اني مو ملاگ لحتى ما اغلط اني بشر ولابد اغلط وازل .. اعترف غلطي كبير واي رجال ما يتحمله ويقبل يمكن لو غيره كان كتلني خلاص
بس اتمنى يسامحني ويرجع طبيعي وياي .. تعبني حيل فوق تعبي تعب .. حياتي صارت ممله ومتعبه ادور الراحه ما الكاها

ارتاحيت سنه ورجعت عوجت وخربت من جديد

تنهدت واني اباوع بصورة مهند "شكد افتقد حنيتك يا حبيب قلبي انت شكد ما تاذيني بعدني اشتاق لمهندي القديم .. مو كافي زعل يا حبيب شام .. شلعت كلبي والله تعبانه واللهـ .."
عيوني ورمن من كثر ما بجيت .. كان بيومها عندي امتحان مهم صرت اراجع الي قريته بقيت كاعده للساعه ١٢ومهند ماكو واني كاعده اقرا
دخل وسد الباب اجا يمي على القنفه كعد ومدد رجليه على الطاوله.. ولازم فونه ما باوع بوجهي
وحواجبه معكوده .. اني ما اهتميت كملت الباقي وعفت شوي للصبح اراجعهم
كملت للجربايه نمت على بطني واحس التعب يقرااا الف لفلفت نفسي ونمت
كعدت على مهند وهو يتلمس بجسمي .. صرت اكره مثل قبل يعاملني مثل الحيوانه ويكمل وينام قبل جان شكد حلو وياي وما يسوي هيج بيه هسه. اي شي اكره يسوي ويكعدني من عز نومي علمود غريزته .. ويكمل وينام

"مهند وخر اريد انام باجر عندي امتحان .. وسهرانه .."
ما رد عليه
"مو احاجيك .. وخر مني .."
صار فوكاي ولازم حنكي بقوه "حقي ما تمنعيني منه .. اني هم الي حق يمج مو بس للكليه والدراسه عندج وقت .. ولا صوت اسمع فهمتي .."
ما رديت عليه درت وجهي لحتى يعوفني وجعني
رجع داره عليه ويباوع بعيوني "فهمتي .."
هزيت راسي
ابتعد عني وراح للحمام .. صرت اسال نفسي
.. منو انتَ!!
انتَ مو نفس الانسان الي حبيته .. انتَ مو نفسك الي عرفته .. الي جان يغار ويخاف عليه من كولشي .. الي جان ميقبل انام واني زعلانه منه .. الي ميتحمل يوم ميسمع بي صوتي .. الشخص الي جان يهتم بيه اكثر من كولشي بهالدنيا .. معقوله هسه اصير اخر اهتماماته...معقوله هيج يصير يدور تعبي وما يهتم لوجعي صار هو الي يوجعني
هو الي يأذيني .. غمضت عيوني بتعب لحد ما نمت
كعدت الصبح دخلت سبحت وحضرت نفسي كنت تعبانه وما نايمه وبس اصفن .. نزلت جوه صار عمو بوجهي
من شافني مبين عليه باجيه تنهد وهو يكول .."بسيطه بابا بسيطه .."
ما رديت عليه عفته وكعدت انتضر ابو الخط
سمعت صوت ابو الخط طلعت اني وهنا
دخلت للسياره وافرك بايدي من البروده
وصلنا هنا ورحنا لجامعتي
اول ما نزلت صارت بوجهي اسيل ابتسمت بوجهي
باوعتلها بنضره ميته اصلا حتى الابتسامه صرت استصعبها من قهر كلبي
"صبااااح الخير .."
"صباح النور .."
"شبيج شو وجهج مطنكر ووو..
لحضه لحضه شبيج باجيه .."
رديت "لا ما بيه شي وما باجيه .. امشي ندخل .."
دخلت للجامعة وهي وياي رحنا للمكان الي نتجمع بي دائما
شمس صارت بوجهي .. ما سلمت عليها وما حجيت مالي خلكها .. هي من ذاك اليوم الي تحاجت وي مهند وهي صارت تبعد عني وبس وي البنات تحجي وتسولف البنات دائما يسالون شنو سبب ابتعادنا عن بعض انا فضلت السكوت وما رديت عن الاسئلة كلها بس شجن تعرف
اما هي ما اعرف شنو جوابها .. اني من شفتها واكفه وي المجموعة ردت ارجع
شمس "شام لحضه .."
التفتت الها واصلا روحي طايره مني وما بيه حيل
اجت يمي لزمت ذراعي
شمس "اني شنو غلطي وياج وهيج تحاولين تتجنبني وشسويت حتى زوجج المحترم يحاجيني بهل طريقه .. ويعني فوق كل هذا انتي تحاولين تبتعدين وما ترديني وانتي الي زعلتي .. اني ما لزمت عليج سيف وكلت نزلي مجرد انطيتج اقتراح لا اكثر ولا اقل كانت محاولة لمساعدة صديقه الي .. ما اعرف ليش هيج وياي وانتو ابو الراهي واني الغلطانه .. شايفه كلام رجلج شسوه بيه ونبي الليل ما انامه وغلطه ومسبته الي ما انساها بس الخاطرج سكتت .."

رديت "اولاً مهند حذرني ما اختلط بيج واني ابتعدت لحتى اكف المشاكل واحافظ على زواجي .. وثانيا انتي هم من وحدج ابتعدتي عني وتجنبتيني .. بل رغم انا كل شي ما بدر مني ولا لمتج ولا حجيت عليج ابد .. واعتقد الافضل نبقى هيج .. ولا تكولين الخاطري ما حجيتي .. متعرفين كلامج ويا وتجاوزج عليه هو الي عم عليه وكان سبب بأنقطاع علاقتنا .. وبل تالي رجع عليه واني الي تضررت .. شمس انتي صدك احبج وما عندي شي وياج ولا الومج ابد بس هيج افضل الي والج .."

شمس "ماشي يا شام ماشي مثل ما تردين بس من صدك انتي ما تستحقين .."
بعدها ما مكمله "اشششششش .. بسسس ما اسمع اي كلمه بعد .."
عفتها ورحت .. امشي ومقهوره واكو غصه ببلعومي ما اعرف على شنو اندم او على شنو ابجي او على شنو انقهر من يستحق التضحية ما اعرف ..
...............................
مشت الايام واني روحي كوه اشيلها ..
كنت بغرفتي ارتب بيها واشتغل لان يوم جمعه وبعد راح انغمس بل امتحانات لان اقترب موعدها

فـ كلت اسوي حمله من هسه حتى اخلص لان اكيد ما الحك لـ اي شي واني هم صايره مو تمام مثل قبل

سمعت صوت تلفوني يرن .. رحت عليه ابعدت الشاحن واشوف منو المتصل
استغربت رقم غريب منو يا ترى .. بل اول ترددت ارد على الرقم .. بس كلت اكيد واحد يعرفني لان اتصل اكثر من ٣ مرات
ما كدرت افتح خط مهند منبهني اذا رقم غريب ما ارد
سديته ورجعت لشغلي .. كملت الغرفه ونزلت جوه يم عمتي
شام "عمه محتاجه شي .."
ام مهند "لا يمه روحي ارتاحي .. شوفي شصاير بيج خلقتج انكلبت هذا كله تعب منا دراسه ومنا سهر ونوب حامل وتشتغلين
اكعدي هنا موجوده.. ارتاحي شوفي شلون كوه تجرين النفس .. "
شام "عمه اني زينه وما بيه اله العافيه .. خليني على راحتي .."

ام مهند "لا امي اني اعرفج حافظتج ودارستج.. واعرف بينج وبين مهند مشاكل .. بس ساكته لان هذا الشي مو من شغلي وما اكدر ادخل بينكم .. فـ لا تعتقدين اني غافله عن الي يصيرلج.. وهنا اني اعلمها وانتي هم عوفيها عليه .. ولو انتي سباعيه ما محتاجه توصيات .."

سكتت وهي صاحت هنا وكلتلها نضفي البيت مرت اخوج مريضه وما تكدر اليوم
هنا "اووووووه والله ذبحتونا عبالك اول وحده تحبل بس عاااد ترى لعبت نفسي .. يعني انتي من كل عقلج كومتيني اشتغل .. واحد حتى بل جمعه ما يرتاح لازم يخدم الست شام ترى مو عيشه هااااي .."
هنا تحجي ودخل مهند .. اباوع على هنا مستمرة تحجي وتعيط على عمتي وتحجي عليه وهو واكف

كانت ما تعرف بي وعمه تعض بشفتها وهو متخصر ويباوع
مهند "هنااااااااااا ..." قصص وروايات عراقية كرار صلاح
مهند عاط بيها بصوت بحيث فزت واندارت عليه .. وسكتت
مهند "شنو هذا اللسان ولج .. شو تعيطين على امي وتتجاوزين بل كلام .. ترى قسم بالله اطيح حظج انتي مو مال احترام .. دللناج وطلعت عينج .."
هنا "ترى انتو والله موتوووونيي اييي دلال الي تحجون بي دلالكم لهاااي وبسسس واني مسويني خدامه الها .. عاد لو تسوه شلونها هي باااع لخلقتها .. مدري شلون متحمل تباوع بوجها .."
صارت تحجي وتوصف بيه بابشع المصطلحات.. انقهرت وردت ابجي .. عفتهم وطلعت من المطبخ
مهند اسمعه يعيط ويريد يضربها وعمه تهدي بيهم وهنا لسانها متر مطلعته
كملت مشيتي واني صافنه والقهر ياكل كلبي .. معقوله اني هيج معقوله لهل درجه صرت بشعه وهنا تعيب على خلقتي
دخلت للغرفه .. كبل للمرايه .. صرت اتامل بملامحي الي مغيرها التعب
واحجي وي نفسي.." شام شلون هيج صرتي بين يوم وليله شغبر ملامحج الجميله .. ما كنتي هيج كنتي احلى البنات
ليش هيج خلقتج انكلبت وصار يتعيب عليها .."
فتحت شعري واباوع عليه .. كان ثخين وسرح حتى اخاف اصبغه او اكصه كنت مهتمه بي هواي
لو عيوني الي غارن بنكر وسواد تحت العين بارز وحواجبي ما حافتهم.. حتى بشرتي احسها اسمرت كنت بيضه مو هيج
وضعفاااانه بشكل مخيف وبس بطني مبينه .. صرت جلد وعظم .. كنت سمينه وتارسه حتى من اضعف قبل اضعف بشكل حلو مو مسلوعه.. كانوا يدلعوني بطه من صغري
لان سمينه وامشي كوه من السمن .. ولمن شبيت ضعفت حالي وصرت حلوه بس ابقى مدبدبه وعندي خدود

شكد كنت مغرمه بجمالي واحب نفسي .. شكد كنت اهتم بمضهري الخارجي .. احب اكشخ وابرز جمالي بس هسه

صرت اخاف اباوع للمرايه واستحي من شكلي المكلوب
وصارت هنا تعيرني بشكلي وتعيب
دموعي تجري وصافنه بل مرايه .. دخل مهند .. مسحت دموعي بسرعه .. تقدم الي
ولزم اكتافي "لا تبجين .. معليج بيها الي يحاجيج اطيح حظه .."
ما رديت عليه .. عفته ونزلت لجوه اكمل شغلي لان هل حقيره اكيد سوتلها زعله وما تشتغل
عبالك الشغل يموت .. احسه رياضة وحركه للجسم بس هاي من كد ما عجوزيه وخايسه وخبيثه هيج تسوي

اخذت سطل ووصلت المسح وبديت من الصالة والبيت كله مهند نزل مبدل ومعطر ما سالت وين رايح اتجاهلته لان مليت من الركض ورا مسحت كرامتي بل ارض بسببه

كملت شغل البيت .. بس شنو بطني موتتني لان مدنكه وامسح متت من الوجع احس بتقلصات ببطني
صعدت لغرفتي اريد انام من التعب بس كنت موجوعه وما بيه حتى انام .. بقيت نايمه على ضهري
وافكر اتمنى ربي محلل الانتحار .. يمكن كان من زمان اني خلصتهم مني وما كان هذا حالي
بس ماكو خلاص .. سمعت صوت اشعار .. كلت اكيد هذي البنات .. عفته ما اهتميت .. بس صارت تجي بكثرة
واشعارات ركع .. كمت اخذته من الشاحن ورجعت لمكاني
فتحته اشعارات على الواتس اب اباوع عليه ١٩ رسالة

فتحته .. واباوع هذا الرقم الي اتصل الصبح .. استغربت
فتحت المحادثات

اقرا وعيوني تريد تطلع من الخوف والمفاجاة.. دموعي تجري قريت بسرعه ورجعت عدت الي قريته اريد استوعب اريد عقلي يفرزن الي شفته ما مصدكه مصدومة بشكل مو طبيعي

ايدي ترجف والخوف ملئ قلبي ...

