قصه جريئة لفتاة تتعرض للتحرش و.............

#البارت الاول

....🥀🥀................................🥀🥀.....

نايمه واحس ب ادين تتلمس بوجهي و ريحتها قذره مليانه دخان جكاير بقيت مستسلمه للنوم عبالي احلم
الامر زاد عن حده وتحولت اللمسات من وجهي لجسمي
فزيت مخروعه وصرخت بصوت بسرعه خله ادي على حلكي بقيت اباوع بخوف ورعب
بهمس قريب على اذني بحت الصوت اشبه بفحيح الافعى (اشششش ولا صوت صار هواي انتضر هاي الفرصه لا تخربين عليه ترى انتي الي تتاذين مو غيرج بس يطلع منج صوت احسبي نفسج انتهيتي واتهمج وكول هي الي دخلتني)
دموع تنزل بحراره تجوي خدي و كلبي يدك بسرعه كبيره و جسمي صار حار
رجع همس راح اشيل ايدي بس اذا طلع صوت اورطج فهمتي
هزيت راسي وخر ايده القذره
:شتريد مني عوفني الله عليك عووووفني
:اشششش لو تموتي ما اعوفج اذا ما اندمج على الكلام الي كلتي فلا اطلع ابن ابوي مو رجال اني صح اله اوريج شلون الزلم تصير
:جاي احجي بسرعه سكتني والتهم شفايفي تقززت من الشي الصار بجيت اريده يوخر وادفع بي بس ماكو فايده ذاب كل ثكله عليه اذاني حيل
رجفت و خفت حتى ما بيه ادافع عن نفسي طاقتي خلصت واني ادفع بي ومن الخوف باد حيلي بقيت متصنمه بس دموعي تنزل بحراره وبدون صوت ما اعرف شسوي وشتصرف
ابتعد شويه وهو يحاول يخلع ملابسي عني بقيت لازمه ب ايده واتوسل وابجي
عوفني عليك الله والله اعتذر عن كل الكلام الكلته ما تنعاد وشتريد اسويلك بس اتركني لا ادمرني هيج الله عليك والله حراااام والله حراااام
دفع ايدي بقوه و لزمهن ثنينهم ب ابد وحده والايد الثانيه يوخر بملابسي عني
خفت اصرخ و يتهمني كلشي يطلع منه هل حقير
كلبي دكاته زادت و جسمي يرجف يعني اذا احد شاف هل منضر اني انتهي وتدمر حياتي وينهم عني ليش ماكو احد شلون دخل
جردني من كل ملابسي وصار يتفنن بتعذيبي واذيتي
جسدي انترس اثار الوحش الثأر بجيت ب انكسار و قلة حيله
ما عندي غير دموعي هم سلاحي بقيت اون ب الم محد يسمع انيني غير الرحمان دعيته بكلبي و شهكت يخلصني من هاي الشده
ابجي و اتوسل واون لكن لا حياة لمن تنادي ولا كانو احجي ولا انكسر كلبه على دموعي و لا رحم بحالي

احس بطني تتكطع من الالم (اتوقفت عن الحركه او الدفاع عن نفسي لان كلشي انتهى بهاي اللحضة سكنت و ما يطلع مني غير انين يادوب ينسمع واكول بداخلي هاي هي راح شرفي اتلبست بل عار منو يدافع عندي منو يلتمسلي العذر منو يصدكني حتى اهلي يذبحوني ما يصدكوني هاي هي تلطخت سمعت اهلي وخواتي بعد منو ياخذهن مرت كل هاي الافكار ببالي والالم يزيد )
بقى على هاي الحاله تلث ساعات يبتعد و يرجع يعيد كل الي سوا بيه ما تحملت صرخت بصوت مخنوك
باوعلي ولا كانو بشر يتوجع كمل الي بدا ولبس ملابسه و من راد يطلع لزمني من شعري ويهدد بيه ما احجي
تفل بوجهي و ضربني ويكول
هذا درس الج والي جاي اكثر من هيج طلع من الغرفه وطبك الباب جان اكو ضوه خفيف يجي من التيبللام
بقيت على وضعي و ملابسي كل قطعه بصفحه
صافنه على السكف و دموعي تنزل بقوه حتى صوت ما يطلع مني بقيت هواي على هذا الوضع
كمت اتلفت خاف احد يشوفني و اخذت موبايلي
رحت على رقم امي باوعتله وبجيت شكللها و شحجيلها شلون بيه اذا تعرف بلي صار تنجلط وتموت
كلبت بل ارقام حرت المن اكول المن اشكي ما الي غير
مياسه بس شلون احجي خاف تفضحني وما اصدك كلامي
بقيت افكر والوجع يزيد والنزف مستمر
الجو بارد كامت بطني تصل عليه و عضامي اطكطك منا برد ومنا الم
ما عند غير مياسه دست اتصال بقى يرن مره مرتين ماكو خلصت الدكه وهي ماكو
رجعت اتصلت بيها تاخرت يالله ردت
بصوت ناعس :الو ها عمري شتردين
:شهكت بصوت تعاليلي مياس جاي اموت والله
:صحصحت وحجت بخوف شبيج ولج ليش تبجين هسه اجيج انتضري
:تاخرت يله اجتني فتحت لباب
:شهكت بصوت عزاااا بعينج انشالله منو مسوي بيج هيج
:ما الي طاقه احجي بقيت ساكته ودموعي نشفن
تقربت مني و شافت الدم شهكت وخلت ايدها على صدرها
منو مسوي بيج هيج يمعزايه ولج احجي
:مياس مااكدر احجي الحكيلي راح اموت والله
لا يطلع الصبح و يشوفني احد بهل حاله
دموعها تجري و تلف بيه دخلتني للحمام وسبحتني جابت ملابس وفوطه نسائيه
كملت كلشي و راحت تركض جوه كعدت زوجها
اخذتني لجوه بل كوه امشي من شافني رضا هيج حالي تخبل ويسأل شبيه لا اني ولا مياسه جاوبت وصلت للسياره
بالف يا الله
بقيت اغفي مدري دوخه مدري نعاس وتعب
لحد ما وصلنا للمستشفى دخلوني لصالة الولاده كشفت عليه الدكتوره و شهكت الدكتوره

ولج امي شمسوين بيها للبنيه صاير عدها نزيف
بقت هي و مياس يحجن و مياس تشرحلها وتكللها عروس وهاي ليلتها
شام : لاااا دكتوره تعرضت للاغتصاب
مياس خزرتني
كملت كلامي وي الدكتوره كلتلها اريد تكتب تقرير لان كلشي يصير
دخلتني للصاله وخيطه الجرح و طلعت
بل كرسي المتحرك اجه رضا يركض يريد يفهم شنو بيه
ما ادري شكلتله مياس وسكت رجعنا للبيت الساعه ٤ ونص الفجر صعدتني مياسه للغرفه وطلعت اجتني مياس تسال شصار وشلون هيج صار وياج
درت وجهي وتغطيت ونمت حتى الدم ما نضفته
كعدت ثاني يوم بل ٥ العصر بقيت بل فراش جسمي مكسر و صافنه بل لا شيء بقيت هيج ما ادري شكد ودخلتلي مياس
ها شام شلون صرتي
برطمت وبجيت بصوت ( مو زينه مياس مو زينه جاي اموت ولج شكول ال اهلي انتهت حياتي لج لو ميته ولا هذا الصار )
تقربت مياس شبكتني وبجت وياي "احجيلي عليج بداعت امج منو سوه بيج هيج لج راح اتخبل الباب مال السطح مفتوح شلون انفتح ما ادري شلون ما حسينا ولج كليلي وريحيني منو ؟!"
"ما اكدر ما الي خلك احجي "
مياس سكتت عني بعد ما لحت هواي ومن شافت ماكو جواب راحت ورجعت دخلت وياها صينيه شوربه و خبز
مياسه (حاولت اخليها تاكل بس ابد ما تستجيب بس تبجي)
"حبيبتي شام اكلي مو زين عليج حتى تتقوين امج كلبت الدنيا عليج و ضال بالها يمج و ما تكدر تصعدلج و خواتج كل شوي يردن يصعدن ما خليتهن "
شام : شكلتيلهم و رضا يدري ؟
مياس : ولج يا يدري شكله بيا وجه احجيله لج هاي مصيبه ليش مستهانه بل امر شلون تحجين للدكتورة ما خفتي يسالها رضا شلون هيج تسوين واني احاول اركع الموضوع ويا واغطي عليج
بقيت ساكته لحد ما طلعت ما كمت ولا تحركت بقيت بمكاني
اجتني مياس تكلي اهلج كلهم انتبهوا لان ماكو ولج صخام بوجهج لا يحسون بيج انزلي جوه يمهم شويه
رديت "ما اكدر مياس والله مابيه حتى امشي "
مياس : تزقنبي وكومي حتى تتقوين و تلزمين روحج شوف الرجفه الي بجسمج لج موتيني لا تحجي وتريحيني ولا تشوفين اهلج ما تخافين لا يحسون ما تخافين يصعد احد ويشوف حالج
شام : كمت بيه ما بيه نفسيتي صفر وكلبي مغيم من القهر
ردت ادخل اسبح ما قبلت مياس اله تدخل وياي تساعدني طلعتلي ملابس و دخلتني جابت كرسي كعدتني عليه
من شالت ملابسي انصدمت بشكل جسمي وشهكت
مياس : يمه صخام بوجهي شصاير بيج البارحه ما انتبهت من الرهبه يمةةةة ولج احجيلي منو سوه بيج هيج راح اموت من القلق ولا اكدر اصعدلج شغل جوه كومه
احجيييي ولجججج موتينيييي
رديت "مهند " وبجيت
مياس : شهكت بصوت عزاااااا بعينه نشاللللللللله الصاقط الحيوان لييييييييش هييييييج ولج لاااااااااا ما اصدك شلون هيج يسوييييي بعرضه سود اللللللله وجهك يااااا مهند العار بسيطه اني اللللله بس يسطبرلي
شام : كلشي ما اريد بس لا احد يعرف ولج علاجي ما اخذته نوب لا يصخم وجهي بل زايد
مياس : اجيبه الج من نطلع راح عن بالي بس لا تحبلين ولج
شام : بجيت بقوه ولج ساعديني والله اذا احد عرف انذبح وما يصدكوني
اشششش اسم الله شوف شلون نحلها
كملت سبح طلعت اباوع بل مرايه ركبتي خريطه و حلكي مورم و طبع ايده على وجهي الله لا يوفقه الحقير
شام "مياس شلون انزل كلها تعرف والله "
ولج كلها تسال وينج شنكللهم كل ساع اطلعلج عذر بس بعد نزلي والله كريم خل اجيب كريم واجيج
راح جابت مكياج خفت كل الاثار بوجهي ولفيت الشال ونزلت بل كوه امشي

