قۣۗـۙصۣۗـۙصٍ 📖ۆبۣۗـۙسۣۗ 💯

#غصـبوني_آعشـگگ

#للكاتبة رفل الكناني

#البارت15

هف الباب وطلع

من هذا اليوم فهد اتخذ غير سلوب وياي كام ميباوع بوجهي نهائي ولا يسخرني عل شي حتى من يريد شي يروح عل بنات عل هل وضع أكثر من شهر

بهاي الفتره ساره اجوي عليه جوارينهم خطابه جنت بغرفتي اجتني ساره وجه مخطوف

قمر قمر

شبيج يولي شكو

كومي كومي اجوي خطار وسمر نايمه ورسل متقبل تضيفهم كومي انتي

وانتي شبيج ليش متضيفيهم

ماما ما استحي

سارونه عليه اشو شكلج مو عل بعضه

يمعوده قمر بس كومي بعدين اسولفلج

نزلنه اني وياه أخذت اول شي المي ودخلت جانو نسوان ثنين سلمت عليهم وضيفتهم كالت وحده منهن

ياعيني انتي موبنت عمهم الماتت امج قبل كم شهر

اي خاله اني

خطيه اي اذكرج بلفاتحه الله يرحم امج ويرزقج بلقسمه الزينه

جاوبته عمتي

ياقسمه عيني إم امير اني غير زوجته لبني فهد

فدوه لعينج ام فهد والله زين سويتي بس اشو مدرينه ولا احد كال

والله ام امير تعرفين امه ميته مومال عرس وهوسه بس عقدنالهم وهاهيه

الله احسن يستاهل فهد غير هوه ذهب والله افضاله مغركتنه

عفتهم وطلعت كتله بكلبي اي مو اني كلت اليشوفه يكول نيالج عليه

والله شويه وطلعو كالت عمتي جايه خطابه عل ساره لبنه امير اشو ساره راسن كامت لحكته
سارونه تره سالفتج موخاليه حجيلي شصاير

مصاير شي ليش شكو

سارونه علينه ام امير جايه تخطبج وانتي لونج نخطف شنو السالفه

دنكت

ساره ليش تستحين تره مابيه شي وشوفت عينج الولد جاي يخطبج

والله قمر مابيني وبينه غير بس النضرات كم مره راد يحجي وياي منطيته مجال فمن شفت امه عرفته جايه عليه

حبيبتي ان شالله خير بس انتي شنو رايج بي
و

الله هوه مبين حباب بس يبقى الرأي الأول والأخير الأهلي

الله كريم البي خير يقدمه رب العالمين

عفته ورحت سويت العشه وسمر كعدت ساعدتني

ومدينه السفره وكعدنه نتعشه بيومه فهد جان بدوام لن بهاي الفتره كام هواي يبات بدوام فدنتعشى وهوه طب سلم وكعد عل تخم كلتله عمتي

تعال تعشى يمه

يمه تعبان اريد اسبح

دنك نزع البوت وكام راح للغرفه عمتي تباوع عليه عود كومي وراه متدري احنا اصلن منتحاجه عاد خجلت من نضراته كمت شلت البوت وصعدت جان ديبدل من شافني راح للحمام شلت بدلته فرغته اخاف بيه شي حتى اغسله وخليته عل صفحه وطلعتله تراك خليته عل جربايه ونزلت بعد نسدت نفسي مرجعت عل عشه لن اني من اكوم بعد ماكدر ارجع أكل شويه ونزل هوه مبدل بس قهرني ملابس التراك الطلعته عود اني ماريد منج خدمه شكد نحرجت كلت هسه عباله اتلوكله

اجه كعد وبده ياكل وعمتي فتحت موضوع الخطبه مال ساره كله تناقش هوه مدنك ويأكل آخر شي عمتي كلتله شدكول يمه

يمه الله كريم عود نسل عليهم

ليش انت متعرفهم

أعرفهم يايمه بس هذا زواج لازم الواحد يتنى اصبري تاج راسي انتي همه اليوم اجوي عود احناء نرجعلهم خبر