ورأيتُ حلمُا ، اننّي ودّعتُهم
فبكيتُ من ألمِ الحنينِ، وهُم معي

💚❤️
يتبع....................

قصه جريئة لفتاة تتعرض للتحرش و.............


#الـبـارت 32

و يـأتـيـگ الـخـذلان مـن الـجـهـة الـتـي
عــصــيــت الـلـه لاجِــلــهـــا ...

شام :
دموعي ما وكفت وايدي ترجف .. ملخت خدودي وابجي بصوت مكتوم والوم بنفسي
"صخااام بوجهج شاااام صخاااام اطلعين من مصيبه تدخلين بل ثانيه .. شسوي شكول ل اهلي ل مهند شحجي يا صخام وجه .."
اغم بنفسي وابجي بقوه
اباوع صوري وفديوهاتي واني اركص وفديو الي اني وهنا
.. بفساتين او صور مال بيت

واحد من الفديو كاعده و مخليه رجل على رجل ولابسه فستان .. كانت هذي بخطوبة مهيمن .. فستان فاضح اكثر مما يستر .. شكد مهند حذرني ما البسه بس ما اخذت كلامه وعاندت .. كانت مياسين تصور بيه واني ما ادري ومن التفتت الها وشفتها تصور سويت حركه عيب باصبعي كانت شقى بس الفديو اذا احد شافه فضيحه تصيرلي .. اذكر مهند من شافه مسحه شلون صار هنا

وفديو قصير يمكن مدته ٥ دقايق.. بس شنو كنت لابسه بي فستان قصير كلش والصدر تول

والتصوير من رجليه لحد راسي .. هذا صورته الي هنا اذكر كانت مناسبه عندنا عرس بنت اقاربنا ورحت للحفلة وي هنا

اتخبلت واحتاريت شسوي
والرسايل كلها تهديد وفشار ووصف جنسي بشع ما اريد اذكره .. شهل شعر شهل جسم شهل بياض شهل عيون شهل جسم ويحجي ويتغزل غزل جريء قشعر بدني .. يوصف بجسمي بشكل مقرف .. عيوني مفتوحه بكل وسعها

دزيت رساله "منو انت .. احلفك بعزيز كلبك تستر عليه حرام عليك والله يذبحني زوجي .."

رد .."لا يا حلوه لا تشلعين كلبي وتتوسلين الي ببالي تسوي وانتِ الممنونه .. والا تعرفين وين يصيرون هل صور .."

رديت .."عليك الله احذفهم والله يموتوني اهلي ونبي .. حرام عليك تسوي هيج .."
اتنظرت يرد تاخر واني كلبي صار طبل من القلق والخوف
شفته يكتب .. كمزت قصص وروايات عراقية كرار صلاح
دز رساله يكلي "اوووه لا تصيرين شريفه براسي وتنطين مواعظ .. لا تدوخين راسي بنت الـزنـ...... اذا ما تسوين الي اريده انشرهم وانزل راس اهلج واخلي هل فديوهات على كل البيجات والمواقع .."
رديت "شنو تريد والله حاضر بس لا تنشرهم .."
رد"اطلعين وياي باجر اخذ الي اريده وتونسيني وعود افكر احذف او لا وها من هسه اكلج اياج ثم اياج تفكرين تلعبين بذيلج والا ما تعرفين شنو راح يكون الثمن .."

انصدمت بطلبه ايدي صارت ترجف بقوه ..
وكلبي يدك .. حيلي باد من الي قريته .. راسي صدع

دز صوره .. انتضرت تفتح ..
من شفتها ايدي كامت ترجف ..

مركب وجهي على جسم مصلخ يماااي هنا قطرة دم ما بقت بيه.. احس حلكي يبس وشفافي ترجف ويكلي اذا تردين انشرهم الج بهل شكل .. واخلي الي ما يشتري يتفرج على عرض الخلفوج ..

دزيت رسالة اتوسل بيه واترجا .. وهو يرد عليه بفشار ويكلي لا تصيرين شريفه براسي واله انشرهم الج على كل المواقع وافضح عرضج اذا ما اطلعين وياي ويحجي بفشار .. واني مستمره احلف واتوسل بي..
اخر شي بعد ما رد اني ارسل واتوسل ماكو ما يرد
التركيب واضح البنت الي مركب عليها سمره بس صوره مخزية ومركبة على وجهي .. هل شي مو مهم المهم اني شحيصير بيه شنو مصيري .. وشنو الغاية من يسوي هيج بيه .. صرت ادعي عليه وعلى نفسي وعلى غبائي

افكر واكول ..منو هذا ؟ منين جاب الصور ..؟ وشيريد مني ..؟ بس كل هذا مو مهم المهم ابوي زوجي عمي .. شنو راح يسوون بيه من يعرفون شيسوون اذا كلتلهم .. مهند مستحيل يبقيني على ذمته هو على رسايلي وي شمس ندمني وكرهني بعيشتي .. صرت اخاف لا اخسر مهند واحسب شسوي واكول المن يساعدني منو يوكف وياي .. مصيبه وحلت على راسي .. مهند شلون اواجهه اذا عرف وشاف هل كلام يتخبل عليه واكيد اخسره وتنطوي صفحتنا ...

بيومها اليل ما نمته من الخوف ومهند كانو حاس بيه لان من دخل واني صافنه وبالي بعيد
بس ما حجه او سال .. يمكن توقع بسبب كلام هنا .. صرت افكر شسوي شلون احلها وي هاي المصيبه الي وكعت على راسي
صفنت .. نوب مو واحد وثنين كثير صور وفديوهات
لا والمصيبة التركيب يعني اني هذا هو انفضحت بعد
شيصير بيهم اذا عرفوا شنو راح يكون موقفهم يا ترى
يوكفون وياي يساندوني يصدكون اني بريئة .. شكد
اسمع بل ابتزاز وهل امور بس ما تصورت بيوم اوكع
بهل مشكلة .. من هنا ايقنت انو حياتي خلص ادمرت
وتلطخت سمعتي .. منو يرحم منو يصدك بيه
كلبي صار يدك بسرعه واريد ابجي خنكت روحي واحاول اصبر واصير قويه

اليل كله اتكلب ما نمت روحي راحت مني احس نفسي مثل بلاع الموس لا اكدر احجي ولا اكدر اسكت

اذا احجي ما اضمن سلامتي .. واذا اسكت يصخم وجهي بزيادة.. صرت افكر واجيبها منا واخليها منا

مهند طلع من الصبح وي عمو .. اني بهل يوم حتى ما نزلت وعمتي ما صاحتني بقيت افتر بل غرفه وافكر فرفحت روحي وادعي وانخه ربي يستر عليه وتمر على خير

اخذت تلفوني الرسايل ما شايفهم .. دخلت على الرقم مكتوب مهدي .. صرت افكر يا مهدي وشيريد ومنين عرفني وحتى رقمي عنده

خابرت عليه وما يرد ابد شكد اتصلت ماكو .. كعدت بل كاع ابجي ومخليه راسي بحضني من قهري

احتاريت شسوي المن التجئ .. يا رب الصبر شسوي ماكو كدامي اي حل احس روحي مربطه بكل الحالات ف هذي مصيبه ووكعت على راسي ودمرتني

اكيد راح يصير شي وما اسلم على روحي .. لو من يعرفون اهلي ابوي ينجلط اكيد ما يبقى عدل وكل هذا بسببي

صرت الوم روحي ما اعرف على شنو الوم .. بس احس اني السبب بلي يصيرلي

خلص اليوم وحتى الاكل من اخلي بحلكي احسه مر وما ينجرع.. ثاني يوم كان احد وهذا بعد ما حجه ابد

ولا دز تهديد .. داومت .. من شفت شجن كدامي .. رحت الها شبكتها وبجيت صارت تسال شبيه وشكو
شجن "يااا عمري انتي شبيج ليش تبجين اكو شي صاير شي مو زين .. تحجي يا شام شبيج مهند وياج مو .."
هزيت راسي بـ لا
شجن "شكو لعد وكعتي كلبي .."
سولفتلها عن كلشي .. شهكت وخلت ايدها على حلكها
شجن "صخااااام منين جابهم ومنو هذا .. ولج شام بس احد يعرف يكتلوج والله محد يرحمج حتى لو الغلط مو بيج ولج عزززززه شحسوين هسه .. نوب مهند شلون شاد وياج لسا ما نسى ذيج السالفه تلزكي بسالفه ثانيه اكيد يطلكج .."
بجيت بقهر "والله ما اعرف ما اعرف .. شجن ساعديني راح اموت من القهر والتفكير اكل مخي وين انطي وجهي المن التجئ منو يحميني ويخلصني .. ونبي اكتل روحي واخلص من همي والله مات كلبي من المصايب الي توكع على راسي .. ليش هيج حظي فكر بكلشي .. ماكو راحه ماكو
حياة حلوه .. اريد انهزم من الدنيا كلها .. والله تعبتني هل دنيا شاده وياي .. اتمنى اخلص من هل حياة السودة.."
شجن "لا شام لا تحجين هيج حرام عليج احمدي ربج واشكري .. وان شاء الله محلوله وما يصير شي كولي يا الله .. توكلي على ربج وهو الي يحلها .. بس انصحج لا تحجين لمهند يموتج ونبي يمااا عزاا بعيني ان شاء الله .."
سكتت بس.. لهيب قلبي ما ينطفي خلص الدوام وبالي مو يمهم ابد مدري شلون جاوبت كان هذا اول امتحان الي وما قريت عود اني صرت شاطره وخططت
اسوي حمله بل جمعه وعلى السبت اقرا امتحاني
بس المصيبة الي وكعت على راسي فرتني فر

رجعت للبيت كبل لغرفتي .. تعبانه ونعسانه
نمت بملابسي .. للمغرب يله كعدت .. اريد اموت نوب تحلمت حلم مو زين .. اخذت تلفوني ورحت للحمام لان مهند كان موجود

غيرت الرمز لحتى ما يفتحه اذا اجت رساله
خابرت الرقم ماكو رد يرن وماكو
راسلت هم ماكو .. كعدت بل كاع ابجي على حضي بهل دنيا ونصيبي الاعوج قصص وروايات عراقية كرار صلاح
احس راسي يريد يطك من الوجع .. لمحت واحد واكف بباب الحمام .. كلت هذا مهند مو غيره لان مهيمن ما يستعمل هذا الحمام واذا احد بي ما يتقرب لهنا
كمت بسرعه غسلت وجهي واريد اثار البجي تختفي ماكو
طلعت بسرعه واني مدنكه راسي لحتى ما يشوفني مهند
لزمني ورفع راسي عليه .. فتح عيونه بكل وسعهم من شاف وجهي .. تمنيت اطم روحي واني اباوع عليه وافكر بكلام هذاك القذر

لو الصور الي صارت عنده والفديوات.. مهند اكثر من مره حذرني وكال امسحيهم بس اني ما ارد عليه واغلس
وابتعدت عنه ورحت للغرفه هو لحكني وكف على راسي
مهند "شبيج شام صارلك ٣ ايام احسج مو طبيعيه صاير شي لو من كلام هنا .."
رديت بغصه "لا ماكو شي بس تعب بسيط .."
حسيته ما اقتنع و رد "زين ليش كمتي من النوم ودخلتي بل حمام تبجين .."
ما اجا ببالي غير جواب "تحلمت حلم مو زين .."
كنت احاول ما اباوع بوجه .. ما اعرف ليش حاسه بتأنيب الضمير .. اتمنى اطم روحي ولا يباوع بوجهي اريد انهزم من نضراته وما اريد اشوف احد اريد اختلي بروحي
مهند "زين شبيج ما تباوعين بوجهي .."
دنكت اكثر وسكتت ورخيت اعصابي اريد اهداء
كعد كدامي ورفع راسي .. صفن بوجهي
اخذ نفس عميق وكام مني ونزل جوه
سمعت تلفوني يدك .. اخذته بسرعه اشوف منو
كانت شجن .. "الو .."
شجن "هلو شام شنو شسويتي كولي .."
رديت "ما سويت هل زبالة ما يرد عليه .."
ردت "انطيني رقمه .."
رديت "ليش .."
شجن "انطيني ومعليج بل باقي .. حتى لو اطلب من اخوي مروان يتفاهم ويا .."
فرحت من كل قلبي بكلام شجن
انطيتها الرقم شوي حسيت روحي احسن واطمأنيت
كمت اقرا لان باجر ثاني امتحان والبارحة ما قريت
كلت عاد هذا اطلع بي درجه
كنت ملتهيه بل قرايه ودخل مهند بيده صينيه اكل خلاهم وطلع .. ابتسمت بحزن وخجلت من نفسي
بعدها بساعدتين خابرتني شجن .. كالت حاجيته وقافل ما يقبل .. نوب صرت اتوسل وكذا كال
اريد فلوس ..
رديت بسرعه "شكد حاضرات.."
شجن "١٥ مليون .."
شهكت "صخاااام بوجهي منين اجيب ابوك .."
ردت "الله كريم تدبر الفلوس المهم انتي .. وبعدين وين الفلوس الي ينطيهم اخوج الج .. لج اخذيهم واشتري روحج.. وهم نحاول نضغط عليه و ينزل من السعر .."

سديته منها وصرت افكر شلون بيه ومنين ادبرهم نوب الفلوس الي ينطيهم الي وسام الي ينطيهم لعمو يحفظهم يمه و مهند وما يقبل اصرفهم ما اعرف ليش .. واخاف اسحبهم ويعرف

صرت افكر بحيله تخليني اخذهم باي طريقه كانت
بس ماكو اي حل عندي توقف مخي عن التفكير .. اخر شي كلت اخذهم لو باخر الدنيا ما اكدر اسكت طز بل فلوس وعود الله كريم ادبرلي كذبه
داومت هل فترة شلون ما كان ودرست هيج على الي اعرفه وافكر شلون ادبر امري

وعمتي اربعه وعشرين ساعه بل بيت ما تطلع
ابد .. وهذا يلح حتى شجن يخابر عليها .. كل يوم يهدد ولسانه زفر بس يفشر .. تخبلت من الخوف اربعه وعشرين ساعه صافنه بغير عالم .. كلهم ملاحظين هل شي عليه ما كدرت اخفي حزني ومصيبتي .. مهند من تصد عيني بعينه اخجل من حالي واكعد ابجي على حظي الاعوج .. وهذا مو راضي يفك ولا يقبل يقلل المبلغ ....

صرنا اني وشجن نسولف ونحلل ونسال نفسنا من هذا
وشلون وصلت الصور اله
شجن بعد صفنه طويله "اكلج خاف شمس .."
شهكت "شلون راحت عن بالي ماكو غيرها مقرب الي .. وهي تعرف رمز تلفوني .. ودائما تطلبه مني .."
شجن "عزااا بس شنو غايتها .."
رديت "يمكن لان مهند غلط عليها واني عفتها تريد تنتقم .."

اني نفسي ما اقتنعت بجوابي .. هي شمس من نوع منفتحه ولا حاكم ولا حكيم كانت عايشه ببيت زوج امها والي اعرفه زوج امها من الساده فـ شمس مو يشوفها ويشوف لبسها يتخبل منها بس هي اجت على كبر يعني كبيره لمن سكنت
عندهم بعد ما توفت عمتها الي مربيتها وامها اخذتها عندها بس ما كدر زوج امها يحكمها ولا اله اي سلطه عليها وهواي حاول وياها بس هي قافله على وضعها وادور حريه وتشتغل
(ما احب اذكر نوع شغلها لان تنكشف الشخصية الحقيقية بس اكيد شغله ما مخله بل ادب لكن للحفاظ على هويتها ..)
المهم .. يعني اطب وتطلع بكيفها وهي حاكمة نفسها وعمامها بل خارج عايشين ما يسألون عنها او يخابرون بعد ما دخلت للجامعة سكنت هي ووحده من صديقاتها بشقة ولوحدها وعايشه من راتب ابوها وشغلها الي تشتغله بعد الدوام
وهيج امشيه امورها

هـذا اللـي اعـرفـه عـنـهـا و بـس ...

صرت افكر يجوز جذابه تقط بل بنات وتاخذ فلوسهم
وهذي اكيد لعبه منها .. بس ما عندي اي دليل يدينها او اني جبانه ما اكدر اواجها بهدا الكلام بس هي على الاكثر وماكو غيرها محد اله مصلحه ياذيني .. حتى شجن كالت لا ترحين نوب تفضحج اذا تهمتيها كلشي يطلع منها
كلها تعرفها ما تسكت ووكحه بس اني غيبه الي امنت بيها
كلها نصحتني وحاولت تبعدني عنها بس اني ما ارديت
صرت الوم بروحي على غبائي وثقتي الي منحتها الها وهي ما تستحق قصص وروايات عراقية كرار صلاح
مهدي الكلب يهدد ويتوعد ويكول اريد من المبلغ
اني الفلوس حتى ما حاسبتهم ولا اعرف شكد بس اعرف مكانهم كلش زين .. صرت اتوسل اله يقللهم وينطيني وقت
...........................
فد يوم عمتي راحت لبيت جدو وهنا بغرفتها البيت كان بوقتها فارغ .. بل اول ترددت اسرق فلوسي
بس بعدين كلت لنفسي انقذ روحي افضل الي
دخلت لغرفة عمو ولشتي ترجف من الخوف ما متعوده امد ايدي على اشياء غيري وهذا مو من افعالي بس شسوي الضروف عكست وياي
فتحت الخزنه وصرت ادور على المفتاح .. لحد ما لكيته فتحتها .. كانو فلوسي معزولين بكيس ابيض حافظته
طلعت نص منهم لا على التعيين وفلتت وركضت لبرى الغرفه .. لاكتني هنا ارتبكت
وهي كانو حست بيه بس ما حجت
خليتهم بجنطه وكعدت ادرس بس بالي ابد مو يم القرايه افكر وخايفه وارجف حسيت نفسي بمغامره

اكل باظافري وايدي ترجف واهز برجلي وقلبي يدك بسرعه كبيره .. اريد ابجي على حالي والي وصلت اله .. اعض بأصابع ايدي وافكر
صرت اخذ وامد ايدي وسويت شكو شي حرام
غلطت بحقهم اذا عرفوا شلون يباوعون بوجهي وهنا الي تحجي عني وتلومهم راح يكون كلامها هو الصحيح
شكد دللوني ومأمنين بيه وتالي اطعن بيهم واخون ثقتهم
اذا عرفوا راح اصغر مهند بسببي راح يخجل مني
لو عمي وعمتي شيكون شعورهم وشكول وشأبرر
شلون اغطي على فعلتي السوده
كمت ابجي بعد ما صبرت روحي
بس ما تحملت احس شي كاتم على انفاسي ومخنوكه
بجيت شكد وما يفيدني البجي بشي الحيره
اكلت روحي ونفسي يضيك شوي شوي
ما اعرف الي اسوي صح او خطا
بس الاكيد غلط بغلط عالجت غلطي بغلط اكبر

دخل مهند .. شافني ابجي .. اخذ نفس وكعد يمي
اخذني لحضنه بدون كلام ويمسد على راسي ما سالني على شنو ابجي اكتفه بل سكوت

.................
حسبت الفلوس طلعن ١٠ مليون انصدمت مو بكد الي يريدهم .. خابرت شجن وسولفتلها

كالت اني احاجي.. بس هم ما قبل
خابرت اتوسل وابجي وهو يغلط ويفشر الكلب

احتاريت وبعد يومين واخلص امتحانات يعني بل مختصر بعد ماكو فرصه لحتى انطي الفلوس
شجن ساعدتني وانطتني ٣٠٠ الف استغربت منين جابتهم
بس سكتت ردت اخلص نفسي
باخر امتحان اتفقت ويا بس ما كلتله ١٠كلت احاجي بلكي يقبل

كملت امتحاني واتفقت ويا نلتقي بمطعم
لحتى ما يسوي شي
شجن ما قبلت تجي كالت اخاف ولا احد يشوفني واتورط
رحت لوحدي وخايفه وكانت هذي اول مره اتجراء واركب تكسي
وصلني للمكان وانطيت الكروه لابو التكسي
حجزت طاوله واحس بخوف والنفس كوه اجره من بطني
احس تقلصات تروح وترجع
خابر عليه واجا كان شكله مرتب الي يشوفه يكول بس هو وبس ما يعرفون بي شكد حيوان وكلب
الولد "كاملات .."
رديت "ما كدرت ادبر بس هذول فدوه اروحلك بس امسح الصور والله يموتوني اذا عرفوا .."
صار يغلط ويفشر
"بنت الـ....... انعل ابو......... بنت زنـ..... تضحكين عليه اسوي ما اسوي ...
كمت ابجي من الموقف كلتله ما كدرت ادبر منين اجيب يعني
لحد ما كال جيبي الفلوس واخذ الباقي بعدين يالله امسح الصور .. انطيته الفلوس وامري لله

بعدني ما ماده ايدي اباوع مهند واكف على راسي
يمه هناااا من صدك ما ضلت قطرة دم بجسمي

وجهي صار اصفر من الخوف وارجف
حلكي يبس وهو يباوع وخازرني .. نوب لزم الولد ويساله منو انت وشتريد وشعندك وياها
هذاك لسانه زفر صار يغلط ويفشر ..
مهند لزمه مده بل كاع ووكعله دك بوكسيات الناس التمت
اني طلعت بسرعه من المطعم تمنيت اذب روحي
جوه سياره واخلص

مهند العالم طلعته وادفع بي بس هو شنو صاير نار
اجا عليه طايره

اخذني سحل واني اتوسل واشهك
احس راح انجلط من الخوف كلبي يعصرني عصر

أخذني للسياره.. مادامه يسوق يغلط وينعل
فرفحت روحه .. واخر شي صار يضرب بيه واني احاول

احمي روحي ودموعي عشره عشره
اريد اعرف شجابه وشعنده بهذا الوقت هو مو بل جامعة وملتهي بل امتحانات ولو هو الامتحان وخلص بس هو كل يوم يرجع متاخر للبيت .. بس كل هذا مو مهم المهم اني المهم حياتي وي مهند آالى هنا تنتهي وتنطوي صفحتنا ....

