.
تزاعلنا وتعدى اعلى الزعل مده
وندم وديتله بس كلشي ما وده
كلتلي اكتب عتب بلكي الضنون تنام
ومثل گلبي الرسايل ترجع مرمده
شلت روحي وصنم يم بابهم حطيت
الى ان ماي وجهي بعتبته تبده
ادك على الباب احس طلاكته الها لسان
تكلي صويحبك باب الصلح سده
نساك وما بعد يذكر شكد حطيت
بوسات اعلى ايده ومنحره وخده
ونسى كل فوضويتك واللعب ويا
لمن حومريت من الكرص زنده
.
.
.
.
#شعراء_وذاوقين_الشعر_الشعبي
#عدنان_البركي
#ابو_تراب

.
انا همومي جهال وترضع دموع
اكضي الليل الولي وما يهيدون
اغفي بهذا يكعد ذاك ويلوع
ويفزون اعلى صوته وما ينامون
الكبر منهم فطمته وياكل ضلوع
شسوي شلون لو كلهم يكبرون
جنح بية انكسر والثاني مخلوع
وطرت كوة على عناد اليكرهون
بس اسمك نهر والماي مكطوع
وانا اعلى الجرف الهث بالعيون
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
انا كتلك مو حزن لكن حزين
مثل ما تنكطع جوة المطر شدة ياسمين
انا كتلك مو حزن لكن حزين
مثل صندوق العرس ينباع خردة عشك من تمضي السنين
وانا كتلك مو حزن لكن حزين
مثل بلبل كعد متأخر لكى البستان كله بلايا تين
يا حزن ياريت اعرفك
جنت اسويلك حديقة ياسمين
وممشى من كاشي الفرح جدام بيتك
يا حزن ياريت اعرفك وين تسكن
جنت اكلك لا تجيني وتمشي كل هاي المسافة
انا وحدي جان اجيتك
يا حزن وحياة حزنك ما عرفتك
جنك مغير مشيتك
حاط ريحة رخيصة كلش
يا رخيص شكد بجيتك
.
.
.
.
#شعراء_وذاوقين_الشعر_الشعبي
#مظفر_النواب
#ابو_تراب

• .
على حبك مالي رجعة
ضاعت الفرصة من أديك
ولو شفت بعيوني دمعة لا تضن ابچي عليك
وسفة يمضيع سنيني
تبيعني وما تشتريني
وهذا أخر ما اكلك لا تجيني ولا اجيك
على حبك مالي رجعة لا تحاول وانسى دوم
بعد مالك عندي خاطر بعد ما احمل هموم
لا تخلي الذنب بية
ولا تحملني أذية
انت جبت النار ب أيدك وانت بيها حركت أديك
على حبك مالي رجعة ضاعت الفرصة من أديك
.
.
.
.
#شعراء_وذاوقين_الشعر_الشعبي
#عادل_محسن
#ابو_تراب

.
بماي حسنك خل يذوبني الخدر والروح تصعد
بوسني لكطع النفس حتى من اموتن بيك اشهد
يا زغير الحلگ يا المن زغره جن من يحجي ينسد
يا ابو صوت الدافي والكذلة الحرير ورصعة الخد
عودتني عليك والمحروم مو مثل المعود
عودتني عليك شيصبر ابن ادم لو تعود
اه يا لون الشعر وي لون وجهك احلى مشهد
السواد يحلي الابيض والبياض يحلي الاسود
عيني يا الطولك حرير الشام بالسوك يتفرهد
عيني يا الزندك وسادة ريش هنيالة التوسد
عيني يا مكحل من الله بغير كحلة بغير مرود
لا تغطي عيونك بجف الخجل لا عيني ترمد
من تفك عيونك ادفى ومن تغمض عيونك ابرد
يا غزل كاشان كل عام اليمر لونه يتجدد
من جنوني بيك اغار بلا سبب واشتعل موكد
.
.
.
.
#شعراء_وذاوقين_الشعر_الشعبي
#عبدالكريم_القصاب
#ابو_تراب

.
من كلشي اخذ درس ما اخاف من شده
ما دام احس بالالم واصرخ اذن ما متت
يعني الالم بعده
گلي الجرح ما تبت ؟ لا تسكت اعلى الغلط
حط طينته بخده
جا قدسينة الورد
كون بكفاه ينجلد كلمن كطع ورده
من جرحي بية شبه ومن طبعي بي جم طبع
يعيش اعلى لچمة عمر ويموت اذا اشده
.
.
.
.
#شعراء_وذاوقين_الشعر_الشعبي
#صباح_الهلالي
#ابو_تراب