هاااااا خوش لعد

كملو البنات شالو السفره واني بديت اغسل مواعين اجتني عمتي

حبيبه رجلج صار يومين بدوام عوفي المواعين وصعدي يمه اخاف يريد شي

عمه كولشي ميريد هسه اكمل واصعد دنسولف هوه نزل وطلع هيه هم عافتني وراحت ضلينه نتعلل 11وقفلت صعدت حطيت راسي ونمت هوه جان بعده مجاي مادري شكد مر وقت وندكت الباب كام هوه فتحه طلع احمد كله صيحلي قمر سمر مدري شبيه خاصرته من سمعت هيج كمزت خليت الشال وطلعت

هاااا احمد شبيه

مادري قمر بس تبجي وتصيح خاصرتي

دخلت عليه لكيته مفرفحه

شبيج سمسم شبيج حبيبتي

قمر مادري بطني مدري خاصرتي

صديت عل احمد الي وجه مليان خوف

احمد شلون نوديه

اي اكيد بدليله راح اكعد امي

باوعت الساعه 2بليل

شجاج ياعيني موصعدنه سوه كلشي مبيج بلتله وصعد احمد دنزله سوه كعدت رهف تبجي رجعت شلته ونزلت وراهم وفهد هم لكيته جوه أخذوه عمي وعمتي واحمد ورهف فرفحت وراهم عاد فهد واكف بلباب اخذه شويه وكفو هوه وياه سكتت شويه وطببه رجعت تبجي نطاه الساره هم تبجي رجع شاله سكتت عباله راح يطلعه النوب سكتت كله

بنت الكلب الساعه 2بليل وين تردين اطلعج صعده بغرفتنه نيمه عل ايده تبجي صرخ بيه صوت خنست دانام بمكاني تباوع عليه بس تخاف تبجي من فهد هوه شافه كال تعاي نامي بصفه تره دتباع عليج خليناه بنصنه اول شي نامت بعدين كامت كل ساع تفز وتبجي وهوه يكله

ولج عمي نامي والله راسي راح ينفجر عندي دوام

تنام وتفز تبجي حتى اني تعبتني آخر شي من فزت مدريت بيه هوه كعدني

قمر قمر

هاااهااا

يمعوده سكتيه لخاطر الله راح يطلع الصبح واني منايم جبته عل ايده جرت دشداشتي من صدري وفوتت اديه ونامت واني هم نمت كعدت الصبح عل صوته وهوه يسب ويقسم
انعل ابو الجهال لأبو ليريدهم صطرتني وروحت عليه الدوام خره بغيرتك احمد ابد مامسمي بسم الله من مخلفه

رجع وكف فوك راسي

كومي يمعوده كومي مشيني راح عليه الدوام

فتحت عيوني عزززه صدري كوله مببن ورهف الحقيره مخليه اديه وريحه بسابع نومه والعينتين يباوع بكل وقاحة وخرت ايد

#البارت15

1992.......1993

-----------

،،،،،،،،،،،،،،،،،،،،،،،،،،،،،،،،

احب انوه الكم عن اخر تذيل جاي اكتبه يخص جاسر جاي يروي وهو بلاسر .....

فجاسر من يروي من سنه ٨٩ يعني اني جاي اكتب مقتطفات عنه مجاي اتسابق وي السنين يعني احداث القصه وسنينها تختلف عن احداث الاسر وسنينها.

اكتب مجريات القصه كامله و وين ما اوصل انزل شويه من معاناة جاسر بلاسر لحد ما يجي وقت ضهوره بلقصه .

فرجاءا لحد تخلط . ....

______________

ساره بصياح مااا ماااااا ما اضغب ابغه ( اضرب ابره )
اششش اسكتي .

يزززن يزززن انعل ابوك ....

ضربها يزن كدام المضمد اني بوكتها كلش انقهرت حجيت عليه ...

يزن انت صغير .....

ادب سز هاي والله ممتربايه ....

شنو هلحجي هذا يزن اني ما اقبل هيج تحجي ...

امشي اطلعي . اني اضربها ابره واجيبها ....

طلعت بره من غرفه المضمد وكعدت ع الكرسي وشويه اسم صياح ساره عرفتها انضربت ابره . اااخ يا لسانج الطويل يا ساره ما جابلي بس حركان الكلب .

طلع يزن وهو كالب خلقته ويسحل بيها سحل . اوكف يزن هاي طفله بس اريد اعرف ليش هيج تعاملها ....

ام ساره . كل مره ساره تتجاوز تندك هاي مو كوثر وياها شنو الفرق بيناتهن . ذيج مثل النسمه وهاي شلنفص .