❤️❤️
يتبع..........

قصه جريئة لفتاة تتعرض للتحرش و.............


#بارت 33

شام :
مهند يكفخ بيه موتني واحنا بل سيارة.. ويسوق طاير من كد السرعه .. ويغلط وينعل
اني بس صوت البجي ينسمع .. احس روحي بعد هاي هي خسرت هذا حدي وي مهند
وهو بل فعل هيج .. دخلني للبيت يسحل بيه .. حتى ما فهم شنو السالفه او شكو ومنو هذا كل الي شافه زوجته كاعده يم رجال غريب وتنطي فلوس
ام مهند "يمه اسم الله شبيكم ياااا ياااا ياااا شمسوي بل بنيه ولك مهند تخبلت الله لا يرضى عليك ولك هي شباقي بيها تريد تموتها .. ولك تخبللللت وخر من عندها .."
عمتي حاولت تدفعه عني بس ما كدرتله وهو يعيط بوجها
مهند "عووووفيييينيييي يوووم وخخررري مااا ارررريييد احدددد يدددخلللل اريد اربييييهاااا لهللل ساقـ....... الكلبه

وحق محممممددد اليووووم محد يخلصهاااا منييي وحققق رسوووول اللله اذااا ما انددددمججج ياااا شاااام

اني مهننـنـد وحده حيووووانننه كللللبه ما عنددددهااا اخلااااق تنززززل راااااسي واطيييين سمعتييي بقذاااارتهاااا بسييييطةةة وحققق الله اليوم اربيج من اوووول وجديييد .."

اخذني يسحل بيه لفوك ويضربني بكل قوته فرفحت روحي والوجع كتلني .. اتوسل اعيط ماكو ما بعد عند

موتني كتل بل حزام راجديات بوكسيات دفرات .. راسي انضرب بل طرف مال ميز المرآيه والدم يجري

انمليت دم والغرفه كسرها تكسير عليه .. ما سكت ولا تعب ولا ابتعد عندي .. يعني شكد ما اوصف ما اوفي حق الجرم الي سوا بيه .. اجرم بيه .. عبالك عدو اله مو زوجته .. وكل هذا بعده ما فاهم السالفه .. ما يعرف شكو .. مادام يضرب يعيط ويكول منو هذا شعندج ويا ...

يعيط ويغلط وينعل ويضرب الكناتير كلهم تكسروا
وما تعب ابد اني من يمي تعبت صار بس النفس يصعد وينزل حتى دموعي ما تنزل .. شكد قبل ضربني واذاني
بس مو هيج مو بهل طريقه .. ومنا اني الحمل اموتني بشكل فضيع على كد التعب والالم الي احس بي.. الم ما ينوصف .. من كثر اذيته الي ..حسيته وحش مو مهند

عمتي ادك بل باب ومياسين هم اسمع صوتها ويعيطن ويبجن الباب تفلش وهو قافلة وما يرد على احد استمر بل ضرب لحد ما كعد كبالي ويشرب جكاير

ذب الجكاره وراح
اخذ جنطتي وطلع الظرف الي ردت انطي للولد
هو من سحلني كانت الجنطه بيدي ومن خوفي لازمتها واعصر بيها قصص وروايات عراقية كرار صلاح
فتحه وشاف بي فلوس .. اجا علي ولزمني من شعري بقوه
كلبه ساقــ.... تكو...... براسي .. وتبوكيني .. اني اربيج
بنت الكلاب اذا ما اغسل عاري بيدي فلا اطلع مهند
خاينه ما تستحقين كل حبي ودلالي الج ما تستحقين عيشتج هنا لا والله اصلا ما تستحقين هذا النفس الي يصعد وينزل

اليوم اغسل عارج بيدي اليوم اذبحج يا شاااام القذررره
.." بس بل اول كولي منو هذا وشعندج ويا .. احجيييي

اصلا صوت ما يطلع مني احس اذاني بيها وشه
وصوت كوه كدرت اميز كلامه روحي غابت عني
________
مياسين :
كنت ببيتي اوكل بنتي وكاعده كبالها.. اسمع صوت ببيت خالو ابو مهند .. كلبي وجعني .. طلعت واسمع ام مهند وشام يعيطن .. ومهند صوته كان اعلى منهم
ركضت بدون حجاب وجدو طلع وراي على الصوت بس هو عيونه عمن وما يشوف بيهم .. خطيه اني من الهبطه عفته ورحت للبيت الباب كان مفتوح

دخلت بسرعه صعدت لفوك الصوت كان من غرفة شام ومهند وبس صوت العياط مسموع

شفت ام مهند مفرفحه وتجبي وتتوسل بمهند يفتح الباب
صرت اعيط واسال شكو شبيهم شصاير
جدو من جوه يصيح شكو وشصاير .. رحت ركض عليه
"جدوووو مهنددد موووت شاااام موووتها .."
جدو لزم كلبه وكعد .. خفت عليه بس احتاريت شسوي وشلون اتصرف ما اعرف

البيوت كلها هيج وقت ما بيها احد امتحانات والشباب جامعه والبقيه بل دوام وبس نسوان موجوده .. حتى الجهال بل دوام

رحت للفون خابرت على خالو ابو مهند ومهيمن
ماكو بل ربع ساعه واحنا نبجي ونعيط نريد يفتح الباب

نسوان عمي اجن يسالن وخايفات لان صوت صريخ شام مرعب بحيث اقشعر بدني .. دخل ابو مهند بسرعه وبعده مهيمن بخمس دقايق .. كسروا الباب

اندهشت بل منضر الي شفته احس جسمي كزبر
وكلبي وجعني .. كمت اعيط وابجي عليها

اباوع الغرفه بكل مكان دم ومفلشه تفليش وشام مليانه دم وميته .. كمت اصرخ

ماتتت ماااااتتت اللله يااااخذذذك مهنددد موتتتهاااا اللله ياخذذذ عمررررك

مهيمن شالها ومهند ما يقبل ويعيط .. ابو ضربه
ومهند ما يكدر يرفع ايده كان يعيط بصوت وصاير دم

وعيونه حمرررر مبين باجي او من العصبيه
ما فهمت بس كل الي همني شام

رحت ورا مهيمن اركض كنت لا لابسه نعال ولا شال
وام مهند كذالك

اخذها مهيمن وابو مهند وراحوا للمستشفى
مهند طلع وركع الباب ما اعرف وين راح

اني كلت البنيه ماتت اكيد ..
وركضت لجوه اخذت تلفوني
ادور على رقم اخوها .. لان اذا بقت لوحدها هنا يتولوها وما نعرف شنو السالفة ويمكن ماتت لان منتهيه ومنا هي حامل

اتصلت ماكو ما يرد .. بقيت افتر ونسوان خوالي التمن لبيت ابو مهند ويسألون شكو وشصاير

حتى عمام شام اجوا .. ونوب راحوا للمستشفى ورا ابو مهند
واخذوا جدو وياهم هم خطيه يريد يموت وما يشوف منا
اني رحت لبنتي لكيتها كاعده وتلعب .. كعدت ودموعي تجري وتدعي على مهند
رجعت خابرت على وسام اكثر من مره يله رد
وسام "الو هلووو مياسين شلونج خويه عساج بخير .."
بجيت "الو وسام الحك لاختك مهند كتلها وراح تموت مدري ماتتت ولك اختك راحت منك الحك الهاااا .."
وسام "شنووو. شنوووو غيررر انعللللل واللللددددي بسسسييييطططه يا مهنـنــد. بسييييييطططه .."

صار يعيط وسده بوجهي .. اني ابجي وادعي لشام
لان الوضع الي كانت بي مستحيل تطلع عدله مستحيل

................................
شام : اريد افتح عيوني ما اكدر
والصوت بعده باذني صوت عياط مهند وهوسه ووشه قويه باذني .. ما اعرف شصار بعدها
بس وعيت على هدوء تام وفتحت عيوني ببطء شديد
عيوني بل سكف مال غرفه
واحس اكو غصه بداخلي اتمنى اطلعها اتمنى اصرخ وابجي اريد اتحرك ما اكدر

عيوني دارت حواليه .. اجهزه ومغذي واجهزه هواي
النفس صعب ما اكدر اجره .. جسمي مكسر اريده يتحرك

وراسي يووووون ووجع مو طبيعي انيت بالم
محد اجاني .. غمضت عيوني مره ثانيه واتمنى اموت وما اكعد
غفيت وحسيت واحد يمسح على راسي.
فتحت عيوني بحذر تصورته هذا مهند بس من فتحت
تفاجأت بوجود وسام .. عيوني دمعت
بس ما بجيت هو صار يباوع عليه بحسره والم على حالي

لا اني حجيت ولا هو .. كعد كبالي وسكت
وبس صوت الحسرات مسموعة

اني اريد شي واحد هو انو
محد يفتح حلكه محد يلوم محد يسال او يستفسر

اريد راحة بال اريد انام وما اشوف احد اتمنى اكدر اضم روحي وما اشوف وجهي لاحد صرت اخجل من نفسي

الي عرفته صارلي ٤ اربع ايام فاقده الوعي
انصدمت عبالك مساع الي صارلي مو قبل ٤ ايام

اتلمس ببطني طفلي موجود ما اعرف ليش
ابتسمت من عرفت هو بخير شكد كنت كارهته وما اريد وجوده بحياتي شكد ما فرحت بوجود نبضات بداخلي

حسيته الوحيد الي ما تخلى عني كنت اريد شي يخليني اتمسك بل حياة وكان هذا الشي هو طفلي

لمن ردت انزله كان مجرد كلام واقتراح من شمس
لا اكثر ولا اقل مجرد سوالف وفضفضه

اكيد ما راح اسوي هل شي واني اكثر وحده
متاكده من هل شي .. مو خوف من مهند لا خوفي الاعظم كان من ربي .. بس انا كنت ما اريده للطفل اعترف بهل شي

بعد يومين واني بعدني بل مستشفى
كانت دنيا ليل وهذا جناح خاص الوحدي بي ووسام وياي

وسام نايم واني كاعده وعقلي احسه واكف
من كعدت ولسه اريد افكر اريد استوعب شي بصعوبة ما كدرت

ضجت من نفسي ونومتي.. وخرت الكانونه
وكمت اووووويللللييي من كمت يا الوجع الي هاج عليه

رجعت كعدت واني احترك من جوه على حالتي
الي وصلت لهل مواصيل

رجعت احاول اكوم .. امشي بصعوبة وكل جسمي يرجف
وموجوعه من كل مكان لو الدوخه الي لزمتني

اتجهت للشباك صرت اباوع للشارع
تمنيت افتحه واشمر روحي منا بس راح اتحمل خطيت نفسي وخطيت طفلي الي ما شاف الدنيا لسه

كنت واكفه اجا وسام يمي كمزت من شفته بس ما حجت
هو من موجود يمي ما ينطق بحرف واحد ابد

بس احيانا يساعدني او يوكلني بس ما يباوع بعيوني
وهل شي محطمني من الداخل

والباقي على الممرضات.. صرت اخجل من وضعي
واكره نفسي .. بس التزمت الصمت يمكن من صحيت ولسه ما حجيت بس مره وحده وي الدكتور وبس لا غير

ثاني يوم صار لازم نطلع لان تحسن وضعي
اني صارلي تقريباً اسبوع بل مستشفى وابد ما لمحت احد

ولا احد اجا عليه حتى مياسين ما شفتها بعد
وكان هذا الشي من صالحي يمكن

لان ما اريد احد ولا اريد احجي وي احد ابد

وسام طلعني من المستشفى واخذني لفندق كعدنا بي
اني خلصتها نوم وسهر الايام تمشي ببطء وهدوء قاتل

وسام ابد ابد ما يحجي وياي ولا يباوع بوجهي
واني متت من هل وضع ..

كنت كاعده وصافنه وسام اجا اتصال وطلع برى
يحجي ويمشي .. فهمت من خلال حديث يحجي بموضوعي ويتفاهم وياهم

اني ما اهتميت شيصير يصير ما عاد يهمني اله نفسي
بس ارجع واسال حالي هسه شحال بابا شنو شعوره من سمع بيه وتعيب على تربية وحده مثلي .. ابوي هاي السوالف يتخبل منها كان شكد يحذر ويعلم وينصح لحتى ما نزل ونخطأ تالي اني وكعت بكل الي حذر منه ونبه علي .. صارت سمعته بل حضيض بسببي وبسبب غبائي وتصرفاتي الرعنه

صار ينجاب طاري ابوي بل موزينه بسببي
نزل راسه واتفشل بين اهله وناسه يمكن حتى يخجل يجي للعراق بسببي .. على طول الوم روحي على الصور والفديوهات الي اخذهم لنفسي .. نوب كله فضايح ولبس فاضح احب اخذ هيج فديوهات وصور جهازي مليان صور من هل نوع مهند كان يتخبل منهم مرات ياخذه ويمسح بس ارجع اصور وهل شي هو الي وكعني بهل مصيبه ... لا وفوك القهر كله مو من النوع الي نبه يم اي واحد افتح تلفوني الرمز صارلي يمكن سنه ما مغيرته ..

قطع وسام سلسلة افكاري وهو يكول "شام اريد احجي وياج .."
باوعت عليه بمعنى كول شنو
اجا كعد كبالي وقريب عليه
وسام "شام مهند طلبج للمحكمة.."
هزيت راسي
رد وسام "فهمتي قصدي صح .."
هزيت راسي بـ اي
جر حسره "سمعيني صوتج .."
ابتسمت بالم وكمت من مكاني
بعدها بيومين كان وسام طالع .. من رجع
اجا عليه "شام اخذي كل غراضنا وحضري حالج .."
هزيت راسي ولبست وحضرت كلشي طلبه مني
وبسكته ما حجيت كلمه ولا سالت وين نروح
لفيت الحجاب ولبست الترانشوز و وسام اخذ الجنط ..
طلعنا من الفندق .. اول ما طلعت صار بوجهي خالو
باوعلي وابتسم بحزن وفتحلي اديه
رحت عليه هو ضمني لحضنه "عمت عينه كون شمسوي بيج .."

ما رديت .. باس راسي واخذني ويا للسيارة
السيارة تمشي واني صافنه بغير عالم .. عالم اني نفسي اجهل وجوده واجهل شنو هذا العالم .. عالم هادئ خالي من التفكير خالي من الهموم .. صافي ودافئ ما بي اله الصمت

وصلنا نزل خالي ووسام يسلمون على شخص
ما عرفته منو لان حتى راسي ما شلته وبقيت بل سيارة

اجا خالو فتحلي باب السيارة "يله خالي نزلي .."
نزلت من السيارة

وامشي ببطء وحذر من القادم ..
سمعت صوت "السلام عليكم خويه شام .."

ما رديت بس هزيت راسي .. احس نفسي استصعب الكلمه
وما الي خلك لاي كلام

مشيت وراهم دخلوني ببيت صغير بس نضيف ومفروش
البيت مريح والالوان هادئة
اني عفتهم وخلت لغرفة.. كانت بيها جربايه ام النفر
كبل نمت عليها

اسمع اصواتهم ونقاشاتهم .. والشيخ محمد وياهم يناقش ويعلمهم شنو يسوون وشلون يتصرفون .. استغربت

يعني هيج الموضوع طش بحيث حتى هذا الغريب يعرف بي
ويناقش

خليت راسي جوه المخده اريد امنع نفسي عن السمع
حاولت انام .. وفعلا نمت
صرت اذا احس نفسي احتاج نوم كبل انام
قبل اضل اتكلب لحتى انام وارتاح هسه لا والله بسرعه

حتى اكعد مستغربه شوكت نمت وشكد صارلي
بس على الاغلب كانت وسيلتي الوحيدة بهذي الحياة هو النوم

النوم هو التعويض العادل عن گـل بشاعات العالم ..،

اسمع صوت وسام وهو يحاول يكعدني ...
وسام " شام كومي صار الغروب وانتي نايمة ما تعبتي من النوم كومي اكلي كافي كسل .. وطفلج هو الي متضرر بسببج اكلي حرام عليج .."

هذي اول مره وسام يحاجيني بعد زعل
كمت اتمغط واريد انام بعد بس وسام صحاني من نومي

وسام كان جايب انواع الاكل ومخلي بصينيه
ابتسمت شلون مرتب الصينيه بشكل حلو ونزاكه

اشرلي اكعد يمه .. رحت اغسل .. ورجعت
كانت مشيتي بطيئة وكوه وازنه نفسي احس اريد اوكع

وسام من شافني اجا عليه يمشيني وخله الاكل على الطاوله
كعدنا ناكل وساكتين ثنينه
وهو كل شوي مخلي شي كدامي ويجبرني اكل
بس احس روحي باهتة وما اشتهي الاكل ولا استقبله
وسام "شام اكلي شوفي شصاير بوجهج.. ترى حرام عليج تعاقبين طفل ما اله ذنب بكل شي .."
ما رديت
وسام "انتي مو طبيعية ليش ما تحجين صرت اخاف عليج ترى .."

بقيت ساكته ورجعت اكل لحتى يسكت
وهو عاف الخاشوكه وصفن عليه واني اكل

حسيت نفسي بعد ما استقبل اكل
وشبعت .. كمت غسلت ورجعت للغرفه طفيت الضوء ونمت
انفتح الباب وشغل الضوء وسام
كعد على الجربايه ولزم بطني
ابتسم "تحسين بحركته .."
هزيت راسي
رد "انتي باي شهر شو بطنج جبيرة حيل .."
هزيت راسي بمعنى ما اعرف
رد وسام "يعني ما مراجعه .."
هزيت راسي بـ لا
وسام "شام احجي شبيج صرت اخاف عليج احجي وطمني قلبي .." قصص وروايات عراقية كرار صلاح
حسيت نفسي زودتها ورديت "اريد انام .."
ابتسم بوجهي وكرص خدي .."ماكو نوم كافي كسل يله كومي حركي حالج .."
رديت "نعسانه .."
تنهد وكام مني .. وصل للباب و رجع اندار عليه
"كومي اطلعج لمكان كلش حلو .."

ما رديت غطيت نفسي ونمت
عاد هو طلع ..

ثاني يوم نفس الحالة.. بس وسام يحاول وياي
ويفتح مواضيع لحتى احجي
نوب لبليل كلش ساعة ١١ تقريباً ..
وسام "كومي لبسي وتعالي وياي .."

ما حجيت شي .. لبست وطلعت
السيارة مشت هواي

لحد ما وصلنا .. وكف السيارة كدام النهر وهو ساكت واني كذلك

نزل من السيارة.. اجا عليه .. اخذني من ايدي ونزلني
كان المكان هادئ وفارغ بي بس السيارة الي تمشي
وكفت واني ساكنه واشوف وسام شيريد
بقيت هيج هواي واكفه
وسام "صرخي.."
باوعتله باستغراب ..
رد "عيطي ابجي ملخي نفسج لا تبقين هيج .. راح تموتين من الكتم .."
رديت "انت الضاهر متاثر بحياة الاجانب هواي .. "
رد ".. لا تستهزئين وسوي الي اكلج عليه صدكيني هيج ترتاحين .."

رديت بجمود "مرتاحة هيج راحه محد يتصورها
امشي يا وسام احس نفسي تعبت رجعتي للبيت اريد انام .."

ما حجه شي عافني وصعد للسيارة
اني بقيت واكفه واتامل المنضر لحد ما تعبت ورجعت لوسام

رجعنا للبيت .. سالت "هذا ايجار .."
رد "لا هذا بيت الشيخ محمد .."
سكتت ودخلت للبيت كبل نمت .. ثاني يوم
وسام كعدني وكال حضري نفسج
كمت بتعب لبست وطلعت اله .. بل اول اخذني لمطعم تريكنا وبعدها طلعنا نتمشى
وسام "شام باجر موعد المحكمة.."
ما رديت ولا حسيت باي شعور عادي عبالك ديحجي
بـ موضوع شخص ثاني
وسام "شام ليش ما تحجين .."
رديت "شحجي مثلا .."
وسام "ما ضجتي من هل قرار .."
هزيت راسي بـ لا
سكت وبعدها رد "اريد اسمع السالفة منج .."
رديت "وسام مو هسه تعبانه ما اريد افتح اي موضوع .."
هو سكت اجا ببالي اسال عن بابا بس ترددت
حجيت بغصه وتردد "ابوي عرف صح .."
تنهد "ايي عرف .."
رديت "شو جريت حسرة كولي شصاير ولا تضم عليه .."
رد "ابوي انجلط من سمع بل خبر .. بل اول توقعناج ميته .. والكل انصدم وامي خلصتها نوح ولطم لحد ما ابوي انجلط .."
رديت "انت وين جنت من انجلط .."
رد "يمج .."
سكتت واحس النفس ضاق بصدري
وكفت ووسام لزمني
"شبيج خويه .."
رديت بخنكه "وسام مخنوكه النفس صعب عليه اجره .."
اخذني كعدني على الرصيف وراح جايب السيارة
ركبت بيها وحالتي للاسوء
راد ياخذني للمستشفى بس ما قبلت "لا وسام ما اريد مستشفى لعبت نفسي .. رجعني للبيت .."
سكت واخذني للبيت وصار يداريني وكاعد يمي
يحاول يغيرلي جو ويهديني
رفعت راسي عليه "ابوي شنو وضعه .."
رد "زين وبخير لا تشغلين بالج .."
سكتت وبعدها رديت "امي ليش ما تخابر ولا سالت عليه كل هل مده .." قصص وروايات عراقية كرار صلاح
حاول يغير الموضوع "عوفينا من هل كلام شتحسين اخذج للطبيب يكشف عليج .. وضعج يخوف .."
مشى اليوم واني ووسام سويه هو يسولف ويحفز بيه
ويطمني واني ساكته واستمع بتمعن بس اعرف بنفسي
ما اخذ بكلامه ابد .. عبالك ينصح شخص غيري
وما اخذت الامور بجدية .. وخلصتها اهز راسي من دون كلام .. واصلا اني شكد ما يحاول وياي احجي .. ما اتجاوب اله مرات قليله ...
ثاني يوم صار لازم اروح للمحكمة.. حضرت نفسي
من وقت ووسام وياي

اخذني والطريق كله ينطي نصائح ويحاول
يخفف عني ببعض الكلمات .. لسا محد يعرف بموضوع الصور .. كل الي يحجون بي شام كاعده بمطعم هي ورجال غريب ومهند شايفها وكاتلها .. وسام على مود هل موضوع كان زعلان مني .. بس من شافني مريضه سكت مني وحتى ما سال عن شي وشنو عندي وي ذاك الرجال وليش انطي فلوس واني احس لساني مربط ما الي خلك اشرح واحجي

يتبع ..........

قصه جريئة لفتاة تتعرض للتحرش و.............


#الــبــارت 34

(عَسَىٰ رَبُّنَا أَن يُبْدِلَنَا خَيْرًا مِّنْهَا إِنَّا إِلَىٰ رَبِّنَا رَاغِبُونَ )

شام :
وصلنا للمحكمة بقيت برى وانتضر السره .. اي شعور ما بداخلي واكتفيت بل سكوت والهدوء

اجا مهند والمحامي مالتي .. دخلنا للمحكمة.. مهند ما باوع بوجهي ابد .. المحامي تكفل بكل الكلام وشرح للقاضي

اني احس نفسي بدوامة وبالي مو يمهم ولا اسمع شي لحد ما سمعت اسمي .. وكفت كدام مهند وكلنا الكلام الي طلبه القاضي .. وهذا هو انتهى مشواري وي مهند ...

طلعنا من المحكمة.. من صعدت بل سيارة.. اجا مهند لوسام
وسام نزل اله ما اعرف شحجوا بس حسيتهم يتعاركون

بعدها بنصف ساعة رجع وسام وصاير عصبي .. انا ما سالت شكو ولا سالت ليش عصبي وهو هم اكتفى بس سكوت

وصلت للبيت .. كبل نمت صار النوم ملجأي الوحيد
واني اصلا تعبانه من الحمل وروحي باهته ما بيها شي يدعوها للاستمرار

مر اسبوع على الطلاق .. ووسام ما تركني ابد .. ويحاول يطلعني من جوي الكأيب .. ياخذني كل يوم بمكان يخليني امشي واحرك نفسي ويغيرلي جو

محد خابر ولا احد سال عني .. لا من اهلي ولا من بيت جدي ولا حتى خوالي .. اني هذا كله ما كان يهمني

كل الي يهمني مصيري ومصير اطفالي شراح يكون
ووسام شيسوي ما يكدر يتركني هنا ويروح .. ولا يكدر يبقى لان هواي تجي اتصالات وشغل عنده طول هنا هواي واهلي هم مناك الوحدهم وبس بنات واخوي زغير وابوي مريض

كنا اني ووسام نتمشى على شارع ابو نؤاس
شام "شراح اسوي وسام .."
تنهد "ما اعرف تشتت .. لا اكدر اعوفج لوحدج ولا اكدر اخليج ببيت جدي اخاف عليج منهم الكل حاد اسنانه عليج وكلها تاهمتج .. اذا اعوفج هناك ما اضمن تبقين عدله. والله محتار شنو اسوي ما اعرف
قصص وروايات عراقية كرارصلاح.. "
رديت "ارجع لامريكا ومعليك بيه اني ادبر حالي .."
ابتسم بسخرية "شلون ادبرين حالج وانتي ببيت عيالك ما حافظتي على نفسج .."
ما رديت بس انقهرت
وسام "شام سولفيلي وريحيني الي انكال عنج ما خاش بمخي وسووها هوسه ويكولون شام باكت فلوس معقوله يا شام انتي تمدين ايدج والله راح اتخبل من التفكير وشعندج وي ذاك الكلب صحيح الي انحجه عنج ولج انتي شام يطلع منج كل هذا معقوله .. سولفيلي كلشي وبادق التفاصيل.."

رديت "بل اول كنت اشتغل بغرفتي واجاني اتصال .. من رقم غريب .. ما رديت عليه .. وبعدها عادي ما اهتميت نوب اجا تهديدات وفشار وغلط وصوري وفديوهاتي كلها على الواتس .. اني هنا انجنيت وخفت صرت اتوسل بل ولد يحذف ويستر عليه من كد ما لحيت دز صوره الي مركبها على جسم بنيه ثانيه .. ما عرفت شسوي .. وما كدرت احجي كنت جبانه وخايفه.. وايضا كانت بيني وبين مهند مشاكل هواي .. اني من اتصرفت من كيفي وما كلت لاحد كانت احاول احافظ على زواجي وما اخرب علاقتي بمهند اكثر

المهم .. صرت اتوسل بل ولد وهو قافل لحد ما راد فلوس مني .. اخذت فلوسي الي دزيتهم الي كانوا بغرفة عمو
اخذتهم واتفقت انطيهم اله لحتى يسكت ويمسحهم
ومهند شافني وصار الي صار .. صح تصرفي غبي بس انحطيت بموقف حرج وحساس ....

اوووووه وسام ما اريد احجي ولا اريد انطي النفسي عذر .. هذا كل الي صار وقبل لا تكول اي شي .. صح الي سويته مو مبرر الي ابد .."

وسام يباوعلي ومندهش "شام تعرفين شنو الكلام الي انكال عنج .. ولججج تهموج بشرفج وابوي انجلط لج ما تعرفي الفضيحة الي لحقت بينا بسببج .. لييييش مااا حجيييتييي من الاول كاااان عرفففت شلوننن اتصرف واحلللل الموضوع واسكت الككككل منج بس انتتتتي غللللط وتبقققييين غللللط انتي الي جنيتيييي على حااالج انتي سببب بوضضضعج حاليا .. ولج اليوم ابن عمي يعيييرررني انييي ويكلللي ما اخلللي ابني يتربى عند وحددده ساقطـ... باييييعه شرفففهااا

وللللج شاااايييفه الكلاااام الي انكال بحققققج صرت اخجل اررررفع راسي بين عمااامي صار مهند يعيررررني ويكلي شدتللللك كررررون اختككك وبعدك ما غااااسل عاااارك ولج شسووووي هسسسه شسوووووي فهميييينييي

لو ابووووي الي ما رايدج وما طايق يسمع اسمج
حتى امي منعها تحاااتجيييج .. تعرفييين شلووون تدمرت عائلة كامللله بسببج .. ابوي تخارب وي اهله ونزل راسه

وحتى اني يعارك بيه ويحثني اقتللللج .. اعررررف مو من كل قلبه هل كلام واعرف ما يريد اسويها ويعرفني اني هممم ما اسويييهااا بسسس يحجي هيج من حركت كللللبببه .. دمرتيناااا ياااا شاااام بغبائج .. ولللج للليش سكتي كل هلل مدده فهمييينيي للليشش .."

وسام يعيط ويحجي بانفعال .. نسى احنا بل شارع

اني اباوع عليه وعلى الناس الي تمر من عندنا وتبقى تباوع
وهو ما مهتم .. اني كلامه صدمني حيل
راسي افتر لحد ما دخت وردت اوكع من طولي عاد هو سكت
وشالني للسيارة.. هو سكت واني كذالك بس شنو
احس نار مشتعلة بداخلي انصدمت بل كل وصدمتي الاكبر ببابا وماما
كلامه فر عقلي .. بس ما بجيت ولا ابديت اي رد فعل
حتى ملامحي كانت جامدة.. بس قلبي وداخلي
ينمرد ويتكطع بس ما بيدي شي
كل شي خرج عن السيطرة

رجعنا للبيت ووسام يفتر ويخابر ويحجي ويعيط
اخر شي اني عفته ودخلت للغرفه افكر شكالوا عني وبيمن تهموني .. افكار هواي راودتي

بعدها بيومين اجا خالو لبغداد .. ووسام سولفله عن
كلامي ويا .. والي صار

ما اعرف شسوه وسام وخالي .. صار الهم
٤ ايام يطلعون وما يرجعون اله ساعه ١٢ او ١ بليل

واني طول النهار لوحدي .. ومن يجون يبقون يتناقشون
ويحللون اني اي شي ما فهمت ولا كنت اريد افهم

بس الي سمعته يرحون لبيت جدي وحتى الشيخ ماخذينه
وصارت سمعتي على كل لسان وكلها عرفت

ووسام يسالني عن تلفوني وين صار كلتله ما اعرف
يمكن بقى بل مطعم او ببيت عمو ابو مهند ما اذكر وين بالضبط

اخر شي خالو كال "وسام خالي عوف السالفة تولي بعد الي صار ما يتصلح اذا نبقى هيج نلح وندور سوالف ومشاكل محد يتضرر غير اخيتك .. اني خالك واريد مصلحتكم
شام بامانتي.. احطها بين رموشي واحافظ عليها
ابد لا تخاف ولا يضل بالك يمها .. روح لهلك والعملك منا لين ما الله ييسر اموركم وتكدر تسحبها ليمكم وحاول تفهم ابوك السالفة بهدوء وعقل مو بصايح وعرك ولو اني اعرفك كدها ومثقف.. توكل بالله وعوف شام وسافر .."
من سمعت كلام خالي .. جيت ابجي .. بس ما اكدر
اذا بجيت وسام ما راح يعوفني وهو الي يخسر بل اخر
رديت من الغرفة لان كنت رايحه اشرب ماي وسمعت كلامهم .. وهذي اول مره افتح حلكي واتناقش "وسام كلام خالو صح .. روح انت وعوفني .. امي وخواتي خطيه لوحدهم وبلد غريب عاد اني هنا بين اهلي وناسي .. ويم خالو .." قصص وروايات عراقية كرارصلاح
وسام بل اول ما قبل .. بس خالو ضغط عليه
وصار يلح لحد ما قبل وسام
خالو كال جهزي نفسج ويله .. اني اصلا ما عندي شي اخذه لا ملابس ولا اي شي .. بس اشترالي وسام كم قطعة
لان كلشي بقى هناك وما اعرف وين صاروا
رحت للبصرة وتركت بغداد يمكن للأبد ما اعرف
ودعتها بقلبي وبنيران تسعر بداخلي وتلسعني
اخذني هناك وسام .. بعد ١٠ ايام ويسافر
كان كاعد بره والدنيا ليل والناس كانو نايمين
كنت اباوعله من فوك .. نزلت لعنده
"وسام اريد اطلب طلب اخير قبل لا تسافر .."
رد وسام "كولي .."
رديت "ما اريد اعيش هنا .."
عكد حواجبه باستغراب "لعد وين .. "
رديت "سمعت اكو مشتمل بهذا الفرع اريد اكعد بي .."
فتح عيونه بكل وسعهم "شنوووو شنووو واني شلون أأمن عليج تكعدين لوحدج .. وليش ما تبقين هنا سمعوج كلام كولي .."
رديت "لا ما سمعوني اي كلام ولا احد حجه .. بس ما مرتاحة هنا ابد يا وسام لا تنسى.. ميس خطيبة مهيمن وراح يجون لهنا اكيد ويستعجلون بل عرس واني ما اريد اشوفهم ابد وسام هذا اخر طلب اطلبه منك .. بس نفذه وما اريد اي شي ثاني ابددد ابددد .. وروح يا خويه مودع بالله ترجع لاهلك بالف سلامة عساني دوم اسمع بيكم مرتاحين
ما اريد اروح لهناك واخرب حياتكم .. خليني بعيده عن الكل يا وسام اني مثل النار اي واحد يتقربلي احركه بناري