دخلت للصاله كلها التفتت ....................


يتبع..........

قصه جريئة لفتاة تتعرض للتحرش و.............

#بارت 2

....🥀🥀................................🥀🥀.....

أَشعُرُ بِقلبيِ
يتثاقل شَيئاً فشيئاً
مثل اسفَنُجَةٍ تَمُتصُْ المياه.

شام :كلها التفتت الي و المشيتي والشكلي الغير معتاد شكد ما غطيت بل مكياج مبين عليه وضعي مو طبيعي
عيوني الي تحجي الم والدمعه واكفه بيهم و وجهي التعبان ملامحي المبرطمه جسدي الهزيل بين يوم وليله هيج صار وضعي جسمي يرجف مشيتي متخاذله نفسيتي تعبانه
مكسورة انسرقت ابتسامتي حيويتي حبي للحياة كل هذا صار رماد بسبب واحد حقير سافل ميهمه غير نفسه سرق اعز شي تمتلكه البنت على الاطلاق اخذ شرفي لطخني بقذارته انسان مريض قذر ما اشوفه بشر من قبل استحقره واكره كرهي اله ما بي حدود
جان من بين الكاعدين يباوع بتشفي و شماتنه كانه مسوي انجاز وراح يجبرني ارضخ للامر الواقع و اخاف منه ما يدري فتح على نفسه باب جهنم
اباوعله وابتسامة النصر باينه على ملامحه ابتسامه خبيثه
بودي اكطعه اموته اتمنى اذبحه بيدي درت وجهي عنه لمن شفته تذكرت كل شي صار الدمعه رادت تنزل وامتنعت عن نزولها
السلام عليكم
كلها ردت وعليكم السلام ويسالوني شبيج ووينج
كلتلهم مريضه ومصخنه
عاد سكتوا عني شويه ويسولفون امي تحجي هي ونسوان عمامي و تباوع عليه جنها شكت بيه
دنكت راسي عنها وبقيت صافنه بينما كل البنات متجمعات بصفحه وحده ويسولفن ويضحكن وبيهن الي بل مطبخ تساعدهم بل طبخ
بقيت على حالتي لفتره و ندستني هديل بنت عمي
شام شبيج ولج ترى مكبره الموضوع هي صخونه عليمن صافنه خاف صايرلج شي بل مدرسه لبارحه مبيج شي
ابتسمت بقهر ورفعت راسي
شفت مهند هم ساكت ويباوع عليه ما ادري شنو الي يفكر بي وليش هيج يباوعلي
دنكت راسي والدوخه براسي اريد اصعد بس مياس كالت ابقى لان يشكون اكثر
بقيت كاعده و ساكته صاحتني امي ليمها ما كدرت اكوم بقت تخزر بيه وكل شوي تاشر اجيها
واني متوجعه و كل ما اتحرك الخياط يوجعني صاحت بصوت خلتهم كلهم يلتفتون اضطريت اكوم
كمت يمها و خطواتي بطيء واتلوا من الوجع وصلت يمها كرصتني ب زندي وجعتني وهي تهمس شبيج
من اصيح ليش ما تجين شبي وجهج اصفر
شام : غير مريضه
ماما : ما مرتاحتلج ابد

شام : سكتت عنها اذا ابقى اجادل تسويها سالفه عليه
فرشوا السفره و كلها كامت تشيل بل الصحون علمود يقدمون الاكل
امي ندستني اكوم وياهم اشيل الصحون كمت مجبوره بيه ما بيه واترنح بمشيتي
رحت للمطبخ شافتني مياس و شهكت شعندج كايمه ولج
شام : امي شكت بيه و تكلي اسوي وياكم
مياس : معليج روحي اكعدي
شام : زين على الاقل انطيني اخذ حاجه تبقى تحجي اذا ارجع فارغه
انطتني الخضره ب طاسه اخذتها وكوه امشي حتى هاي ما بيه اشيلها جانوا الشباب ياخذون الاكل يسفطوا بل سفره حتى ما ندنك ويطلع شي شياتين وكلها ملتمه
من دخلت للصاله جان مهند يصير كبالي اول ما شافني ابتسم وغمزلي
اخذ الخضره مني و لامس ايدي لمن اخذها قشعر جسمي من لمسته
مشه وهو يهمس اريد اعيد امجادي بيج تونست البارحه ومشى
كلت بكلبي ابن الكلب الله ياخذك انشالله اجينه من الموصل شاردين من داعش و نجاسته علساس عمامي يحتضنونا وما نضيع و نتشتت واحنا بس نسوان واخوي زغير وابوي تالي ابنهم العار يدنس شرفي و يقذرني و يغتصبني ب ابشع الاساليب
تقدمنا على الاكل كلنا نسوان وزلم العار تقصد يكعد كدامي ويسممني ما دام ناكل كل شوي يسوي حركه
لعبت نفسي من شكله وكمت كلها صاحت ها وين
شام : شبعت راح انام
ما اهتميت ل اي شي يعتقدوا بس اريد اعزل نفسي وما اشوف احد كرهت نفسي وجسمي وكل شي بل دنيا اتمنى اصرخ اشكي همي انام بس ماكو حتى منوم ما عندي
بقيت بغرفتي نزعت الشال وثوبي و اباوع بل مرايه واشهك بصوت مسموع ما اكدر اكبت اكثر
رحت قفله الغرفه حتى محد يدخل و اباوع ل جسمي الي علي اثار الي خلفها العار الكلب
بقيت بل غرفه لحد ما صعدت مياس بعد وقت طويل تسال عن حالي بل اول ما فتحت الباب ما اريد اشوف احد ولا اريد احجي هسه
بس اضطريت افتح لان هواي بقت تلح تالي دخلتها وقفلة الباب من جديد
بقت تحجي وتحاول اسولفلها الي صار بس روحي بخشمي ومن اقفل على شغله يعني انتهت بقت شويه يمي وطلعت
رحت على الباب قفلته ورجعت على الجربايه نمت وافكر بلي صار اووووووووووف ربي شلون ورطه شسوي بروحي انتحر حرام ابقى عدله انكشف و يذبحوني وتشتهر العائلة بقيت اخذها واجيبها
اني لازم اطلع من هذا البيت هل عار مستحيل يعوفني
بحالي لابد يرجع يتكرر الي صار صارت شغله عاديه عنده الجلب خلاني امام الامر الواقع شلون اروح اتوسل يزوجني

لااااا مستحيل اسوي هيج وانزل نفسي لهل مستوى الضحل
هه علساس اني شلونه مستواي هسه صرت بل خييييس ااااااااااااااااخ الله شسوي شلون بيه شسوي شسوي
بقيت اروح وارجع بل غرفه نسيت الخياط والوجع بقيت احوس والتفكير اكل مخي شسوي بحالي
كعدت بل كاع واضرب بنفسي خرطت خدودي ملخت شعري حتى ثوبي شكيته وكل هذا بس دموع تجري بهدوء وسكته ارررررييييد اشكككك اريد اكسسسسسر ارييييد اصررررخ راحت روحي
انكسررررت وكسرتي ما تنجبر انكسرررررت
رحت للمرايه بهمه واباوع لوجهي واحجي بقهر ودموع تجري
شااااام انتي وحده ضعيفه جبانه ما تعرفين تتصرفين انتي قذرة صرتي نكسه بنكاسته شلوووووووون سكتي عن كل الي سوااااا شلون ما لميتي عليه الدنيه
اااااااخ واذا المهم نفس الحاله منو يصدك اني ما الي ذنب اكيد ياخذون بكلامه و يعاقبوني الي ما ينضر كد شعره
شسويت بروحي لييييييش هييييييج ربيييييييي لييييييييييييييش هيييييييييييج