يزن ساره بعدهي صغيره ومدللة والسبب بهلدلال جدها . بس خو مو تشبعها دك ....
كل احنه مدللين وما اسأنه الادب .....

صعد بلسياره وهو كالب خلقته وساره مستمره تبجي . اله ما اكل لحدو عليك يا يزن اله ما اكل لجدو عليك .

يخزرها بعيونه ويهددها : اني شكتلج .

تخنس شويه وترجع تحجي وتسكت . اول ما طبت دورت على جدها وشافته بلربعه ( الاستقبال )
طارت وتشتكي الضيم الي هيه بي : جدووو يزن خلاهم يضغبوني ابغه ...

ابو لواااء. يااايااابه منو وياج والله لنعلج والدينووو ...

ساره : جدووو هذا يزززن الحماااار
قصص وروايات عراقية كرار صلاح
ابو لواء وهو يخزرها : ول يابه هلبنيه لسانها مثل البرنو ....

ليلى : يعني انتي متشبعين دك . ادب سززز ليش تغلطين عليه بشكد اكبر منج حيوانه ...

ابو لواء : لتغلطين عليها يولي روحي مناااا ....

عمي هاي دتسيء الادب وي يزن ويزن حيل ديأذيها يوميه تاخذ الها صفكه راشدي منه ومتدوب واخاف تتعلم انوب ع الدك . وتضل تعاند بلزايد . حباب عمي لتنطيها مجال .....
شويه وطب يزن وهو يباوع لساره صفح اني شكتلج ...

ختلت بصف جدها ....

ابو لواء بصياح : شبيك وياااها متكلي شجلبت بيها . شجرالك انت ....

تغاضه عن كلام ابو وهو يوجه الحجس لساره : اني مو كتلج لطبين هناااا

ابو لواء : اشار اليه تعاي اخذيها .

اخذتها وطلعت.
وهو استلمه

واني استلمت بتي : عاجبج هيج ماما كل ساع تنبسطين من ورا يزن عوفي ماما عوووفي ولتراددي ....

هسه اني شغادد (ارادد) ..
لازمه ايدها حيل وهيه تهد بيدي وتصيح : عوفيني اغيد العب عوووفيني .....

هديتها ورحت افرفح من وراها . وجانو بلمطبخ خالتي وسلسبيل .

سلسبيل : شبيج كالب خلقتج وتنافتين ....
ليلى : راح اتخبل من ساره . والله ودي الله ياخذ لو عمري لو عمرها .

ام لواء : اسم الله من هلحجي بره منج .....

ليلى : خاله انتي شهامج بتج العرمه لو بتي ....

ام لواء : ولج اسكتي شنو هلحجي حتطه كبتلج وياها هيه طفله. ...

مدام هيه طفله متكولين ليزن خيفوت حالها . والله راح اتخبل . يوميه يبسطها .

ام لواء : اني هسه احاجي .....

خبلني هلولد مدري شبي وي ساره . الناس كلها وياها زين اله ساره . اني ما اكلج بتي مو بيها الصوج بس هيه طفله شمفهمه .....

ام لواء : كافي سدي هلموضوع كتلج اني احاجي ....

.............
يزن .......
...........

ابو لواء : ول شخصك بساره هيج حاط نكرك منها . تجبرني تا امد ايدي عليك قصص وروايات عراقية كرار صلاح. .
يزن بأعصاااب : لا والله هيه هاي النوب عايزه .

ابو لواء : عوفها ولا توصل حدها . وما يخصك بيها .

يزن : هو اني هيج اريد اخبلها حته تكرهني ....

ابو لواء : ول شتتوقع ما عرف انت شلون تفكر . عجل خل يكون بعلمك . ما اجبرك عليها . هاي سلطانة سلمان . اليريدها يبوس رجلي ما اطيهيا . وان ما ردتها يطبك مرض ......

يزن : رحم الله والديك يابه . اني برأي ساره لظافر وكوثر لعدي . واعفيني من المزعطه لان اني حاليا عايش قصه حب . وما اريد كلما اتذكر الزواج . كون تجي ساره كبالي ....

ول ول لا بارك الله فيك ... من وجهك طالع على جاسر وثنينكم لا حظ ولا دبان .....

يزن : اني هو اني اريد اخذ وحده على مزاجي . اريد واعيه ذكيه هادئه ....

__