.
اليحبني ومستحي شلي بهواه
كافي مستكفي وعلي شبعان الم
كون اليحبني مثل دوله وشعار
نعلن استقلالنه ونرفع علم
اليستحي امن الحب نقص روحيه بيه
تالي عمره يكابل مراية ندم
احنه واحدنه قلم والحب مداد
بلامداد منيله كشخه القلم
.
.
.
.
#شعراء_وذاوقين_الشعر_الشعبي
#عدنان_البركي
#ابو_تراب

.
الروحه بعيد عنه شلون يرتاح ؟
بلايا وداع غرب والدمع طاح
من سافر بلا وداع
كاع تذبني يم كاع
نسمة بنص عواصف عافني وراح
ما همني بحياتي الراحت تضيع
انا الكاتلني راح بغير توديع
انتهت ما بعد اشوفه
عود تمر طيوفه !
صعد نجمة بسمانه شلون ينلاح ؟
الروحه بعيد عنه شلون يرتاح
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

• .
صار هواي ما باچي عليكم
وانا الما بطلت تفكير بيكم
ما اعرف شنو البعيوني مسدود
اشو كل الالوان تشوفهن سود
الجرعة الزايدة من الفركة تأذيك
وتبچي الطبيب الي يداويك
تأكدت الاغصان تشيل تابوت
من شفت الورود تموت بسكوت
معقولة الكلام يصير بي ماي ؟
اذبل ليش من يشح حجيكم ؟
وانا الما بطلت تفكير بيكم
الشعر من ينكتب من دم الاقلام
تسمع بي نبض لو مر الف عام
.
.
.
.
#شعراء_وذاوقين_الشعر_الشعبي
#ميثم_فالح
#ابو_تراب

.
بالنعش متعمدين غربوا غفله
بالكبر ما يدرون يلكوني كبله

كون انت دوم وياي صدكني ما اموت
يتحاشى حتى الموت من يمك يفوت
.
.
.
.
#شعراء_وذاوقين_الشعر_الشعبي
#صادق_الرفاعي
#ابو_تراب

.
ضيعتني بغيمتك
وآنه على حالي اهلال ديره
وانطفيت الخاطرك .. كت للنفس .. بلجت علينه
اتجيبه غيره
وذوبتلك حتى اصابيع العرايس
وآنه هاجس ...
امشي واضحك للضحك .. وعيوني
بعيون اليضدونك تجابس
بس احسنهم يكولون ابكلبهم
(( ضيعك ))
واسيتهم بيه .. وجرت منك دمعتي
وماشفتني
وماكلتلك
ضيعتني ....!
ومدري ليش الليل مو ليلي
ولا دنياي دنيه
ولا على جفوفي انلظم خيط الثلج
والعين
عميه
وكلت لا ينهظم راعي الروح
لو بينت وسط الروح ثنيه
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
خليتني بنص السوالف شمع
كلما خطف طيف البواجي انعلك
ردلي السواجي تريد ماي النهر
ردلي العطش ما خله وشله خلك
سولفلي عنك وين جدمك مشى
الضلت وراك بيا حضن تنشبك
ويا ليل نيمته اعلى صدرك بعد
ما جان شعري وجفك آية وصدك

.
.
.
.
#شعراء_وذاوقين_الشعر_الشعبي
#صابرين_الكعبي
#ابو_تراب

.
شككت الصور بس ضلت ابالي
خفت لا دمعي يمحي رسوم كتالي
ورجعت بحسرة الصياد من صيد وسهم خالي
انت القربتني عليك وثكل وجهك وسدت الباب من تالي
ويا رخص الثكل لو صار من تالي
ولا حسبالك بكل ديرة الك شراي
ترى تراب الوطن بس بالوطن غالي
وانا مثل الذهب ما ابور اغلى وارخص وانباع
لكن ما وصلت المحد بحالي
وكتلي مكانك بگلبي وحلى بعينك شخص ثاني
نزف مشيول صب دمعي اعلى قمصاني
ولا تهتم ورد سندان اني تعودت يتغير مچاني
شريد اعتب على البايعني ؟ اذا الشراي بچاني
.
.
.
.
#شعراء_وذواقين_الشعر_الشعبي
#عمار_سالم
#ابو_تراب