اني اذيه وتعب .. اني عار عليكم .. واصلا ما اكدر
اواجه بابا وماما .. ما اتحمل نضراتهم وكلامهم ابد
ريحني يا وسام ورتب حياتي هنا وروح .. خليني ارتاح
تعببببت والله تعبببت هل كلمه تطلع من كل قلبي
ما اريد من احد شي بس عوفوني .."
وسام من سمع كلامي اخذني لحضنه
ودموعه تجري كانت هاي اول مره اشوف بيها دموعه

انعصر كلبي .. وضاق بيه النفس
صرت اني سبب بنزول دموعه وخراب حياة اهلي صغرتهم وحتى اهلهم تخلوا عنهم وكل هذا بسببي

ثاني يوم وسام كال لخالو
خوالي ثنينهم تخبلوا وما قبلوا زعلوا على وسام وصاروا اعصاب .. كلش انغثوا
بس وسام اصر عليهم بشده وما تراجع ابد
لحد ما هما استسلموا وسكتوا وهو كدر يقنعهم بكلامه وبعض. الحجج
بوقتها كان الشيخ موجود وسولفوا يمه .. اقترح عليهم
انو يسكني بمشتمل قريب على بيته ومنها يدير باله عليه
لان المشتمل الي هنا كان خرابه ومحتاجله هواي تعديلات
وبنهاية الفرع يعني مو كلش قريب على خوالي
محد اعترض ابد .. وسام تكفل بـ أثاثه وجهزلي كل شي
اني ما شاركت ولا رحت شفته ابد
بس هل شي ريحني لان راح اكون بعيده عن بيت
خالو وخصوصا هل مده ديجهزون لعرس مهيمن

لان يردون يخلصون من المشاكل وخايفين لا تخرب
فرحتهم ويلغي كل شي

قبل سفر وسام بيوم ودع خوالي واخذني لبيتي
اول ما دخلت كان بي ممر طويل وبصفة الاستقبال
وبعدها الصاله وبصف الصالة المطبخ وباخر البيت غرفة النوم .. كان البيت مو كبير بس حلو وجديد
والي حبيته بي الغرفه الاخيرة معزوله عن العالم
والبيت ملموم وما بي حديقه بس وسام يعرفني روحي بل زرع والحدايق فـ مسوي الترك الي متصل بل غرفه الاخيرة

مخلي بي سنادين وزرع ومرتبه بشكل حلو
ومغطي بحيث من اطلع محد يشوفني بس اكو شمس قليلة تدخل اله

البيت كان مجهز كله ما ناقصنا شي ابد
يعني ما محتاجلي اي شي بعد
وسام بابتسامة "عجبج البيت .."
رديت بهدوء "حلو عاشت ايدك تعبتك وياي .."
رد "اي تعب يجي من شام حبيبت اخوها مثل العسل لا تخافين ماكو تعب .. والبيت جاهز كله وما محتاجله شي
بس ...."
سكت حسيته متردد وما حجه رديت عليه "بس شنو كول .."
رد "بس خلصت فلوسي وما عندج غير مصرف هل شهر .. وما كدرت ادبرلج احتياجات الج وللطفل ولا عندج ملابس بس كم قطعة.. بس اروح لهناك ادبر الج وادزهم .."

ما رديت عليه
كعدنا بيومها نسولف ونتذكر سوالفنا القديمة وبيتنا وحياتنا كلها تذكرناها .. حسيت بحنين واشتياق لحياتي القديمة

ثاني يوم كان لازم وسام يطلع للمطار من خمسة الصبح
كاعد ومجهز نفسه .. باس راسي ووصاني عن حالي وراح
اوييييلللي يا الغربه والوحدة الي حسيت بيها
بعد ما طلع كنت اتكطع عليه
كان مخلي كامرات للبيت .. اباوع عليه وهو طالع
قلبي ممرود والخنكه تكبر بكل خطوة منه
بوقتها طلع الشيخ .. سلم عليه واخذه بسيارة
وراح .. كعدت بل كاع .. وحيلي مهدود ووجعه بقلبي
بقيت هيج .. ابرطم بشفافي ووجهي ينعقج
اريد دموعي تنزل بس ما اكدر الغصه ذبحتني واذتني
اخر شي رحت انام .. كعدت الضهر كلش على صوت الجرس يندك هواي وبسرعة
انمعط كلبي كلت وسام بي شي
فتحت الباب كان خالي ومرته ومرت خالي الثاني
وحتى بناتهم وياهم وبنيه ما عرفتها
سلمت عليهم ودخلتهم وخالي يحجي ويمشي
"صدك جذب وين كنتي صار ساعتين ندك فلشنا الباب تفلش خفت عليج لا صاير شي .."
رديت واني دايخه لان كمت بسرعه وخوف "نايمه .."
كعدنا وهما يسالوني عن وضعي وعن وسام
وووو هواي يسولفون اني مرات ارد ومرات اسكت حاسه بتعب مو طبيعي

خالتي عرفتني عن البنيه .. اصير مرت الشيخ محمد
كانت حبابه وفقيرة من اهل الله .. وكلامها حار وتحجي بسرعه .. بس ما اعرف ليش حبيتها وارتاحيت الها

بعدها خالو راح ورجع بعد ساعتين .. جايب الاكل سمج دجاج كباب .. مقبلات كنتاكي همبرجر.. وصمون وطرشي .. اوووو هواي اكل
البنات كاموا يجهزون بل اكل .. خالو راح يصلي
واني كاعده وصافنه .. بعدها كمل وطلع
دخل هو والشيخ يحمحم ميس جابتلي شال
لبسته وسلمت على الشيخ
كعدنا التمينا على السفره وهما يسولفون ويتناقشون
بمواضيع متعددة
بعدها جاي وكذا وسوالف
لحد ساعه ١١ يله راحوا الشيخ وزوجته
خالو صار يوصيني ويعلمني ويكول اي شي تحتاجي
بس خابري قصص وروايات عراقية كرارصلاح
من كام يطلع .. نزل علاليك كومه مال مسواك
وخله بيدي فلوس وانطاني علاكه صغيرونه
خالو "هذا من وسام كال انطي الج .."

اخذته وشكرت خالو وطلعوا .. كانت العلبه بيها تلفون.. بعد ما طلعوا رجع الهدوء
والفراغ بداخلي

خليت المسواك وغسلته ورتبتهم بل ثلاجه
ونمت .. كعدت ثاني يوم ساعه ١١ رحت للترك
كعدت اتامل بل زرع وصافنه
سمعت صوت الباب يندك
لبست شال وطلعت شفت من خلال الكاميرات
مرت الشيخ .. دخلتها كانت جايبه صينيه مال غدى
وكالت ان خالي موصيها بيه وكذا
وبقت تسولف الي عن حياتها وبأمور ما الي بيها

لحد ما طلعت لان شافتني ساكته وما اتجاوب وياها
ما اهتميت الها ابد اكلت ورحت اتفرج تلفزيون

صارت حياتي باردة وهاديه خوالي كل اسبوع يجون
يمي نوب صار كل اسبوعين لان التهوا بتجهيز العروس
والشيخ وعائلته هواي حاولوا يتقربون الي ويضموني الهم بس كنت اصدهم وما انطي مجال ابد
ما اريد اي علاقه اريد اكعد لوحدي وما اشوف بشر
كان وضعني عاجبني ومريحني .. هي هاي العزلة الي كنت اريدها وادور عنها هي هاي الي كنت اتمناها من كل قلبي

وصارت بين اديه ما راح اتخلى عنها ولا اطلع نفسي
من هذي القوقعة ابد

صرت قليلة الكلام كثيرة الهدوء .. حياتي صافية
ما بيها شي .. ووسام يخابر كل فتره
ويدز مصروفي الي .. ما عندي شي اهتم اله
ولا عندي مشكلة ابد

مهند من ذاك اليوم ولحد الان ما مفكرة بي
واحاول ابعده من بالي وتفكيري

كان موعد زفاف ميس بعد ٢ ايام
عزموني على الحنه ولحن عليه بس رفضت هو محد يجي بس بل عرس يجون
بس اني لعبة نفسي من البشر
اريد اختلي بنفسي

ازوجت ميس وراحت لعند عيالها
والامور طيبه

فد يوم كعدت ساعه ثنتين عركانه ووجع قوي ببطني
واحس ماي عليه
الوجع كتلني خابرت خالو .. تقريبا ١٥ دقيقة واندك الباب
رحت بصعوبة فتحته كانت مرت الشيخ والشيخ محمد
دخلت وياي ساعدتني البس
واني طارت روحي من الوجع

اخذوني لمستشفى اهلي لان وسام من قبل
لا يسافر وصا الجميع انو تكون ولادتي بمستشفى اهلي وانطاني تكاليف الولادة كلها

اخذوني لصالة الولادة.. بنجوني وبعد ما حسيت
بشي ابد ...

يتبع.....................

قصه جريئة لفتاة تتعرض للتحرش و.............



#الــبـــارت 35

‏" ما مِن إهانةٍ أَكثر قسوةً توجهها لإنسانٍ أكثر من رفضِك التصديق بأنه يُعاني."

شام :
كنت كاعده بكوفي واشرب قهوة .. وكدامي برج خليفة
ابتسمت واباوع للمنظر والنافورات .. فد شي خيالي وجميل

اجمل مكان زرته هو هذا الكوفي .. باوعت بتلفوني
ساعه صارت ١١ هسه خالو اكيد منتضرني

وفعلا اجاني اتصال فتحت خط
"الو خالي شام وين صرتي .. باجر نرجع للعراق من الصبح يله شوكت تنامين .."

رديت "اوك هسه جايه .."
سديته ودفعت الحساب واخذت جنطتي وطلعت

صعدت سيارتي .. وفتحت بث على الانستغرام
واصور الطريق ومشغله اغنية .. كانت اسمها حبك يدك بل راس .. شكد اعشق هل اغنية .. سديت البث ووصلت للشقة
خالو كان منتضرني .. صعدنا واني دخلت لغرفتي مسحت المكياج .. ولبست ملابس النوم

خابرت على ميس .. اريد اطمن على اطفالي
من اجيت لهنا ولسه واني كل يوم اتصل واشوف اخبارهم

رن وردت عليه "الوووو هلووو شام شلونج .."
رديت "هلاووو بيج .. وين اطفالي شو ما الهم صوت كل ما ادك اسمع هوستهم .."
ردت "مهند طلعهم ولساهم ما جايين .."
رديت "اوك تصبحين على خير .."
ما اعرف شصابني من ذكرت اسمه .. تخربطت احوالي
ورجف قلبي

تجاهلت الشعور الي اجتاحني للدقائق .. واتجهت لحتى انام
اول ما خليت راسي على المخدة نمت

كعدني خالو ثاني يوم من وقت كان لازم احضر نفسي
للعودة الى وطني

لبست وحظرت الجنط .. وصلنا للمطار
اني نمت لان ما كنت شبعانة نوم
كعدني خالو .. "يله خالي وصلنا كومي .."
صحيت واني احس ركبتي مكسورة من النومه القلقه
وجسمي مكسر .. كمت وطلعنا من الطيارة

اجر بـ جنطتي وخالي راح اجر تكسي .. رحنا كبل للشقه مال الشيخ محمد .. اول ما دخلت سبحت ونمت

لليل كعدنا اني وخالي .. طلعنا ناكل بمطعم
لان من الصبح ولسا ما ماكلين شي

كنت كاعده واكل رفعت راسي على خالي
"خالو فدوه لعينك ما تجيبلي اطفالي هسه من نطلع.. مشتاقتلهم مووووت .."

ابتسم بوجهي "تدللين .."

اكلنا وطلعنا .. اني دخلت للمول اخذت كم حاجه الي والـ أطفالي ردت افرحهم بجيتي

اني اخذتلهم اغراض هواي وملاعيب وملابس من الامارات والمولات حتى حلويات اشتريت

طلعت وخالي منتضرني .. صعدت بل سيارة
حجه خالو "هذا هو بعد ما تردين شي .."
رديت "لا كملت كل شي .."
مشت السيارة مسافة
شام "وين ماخذني .."
رد "نجيب اطفالج ونرجع للشقة .."
رديت بعصبيه "ما اروح هناك .."
رد بهدوء "لا تنزلين ابقي بل سيارة .."
رديت "لا خالو تعذرني اريد ارجع للشقة وما اريد اشوف حتى منطقتهم .." قصص وروايات عراقية كرار صلاح
سكت ولاف السيارة .. نزلت وخالي منتظرني ادخل للشقه
يله راح .. كان بل امارات مو هيج حذر عليه بل عكس
منطيني حرية .. اما هنا تغير .. دخلت وبدلت ملابسي
وطلعت اوراق اشتغل على مشروعي لبين ما يجي خالو

بعد ساعتين ونص انفتح الباب .. دخلوا اطفالي يركضون باتجاهي .. رحت عليهم .. شبكتهم وعيوني مدمعه

ابوس بيهم واحجي "يمااااي افيييش يا ريحتكم .. ولكم والله مشتاقه الكم .."
ردت بنتي لجين "اني هم اثتاقيتلش .." ضحكت
بست حلكها "يمةةة فدووووه لهل حلك الي ينكط عسللل .."
باوعت لـ ابني اسر "وانت ماما ما مشتاق لـ امك .."
برطم وبجه .. تكطع كلبي على بجيته .. اخذته لحضني
وابوس بي "عمت عيني عليك ماما حبيبي كافي بجي .."

خالو يباوع النا مبتسم .. اخذت اطفالي وطلعتلهم حلويات
والعب بيهم واسولف وياهم

آسر "ماما لاح تعوفينا .."
رديت باستغراب "لا ماما ما اعوفكم شعندي غيركم .. منو كالك هذا الحجي .."
رد "بابا .."
عكدت حواجبي احس نار تطلع من راسي .. هذا يحش براس الاطفال الله ياخذك يا مهند

سكتت وغيرت الموضوع .. بقيت وياهم لحد ما تعبوا وتعشوا
كومتهم .. غسلوا اسنانهم وبدلت الهم واخذتهم لحضني
نمت بنصهم وخالتهم على كلبي

لحد ما ناموا .. احس النوم مجافيني .. واصلا هواي نمت
بس قلبي يعصرني بشدة

كمت من مكاني وشغلت التيبلام
اباوع بوجهم الملائكي .. ينكطون براءة .. شكد طاهرين

بستهم واني ابتسم .. تنهدت واني اتذكر يوم ولادتي
...........................

اخذني الشيخ محمد للمستشفى.. وخالي لحكنا لهناك
اني ما اذكر التفاصيل .. بس مرت خالو سولفتلي كل شي

مخابرين على عمو .. جاي مناك هو وعمتي ام مهند
وحتى مهند وياهم .. اني بصالة الولادة
كانت ولادتي صعبه .. كعدت من البنج
ولكيت عمو ابو مهند وخالي يمي وحتى ام مهند
تقربت عمتي باست راسي وحجت بدموع "حمد لله على السلامة يمه .."

ما رديت عليها احس لساني ثكيل
وبعدني ما مستوعبه شي

بديت اوعى على حالي شوي شوي
بس شنو احس رجلي مشلولة كل جسمي احس بي اله رجلي

صرت ابجي واعيط من خوفي على حالي حتى الطفل نسيته ونسيت اسال عنه عدل او ميت

عمتي ضلت تبجي على بجيي وتسال عن شنو ابجي وتحاجي الدكتورة
اجوا ضربوني مهدئات لحد ما سكنت ورخت اعصابي

صحيت مره ثانية .. ورجلي نفس الحالة
صرت ابجي بجزع "يمااااا رجلييي راحتتتت يماااا الحكيييليي .. اخخخ ياااا ربييي والله طلعت روحييي شنو هل عيشه بعد شضاملي اكثر من هل عذاب.."

عمتي تبجي وياي وتمسح بدموعي وتحاول تهديني
وعمو واكف على صفحه يباوعلي وعيونه حمر

بس ابد ما تقرب عليه مثل عمتي .. كان زعلان مني
وما يباوع بعيوني

بقيت يومين هنا .. الي عرفته جبت توئم .. اني حللت واعرف توم
فرحت بس اكو نقص بداخلي بسبب رجلي وخوفي على حالي

كانوا اطفالي تعبانين ومخليهم بل عنايه
بس يجيبوهم وقت الرضاعة

ورجلي سولها فحوصات وكذا
بس محد يكلي شبيها ولا احد يجاوبي كنت ابجي واتوسل

بيهم لحتى يحجولي شبيها بس محد يجاوبني .. ام مهند بقت يمي .. وعمو ومهند رجعوا لبغداد

واني بقيت بل مستشفى مرت الشيخ يوميه يجيبها الشيخ ويجون عليه يطمنون ويشوفون اطفالي ويرحون

اباوعلها من تشوفهم تبجي وتدعي ما اعرف شبيهم
بعدين سالت اخت ميس كالت ما يصير عندها اطفال

سكتت منها وعفتها
طلعني خالو لبيتهم ما قبل اروح لبيتي ومرت عمي وياي

طاروا يداروني ويخدموني بس اني اتكطع من جوه
على حالتي .. حتى للحمام ما اكدر اروح

دموعي ما نشفت ولا هديت
كل ما اصفن دموعي تجري
مرت عمو بقت وياي وياي ابد ما تركتني وتخدم بيه
ما خلت احد يخدمني غيرها ابد حتى شيل تشيلني اذا ما كدرت

وتبقى سهرانه وي الاطفال ابد ما جابت طاري الموضوع بعد

...................
نفضت راسي من الافكار وكمت نمت بين اطفالي
واشم بيهم افييييش يا عطرهم شكد طيب

الله رزقني بزهور بعد كل الخسائر الي صارت بحياتي
ربي جمع شتاتي بعد ما انطاهم الي صاروا روحي من الدنيا

اعيش لاجل عيونهم لاجل ضحكتهم ولعبهم
دللتهم دلال ما صاير شبعتهم حب وحنان وكلشي ممكن يحتاجونه اطفال باعمارهم ما نقصت عليهم اي حاجة ابد
ما كنت اتخيل نفسي بيوم من الايام اكون ام حنون محبه متفهمه لـ اطفالي كنت اتوقع نفسي اكون مخربطه وما اعرف اربيهم بس من جد اختلف الوضع عندي احلى شي صار بحياتي هو الامومه .. شي عظيم فعلا

غفيت واني بوسط افكاري .. كعدت الصبح على
اسر وهو يبوس بوجهي ويحاول يكعد بيه
وبنتي لجين تبعده عني "عووووف ماما نايمه .."
ابتسمت واني مغمضه
فتحت عيوني اباوع اللجين وهي
من شافتني خلت ايدها على حلكها بحركة طفولية وعيونها مفتوحة ببرائته قصص وروايات عراقية كرار صلاح
ضحكت من كل قلبي وكمت عليهم ادغدغ بيهم
واضحك وي ضحكهم العالي

لجين بضحكه مليانه برائه وصوت طفولي ".. لا مااامااا لااا ههههههههههههههه لاااا ههههههه .."

واسر بس صوت الضحك مسموع .. ضحكت وي ضحكتهم
وابتعدت عنهم واني الم بشعري
اخذتهم من اديهم وغسلت وجههم وحلكهم وبعدها غسلت لحالي .. خالو كان بعده نايم باوعت ساعه ٦ الصبح اني معوده اطفالي على النوم من وقت والكعده كذلك لحتى ما تفوتهم وجبة او يتكاسلون

لبست ثيابي وطلعت اني وابني اسر .. جبت ريوك وصمون
وكعدنا ناكل اني وياهم

كنت طايره بوجودهم .. واصواتهم يمي
اسر انطاني لكمه صغيررونه وخلاها بحلكي

ابتسمت "اروح فدوووه للحنين .."

"صباح الخير .. اليوم من الصباح نشاط وحركه.."

ابتسمت "كله بفضل اولادي طبعا لولا وجودهم ما اكعد .."

راح خالو غسل واجا كعد ويانا اني رحت اصب جاي اله
كعدت وياهم وخالي يلعب بيهم ويحجيهم

كلها تحبهم وتحب كلامهم وحركاتهم
باوعلي خالو "اليوم نرجع للبصرة ؟.."
هزيت راسي ".. ايي خالو عندي شغل باجر ضروري .."
هز راسه "بعد حظري نفسج واطفالج هم .."
هزيت راسي .. وكملت اكل
كمت للغرفه جمعت اشيائي المهمه واوراقي
دخلت بنتي .. صارت تساعدني باشياء بسيطه
وتكدر عليهم .. شكد احبها من تقلدني بكل شي
حتى من اكل تقلد طريقه اكلي وتراقب حركاتي وتصرفاتي
وهذا الشي مفرحني من الداخل ويخليني حذره بكل تصرف يبدر مني
صرت حتى بل ملابس اخذلها نفس الوان ملابسي
احسها توئم روحي .. شكد احبها .. من اصفن عليها اضل ابتسم مرات اخاف احسدها ..

كانت انيقة ونضيفه على طول ومؤدبة .. علمتها
على الادب والتصرفات الصح من هسه ما اريدها توكع بأخطائي كنت احاول اصادقها واكون صديقه وام الها

حتى اني ما كان عندي صديقات غير بنتي
وهل شي مريحني من دوختهم وحقدهم اكتشفت محد

تستحق الصداقه والثقه .. الي اصادقها تغار مني
وتنافسني .. مستحيل اكو صديقه حقيقةً وتتمنى الخير الصديقتها.. حاقدات وناكرات لكل جميل لكل ايام حلوه

تذكرت شجن وقلبي وجعني .. صرت افكر يا ترى
هسه شنو حالها ؟ وين صفى بيها الزمن ؟ وين راحت ؟..

وهواي أساله اطرحها على حالي وما الكالها اي جواب
كملت لبسي ولبس اطفالي وطلعنا للبصرة
الطريق تعودت على طوله وما عاد يتعبني مثل قبل

بل عكس استمتع بي واحبه
اما اطفالي ناموا كل ما يصعدون سيارات ومسافتها طويله يغفون