما اقغه ....

صاح يزن بصوت عالي : يابه يااابه تعال لساره تره راح ابسطها ....

اجاها جدها ويصيح منو يبسط السلطانه ....

ارتمت بأحظانه وهي تشكيله : محد يقبل اشيله واني اريد اشيل طفل .....

ابو لواء : ام لوووواء تعاي حطي بحظنها شويه ....

ساره وهيه تشاور ابو لواء بصوت هامس : جدووو خاف عمو يضغبني ....

خزرها حيل : لتكولين عمو سمعتي ...

يزن انت شعندك وي ساره ....
باوع يزن لوجه ابو وضحك وهز بيده وكام : انوب عليه هلفصعونه ....

ابو لواء مقهور من تصرف يزن : مو وياك .....

يزن : ياب انت صدك تحجي .

....

ليلى .....

حاولت اسحب بناتي على كيف وافلت حته محد يحس بس ساره كامت تصيح اغيد اشيله .....

لحد ما شالته يلا ارتاحت لطشت لطش ....

شويه واني بلمطبخ ويزن هم بلمطبخ . وهي طبت . لزمها يزن . لوه اذانهة حيل : اني شكتلج ....

كامت ترجف . ونكرت الحجي بسرعه : جدو كلي اشيله .....

ليلى : اباوعله وروحي كامت تزهك على بتي بس كبت حيل وياها مره ثانيه حته تبطل تصيح وتحرن مثل المطي اله تسوي الشي الي براسها ...

ويوقي بلزمته لاذانها : مو كتلج لتشيليييي اني ....

والله جدو كلي ....
هز براسها واذانها حيل : بعد تشيلي ....

لا ....

كولي ابدددد ....

ابدددد ...

كولي توبه .....

توبه .....

كولي ار ....

اغغغغ ....

كولي ارررر ....

كامت تبجي .. كلبي ما اطاني راح يملص اذانها . يمعود يزن اذان بتي راح تجي بيدك ....

هدها وراحت تركض تشتكي لجدها . وهو كام ما حاجاني ....

وكبت العيطه بين ابو لواء ويزن ....

وابو لواء : لتضربها بوجدي لتضربها يوووول.....

يزن قصص وروايات عراقية كرار صلاح:ماكو غيرك مطلع عينها . اكلها لطلعين للشارع تطلع . اكلها لتسبحين بلطارمه تسبح . وهيه تباوعله بعيونها الزرك الحمر من وره الكتله ويباوع الها ويهددها. تعاي لج انتي البرصه اموتج خلاص بيدي اذا متسمعين الكلام .. .
ابو لواء : ياب مو هيج الحجي . اخذها بطريقه عدل احجي وياها ....

يزن : اسكطها اذا ما جرت عدل ....

وانتهى النقاش بيناتهم بيزن طلع بره وابو لواء رزل ساره وهو يكل الها : انتي عود ليش متسمعين كلاموو ...

سارع (الي تميزت بعنادنتها و بنباهة عقلها من طفولتها ) جدو : كلامه مو كلامو .....

وهاي المشاكل يوميه بين يزن وبين ساره من يكون موجود كدها بس من يروح تمشي ع الممميل مال الساعه متخالف ولا كلمه .

.

كوثر .......
.......

قمه بلهدوء نهائياااا ما تعبتني عاقله وتسمع الكلام والاجمل هيه نقيض وي ساره الي شالعه كلبي واشوفه كلبها على كلب اهلها ....

وبما انو ساره السلطانه فلقب كوثر بلبيت الخاتون ....

.
.
.
في مكان ما .....
_

لتكول اسمك الكامل تره اذا عرفوك منو يجلبون بيك ....

وانت شمدريك . احنه هنا من سنه ٨٤ ......

.
.
.
.
* انه ذاك العاشت عيوني بصورهم *

يتبع..

#البارت15

1992.......1993

-----------

،،،،،،،،،،،،،،،،،،،،،،،،،،،،،،،،

احب انوه الكم عن اخر تذيل جاي اكتبه يخص جاسر جاي يروي وهو بلاسر .....

فجاسر من يروي من سنه ٨٩ يعني اني جاي اكتب مقتطفات عنه مجاي اتسابق وي السنين يعني احداث القصه وسنينها تختلف عن احداث الاسر وسنينها.

اكتب مجريات القصه كامله و وين ما اوصل انزل شويه من معاناة جاسر بلاسر لحد ما يجي وقت ضهوره بلقصه .

فرجاءا لحد تخلط . ....

______________

ساره بصياح مااا ماااااا ما اضغب ابغه ( اضرب ابره )
اششش اسكتي .

يزززن يزززن انعل ابوك ....

ضربها يزن كدام المضمد اني بوكتها كلش انقهرت حجيت عليه ...

يزن انت صغير .....

ادب سز هاي والله ممتربايه ....

شنو هلحجي هذا يزن اني ما اقبل هيج تحجي ...