هنا تهسترت بقيت بكل قوتي اضرب بنفسي واصرخ بعلوووور حسي

ااااااااااخخخ ربييييي الصبرررررررر ليييييييييش بسسسسس انييييييي ليييييييييش ما نجدتني ليييييييييش ما سمعت انينييييييي وساعدتنييييي لييييييييييش هيييييييج قبلت بأأأأذذذذيتييييييييي لييييييييييش مو اسمك الرحمااااااااان مو انت الرحيييييييييييم لييييييييش تسمع بعبادك واذيتهمممممم و ما تنجدهم مو انت الرحييييم شلون تقبل يتأأأأذا عبدكككككك وهو يناااااااجييييييييييككك لييييييييييييشششششش اني ربييييي ليييييش اني الي يصير وياااي هييج اااخ ربييييي انوجعتتتتتت انكسررت
رراااااح كلشي ضااااااع
انتتتتت موووو تكووووول بكتااااااابك ادعوني استجبببببب لككم
ملخت روحي واضرب بيها شعري وجهي حتى ملازم وكتب كدامي شككتهم من حركه كلبي من صدك فرفحت روحي ما متعوده اسكت واضم بداخلي وبطبعي كلش حساسه اي شي اتحسس منه وابجي والي يضوجني انطيها اله بل وجه وأأذي هسه وجعتي بكلبي لا اكدر احجي ولا اكدر اسكت
تهسترت كلش حرت شسوي بنفسي اضرب بيها بلى وعي والباب تفلش عليه كلها تصيح وتريد تفهم شبيه بقوى يدكون الباب ابوي يصيح البنات عبالهم بيه شي ولو اني شنو الما بيه
***
مياس : صعدت على صوت صراخ شام اني اول وحده لان بالي يمها وكل شوي اصعد ف سمعتها كامت تصرخ خفت لا تسوي بروحها شي الله لا يوفقك مهند على هل عمله السوده الله لا يهنيك بعيشه

ادك الباب اريد تفتح ماكو دقايق وكلها التمت على الصوت و يردون يكسرون الباب ما ينكسر صاج و كلش قوي هواي حاولوا بي ما فاد حتى رادوا يكسرون القفل ما صار

راحوا ولد العم للسطح ونزلوا على البلكون وكسروا الجام و دخلوا عليها

شام : انكسر الشباك وفتحوا الباب اجه ابن عمي اخو مهند هو ومهند اجاني مهيمن يركض يريد يلزمني ويمنعني ماكو اخير شي شبكني بكل قوته حتى اهداء
بقيت اصرخ واريد يفلتني و ابجي بحركه وصرييييخ تهسترت الصارلي مو شويه
مهند فتح الباب و طبوا كلهم للغرفه امي اجتي تلهث و تكلي شبيج ولج شكووووو شصااااير
وابوي يدفعها عني من خوفها عبالها اكو شي بل غرفه
انكلب البيت كله على صراخي شبقيت شويه على هل وضع وسكتت و رخى جسمي كله و ما اذكر شصار
مياسه : كسورا الشباك و فتحوا الباب دخلنا مهند و مهيمن ثنينهم لازميها يردون يسيطرون عليها مدري منين اجتها كل هل قوه
من صدك خفت عليها وامها تصرخ عليها تريد تفهم اخير شي شوي شوي هدائت و تخربطت اخذها مهند من بين ادين مهيمن وركض بيها على الدرج وكبل للسياره
اخذوها بل مستشفى سولفنالهم الحاله
كالوا انهيار عصبي و اكيد متعرضه ل موقف اذاها حالتها نفسيه
شام : كعدت و الممرضه تخلي مغذي و تشكل بل كانونه اذتني كلش وما بيه احجي باد حيلي وتعببببببببببت من كلشي من صدك تعبببببببت دخل عليه بابا يباوع بخوف عليه ويكلي شبيج ابويه ليش هيج حالج سولفيلي
باوعت بعيونه وبرطمت تمنيت يحضني وانام على صدره و اذب كل همي وانسى ذيج الليلة السوده اتمنى ينمحي كلشي اتمنى لو ما موجوده بهذا الكون اتمنى واتمنى وتبقى بس امنيه وااااه ااااه يا حياتي الجايه الله اعلم شمضموملي اااااخ من هل دنيا
طلعوني و اصلا محد سالني بعد كلها ساكته مدري شعجب وعايفيني على راحتي اني بل اصل ما اجاوب و ساكته

صعدت للغرفه كبل نمت بسبب المهدئات و جريتها لثاني يوم ما كعدت اله .....

خلينا نتعرف على العائلة
بيت ابو محمد عائله جبيره ابو محمد عنده بس ٤ زلم كلهم مزوجين و كلمن كون عائلته لمن كثروا اشترى الحجي ابو محمد كاع جبيره و البيوت مال الاخوه واحد بصف الاخ و بيت الحجي هو الي يتجمعون بي كل خميس وجمعه جانت الكاع واسعه والبيوت كبار بل وسط حديقه جبيره

جانت امورهم الماديه ماشيه وعال العال شغلهم ممتاز و ولدهم وبناتهم كلهم متخرجين و متوضفين وحياتهم ماشيه
محمد الاخ الكبير يصير ابو ل ٢ شباب مهند و مهيمن
وبنات ٣ كبار ومزوجات ووحده اسمها هنا ممزوجه
و بيت سعد الثاني عنده ولد وبنات ٥ يعني ٣ بنات و ولدين
وبيت سمير الولد الثالث عنده ٣ بنات و٤ ولد
وخيرا ابو بطلتنا شام عايش بل موصل جان يدرس هناك وتعرف على ام شام وتزوجوا و عاشوا بل اول ببيت الحجي ابو محمد بس بسبب المشاكل والهوسه هم اول الي طلعوا من بيت الحجي واستقروا بل موصل بعد ما طلع نقل ابو شام للموصل
وبـ احداث داعش رجعوا لبيت الحجي ابو شام عنده ٤ بنات اكبر واحد وسام و سافر ل امريكا حتى ياخذ شهادة الطب ومن البنات الجبيره شام و٣ اصغر منها و ولد واحد اسمه احمد
اول ما دخلوا بغداد سكنوا ببيت الحجي والحجيه لان بس هما بي و جانوا الجناين والبنات يتناوبون على تنضيفه وترتيبه و اكثر اوقاتهم ببيت الحجي و بعد ما شرفوا عائلة شام للبيت صار يومهم كله بل بيت على اللمه والجمعه الحلوه

كان البيت ما يفرغ من الخطار والناس
سمعتهم طيبه بين الناس ما بيهم اي اذيه على اي شخص

يتبع .....

قصه جريئة لفتاة تتعرض للتحرش و.............

#بارت 3

....🥀🥀................................🥀🥀.....

لو كان لدي القدره على الصراخ لأيقظت المدينة كلها ، لكنت ايقظت العالم كله ، ولكن صوتي مات في داخلي...

شام كعدت الساعه ب ١٢ و الاكل اجه لعندي البنات كل شوي يجون يشوفوني شحتاج ويلحون عليه احجي ماكو اي كلمه ما تطلع مني بس ساكته واباوع بل عيون اني نفسي تعجبت ليش هيج ما احجي ليش ساكته وصافنه
احس لساني مربط بقيت هيج ما احجي ولا انزل جوه ابد ابددد ولا اشوف طولي ل اي شخص حتى المدرسه تركتها واني السنه سادس علمي بس ما الي خلك للدراسه وضعي تعب حيل تازمت حالتي و نفسيتي تعبت كل الي بل بيت يسال عليه و يداريني واني ابعد بيهم قدر المستطاع
ما اريد كل واحد ابتعدت ابتعاد كلي عزلت نفسي بغرفتي مهند بعد ما التقيت بي ولا شفته ابد
مياسه هواي حاولت اسولفلها على الي صار وليش هيج سوا بيه بس ما عند القدره اشرح و اخذ وانطي بل كلام صرت مثل اي حاجه من الاثاث بس نايمه و صافنه تلفزيون ابد ما اشغله قبل روحي بل مسلسلات و الموبايل هسه ابد ما اتابع والموبايل يخلص شحن وحده و ارجع اشحنه
اكثر شي اباوع من الشباك بس البليل ابقى رافعه راسي للسما و اباوع واناجي ربي مرات ابجي واصفن
صارت حياتي خالية من كلشي بااااارده مثل برود الثلج معانيي خاليه من الحياة مثل الميته جثه بلى روح
مر ٣٠ يوم ضبط على الحادث
مثل كل ليله افتح الشباك و اناجي ربي واشكيله اوجاع روحي اريد انسى صارت مثل الحاله النفسيه عندي كل شوي افز على اقل صوت حتى مرات بدون صوت اكمز واخاف وابجي
جاي اباوع للسما واشكي حالي و حياتي الي ما اعرف شلون ضاعت من ايديني دموعي تنزل بحراره
ما اعرف شلون نزلت عيوني وصديت على الحديقه و اشوف مهند بل حديقه رافع راسه ويباوع عليه نضرته ما فسرتها شفقه لو ندم
سديت الشباك والبرده بسرعه من شفته الليل ما نمت رجعت اتخيل همساته ولمساته الجسمي وشلون نهش لحمي مثل الحيوان
ب الف يا الله نمت
الصبح اجتني مياس خلت الريوك و رادت تطلع
صحت وراها
شام : مياس
هااا
مهند هم يجي ؟؟
ها لا ايي