.
حبيتك كبل من شحوا الحبوك !
ومن كثرت احبابك نستك خلك ؟
تصعد للنجم مو بس ردتلك هاي
ردت انا النجم للكاع ينزلك
شح مايك علية وانت تعرفني شلون ؟
لو اموتن عطش عطشان ما اكلك
يا الما ميزت بين الورد والشوك
ما مجبور اجيبن ورد واشتلك
جفوف الزمتك لازم تحلك يوم
وهم ترجع والزمك وابد ما احلك !
شديتك نذر خيط بضريح امام
ما عندي بخت يرجعلك يفلك
.
.
.
.
#شعراء_وذاوقين_الشعر_الشعبي
#ناظم_الحاشي
#ابو_تراب

.
اغفى واسد عيوني عن كل حلم
كل طيف مابي صورتك ينطرد
كون بحطب نمرود واتذكرك
اكعد وافزن ميت من البرد
يعرض زلال عيونك بصفنتي
كل ما شفت كطرة ندى اعلى الورد
اشبكني حيل ارد اكبر بعصرتك
غيرك بريشة يجيسني وانمرد
غيرك عزفني ونشز وسولفت
الله اكولن غرد المنفرد
شايف خدودك من يمرهن خجل
تطاير نجوم السما من الجلد
.
.
.
.
#شعراء_وذاوقين_الشعر_الشعبي
#نهاد_الخيكاني
#ابو_تراب

• • .
ما مجبور احب انسان
هو بعمره ما حبني
وما مجبور اضل اشتاك
كلما لحظة فاركني
ليش انا افكر بي
وهو بية ما فكر
وكلما حاولت انساه
اعرف روحي ما اكدر
وادورله عذر ضليت
واكل لروحي يتندم
اليسحك على الورد معذور
اذا ما يدري بي ينشم
.
.
.
.
#شعراء_وذاوقين_الشعر_الشعبي
#جبار_المياحي
#ابو_تراب

.
احلى ام بالدنيا امي قهرت سنين العمر
والورد لو خلص عطرة منها ياخذلة عطر
والله تستاهل الجنة
امي اسطورة محنة
حضن امي وطن وجفوفه حدود
واذا يسمع دمعها الغايب يعود
امي كبل الفجر تصحى
تخدر وي الجاي فرحه
تفتح الشباج وتكعد الفجر
احلى ام بالدنيا امي قهرت سنين العمر
.
.
.
.
#شعراء_وذواقين_الشعر_الشعبي
#حمزة_الحلفي
#ابو_تراب

.
اطالع صورتك بالبيت
ذكرت فراكك وحنيت
اشوف الصورة وابجيلك
واسولفلك واغنيلك
وحق فراكك انذليت
اخلص الليل بالكوة
ويلي فراكك شسوى
ذكرتك وانهدم حيلي
صفكت ايدي وصحت ويلي
اموت اليوم اذا ما اجيت
وحق فراكك انذليت
.
.
.
.
#شعراء_وذواقين_الشعر_الشعبي
#لبيد_هاني
#ابو_تراب

.
زعلان منه لخاطره ولخاطرة ما سامحت
مر اعلى بالي ودنكت لا اشرتله ولا صحت
زعلان منه ومن نمت
من الشوك ميت صبحت
عيونه واحلامه وصفنته ولهفته ودن علية وما رحت
ووصيت روحي اياج تنطي وجه لمن يجي
ان صالحج ما صالحج
اعصابي سواهن حبل
ويتمرجح بواهس طفل
وما جنت اخلي بخاطرة وما كتله ياما تمرجحت
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

.
لا تطش الكاع يالمايك شحيح
اسأل مجرب اذا ما جربت
مدري ياهو الحاطها اباله يجيك
يريد حنطة وهو باذرها شعير
بليل طلعلي الشمس وانا اعتنيك
الماي روبه وعود البالك يصير
ليش تحرك دمك وتفرك ب أديك
شهالتكبر ؟ على كيفك يا الحرير
الماي يصعد للسما وتالي يطيح
الصوج بية واعترف اي قصرت
حلفوني بعيني ما كلت الصحيح
وحلفوني بعينك وما جذبت
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب