🖤🕯💔


يحدثُ فقط في عِشق الحُسين أن تشتاق للحُزنْ ..!

محرم 🖤

🖤🕯💔

#مساء_الخير

عبارات على لسان الأبراج الترابية:
#الثور #العذراء #الجدي

لماذا لا يصمت هؤلاء التافهون بدلا من التحدث بأشياء غبية

اشعر انني لم انم منذ 1000 عام وكأنني مستيقظ منذ عصور الديناصورات

لماذا يفهمني البعض دائما بشكل خاطئ

اريد ان افعل شيء كبير وعظيم بجهودي ليتذكرني به من اعرفهم

✨🌸
#اعادة_توجيـهہ_لتنسون
@stylegrils

عبارات على لسان الأبراج المائية:
#السرطان #العقرب #الحوت

احتاج الى من احبهم حولي ولا اريد ان احتاج لهم

هيا لنفعل شيء نضحك يجعلنا نقع على الأرض من شدة الضحك

لا أعرف ماذا كان يقصد بكلامه معي؟ لابد ان هناك شيء يخفيه عني

اريد الأقامه على جزيرة منعزلة مع اصدقائي

اشعر بالملل والضيق الثلاجة تناديني لابد ان بها شيء لهذه السهرة الكئيبة


✨🌸
#اعادة_توجيـهہ_لتنسون
@stylegrils

عبارات على لسان الأبراج الهوائية:
#الجوزاء #الميزان #الدلو

ما رأيك هل يصلح لي هذا او هذا؟

اكره هذا الكوكب العجيب يا ليتني كائن فضائي

اشعر ان بداخلي مئات الافكار المتداخلة حتى اصبح مخي كطبق سلطة!

نعم احب التظاهر بهذا البرود القاتل امام البعض لانهم لا يستحقون سوى البرود

اشعر انني اكثر من شخص بأكثر من مكان ولا اعرف كيف ولكن هذا ما اشعر به

✨🌸
#اعادة_توجيـهہ_لتنسون
@stylegrils

عبارات على لسان الأبراج النارية:
#الحمل #الاسد #القوس

أريد ان أبكي بشدة ولكن لماذا ابكي فأنا استحق السعادة

تباً لهؤلاء المزعجين اه لو استطعت كسر رؤوسهم مثل البندق

من مصلحتك ان تبتعد عن وجهي الأن فحالتي لا تسمح بالتحدث معك

لا لن اطلب ما اريد مرة اخرى مهما اردته

لو كان السفر مجاني لن تروا وجهي مرة ثانية


✨🌸
#اعادة_توجيـهہ_لتنسون

@stylegrils

///// #البارت التاسع /////


ورائحـة الشوق عند اللقاء
كـ رائحـة الارض بعد المطر

_____________ أحمد شوقي ..

الذكريات والماضي اشبه بزائر ثقيل يأتي كل يوم يطرق باب قلبك ليجلس متشمتا بحراحك ..
لا يقص لك سوى الاشياء المؤلمة والحزينة ..
فتجد نفسك تستمع دون حول او قوة ..
رغم انك تعرف ان ذكراهم مؤلم ..
ولكن انتظارهم اشد ايلاما !!

هذا حال عمة خديجة .. تحاول تكابر دائما وماتبين حزنها وتألمها لانتظاره .. الولد الوحيد الي طلعت منه بالدنيا ..
خلاها تعيش اشد انواع العذاب .. عذاب الفراق .. وعذاب الانتظار .. واشدهم عذاب اللقاء ..

سنين وهي تنتظره وجانت عينها ع الباب دووم الى ان يأست .. وهسا بعد هالسنين رجع واول ماشافته مااتحملت من الصدمة وگعت من طولها ..
رغم هو متغير عن الصور الي شفتهن بي بس قلب الام واحساسها فاق تغيير السنين ..

جان يحاول يگعد بيها ويبوس بيدها وراسها ..
واني بقيت مثل المصدومة مااعرف شسوي ..
عاط بيه ..
" جيبي مي بسرعه متشوفيها شلون جمدت"
ركضت اجيب مي ..
ورحت للغرفه جبت عطر وشممتها ..
بقيت افرك بيدها الى ان بدأت تون ..
" هذا انت ياامي .. وليد هذا انت يعني ماااحلم "

هز راسه ودموعه تنزل " اي اني يمج .. هياتني اجيت فتحي عيونج وشوفيني "

فتحت عيونها ودموعها نزل مثل زخات المطر ..
" لك ياامي ليش كل هاي السنين تاركني .. وليش ماتسأل عني وتخابرني .. شلون نطاك گلبك ماتسمع صوتي "

جانوا اثنينهم يبجون ..
گومها على كيفه ..
الضربه جانت قوية صاحت من ضلوعها ..
سألها " بيج شي اخذج الدكتور "
ردت " مابيه اي شي طبت وصحيت .. لك حالفه جنت مااسامحك على غيابك بس هسا نسيت الزعل كله لما شفتك بس انت قاسي اي قاسي "

اخذها سندها وگعدها ع القنفه..
حضنها ويبجي .. هي جانت تعاتبه وهو يبجي مايگدر يحجي ..