شنو لا شنو اي
والله تردين الصدك يجي من الدوام كبل هنا
امممم
شعندج ويا
هه شعندي ويا ؟؟ اخخخخ الله صرت اني ادور واسال عليه روحي يابه روحي وسدي الباب وراج
طلعت كمت ما اشتهي من سمعت بسيرته هل عار الله ياخذه ويخلصني منه
اووو الله شياخذه اني شيخلصني من هل عار اذا ولى
الله ياخذك يا مهند بجاه كل من عنده جاه
رحت وكفت كدام المرايه واسولف وي نفسي عندي عاده من جنت زغيره اباوع بل مرايه واحجي كلشي بداخلي
اشكي النفسي شلون صارت حياتي شلون طفت ابتسامتي الي جانت ما تفارك وجهي شقاوتي الي ضاعت جنت من انزل جوه اكلب الجو عليهم بل شقى والضحك
العب وعايشه حياتي ما يهمني شي غير اللعب و الضحك والنوم والدراسه اخر همي ااااه يا دنيتي شلون كلبتي عليه هيج شلون تغير وضعي ااااه بس لو تعود ذيج الايام
اعض اصبعي ندم وحسراتي كل شويه اجرها اااه يا حياتي الي تلونت بل اسود طغى السواد على كل معالم روحي ونفسي
نفسيتي تعبت من الحبسه هنا الباب ليل نهار اقفله راح يصير بيه توحد
اكره نفسي اي شخص يطخ بيه اكمز واخاف وين جنت ووين صرت حياتي تحطمت بسبب غشاء بسبب وحشية ابن عم عار كلشي انتهى بذيج الليله السوده كلشي تحطم
كرهت نفسي كرهت الدنيا اعتزلت عن كل العالم ولا همني الي يكولونه عليه حتى امي ما شايفتها
معقوله ما سالت شبيه؟ ليش ما تعرف البيه شنو ؟ اتمنى انام بحضنها واشكيلها اذيتي اتمنى اموت الي كان السبب 'اتمنى يتعذب مثل عذابي
دموعي مو راضيه تسكت يوميه ابجي واذكر الي صار وياي
حتى ربي ابتعدت عنه بس بل دعاء اتوسله حتى صلاه كطعتها الحياة مو الي دنست شرف اهلي جبتلهم العار ياريت اموت واخلص ياريت
ليل مع نهار اني بفراشي ما اطلع بس للحمام جدي يسال بيبيتي تسال كلها تريد تعرف البيه بس ما يتسولف
رجعت نمت العصر و كعدت المغرب عركانه تحلمت حلم مرعب كانو ذيج اليله تكررت عليه
طلعت للحمام اذب على نفسي مي و ابجي و نفسي يصعد وينزل بسرعه
كملت و طلعت من الحمام كبل للغرفه اول ما فتت انصدمت بوجود مهند بيها جاي اركض واطلع بسرعه لزمني
وقفل الباب بقيت ارجف خوف وبرد ودموعي تنزل
وهو واكف كبالي بس يباوع عليه
ما ادري شبي بقى شويه وطلع اول ما طلع سديت الباب
واسال نفسي شبي هيج طلع حتى ما حجه شي ؟

رجعت لمكاني رحت للجرار طلعت حبوب اريد شي ينومني ما اريد اصحى اريد بس انام
لكيت حبوب هما مو منوم بس جنت اشربهم وكبل انام اخذت حبايه مشطت شعري ولفيت نفسي بل غطى ونمت

كعدت ساعه ٤ العصر على دكت الباب بقوه رحت اركض فتحتها جانت مياس و ابوي وجدي باوعتلهم بخوف من دكت الباب
جدي : شبيج ما تفتحين الباب وين جنتي من الصبح ولسه احنا ندك بل باب وماكو ضل بالنا عليج
بابا : انتي بس فهميني ليش تقفلين الباب وتنامين هااا موتينا من الخوف يوميه هبطه شكووووو ما تكلييييلي
جان بابا عصبي ويصيح ويحجي جدي يهدي بي و مياس تكلي انزلي جوه خل نشوف طولج موتيهم خوف عليج خطيه وحرام عليج
هسه اغسل واجي
ابوي مستمر يعيط ويرزل بعده النوم بعيوني ما اهتميت رحت اغسل وعفته يحجي مدري شبلاني ووخرت اجاني يركض يريد يضربني شلون اعوفه يحجي اجه جدي لزمه ووخره من عندي هو هم نزل وعافني
لحكتني مياس للحمام وتحجي عليه وتكلي نزلي
شام : ما انزل ما تشوفين هذا الحقير اربعه وعشرين ساعه هنا ما اريد اشوفه وعوفوني شتردون مني مطموره شكوووووو شصااااار يعني مااااا اريد اشووووووووف احد هي كوووووووه والله موتوووووووووني خنكتوووووونييي الله اكبررررر
رحت للغرفه لبست ثوب لان جنت بل تراك نزلت الجوه على عمه عيوني و ضايجه طالعه روحي كلها ترزل وتصيح عليه خو امي تلكتني واني على الدرج تغلط وتصيح عليه موتتتني والله
كل شويه تجي تذب حجايه
امي : شبيج مطهر ما تنزلين عروس لو تخافين يوكع الطفل مووووووتتتتتيني وللللللج كلبه ادز علييييج ليش ما تنزليييييين هااااا ولججج راح انجلللللط منج شبييييييج حاببببسسسسه روحج بل غرففففه وما تنزلللللليييين هاااااا ترىىى مووووتتتتيييييننننيي منج تعبببببتتت ادز عليج يوميه وما تنزلين وما تحجين شوووو لابسسسسه الوضع انتي لا عندج احترام لا تسمعييين الكلام شنو طينتج من اجينه هنا طلعتتتت عيييينج ولج بربووووو.....ك
اخخخخ يلعايقه اني اعلمج مرمرتيني من ذاك اليوم ولهل يوم اني اعلمج اصطبرررريلي يا شااااام اذا ما اطيحححح حضج فلا اطلع بت اميييي
بت ال اخخخ يلساني مو تدريييين ما اكدرررر اصعد الج ما تنزززززززللللليييين من ادز عللللللييييج والللللله اطلع الدلال من عينج
شام : تولتني ضرب وغلط و صياح شبعتني راجديات و ضرب بيبيتي ادفع بيها و مياس

ما كدرولها واني اصلا ما وخرت عاااادييي مستقبله الامر برحابت صدر احس نفسي قذره واستاهل كلشي يصير وياي اتمنى تكتلني خلاص وتخلصني من عذاب الضمير تعبت كلششش من الحياة فقدت الامل بكلشي
دخل عمي و ولده مهند و مهيمن و ابوي ولا وصل بس يباوع عليه لان طالعه روحه مني و عمتي جانت هنا هم توخر ب امي مني صارت هوسه
واني ولا يمي نضراتي مييييته و لا همني اي شي عبالك اتفرج فلم ولا حجيت ولا فتحت حلكي
ما دام هما يدفعون بيها ويهدون وهي تسكت وترجع عليه اجا مهند لزم ايدي ويدفع بيه فوك حتى اصعد دفعت ايده بكل قوتي
شام : ولللللللللللييييي منييييي معلللللللليك بييييييييه لاااااا تلمسنيييي قذذذذذذررررر
ادفع بيه واضربه على صدره بكل قوتي
اجا ابوي يغلط ويصيح هد عليه شلون اغلط على سيادة المحامي مهند الكلللللب العااااار
ابوي هم تولاني كفخات قبل من يضربوني أتأثر واتحسس خصوصا اذا كدام احد هسه البيت كله موجود و كلها تتفرج عليهم وناس ادافع
واني ولا همني ولا اتحركت مشاعري بس همني مهند اريد اكله بسنوني لو بيدي اموته والله ضربته بكل قوتي وتفلت عليه ما همني ابوي الي يكتلني لو عمي وجدي الي يكرهون تصرفي وياخذون عليه نضره انو ما عندي تربيه
بابا يصيح و مهند مخليني ورا ويحاول يوخره مني ابوي تخبل عليه كلش
محد كدر يدفعه مني دماني ادمي خشمي حلكي و جهي كله انترس دم يضربني بكل قوته ويغلط ويسب بيه ابد ما يقبل اتجاوز حدودي وي اي شخص دائما يعلمني على الادب والاحترام يكلي اريد اتباها بيج كدامهم كلهم انتي جبيرتي واريد دلالي وتعبي ما يضيع تالي بسبب واحد حقير كسرت كل قواعد الادب وكدام ابويه
صار يضربني بوكسيات ومن يبعدونه عني شكو بيده يشمره عليه عمو ما ادخل وطلع ما اعرف لان ابوي تجاهلهم وهم يحاولون يبعدوا عني او بسبب تصرفي وي ابنه العار
لمن تعب وفحط من الضرب والصياح عليه يالله وخر مني اني جنت يم الدرج كبل صعدت والي يصير يصير شيريدون منييي موتوني
كبل للغرفه قفلتها كعدت ورا الباب صااااافنه و الدم يجري من خشمي وحلكي مسحته بل ثوب ونزعت الثوب احتريت جنت لابسه التراك صيفي جواهم نزعتها وامسح بيها
بقيت لمده طويله هيج كاعده وصافنه حتى ما بجيت تعببببت حتى من البجي تعبت من الشكوى لله والدعاء اله كل شي تعبني
نمت واني بصف الباب بعدها دوخة الحبوب بجسمي و رجفه بيه نمت ورا الباب
غفيت وكعدت على دكه الباب
شام : منو
مياس : اني فتحي الباب
فتحته دخلت تباوعلي وعيونها مدمعه شبكتني وبجت

ليييش هيج شام تسوين بروحج ابوج تخربط و حرنا بي امج فرفحت اخواتج يبجون ليش هيج تسوين
بقيت ساكته وخرت مني و تكوم بيه اغسل
شام : مياس عوفيني الله عليج كلشي ما اريد بس اطلعي
مياس : زين على الاقل غسلي وجهج واكلي شي
شام : كلشي ما اريد اطلعي منا
جبرتني اغسل حتى اكل رحت للحمام غسلت و دخلت للغرفه هم شربت من الحبوب تقريب الساعه ب ٨ البليل ونمت نومه اهل الكهف صار النوم هو ملجأ الي
عايشه على الهامش حياتي و نفسيتي وكلشييي حلو ضاع مني حتى اهلي احس نفسي خسرتهم البجي تعب عيوني والنوم سطرني سطر يا دوب اطب اسبح او اكل

كلشي رررراح كلشييييي انتهى

اشتاق لنفسي القديمه التي لم تكن تبالي بشيء ..!!

يتبع.......

قصه جريئة لفتاة تتعرض للتحرش و.............

#بارت 4

....🥀🥀................................🥀🥀.....

"موت وحيد"

ماذا لو نمتُ ولم استيقظ ؟ يآه ، سوف يكون احتضاراً رائعاً ، كلا لن يكون مخيفًا ان تنام ولا تستيقظ ، أظن ان الامر مريح اكثر ، ستموت بسلام ، بلا عذاب ولا مستشفيات ، حسناً دعونا من الموت ، ماذا عن غيبوبه طويله ؟ لعشرين سنه ربما ؟ ساستيقظ وانا في منتصف الثلاثينيات ، سأكون قد خسرت وزنًا بالأضافه انني نضجت ، لكن الاطباء سوف يفقدون الامل في العشر سنوات الاولى ، لذا سينتهي بي المطاف ميتاً أيضا ، اذا ماذا عن فقدان للذاكرة ؟ أفقد الذاكرة تماما ، بالاضافة للشعور ، لكني اريد الأحتفاظ ببعض المهارات ، سيحرص الجميع على ان يبني لي ذكريات جميلة لذا سيخيل لي ان حياتي رائعه ، حسناً ممكن ان استعيد الذاكرة ، ماذا عن مرض نفسي مزمن ، كإنفصام الشخصية مثلًا ؟ كلا سيكون متعبا لي وهذا سيزيد الامر سوءاً ، اظن انني اريد العودة للخيار الاول ...

أسوأ نومه نمتها بحياتي هي اول نومه بعد ما فقدت اهلي وحبهم الي فقدت حنانهم حسيت فقدت كل الدفو بحياتي غمضت عيني بعد ما بجيت بفراشي لوقت طوييييل خلصت طاقتي واستسلمت للنوم ، ومن كعدت ما جنت اعرف شلون نمت اصلاً ، وجان عبالي كلشي صار البارحه حلم ... توقعت اكعد اشوف حياتي القديمة... جانت أسوأ لحضه لمن تاكدت هذا مو حلم هذا واقعي المرير المؤلم و انه فعلًا هذا واقع بعد ما موجوده الراحه بحياتي
تكسر جسمي من النوم صفاحي تشنجت لان ما احركهم جسمي ضعفاااان و وجهي باهت بلى الوان الحياة اكو جبل على صدري اريد اتخلص منه اريد ينزاح ... من غير تأنيب الضمير الي اشعر بيه و كره لنفسي كره للدنيا كره للناس كره لكلشي... عذااااب الوحدة يقتل ...
عذاب الخسران مؤلم ... شي يوجع لمن فقدت شرفي ... الي هواي راحوا ضحيته بنات و عوائلهم الي تدمرت بعدهم ... محد يعذر لبنيه حتى وان كان ما الها اي ذنب ... تحمل ذنب ضعفها و ذنب وحشية الولد ... هي ينحكم عليها بل موت و العار الي يلاحقها بعد موتها ويلاحق اهلها ... وهو يعيش حياته وينسى الي صار ...

يتزوج يكون عائله ... يعيش مرتاح وهي حتى بكبرها وموتتها ما ترتاح ... حتى بعد ما تموت ياكلون بيها بل حجي ويعذبونها بقبرها ... ظلم جبروت طغيااان ... ماكو عدل ... غير يم الباري ماكو راحه غير يم الرحيم ... اتمنى يرأف بحالي وياخذني يمه قبل لا ينكشف كل شي ....

كمت لحيلي و عندي فكره براسي لازم اسويها و ما اخلي عاري يلاحقهم مدى الحياة ... ما اخليهم علج بحلك الناس ... افضل شي هو انهاء حياتي ... المن باقيه عايشه ... مصير مجهول مستقبل ضايع حياة راحت ...

اهلي اذووووني ...كل هذا يدك بعقلي وكلبي ... اذوني و ما عرفوا علتي ما احتضنوني ب وقت اني ب اشد الحاجه الهم ... بدل ما يعرفون شنو البيه ... ضربوني عذبوني اهانو كرامتي ... هذا هو الى هنا واخلي النقط على الحروف
الى هنا وانهي عذابي و حياتي وكلشي يروح ويندفن وياي ... رب انت اعلم بحالي لا تعذبني ... احتويني انت ... اخذ حقي واني يمك ...
طلعت من الغرفه كبل للحمام ... قفلة الباب ... دورت بل ادوات شفت موس مال حلاقه ... اخذته ودموعي تجري بقوه و ادعي ربي يرحمني و ما يعذبني ... يمكن لحضه غباء بس ماكو اي طريقه ثانيه ..

كصيت الشريان الي ب ايدي تجري وابجي لحضات و كلشي انتهى صار النفس اجره بصعوبه وعيوني تغوشي... اتشاهدت وووو ....

مياس : رحت كبل على غرفه شام بعدها مقفوله ... دكيت الباب ماكو كلت بعدها نايمه ... كل شوي اصعد ... اشوفها وادك وماكو اخاف اكول ل اهلها و يتخبلون مثل البارحه ...كلش خفت عليها ...
صحت على زوجي وسولفتله هو جان شاك بل امر لمن اخذتها للدكتوره النسائية والفجر ف هو شك بس كلتله شغله نسائيه عاد اقتنع لا ما ادري المهم. سكت بس بعد كل هاي الاحداث كام يسال ويشك ب وجود شي ... كلتله البنيه ما تفتح الباب شسوي
صعد وياي لفوك لكيت الباب مفتوح كيفت رحت اشوفها اكيد بل حمام ... دكيت الباب مره مرتين ماكو ما ترد كمت اصرخ كلها اجتي لفوك كسرنا الباب و لكيتها غركانه بدمها تهسترت واصرخ بعلو صوتي
جانت فاقده اكيد ماتت ... البيت كله انكلب عليها و حتى عمامي كلهم اجوي لهنا ... شالوها للمستشفى ... و كلها تصارخ وتبجي ما خلونا نروح وياها بس بيبي و امها راحت ... بقينا نخابر عليهم وماكو محد يشيله لمن اجه مهند من الدوام ... يسال شكو البنات سولفن اله تخبل وراح يركض للمستشفى ...