امشي اطلعي . اني اضربها ابره واجيبها ....

طلعت بره من غرفه المضمد وكعدت ع الكرسي وشويه اسم صياح ساره عرفتها انضربت ابره . اااخ يا لسانج الطويل يا ساره ما جابلي بس حركان الكلب .

طلع يزن وهو كالب خلقته ويسحل بيها سحل . اوكف يزن هاي طفله بس اريد اعرف ليش هيج تعاملها ....

ام ساره . كل مره ساره تتجاوز تندك هاي مو كوثر وياها شنو الفرق بيناتهن . ذيج مثل النسمه وهاي شلنفص .

يزن ساره بعدهي صغيره ومدللة والسبب بهلدلال جدها . بس خو مو تشبعها دك ....
كل احنه مدللين وما اسأنه الادب .....

صعد بلسياره وهو كالب خلقته وساره مستمره تبجي . اله ما اكل لحدو عليك يا يزن اله ما اكل لجدو عليك .

يخزرها بعيونه ويهددها : اني شكتلج .

تخنس شويه وترجع تحجي وتسكت . اول ما طبت دورت على جدها وشافته بلربعه ( الاستقبال )
طارت وتشتكي الضيم الي هيه بي : جدووو يزن خلاهم يضغبوني ابغه ...

ابو لواااء. يااايااابه منو وياج والله لنعلج والدينووو ...

ساره : جدووو هذا يزززن الحماااار
قصص وروايات عراقية كرار صلاح
ابو لواء وهو يخزرها : ول يابه هلبنيه لسانها مثل البرنو ....

ليلى : يعني انتي متشبعين دك . ادب سززز ليش تغلطين عليه بشكد اكبر منج حيوانه ...

ابو لواء : لتغلطين عليها يولي روحي مناااا ....

عمي هاي دتسيء الادب وي يزن ويزن حيل ديأذيها يوميه تاخذ الها صفكه راشدي منه ومتدوب واخاف تتعلم انوب ع الدك . وتضل تعاند بلزايد . حباب عمي لتنطيها مجال .....
شويه وطب يزن وهو يباوع لساره صفح اني شكتلج ...

ختلت بصف جدها ....

ابو لواء بصياح : شبيك وياااها متكلي شجلبت بيها . شجرالك انت ....

تغاضه عن كلام ابو وهو يوجه الحجس لساره : اني مو كتلج لطبين هناااا

ابو لواء : اشار اليه تعاي اخذيها .

اخذتها وطلعت.
وهو استلمه

واني استلمت بتي : عاجبج هيج ماما كل ساع تنبسطين من ورا يزن عوفي ماما عوووفي ولتراددي ....

هسه اني شغادد (ارادد) ..
لازمه ايدها حيل وهيه تهد بيدي وتصيح : عوفيني اغيد العب عوووفيني .....

هديتها ورحت افرفح من وراها . وجانو بلمطبخ خالتي وسلسبيل .

سلسبيل : شبيج كالب خلقتج وتنافتين ....
ليلى : راح اتخبل من ساره . والله ودي الله ياخذ لو عمري لو عمرها .

ام لواء : اسم الله من هلحجي بره منج .....

ليلى : خاله انتي شهامج بتج العرمه لو بتي ....

ام لواء : ولج اسكتي شنو هلحجي حتطه كبتلج وياها هيه طفله. ...

مدام هيه طفله متكولين ليزن خيفوت حالها . والله راح اتخبل . يوميه يبسطها .

ام لواء : اني هسه احاجي .....

خبلني هلولد مدري شبي وي ساره . الناس كلها وياها زين اله ساره . اني ما اكلج بتي مو بيها الصوج بس هيه طفله شمفهمه .....

ام لواء : كافي سدي هلموضوع كتلج اني احاجي ....

.............
يزن .......
...........

ابو لواء : ول شخصك بساره هيج حاط نكرك منها . تجبرني تا امد ايدي عليك قصص وروايات عراقية كرار صلاح. .
يزن بأعصاااب : لا والله هيه هاي النوب عايزه .

ابو لواء : عوفها ولا توصل حدها . وما يخصك بيها .

يزن : هو اني هيج اريد اخبلها حته تكرهني ....

ابو لواء : ول شتتوقع ما عرف انت شلون تفكر . عجل خل يكون بعلمك . ما اجبرك عليها . هاي سلطانة سلمان . اليريدها يبوس رجلي ما اطيهيا . وان ما ردتها يطبك مرض ......

يزن : رحم الله والديك يابه . اني برأي ساره لظافر وكوثر لعدي . واعفيني من المزعطه لان اني حاليا عايش قصه حب . وما اريد كلما اتذكر الزواج . كون تجي ساره كبالي ....

ول ول لا بارك الله فيك ... من وجهك طالع على جاسر وثنينكم لا حظ ولا دبان .....

يزن : اني هو اني اريد اخذ وحده على مزاجي . اريد واعيه ذكيه هادئه ....

__