عفتهم يفرغون اشتياقهم ودخلت للغرفه ..
ااااه معناها هيج الاشتياق يسوي وهيج الام تكون ملهوفة على اولادها ..

لعد وين امي من هذي الامومة .. ووين اني من هاي المشاعر ..
بجيت ودمعت عيني بس مايوم حسيت بهيج مشاعر بس الاخواتي ..
اما اهلي فأبدا مااحس بشي اتجاههم وكأنه گلبي ميت من ناحيتهم ..
بقيت شوية وطلعت ..
اشرتلي عمة " تعاي امي ماعرفتكم على بعض "

هو گام غسل ورجع اخذ الخاولي من التعلاگة يمسح بوجهة وسأل " صدگ منو هاي ؟؟"

ردت عمة " هاي شذر بنيتي الي ماجبتها .. هي الي ردت الوحشة عني وهي الي خلت الهذا البيت طعم بعد مااظلم بغيابك "

باوعلي من فوگ لجوة ورد " بس ماگلتي منين جبتيها وشلون عرفتيها ؟"

هنا اني مابقى قطرة دم بيه .. خلصت من ذاك اجاني هذا .. يعني مقسوملي ماارتاح ..

ردت عمة " البنية يتيمة ومالها احد اهلها جانوا معارفنا من زمن ابوك .. بس الي يسألني اگلهم من اقارب ابوك لان تعرف الناس مالها غير الحجي "

هز راسه ومادقق بكلام امه .. رجع گعد يمها وحضنها..
اشرتلي عمة " يلة امي سويلنا ريوگ وخلينا نتريگ سوة "

بقيت صافنه يعني وليد خلص رجع لهنا .. اني شراح يكون مصيري وشلون راح اعيش وياه بنفس البيت ؟"

اشرلي " اني مااكل بس حليب وقطعه توست اذا اكو "
صفنت بوجهة هذا شيگول ؟؟
رجع اشرلي براسه " شبيج صفنتي ترى دااحجي عراقي ويضحك "
سألته عمة " حقها تصفن هو شنو هذا الگلته غير نعرف ؟"

ضحك " ههههههه نسيت اعتذر .. قصدي قطعة صمون اذا اكو او خبزة محمصة "

طلعتلة صمونه حميتها بالفرن وسويت حليب والعمة هم وريوگ وخليته ع الطاولة ..
باوعلي " اكو زيتون "
هزيت راسي " لا "

ماحسيته مثل طبع عمة وحنيتها احسه مغرور ودور لابس مثل لبس الاجانب الي نشوفهم بالافلام ..

سألته عمة " اي امي ماگلتلي وين كل هالسنين غايب وشلون عشت "

رد " طلبت لجوء الامريكا ودرست هناك لغات وحاليا اني مترجم وي قوات التحالف "

شهگت امه " امريكا القصفتنا تشتغل وياها ؟؟"

ضحك بصوت " ياامي ياحبيبتي لو ماامريكا جان لااني رجعت وشفتيني ولا خلصتوا من الظلم والدكتاتورية "

كلامه ضوج عمة وماعجبها .. بس وليد الظاهر حاسب حسابه الكلشي واعتقد رجوعه لهنا مؤقت ..

انكسر گلبي على عمة واني اشوفه فرحانة بي ومتأملة برجوعه النهائي بس الي حسيته وعرفته مستحيل وليد يترك كل المميزات الي عندة واقامته بأمريكا ويرجع لهنا ..
بس الي ماحسبت حسابه ..
هو طلبه ..
بعد ماكملوا ريوگهم رجعت عمة فتحت الموضوع..
" يمة اسبح وارتاح وبعدها اريد تحجيلي شسويت كل هاي السنين وانت بعيد عني "

اخذ ايدها وباسها .. بالاول خلي اراويج شجبتلج ولو ماجبت اشياء هواي لان بعد مااكمل شغلي هنا وارجع الامريكا اخذج وياي "

عقجت حاجبها " وين تاخذني ؟"
رد " وياي لهناك .. عندي بيت وهم راح تشوفين الحياة شلون مختلفه عن هنا .. نصفي كل املاكنا هنا ونروح ماكو شي نبقى علمودة "