احتار يدور بل مستشفيات القريبه لحد ما لكاهم ... نخابر عليه لل ٢ احنا حالتنا حاله اخواتها الصغار يبجون و تخبلن من شافن الدم ... وكعدن على الصراخ ... كلها تحجي على ابوها وامها ويكولون ضيعوا البنيه ... وهي مراهقته خطيه ... عمتي تفرفح عليها ... جانت مثل الورده تفتر و تضحك وتشاقه محد خلصان منها

من تنزل جوه حتى الجهال تسويهم طشار و تضحك وتكركر وتلعب ولا جنها بنيه شابه حركاتها كلها شقاوه ومرح ... من يوم الي صار وياها ولسه هي طفت ... ما شفت ضحكتها كلها اتنبهت الحالها وامها عبالها تدلع لان ماكو شي ... وما تتوقع ابن عمها العار يفعل بيها هيج ... يا هو الي يسالها تكله دلع بنات ... شكد جانت تضحك و تلعب شكد ما هي حساسه ... اي شي بيجيها واي شي يضحكها ...
خابرت مهند ٥ مرات يالله رد اول ما رد صعدت فوك طيحت حضه واصرخ وابجي وادعي عليه وهو ساكت يدري بروحه مذنب ... كلتله ذنبها بركبتك ليوم الدين على سوايتك وياها الله لا يهنيك ولا تشوف راحه عذبتها مرمرتها الله لا يهنيييييييييييك يااااا عااااار هيييييج هيييي هييييج مثل الحيوان همك غريزتك الحيوانيه الله يااااااخذك لك بت عمكككك بت عمككك هيييج تنتهك عرضكككك لييييش وللللك بنات اليل تارسات الدنيا اذا هيج انت ميتتتت حتى تشبع غريزتكككك

حيوووووووون واللهـ الحيوووووان احسن منككم يااا عاااار الزلم ولو انت لو زلمه ما تسوي سوايتكككك ببت عمك
قفلت الخط حتى ما سالته عن حالتها جان ادور واشوف نور اختها صف ثاني متوسط واكفه ودموعها تجري الضاهر سمعت الكلام اجتني تركض وتسال
منو منوووو اعتدى عليها منووو ياااهو من ولد عمووو هااا منووو وشوكتتتتت لييييش ما كلتولي والله اموته والله افضحه والله
مياس : كوه سكتتها لا يجي احد ويسمع بالف يا الله قنعت ما تحجي وكلتلها اختج تروح بيها والله و تدمر عائلتكم بس تحجين حتى انتي وخواتج تتلطخن و ما يدكون بابكم ابددد
نور : ما احجي والله بس كليلي منو اعتدى عليها
مياس : ولج اششششش شورطني و حجيت انتي شنو شو تحجيها تررررس حلكج اشششششش لا احد يسمع وننفضح
مهند مهند بس اسكتييي يله امشي لا يصعد احد واذا تحجي والله امووووتج فتهمتي
نور : شنو شايفتني زعطوطه واحجي
مياسه: العفوووو عمييي لعفووو ماااا قصدت بس امشيييي
نزلت لجوه و خابرت على زوجي كال زينه و فاقده دم هواي وخلولها دم و بعدها بل مستشفى
تدرين لو باقيه اكثر من هيج ما تعيش اكثر تموت حتى نبضها ضعيف الله لطف و ما راحت من اديهم
بقوا بل مستشفى لحد ثاني يوم طلعوها و جابوها للبيت رادوا يخلوها جوه بس ما قبلت اله بل غرفه الفوك
صعدناها جانت ما تحجي اله قليل واهلها ما حاجوها بعد بالهم كله يمهم جدي كال الصار ما يطلع برى البيت افتهمتوا الناس الها الضاهر ما يكولون انتحرت بسبب اهلها واحد يطلع حجي عليها فسدوا الموضوع احسن
كلها سكتت و كلمن راح البيته بعد ما اطمنوا عليها و كل شويه احد يصعد يمها ما خليناها الوحدها نخاف لا ينعاد الي صار
مهند بعد ما عرف اني ادري بي هو الي اعتدى عليها بعد ما شوفني وجهه وما يجي لبيت جدي ابد
بعد مرور اسبوع على محاولة انتحار شام
مياس : صارت مناسبة وكلها راحت بقينا بس اني و شام و نور
البيت فرغ و البيوت الباقيه كلمن ساد بابه والي رايح للعرس مال ابن عم جدي ناس ماخذه من ناس ف اقاربنا كلش
كلها راحت كملنا تنضيف و قفلة الابواب و صعدنا الشام حتى تسولف الي صار اني ونور تقصدنا نبقى بل بيت علمود نفهم السالفة منها
دخلنا وياها نسولف و نضحك نريد نغيرلها جو لان بس بل غرفه و صايره كائيبه لا تضحك لا تسولف الي صار وياها ما يسولف ولا ينحجي و مهند العار على كولة شام
نوعًا ما مطمن لان الحجي بس بين النسوان فـ هو عادي ما سوه اي رد فعل
حجينا وياها
نور : شام اني اعرف بكل الي صار وياج واعرف مهند اعتدى عليج واعرف انتي انتحرتي مو بسبب بابا لان ضربج
سولفي فضفضي النا لا تبقين هيج كابته كل الالم بداخلج شلون هيج سكتي اله وما فضحتي شلوووون فهميني شنو الي صار وخلا يتقربلج يجوز تعتبريني صغيره وما افهم بس كلشي اعرف
واله اكو سبب ل اعتدائه عليج مهند ما عند سوالف مكسره شمعنى انتي
شام : خليت ايدي على وجهي وشهكت بصوت اتمنى ابجي حتى البجي صار مو بسهولة عندي كلشي مات بداخلي حتى احساسي مات
اسولف والله كلشي احجي لان اني هم تعبت اتمنى ينزاح هذا الحمل الي صاعد على انفاسي.........

يتبع ......

قصه جريئة لفتاة تتعرض للتحرش و.............


#بارت 5

أشعر ان بداخلي كانت مدينة مليئه بل حياة ، وفجأة اصبحت مدينة خالية من جميع اشكال الحياة والتخلي عنهم ، اشعر انني فارغ وخالي من الداخل ...



شام : بديت احجي كلشي بل حرف الواحد .....
من دخل داعش الموصل جدي ما قبل نطول اكثر من هيج بل موصل خابر ابوي كله جيب عايلتك وتعال ببيتي فارغ محد بي بس مياس بت عمتي وزوجها الي هو رضا ابن عمي
ابوي بسرعه اخذنا وطلعنا من الموصل بالف يا الله والسيطرات و العساكر
الطريق جان متعب ولازمين كلوبنا بأدينا من الخوف بس الحمد لله عدت ورجعنا لبغداد بعد غيابنا عنها
دخلنا لبيت جدي الغروب كل العائلة متجمعه ومنتضرين وصولنا رحبوا بينا و قدموا العشه وكعدنا سوالف وضحك
اني متت تعب من الطريق عفتهم و دخلت يم مياس بت عمي من جنت زغيره واجي لهنا امضي كل وقتي يم مياس دائما بيناتنا اتصال ابد ما منقطعين
رحت يمها
شام : مياس متتتتت تعب اريد انام طالعين من الفجريات وما نايمه اريد فراش
مياس : صعدي فوك نامي انتي وخواتج حضرنالكم غرفه
اخذت خواتي و نمنا كعدت الفجر شبعانه نوم وصوت العصافير يرن ب اذني حلالي الجو واني اباوع من الشباك اكو دجاج بل حديقه والديج صرعنا بصياحه
اخذت موبايلي ونزلت اركض ادور على القفل ماكو بقيت ابحوش لحد ما لكيته مخلي على الكاونتر
اخذته وطلعت بل حديقه لبست نعال وطلعت مفرعه بدون حجاب افتر واصور بل حديقه والفجر حلوووو احب هيج جو بحيث جنت دائما انام من وكت في سبيل اكعد الفجر واشوف الجو
حتى الديج صورته و اركض ورا وهو انكرص 😁
اضحك علي واركض لازمه عوده ما احس اله صوت وراي يضحك
التفتت واشوف مهند خانك الضحكه ويصور بيه
رحت يمه
شام : امسح التصوير يله وهسه كدامي
مهند: ما امسحه اريد اشوفه لجدي مجلبلي بيج مرتك ومرتك خلي يشوفها شلونها
بس تدرين شكلج يخرب ضحك مدري شلون لزمت نفسي و صبرت وصورتج مره وشطولج وتركضين ورى الديج صدك جذب
شام : وانت شعليك شحارك دمك هااا ويله امسح التصويرررر شمكعدك من صباحيات الله مدكلي
مهند : انتي شعليييج
شام : اننننننننننننننن شكد دمك خفيف
يله امسح التصوير

مهند : ما امسحه شسوين سوي
شام : خلي عندك
مشيت عنه مسافه ضوجني حييييل شكو يصور كبررر كون امشي وادردم وي روحي اكو بل حديقه حجر واني امشي عثرت بي ووكعت على وجهي
اجاني يركض يكوم بيه ويكول
ثولللل اييي والله ثول شبيج رب الحلو عميه خوما عميه
شام : اله شويه ابجي من الفشله والقهر حيل انغثيت منه ما حجيت ابد
مهند : يله لا تبجين اشاقه وياج بس مره ثانيه انتبهي
راد يروح صحت ورا
شام : مهند حباب امسح التصوير
هز راسه ومشى
دخلت للبيت سويت لنفسي بيض و كعدت اتريك
مياس : صبااااح الخيررر هاي اول مره اشوف خطار يريك بنفسه
شام : صباح العسلللل عادي حبيبتي اني مو خطار بيت جدي ما استحي بعد راح اكابلج واكعد ياااااااي والله متحمسه لحياتي الجديدة
بس تدرين من اذكر الشله مالتي فد انقهر لان تفاكنه كل وحده صارت بجهه اوووف هم يجي يوم ونرجع نلتم سوه
مياس : والله اني هم متحمسه لوجودج هنا و بعدين شنو اني مو بعينج اعوضج عن الشله كلها اني مياسه والاجر على الله

شام : والنعم منج انسه مياسه .............

جدي وبيبيتي يحبوني كلش و عمي ابو مهند من جنا صغار وهو يصيح شام المهند ف بيبيتي مكيفه بهذا الشي هي وجدو كل ما يجي يضلون يباوعون و يتنادسون اني اتخبل من هاي الشغله اصلا مهند ابد ما افكر بي ولا اتخيل بيوم يصير اليه لو نتزوج دائما جنت ابعد هل فكره عن بالي
جانت احلامي مو مثل البنات احلم بفارس الاحلام او الزواج اني من جنت صغيره اكره طاري الزواج و ما اريد ازوج ادور حريتي واتخرج بكليه عاليه واسافر و اشتغل واكون نفسي هواي اخطط لمستقبلي شلون حيكون و شألبس واشتري سياره واستقل بكلشي ما اريد ارتبط
برجال ويتحكم بيه ويصرف عليه و يحكم حركاتي و طلعاتي اريد حريه اريد ادرس اتعلم اتثقف ما اريد ارتبط ب اطفال واطبخ و انتضر الطبخه تصير واقدمها اريد اكون سيدة نفسي اميرة زماني بالي صافي حياتي حلوه وابنيها مثل ما يعجبني اكره احد يتحكم بيه
بس ادرس راح يكون طريقي لكل شي احبه واطمح اله استقل ماديا معنويا نفسيا
جان حلمي اسافر لبلدان هووواي واطلع على ثقافة الشعوب واتعلم اشياء غير الي نتعلمها من طبخ ومعاملة الزوج و تربية اطفال اني اعرف نفسي ما اتحمل مسؤولية ابد ولا اطيق اصير بيوم ماما واسحل بطفل ابد متخطر السالفه ببالي واكره الاطفاااال بشكل مبالغ واكره يكونون الي او يدللون عليه بس احب العب وياهم و. اضوجهم لو اكتلهم استمتع حيل

ف من يحجون هيج بيبيتي وجدي تلعب نفسي يصير عندي مغص وخوف انو انجبر ب مهند لان ابن عمي ومستحيل ابوي يرده وما ينطيني
استمرت هل حاله لفتره لحد ما خلوا يتنبهلي و يفرض نفسه عليه من هل لحضه بديت اكره اتخبل من شخص يفرض نفسه عليه كمت اكره اكره صوته اكره اليوم الي يكون متواجد بيناتنه
جنت انطي وازوي كل حجايه ولا الثانيه تجاوزت حدودي وياي حيل وغلطت عليه وهو زاد بمعاملته الي اكرها
فد يوم ابوي وامي طلعوا و بقيت يم جدي ف هما يردون نتقرب لبعض جدي روح و خابر مهند
جدي : الو مهند تعال جدو اليوم يمي مرتك واهلها ماهم تعال سولف وياها اكعد و تقربوا انت بحكم خطيبها واني اخطبها الك من ابوها
(جان كل همه ما نطلع للغريب ويخطب بكيفه خله الفكره براس الولد )
تنرفزت كلش بس ما حجيت اجه مهند و لزك وين ما اروح وراي
جنت اسوي جاي لجدي ما احس اله واحد لازمني من خصري
ويهمس : شتاقيتلج شامتي شوكت تحنين عليه وتعامليني نفس الكل و ......
شام : اتفتت عليه بسرعه ومن خوفي و الكمزه تخبلت من حركته كبل تفلت عليه
تففففففف عليييييك يا عااااار اني الك اذا ما اكول ل بابا اخلي يطيح حضك بسييييييطه بس هو مو صوجك صوج جدي الي مأمن بيك و عباله ادمي هو انت حتى كرامه ما عندك شكد ما اصدك تزييييد وين الكررررامه ويييين الرجولللله
لك والله انت ناقص رجوله وشرف اللللللله ياخذك يا حيوان بس يجي ابوي واخلي يعلمك شلون تدنه نفسك على بت عمك شكد خسييييس
ما خليته يحجي حجيت كل الي بكلبي و
دفعته وركضت لغرفتي بس هو شنو عيونه صارت ناااار من العصبيه بس لان احجي بصوت انفعلت سكت واله بس يحجي الم البيت عليه واخزي
بعد يومين جنه نتغدى دخل بس ما يباوع الوجهي مبين بعده ضايج
كلت بكلبي وضوجتهم عسااااك لا رضيت
كمت من الاكل
صاحت امي ويييين شو ما اكلتي
شام : انسدت نفسي ما اريد
ما التفتت ابد كبل رحت يم مياس بغرفتها
مر ٣ اسابيع و ما شايفته ارتاحيت بلكي حس على روحه و صحى على كرامته الي مسح بيها الارض بس بعدين اكتشفت انو بعده مصر
فد يوم طلعت للحديقه كعدت العب اني والجهال واركض وراهم و حتى غميضان العب 😁وياهم ما اخلي شي بنفسي ما عندي جبيره وعيب لا اهم شي اتونس ضاربه الدنيا بعرض الحايط
اركض واضحك و اصيح و اغني كلشي اسوي المهم اسعد نفسي ونوب هنا مو مثل بل موصل عشيره مال جهااال كووومه جنهم نمل من اجيهم كلهم يصيحون و حبوني و يلعبون وياي بحيث اذا يطلعون عصريه يجون عليه العب وياهم وما اكول لا كبل انزل يمهم ومرات اطيح حضهم واضربهم بس هما ولا كأنو لا مشاعر ولا احساس خصوصا الوالد البنات مرات يزعلن مرات لا همهم العبهم واقودهم عود لان الجبيره بينهم يحبوني الوحيده الي قربتهم ولعبتهم

صح اكرهم و اكره تنعوصهم مثل ما كلت سابقًا بس يعني احبهم لغرض اللعب و لشكلهم اما تربيه و البس واداري هااااي مستحيل عندي خصوصا اذا يبجي يمااااي بودي اكطعه
جنت العب وياهم الوان الشيطان اركض والزمهم لوحدي كلها تركض بل حديقه و تصيح كل ما الزم واحد اودي يم الحارس 😁
جاي اركض ما احس اله نصدمت بشخص تأذيت حيييل بحيث ردت اوكع بل كاع بس لزمني
رفعت راسي واشوف مهند ضجت من شوفته و هو لازمني بين اديه وخرت من عنده وكل الجهال وكفوا لعب
يتفرجون هو صاح بيهم كلها دخلت ردت ادخل جرني حيل ورا الشجر بحيث محد يشوفنا
هنا تخبلت منه صرخت بعلوا حسي بسرعه لزم حلكي
ولج اسكتي شبيج الله فاضحج مدكليلي ولج والله احبج والله ليش متحسين ليش هيج كارهتني وتصديني تدرين شنو الي مانعني ما خاطبج اريدج انتي تتقبليني من ذاتج
شكد شفت بنات بل جامعه وكلهم جميلات وما ناقصهم شي بس كلبي ما هوى اله انتي
من اشوفج تمرين من كدامي متدرين كلبي شيصير بي ما جنج تمشين على الكاع لا ولله تمشين على كلبي وتدوسي برجلج ما تعرفين احساسي لمن تصديني وتضوجين مني انغث اتمنى ما احبج هيج والله عذبتيني ومرمرتيني
اغار عليج من الهوى يمكن اذا اكلج تضحكين عليه شايفه من تلعبين وي الجهال شكد اضوج ومن تشاقين ولد عمي واخواني اغااار و شتعل نار اله وياي تتضايقين وما اشوف وجه حلو منج
ليش هيييج وياي ها هذا حبي الج ما مبين ما حسيتي بي لج اعشقج الي تردي يتنفذ بس امريني والله روحي مطككه عليج انتضرج يوم يوم ساعه ساعه تصيرين بحضني ونومج على ايدي اليل كله اسهر افكر بيج
شكد ضايقني كلامج ذاك اليوم وكلت خلص اعوفج بحالج بس كل ما اشوفج انسى كلشي ضايقتيني بي بس اشوفج كلشي يتبخر شكد اقرر اتركج ما اجي لبيت جدي والتقيج بس ما اكدر والكه نفسي ادور اعذار حتى اجي
تدرين حتى حافظ كل الاوقات الي اطلعين بيها كل يوم ابقى مكابل الشباك واباوع شوكت اطلعين واشوف طولج

اشوفج تلعبين يوميه بل حديقه من تضحكين اضحك من كلبي على ضحكتج
ليييش كل هذا حبي الج وانتِ ما تعبريني وكل الي تحسي تجاهي هو كره وحقد شنو السويته الج حتى تكرهيني
شام : بقيت ساكته للحضه تأثرت بلي يحجي و حسيته روميو واني جوليت
هو لمن شافني ساكته توقع عجبني الحجي و قربه الي بسرعه تقرب مني وباس حلكي
انصدمت من حركته المفاجئ بسرعه دفعته وضربته راجدي
شام : العصبيه والانفعال بان على ملامحي واحجي بقهر وحركه

ابو البنات الصاقط شكد سفيه وسخيييف بسيططططه اني الك اذا ما اكول لبابه عليك واخلي يطيح حضك
عبالك ما ادري بيك ابو نسوان اني ليش اكرهك لان ساحل كرامتك بل كاااع واكثر شي اكره هم الي مثلك
لك انت لو صدك رجال و ابن ابوك ما تسوي سوايتك مثل الحيوان تتبع غريزته
شوووف لك تحلم تطول اظفري والله اخزيك وشهرك شهيره
سحلت نفسك سحل
ما عندك كرامه ولا رجوله اني اعرف الرجال اكثر شي يجرحه لمن يكلوله انت ما عندك رجوله ولا كرامه يحس على روحه ويولييي اله انت مدري شنو من ياااطينه
فهمني من يا طينه ماكو احساس ماكو كرامه عديم شرف ابو نسوان صاقط ادبسزززز
لك العار احسن منك حالك حال الديوث ناقص شرف حتى على عرضه تدنى روحه تففففففف علييييك يا عار الزلم
لك حرامات اكول عليك زلمه لان اهين الرجولة من اخليك من ضمنهم
لك اني تتوقع اسلم روحي لواحد مثلك ناقص شرف ورجوله يحصر بنت عمه ووو ...
سكتت
نوب ضفت لك شنو انت ما تفهمني والله والله تحلم بعد وحتى لو عبالك تكول ل بابا ويوافق اكله على كل حركاتك وياي يا ناقص يا ساقط الله لا يوفقك يا حقير شكد استحقرك واكرهك
هه ونوب يريد يزوج لك اني شام اسلم روحي ل امثالك واحد خسيس ما عنده شرف تقبلها على اختك فهمني تقبلها
اني احجي وهو يباوع عليه وعيونه حمر بس الله عماني على كد ما غثتني حركته سكتت لا شفته صار عصبي وباوع عليه وعيونه صارن حمر. من كد ما عصب
: لزمني من اكتافي وضاغط عليه بكل قوته
((بسيطه يا شام اذا ما اخليج تتمنين الموت وما تطوليه اني ناقص رجوله وشرف مو بسيييطه اني اعلمج اله اخليج تتوسلين بيه اخذج واسحل كرامتج بل قندره
ديوث مو اني اشوفج منو الديوث وشيسوي تدرين ليش خليتج تكملين كلامج اريد اشوف عقليتج شكد فارغه وتعبانه انتي فعلا مو مال احترام و حب
انتي ما واحد يكومج بقندره ويكعدج بقندره اذا ما اطيح حضج واخليج تعضين اصبعج ندم على كلامج
فلا اطلع مهند اذا ما اخليج تعرفين الزلم شلون وشتسوي ما راح احجي واضرب لا راح اعرفج ان الله حق
و ردي على كلامج راح يكون افعال مو كلام فارغ مثلج وهسه يله ولي ))
شام : كال هل كلام و دفعني حيل وكعت على وجهي و تأذيت بس هو ولا اهتم راح وعافني
دخلت جوه ركض لغرفتي واكو شخبصت بل كلام بس لا يذب تهمه عليه
لو يبليني بسالفه اخخخ منك يلسانه يله بس يستاهل والله وقابل شيسوي هياتني بغرفتي وبين اهلي وعين الله عليه
ما عرت للموضوع اي اهمية عادي اخذت الامور ببساطتها رجعت الطبيعتي و كلشي اسوي بس بره البيت ابد ما اطلع حتى الحديقه حرمتها من ذاك اليوم
مر ٥ اشهر واجه الدوام بلشت بل دوام بهمه و كل اموري تمام جنت سادس علمي ذبيت كل حيلي على دراستي و الموضوع كله نسيته واصلا بعد ما شفته غير مرتين بهل اشهر
فديوم اهلي نايمين وخابروهم بيت خالي ابنهم صغير ميت راحولهم هما جانوا بغير محافظه لان هم عافوا الموصل بسبب داعش و راحوا للبصرة يم عمامهم هناك واقاربهم ف اتاخروا يله وصلوا للنجف هناك التقوا بيهم
امي راحت وياهم للفاتحه وابوي رجع وكل يوم يروح ابد ما شفته طول ثلاث ايام اخير يوم من الفاتحه كعدت الصبح جانت جمعه و كلبي من اول ما كعدت مغيم وحزين كلشي ما الي خلك كلش متضايقه ومخنوكه
اريد الخنكه تفكني ماكو طلعت للحديقه افتريت ما ارتاحيت للضهر جدي كال نروح نعزيهم وناخذ بخاطرهم راح هو وبيبيتي و عمي ابو مهند ياخذهم
بقت مياسه و زوجها و اخواتي كلهم انتقلوا جوه يم امي وابوي لان سادس ويضوجني بس يتعاركن فـ ابوي كال خليهم جوه يمنا نور صارت بغرفت بيبي تنام و الصغار يم امي
اني صعدت من وكت انام لان تعبانه من الدوام والسهر والضغط مال القرايه
نمت بسرعه و فزيت على مهند نايم فوكاي و يريد يعتدي عليه شلون صار بغرفتي ما ادري ؟؟ شلون دخل للبيت ؟؟ بس كل هذا مو مهم ووو
ااااه صار الي صار يمكن غلطت بكلامي ويا بس جان عقابه الي قاسي اذاني بكل قوته توجعت جسديًا ونفسيًا
اتفنن بتعذيبي و اهانتي ما انسى الوجع والذل الي حسيت بي هه ويكول يحبني هذا حبه الي شوفن ليش ما اصدك بل حب واكره الزواج والرياجيل لهدا السبب
والله وقتها حسيت نفسي حالي حال العاهر كمل كلشي وتفل عليه وطلع شكد ما احجي ما اكدر اترجم احساسي ومعاناتي كلش اثر بيه الي صار

كلشي صار حجيته وهسه يله اريد انام اطلعن منا تعبت
( كل الي حجيته وهنه يصغن الي ب كل جوارحهم.. لمن وصلت لـ اعتدائه عليه دموعهن تنزل.. حجيت كلشي بل تفصيل ردت اخلص من هل جبل الي كاتم انفاسي بس الكلام ما خلصني اتعذبت بزياده .. رجعت الليلة السوده من حياتي تكررت بداخلي ..بس ما بجيت اقمت العزاء والنحيب بداخلي ما طلعت دموع ولا اي رد فعل صدر مني كل الي همني يطلعن مني اريد ارتاح )
ما اشوف ابد الي حجيته ويا وتجاوزي عليه ينطي الحق بفعلته .. هو واحد حيوان ما يعرف يتصرف .. قليل رجوله..كان كلامي دفاعا عن نفسي وعن شرفي يعني يتوقع اسكت واخاف لازم يتوقع ردت فعلي
هه يمكن متعود اي وحده يطلبها تكله لبيك هيت لك اما اني انصدم بيه وبردت فعلي وخوفي من ربي

هذي بس يستاهل كلامي ويا وبل اخير اني الي تضررت يجوز جان لازم من الاول ما اسكت واخبر امي او ابوي بس اااه بعد فات الأوان وكل الكلام ما ينفع بل عكس يزيد الطين بله

انه امر غريب ، اليس كذالك ؟
كيف يحترق قلبك ... و يحترق ... ويتحول فجأة إلى جليد ...

يتبع........

عمري اهواي اكو شركات زينة مثل سامسونك ؛LG؛ الحافظ

فحاليا احنا ماخذين سامسونك صارلها 10 سنين وكلش زينة وعبالك بعدها جديدة🌚🌺
اهم شي حفاظج عليه ولاتعبيها فوك الحد مامسموح وبطانيات ثكيلة افضل لاتغسلين بي حتى لايخرب

#ملوكه